Mahabharata — Volume I (Dutt edition) — Chapter 31
MBh 1 31.1
शौनक उवाच कोऽपराधो महेन्द्रस्य कः प्रमादश्च सूतज। तपसा वालखिल्यानां संभूतो गरुडः कथम्॥
śaunaka uvāca ko'parādho mahendrasya kaḥ pramādaśca sūtaja| tapasā vālakhilyānāṃ saṃbhūto garuḍaḥ katham||
Shaunaka said: O son of Suta, what was the fault of Indra and what was his carelessness? How was Garuda born owing to the penances of the Valakhilyas?
— tr. M.N. Dutt (1891–96) (public domain)
MBh 1 31.2
कश्यपस्य द्विजातेश्च कथं वै पक्षिराट् सुतः। अधृष्यः सर्वभूतानामवध्यश्चाभवत्कथम्॥
kaśyapasya dvijāteśca kathaṃ vai pakṣirāṭ sutaḥ| adhṛṣyaḥ sarvabhūtānāmavadhyaścābhavatkatham||
Why had Kashyapa, a Brahmana, the king of the birds for his son? Why was he invincible of all creatures and indestructible of all?
— tr. M.N. Dutt (1891–96) (public domain)
MBh 1 31.3
कथं च कामचारी स कामवीर्यश्च खेचरः। एतदिच्छाम्यहं श्रोतुं पुराणे यदि पठ्यते॥
kathaṃ ca kāmacārī sa kāmavīryaśca khecaraḥ| etadicchāmyahaṃ śrotuṃ purāṇe yadi paṭhyate||
Why was that bird capable of going every where and mastering any misuse of strength at will? I am willing to hear all this, if they are narrated in the Puranas.
— tr. M.N. Dutt (1891–96) (public domain)
MBh 1 31.4
सौतिरुवाच विषयोऽयं पुराणस्य यन्मां त्वं परिपृच्छसि। शृणु मे वदतः सर्वमेतत्संक्षेपतो द्विजः॥
sautiruvāca viṣayo'yaṃ purāṇasya yanmāṃ tvaṃ paripṛcchasi| śṛṇu me vadataḥ sarvametatsaṃkṣepato dvijaḥ||
Sauti said: What you ask me is narrated in the Puranas. O Brahmana, listen to them. I shall briefly narrated them all.
— tr. M.N. Dutt (1891–96) (public domain)
MBh 1 31.5
यजतः पुत्रकामस्य कश्यपस्य प्रजापतेः। साहाय्यमृषयो देवा गन्धर्वाश्च ददुः किल॥
yajataḥ putrakāmasya kaśyapasya prajāpateḥ| sāhāyyamṛṣayo devā gandharvāśca daduḥ kila||
When Prajapati Kashyapa from the desire of begetting offspring was engaged in a sacrifice, the Rishis, the Devas and the Gandharvas all gave him help.
— tr. M.N. Dutt (1891–96) (public domain)
MBh 1 31.6
तत्रेध्मानयने शक्रो नियुक्तः कश्यपेन ह। मुनयो बालखिल्याश्च ये चान्ये देवतागणाः॥
tatredhmānayane śakro niyuktaḥ kaśyapena ha| munayo bālakhilyāśca ye cānye devatāgaṇāḥ||
Indra with Valakhilya Rishis and other celestial were appointed by Kashyapa to bring fuel for the sacrifice.
— tr. M.N. Dutt (1891–96) (public domain)
MBh 1 31.7
शक्रस्तु वीर्यसदृशमिध्मभारं गिरिप्रभम्। समुद्यम्यानयामास नातिकृच्छादिव प्रभुः॥
śakrastu vīryasadṛśamidhmabhāraṃ giriprabham| samudyamyānayāmāsa nātikṛcchādiva prabhuḥ||
And Lord Indra, taking up according to his great strength a weight which was mountainlike, brought it without any fatigue.
— tr. M.N. Dutt (1891–96) (public domain)
MBh 1 31.8
अथापश्यदृषीन्ह्रस्वानङ्गुष्ठोदरवर्मणः। पलाशवर्तिकामेकां वहतः संहतान्पथि॥
athāpaśyadṛṣīnhrasvānaṅguṣṭhodaravarmaṇaḥ| palāśavartikāmekāṃ vahataḥ saṃhatānpathi||
He saw on the way some Rishis, as small in size as the thumb, carrying together one single stalk of Palasa leaf.
— tr. M.N. Dutt (1891–96) (public domain)
MBh 1 31.9
प्रलीनान्स्वेष्विवाङ्गेषु निराहारांस्तपोधनान्। क्लिश्यमानान्मन्दबलान्गोष्पदे संप्लुतोदके॥
pralīnānsveṣvivāṅgeṣu nirāhārāṃstapodhanān| kliśyamānānmandabalāngoṣpade saṃplutodake||
They were exceedingly lean for want of food and they were much distressed when they fell into an indentation in the road caused by the hoop of a cow.
