Mahabharata — Volume I (Dutt edition) — Chapter 276
MBh 1 276.1
शिशुपाल उवाच स मे बहुमतो राजा जरासंधो महाबलः। योऽनेन युद्धं नेयेष दासोऽयमिति संयुगे॥
śiśupāla uvāca sa me bahumato rājā jarāsaṃdho mahābalaḥ| yo'nena yuddhaṃ neyeṣa dāso'yamiti saṃyuge||
Shishupala said The greatly powerful king Jarasandha, who did not desire to fight with Krishna, saying that he was but a “servant”, was (surely) worthy of my greatest esteem.
— tr. M.N. Dutt (1891–96) (public domain)
MBh 1 276.2
केशवेन कृतं कर्म जरासंधवधे तदा। भीमसेनार्जुनाभ्यां च कस्तत् साध्विति मन्यते॥
keśavena kṛtaṃ karma jarāsaṃdhavadhe tadā| bhīmasenārjunābhyāṃ ca kastat sādhviti manyate||
Who will consider praiseworthy the act of killing Jarasandha which was done by Keshava (Krishna), as also by Bhima and Arjuna?
— tr. M.N. Dutt (1891–96) (public domain)
MBh 1 276.3
अद्वारेण प्रविष्टेन छद्मना ब्रह्मवादिना। दृष्टः प्रभावः कृष्णेन जरासंधस्य भूपतेः॥
advāreṇa praviṣṭena chadmanā brahmavādinā| dṛṣṭaḥ prabhāvaḥ kṛṣṇena jarāsaṃdhasya bhūpateḥ||
Entering (the city) by a way which was not the (public) gate, and disguised as a Vedaknowing (Brahmana), this Krishna saw the prowess of king Jarasandha.
— tr. M.N. Dutt (1891–96) (public domain)
MBh 1 276.4
येन धर्मात्मनाऽऽत्मानं ब्रह्मण्यमविजानता। नेषितं पाद्यमस्मै तद् दातुमग्रे दुरात्मने।॥
yena dharmātmanā''tmānaṃ brahmaṇyamavijānatā| neṣitaṃ pādyamasmai tad dātumagre durātmane|||
When that illustrious king offered this wretch water to wash his feet, it was then he said from seeming motives of virtue that he was not a Brahmana.
— tr. M.N. Dutt (1891–96) (public domain)
MBh 1 276.5
भुज्यतामिति तेनोक्ताः कृष्णभीमधनंजयाः। जरासंधेन कौरव्य कृष्णेन विकृतं कृतम्॥
bhujyatāmiti tenoktāḥ kṛṣṇabhīmadhanaṃjayāḥ| jarāsaṃdhena kauravya kṛṣṇena vikṛtaṃ kṛtam||
O descendant of Kuru, when Bhima, Dhananjaya and Krishna were asked by Jarasandha to eat, that request was refused by this Krishna.
— tr. M.N. Dutt (1891–96) (public domain)
MBh 1 276.6
यद्ययं जगतः कर्ता यथैनं मूर्ख मन्यसे। कस्मान्न ब्राह्मणं सम्यगात्मानमवगच्छति॥
yadyayaṃ jagataḥ kartā yathainaṃ mūrkha manyase| kasmānna brāhmaṇaṃ samyagātmānamavagacchati||
If this one (Krishna) is the lord of the universe, as this fool thinks himself to be, why does he not then consider himself a Brahmana?
— tr. M.N. Dutt (1891–96) (public domain)
MBh 1 276.7
इदं त्वाश्चर्यभूतं मे यदिमे पाण्डवास्त्वया। अपकृष्टाः सतां मार्गान्प्रन्यन्ते तच्च साध्विति॥
idaṃ tvāścaryabhūtaṃ me yadime pāṇḍavāstvayā| apakṛṣṭāḥ satāṃ mārgānpranyante tacca sādhviti||
It is greatly surprising that though you often lead the Pandavas away from the path of the pious, yet they consider you (Bhima) to be honest.
— tr. M.N. Dutt (1891–96) (public domain)
MBh 1 276.8
अथ वा नैतदाश्चर्यं येषां त्वमसि भारत। स्त्रीसधर्मा च वृद्धश्च सर्वार्थानां प्रदर्शकः॥
atha vā naitadāścaryaṃ yeṣāṃ tvamasi bhārata| strīsadharmā ca vṛddhaśca sarvārthānāṃ pradarśakaḥ||
Odescendant of Bharata (Bhishma), there is nothing to be surprising (perhaps) in those who have got you, who is no better than a woman and who is old, to be their counsellor in all things.
— tr. M.N. Dutt (1891–96) (public domain)
MBh 1 276.9
वैशम्पायन उवाच तस्य तद् वचनं श्रुत्वा रूक्षं रूक्षाक्षरं बहु। चुकोप बलिनां श्रेष्ठो भीमसेनः प्रतापवान्॥
vaiśampāyana uvāca tasya tad vacanaṃ śrutvā rūkṣaṃ rūkṣākṣaraṃ bahu| cukopa balināṃ śreṣṭho bhīmasenaḥ pratāpavān||
Vaishampayana said Hearing his these harsh words-harsh both in import and sound, that foremost of all strong men, the powerful Bhimasena, became angry.
— tr. M.N. Dutt (1891–96) (public domain)
MBh 1 276.10
तथा पद्मप्रतीकाशे स्वभावायतविस्तृते। क्रोधाभिताम्राक्षे रक्ते नेत्रे बभूवतुः॥
tathā padmapratīkāśe svabhāvāyatavistṛte| krodhābhitāmrākṣe rakte netre babhūvatuḥ||
Under the influence of anger, his lotus-like eyes, naturally large and expanding, became still more extended, and also as red as the copper.
