Mahabharata — Volume I (Dutt edition) — Chapter 271
MBh 1 271.1
शिशुपाल उवाच नायमर्हति वार्ष्णेयस्तिष्ठत्स्विह महात्मसु महीपतिषु कौरव्य राजवत् पार्थिवाहणम्॥
śiśupāla uvāca nāyamarhati vārṣṇeyastiṣṭhatsviha mahātmasu mahīpatiṣu kauravya rājavat pārthivāhaṇam||
Shishupala said O descendant of Kuru, when so many illustrious kings are present here, this man of the Vrishni race does not deserve a royal worship like a king.
— tr. M.N. Dutt (1891–96) (public domain)
MBh 1 271.2
नायं युक्तः समाचार: पाण्डवेषु महात्मसु। यत् कामात् पुण्डरीकाक्षं पाण्डवार्चितवानसि॥
nāyaṃ yuktaḥ samācāra: pāṇḍaveṣu mahātmasu| yat kāmāt puṇḍarīkākṣaṃ pāṇḍavārcitavānasi||
Your this conduct in willfully making this lotus-eyed hero worshipped by the Pandavas is not worthy of the illustrious Pandavas.
— tr. M.N. Dutt (1891–96) (public domain)
MBh 1 271.3
बाला यूयं न जानीध्वं धर्मः सूक्ष्मो हि पाण्डवाः। अयं च स्मृत्यतिक्रान्तो ह्यापगेयोऽल्पदर्शनः॥
bālā yūyaṃ na jānīdhvaṃ dharmaḥ sūkṣmo hi pāṇḍavāḥ| ayaṃ ca smṛtyatikrānto hyāpageyo'lpadarśanaḥ||
O sons of Pandu, you are children; you do now know what Dharma is, for it (the ways of Dharma) is very subtle. This son of the river (Bhishma) has but little knowledge, and therefore he has transgressed the Smriti (rules of morality).
— tr. M.N. Dutt (1891–96) (public domain)
MBh 1 271.4
त्वादृशो धर्मयुक्तो हि कुर्वाणः प्रियकाम्यया। भवत्यभ्यधिकं भीष्म लोकेष्ववमत: सताम्॥
tvādṛśo dharmayukto hi kurvāṇaḥ priyakāmyayā| bhavatyabhyadhikaṃ bhīṣma lokeṣvavamata: satām||
O Bhishma, if a man like you, possessing virtue and morality, acts from motives of pleasing others, he (surely) becomes worthy of censure among all the honest and wise men.
— tr. M.N. Dutt (1891–96) (public domain)
MBh 1 271.5
कथं डराजा दाशार्हो मध्ये सर्वमहीक्षिताम्। अर्हणामर्हति तथा यथा युष्माभिरर्चितः॥
kathaṃ ḍarājā dāśārho madhye sarvamahīkṣitām| arhaṇāmarhati tathā yathā yuṣmābhirarcitaḥ||
How does this man of the Dasarha race, who is not a king, deserve to be worshipped among these kings that you have worshipped him?
— tr. M.N. Dutt (1891–96) (public domain)
MBh 1 271.6
अथ वा मन्यसे कृष्णं स्थविरं कुरुपुङ्गव। वसुदेवे स्थिते वृद्धे कथमर्हति तत्सुतः॥
atha vā manyase kṛṣṇaṃ sthaviraṃ kurupuṅgava| vasudeve sthite vṛddhe kathamarhati tatsutaḥ||
O foremost man of the Puru race, if you consider him to be the eldest, why, here is Vasudeva. How can his son be worshipped before him?
— tr. M.N. Dutt (1891–96) (public domain)
MBh 1 271.7
अथ वा वासुदेवोऽपि प्रियकामोऽनुवृत्तवान्। दुपदे तिष्ठति कथं माधवोऽर्हति पूजनम्॥
atha vā vāsudevo'pi priyakāmo'nuvṛttavān| dupade tiṣṭhati kathaṃ mādhavo'rhati pūjanam||
If you consider him your well-wisher and supporter, why, when Drupada is here, how can he get the (first) worship?
— tr. M.N. Dutt (1891–96) (public domain)
MBh 1 271.8
आचार्यं मन्यसे कृष्णमथ वा कुरुनन्दन। द्रोणे तिष्ठति वार्ष्णेयं कस्मादर्चितवानसि॥
ācāryaṃ manyase kṛṣṇamatha vā kurunandana| droṇe tiṣṭhati vārṣṇeyaṃ kasmādarcitavānasi||
O descendant of Kuru, if you consider Krishna your preceptor, when Drona is here, how have you worshipped the Vrishni prince?
