Mahabharata — Volume I (Dutt edition) — Chapter 258
MBh 1 258.1
वैशम्पायन उवाच भीमसेनस्ततः कृष्णमुवाच यदुनन्दनम्। बुद्धिमास्थाय विपुलां जरासंधवधेप्सया॥ नायंपापो मया कृष्ण युक्तः स्यादनुरोधितुम्। प्राणेन यदुशार्दूल बद्धकक्षेण वाससा॥
vaiśampāyana uvāca bhīmasenastataḥ kṛṣṇamuvāca yadunandanam| buddhimāsthāya vipulāṃ jarāsaṃdhavadhepsayā|| nāyaṃpāpo mayā kṛṣṇa yuktaḥ syādanurodhitum| prāṇena yaduśārdūla baddhakakṣeṇa vāsasā||
Vaishampayana said Thereupon Bhimsena, his mind firmly set on the desire of killing Jarasandha, thus spoke to the descendant of Yadu, Krishna, "O Krishna, O best of the Yadu race, this wretch is still before me with girded loins and with sufficient strength. He should not be excused by me,”
— tr. M.N. Dutt (1891–96) (public domain)
MBh 1 258.2
एवमुक्तस्ततः कृष्णः प्रत्युवाच वृकोदरम्। त्वरयन् पुरुषव्याघ्रो जरासंधवधेप्सया॥ यत् ते दैवं परं सत्त्वं यच्च ते मातरिश्वनः। बलं भीम जरासंधे दर्शयाशु तदद्य नः॥
evamuktastataḥ kṛṣṇaḥ pratyuvāca vṛkodaram| tvarayan puruṣavyāghro jarāsaṃdhavadhepsayā|| yat te daivaṃ paraṃ sattvaṃ yacca te mātariśvanaḥ| balaṃ bhīma jarāsaṃdhe darśayāśu tadadya naḥ||
Having been thus addressed, Krishna, that best of men, with the desire of seeing soon an end of Jarasandha, thus replied to Vrikodara (Bhima), “O Bhima, the strength that you have derived from the celestials, the might that you have obtained from Maruta, display them today towards Jarasandha."
— tr. M.N. Dutt (1891–96) (public domain)
MBh 1 258.3
एवमुक्तास्तदा भीमो जरासंधमरिंदमः। उत्क्षिप्य भ्रामयामास बलवन्तं महाबलः॥
evamuktāstadā bhīmo jarāsaṃdhamariṃdamaḥ| utkṣipya bhrāmayāmāsa balavantaṃ mahābalaḥ||
Having been thus addressed, that chastiser of foes, that greatly strong (hero), Bhima, raised up the strong Jarasandha and whirled him on high.
— tr. M.N. Dutt (1891–96) (public domain)
MBh 1 258.4
भ्रामयित्वा शतगुणं जानुभ्यां भरतर्षभ। बभञ्ज पृष्ठं संक्षिप्य निष्पिष्य विननाद च॥ करे गृहीत्वा चरणं द्वेधा चक्रे महाबलः॥
bhrāmayitvā śataguṇaṃ jānubhyāṃ bharatarṣabha| babhañja pṛṣṭhaṃ saṃkṣipya niṣpiṣya vinanāda ca|| kare gṛhītvā caraṇaṃ dvedhā cakre mahābalaḥ||
O best of the Bharata race, having thus whirled him high for one hundred times, he (Bhima) pressed his knee against his (Jarasandha's) backbone and broke his body, into two parts. (Having thus killed him), he roared aloud.
— tr. M.N. Dutt (1891–96) (public domain)
MBh 1 258.5
तस्य निष्यिष्यमाणस्य पाण्डवस्य च गर्जतः। अभवत् तुमुलो नादः सर्वप्राणिभंयकरः॥
tasya niṣyiṣyamāṇasya pāṇḍavasya ca garjataḥ| abhavat tumulo nādaḥ sarvaprāṇibhaṃyakaraḥ||
The roar of the Pandava (Bhima), mingled with that of Jarasandha while he was being broken by Bhima's knee, raised such a loud roar that it struck fear into the heart of every creature.
