Mahabharata — Volume I (Dutt edition) — Chapter 210

MBh 1 210.1

नारद उवाच उत्सवे वृत्तमात्रे तु त्रैलोक्याकाक्षिणावुभौ। मन्त्रयित्वा ततः सेनां तावाज्ञापयतां तदा॥

nārada uvāca utsave vṛttamātre tu trailokyākākṣiṇāvubhau| mantrayitvā tataḥ senāṃ tāvājñāpayatāṃ tadā||

Narada said: As soon as the festivals came to an end, they (Sunda and Upasunda), being desirous of the sovereignty of the three worlds, took counsel and commanded their forces to be arranged.

— tr. M.N. Dutt (1891–96) (public domain)

MBh 1 210.2

सुहृद्भिरप्यनुज्ञातौ दैत्यैर्वृद्धैश्च मन्त्रिभिः। कृत्वा प्रास्थानिकं रात्रौ मघासु ययतुस्तदा॥

suhṛdbhirapyanujñātau daityairvṛddhaiśca mantribhiḥ| kṛtvā prāsthānikaṃ rātrau maghāsu yayatustadā||

Having obtained the consent of their friends and relatives, of the elder, of the Danava race and of their ministers and having performed the preliminary rites of departure, they started on the night when the constellation Magha was on the ascendant.

— tr. M.N. Dutt (1891–96) (public domain)

MBh 1 210.3

गदापट्टिशधारिण्या शूलमुद्गरहस्तया। प्रस्थितौ सह वर्मिण्या महत्या दैत्यसेनया॥ मङ्गलैः स्तुतिभिश्चापि विजयप्रतिसंहितैः। चारणैः स्तूयमानो तौ जग्मतुः परया मुदा॥

gadāpaṭṭiśadhāriṇyā śūlamudgarahastayā| prasthitau saha varmiṇyā mahatyā daityasenayā|| maṅgalaiḥ stutibhiścāpi vijayapratisaṃhitaiḥ| cāraṇaiḥ stūyamāno tau jagmatuḥ parayā mudā||

A large army of the Danavas clad in mails and armed with clubs, axes, lances and maces, went with them. The Charanas chanted auspicious panegyrics indicative of their future victory; and they sat out on their expedition with joyous hearts.

— tr. M.N. Dutt (1891–96) (public domain)

MBh 1 210.4

तावन्तरिक्षमुत्प्लुत्य दैत्यौ कामगमावुभौ। देवानामेव भवनं जग्मतुर्युद्धदुर्मदौ॥

tāvantarikṣamutplutya daityau kāmagamāvubhau| devānāmeva bhavanaṃ jagmaturyuddhadurmadau||

Furious in war and capable of going everywhere at will, the two Danavas rose to the sky and went to the region of the celestials.

— tr. M.N. Dutt (1891–96) (public domain)

MBh 1 210.5

तयोरागमनं ज्ञात्वा वरदानं च तत् प्रभोः। हित्वा त्रिविष्टपं जग्मुर्ब्रह्मलोकं ततः सुराः॥

tayorāgamanaṃ jñātvā varadānaṃ ca tat prabhoḥ| hitvā triviṣṭapaṃ jagmurbrahmalokaṃ tataḥ surāḥ||

Learning that they were coming and knowing also what boons they had obtained from the Supreme Lord, the celestials left heaven and sought refuge in the region of Brahma.

— tr. M.N. Dutt (1891–96) (public domain)

MBh 1 210.6

ताविन्द्रलोकं निर्जिय यक्षरक्षोगणांस्तदा। खेचराण्यपि भूतानि जनतुस्तीव्रविक्रमौ॥

tāvindralokaṃ nirjiya yakṣarakṣogaṇāṃstadā| khecarāṇyapi bhūtāni janatustīvravikramau||

The greatly powerful (Danava) brothers subjugated the region of Indra and defeated various tribes of Yakshas and Rakshasas. They then returned.

— tr. M.N. Dutt (1891–96) (public domain)

MBh 1 210.7

अन्तर्भूमिगतान् नागाञ्जित्वा तौ च महारथौ। समुद्रवासिनीः सर्वा म्लेच्छजातीर्विजिग्यतुः॥

antarbhūmigatān nāgāñjitvā tau ca mahārathau| samudravāsinīḥ sarvā mlecchajātīrvijigyatuḥ||

The two great car-warriors then subjugated the Nagas of the nether regions, then the inmates of the ocean and then all the Mleccha races.

— tr. M.N. Dutt (1891–96) (public domain)

MBh 1 210.8

ततः सर्वां महीं जेतुमारब्धावुग्रशासनौ। सैनिकांश्च समाहूय सुतीक्ष्णं वाक्यमूचतुः॥ राजर्षयो महायज्ञैर्हव्यकव्यैर्द्विजातयः। तेजो बलं च देवानां वर्धयन्ति श्रियं तथा॥

tataḥ sarvāṃ mahīṃ jetumārabdhāvugraśāsanau| sainikāṃśca samāhūya sutīkṣṇaṃ vākyamūcatuḥ|| rājarṣayo mahāyajñairhavyakavyairdvijātayaḥ| tejo balaṃ ca devānāṃ vardhayanti śriyaṃ tathā||

Being desirous of subjugating the whole earth, those two greatly irresistible heroes, summoning their soldiers, spoke these cruel words, “The royal sages with the help of the Brahmanas increase the strength and prosperity of the celestials by pouring libations on the fire and offering other foods in grand sacrifices.