— tr. M.N. Dutt (1891–96) (public domain)
MBh 1 271.9
ऋत्विजं मन्यसे कृष्णमथ या कुरुनन्दन। द्वैपायने स्थिते वृद्धे कथं कृष्णोऽर्चितस्त्वया॥
ṛtvijaṃ manyase kṛṣṇamatha yā kurunandana| dvaipāyane sthite vṛddhe kathaṃ kṛṣṇo'rcitastvayā||
O descendant of Kuru, if you consider Krishna as the Ritvija, when old Dvaipayana is here, how have you worshipped Krishna?
— tr. M.N. Dutt (1891–96) (public domain)
MBh 1 271.10
भीष्मे शान्तनवे राजन् स्थिते पुरुषसत्तमे। स्वच्छन्दमृत्युके राजन् कथं कृष्णोऽर्चितस्त्वया॥
bhīṣme śāntanave rājan sthite puruṣasattame| svacchandamṛtyuke rājan kathaṃ kṛṣṇo'rcitastvayā||
O king, when that best of men, the son of Shantanu, old Bhishma, who can die only at his will, is here, why have you worshipped Krishna?
— tr. M.N. Dutt (1891–96) (public domain)
MBh 1 271.11
अश्वत्थाम्नि स्थिते वीरे सर्वशास्त्रविशारदे। कथं कृष्णस्त्वया राजन्नर्चितः कुरुनन्दन॥
aśvatthāmni sthite vīre sarvaśāstraviśārade| kathaṃ kṛṣṇastvayā rājannarcitaḥ kurunandana||
O king, O descendant of Kuru, when the hero Ashvathama who is learned in every branch of knowledge is here, why has Krishna been worshipped by you.
— tr. M.N. Dutt (1891–96) (public domain)
MBh 1 271.12
दुर्योधने च राजेन्द्रे स्थिते पुरुषसत्तमे। कृपे च भारताचार्ये कथं कृष्णस्त्वयार्चितः॥
duryodhane ca rājendre sthite puruṣasattame| kṛpe ca bhāratācārye kathaṃ kṛṣṇastvayārcitaḥ||
When that best of men, that king of kings, Duryodhana, and also that preceptor of the Kuru race, Kripa, are present here, why Krishna has been worshipped?
— tr. M.N. Dutt (1891–96) (public domain)
MBh 1 271.13
दुमं किम्पुरुषाचार्यमतिक्रम्य तथार्चितः। भीष्मके चैव दुर्धर्षं पाण्डुवत् कृतलक्षणे॥
dumaṃ kimpuruṣācāryamatikramya tathārcitaḥ| bhīṣmake caiva durdharṣaṃ pāṇḍuvat kṛtalakṣaṇe||
Passing over the preceptor of the Kimpurushas, he (Krishna) has been worshipped by you. When the invincible Bhishmaka, auspicious marked king of Paundrya.
— tr. M.N. Dutt (1891–96) (public domain)
MBh 1 271.14
नृपे च रुक्मिणि श्रेष्ठे एकलव्ये तथैव च। शल्ये मद्राधिपे चैव कथं कृष्णस्त्वयार्चितः॥
nṛpe ca rukmiṇi śreṣṭhe ekalavye tathaiva ca| śalye madrādhipe caiva kathaṃ kṛṣṇastvayārcitaḥ||
That best of kings, Rukmi, and Ekalavya, and the king of the Madras, Shalya, are present, why Krishna has been worshipped?
— tr. M.N. Dutt (1891–96) (public domain)
MBh 1 271.15
अयं च सर्वराज्ञां वै बलश्लाघी महाबलः। जामदग्न्यस्य दयितः शिष्यो विप्रस्य भारत॥ येनात्मबलमाश्रित्य राजानो युधि निर्जिताः। तं च कर्णमतिक्रम्य कथं कृष्णस्त्वयार्चितः॥
ayaṃ ca sarvarājñāṃ vai balaślāghī mahābalaḥ| jāmadagnyasya dayitaḥ śiṣyo viprasya bhārata|| yenātmabalamāśritya rājāno yudhi nirjitāḥ| taṃ ca karṇamatikramya kathaṃ kṛṣṇastvayārcitaḥ||
O descendant of Bharata, this greatly powerful hero whose prowess is the pride amongst all kings, who is the favourite disciple of the son of the Brahmana Jamadagni, the hero who defeated all the kings by his prowess alone, that Karna being present here, passing over him, why Krishna has been worshipped?