— tr. M.N. Dutt (1891–96) (public domain)
MBh 1 258.6
चित्रेसुर्मागधाः सर्वे स्त्रीणां गर्भाश्च सुस्रुवुः। भीमसेनस्य नादेन जरासंधस्य चैव ह॥
citresurmāgadhāḥ sarve strīṇāṃ garbhāśca susruvuḥ| bhīmasenasya nādena jarāsaṃdhasya caiva ha||
The people of Magadha becaine dumb with fear; and even many women were prematurely delivered by the roars of Bhima and Jarasandha.
— tr. M.N. Dutt (1891–96) (public domain)
MBh 1 258.7
किं नु स्याद्धिमवान् भिन्नः किं नु स्विद् दीर्यते मही। इति वै मागधा जजुर्भीमसेनस्य नि:स्वनात्॥
kiṃ nu syāddhimavān bhinnaḥ kiṃ nu svid dīryate mahī| iti vai māgadhā jajurbhīmasenasya ni:svanāt||
Hearing the roars of Bhima, the people of Magadha thought that either Himalayas were coming down or the earth is being rent asunder.
— tr. M.N. Dutt (1891–96) (public domain)
MBh 1 258.8
ततो राज्ञः कुलद्वारि प्रसुप्तमिव तं नृपम्। रात्रौ गतासुमुत्सृज्य निश्चक्रमररिंदमाः॥
tato rājñaḥ kuladvāri prasuptamiva taṃ nṛpam| rātrau gatāsumutsṛjya niścakramarariṃdamāḥ||
The chastiser of foes (Krishna) left at night the dead body of the king at the palace gate, as if he was but asleep. They then came out (of the palace).
— tr. M.N. Dutt (1891–96) (public domain)
MBh 1 258.9
जरासंधरथं कृष्णो योजयित्वा पताकिनम्। आरोप्य भ्रातरौ चैव मोक्षयामास बान्धवान्॥
jarāsaṃdharathaṃ kṛṣṇo yojayitvā patākinam| āropya bhrātarau caiva mokṣayāmāsa bāndhavān||
Krishna made ready the chariot of Jarasandha with the excellent standard and he then placed on it the two brothers (Bhima and Arjuna). He then liberated the friends (the captive kings).
— tr. M.N. Dutt (1891–96) (public domain)
MBh 1 258.10
ते वै रत्नभुजं कृष्णं रत्नार्हाः पृथिवीश्वराः। राजानश्चक्रुरासाद्य मोक्षिता महतो भयात्॥
te vai ratnabhujaṃ kṛṣṇaṃ ratnārhāḥ pṛthivīśvarāḥ| rājānaścakrurāsādya mokṣitā mahato bhayāt||
Having been freed from their great fear, those monarchs, those kings, those possessors came of gems came to Krishna and presented him with many gems and jewels.
— tr. M.N. Dutt (1891–96) (public domain)
MBh 1 258.11
अक्षतः शस्त्रसम्पन्नो जितारिः सह राजभिः। रथमास्थाय तं दिव्यं निर्जगाम गिरिव्रजात्॥
akṣataḥ śastrasampanno jitāriḥ saha rājabhiḥ| rathamāsthāya taṃ divyaṃ nirjagāma girivrajāt||
Unwounded, (now) with (many) weapons, vanquishing the foe, he (Krishna), riding on the celestials car (of Jarasandha) came out with the kings from the city of Girivraja.
— tr. M.N. Dutt (1891–96) (public domain)
MBh 1 258.12
यः स सोदर्यवान् नाम द्वियोधी कृष्णसारथिः। अभ्यासघाती संदृश्यो दुर्जयः सर्वराजभिः॥
yaḥ sa sodaryavān nāma dviyodhī kṛṣṇasārathiḥ| abhyāsaghātī saṃdṛśyo durjayaḥ sarvarājabhiḥ||
He, who wielded the bow with both hands, who was invincible to all kings, and who was exceedingly handsome and well skilled in killing the enemy, out with that possessors of great strength Bhima, and Krishna drove the car.
— tr. M.N. Dutt (1891–96) (public domain)
MBh 1 258.13
भीमार्जुनाभ्यां योधाभ्यामास्थितः कृष्णसारथिः। शुशुभे रथवर्योऽसौ दुर्जयः सर्वधन्विभिः॥
bhīmārjunābhyāṃ yodhābhyāmāsthitaḥ kṛṣṇasārathiḥ| śuśubhe rathavaryo'sau durjayaḥ sarvadhanvibhiḥ||
That celestials car, invincible to all warriors, ridden by the heroes, Bhima and Arjuna, and driven by Krishna, looked exceedingly beautiful.