— tr. M.N. Dutt (1891–96) (public domain)

MBh 1 210.9

तेषामेवंप्रवृत्तानां सर्वेषामसुरद्विषाम्। सम्भूय सर्वैरस्माभिः कार्यः सर्वात्मना वधः॥

teṣāmevaṃpravṛttānāṃ sarveṣāmasuradviṣām| sambhūya sarvairasmābhiḥ kāryaḥ sarvātmanā vadhaḥ||

"Engaged in such works, they are the enemies of the Asuras. Therefore, the duty of all of us is to muster together and exterminate them."

— tr. M.N. Dutt (1891–96) (public domain)

MBh 1 210.10

एवं सर्वान् समादिश्य पूर्वतीरे महोदधेः। क्रूरां मतिं समास्थाय जग्मतुः सर्वतोमुखौ॥

evaṃ sarvān samādiśya pūrvatīre mahodadheḥ| krūrāṃ matiṃ samāsthāya jagmatuḥ sarvatomukhau||

Thus ordering them all on the eastern shore of the great ocean and forming such a cruel resolution, the Asura brothers started in all directions.

— tr. M.N. Dutt (1891–96) (public domain)

MBh 1 210.11

यज्ञैर्यजन्ति ये केचिद् याजयन्ति च ये द्विजाः। तान् सर्वान् प्रसभं हत्वा बलिनौ जग्मतुस्ततः॥

yajñairyajanti ye kecid yājayanti ca ye dvijāḥ| tān sarvān prasabhaṃ hatvā balinau jagmatustataḥ||

The two heroes immediately killed those that were performing sacrifices and the Brahmanas that were assisting in those sacrifices. Killing them all, they started for another place.

— tr. M.N. Dutt (1891–96) (public domain)

MBh 1 210.12

आश्रमेष्वग्निहोत्राणि मुनीनां भावितात्मनाम्। गृहीत्वा प्रक्षिपन्त्यप्सु विश्रब्धं संनिकास्तयोः॥

āśrameṣvagnihotrāṇi munīnāṃ bhāvitātmanām| gṛhītvā prakṣipantyapsu viśrabdhaṃ saṃnikāstayoḥ||

Their soldiers threw into the water the sacrificial fires that were in the hermitages o Rishis who had controlled their souls.

— tr. M.N. Dutt (1891–96) (public domain)

MBh 1 210.13

तपोधनैश्च ये क्रुद्धैः शापा उक्ता महात्मभिः। नाक्रामन्त तयोस्तेऽपि वरदाननिराकृताः॥

tapodhanaiśca ye kruddhaiḥ śāpā uktā mahātmabhiḥ| nākrāmanta tayoste'pi varadānanirākṛtāḥ||

The curses uttered by the high-souled ascetics in anger became futile on account of the boons granted to them (by Brahma); but they did not any way affect them.

— tr. M.N. Dutt (1891–96) (public domain)

MBh 1 210.14

नाक्रामन्त यदा शापा बाणा मुक्ताः शिलास्विव। नियमान् सम्परित्यज्य व्यद्रवन्त द्विजातयः॥

nākrāmanta yadā śāpā bāṇā muktāḥ śilāsviva| niyamān samparityajya vyadravanta dvijātayaḥ||

When the Brahmanas saw that their curses make no impressions on them like arrows shot at stones, they fled in all directions, forsaking their rites and vows.

— tr. M.N. Dutt (1891–96) (public domain)

MBh 1 210.15

पृथिव्यां ये तप:सिद्धा दान्ताः शमपरायणाः। तयोर्भयाद् दुदुवुस्ते वैनतेयादिवोरगाः॥

pṛthivyāṃ ye tapa:siddhā dāntāḥ śamaparāyaṇāḥ| tayorbhayād duduvuste vainateyādivoragāḥ||

Even those, that were crowned with ascetic success in the world and that were selfcontrolled and wholly engrossed in meditation of the Deity, fled in their fear as snakes at the approach of the son of Vinata (Garuda).

— tr. M.N. Dutt (1891–96) (public domain)

MBh 1 210.16

मथितैराश्रमैर्भग्नैर्विकीर्णकलशनुवैः। शून्यमासीज्जगत् सर्वं कालेनेव हतं तदा॥

mathitairāśramairbhagnairvikīrṇakalaśanuvaiḥ| śūnyamāsījjagat sarvaṃ kāleneva hataṃ tadā||

All the sacred hermitages were trodden down and broken; and their contents were scattered all over the ground. The universe became empty, as if every thing was destroyed at a Dissolution.