— tr. M.N. Dutt (1891–96) (public domain)
MBh 1 271.16
नैवविंग् नैव चाचार्यो न राजा मधुसूदनः। अर्चितश्च कुरुश्रेष्ठ किमन्यत्प्रियकाम्यया॥
naivaviṃg naiva cācāryo na rājā madhusūdanaḥ| arcitaśca kuruśreṣṭha kimanyatpriyakāmyayā||
O best of the Kuru race, the slayer of Madhu (Krishna) is neither a sacrificial priest, nor a preceptor, nor a king, why have you worshipped Krishna with the motive of pleasing others?
— tr. M.N. Dutt (1891–96) (public domain)
MBh 1 271.17
अथ वाभ्यर्चनीयोऽयं युष्माकं मधुसूदनः। किं राजभिरिहानीवैरवमानाय भारत॥
atha vābhyarcanīyo'yaṃ yuṣmākaṃ madhusūdanaḥ| kiṃ rājabhirihānīvairavamānāya bhārata||
O descendant of Bharata, if it was your intention to offer the first worship to the slayer of Madhu, why were these kings brought here to be insulted?
— tr. M.N. Dutt (1891–96) (public domain)
MBh 1 271.18
वयं तु न भयादस्य कौन्तेयस्य महात्मनः। प्रयच्छामः करान्सर्वे न लोभान्न च सान्त्वनात्॥
vayaṃ tu na bhayādasya kaunteyasya mahātmanaḥ| prayacchāmaḥ karānsarve na lobhānna ca sāntvanāt||
We have not paid tribute to the illustrious son of Kunti out of fear of temptation (the desire of gain) or conciliation:
— tr. M.N. Dutt (1891–96) (public domain)
MBh 1 271.19
अस्य धर्मप्रवृत्तस्य पार्थिवत्वं चिकीर्षतः। करानस्मै प्रयच्छामः सोऽयमस्मान् न मन्यते॥
asya dharmapravṛttasya pārthivatvaṃ cikīrṣataḥ| karānasmai prayacchāmaḥ so'yamasmān na manyate||
We have paid him tribute only because he was desirous of obtaining the imperial dignity from the motive of virtue. He it is who is now insulting us.
— tr. M.N. Dutt (1891–96) (public domain)
MBh 1 271.20
किमन्यदवमानाद्वि यदेनं राजसंसदि। अप्राप्तलक्षणं कृष्णमयेणार्चितवानसि॥
kimanyadavamānādvi yadenaṃ rājasaṃsadi| aprāptalakṣaṇaṃ kṛṣṇamayeṇārcitavānasi||
What else could be your motive, except that of insult, that in the midst of this assembly of kings, you have worshipped Krishna, who does not possess the insignia of royalty, with the Arghya?
— tr. M.N. Dutt (1891–96) (public domain)
MBh 1 271.21
अकस्माद् धर्मपुत्रस्य धर्मात्मेति यशो गतम्। को हि धर्मच्युत पूजामेवं युक्तां नियोजयेत्॥
akasmād dharmaputrasya dharmātmeti yaśo gatam| ko hi dharmacyuta pūjāmevaṃ yuktāṃ niyojayet||
The tile of "virtuous" achieved by the son of Dharma (Yudhishthira), has been obtained without any cause. Who will offer such unworthy worship to one who has failed from religion?
— tr. M.N. Dutt (1891–96) (public domain)
MBh 1 271.22
योऽयं वृष्णिकुले जातो राजानं हतवान् पुरा। जरासंधं महात्मानमन्यायेन दुरात्मवान्॥
yo'yaṃ vṛṣṇikule jāto rājānaṃ hatavān purā| jarāsaṃdhaṃ mahātmānamanyāyena durātmavān||
This wretch, born in the Vrishni race, formerly most unrighteously killed the illustrious king Jarasandha.