— tr. M.N. Dutt (1891–96) (public domain)
MBh 1 31.10
तान्सर्वान्विस्मयाविष्टो वीर्योन्मत्तः पुरन्दरः। अवहस्याभ्यगाच्छीघ्रं लम्बयित्वावमन्य च॥
tānsarvānvismayāviṣṭo vīryonmattaḥ purandaraḥ| avahasyābhyagācchīghraṃ lambayitvāvamanya ca||
Purandara (Indra), madly proud of his strength, saw them with surprise and laughing at them in derision, passed them, crossing over their heads and thus grossly insulting them.
— tr. M.N. Dutt (1891–96) (public domain)
MBh 1 31.11
तेऽथ रोषसमाविष्टाः सुभृशं जातमन्यवः। आरेभिरे महत्कर्म तदा शक्रभयंकरम्॥
te'tha roṣasamāviṣṭāḥ subhṛśaṃ jātamanyavaḥ| ārebhire mahatkarma tadā śakrabhayaṃkaram||
On this the Rishis became exceedingly angry and were filled with sorrow. They began a great act which was a terror to Indra.
— tr. M.N. Dutt (1891–96) (public domain)
MBh 1 31.12
जुहुवुस्ते सुतपसो विधिवज्जातवेदसम्। मन्त्रैरुच्चावचैर्विप्रा येन कामेन तच्छृणु॥
juhuvuste sutapaso vidhivajjātavedasam| mantrairuccāvacairviprā yena kāmena tacchṛṇu||
Hear, Sir, desiring what these excellent Rishi's poured ghee in the sacrificial fire loudly reciting Mantras, saying,
— tr. M.N. Dutt (1891–96) (public domain)
MBh 1 31.13
कामवीर्यः कामगमो देवराजभयप्रदः। इन्द्रोऽन्यः सर्वदेवानां भवेदिति यतव्रताः॥
kāmavīryaḥ kāmagamo devarājabhayapradaḥ| indro'nyaḥ sarvadevānāṃ bhavediti yatavratāḥ||
“There will be another Indra of all the celestials, capable of going everywhere at will mustering any measure of strength at will and imparting fear to the present Indra.
— tr. M.N. Dutt (1891–96) (public domain)
MBh 1 31.14
इन्द्राच्छतगुणः शौर्ये वीर्ये चैव मनोजवः। तपसो नः फलेनाद्य दारुणः संभवत्विति॥
indrācchataguṇaḥ śaurye vīrye caiva manojavaḥ| tapaso naḥ phalenādya dāruṇaḥ saṃbhavatviti||
By the fruit of our penances, let there be born a hero, who is hundred times stronger and valorous than Indra, fleet as the mind and frightful to present Indra."
— tr. M.N. Dutt (1891–96) (public domain)
MBh 1 31.15
तबुध्वा भृशसंतप्तो देवराज: शतक्रतुः। जगाम शरणं तत्र कश्यपं संशितव्रतम्॥
tabudhvā bhṛśasaṃtapto devarāja: śatakratuḥ| jagāma śaraṇaṃ tatra kaśyapaṃ saṃśitavratam||
The Lord of the celestials Shatakratu, becoming very much alarmed, went to ask the protection of the great ascetic, the selfcontrolled Rishi Kashyapa.
— tr. M.N. Dutt (1891–96) (public domain)
MBh 1 31.16
तच्छ्रुत्वा देवराजस्य कश्यपोऽथ प्रजापतिः। वालखिल्यानुपागम्य कर्मसिद्धिमपृच्छत॥
tacchrutvā devarājasya kaśyapo'tha prajāpatiḥ| vālakhilyānupāgamya karmasiddhimapṛcchata||
Prajapati Kashyapa, having heard every thing from Indra, went to the Valakhilyas and asked whether their act had been successful.
— tr. M.N. Dutt (1891–96) (public domain)
MBh 1 31.17
एवमस्त्विति तं चापि प्रत्यूचुः सत्यवादिनः। तान्कश्यप उवाचेदं सान्त्वपूर्वं प्रजापतिः॥
evamastviti taṃ cāpi pratyūcuḥ satyavādinaḥ| tānkaśyapa uvācedaṃ sāntvapūrvaṃ prajāpatiḥ||
Thus addressed, those truthful Rishis said, “Yes, it is done.” Then Prajapati Kashyapa pacified them and said,
— tr. M.N. Dutt (1891–96) (public domain)
MBh 1 31.18
अयमिन्द्रस्त्रिभुवने नियोगाद्ब्रह्मणः कृतः। इन्द्रार्थे च भवन्तोऽपि यत्नवन्तस्तपोधनाः॥
ayamindrastribhuvane niyogādbrahmaṇaḥ kṛtaḥ| indrārthe ca bhavanto'pi yatnavantastapodhanāḥ||
“The present Indra has been appointed the lord of the three worlds by Brahma. O Rishis you are also trying to create another Indra.
