Mahabharata — Volume I (Dutt edition) — Chapter 28
MBh 1 28.1
सौतिरुवाच इत्युक्तो गरुडः सर्पस्ततो मातरमब्रवीत्। गच्छाम्यमृतमाहर्तुं भक्ष्यमिच्छामि वेदितुम्॥
sautiruvāca ityukto garuḍaḥ sarpastato mātaramabravīt| gacchāmyamṛtamāhartuṃ bhakṣyamicchāmi veditum||
Sauti said : Thus told by the snakes, Garuda said to his mother, “I shall go to bring the Ambrosia, but I wish to eat something. Tell me where to get it.”
— tr. M.N. Dutt (1891–96) (public domain)
MBh 1 28.2
विनतोवाच समुद्रकुक्षावेकान्ते निषादालयमुत्तमम्। निषादानां सहस्राणि तान्भुक्त्वाऽमृतमानय॥
vinatovāca samudrakukṣāvekānte niṣādālayamuttamam| niṣādānāṃ sahasrāṇi tānbhuktvā'mṛtamānaya||
Vinata said: The Nishadas have their homes in a remote place in the midst of the ocean. Eat thousands of Nishadas and bring the Ambrosia.
— tr. M.N. Dutt (1891–96) (public domain)
MBh 1 28.3
न च ते ब्राह्मणं हन्तुं कार्या बुद्धिः कथंचन। अवध्यः सर्वभूतानां ब्राह्मणो ह्यनलोपमः॥
na ca te brāhmaṇaṃ hantuṃ kāryā buddhiḥ kathaṃcana| avadhyaḥ sarvabhūtānāṃ brāhmaṇo hyanalopamaḥ||
But let not your heart be ever set on killing a Brahmana. A Brahmana is not to be killed amongst all creatures; he is like the fire.
— tr. M.N. Dutt (1891–96) (public domain)
MBh 1 28.4
अग्निरों विषं शस्त्रं विप्रो भवति कोपितः। गुरुर्हि सर्वभूतानां ब्राह्मणः परिकीर्तितः॥ एवमादिभिरूपैस्तु सतां वै ब्राह्मणो मतः।
agniroṃ viṣaṃ śastraṃ vipro bhavati kopitaḥ| gururhi sarvabhūtānāṃ brāhmaṇaḥ parikīrtitaḥ|| evamādibhirūpaistu satāṃ vai brāhmaṇo mataḥ|
A Brahmana, when angry; becomes like the fire or the sun or the poison or a sharp weapon. A Brahmana is declared to be the preceptor of all creature. For these and other reasons the Brahmana is adored by all.
— tr. M.N. Dutt (1891–96) (public domain)
MBh 1 28.5
स ते तात न हन्तव्यः संक्रुद्धेनापि सर्वथा॥ ब्राह्मणानामभिद्रोहो न कर्तव्यः कथंचन।
sa te tāta na hantavyaḥ saṃkruddhenāpi sarvathā|| brāhmaṇānāmabhidroho na kartavyaḥ kathaṃcana|
O child, he is never to be killed by you even if you be angry. Enmity with Brahmanas is never proper under any circumstances.
— tr. M.N. Dutt (1891–96) (public domain)
MBh 1 28.6
न ह्येवमग्निर्नादित्यो भस्म कुर्यात्तथाऽनघ॥ यथा कुर्यादभिक्रुद्धो ब्राह्मणः संशितव्रतः।
na hyevamagnirnādityo bhasma kuryāttathā'nagha|| yathā kuryādabhikruddho brāhmaṇaḥ saṃśitavrataḥ|
O sinless one, neither fire nor the sun does consume so much as does a Brahman of rigid austerity when angry.
— tr. M.N. Dutt (1891–96) (public domain)
MBh 1 28.7
तदेतैर्विविधैर्लिङ्गैस्त्वं विद्यास्तं द्विजोत्तमम्। भूतानामग्रभूविप्रो वर्णश्रेष्ठः पिता गुरुः॥
tadetairvividhairliṅgaistvaṃ vidyāstaṃ dvijottamam| bhūtānāmagrabhūvipro varṇaśreṣṭhaḥ pitā guruḥ||
You must know a good Brahmana by these indications. A Brahmana is the first-born of all creatures, the best of four castes, the father, master and teacher of all.
