Mahabharata — Volume I (Dutt edition) — Chapter 232

MBh 1 232.1

जरितारिरुवाच पुरतः कृच्छ्रकालस्य धीमाञ्जागर्ति पूरुषः। स कृच्छ्रकालं सम्प्राप्य व्यथां नैवैति कर्हिचित्॥

jaritāriruvāca purataḥ kṛcchrakālasya dhīmāñjāgarti pūruṣaḥ| sa kṛcchrakālaṃ samprāpya vyathāṃ naivaiti karhicit||

Jaritari said : The intelligent men always remain wakeful in view of death. When the house of death approaches, he feels no pangs.

— tr. M.N. Dutt (1891–96) (public domain)

MBh 1 232.2

यस्तु कृच्छ्रमनुप्राप्तं विचेता नावबुध्यते। स कृच्छ्रकाले व्यथितो न श्रेयो विन्दतं महत्॥

yastu kṛcchramanuprāptaṃ vicetā nāvabudhyate| sa kṛcchrakāle vyathito na śreyo vindataṃ mahat||

But a man with perplexed soul who does not remain wakeful (in view of death) feels the pangs of death when the hours of death come. He never gets salvation.

— tr. M.N. Dutt (1891–96) (public domain)

MBh 1 232.3

सारिसृक्क उवाच धीर स्त्वमसि मेधावी प्राणकृच्छ्रमिदं च नः। प्राज्ञः शूरो बहूनां हि भवेत्येको न संशयः॥

sārisṛkka uvāca dhīra stvamasi medhāvī prāṇakṛcchramidaṃ ca naḥ| prājñaḥ śūro bahūnāṃ hi bhavetyeko na saṃśayaḥ||

Sarisrikka said : You are patient and intelligent. The time has come when our lives are in danger. There is no doubt one only amongst many becomes wise and brave..

— tr. M.N. Dutt (1891–96) (public domain)

MBh 1 232.4

स्तम्वमित्र उवाच ज्येष्ठस्तातो भवति वै ज्येष्ठो मुञ्चति कृच्छ्रतः। ज्येष्ठश्चेन्न प्रजानाति कनीयान् किं करिष्यति॥

stamvamitra uvāca jyeṣṭhastāto bhavati vai jyeṣṭho muñcati kṛcchrataḥ| jyeṣṭhaścenna prajānāti kanīyān kiṃ kariṣyati||

Stambamitra said : The elder brother is called the protector. It is the eldest brother who rescues (the younger brothers) from danger. If the eldest fails to rescue them what can the younger brothers do?

— tr. M.N. Dutt (1891–96) (public domain)

MBh 1 232.5

द्रोण उवाच हिरण्यरेतास्त्वरितो ज्वलन्नायाति नः क्षयम्। सप्तजिह्वाननः क्रूरो लेलिहानो विसर्पति॥

droṇa uvāca hiraṇyaretāstvarito jvalannāyāti naḥ kṣayam| saptajihvānanaḥ krūro lelihāno visarpati||

Drona said: The cruel deity of fire with seven tongues and the seven mouths is coming towards our abode with all speed, blazing forth in his great splendour and licking up every thing on his way.

— tr. M.N. Dutt (1891–96) (public domain)

MBh 1 232.6

वैशम्पायन उवाच एवं सम्भाष्य तेऽन्योन्यं मन्दपालस्य पुत्रकाः। तुष्टावः प्रयता भूत्वा यथाग्निं शृणु पार्थिवः॥

vaiśampāyana uvāca evaṃ sambhāṣya te'nyonyaṃ mandapālasya putrakāḥ| tuṣṭāvaḥ prayatā bhūtvā yathāgniṃ śṛṇu pārthivaḥ||

Vaishampayana said : Having thus addressed one another, the sons of Mandapala then each with reverence uttered an eulogistic hymn to Agni. O king, listen to them as I recite.

