Mahabharata — Volume I (Dutt edition) — Chapter 262
MBh 1 262.1
वैशम्पायन उवाच स श्वेतपर्वतं वीरः समतिक्रम्य वीर्यवान्। देशं किम्पुरुषावासं दुमपुत्रेण रक्षितम्॥
vaiśampāyana uvāca sa śvetaparvataṃ vīraḥ samatikramya vīryavān| deśaṃ kimpuruṣāvāsaṃ dumaputreṇa rakṣitam||
Vaishampayana said After having crossed the white mountains, that greatly powerful hero conquered the country of the Kimpurushas which was ruled by Drumaputra.
— tr. M.N. Dutt (1891–96) (public domain)
MBh 1 262.2
महता संनिपातेन क्षत्रियान्तकरेण ह। अजयत् पाण्डवश्रेष्ठः करे चैनं न्यवेशयत्॥
mahatā saṃnipātena kṣatriyāntakareṇa ha| ajayat pāṇḍavaśreṣṭhaḥ kare cainaṃ nyaveśayat||
After a great battle in which great was the slaughter of Kshatriyas, that best of the Pandavas brought the country under his complete control.
— tr. M.N. Dutt (1891–96) (public domain)
MBh 1 262.3
तं जित्वा हाटकं नाम देशं गुह्यकरक्षितम्। पाकशासनिरव्यग्रः सहसैन्यः समासदत्॥
taṃ jitvā hāṭakaṃ nāma deśaṃ guhyakarakṣitam| pākaśāsaniravyagraḥ sahasainyaḥ samāsadat||
Having conquered this country the son of Indra with a determined mind and with a large number of troops, subjugated the country, named Hataka, ruled by the Guhyakas.
— tr. M.N. Dutt (1891–96) (public domain)
MBh 1 262.4
तांस्तु सान्त्वेन निर्जित्य मानसं सर उत्तमम्। ऋषिकुल्यास्तथा सर्वा ददर्श कुरुनन्दनः॥
tāṃstu sāntvena nirjitya mānasaṃ sara uttamam| ṛṣikulyāstathā sarvā dadarśa kurunandanaḥ||
Having subjugated them by a policy of conciliation, that descendant of Kuru saw that excellent lake, called Manasa. He saw also various other lakes and tanks sacred to the Rishis.
— tr. M.N. Dutt (1891–96) (public domain)
MBh 1 262.5
सरो मानसमासाद्य हाटकानभितः प्रभुः। गन्धर्वरक्षितं देशमजयत् पाण्डवस्ततः॥
saro mānasamāsādya hāṭakānabhitaḥ prabhuḥ| gandharvarakṣitaṃ deśamajayat pāṇḍavastataḥ||
Having arrived at the Manasa (lake), the lord Pandava (Arjuna) conquered the regions, ruled by the Gandharvas the regions that lay around the Hataka countries.
— tr. M.N. Dutt (1891–96) (public domain)
MBh 1 262.6
तत्र तित्तिरिकल्माषान् मण्डूकाख्यान् हयोत्तमान्। लेभे स करमत्यन्तं गन्धर्वनगरात् तदा॥
tatra tittirikalmāṣān maṇḍūkākhyān hayottamān| lebhe sa karamatyantaṃ gandharvanagarāt tadā||
The victor (Arjuna) took from the city of the Gandharvas as his tribute many excellent horses, called Tittiri, Kalmasha and Manduka.
— tr. M.N. Dutt (1891–96) (public domain)
MBh 1 262.7
उत्तरं कुरुवर्षं तु समासाद्य पाण्डवः। इयेष जेतुं तं देशं पाकशासननन्दनः॥
uttaraṃ kuruvarṣaṃ tu samāsādya pāṇḍavaḥ| iyeṣa jetuṃ taṃ deśaṃ pākaśāsananandanaḥ||
Wishing to conquer that country, the son of Indra, the Pandava (Arjuna), came to the country of North Harivarsha.
— tr. M.N. Dutt (1891–96) (public domain)
MBh 1 262.8
तत एनं महावीर्यं महाकाया महाबलाः। द्वारपाला: समासाद्य हृष्टाः वचनमब्रुवन्॥
tata enaṃ mahāvīryaṃ mahākāyā mahābalāḥ| dvārapālā: samāsādya hṛṣṭāḥ vacanamabruvan||
Thereupon some greatly powerful strong and huge-bodied frontier guards came to him and his cheerfully spoke to him.
— tr. M.N. Dutt (1891–96) (public domain)
MBh 1 262.9
पार्थ नेदं त्वया शक्यं पुरं जेतुं कथंचन। उपावर्तस्व कल्याण पर्याप्तमिदमच्युत॥
pārtha nedaṃ tvayā śakyaṃ puraṃ jetuṃ kathaṃcana| upāvartasva kalyāṇa paryāptamidamacyuta||
"O Partha, this country cannot be conquered by you. If you seek your good return from this place. O Achyuta, your conquests are already enough.
— tr. M.N. Dutt (1891–96) (public domain)
MBh 1 262.10
इदं पुरं यः प्रविशेद् ध्रुवं न स भवेन्नरः। प्रीयामहे त्वया वीर पर्याप्तो विजयस्तव॥
idaṃ puraṃ yaḥ praviśed dhruvaṃ na sa bhavennaraḥ| prīyāmahe tvayā vīra paryāpto vijayastava||
He that enters this country, if he is human, is sure to perish. We are pleased with you, your conquests are (already) too many.