— tr. M.N. Dutt (1891–96) (public domain)
MBh 1 276.11
त्रिशिखां भृकुटीं चास्य ददृशुः सर्वपार्थिवाः। भूयः ललाटस्थां त्रिकूटस्थां गङ्गां त्रिपथगामिव॥
triśikhāṃ bhṛkuṭīṃ cāsya dadṛśuḥ sarvapārthivāḥ| bhūyaḥ lalāṭasthāṃ trikūṭasthāṃ gaṅgāṃ tripathagāmiva||
The assembled kings saw on his forehead three lines of wrinkles like the Ganges with her three currents on the three peaked mountain.
— tr. M.N. Dutt (1891–96) (public domain)
MBh 1 276.12
दन्तान् संदशतस्तस्य कोपाद् ददृशुराननम्। युगान्ते सर्वभूतानि कालस्येव जिघत्सतः॥
dantān saṃdaśatastasya kopād dadṛśurānanam| yugānte sarvabhūtāni kālasyeva jighatsataḥ||
When he began to grind his teeth in anger, the kings saw his face resemble like that of the Death preparing to swallow every creature at the end of the Yuga.
— tr. M.N. Dutt (1891–96) (public domain)
MBh 1 276.13
उत्पतन्तं तु वेगेन जग्राहैनं मनस्विनम्। भीष्म एव महाबाहुर्महासेनमिवेश्वरः॥
utpatantaṃ tu vegena jagrāhainaṃ manasvinam| bhīṣma eva mahābāhurmahāsenamiveśvaraḥ||
As the strong-minded (hero) was about to jump up with great impetuosity, the mighty armed Bhishma caught him (by the hand), as if Mahadeva seized Mahasena.
— tr. M.N. Dutt (1891–96) (public domain)
MBh 1 276.14
तस्य भीमस्य भीष्मेण वार्यमाणस्य भारत। गुरुणा विविधैर्वाक्यैः क्रोधः प्रशममागतः॥
tasya bhīmasya bhīṣmeṇa vāryamāṇasya bhārata| guruṇā vividhairvākyaiḥ krodhaḥ praśamamāgataḥ||
O descendant of Bharata, Bhima's anger was soon appeased by Bhishma with various words of sound counsels.
— tr. M.N. Dutt (1891–96) (public domain)
MBh 1 276.15
नातिचक्राम भीष्मस्य स हि वाक्यमरिंदमः। समुवृत्तो घनापाये वेलामिव महोदधिः॥
nāticakrāma bhīṣmasya sa hi vākyamariṃdamaḥ| samuvṛtto ghanāpāye velāmiva mahodadhiḥ||
That chastiser of foes could not disobey Bhishma's words, as the ocean never goes beyond its shore, though swollen with the waters of the rainy season.
— tr. M.N. Dutt (1891–96) (public domain)
MBh 1 276.16
शिशुपालस्तु संक्रुद्धे भीमसेने जनाधिप। नाकम्पत तदा वीरः पौरुषे स्वे व्यवस्थितः॥
śiśupālastu saṃkruddhe bhīmasene janādhipa| nākampata tadā vīraḥ pauruṣe sve vyavasthitaḥ||
O king, though Bhima was angry, the heroic Shishupala, depending on his own valour, did not tremble in fear.
— tr. M.N. Dutt (1891–96) (public domain)
MBh 1 276.17
उत्पतन्तं तु वेगेन पुन: पुनररिंदमः। न स तं चिन्तयामास सिंहः क्रुद्धो मृगं यथा।॥
utpatantaṃ tu vegena puna: punarariṃdamaḥ| na sa taṃ cintayāmāsa siṃhaḥ kruddho mṛgaṃ yathā|||
Though Bhima every moment jumping up (from his seat) with great impetuosity, yet Shishupala did not bestow a single thought on him, as a lion does not mind a small animal who leaps up in rage.
— tr. M.N. Dutt (1891–96) (public domain)
MBh 1 276.18
प्रहसंश्चाब्रवीद् वाक्यं चेदिराजः प्रतापवान्। भीमसेनमभिक्रुद्धं दृष्ट्वा भीमपराक्रमम्॥
prahasaṃścābravīd vākyaṃ cedirājaḥ pratāpavān| bhīmasenamabhikruddhaṃ dṛṣṭvā bhīmaparākramam||
Seeing Bhima of terrible prowess in such great rage, the mighty kings of Chedi laughingly spoke thus. was
— tr. M.N. Dutt (1891–96) (public domain)
MBh 1 276.19
मुञ्चैनं भीष्म पश्यन्तु यावदेनं नराधिपाः। मत्प्रभावविनिर्दग्धं पतङ्गमिव वह्निना॥
muñcainaṃ bhīṣma paśyantu yāvadenaṃ narādhipāḥ| matprabhāvavinirdagdhaṃ pataṅgamiva vahninā||
"O Bhishma, release his. Let all these kings see him burnt down by my prowess like an insect by fire".
— tr. M.N. Dutt (1891–96) (public domain)
MBh 1 276.20
ततश्चेदिपतेर्वाक्यं श्रुत्वा तत् कुरुसत्तमः। भीमसेनमुवाचेदं भीष्मो मतिमतां वरः॥
tataścedipatervākyaṃ śrutvā tat kurusattamaḥ| bhīmasenamuvācedaṃ bhīṣmo matimatāṃ varaḥ||
Having heard these words of the king of the Chedis, that foremost of the Kurus, that best of all intelligent men, Bhishma thus spoke to Bhima.
— tr. M.N. Dutt (1891–96) (public domain)