Mahabharata — Volume I (Dutt edition) — Chapter 261

MBh 1 261.1

वैशम्पायन उवाच एवमुक्तः प्रत्युवाच भगदत्तं धनंजयः। अनेनैव कृतं सर्वमनुजानीहि याम्यहम्॥

vaiśampāyana uvāca evamuktaḥ pratyuvāca bhagadattaṃ dhanaṃjayaḥ| anenaiva kṛtaṃ sarvamanujānīhi yāmyaham||

Vaishampayana said Having been thus addressed, Dhananjaya (Arjuna) thus replied to Bhagadatta. "If you give me your promise to do it, you will have done all that I desire."

— tr. M.N. Dutt (1891–96) (public domain)

MBh 1 261.2

तं विजित्य महाबाहुः कुन्तीपुत्रो धनंजयः। प्रययावुत्तरां तस्माद् दिशं धनदपालिताम्॥

taṃ vijitya mahābāhuḥ kuntīputro dhanaṃjayaḥ| prayayāvuttarāṃ tasmād diśaṃ dhanadapālitām||

Having thus conquered him, the mighty armed son of Kunti, Dhananjaya, then went towards the north, the direction presided over by the lord of wealth (Kubera).

— tr. M.N. Dutt (1891–96) (public domain)

MBh 1 261.3

अन्तर्गिरिं च कौन्तेयस्तथैव च बहिर्गिरिम्। तथैवोपगिरिं चैव विजिग्ये पुरुषर्षभः॥

antargiriṃ ca kaunteyastathaiva ca bahirgirim| tathaivopagiriṃ caiva vijigye puruṣarṣabhaḥ||

The son of Kunti, that best of men, conquered the inner-mountains, the outer mountains and the smaller mountains.

— tr. M.N. Dutt (1891–96) (public domain)

MBh 1 261.4

विजित्य पर्वतान् सर्वान् ये च तत्र नराधिपाः। तान् वशे स्थापयित्वा स धनान्यादाय सर्वशः॥

vijitya parvatān sarvān ye ca tatra narādhipāḥ| tān vaśe sthāpayitvā sa dhanānyādāya sarvaśaḥ||

Having conquered all the mountains and all the kings that lived on them and having brought them under his sway, he exacted tribute from them all.

— tr. M.N. Dutt (1891–96) (public domain)

MBh 1 261.5

तैरेव सहितः सर्वैरनुरज्य च तान् नृपान्। उलक्वासिनं राजन् बृहृतमुपजग्मिवान्॥

taireva sahitaḥ sarvairanurajya ca tān nṛpān| ulakvāsinaṃ rājan bṛhṛtamupajagmivān||

O king, having won the affection of those kings, and having united himself with them, he next marched against Brihanta (who was) the king of Uluka.

— tr. M.N. Dutt (1891–96) (public domain)

MBh 1 261.6

मृदङ्गवरनादेन रथनेमिस्वनेन च। हस्तिनां च निनादेन कम्पयन् वसुधामिमाम्॥

mṛdaṅgavaranādena rathanemisvanena ca| hastināṃ ca ninādena kampayan vasudhāmimām||

Trembling the earth with the sound of his drums, with the clatter of his chariot wheels and with the roar of the elephants that were with his troops.

— tr. M.N. Dutt (1891–96) (public domain)

MBh 1 261.7

ततो बृहन्तस्त्वरितो बलेन चतुरङ्गिणा। निष्क्रम्य नगरात् तस्माद् योधयामास फाल्गुनम्॥

tato bṛhantastvarito balena caturaṅgiṇā| niṣkramya nagarāt tasmād yodhayāmāsa phālgunam||

Brihanta soon came out of his city with his five kinds of troops and gave battle to Falguni (Arjuna).

