Mahabharata — Volume I (Dutt edition) — Chapter 233
MBh 1 233.1
वैशम्पायन उवाच मन्दपालोऽपि कौरव्य चिन्तयामास पुत्रकान्। उक्त्वापि च स तिग्मांशुं नैव शर्माधिगच्छति॥
vaiśampāyana uvāca mandapālo'pi kauravya cintayāmāsa putrakān| uktvāpi ca sa tigmāṃśuṃ naiva śarmādhigacchati||
Vaishampayana said : O descendant of Kuru, Mandapala became anxious for his sons. Although he had spoken of them to the deity of fearful rays (Agni), his mind was not in peace.
— tr. M.N. Dutt (1891–96) (public domain)
MBh 1 233.2
स तप्यमानः पुत्रार्थे लपितामिदमब्रवीत्। कथं नु शक्ताः शरणे लपिते मम पुत्रकाः॥ वर्धमाने हुतवहे वाते चाशु प्रवायति। असमर्था विमोक्षाय भविष्यन्ति ममात्मजाः॥
sa tapyamānaḥ putrārthe lapitāmidamabravīt| kathaṃ nu śaktāḥ śaraṇe lapite mama putrakāḥ|| vardhamāne hutavahe vāte cāśu pravāyati| asamarthā vimokṣāya bhaviṣyanti mamātmajāḥ||
Being very much anxious for his sons, he spoke thus to Lapita, my children are not now in possession of the power of moving, how are they (now)? When the fire will grow in strength and when the wind will begin to blow run with violence, my children will be incapable of saving themselves.
— tr. M.N. Dutt (1891–96) (public domain)
MBh 1 233.3
कथं त्वशक्ता त्राणाय माता तेषां तपस्विनी। भविष्यति हि शोकार्ता पुत्रत्राणमपश्यती॥
kathaṃ tvaśaktā trāṇāya mātā teṣāṃ tapasvinī| bhaviṣyati hi śokārtā putratrāṇamapaśyatī||
How shall their ascetic mother be able to save them? She will be afflicted with great sorrow when she will find herself unable to save them.
— tr. M.N. Dutt (1891–96) (public domain)
MBh 1 233.4
कथमुयनेऽशक्तान् पतने च ममात्मजान्। संतप्यमाना बहुधा वाशमाना प्रधावती॥
kathamuyane'śaktān patane ca mamātmajān| saṃtapyamānā bahudhā vāśamānā pradhāvatī||
She will about uttering various laminations; for my sons are incapable of flying or rising up in the air.
— tr. M.N. Dutt (1891–96) (public domain)
MBh 1 233.5
जरितारिः कथं पुत्रः सारिसृक्कः कथं च मे। स्तम्बमित्रः कथं द्रोणः कथं सा च तपस्विनी॥
jaritāriḥ kathaṃ putraḥ sārisṛkkaḥ kathaṃ ca me| stambamitraḥ kathaṃ droṇaḥ kathaṃ sā ca tapasvinī||
Alas, how is Jaritari, my son! How is Sarisrikka, how is Stamvamitra and how id Drona! Alas, how is also the ascetic lady (their helpless mother)!"
— tr. M.N. Dutt (1891–96) (public domain)
MBh 1 233.6
लालप्यमानं तमृषि मन्दपालं तथा वने। लपिता प्रत्युवाचेदं सासूयमिव भारत॥
lālapyamānaṃ tamṛṣi mandapālaṃ tathā vane| lapitā pratyuvācedaṃ sāsūyamiva bhārata||
O descendant of Bharata, when the Rishi Mandapala was thus lamenting in the forest, Lapita, out of jealousy, thus replied to him,
— tr. M.N. Dutt (1891–96) (public domain)
MBh 1 233.7
न तं पुत्रेष्ववक्षास्ति यानृषीनुक्तवानसि। तेजस्विनो वीर्यवन्तो न तेषां ज्वलनाद् भयम्॥
na taṃ putreṣvavakṣāsti yānṛṣīnuktavānasi| tejasvino vīryavanto na teṣāṃ jvalanād bhayam||
"You need have no anxiety for your children who, as you have assured me, are all greatly effulgent and powerful Rishis. They can have no fear from the fire.