— tr. M.N. Dutt (1891–96) (public domain)

MBh 1 232.7

जरितारिरुवाच आत्मासि वायोर्खलन शरीरमसि वीरुधाम्। योनिरापश्च ते शुक्रं योनिस्त्वमसि चाम्भसः॥

jaritāriruvāca ātmāsi vāyorkhalana śarīramasi vīrudhām| yonirāpaśca te śukraṃ yonistvamasi cāmbhasaḥ||

Jaritari said: O fire, you are the soul of our body you are the body of the earth's visitation. O Shukra, you are the progenitor of the water and the water is your progenitor as well.

— tr. M.N. Dutt (1891–96) (public domain)

MBh 1 232.8

ऊर्ध्वं चाधश्च सर्पन्ति पृष्ठतः पार्श्वतस्तथा। अर्चिषस्ते महावीर्य रश्मयः सवितुर्यथा।॥

ūrdhvaṃ cādhaśca sarpanti pṛṣṭhataḥ pārśvatastathā| arciṣaste mahāvīrya raśmayaḥ savituryathā|||

O effulgent deity, your flame like the rays of the sun exists above, below, behind and on every side.

— tr. M.N. Dutt (1891–96) (public domain)

MBh 1 232.9

सारिसृक्क उवाच माता प्रणष्टा पितरं न विद्यः पक्षा जाता नैव नो धूमकेतो। स्तस्मादस्मांस्त्राहि बालांस्त्वमग्ने॥

sārisṛkka uvāca mātā praṇaṣṭā pitaraṃ na vidyaḥ pakṣā jātā naiva no dhūmaketo| stasmādasmāṃstrāhi bālāṃstvamagne||

Sarisrikka said: O smoke-banned deity, we cannot see our mother; we know not our father. Our feathers have not grown as yet. We have no one except you who can protect us. We are infants, therefore, O Agni protect us.

— tr. M.N. Dutt (1891–96) (public domain)

MBh 1 232.10

यदग्ने ते शिवं रूपं ये च ते सप्त हेतयः। तेन नः परिपाहि त्वमान्न् वै शरणैषिणः॥

yadagne te śivaṃ rūpaṃ ye ca te sapta hetayaḥ| tena naḥ paripāhi tvamānn vai śaraṇaiṣiṇaḥ||

O Agni, we are in (great) distress. Protect us with your auspicious form and with your seven flames. We pray for your protection.

— tr. M.N. Dutt (1891–96) (public domain)

MBh 1 232.11

त्वमेवैकस्तपसे जातवेदो नान्यस्तप्ता विद्यते गोषु देव। ऋषिनस्मान् बालकान् पालयस्व परेणास्मान् प्रेहि वै हव्यवाह॥

tvamevaikastapase jātavedo nānyastaptā vidyate goṣu deva| ṛṣinasmān bālakān pālayasva pareṇāsmān prehi vai havyavāha||

O deity, O carrier of the (sacrificial) ghee, O Agni, you are the giver of heat, you alone give heat to the rays of the sun. We are young, we are Rishis, protect us, and be pleased to go from this place by some other way.

— tr. M.N. Dutt (1891–96) (public domain)

MBh 1 232.12

स्तम्बमित्र उवाच सर्वमग्ने त्वमेवैकस्त्वयि सर्वमिदं जगत्। त्वं धारयसि भूतानि भुवनं त्वं बिभर्षि च॥

stambamitra uvāca sarvamagne tvamevaikastvayi sarvamidaṃ jagat| tvaṃ dhārayasi bhūtāni bhuvanaṃ tvaṃ bibharṣi ca||

Stambamitra said : O Agni, you are every thing. The whole universe is established in you. You uphold every creature and you support the worlds.

