Mahabharata — Volume I (Dutt edition) — Chapter 308
MBh 1 308.1
जनमेजय उवाच अनुज्ञातांस्तान् विदित्वा सरत्नधनसंचयान्। पाण्डवान् धार्तराष्ट्राणां कथमासीन्मनस्तदा॥
janamejaya uvāca anujñātāṃstān viditvā saratnadhanasaṃcayān| pāṇḍavān dhārtarāṣṭrāṇāṃ kathamāsīnmanastadā||
Janamejaya said How did the sons of Dhritarashtra feel when they came to know that the Pandavas had with Dhritarashtra's permission left Hastinapur with all their wealth and jewels?
— tr. M.N. Dutt (1891–96) (public domain)
MBh 1 308.2
वैशम्पायन उवाच अनुज्ञातांस्तान् विदित्वा धृतराष्ट्रेण धीमता। राजन् दुःशासनः क्षिप्रं जगाम भ्रातरं प्रति॥
vaiśampāyana uvāca anujñātāṃstān viditvā dhṛtarāṣṭreṇa dhīmatā| rājan duḥśāsanaḥ kṣipraṃ jagāma bhrātaraṃ prati||
Vaishampayana said O king, having learnt that the Pandavas had been commanded by the wise Dhritarashtra to return to their capital Dushasana soon went to his brother.
— tr. M.N. Dutt (1891–96) (public domain)
MBh 1 308.3
दुर्योधनं समासाद्य सामात्यं भरतर्षभ। दुःखार्तो भरतश्रेष्ठमिदं वचनमब्रवीत्॥
duryodhanaṃ samāsādya sāmātyaṃ bharatarṣabha| duḥkhārto bharataśreṣṭhamidaṃ vacanamabravīt||
O best of the Bharata race, having come before Duryodhana (sitting) with his counsellors he spoke thus in a sorrowful heart.
— tr. M.N. Dutt (1891–96) (public domain)
MBh 1 308.4
दुःशासन उवाच दुःखेनैतत् समानीतं स्थविरो नाशयत्यसौ। शत्रुसाद् गमयद् द्रव्यं तद् बुध्यध्वं महारथाः॥
duḥśāsana uvāca duḥkhenaitat samānītaṃ sthaviro nāśayatyasau| śatrusād gamayad dravyaṃ tad budhyadhvaṃ mahārathāḥ||
Dushasana said O great car-warrior, the old man has thrown away, what we earned with so much trouble. Know that he had made over the whole of that wealth to our enemies.
— tr. M.N. Dutt (1891–96) (public domain)
MBh 1 308.5
अथ दुर्योधनः कर्णः शकुनिश्चापि सौबलः। मिथः संगम्य सहिताः पाण्डवान् प्रति मानिनः॥ वैचित्रवीर्यं राजानं धृतराष्ट्र मनीषिणम्। अभिगम्य त्वरायुक्ताः श्लक्ष्णं वचनमब्रुवन्॥
atha duryodhanaḥ karṇaḥ śakuniścāpi saubalaḥ| mithaḥ saṃgamya sahitāḥ pāṇḍavān prati māninaḥ|| vaicitravīryaṃ rājānaṃ dhṛtarāṣṭra manīṣiṇam| abhigamya tvarāyuktāḥ ślakṣṇaṃ vacanamabruvan||
Vaishampayana said Thereupon, Duryodhana, and Karna, all exceedingly proud and vain-being united together and wishing to counteract the Pandavas went in haste and saw the king Dhritarashtra, the son of Vichitravirya. They spoke to him these smooth and artful words.
— tr. M.N. Dutt (1891–96) (public domain)
MBh 1 308.6
दुर्योधन उवाच न त्वयेदं श्रुतं राजन् यज्जगाद् बृहस्पतिः। शक्रस्य नीतिं प्रवदन् विद्वान् देवपुरोहितः॥
duryodhana uvāca na tvayedaṃ śrutaṃ rājan yajjagād bṛhaspatiḥ| śakrasya nītiṃ pravadan vidvān devapurohitaḥ||
Duryodhana said O king, have you not heard what the learned Brihaspati, the preceptor of the celestial, said on morals and politics when advising Shakra (Indra).