— tr. M.N. Dutt (1891–96) (public domain)
MBh 1 233.8
त्वयाग्नौ ते परीताश्च स्वयं हि मम संनिधौ। प्रतिश्रुतं तथा चेति ज्वलनेन महामना॥
tvayāgnau te parītāśca svayaṃ hi mama saṃnidhau| pratiśrutaṃ tathā ceti jvalanena mahāmanā||
Did you not yourself in my presence speak to Agni on their behalf? Did not the illustrious deity promise to save them?
— tr. M.N. Dutt (1891–96) (public domain)
MBh 1 233.9
लोकपालो न तां वाचमुक्त्वा मिथ्या करिष्यति। समक्षं बन्धुकृत्ये न तेन तं स्वस्थ मानसम्॥
lokapālo na tāṃ vācamuktvā mithyā kariṣyati| samakṣaṃ bandhukṛtye na tena taṃ svastha mānasam||
Being the protector of creatures, he (Agni) will never falsify his words. You have no anxiety in your mind, your heart is never inclined towards your friends.
— tr. M.N. Dutt (1891–96) (public domain)
MBh 1 233.10
तामेव तु ममामित्रां चिन्तयन् परितप्यसं। ध्रुवं मयि न ते स्नेहो यथा तस्यां पुराभवत्॥
tāmeva tu mamāmitrāṃ cintayan paritapyasaṃ| dhruvaṃ mayi na te sneho yathā tasyāṃ purābhavat||
It is only by thinking of her, my enemy (Jarita), that you are so very much in anxiety. It is certain that the love you bear for her is not cqual to that you bear for me.
— tr. M.N. Dutt (1891–96) (public domain)
MBh 1 233.11
न हि पक्षवता न्याय्यं नि:स्नेहेन सुहृज्जने। पीड्यमान उपद्रष्टुं शक्तेनात्मा कथंचन॥
na hi pakṣavatā nyāyyaṃ ni:snehena suhṛjjane| pīḍyamāna upadraṣṭuṃ śaktenātmā kathaṃcana||
He who has two parties to divide his attention can easily see one of them suffer all sorts of pangs. But he can never disregard the party next to his heart.
— tr. M.N. Dutt (1891–96) (public domain)
MBh 1 233.12
गच्छ त्वं जरितामेव यदर्थं परितप्यसे। चरिष्याम्यहमप्येका यथा कुपुरुषाश्रिता॥
gaccha tvaṃ jaritāmeva yadarthaṃ paritapyase| cariṣyāmyahamapyekā yathā kupuruṣāśritā||
Go to Jarita for whom your heart is so very sorrowful. As for myself, I shall roam alone, it would be a fit regard for me for having attached myself to a wicked man.
— tr. M.N. Dutt (1891–96) (public domain)
MBh 1 233.13
मन्दपाल उवाच नाहमेवं चरे लोके यथा त्वमभिमन्यसे। अपत्यहेतोर्विचरे तच्च कृच्छ्रगतं मम॥
mandapāla uvāca nāhamevaṃ care loke yathā tvamabhimanyase| apatyahetorvicare tacca kṛcchragataṃ mama||
Mandapala said : I do not roam over the world with such intentions as you believe. It is only for begetting offspring that I am here. But even those that I have is now in danger.
— tr. M.N. Dutt (1891–96) (public domain)
MBh 1 233.14
भूतं हित्वा च भाव्यर्थे योऽवलम्बेत् स मन्दधीः। अवमन्येत तं लोको यथेच्छसि तथा कुरु॥
bhūtaṃ hitvā ca bhāvyarthe yo'valambet sa mandadhīḥ| avamanyeta taṃ loko yathecchasi tathā kuru||
He who casts off that which he has for the sake of what he may acquire(in future) is a wicked man. The world disregards and insults him. As for myself, you are at liberty to do what you choose.
— tr. M.N. Dutt (1891–96) (public domain)
MBh 1 233.15
एष हि प्रज्वलन्नग्निर्लेलिहानो महीरुहान्। आविग्ने हृदि संतापं जनयत्यशिवं मम॥
eṣa hi prajvalannagnirlelihāno mahīruhān| āvigne hṛdi saṃtāpaṃ janayatyaśivaṃ mama||
This blazing fire that licks up the trees produces sorrow in my anxious heart; it create in my mind anticipations of fear.