— tr. M.N. Dutt (1891–96) (public domain)
MBh 1 31.19
न मिथ्या ब्रह्मणो वाक्यं कर्तुमर्हथ सत्तमाः। भवतां हि न मिथ्याऽयं संकल्पो वै चिकीर्षितः॥
na mithyā brahmaṇo vākyaṃ kartumarhatha sattamāḥ| bhavatāṃ hi na mithyā'yaṃ saṃkalpo vai cikīrṣitaḥ||
O excellent men, you should not make the words of Brahma untrue and I too do not wish to make your desire futile.
— tr. M.N. Dutt (1891–96) (public domain)
MBh 1 31.20
भवत्वेष पतत्त्रीणामिंद्रोऽतिबलसत्त्ववान्। प्रसादः क्रियतामस्य देवराजस्य याचतः॥
bhavatveṣa patattrīṇāmiṃdro'tibalasattvavān| prasādaḥ kriyatāmasya devarājasya yācataḥ||
Let there be an Indra of the winged creatures, endued with great strength. Be gracious to Indra who is suppliant to you."
— tr. M.N. Dutt (1891–96) (public domain)
MBh 1 31.21
एवमुक्ताः कश्यपेन वालखिल्यास्तपोधनाः। प्रत्यूचुरभिसंपूज्य मुनिश्रेष्ठं प्रजापतिम्॥
evamuktāḥ kaśyapena vālakhilyāstapodhanāḥ| pratyūcurabhisaṃpūjya muniśreṣṭhaṃ prajāpatim||
Having been thus addressed by Kashyapa, the Valakhilya Rishis saluted the great Prajapati and spoke thus,
— tr. M.N. Dutt (1891–96) (public domain)
MBh 1 31.22
वालखिल्या ऊचुः इन्द्रार्थोऽयं समारम्भः सर्वेषां नः प्रजापते। अपत्यार्थं समारम्भो भवतश्चायमीप्सितः॥
vālakhilyā ūcuḥ indrārtho'yaṃ samārambhaḥ sarveṣāṃ naḥ prajāpate| apatyārthaṃ samārambho bhavataścāyamīpsitaḥ||
The Valakhilyas said : O Prajapati, our this action (penance) is for creating an Indra. It is also meant for a son being born to you.
— tr. M.N. Dutt (1891–96) (public domain)
MBh 1 31.23
तदिदं सफलं कर्म त्वयैव प्रतिगृह्यताम्। तथा चैवं विधत्स्वात्र यथा श्रेयोऽनुपश्यसि॥
tadidaṃ saphalaṃ karma tvayaiva pratigṛhyatām| tathā caivaṃ vidhatsvātra yathā śreyo'nupaśyasi||
Let this successful act be accepted by you; and in this matter, do whatsoever you think good and proper.
— tr. M.N. Dutt (1891–96) (public domain)
MBh 1 31.24
सौतिरुवाच एतस्मिन्नेव काले तु देवी दाक्षायणी शुभा। विनता नाम कल्याणी पुत्रकामा यशस्विनी॥ तपस्तप्त्वा व्रतपरा स्नाता पुंसवने शुचिः। उपचक्राम भर्तारं तामुवाचाथ कश्यपः॥
sautiruvāca etasminneva kāle tu devī dākṣāyaṇī śubhā| vinatā nāma kalyāṇī putrakāmā yaśasvinī|| tapastaptvā vrataparā snātā puṃsavane śuciḥ| upacakrāma bhartāraṃ tāmuvācātha kaśyapaḥ||
Sauti said: At this time, the good and illustrious daughter of Daksha, named Vinata, being desirous of having an offspring an having purified herself by bathing after her season of impurity, came to her husband and Kashyapa spoke to her thus.
— tr. M.N. Dutt (1891–96) (public domain)
MBh 1 31.25
आरम्भः सफलो देवि भविता यस्त्वयेप्सितः। जनयिष्यसि पुत्रौ द्वौ वीरौ त्रिभुवनेश्वरौ॥
ārambhaḥ saphalo devi bhavitā yastvayepsitaḥ| janayiṣyasi putrau dvau vīrau tribhuvaneśvarau||
“O Lady, the sacrifice, commenced by me, has borne fruit. What you have desired to get, you will get. Two heroic sons will be born in you who will be the lords of the three worlds.