— tr. M.N. Dutt (1891–96) (public domain)
MBh 1 308.7
सर्वोपायैर्निहन्तव्याः शत्रवः शत्रुसूदन। पुरा युद्धाद् बलाद् वापि प्रकुर्वन्ति तवाहितम्॥
sarvopāyairnihantavyāḥ śatravaḥ śatrusūdana| purā yuddhād balād vāpi prakurvanti tavāhitam||
O chastiser of foes, (he said), “Those enemies who always harm by force or stratagem should be destroyed by every means".
— tr. M.N. Dutt (1891–96) (public domain)
MBh 1 308.8
ते वयं पाण्डवधनैः सर्वान् सम्पूज्य पार्थिवान्। यदि तान् योधयिष्यामः किं वै नः परिहास्यति॥
te vayaṃ pāṇḍavadhanaiḥ sarvān sampūjya pārthivān| yadi tān yodhayiṣyāmaḥ kiṃ vai naḥ parihāsyati||
If we gratify with the wealth of his Pandavas, the kings of the world and then fight with the sons of Pandu, what reverse can overtake us?
— tr. M.N. Dutt (1891–96) (public domain)
MBh 1 308.9
अहीनाशीविषान् क्रुद्धान् नाशाय समुपस्थितान्। कृत्वा कण्द्दे च पृष्ठे च कः समुत्स्रष्टुमर्हति॥
ahīnāśīviṣān kruddhān nāśāya samupasthitān| kṛtvā kaṇdde ca pṛṣṭhe ca kaḥ samutsraṣṭumarhati||
When one places on his neck and back angry snakes full of venom, which has come to bring about his destruction, is it possible for him to take them off?
— tr. M.N. Dutt (1891–96) (public domain)
MBh 1 308.10
आत्तशस्त्रा रथगताः कुपितास्तात पाण्डवाः। निःशेषं वः करिष्यन्ति क्रुद्धा ह्याशीविषा इव॥
āttaśastrā rathagatāḥ kupitāstāta pāṇḍavāḥ| niḥśeṣaṃ vaḥ kariṣyanti kruddhā hyāśīviṣā iva||
O father, equipped with weapons and seated on cars, the Pandavas will annihilate us like angry and poisonous snakes.
— tr. M.N. Dutt (1891–96) (public domain)
MBh 1 308.11
संनद्धो ह्यर्जुनो याति विधृत्य परमेषुधी। गाण्डीवं मुहुरादत्ते निःश्वसंश्च निरीक्षते॥
saṃnaddho hyarjuno yāti vidhṛtya parameṣudhī| gāṇḍīvaṃ muhurādatte niḥśvasaṃśca nirīkṣate||
Even now Arjuna, attired in armour and furnished with couple of quivers, is proceeding, frequently taking up the Gandiva (bow) and breathing hard and casting angry glances around.
— tr. M.N. Dutt (1891–96) (public domain)
MBh 1 308.12
गदां गुर्वी समुद्यम्य त्वरितश्च वृकोदरः। स्वस्थं योजयित्वाऽऽशु निर्यात इति नः श्रुतम्॥
gadāṃ gurvī samudyamya tvaritaśca vṛkodaraḥ| svasthaṃ yojayitvā''śu niryāta iti naḥ śrutam||
We are told that Vrikodara (Bhima), hastily ordering his chariot to be made ready and then riding on it, frequently whirling his heavy club is proceeding along.