— tr. M.N. Dutt (1891–96) (public domain)
MBh 1 258.14
शक्रविष्णू हि संग्रामे चेरतुस्तारकामये। रथेन तेन वै कृष्ण उपारुह्य ययौ तदा॥
śakraviṣṇū hi saṃgrāme ceratustārakāmaye| rathena tena vai kṛṣṇa upāruhya yayau tadā||
It was in this very car that Indra and Vishnu fought in the battle of old (with the Asuras) in which Taraka (the wife of Brihaspati) was cause, and the result of which was a great slaughter. Riding on that very car, Krishna now came out.
— tr. M.N. Dutt (1891–96) (public domain)
MBh 1 258.15
तप्तचामीकराभेण किङ्किणीजालमालिना। मेघनिर्घोषनादेन जैत्रेणामित्रघातिना॥
taptacāmīkarābheṇa kiṅkiṇījālamālinā| meghanirghoṣanādena jaitreṇāmitraghātinā||
It possessed the splendour of heated gold, it was adorned with rows of jingling bells, it had wheels that made the clatter like the roars of the clouds, it was ever victorious in battle and it always killed the foes.
— tr. M.N. Dutt (1891–96) (public domain)
MBh 1 258.16
येन शक्रो दानवानां जघान नवतीनव। तं प्राप्य समहृष्यन्त रथं ते पुरुषर्षभाः॥
yena śakro dānavānāṃ jaghāna navatīnava| taṃ prāpya samahṛṣyanta rathaṃ te puruṣarṣabhāḥ||
Riding on it, Shakra (Indra) killed ninety nine Danavas of old. Those best of men (Krishna & c.) were exceedingly pleased on obtaining this car.
— tr. M.N. Dutt (1891–96) (public domain)
MBh 1 258.17
ततः कृष्णं महाबाहुं भ्रातृभ्यां सहितं तदा। रथस्थं मागधा दृष्ट्वा समपद्यन्त विस्मिताः॥
tataḥ kṛṣṇaṃ mahābāhuṃ bhrātṛbhyāṃ sahitaṃ tadā| rathasthaṃ māgadhā dṛṣṭvā samapadyanta vismitāḥ||
Seeing the long-armed Krishna on the chariot with the two brothers, (Bhima and Arjuna), the people of Magadha became very much astonished.
— tr. M.N. Dutt (1891–96) (public domain)
MBh 1 258.18
हयैर्दिव्यैः समायुक्तो रथो वायुसमो जवे। अधिष्ठितः स शुशुभे कृष्णेनातीव भारत॥
hayairdivyaiḥ samāyukto ratho vāyusamo jave| adhiṣṭhitaḥ sa śuśubhe kṛṣṇenātīva bhārata||
O descendant of Bharata, that car, with which were yoked celestials horses with the speed of the wind and which was driven by Krishna, looked exceedingly beautiful.
— tr. M.N. Dutt (1891–96) (public domain)
MBh 1 258.19
असङ्गो देवविहितस्तस्मिन् रथवरे ध्वजः। योजनाद् ददृशे श्रीमानिन्द्रायुधसमप्रभः॥
asaṅgo devavihitastasmin rathavare dhvajaḥ| yojanād dadṛśe śrīmānindrāyudhasamaprabhaḥ||
On this best of cars there was a flag-staff without being visibly attached thereto. It was the product of celestials art. That beautiful flat staff could be seen from a distance of a Yojana, and it had the splendour of the rainbow.
— tr. M.N. Dutt (1891–96) (public domain)
MBh 1 258.20
चिन्तयामास कृष्णोऽथ गरुत्मन्तं स चाभ्ययात्। क्षणे तस्मिन् स तेनासीच्चैत्यवृक्ष इवोत्थितः॥
cintayāmāsa kṛṣṇo'tha garutmantaṃ sa cābhyayāt| kṣaṇe tasmin sa tenāsīccaityavṛkṣa ivotthitaḥ||
When coming out, Krishna thought of Garuda. As soon as thought of, he came there like a large tree worshipped by all.