— tr. M.N. Dutt (1891–96) (public domain)
MBh 1 271.23
अद्य धर्मात्मता चैव व्यपकृष्टा युधिष्ठिरात्। दर्शितं कृपणत्वं च कृष्णेऽय॑स्य निवेदनात्॥
adya dharmātmatā caiva vyapakṛṣṭā yudhiṣṭhirāt| darśitaṃ kṛpaṇatvaṃ ca kṛṣṇe'ya̭sya nivedanāt||
Righteousness has today left Yudhishthira, and his meanness only has been displayed by his offering the Arghya to Krishna.
— tr. M.N. Dutt (1891–96) (public domain)
MBh 1 271.24
यदि भीताश्च कौन्तेयाः कृपणाश्च तपस्विनः। ननु त्वयापि बोद्धव्यं यां पूजां माधवार्हसि॥
yadi bhītāśca kaunteyāḥ kṛpaṇāśca tapasvinaḥ| nanu tvayāpi boddhavyaṃ yāṃ pūjāṃ mādhavārhasi||
O Janardana, if the helpless sons of Kunti are frightened, and if they have become mean for their asceticism, you ought to have enlightened them as to your claim to the first worship.
— tr. M.N. Dutt (1891–96) (public domain)
MBh 1 271.25
अथ वा कृपणैरेतामुपनीतां जनार्दना। पूजामनर्हः कस्मात् त्वमभ्यनुज्ञातवानसि॥
atha vā kṛpaṇairetāmupanītāṃ janārdanā| pūjāmanarhaḥ kasmāt tvamabhyanujñātavānasi||
O Janardana, why did you accept the worship of which you are not worthy, although it was offered to you by these mean-minded princes?
— tr. M.N. Dutt (1891–96) (public domain)
MBh 1 271.26
अयुक्तामात्मनः पूजां त्वं पुनर्बहु मन्यसे। हविषः प्राप्य निष्यन्दं प्राशिता श्वेव निर्जने॥
ayuktāmātmanaḥ pūjāṃ tvaṃ punarbahu manyase| haviṣaḥ prāpya niṣyandaṃ prāśitā śveva nirjane||
You (surely) think much of the worship so unworthy of freed to you, as a dog (joyfully) licks in solitude a quantity of Ghee which he has obtained.
— tr. M.N. Dutt (1891–96) (public domain)
MBh 1 271.27
न त्वयं पार्थिवेन्द्राणामपमानः प्रयुज्यते। त्वामेव कुरवो व्यक्तं प्रलम्भन्ते जनार्दन॥
na tvayaṃ pārthivendrāṇāmapamānaḥ prayujyate| tvāmeva kuravo vyaktaṃ pralambhante janārdana||
OJanardana, this is no insult to the kings, but it is you whom the Kurus have insulted.
— tr. M.N. Dutt (1891–96) (public domain)
MBh 1 271.28
क्लीबे दारक्रिया यादृगन्धे वा रूपदर्शनम्। अराज्ञो राजवत् पूजा तथा ते मधुसूदन॥.
klībe dārakriyā yādṛgandhe vā rūpadarśanam| arājño rājavat pūjā tathā te madhusūdana||.
O slayer of Madhu, as a wife is to an impotent man and a beautiful sight to a blind man, so is this worship to you who are not a king (at all).
— tr. M.N. Dutt (1891–96) (public domain)
MBh 1 271.29
दृष्टो युधिष्ठिरो राजा दृष्टो भीष्मश्च यादृशः। वासुदेवोऽप्ययं दृष्टः सर्वमेतद् यथातथम्॥
dṛṣṭo yudhiṣṭhiro rājā dṛṣṭo bhīṣmaśca yādṛśaḥ| vāsudevo'pyayaṃ dṛṣṭaḥ sarvametad yathātatham||
What (sort of man) Yudhishthira is, it has been (well) seen today; what (sort of man) Bhishma is, it has (also) been seen: what (sort of man) Vasudeva is, it has been also seen. all these men have been seen as they (really) are.
— tr. M.N. Dutt (1891–96) (public domain)
MBh 1 271.30
इत्युक्त्वा शिशुपालस्तानुत्थाय परमासनात्। निर्ययौ सदसस्तस्मात् सहितो राजभिस्तदा॥
ityuktvā śiśupālastānutthāya paramāsanāt| niryayau sadasastasmāt sahito rājabhistadā||
Vaishampayana said Having said this, Shishupala rose from the excellent seat (on which he was seated). He then went out of the assembly accompanied by the kings.
— tr. M.N. Dutt (1891–96) (public domain)