— tr. M.N. Dutt (1891–96) (public domain)
MBh 1 308.13
नकुलः खड्गमादाय चर्म चाप्यर्धचन्द्रवत्। सहदेवश्च राजा च चक्रुराकारमिङ्गितैः॥
nakulaḥ khaḍgamādāya carma cāpyardhacandravat| sahadevaśca rājā ca cakrurākāramiṅgitaiḥ||
Nakula also is proceeding with the sword in his grasp and the semicircular shield in his hand; Sahadeva and the king (Yudhisthira) have made signs clearly indicating their intentions.
— tr. M.N. Dutt (1891–96) (public domain)
MBh 1 308.14
ते त्वास्थाय रथान् सर्वे बहुशस्त्रपरिच्छदान्। अभिघ्नन्तो रथवातान् सेनायोगाय निर्ययुः॥
te tvāsthāya rathān sarve bahuśastraparicchadān| abhighnanto rathavātān senāyogāya niryayuḥ||
Having ascended their cars which were full of all kings of weapons, they are all whipping their horses, (so that they might soon reach their capital) to assemble their forces.
— tr. M.N. Dutt (1891–96) (public domain)
MBh 1 308.15
न क्षस्यन्ते तथास्माभिर्जातु विप्रकृता हि ते। द्रौपद्याश्च परिक्लेशं कस्तेषां क्षन्तुमर्हति॥
na kṣasyante tathāsmābhirjātu viprakṛtā hi te| draupadyāśca parikleśaṃ kasteṣāṃ kṣantumarhati||
Persecuted (as) they are (by us), they cannot forgive us for those injuries. Who is there amongst them who will be able to forgive the insult to Draupadi?
— tr. M.N. Dutt (1891–96) (public domain)
MBh 1 308.16
पुनर्दीव्या भद्रं ते वनवासाय पाण्डवैः। एवमेतान् वशे कर्तुं शक्ष्याः पुरुषर्षभः॥
punardīvyā bhadraṃ te vanavāsāya pāṇḍavaiḥ| evametān vaśe kartuṃ śakṣyāḥ puruṣarṣabhaḥ||
O foremost of all men, be blessed. We shall again gamble with the Pandavas in order to send them to exile in the forest. We are able to bring them under our sway in this way.
— tr. M.N. Dutt (1891–96) (public domain)
MBh 1 308.17
ते वा द्वादश वर्षाणि वयं वा द्यूतनिर्जिताः। प्रविशमे महारण्यमजिनैः प्रतिवासिताः॥
te vā dvādaśa varṣāṇi vayaṃ vā dyūtanirjitāḥ| praviśame mahāraṇyamajinaiḥ prativāsitāḥ||
Attired in skins, either they or we, having (first) been defeated at dice, shall go into the forest for twelve years.
— tr. M.N. Dutt (1891–96) (public domain)
MBh 1 308.18
त्रयोदशं च सजने अज्ञाता: परिवत्सरम्। ज्ञाताश्च पुनरन्यानि वने वर्षाणि द्वादश॥
trayodaśaṃ ca sajane ajñātā: parivatsaram| jñātāśca punaranyāni vane varṣāṇi dvādaśa||
The thirteenth year shall have to be spent in some inhabited country without being recognised. If recognised, an exile for another twelve years shall be the consequence(of such recognition).
— tr. M.N. Dutt (1891–96) (public domain)
MBh 1 308.19
निवसेन वयं ते वा तथा द्यूतं प्रवर्तताम्। अक्षानुप्त्वा पुन तमिदं कुर्वन्तु पाण्डवाः॥
nivasena vayaṃ te vā tathā dyūtaṃ pravartatām| akṣānuptvā puna tamidaṃ kurvantu pāṇḍavāḥ||
Either they or we shall live (according to this engagement). Let therefore the game begin. Throwing the dice, let the Pandavas once more play.