— tr. M.N. Dutt (1891–96) (public domain)

MBh 1 210.17

ततो राजन्नदृश्यद्भिर्ऋषिभिश्च महासुरौ। उभौ विनिश्चयं कृत्वा विकुर्वाते वधैषिणौ॥

tato rājannadṛśyadbhirṛṣibhiśca mahāsurau| ubhau viniścayaṃ kṛtvā vikurvāte vadhaiṣiṇau||

O king, when all the Rishis had disappeared, the two great Asuras resolved upon their destruction and assumed various forms.

— tr. M.N. Dutt (1891–96) (public domain)

MBh 1 210.18

प्रभिन्नकरटौ मत्तौ भूत्वा कुञ्जररूपिणौ। संलीनमपि दुर्गेषु निन्यतुर्यमसादनम्॥

prabhinnakaraṭau mattau bhūtvā kuñjararūpiṇau| saṃlīnamapi durgeṣu ninyaturyamasādanam||

They assumed the forms of maddened elephants with temples rent (from excess of juice) and they slaughtered the Rishis hidden in mountain caves.

— tr. M.N. Dutt (1891–96) (public domain)

MBh 1 210.19

सिंहौ भूत्वा पुनर्व्याघ्रौ पुनश्चान्तर्हितावुभौ। तैस्तैरुपायैस्तौ क्रूरावृषीन् दृष्ट्वा निजजतुः॥

siṃhau bhūtvā punarvyāghrau punaścāntarhitāvubhau| taistairupāyaistau krūrāvṛṣīn dṛṣṭvā nijajatuḥ||

Sometimes they became lions, sometimes tigers and sometime, they disappeared. By assuming such forms, they killed the Rishis wherever they saw them.

— tr. M.N. Dutt (1891–96) (public domain)

MBh 1 210.20

निवृत्तयज्ञस्वाध्याया प्रणष्टनृपतिद्विजा। उत्सन्नोत्सवयज्ञा च बभूव वसुधा तदा॥

nivṛttayajñasvādhyāyā praṇaṣṭanṛpatidvijā| utsannotsavayajñā ca babhūva vasudhā tadā||

Sacrifice and study ceased; kings and Brahmanas were exterminated. The earth became destitute of festivals and sacrifices.

— tr. M.N. Dutt (1891–96) (public domain)

MBh 1 210.21

हाहाभूता भयार्ता च निवृत्तविपणापणा। निवृत्तदेवकार्या च पुण्योद्वाहविवर्जिता॥

hāhābhūtā bhayārtā ca nivṛttavipaṇāpaṇā| nivṛttadevakāryā ca puṇyodvāhavivarjitā||

The people cried, “Alas! Alas!” and all buying and selling were stopped. The works of the celestials ceased and sacred ceremonies and marriages discontinued.

— tr. M.N. Dutt (1891–96) (public domain)

MBh 1 210.22

निवृत्तकृषिगोरक्षा विध्वस्तनगराश्रमा। अस्थिकङ्कालसंकीर्णा भूर्वभूवोग्रदर्शना॥

nivṛttakṛṣigorakṣā vidhvastanagarāśramā| asthikaṅkālasaṃkīrṇā bhūrvabhūvogradarśanā||

Agriculture was neglected and cattle were not tended; both cities and hermitages became desolate. The earth, being covered with bones and skeletons, looked fearful,

— tr. M.N. Dutt (1891–96) (public domain)

MBh 1 210.23

निवृत्तपितृकार्यं च निर्वषट्कारमङ्गलम्। जगत् प्रतिभयाकारं दुष्प्रेक्ष्यमभवत् तदा॥

nivṛttapitṛkāryaṃ ca nirvaṣaṭkāramaṅgalam| jagat pratibhayākāraṃ duṣprekṣyamabhavat tadā||

The ceremonies in honour of the Pitris, the sacred sound of Vashata (Vedas) and all auspicious rites ceased. The universe looked frightful to behold.

— tr. M.N. Dutt (1891–96) (public domain)

MBh 1 210.24

चन्द्रादित्यौ ग्रहास्तारा नक्षत्राणि दिवौकसः। जग्मुर्विषादं तत् कर्म दृष्ट्वा सुन्दोपसुन्दयोः॥

candrādityau grahāstārā nakṣatrāṇi divaukasaḥ| jagmurviṣādaṃ tat karma dṛṣṭvā sundopasundayoḥ||

The moon, the sun, the planets, the stars, the constellations and the dwellers of heaven, became exceedingly sorry on seeing these works of Sunda and Upasunda.

— tr. M.N. Dutt (1891–96) (public domain)

MBh 1 210.25

एवं सर्वा दिशो दैत्यौ जित्वा क्रूरेण कर्मणा। निःसप्नौ कुरुक्षेत्रे निवेशमभिचक्रतुः॥

evaṃ sarvā diśo daityau jitvā krūreṇa karmaṇā| niḥsapnau kurukṣetre niveśamabhicakratuḥ||

Thus subjugating all the points of heaven by cruel acts, the Danavas lived at Kurukshetra having not a single rival (in all the earth).

— tr. M.N. Dutt (1891–96) (public domain)