— tr. M.N. Dutt (1891–96) (public domain)
MBh 1 258.21
व्यादितास्यैर्महानादैः सह भूतैर्ध्वजालयैः। तस्मिन् रथवरे तस्थौ गरुत्मान् पन्नगाशनः॥
vyāditāsyairmahānādaiḥ saha bhūtairdhvajālayaiḥ| tasmin rathavare tasthau garutmān pannagāśanaḥ||
The eater of snakes, Garuda of iminense weight of body, sat on that excellent car along with innumerable other open-mouthed and fearfully roaring creatures on its flag-staff.
— tr. M.N. Dutt (1891–96) (public domain)
MBh 1 258.22
दुर्निरीक्ष्यो हि भूतानां तेजसाभ्यधिकं बभौ। आदित्य इव मध्याह्ने सहस्रकिरणावृतः॥
durnirīkṣyo hi bhūtānāṃ tejasābhyadhikaṃ babhau| āditya iva madhyāhne sahasrakiraṇāvṛtaḥ||
Thereupon that best of cars be came more dazzling than before; and like the sun in midday, surrounded by thousand rays, it became incapable of being looked at by any living creature.
— tr. M.N. Dutt (1891–96) (public domain)
MBh 1 258.23
न स सज्जति वृक्षेषु शस्त्रैश्चापि न रिष्यते। दिव्यो ध्वजवरो राजन् दृश्यते चेह मानुषैः॥
na sa sajjati vṛkṣeṣu śastraiścāpi na riṣyate| divyo dhvajavaro rājan dṛśyate ceha mānuṣaiḥ||
O king, such was that celestialsly made and the best flagstaff that it never struck against a tree. The weapons could not any way injure it, although it was visible to the human eye.
— tr. M.N. Dutt (1891–96) (public domain)
MBh 1 258.24
तमास्थाय रथं दिव्यं पर्जन्यसमनिःस्वनम्। निर्ययौ पुरुषव्याघ्रः पाण्डवाभ्यां सहाच्युतः॥
tamāsthāya rathaṃ divyaṃ parjanyasamaniḥsvanam| niryayau puruṣavyāghraḥ pāṇḍavābhyāṃ sahācyutaḥ||
That best of men, Achyuta (Krishna), riding with the two Pandava (Bhima and Arjuna) on that celestials car, the wheels of which made a clatter like the roars of the clouds, came out (of Girivraja).
— tr. M.N. Dutt (1891–96) (public domain)
MBh 1 258.25
यं लेभे वासवाद् राजा वसुस्तस्माद् बृहद्रथः। बृहद्रथात् क्रमेणैव प्राप्तो बार्हद्रथं नृप॥
yaṃ lebhe vāsavād rājā vasustasmād bṛhadrathaḥ| bṛhadrathāt krameṇaiva prāpto bārhadrathaṃ nṛpa||
It (the car) was obtained by the king Vasu from Vasava (Indra), From Vasu it was obtained by Brihadratha; from Brihadratha it was in due course obtained by the king (Jarasandha), the son of Brihadratha.
— tr. M.N. Dutt (1891–96) (public domain)
MBh 1 258.26
स निर्याय महाबाहुः पुण्डरीकेक्षणस्ततः। गिरिव्रजाद् बहिस्तस्थौ समदेशे महायशाः॥
sa niryāya mahābāhuḥ puṇḍarīkekṣaṇastataḥ| girivrajād bahistasthau samadeśe mahāyaśāḥ||
The long armed, the lotus-eyed and the greatly famous (Krishna), coming out (of Girivraja), stopped on a level plain outside the city.
— tr. M.N. Dutt (1891–96) (public domain)
MBh 1 258.27
तत्रैनं नागराः सर्वे सत्कारेणाभ्ययुस्तदा। ब्राह्मणप्रमुखा राजन् विधिदृष्टेन कर्मणा॥
tatrainaṃ nāgarāḥ sarve satkāreṇābhyayustadā| brāhmaṇapramukhā rājan vidhidṛṣṭena karmaṇā||
O king, all the citizens with the Brahmans at their head then hastened there to adore him according to the due rites of the ordinance.