— tr. M.N. Dutt (1891–96) (public domain)
MBh 1 31.26
तपसा वालखिल्यानां मम संकल्पजौ तथा। भविष्यतो महाभागौ पुत्रौ त्रैलोक्यपूजितौ॥
tapasā vālakhilyānāṃ mama saṃkalpajau tathā| bhaviṣyato mahābhāgau putrau trailokyapūjitau||
Owing to the penances of the Valakhilyas and by virtue of the desire with which I had began my sacrifice, those sons will be of exceeding good fortune and they will be worshipped by the three worlds.
— tr. M.N. Dutt (1891–96) (public domain)
MBh 1 31.27
उवाच चैनां भगवान्कश्यपः पुनरेव ह। धार्यतामप्रमादेन गर्भोऽयं सुमहोदयः॥
uvāca caināṃ bhagavānkaśyapaḥ punareva ha| dhāryatāmapramādena garbho'yaṃ sumahodayaḥ||
The illustrious Kashyapa again spoke to her, "Carefully bear these auspicious seeds.
— tr. M.N. Dutt (1891–96) (public domain)
MBh 1 31.28
एतौ सर्वपतत्त्रीणमिन्द्रत्वं कारयिष्यतः। लोकसंभावितौ वीरौ कामरूपौ विहंगमौ॥
etau sarvapatattrīṇamindratvaṃ kārayiṣyataḥ| lokasaṃbhāvitau vīrau kāmarūpau vihaṃgamau||
These two will be the lords of all the winged creatures. They will be birds, capable of assuming any form at will and they will be great heroes, respected by all the worlds."
— tr. M.N. Dutt (1891–96) (public domain)
MBh 1 31.29
शतक्रतुमथोवाच प्रीयमाणः प्रजापतिः। त्वत्सहायौ महावीर्यो भ्रातरौ ते भविष्यतः॥
śatakratumathovāca prīyamāṇaḥ prajāpatiḥ| tvatsahāyau mahāvīryo bhrātarau te bhaviṣyataḥ||
The Prajapati then addressed Indra thus, "You will have two brothers of great power and strength, who will be your helps.
— tr. M.N. Dutt (1891–96) (public domain)
MBh 1 31.30
नैताभ्यां भविता दोषः सकाशात्ते पुरंदर। व्येतु ते शक्र संतापस्त्वमेवेन्द्रो भविष्यसि॥
naitābhyāṃ bhavitā doṣaḥ sakāśātte puraṃdara| vyetu te śakra saṃtāpastvamevendro bhaviṣyasi||
O Purandara, by them will no injury be done to you. Let your sorrow cease. O Indra, you will remain as the only one Indra in the world.
— tr. M.N. Dutt (1891–96) (public domain)
MBh 1 31.31
न चाप्येवं त्वया भूयः क्षेप्तव्या ब्रह्मवादिनः। न चावमान्या दोत्ते वाग्वज्रा भृशकोपनाः॥
na cāpyevaṃ tvayā bhūyaḥ kṣeptavyā brahmavādinaḥ| na cāvamānyā dotte vāgvajrā bhṛśakopanāḥ||
But let not the utterers of Brahma, Brahmanas be ever slighted by you. Let not those, whose words are like the thunderbolt, be again insulted by you."
— tr. M.N. Dutt (1891–96) (public domain)
MBh 1 31.32
एवमुक्तो जगामेन्द्रो निर्विशङ्कस्त्रिविष्टपम्। विनता चापि सिद्धार्था बभूव मुदिता तथा॥
evamukto jagāmendro nirviśaṅkastriviṣṭapam| vinatā cāpi siddhārthā babhūva muditā tathā||
Having been thus addressed Indra, his fear being dispelled, went to heaven; and Vinata was much pleased, because her desire was accomplished.
— tr. M.N. Dutt (1891–96) (public domain)
MBh 1 31.33
जनयामास पुत्रौ द्वावरुणं गरुडं तथा। विकलाङ्गोरुणस्तत्र भास्करस्य पुरस्सरः॥
janayāmāsa putrau dvāvaruṇaṃ garuḍaṃ tathā| vikalāṅgoruṇastatra bhāskarasya purassaraḥ||
She gave birth to two sons, Aruna and Garuda and the undeveloped-bodied Aruna became the fore-runner (charioteer) of the sun.
— tr. M.N. Dutt (1891–96) (public domain)
MBh 1 31.34
पतत्त्रीणां च गरुडमिन्द्रत्वेनाभ्यषिञ्चत। तस्यैतत्कर्म सुमहच्छ्रयतां भृगुनन्दन॥
patattrīṇāṃ ca garuḍamindratvenābhyaṣiñcata| tasyaitatkarma sumahacchrayatāṃ bhṛgunandana||
Garuda became the king of the birds. O descendent of Bhrigu, listen to his great deeds.
— tr. M.N. Dutt (1891–96) (public domain)