— tr. M.N. Dutt (1891–96) (public domain)
MBh 1 233.16
वैशम्पायन उवाच तस्माद् देशादतिक्रान्ते ज्वलने जरिता पुनः। जगाम पुत्रकानेव त्वरिता पुत्रगृद्धिनी॥
vaiśampāyana uvāca tasmād deśādatikrānte jvalane jaritā punaḥ| jagāma putrakāneva tvaritā putragṛddhinī||
Vaishampayana said : After Agni has left the place where the Sharangakas lives, Jarita, very much attached to her sons, came with all speed to see how they all were.
— tr. M.N. Dutt (1891–96) (public domain)
MBh 1 233.17
सा तान् कुशलिनः सर्वान् विमुक्ताञ्जातवेदसः। रोरूयमाणान् ददृशे वने पुत्रान् निरामयान्॥
sā tān kuśalinaḥ sarvān vimuktāñjātavedasaḥ| rorūyamāṇān dadṛśe vane putrān nirāmayān||
She found that all of them had escaped from the conflagration and they were all well. Seeing their mother, they too began to weep, although they were safe and well.
— tr. M.N. Dutt (1891–96) (public domain)
MBh 1 233.18
अश्रूणि मुमुचे तेषां दर्शनात् सा पुनः पुनः। एकैकश्येन तान् सर्वान् क्रोशमानान्वपद्यत॥
aśrūṇi mumuce teṣāṃ darśanāt sā punaḥ punaḥ| ekaikaśyena tān sarvān krośamānānvapadyata||
Seeing them (well), she too shed tears again and again. She embraced one by one all her weeping children.
— tr. M.N. Dutt (1891–96) (public domain)
MBh 1 233.19
ततोऽभ्यगच्छत् सहसा मन्दपालोऽपि भारत। अथ ते सर्व एवैनं नाभ्यनन्दंस्तदा सुताः॥
tato'bhyagacchat sahasā mandapālo'pi bhārata| atha te sarva evainaṃ nābhyanandaṃstadā sutāḥ||
O descendant of Bharata, just at that very time, Mandapala suddenly arrived there, but none of his sons expressed any joy on seeing him.
— tr. M.N. Dutt (1891–96) (public domain)
MBh 1 233.20
लालप्यमानमेकैकं जरितां च पुनः पुनः। न चैवोचुस्तदा किंचित् तमृषि साध्वसाधु वा॥
lālapyamānamekaikaṃ jaritāṃ ca punaḥ punaḥ| na caivocustadā kiṃcit tamṛṣi sādhvasādhu vā||
But he spoke to them one after the other and he spoke also to Jarita, but none of them said ill or well to him in reply.
— tr. M.N. Dutt (1891–96) (public domain)
MBh 1 233.21
मन्दपाल उवाच ज्येष्ठः सुतस्ते कतमः कतमस्तस्य चानुजाः। मध्यमः कतमश्चैव कनीयान् कतमश्च ते॥
mandapāla uvāca jyeṣṭhaḥ sutaste katamaḥ katamastasya cānujāḥ| madhyamaḥ katamaścaiva kanīyān katamaśca te||
Mandapala said : Who amongst these (my sons) is your first born and who is born next to him? And who is the third and who is the youngest?
— tr. M.N. Dutt (1891–96) (public domain)
MBh 1 233.22
एवं ब्रुवन्तं दुःखार्तं किं मां न प्रतिभाषसे। कृतवानपि हि त्यागं नैव शान्तिमितो लभे॥
evaṃ bruvantaṃ duḥkhārtaṃ kiṃ māṃ na pratibhāṣase| kṛtavānapi hi tyāgaṃ naiva śāntimito labhe||
I am speaking to you in sorrow; why do you not reply to me? It is true I left you, but I did not get peace where I was.
— tr. M.N. Dutt (1891–96) (public domain)
MBh 1 233.23
जरितोवाच किं नु ज्येष्ठेन ते कार्यं किमनन्तरजेन ते। किं वा मध्यमजातेन किं कनिष्ठेन वा पुनः॥
jaritovāca kiṃ nu jyeṣṭhena te kāryaṃ kimanantarajena te| kiṃ vā madhyamajātena kiṃ kaniṣṭhena vā punaḥ||
Jarita said: What business have you with the eldest of these (sons) and with him also who is the next and with him also who is the third and with him who is the youngest?
