Mahabharata — Volume I (Dutt edition) — Chapter 260
MBh 1 260.1
जनमेजय उवाच दिशामभिजय ब्रह्मन् विस्तरेणानुकीर्तय। न हि तृप्यामि पूर्वेषां शृण्वानश्चरितं महत्॥
janamejaya uvāca diśāmabhijaya brahman vistareṇānukīrtaya| na hi tṛpyāmi pūrveṣāṃ śṛṇvānaścaritaṃ mahat||
Janamejaya said O Brahmana, narrate to me in full the history of the conquests of the various directions (by the Pandavas). I am not satiated with listening to the great history of my ancestors.
— tr. M.N. Dutt (1891–96) (public domain)
MBh 1 260.2
वैशम्पायन उवाच धनंजयस्य वक्ष्यामि विजयं पूर्वमेव ते। यौगपद्येन पार्हि निर्जितेयं वसुन्धरा॥
vaiśampāyana uvāca dhanaṃjayasya vakṣyāmi vijayaṃ pūrvameva te| yaugapadyena pārhi nirjiteyaṃ vasundharā||
Vaishampayana said The earth was conquered simultaneously by all the sons of Pritha. I shall first describe the conquest of Dhannajaya (Arjuna).
— tr. M.N. Dutt (1891–96) (public domain)
MBh 1 260.3
पूर्वं कुलिन्दविषये वशे चक्रे महीपतीन्। धनंजयो महाबाहु तितीव्रण कर्मणा॥
pūrvaṃ kulindaviṣaye vaśe cakre mahīpatīn| dhanaṃjayo mahābāhu titīvraṇa karmaṇā||
The mighty armed Dhananjaya, by the greatest courageous feats first, conquered the king of the Kulindas.
— tr. M.N. Dutt (1891–96) (public domain)
MBh 1 260.4
आनर्तान् कालकूटांश्च कुलिन्दांश्च विजित्य सः। सुमण्डलं च विजितं कृतवान् सहसैनिकम्॥
ānartān kālakūṭāṃśca kulindāṃśca vijitya saḥ| sumaṇḍalaṃ ca vijitaṃ kṛtavān sahasainikam||
Having conquered the Kulindas, the Anartas and the Kalakutas, he conquered Sumandala with his troops.
— tr. M.N. Dutt (1891–96) (public domain)
MBh 1 260.5
स तेन सहितो राजन् सव्यसाची परंतपः। विजिग्ये शाकलं द्वीपं प्रतिविन्ध्यं च पार्थिवम्॥
sa tena sahito rājan savyasācī paraṃtapaḥ| vijigye śākalaṃ dvīpaṃ prativindhyaṃ ca pārthivam||
O king, the chastiser of foes, Savyasachi (Arjuna) conquered with him (Sumandala) the island of Shakala, and also the king Prativindhya.
— tr. M.N. Dutt (1891–96) (public domain)
MBh 1 260.6
शाकलद्वीपवासाश्च सप्तद्वीपेषु ये नृपाः। अर्जुनस्य च सैन्यैस्तैर्विग्रहस्तुमलोऽभवत्॥
śākaladvīpavāsāśca saptadvīpeṣu ye nṛpāḥ| arjunasya ca sainyaistairvigrahastumalo'bhavat||
Shakala was one of the seven islands of the earth, and there were many kings o that island. A fearful battle took place between them and their troops and Arjuna.
— tr. M.N. Dutt (1891–96) (public domain)
MBh 1 260.7
स तानपि महेष्वासान् विजिग्ये भरतर्षभ। तैरेव सहितः सर्वैः प्राग्ज्योतिषमुपाद्रवत्॥
sa tānapi maheṣvāsān vijigye bharatarṣabha| taireva sahitaḥ sarvaiḥ prāgjyotiṣamupādravat||
But O best of the Bharata race, those great bowmen were all defeated by Arjuna. With them all, he then attacked the kingdom of Pragjyotisha.
— tr. M.N. Dutt (1891–96) (public domain)
MBh 1 260.8
तत्र राजा महानासीद् भगदत्तो विशाम्पते। तेनासीत् सुमहद् युद्धं पाण्डवस्य महात्मनः॥
tatra rājā mahānāsīd bhagadatto viśāmpate| tenāsīt sumahad yuddhaṃ pāṇḍavasya mahātmanaḥ||
O king, the king of that country was Bhagadatta. A great battle was fought by the illustrious Pandava with him.