— tr. M.N. Dutt (1891–96) (public domain)
MBh 1 258.28
बन्धनाद् विप्रमुक्ताश्च राजानो मधुसूदनम्। पूजयामासुरूचुश्च स्तुतिपूर्वमिदं वचः॥
bandhanād vipramuktāśca rājāno madhusūdanam| pūjayāmāsurūcuśca stutipūrvamidaṃ vacaḥ||
The kings, who had been liberated from their confinement, worshipped the slayer of Madhu; and they thus spoke to him eulogistic words.
— tr. M.N. Dutt (1891–96) (public domain)
MBh 1 258.29
नैतच्चित्रं महाबाहो त्वयि देवकिनन्दने। भीमार्जुनबलोपेते धर्मस्य प्रतिपालनम्॥ जरासंधहदे घोरे दुःखपङ्के निमज्जताम्। राज्ञां समभ्युद्धरणं यदिदं कृतमद्य वै॥
naitaccitraṃ mahābāho tvayi devakinandane| bhīmārjunabalopete dharmasya pratipālanam|| jarāsaṃdhahade ghore duḥkhapaṅke nimajjatām| rājñāṃ samabhyuddharaṇaṃ yadidaṃ kṛtamadya vai||
O mighty armed (hero), O son of Devaki, such an act of virtue is not (at all) wonderful in you. Assisted as you are by the prowess of Bhima and Arjuna, you have to-day rescued the kings who sank in the fearful mire of sorrow in the lake of Jarasandha.
— tr. M.N. Dutt (1891–96) (public domain)
MBh 1 258.30
विष्णो समवसन्नानां गिरिदुर्गे सुदारुणे। दिष्ट्या मोक्षाद् यशो दीप्तमाप्तं ते यदुनन्दन॥
viṣṇo samavasannānāṃ giridurge sudāruṇe| diṣṭyā mokṣād yaśo dīptamāptaṃ te yadunandana||
O Vishnu, O descendant of Yadu, we were languishing in the fearful hill-fort (of Jaransandha); from our good fortune alone, you have rescued us and earned a great renown.
— tr. M.N. Dutt (1891–96) (public domain)
MBh 1 258.31
किं कुर्मः पुरुषव्याघ्र शाधि नः प्रणतिस्थितान्। कृतमित्येव तद् विद्धि नृपैर्यद्यपि दुष्करम्॥
kiṃ kurmaḥ puruṣavyāghra śādhi naḥ praṇatisthitān| kṛtamityeva tad viddhi nṛpairyadyapi duṣkaram||
O best of men, we bow to you, command us what we shall do. However difficult it may be to carry out your command, know, it is already carried out by the kings (ourselves)”.
— tr. M.N. Dutt (1891–96) (public domain)
MBh 1 258.32
तानुवाच हृषीकेशः समाश्वास्य महामनाः। युधिष्ठिरो राजसूयं क्रतुमाहर्तुमिच्छति॥
tānuvāca hṛṣīkeśaḥ samāśvāsya mahāmanāḥ| yudhiṣṭhiro rājasūyaṃ kratumāhartumicchati||
Giving them every assurance, thus replied to them Hrishikesha (Krishna), "Yudhishthira is desirous of performing the Rajasuya (sacrifice).
— tr. M.N. Dutt (1891–96) (public domain)
MBh 1 258.33
तस्य धर्मप्रवृत्तस्य पार्थिवत्वं चिकीर्षतः। सर्वैर्भवद्भिर्विज्ञाय साहाय्यं क्रियतामिति॥
tasya dharmapravṛttasya pārthivatvaṃ cikīrṣataḥ| sarvairbhavadbhirvijñāya sāhāyyaṃ kriyatāmiti||
That king, ever devoted to virtue, is solicitous to acquire the imperial dignity. Knowing this from me, help him in his attempt."
— tr. M.N. Dutt (1891–96) (public domain)
MBh 1 258.34
ततः सुप्रीतमनसस्ते नृपा नृपसत्तम। तथेत्येवाब्रुवन् सर्वे प्रतिगृह्यास्य तां गिरम्॥
tataḥ suprītamanasaste nṛpā nṛpasattama| tathetyevābruvan sarve pratigṛhyāsya tāṃ giram||
O best of kings, thereupon all those monarchs, saying "Be it so, “accepted with joyous heart all that Krishna said.