— tr. M.N. Dutt (1891–96) (public domain)
MBh 1 308.20
एतत् कृत्यतमं राजन्नस्माकं भरतर्षभ। अयं हि शकुनिर्वेद सविद्यामक्षसम्पदम्॥
etat kṛtyatamaṃ rājannasmākaṃ bharatarṣabha| ayaṃ hi śakunirveda savidyāmakṣasampadam||
O best of Bharata race, O king, this is our highest duty. This Shakuni is highly proficient in the whole science of dice-playing.
— tr. M.N. Dutt (1891–96) (public domain)
MBh 1 308.21
दृढमूला वयं राज्ये मित्राणि परिगृह्य च। सारवद् विपुलं सैन्यं सत्कृत्य च दुरासदम्॥
dṛḍhamūlā vayaṃ rājye mitrāṇi parigṛhya ca| sāravad vipulaṃ sainyaṃ satkṛtya ca durāsadam||
We shall in the meantime be firmly rooted in the kingdom and making alliances (with other kings), we shall be able to get together a vast and invincible army and to keep them content.
— tr. M.N. Dutt (1891–96) (public domain)
MBh 1 308.22
ते च त्रयोदशं वर्षं पारयिष्यन्ति चेद् व्रतम्। जेष्यामस्तान् वयं राजन् रोचतां ते परंतप॥
te ca trayodaśaṃ varṣaṃ pārayiṣyanti ced vratam| jeṣyāmastān vayaṃ rājan rocatāṃ te paraṃtapa||
O king, O chastiser of foes, we shall then be able to defeat the Pandavas if they reappear. Let this plan recommend itself to you.
— tr. M.N. Dutt (1891–96) (public domain)
MBh 1 308.23
धृतराष्ट्र उवाच तूर्णं प्रत्यानयस्वैतान् कामं व्यध्वगतानपि। आगच्छन्तु पुन तमिदं कुर्वन्तु पाण्डवाः॥
dhṛtarāṣṭra uvāca tūrṇaṃ pratyānayasvaitān kāmaṃ vyadhvagatānapi| āgacchantu puna tamidaṃ kurvantu pāṇḍavāḥ||
Dhritarashtra said Then bring back the Pandavas, even if they have gone a great way off. Let them come and throw dice once again.
— tr. M.N. Dutt (1891–96) (public domain)
MBh 1 308.24
वैशम्पायन उवाच ततो द्रोणः सोमदत्तो बाह्रीकश्चैव गौतमः। विदुरो द्रोणपुत्रश्च वैश्यापुत्रश्च वीर्यवान्॥
vaiśampāyana uvāca tato droṇaḥ somadatto bāhrīkaścaiva gautamaḥ| viduro droṇaputraśca vaiśyāputraśca vīryavān||
Vaishampayana said Thereupon, Drona, Somadatta, Vahlika, Goutama, the son of Drona, the powerful son of Vaishya (Vidura).
— tr. M.N. Dutt (1891–96) (public domain)
MBh 1 308.25
भूरिश्रवाः शान्तनवो विकर्णश्च महारथः। मा द्यूतमित्यभाषन्त शमोऽस्त्विति च सर्वशः॥
bhūriśravāḥ śāntanavo vikarṇaśca mahārathaḥ| mā dyūtamityabhāṣanta śamo'stviti ca sarvaśaḥ||
Bhurisrava,, Bhisma, and the mighty carwarrior Vikarna all said, “Let not the play commence. Let there be peace.”
— tr. M.N. Dutt (1891–96) (public domain)
MBh 1 308.26
अकामानां च सर्वेषां सुहृदामर्थदर्शिनाम्। अकरोत् पाण्डवाह्वानं धृतराष्ट्रः सुतप्रियः॥
akāmānāṃ ca sarveṣāṃ suhṛdāmarthadarśinām| akarot pāṇḍavāhvānaṃ dhṛtarāṣṭraḥ sutapriyaḥ||
But disregarding the counsels of all his wise friends and relatives, Dhritarashtra ever partial to his sons, (again) summoned the Pandavas.
— tr. M.N. Dutt (1891–96) (public domain)