— tr. M.N. Dutt (1891–96) (public domain)

MBh 1 261.8

सुमहान् संनिपातोऽभूद् धनंजयबृहन्तयोः। न शशाक बृहन्तस्तु सोढुं पाण्डवविक्रमम॥

sumahān saṃnipāto'bhūd dhanaṃjayabṛhantayoḥ| na śaśāka bṛhantastu soḍhuṃ pāṇḍavavikramama||

The battle that took place between Brihanta and Dhananjaya was a terrible one. But Brihanta was not able to stand against the prowess of the son of Pandu (Arjuna).

— tr. M.N. Dutt (1891–96) (public domain)

MBh 1 261.9

सोऽविषह्यतमं मत्वा कौन्तेयं पर्वतेश्वरः। उपावर्तत दुर्धर्षो रत्नान्यादाय सर्वशः॥

so'viṣahyatamaṃ matvā kaunteyaṃ parvateśvaraḥ| upāvartata durdharṣo ratnānyādāya sarvaśaḥ||

Thinking that the son of Kunti was incapable of being withstood, that invincible mountain-king came to him with all his wealth.

— tr. M.N. Dutt (1891–96) (public domain)

MBh 1 261.10

स तद्राज्यमवस्थाप्य उलूकसहितो ययौ। सेनाबिन्दुमथो राजन् राज्यादाशु समाक्षिपत्॥

sa tadrājyamavasthāpya ulūkasahito yayau| senābindumatho rājan rājyādāśu samākṣipat||

O king, having made peace with him and having placed him in his kingdom, he (Arjuna) marched against Senabindu whom he expelled from his kingdom.

— tr. M.N. Dutt (1891–96) (public domain)

MBh 1 261.11

मोदापुरं वामदेवं सुदामानं सुसंकुलम्। उलूकानुत्तरांश्चैव तांश्च राज्ञः समानयत्॥

modāpuraṃ vāmadevaṃ sudāmānaṃ susaṃkulam| ulūkānuttarāṃścaiva tāṃśca rājñaḥ samānayat||

He then subjugated Modapura, Vamadeva, Sudamana, Susankula, the northern Ulukas and the kings and the people of those countries.

— tr. M.N. Dutt (1891–96) (public domain)

MBh 1 261.12

तत्रस्थः पुरुषैरेव धर्मराजस्य शासनात्। किरीटी जितवान् राजन् देशान् पञ्चगणांस्ततः॥

tatrasthaḥ puruṣaireva dharmarājasya śāsanāt| kirīṭī jitavān rājan deśān pañcagaṇāṃstataḥ||

O king, at the command of Yudhishthira, Kirti (Arjuna) brought under his sway all these five countries and their people by sending only his troops against them and not moving himself from the city (of Senavindu).

— tr. M.N. Dutt (1891–96) (public domain)

MBh 1 261.13

स देवप्रस्थमासाद्य सेनाविन्दोः पुरं प्रति। बलेन चतुरङ्गेण निवेशमकरोत् प्रभुः॥

sa devaprasthamāsādya senāvindoḥ puraṃ prati| balena caturaṅgeṇa niveśamakarot prabhuḥ||

After his arrival at Devaprastha, the city of Senavindu, the lord (Arjuna) took up his quarters there with his five kinds of troops.

— tr. M.N. Dutt (1891–96) (public domain)

MBh 1 261.14

स तैः परिवृतः सर्वैर्विष्वगंश्वं नराधिपम्। अभ्यगच्छन्महातेजाः पौरवं पुरुषर्षभ॥

sa taiḥ parivṛtaḥ sarvairviṣvagaṃśvaṃ narādhipam| abhyagacchanmahātejāḥ pauravaṃ puruṣarṣabha||

Surrounded by the kings and all the people whom he subjugated, he marched against that best of men, the descendant of Puru, Vishvagashva.

— tr. M.N. Dutt (1891–96) (public domain)

MBh 1 261.15

विजित्य चाहवे शूरान् पर्वतीयान् महारथान्। जिगाय सेनया राजन् पुरं पौरवरक्षितम्॥

vijitya cāhave śūrān parvatīyān mahārathān| jigāya senayā rājan puraṃ pauravarakṣitam||

king, having subjugated in battle the brave mountaineers who were all great warriors, the son of Pandu (Arjuna) conquered with the help of his troops the city protected by the Puru King.