— tr. M.N. Dutt (1891–96) (public domain)

MBh 1 232.13

त्वमग्निहव्यवाहस्त्वं त्वमेव परमं हविः। मनीषिणस्त्वां जानन्ति बहुधा चैकधापि च॥

tvamagnihavyavāhastvaṃ tvameva paramaṃ haviḥ| manīṣiṇastvāṃ jānanti bahudhā caikadhāpi ca||

O Agni, you are the career of (sacrificial) ghee, you are the great (sacrificial) ghee itself. The wise know you to be one and (at the same time) Many.

— tr. M.N. Dutt (1891–96) (public domain)

MBh 1 232.14

सृष्ट्वा लोकांस्त्रीनिमान् हव्यवाह काले प्राप्ते पचसि पुनः समिद्धः। स्त्वमेवाग्ने भवसि पुनः प्रतिष्ठा॥

sṛṣṭvā lokāṃstrīnimān havyavāha kāle prāpte pacasi punaḥ samiddhaḥ| stvamevāgne bhavasi punaḥ pratiṣṭhā||

O carrier of (sacrificial) ghee (Agni), you create the three worlds and you again destroy them when the time comes for their destruction by swelling (your body to a fearful dimension). You are the progenerating mother of the whole universe; you are the essence also in which the universe dissolves.

— tr. M.N. Dutt (1891–96) (public domain)

MBh 1 232.15

द्रोण उवाच त्वमन्नं प्राणिभिर्भुक्तमन्तर्भूतो जगत्पते। नित्यप्रवृद्धः पचसि त्वयि सर्वं प्रतिष्ठितम्॥

droṇa uvāca tvamannaṃ prāṇibhirbhuktamantarbhūto jagatpate| nityapravṛddhaḥ pacasi tvayi sarvaṃ pratiṣṭhitam||

Drona said: O lord of the universe, growing in strength and remaining within their bodies, you cause to be digested the food that creatures eat. Every thing is established in you.

— tr. M.N. Dutt (1891–96) (public domain)

MBh 1 232.16

सूर्यो भूत्वा रश्मिभिर्जातवेदो भूमेरम्भो भूमिजातान् रसांश्चा। विश्वानादाय पुनरुत्सृज्य काले दृष्ट्वा वृष्ट्या भावयसीह शुक्र॥

sūryo bhūtvā raśmibhirjātavedo bhūmerambho bhūmijātān rasāṃścā| viśvānādāya punarutsṛjya kāle dṛṣṭvā vṛṣṭyā bhāvayasīha śukra||

O Shukra, O deity from whose mouth the Vedas have sprung, in the form of the sun you suck up the waters of the earth and every liquid juice that earth yields. You then again in proper time and in proper season give them back in the form of rains; and you thus cause every thing to grow.

— tr. M.N. Dutt (1891–96) (public domain)

MBh 1 232.17

त्वत्त एताः पुनः शुक्र वीरुधो हरितच्छदाः। जायन्ते पुष्करिण्यश्च सुभद्रश्च महोदधिः॥

tvatta etāḥ punaḥ śukra vīrudho haritacchadāḥ| jāyante puṣkariṇyaśca subhadraśca mahodadhiḥ||

O Shukra, these plants and creepers with green leaves have all sprung through you. These tanks and ponds and the ever blessed great ocean also, have all sprung from you.

— tr. M.N. Dutt (1891–96) (public domain)

MBh 1 232.18

इदं वै सद्म तिग्मांशो वरुणस्य परायणम्। शिवस्त्राता भवास्माकं मास्मानध विनाशय॥

idaṃ vai sadma tigmāṃśo varuṇasya parāyaṇam| śivastrātā bhavāsmākaṃ māsmānadha vināśaya||

O deity of fearful rays, this our (mortal) body depends on Varuna (the god of waters). We are incapable of bearing your heat. Therefore, (O deity) be our blessed protector. Do not destroy us today.