— tr. M.N. Dutt (1891–96) (public domain)
MBh 1 258.35
रत्नभाजं च दाशार्हं चक्रुस्ते पृथिवीश्वराः। कृच्छ्राज्जग्राह गोविन्दस्तेषां तदनुकम्पया॥
ratnabhājaṃ ca dāśārhaṃ cakruste pṛthivīśvarāḥ| kṛcchrājjagrāha govindasteṣāṃ tadanukampayā||
The monarchs made presents of jewels to the hero of Dasarha race (Krishna). Govinda (Krishna), out of kindness towards them, only took a portion of those presents.
— tr. M.N. Dutt (1891–96) (public domain)
MBh 1 258.36
जरासंधात्मजश्चैव सहदेवो महामनाः। निर्ययौ सजनामात्यः पुरस्कृत्यः पुरोहितम्॥
jarāsaṃdhātmajaścaiva sahadevo mahāmanāḥ| niryayau sajanāmātyaḥ puraskṛtyaḥ purohitam||
The son of Jarasandha, the high-minded Sahadeva, came out there with his relatives and his ministers, his priest being at the head of the procession.
— tr. M.N. Dutt (1891–96) (public domain)
MBh 1 258.37
स नीचैः प्रणतो भूत्वा बहुरत्नपुरोगमः। सहदेवो नृणां देवं वासुदेवमुपस्थितः॥
sa nīcaiḥ praṇato bhūtvā bahuratnapurogamaḥ| sahadevo nṛṇāṃ devaṃ vāsudevamupasthitaḥ||
Sahadeva bowed low before the god among men, Vasudeva; and presenting him many gems and jewels, he worshipped him.
— tr. M.N. Dutt (1891–96) (public domain)
MBh 1 258.38
भयार्ताय ततस्तस्मै कृष्णो दत्त्वाभयं तदा। आददेऽस्य महार्हाणि रत्नानि पुरुषोत्तमः॥
bhayārtāya tatastasmai kṛṣṇo dattvābhayaṃ tadā| ādade'sya mahārhāṇi ratnāni puruṣottamaḥ||
That best of men (Krishna) gave every assurance to that very much frightened prince and accepted his very valuable presents.
— tr. M.N. Dutt (1891–96) (public domain)
MBh 1 258.39
अभ्यषिञ्चत तत्रैव जरासंधात्मजं मुदा। गत्वैकत्वं च कृष्णेन पार्थाभ्यां चैव सत्कृतः॥ विवेश राजा द्युतिमान् बार्हद्रथपुरं नृप। अभिषिक्तो महाबाहुर्जारासंधिर्महात्मभिः॥
abhyaṣiñcata tatraiva jarāsaṃdhātmajaṃ mudā| gatvaikatvaṃ ca kṛṣṇena pārthābhyāṃ caiva satkṛtaḥ|| viveśa rājā dyutimān bārhadrathapuraṃ nṛpa| abhiṣikto mahābāhurjārāsaṃdhirmahātmabhiḥ||
He (Krishna) gladly installed there the son of Jarasandha; and thus being installed on the throne of Magadha by those exalted men and having been obtained the friendship of Krishna and being treated with respect and kindness by the two sons of Pritha, the mighty armed and the illustrious son of Jarasandha (Sahadeva) entered the city of the son of Brihadratha (Jarasandha).
— tr. M.N. Dutt (1891–96) (public domain)
MBh 1 258.40
कृष्णस्तु सह पार्थाभ्यां श्रिया परमया युतः। रत्नान्यादाय भूरीणि प्रययौ पुरुषर्षभः॥
kṛṣṇastu saha pārthābhyāṃ śriyā paramayā yutaḥ| ratnānyādāya bhūrīṇi prayayau puruṣarṣabhaḥ||
That best of men (Krishna), accompanied by the sons of Pritha and enriched with much wealth and laden with numerous jewels, went away (from Girivraja).