— tr. M.N. Dutt (1891–96) (public domain)

MBh 1 261.16

पौरवं युधि निर्जित्य दस्यून् पर्वतवासिनः। गणानुत्सवसंकेतानजयत् सप्त पाण्डवः॥

pauravaṃ yudhi nirjitya dasyūn parvatavāsinaḥ| gaṇānutsavasaṃketānajayat sapta pāṇḍavaḥ||

Having vanquished the Puru king, and also the robber tribes of the mountains, the son of Pandu brought under his sway the seven tribes, called Utsavasanketa.

— tr. M.N. Dutt (1891–96) (public domain)

MBh 1 261.17

ततः काश्मीरकान् वीरान् क्षत्रियान् क्षत्रियर्षभः। व्यजयल्लोहितं चैव मण्डलैर्दशभिः सह॥

tataḥ kāśmīrakān vīrān kṣatriyān kṣatriyarṣabhaḥ| vyajayallohitaṃ caiva maṇḍalairdaśabhiḥ saha||

That best of Kshatriyas (Arjuna) then vanquished the brave Kshatriyas of Kashmira and also the king Lohita, as well as ten minor chiefs.

— tr. M.N. Dutt (1891–96) (public domain)

MBh 1 261.18

ततस्त्रिगर्ताः कौन्तेयं दार्वाः कोकनदास्तथा। क्षत्रिया बहवो राजन्नुपावर्तन्त सर्वशः॥

tatastrigartāḥ kaunteyaṃ dārvāḥ kokanadāstathā| kṣatriyā bahavo rājannupāvartanta sarvaśaḥ||

O king, then the Trigartas, the Danavas, the Kokanadas and various other Kshatriyas advanced against the son of Kunti.

— tr. M.N. Dutt (1891–96) (public domain)

MBh 1 261.19

अभिसारी ततो रम्यां विजिग्ये कुरुनन्दनः। उरगावासिनं चैव रोचमानं रणेऽजयत्॥

abhisārī tato ramyāṃ vijigye kurunandanaḥ| uragāvāsinaṃ caiva rocamānaṃ raṇe'jayat||

That descendant of Kuru (Arjuna) then conquered the charming city, named Abhisari. He then vanquished Rochamana, who ruled in urga.

— tr. M.N. Dutt (1891–96) (public domain)

MBh 1 261.20

ततः सिंहपुरं रम्यं चित्रायुधसुरक्षितम्। प्राधमद् बलमास्थाय पाकशासनिराहवे॥

tataḥ siṃhapuraṃ ramyaṃ citrāyudhasurakṣitam| prādhamad balamāsthāya pākaśāsanirāhave||

The son of the chastiser of Paka (Arjuna) then conquered the charming city of Singhapura which was well protected by all kinds of weapons.

— tr. M.N. Dutt (1891–96) (public domain)

MBh 1 261.21

ततः सुह्मांश्च चोलांश्च किरीटी पाण्डवर्षभः। सहितः सर्वसैन्येन प्रामथत् कुरुनन्दनः॥

tataḥ suhmāṃśca colāṃśca kirīṭī pāṇḍavarṣabhaḥ| sahitaḥ sarvasainyena prāmathat kurunandanaḥ||

Then that best of the Pandavas the descendant of Kuru, Kirti (Arjuna) marched against the countries, called Sumba and Sumala, and attacked them.

— tr. M.N. Dutt (1891–96) (public domain)

MBh 1 261.22

ततः परमविक्रान्तो बाह्रीकान् पाकशासनिः। महता परिमर्दैन वशे चक्रे दुरासदान्॥

tataḥ paramavikrānto bāhrīkān pākaśāsaniḥ| mahatā parimardaina vaśe cakre durāsadān||

Then after attacking with great force, the son of Indra (Arjuna), subjugated the Valhikas, ever difficult to vanquish.

