Mahabharata — Volume I (Dutt edition) — Chapter 294
MBh 1 294.1
वैशम्पायन उवाच उपोह्यमाने द्यूते तु राजानः सर्व एव ते। धृतराष्ट्र पुरस्कृत्य विविशुस्तां सभां ततः॥
vaiśampāyana uvāca upohyamāne dyūte tu rājānaḥ sarva eva te| dhṛtarāṣṭra puraskṛtya viviśustāṃ sabhāṃ tataḥ||
Vaishampayana said When the play commenced, all the kings, Dhritarashtra being at their head, took their seats in that Assembly hall.
— tr. M.N. Dutt (1891–96) (public domain)
MBh 1 294.2
भीष्मो द्रोणः कृपश्चैव विदुश्च महामतिः। नातिप्रीतेन मनसा तेऽन्ववर्तन्त भारत॥
bhīṣmo droṇaḥ kṛpaścaiva viduśca mahāmatiḥ| nātiprītena manasā te'nvavartanta bhārata||
O descendant of Bharata, Bhishma, Drona, Kripa, the high-souled Vidura followed their example with cheerless heart.
— tr. M.N. Dutt (1891–96) (public domain)
MBh 1 294.3
ते द्वन्द्वशः पृथक् चैव सिंहग्रीवा महौजसः। सिंहासनानि भूरीणि विचित्राणि च भेजिरे॥
te dvandvaśaḥ pṛthak caiva siṃhagrīvā mahaujasaḥ| siṃhāsanāni bhūrīṇi vicitrāṇi ca bhejire||
Those lion-necked and greatly effulgeit (kings) took their seats separately and in praise on may high (royal) seats of various make and colour.
— tr. M.N. Dutt (1891–96) (public domain)
MBh 1 294.4
शुशुभे सा सभा राजन् राजभिस्तैः समागतः। देवैरिव महाभागैः समवेतैस्त्रिविष्टपम्॥
śuśubhe sā sabhā rājan rājabhistaiḥ samāgataḥ| devairiva mahābhāgaiḥ samavetaistriviṣṭapam||
O king, that Assembly-hall looked beautiful with the assembled monarchs like the heaven with a conclave of greatly fortunate celestials.
— tr. M.N. Dutt (1891–96) (public domain)
MBh 1 294.5
सर्वे वेदविदः शूराः सर्वे भास्वरमूर्तयः। प्रावर्तत महाराज सुहृद्यूतमनन्तरम्॥
sarve vedavidaḥ śūrāḥ sarve bhāsvaramūrtayaḥ| prāvartata mahārāja suhṛdyūtamanantaram||
O great king, they were all heroes, they were all learned in the Vedas, and they all bore resplendent countenances. The friendly match at dice then commenced (in due form).
— tr. M.N. Dutt (1891–96) (public domain)
MBh 1 294.6
युधिष्ठिर उवाच अयं बहुधनो राजन् सागरावर्तसम्भवः। मणिर्हारोत्तरः श्रीमान् कनकोत्तमभूषणः॥
yudhiṣṭhira uvāca ayaṃ bahudhano rājan sāgarāvartasambhavaḥ| maṇirhārottaraḥ śrīmān kanakottamabhūṣaṇaḥ||
Yudhishthira said O king, this excellent and most valuable chain of pearls, so beautiful and adorned with gold and procured from the ocean by churning it,
— tr. M.N. Dutt (1891–96) (public domain)
MBh 1 294.7
एतद् राजन् मम धनं प्रतिपाणोऽस्ति कस्तव। येन मां त्वं महाराज धनेन प्रतिदीव्यसे॥
etad rājan mama dhanaṃ pratipāṇo'sti kastava| yena māṃ tvaṃ mahārāja dhanena pratidīvyase||
O king, is my stake. O great king, what is your counter stake, the wealth with which you wish to play with me?
— tr. M.N. Dutt (1891–96) (public domain)
MBh 1 294.8
दुर्योधन उवाच सन्ति मे मणयश्चैव धनानि सुबहूनि च। मत्सरश्च न मेऽर्थेषु जयस्वैनं दुरोदरम्॥
duryodhana uvāca santi me maṇayaścaiva dhanāni subahūni ca| matsaraśca na me'rtheṣu jayasvainaṃ durodaram||
Duryodhana said I have many jewels and much wealth, but I am not proud of them. However, let yourself win this stake.
— tr. M.N. Dutt (1891–96) (public domain)
MBh 1 294.9
वैशम्पायन उवाच ततो जग्राह शकुनिस्तानक्षानक्षतत्त्ववित्। जितमित्येव शकुनियुधिष्ठिरमभाषत॥
vaiśampāyana uvāca tato jagrāha śakunistānakṣānakṣatattvavit| jitamityeva śakuniyudhiṣṭhiramabhāṣata||
Vaishampayana said Thereupon Shakuni, well-skilled in dice, took up the dice and said to Yudhishthira, “Lo, I have won it".
— tr. M.N. Dutt (1891–96) (public domain)