— tr. M.N. Dutt (1891–96) (public domain)
MBh 1 258.41
इन्द्रप्रस्थमुपागम्य पाण्डवाभ्यां सहाच्युतः। समेत्य धर्मराजानं प्रीयमाणोऽभ्यभाषत॥
indraprasthamupāgamya pāṇḍavābhyāṃ sahācyutaḥ| sametya dharmarājānaṃ prīyamāṇo'bhyabhāṣata||
Achyuta (Krishna), accompanied by the two Pandavas (Bhima and Arjuna), arrived at Indraprastha and went to Yudhishthira. He joyfully addressed the king and said,
— tr. M.N. Dutt (1891–96) (public domain)
MBh 1 258.42
दिष्ट्या भीमेन बलवाञ्जरासंधो निपातितः। राजानो मोक्षिताश्चैव बन्धनान्नृपसत्तम॥
diṣṭyā bhīmena balavāñjarāsaṃdho nipātitaḥ| rājāno mokṣitāścaiva bandhanānnṛpasattama||
"O best of kings, the powerful Jarasandha has been killed by Bhima from good fortune. The kings, confined at Girivraja, have all been liberated.
— tr. M.N. Dutt (1891–96) (public domain)
MBh 1 258.43
दिष्ट्या कुशलिनौ चेमौ भीमसेनधनंजयौ। पुनः स्वनगरं प्राप्तावक्षताविति भारत॥
diṣṭyā kuśalinau cemau bhīmasenadhanaṃjayau| punaḥ svanagaraṃ prāptāvakṣatāviti bhārata||
O descendant of Bharata, from good fortune, these two Bhima and Dhananjaya (Arjuna), are well. They have arrived at their own city unwounded”.
— tr. M.N. Dutt (1891–96) (public domain)
MBh 1 258.44
ततो युधिष्ठिरः कृष्णं पूजयित्वा यथार्हतः। भीमेनार्जुनौ चैव प्रहृष्टः परिषस्वजे॥
tato yudhiṣṭhiraḥ kṛṣṇaṃ pūjayitvā yathārhataḥ| bhīmenārjunau caiva prahṛṣṭaḥ pariṣasvaje||
Then Yudhishthira worshipped Krishna as he deserved; and he embrace Bhima and Arjuna in joy.
— tr. M.N. Dutt (1891–96) (public domain)
MBh 1 258.45
ततः क्षीणे जरासंधे भ्रातृभ्यां विहितं जयम्। अजातशत्रुरासाद्य मुमुदे भ्रातृभिः सह॥
tataḥ kṣīṇe jarāsaṃdhe bhrātṛbhyāṃ vihitaṃ jayam| ajātaśatrurāsādya mumude bhrātṛbhiḥ saha||
Having obtained victory through the agency of his brothers by the death of Jarasandha, Ajatashatru (Yudhishthira) passed his time with his brothers in great merriment.
— tr. M.N. Dutt (1891–96) (public domain)
MBh 1 258.46
यथावयः समागम्य भ्रातृभिः सह पाण्डवः। सत्कृत्य पूजयित्वा च विसर्सज नराधिपान्॥
yathāvayaḥ samāgamya bhrātṛbhiḥ saha pāṇḍavaḥ| satkṛtya pūjayitvā ca visarsaja narādhipān||
The Pandava (Yudhishthira) with his brothers came to the kings (who had come to Indraprastha). Entertaining and worshipping them each according to his age, he sent them away.
— tr. M.N. Dutt (1891–96) (public domain)
MBh 1 258.47
युधिष्ठिराभ्यनुज्ञातास्ते नृपा हृष्टमानसाः। जग्मुः स्वेदशास्त्वरिता यानरुच्चावचैस्ततः॥
yudhiṣṭhirābhyanujñātāste nṛpā hṛṣṭamānasāḥ| jagmuḥ svedaśāstvaritā yānaruccāvacaistataḥ||
Having been commanded by Yudhishthira, those kings with joyful hearts and without any further loss of time started on their excellent vehicles for their own respective kingdoms.
— tr. M.N. Dutt (1891–96) (public domain)
MBh 1 258.48
एवं पुरुषशार्दूलो महाबुद्धिर्जनार्दनः। पाण्डवैर्घातयामास जरासंधमरिं तदा॥
evaṃ puruṣaśārdūlo mahābuddhirjanārdanaḥ| pāṇḍavairghātayāmāsa jarāsaṃdhamariṃ tadā||
O king, thus did that best of men, the greatly intelligent Janardana (Krishna) cause his foe Jarasandha to be killed through the instrumentality of the Pandavas.