— tr. M.N. Dutt (1891–96) (public domain)

MBh 1 232.19

पिङ्गाश्च लोहितग्रीव कृष्णवर्त्मन् हुताशन। परेण प्रेहि मुञ्चास्मान् सागरस्य गृहानिव॥

piṅgāśca lohitagrīva kṛṣṇavartman hutāśana| pareṇa prehi muñcāsmān sāgarasya gṛhāniva||

O Agni of copper-coloured eyes and of red neck, o deity whose path is marked by black colour, save us as the ocean saves the houses on its banks by going away (from this place) by some other way.

— tr. M.N. Dutt (1891–96) (public domain)

MBh 1 232.20

वैशम्पायन उवाच एवमुक्तो जातवेदा द्रोणेन बह्मवादिना। द्रोणमाह प्रतीतात्मा मन्दपालप्रतिज्ञया॥

vaiśampāyana uvāca evamukto jātavedā droṇena bahmavādinā| droṇamāha pratītātmā mandapālapratijñayā||

Vaishampayana said : Having been thus addressed by that utterer of the Vedas, Drona, the deity from whose mouth the Vedas have sprung (Agni) being well-pleased and remembering his promise to Mandapala, thus spoke.

— tr. M.N. Dutt (1891–96) (public domain)

MBh 1 232.21

अग्निरुवाच ऋषिोणस्त्वमसि वै ब्रह्म तद् व्याहृतं त्वया। ईप्सितं ते करिष्यामि न च ते विद्यते भयम्॥

agniruvāca ṛṣioṇastvamasi vai brahma tad vyāhṛtaṃ tvayā| īpsitaṃ te kariṣyāmi na ca te vidyate bhayam||

Agni said : O Drona, you are a Rishi, what you have said is the Vedic truth. I shall do your pleasure. You have nothing to fear.

— tr. M.N. Dutt (1891–96) (public domain)

MBh 1 232.22

मन्दपालेन वै यूयं मम पूर्वं निवेदिताः। वर्जयेः पुत्रकान् मह्यं दहन् दावमिति स्म ह॥ तस्य तद् वचनं द्रोण त्वया यच्चेह भाषितम्। उभयं ते गरीयस्तु ब्रूहि किं करवाणि ते। भृशं प्रीतोऽस्मि भद्रं ते ब्रह्मन् स्तोत्रेण सत्तम।॥

mandapālena vai yūyaṃ mama pūrvaṃ niveditāḥ| varjayeḥ putrakān mahyaṃ dahan dāvamiti sma ha|| tasya tad vacanaṃ droṇa tvayā yacceha bhāṣitam| ubhayaṃ te garīyastu brūhi kiṃ karavāṇi te| bhṛśaṃ prīto'smi bhadraṃ te brahman stotreṇa sattama|||

I was formerly asked by Mandapala to spare his sons when consuming the forest. The words be spoke and your speech also both are entitled to great weight. Tell me what I am to do. O excellent Brahmana, I have been greatly pleased with your blessed hymn.

— tr. M.N. Dutt (1891–96) (public domain)

MBh 1 232.23

द्रोण उवाच इमे मार्जारकाः शुक्र नित्यमुद्वेजयन्ति नः। एतान् कुरुष्व दग्धांस्त्वं हुताशन सबान्धवान्॥

droṇa uvāca ime mārjārakāḥ śukra nityamudvejayanti naḥ| etān kuruṣva dagdhāṃstvaṃ hutāśana sabāndhavān||

Drona said: O Shukra, these eats trouble us every day. O fire, consume them with their friends and relatives.

— tr. M.N. Dutt (1891–96) (public domain)

MBh 1 232.24

तथा तत् कृतवानग्निरभ्यनुज्ञाय शाकान्। ददाह खाण्डवं दावं समिद्धो जनमेजय॥

tathā tat kṛtavānagnirabhyanujñāya śākān| dadāha khāṇḍavaṃ dāvaṃ samiddho janamejaya||

Vaishampayana said : O Janamejaya, telling them what were his intentions, Agni then accomplished all that the Sharanagakas asked him to do. Growing in strength, he then again began to consume the Khandava.

— tr. M.N. Dutt (1891–96) (public domain)