— tr. M.N. Dutt (1891–96) (public domain)
MBh 1 262.11
न चात्र किंचिज्जेतव्यमजुनात्र प्रदृश्यते। उत्तराः कुरवो ह्येते नात्र युद्धं प्रवर्तते॥
na cātra kiṃcijjetavyamajunātra pradṛśyate| uttarāḥ kuravo hyete nātra yuddhaṃ pravartate||
O Arjuna, there is nothing to be seen here, there is nothing to be conquered here by you. The Northern Kurus live here, there cannot be any war here.
— tr. M.N. Dutt (1891–96) (public domain)
MBh 1 262.12
प्रविष्टोऽपि हि कौन्तेय नेह द्रक्ष्यसि किंचन। न हि मानुषदेहेन शक्यमत्राभिवीक्षितुम्॥
praviṣṭo'pi hi kaunteya neha drakṣyasi kiṃcana| na hi mānuṣadehena śakyamatrābhivīkṣitum||
O son of Kunti, even if you enter this country, you will not be able to seen any thing, for nothing can be seen here with human eyes.
— tr. M.N. Dutt (1891–96) (public domain)
MBh 1 262.13
अथेह पुरुषव्याघ्र किंचिदन्यच्चिकीर्षसि। तत् प्रब्रूहि करिष्यामो वचनात् तव भारत॥
atheha puruṣavyāghra kiṃcidanyaccikīrṣasi| tat prabrūhi kariṣyāmo vacanāt tava bhārata||
O best of men, O descendant of Bharata, if however, you desire to have any thing else, tell us, we may do your bidding."
— tr. M.N. Dutt (1891–96) (public domain)
MBh 1 262.14
ततस्तानब्रवीद् राजन्नर्जुनः प्रहसन्निवा पार्थिवत्वं चिकीर्षामि धर्मराजस्य धीमतः॥
tatastānabravīd rājannarjunaḥ prahasannivā pārthivatvaṃ cikīrṣāmi dharmarājasya dhīmataḥ||
Having been thus addressed, Arjuna smilingly thus spoke to them, “I desire the acquisition of the imperial dignity for the intelligent Dharamaraja Yudhishthira.
— tr. M.N. Dutt (1891–96) (public domain)
MBh 1 262.15
न प्रवेक्ष्यामि वो देशं विरुद्धं यदि मानुषैः। युधिष्ठिराय यत् किंचित् करपण्यं प्रदीयताम्॥
na pravekṣyāmi vo deśaṃ viruddhaṃ yadi mānuṣaiḥ| yudhiṣṭhirāya yat kiṃcit karapaṇyaṃ pradīyatām||
If this country is shut against human beings, I shall not enter it. Let something be given by you as tribute to Yudhishthira.
— tr. M.N. Dutt (1891–96) (public domain)
MBh 1 262.16
ततो दिव्यानि वस्त्राणि दिव्यान्याभरणानि च। क्षौमाजिनानि दिव्यानि तस्य ते प्रददुः करम्॥
tato divyāni vastrāṇi divyānyābharaṇāni ca| kṣaumājināni divyāni tasya te pradaduḥ karam||
Thereupon they gave him as tribute many celestials clothes and ornaments and many celestials silks and celestials skins.
— tr. M.N. Dutt (1891–96) (public domain)
MBh 1 262.17
एवं स पुरुषव्याघ्रो विजित्य दिशमुत्तराम्। संग्रामान् सुबहून् कृत्वा क्षत्रियैर्दस्युभिस्तथा॥
evaṃ sa puruṣavyāghro vijitya diśamuttarām| saṃgrāmān subahūn kṛtvā kṣatriyairdasyubhistathā||
It was thus that best of men (Arjuna) conquered the northern countries, and all the kings (of those countries); and he fought many battles both with the Kshatriyas and the robber tribes.
— tr. M.N. Dutt (1891–96) (public domain)
MBh 1 262.18
स विनिर्जित्य राज्ञस्तान् करे च विनिवेश्य तु। धनान्यादाय सर्वेभ्यो रत्नानि विविधानि च॥
sa vinirjitya rājñastān kare ca viniveśya tu| dhanānyādāya sarvebhyo ratnāni vividhāni ca||
Having thus vanquished and subjugated many kings and countries, he exacted tributes from them all, and (he thus) obtained much wealth and many gems and jewels.
— tr. M.N. Dutt (1891–96) (public domain)
MBh 1 262.19
हयांस्तित्तिरिकल्माषाञ्छुकपत्रनिभानपि। मयूरसदृशानन्यान् सर्वाननिलरंहसः॥
hayāṃstittirikalmāṣāñchukapatranibhānapi| mayūrasadṛśānanyān sarvānanilaraṃhasaḥ||
And many swift horses of the species called Tittiri and Kalmasha, and also many others with the colour of peacocks.
— tr. M.N. Dutt (1891–96) (public domain)
MBh 1 262.20
वृतः सुमहता राजन् बलेन चतुरङ्गिणा। आजगाम पुनर्वीरः शक्रप्रस्थं पुरोत्तमम्॥
vṛtaḥ sumahatā rājan balena caturaṅgiṇā| ājagāma punarvīraḥ śakraprasthaṃ purottamam||
O king, surrounded by a large army of the four kinds of troops, the hero (at last) returned to the city of Indraprastha.
— tr. M.N. Dutt (1891–96) (public domain)
MBh 1 262.21
धर्मराजाय तत् पार्थो धनं सर्वं सवाहनम्। न्यवेदयदनुज्ञातस्तेन राज्ञा गृहान् ययौ॥
dharmarājāya tat pārtho dhanaṃ sarvaṃ savāhanam| nyavedayadanujñātastena rājñā gṛhān yayau||
Partha (Arjuna) offered to Dharmaraja all the wealth and the animals brought by him. Commanded by the king, the hero went to his chamber to take rest.
— tr. M.N. Dutt (1891–96) (public domain)