— tr. M.N. Dutt (1891–96) (public domain)
MBh 1 258.49
घातयित्वा जरासंधं बुद्धिपूर्वमरिंदमः। धर्मराजनमनुज्ञाप्य पृथां कृष्णां च भारत॥
ghātayitvā jarāsaṃdhaṃ buddhipūrvamariṃdamaḥ| dharmarājanamanujñāpya pṛthāṃ kṛṣṇāṃ ca bhārata||
O descendant of Bharata, having caused the death of Jarasandha by policy, that chastiser of foes, (Krishna) took leave of Yudhishthira, Pritha, (Kunti), Krishna (Draupadi).
— tr. M.N. Dutt (1891–96) (public domain)
MBh 1 258.50
सुभद्रां भीमसेनं च फाल्गुनं यमजौ तथा। धौम्यमामन्त्रयित्वा च प्रययौ स्वां पुरीं प्रति॥
subhadrāṃ bhīmasenaṃ ca phālgunaṃ yamajau tathā| dhaumyamāmantrayitvā ca prayayau svāṃ purīṃ prati||
Subhadra, Bhimasena, Falguni (Arjuna), and the twins (Nakula and Sahadeva). Taking leave of Dhaumya, he started for his own city (Dwarka).
— tr. M.N. Dutt (1891–96) (public domain)
MBh 1 258.51
तेनैव स्थमुख्येन मनसस्तुल्यगामिना। धर्मराजविसृष्टेन दिव्येनानादयन् दिशः॥
tenaiva sthamukhyena manasastulyagāminā| dharmarājavisṛṣṭena divyenānādayan diśaḥ||
On that celestialsly-made and the best of cars, which possessed the speed of mind, and which was given to him by Dharmaraja (Yudhishthira), and which filled the ten points of the horizon with the rattle of his wheels.
— tr. M.N. Dutt (1891–96) (public domain)
MBh 1 258.52
ततो युधिष्ठिरमुखाः पाण्डवा भरतर्षभ। प्रदक्षिणमकुर्वन्त कृष्णमक्लिष्टकारिणम्॥
tato yudhiṣṭhiramukhāḥ pāṇḍavā bharatarṣabha| pradakṣiṇamakurvanta kṛṣṇamakliṣṭakāriṇam||
O best of the Bharata race, when Krishna was about to start, the Pandavas with Yudhishthira at their head walked round that best of men (Krishna) who was never fatigued with exertion.
— tr. M.N. Dutt (1891–96) (public domain)
MBh 1 258.53
ततो गते भगवति कृष्णे देवकिनन्दने। यं लब्ध्वा सुविपुलं राज्ञां दत्त्वाभयं तदा॥
tato gate bhagavati kṛṣṇe devakinandane| yaṃ labdhvā suvipulaṃ rājñāṃ dattvābhayaṃ tadā||
O descendant of Bharata, having acquired that great victory and having also dispelled the fears of the kings, when the illustrious Krishna, the son of Devaki went away,
— tr. M.N. Dutt (1891–96) (public domain)
MBh 1 258.54
संवर्धितं यशो भूयः कर्मणा तेन भारत। द्रौपद्याः पाण्डवा राजन् परां प्रीतिमवर्धयन्॥
saṃvardhitaṃ yaśo bhūyaḥ karmaṇā tena bhārata| draupadyāḥ pāṇḍavā rājan parāṃ prītimavardhayan||
That feat of his increased the fame of the Pandavas. O descendant of Bharata, O king, the Pandavas (thus) increased the great happiness of Draupadi.
— tr. M.N. Dutt (1891–96) (public domain)
MBh 1 258.55
तस्मिन् काले तु यद् युक्तं धर्मकामार्थसंहितम्। तद् राजा धर्मतश्चक्रे प्रजापालनकीर्तनम्॥
tasmin kāle tu yad yuktaṃ dharmakāmārthasaṃhitam| tad rājā dharmataścakre prajāpālanakīrtanam||
Whatever is consistent with Dharma. Artha and Kama continued at that time to be properly performed by king Yudhishthira in the exercise of his duties in protecting his subjects.
— tr. M.N. Dutt (1891–96) (public domain)