— tr. M.N. Dutt (1891–96) (public domain)
MBh 1 260.9
स किरातैश्च चीनैश्च वृतः प्राग्ज्योतिषोऽ ऽभवत्। अन्यैश्च बहुभिर्योधैः सागरानूपवासिभिः॥
sa kirātaiśca cīnaiśca vṛtaḥ prāgjyotiṣo' 'bhavat| anyaiśca bahubhiryodhaiḥ sāgarānūpavāsibhiḥ||
The king of Pragjyotisha was supported by hosts of Kiratas and Chins and by numerous other warriors that dwelt on the sea-coast.
— tr. M.N. Dutt (1891–96) (public domain)
MBh 1 260.10
ततः स दिवसानष्टौ योधयित्वा धनंजयम्। प्रहसन्नब्रवीद् राजा संग्रामविगतक्लमम्॥
tataḥ sa divasānaṣṭau yodhayitvā dhanaṃjayam| prahasannabravīd rājā saṃgrāmavigataklamam||
Having fought with Dhananjaya (Arjuna) continuously for eight days and having found him not the least tired in the battle, the king Bhagadatta smilingly said to him.
— tr. M.N. Dutt (1891–96) (public domain)
MBh 1 260.11
उपपन्नं महाबाहो त्वयि कौरवनन्दन। पाकशासनदायादे वीर्यमाहवशोभिनि॥
upapannaṃ mahābāho tvayi kauravanandana| pākaśāsanadāyāde vīryamāhavaśobhini||
"O mighty-armed (hero), O descendant of Kuru, this energy in battle is well-suited to you, (for) you are the son of the chastiser of Paka (Indra) and an ornament in battle.
— tr. M.N. Dutt (1891–96) (public domain)
MBh 1 260.12
अहं सखा महेन्द्रस्य शक्रादनवरो रणे। न शक्ष्यामि च ते तात स्थातुं प्रमुखतो युधि॥
ahaṃ sakhā mahendrasya śakrādanavaro raṇe| na śakṣyāmi ca te tāta sthātuṃ pramukhato yudhi||
O child, I am the friend of Indra, I am scarcely inferior to him in battle, (but) I cannot stand before you.
— tr. M.N. Dutt (1891–96) (public domain)
MBh 1 260.13
त्वमीप्सितं पाण्डवेय ब्रूहि किं करवाणि ते। यद् वक्ष्यसि महाबाहो तत् करिष्यामि पुत्रक॥
tvamīpsitaṃ pāṇḍaveya brūhi kiṃ karavāṇi te| yad vakṣyasi mahābāho tat kariṣyāmi putraka||
O son of Pandu, tell me what is your desire? What can I do for you? O mightyarmed hero, O son, I shall do what you will tell me to do.
— tr. M.N. Dutt (1891–96) (public domain)
MBh 1 260.14
अर्जुन उवाच कुरूणामृषभो राजा धर्मपुत्रो युधिष्ठिरः। धर्मज्ञः सत्यसंधश्च यज्वा विपुलदक्षिणः॥
arjuna uvāca kurūṇāmṛṣabho rājā dharmaputro yudhiṣṭhiraḥ| dharmajñaḥ satyasaṃdhaśca yajvā vipuladakṣiṇaḥ||
Arjuna said That foremost of the Kurus, the king Dharmaraja Yudhishthira, learned in the precepts of all virtues, devoted to truth and a performer of sacrifices in which Dakshina is very large, (desires to obtain imperial dignity).
— tr. M.N. Dutt (1891–96) (public domain)
MBh 1 260.15
तस्य पार्थिवतामीप्से करस्तस्मै प्रदीयताम्। भवान् पितृसखा चैव प्रीयमाणो मयापि च। ततो नाज्ञापयामि त्वां प्रीतिपूर्वं प्रदीयताम्॥
tasya pārthivatāmīpse karastasmai pradīyatām| bhavān pitṛsakhā caiva prīyamāṇo mayāpi ca| tato nājñāpayāmi tvāṃ prītipūrvaṃ pradīyatām||
I desire to see him acquire (it) the imperial dignity. Let tribute be paid by you to him. You are my father's friend, and you have been also gratified by me. I cannot command you. Therefore, let the tribute be paid by you with cheerfulness and at your own (free) will.
— tr. M.N. Dutt (1891–96) (public domain)
MBh 1 260.16
भगदत्त उवाच कुन्तीमातर्यथां मे त्वं तथा राजा युधिष्ठिरः। सर्वमेतत् करिष्यामि किं चान्यत् करवाणि ते॥
bhagadatta uvāca kuntīmātaryathāṃ me tvaṃ tathā rājā yudhiṣṭhiraḥ| sarvametat kariṣyāmi kiṃ cānyat karavāṇi te||
Bhagadatta said O son of Kunti, as you are to me, so is also the king Yudhishthira. I shall do all this; tell me what else I can do for you.
— tr. M.N. Dutt (1891–96) (public domain)