— tr. M.N. Dutt (1891–96) (public domain)
MBh 1 28.8
गरुड उवाच किं रूपो ब्राह्मणो मतः किं शीलः किं पराक्रमः। किंस्विदग्निनिभो भाति किंस्वित्सौम्यप्रदर्शनः॥
garuḍa uvāca kiṃ rūpo brāhmaṇo mataḥ kiṃ śīlaḥ kiṃ parākramaḥ| kiṃsvidagninibho bhāti kiṃsvitsaumyapradarśanaḥ||
Garuda said: O mother, what form a Brahmana has? What is his character and what is his power? Does he shine like fire or is he of gentle nature?
— tr. M.N. Dutt (1891–96) (public domain)
MBh 1 28.9
यथाहमभिजानीयां ब्राह्मणं लक्षणैः शुभैः। तन्मे कारणतो मातः पृच्छतो वक्तुमर्हसि॥
yathāhamabhijānīyāṃ brāhmaṇaṃ lakṣaṇaiḥ śubhaiḥ| tanme kāraṇato mātaḥ pṛcchato vaktumarhasi||
O mother, you should tell me, who ask you, the auspicious indications by which I shall be able to recognise a Brahmana.
— tr. M.N. Dutt (1891–96) (public domain)
MBh 1 28.10
विनतोवाच यस्ते कण्ठमनुप्राप्तो निगीर्णं बडिशं यथा। दहेदङ्गारवत्पुत्र तं विद्याद्राह्मणर्षभम्॥
vinatovāca yaste kaṇṭhamanuprāpto nigīrṇaṃ baḍiśaṃ yathā| dahedaṅgāravatputra taṃ vidyādrāhmaṇarṣabham||
Vinata said: O son, know him to be a Brahmana who will torture you like a fishhook, or burn you like a hot charcoal, when he will enter into your throat.
— tr. M.N. Dutt (1891–96) (public domain)
MBh 1 28.11
विप्रस्त्वया न हन्तव्यः संक्रुद्धेनापि सर्वदा। प्रोवाच चैनं विनता पुत्रहार्दादिदं वचः॥
viprastvayā na hantavyaḥ saṃkruddhenāpi sarvadā| provāca cainaṃ vinatā putrahārdādidaṃ vacaḥ||
You must not kill a Brahmana even in anger." Out of affection for her son Vinata again said,
— tr. M.N. Dutt (1891–96) (public domain)
MBh 1 28.12
जठरे न च जीर्येद्यस्तं जानीहि द्विजोत्तमम्। पुनः प्रोवाच विनता पुत्रहार्दादिदं वचः॥
jaṭhare na ca jīryedyastaṃ jānīhi dvijottamam| punaḥ provāca vinatā putrahārdādidaṃ vacaḥ||
“Know him to be a good Brahmana, who will not be digested in your stomach.” Vinata again repeated those words from the great love she bore for her son.
— tr. M.N. Dutt (1891–96) (public domain)
MBh 1 28.13
जानन्त्यप्यतुलं वीर्यमाशीर्वादपरायणा। प्रीता परमदुःखार्ता नागैविप्रकृता सती॥
jānantyapyatulaṃ vīryamāśīrvādaparāyaṇā| prītā paramaduḥkhārtā nāgaiviprakṛtā satī||
Sauti said: Though she knew the matchless strength of her son, yet being exceedingly sorrowful and gentle and deceived by the Nagas, Vinata heartily blessed him, (saying)
— tr. M.N. Dutt (1891–96) (public domain)
MBh 1 28.14
विनतोवाच पक्षौ ते मारुतः पातु चन्द्रसूर्यौ च पृष्ठतः। शिरश्च पातु वह्निस्ते वसवः सर्वतस्तनुम्॥
vinatovāca pakṣau te mārutaḥ pātu candrasūryau ca pṛṣṭhataḥ| śiraśca pātu vahniste vasavaḥ sarvatastanum||
Vinata said : Let Maruta protect your wings, let Chandra and Surya protect your back; let Agni protect your head and the Vasus your whole body.