— tr. M.N. Dutt (1891–96) (public domain)
MBh 1 233.24
यां त्वं मां सर्वतो हीनामुत्सृज्यासि गतः पुरा। तामेव लपितां गच्छ तरुणी चारुहासिनीम्॥
yāṃ tvaṃ māṃ sarvato hīnāmutsṛjyāsi gataḥ purā| tāmeva lapitāṃ gaccha taruṇī cāruhāsinīm||
Go to Lapita of sweet smiles who is endued with beauty and youth and to whom you had gone on seeing me difficult in every thing.
— tr. M.N. Dutt (1891–96) (public domain)
MBh 1 233.25
मन्दपाल उवाच न स्त्रीणां विद्यते किंचिदमुत्र पुरुषान्तरात्। सापत्नकमृते लोके नान्यदर्थविनाशनम्॥
mandapāla uvāca na strīṇāṃ vidyate kiṃcidamutra puruṣāntarāt| sāpatnakamṛte loke nānyadarthavināśanam||
Mandapala said : As regards woman, there is nothing that destroys their happiness more in this or the next world than a co-wife and a clandestine lover.
— tr. M.N. Dutt (1891–96) (public domain)
MBh 1 233.26
वैराग्निदीपनं चैव भृशमुद्धेगकारि च। सुव्रता चापि कल्याणी सर्वभूतेषु विश्रुता॥ अरुन्धती महात्मानं वसिष्ठं पर्यशरूत। विशुद्धभावमत्यन्तं सदा प्रियहिते रतम्॥ सप्तर्षिमध्यगं धीरमवमेने च तं मुनिम्। अपध्यानेन सा तेन धूमारुणसम्प्रभा। लक्ष्यालक्ष्या नाभिरूपा निमित्तमिव पश्यति॥
vairāgnidīpanaṃ caiva bhṛśamuddhegakāri ca| suvratā cāpi kalyāṇī sarvabhūteṣu viśrutā|| arundhatī mahātmānaṃ vasiṣṭhaṃ paryaśarūta| viśuddhabhāvamatyantaṃ sadā priyahite ratam|| saptarṣimadhyagaṃ dhīramavamene ca taṃ munim| apadhyānena sā tena dhūmāruṇasamprabhā| lakṣyālakṣyā nābhirūpā nimittamiva paśyati||
They inflame the fire of hostility and cause great anxiety. Even the auspiciously blessed and well behaved Arundhati, ever renowned among all creatures felt jealousy against the illustrious and pure minded Vasishtha, ever devoted to the greatly good of his wife. She insulted even that Rishi, one of the seven (great Rishis, the mind born sons of Brahma). On account of her that insulting thought, she has become a little star and looks like fire covered with smoke, sometimes visible and sometimes invisible, as if she is an evil omen.
— tr. M.N. Dutt (1891–96) (public domain)
MBh 1 233.27
अपत्येहेतोः सम्प्राप्तं तथा त्वमपि मामिह। इष्टमेवं गते हि त्वं सा तथैवाद्य वर्तते॥
apatyehetoḥ samprāptaṃ tathā tvamapi māmiha| iṣṭamevaṃ gate hi tvaṃ sā tathaivādya vartate||
I had connection with you for offspring. I have never wronged you as did not the Rishi (Vasishtha) of old, but you have become jealous as Arundhati (once was).
— tr. M.N. Dutt (1891–96) (public domain)
MBh 1 233.28
न हि भार्येति विश्वासः कार्यः पुंसा कथंचन। न हि कार्यमनुध्याति नारी पुत्रवती सती॥
na hi bhāryeti viśvāsaḥ kāryaḥ puṃsā kathaṃcana| na hi kāryamanudhyāti nārī putravatī satī||
Men should never trust women, even if they be wedded wives. When women become mothers, they do not much care to serve their husbands.
— tr. M.N. Dutt (1891–96) (public domain)
MBh 1 233.29
वैशम्पायन उवाच ततस्ते सर्व एवैनं पुत्राः सम्यगुपासते। स च तानात्मजान् सर्वानाश्वासयितुमुद्यतः॥
vaiśampāyana uvāca tataste sarva evainaṃ putrāḥ samyagupāsate| sa ca tānātmajān sarvānāśvāsayitumudyataḥ||
Vaishampayana said: Thereupon all his sons came to worship him. And he too giving them all assurance spoke kindly towards them.
— tr. M.N. Dutt (1891–96) (public domain)