— tr. M.N. Dutt (1891–96) (public domain)

MBh 1 261.23

गृहीत्वा तु बलं सारं फाल्गुनः पाण्डुनन्दनः। दरदान् सह काम्बोजैरजयत् पाकशासनिः॥

gṛhītvā tu balaṃ sāraṃ phālgunaḥ pāṇḍunandanaḥ| daradān saha kāmbojairajayat pākaśāsaniḥ||

The son of Pandu, and the son of Indra, Falguni (Arjuna), then took with him a select force and defeated the Daradas along with the Kambojas.

— tr. M.N. Dutt (1891–96) (public domain)

MBh 1 261.24

प्रागुत्तरां दिशं ये च वसन्त्याश्रित्य दस्यवः। निवसन्ति वने ये च तान् सर्वानजयत् प्रभुः॥

prāguttarāṃ diśaṃ ye ca vasantyāśritya dasyavaḥ| nivasanti vane ye ca tān sarvānajayat prabhuḥ||

The lord (Arjuna) vanquished the robber tribes that lived in the north eastern frontier, and those also that lived in the forest.

— tr. M.N. Dutt (1891–96) (public domain)

MBh 1 261.25

लोहान् परमकाम्बोजानृषिकानुत्तरानपि। सहितांस्तान् महाराज व्यजयत् पाकशासनिः॥

lohān paramakāmbojānṛṣikānuttarānapi| sahitāṃstān mahārāja vyajayat pākaśāsaniḥ||

O great king, the son of Indra also subjugated the allied tribes of the Lokas, the eastern Kambojas and the northern Rishikas.

— tr. M.N. Dutt (1891–96) (public domain)

MBh 1 261.26

ऋषिकेष्वपि संग्रामो बभूवातिभयंकरः। तारकामयसंकाशः परस्त्वृषिकपार्थयोः॥

ṛṣikeṣvapi saṃgrāmo babhūvātibhayaṃkaraḥ| tārakāmayasaṃkāśaḥ parastvṛṣikapārthayoḥ||

The battle with the Rishikas was very fearful. The battle that took place between them and the son of Pritha (Arjuna) was equal to the between the gods and the Danavas, the immediate cause of which was Taraka (the wife of Brihaspati).

— tr. M.N. Dutt (1891–96) (public domain)

MBh 1 261.27

स विजित्य ततो राजऋषिकान् रणमूर्धनि। शुकोदरसमांस्तत्र हयानष्टौ समानयत्॥

sa vijitya tato rājaṛṣikān raṇamūrdhani| śukodarasamāṃstatra hayānaṣṭau samānayat||

O king, having vanquished the Rishikas on the field of battle, he took from them as tribute eight horses that were of the colour of the parrot's breast.

— tr. M.N. Dutt (1891–96) (public domain)

MBh 1 261.28

मयूरसदृशानन्यानुत्तरानपरानपि। जवनानाशुगांश्चैव करार्थं समुपानयत्॥

mayūrasadṛśānanyānuttarānaparānapi| javanānāśugāṃścaiva karārthaṃ samupānayat||

And some other horses also which had the colour of peacocks, these horses were all born in northern and other countries, and possessed great speed.

— tr. M.N. Dutt (1891–96) (public domain)

MBh 1 261.29

स विनिर्जित्य संग्रामे हिमवन्तं सनिष्कुटम्। श्वेतपर्वतमासाद्य न्यविशत् पुरुषर्षभः॥

sa vinirjitya saṃgrāme himavantaṃ saniṣkuṭam| śvetaparvatamāsādya nyaviśat puruṣarṣabhaḥ||

Thus having conquered all the Himalayas and the Nishkuta mountains, he at last arrived at the white mountains and encamped on it.

— tr. M.N. Dutt (1891–96) (public domain)