— tr. M.N. Dutt (1891–96) (public domain)
MBh 1 28.15
अहं च ते सदा पुत्र शान्तिस्वस्तिपरायणा। इहासीना भविष्यामि स्वस्तिकारे रता सदा॥ अरिष्टं व्रज पन्थानं पुत्र कार्यार्थसिद्धये।
ahaṃ ca te sadā putra śāntisvastiparāyaṇā| ihāsīnā bhaviṣyāmi svastikāre ratā sadā|| ariṣṭaṃ vraja panthānaṃ putra kāryārthasiddhaye|
I also, my son, shall somewhere, wishing for your good and being engaged in ceremonies that will produce you good. Go then, my son, in safety to accomplish your purpose.
— tr. M.N. Dutt (1891–96) (public domain)
MBh 1 28.16
सौतिरुवाच ततः स मातुर्वचनं निशम्य वितत्य पक्षौ नभ उत्पपात। ततो निषादान्बलवानुपागतो बुभुक्षित: काल इवान्तकोऽपरः॥
sautiruvāca tataḥ sa māturvacanaṃ niśamya vitatya pakṣau nabha utpapāta| tato niṣādānbalavānupāgato bubhukṣita: kāla ivāntako'paraḥ||
Sauti said: Having heard what his mother said, Garuda stretched his wings and rose to the skies and then being endued with great strength like another Yama, he soon came upon the Nishadas.
— tr. M.N. Dutt (1891–96) (public domain)
MBh 1 28.17
स तान्निषादानुपसंहरंस्तदा रजः समुद्भूय नभःस्पृशं महत्। समुद्रकुक्षौ च विशोषयन्पयः समीपजाम्भूधरजान्विचालयन्॥
sa tānniṣādānupasaṃharaṃstadā rajaḥ samudbhūya nabhaḥspṛśaṃ mahat| samudrakukṣau ca viśoṣayanpayaḥ samīpajāmbhūdharajānvicālayan||
Bent upon destroying the Nishadas he raised up a great storm of dust that covered the whole sky. He sucked up water from the ocean and shook the trees growing on adjacent mountains.
— tr. M.N. Dutt (1891–96) (public domain)
MBh 1 28.18
ततः स चक्रे महदाननं तदा निषादमार्ग प्रतिरुध्य पक्षिराट्। ततो निषादास्त्वरिताः प्रवव्रजुः यतो मुखं तस्य भुजंगभोजिनः॥
tataḥ sa cakre mahadānanaṃ tadā niṣādamārga pratirudhya pakṣirāṭ| tato niṣādāstvaritāḥ pravavrajuḥ yato mukhaṃ tasya bhujaṃgabhojinaḥ||
Then the king of birds, opening his great mouth, stopped the road of the Nishadas and the Nishadas too went into his open mouth flying in fright.
— tr. M.N. Dutt (1891–96) (public domain)
MBh 1 28.19
तदाननं विवृतमतिप्रमाणवत् समभ्ययुर्गगनमिवार्दिताः खगाः। सहस्रशः पवनरजो विमोहिता यथाऽनिलप्रचलितपादपे वने॥
tadānanaṃ vivṛtamatipramāṇavat samabhyayurgaganamivārditāḥ khagāḥ| sahasraśaḥ pavanarajo vimohitā yathā'nilapracalitapādape vane||
As birds in great affliction rose by thousands into the skies when the trees of the forest were shaken in a great storm, so the Nishadas, blinded by the dust raised by the storm, entered into the wide-opened mouth of the great snake-eater.
— tr. M.N. Dutt (1891–96) (public domain)
MBh 1 28.20
ततः खगो वदनममित्रतापनः समाहरत्परिचपलो महाबलः। निषूदयन्बहुविधमत्स्यजीविनो बुभुक्षितो गगनचरेश्वरस्तदा॥
tataḥ khago vadanamamitratāpanaḥ samāharatparicapalo mahābalaḥ| niṣūdayanbahuvidhamatsyajīvino bubhukṣito gaganacareśvarastadā||
Then the hungry bird, the chastiser of his enemies, who is endued with great strength and who moves with the greatest speed to achieve his end, closed his mouth, thereby killing thousands of Nishadas who followed the occupation of fishermen.
— tr. M.N. Dutt (1891–96) (public domain)