Mahabharata — Volume I (Dutt edition) — Chapter 202
MBh 1 202.1
कर्ण उवाच दुर्योधन तव प्रज्ञा न सम्यगिति मे मतिः। न ह्युपायेन ते शक्याः पाण्डवाः कुरुवर्धन॥
karṇa uvāca duryodhana tava prajñā na samyagiti me matiḥ| na hyupāyena te śakyāḥ pāṇḍavāḥ kuruvardhana||
Karna said: O Duryodhana, in my opinion your reasoning are not well-founded. O perpetuator of the Kuru race, no machinations will succeed against the Pandavas.
— tr. M.N. Dutt (1891–96) (public domain)
MBh 1 202.2
पूर्वमेव हि ते सूक्ष्मैरुपायैर्यतितास्त्वया। निग्रहीतुं तदा वीर न चैव शकितास्त्वया।॥
pūrvameva hi te sūkṣmairupāyairyatitāstvayā| nigrahītuṃ tadā vīra na caiva śakitāstvayā|||
O hero, you have formerly tried to accomplish your wishes by various subtlc means, but you have not been successful in killing them.
— tr. M.N. Dutt (1891–96) (public domain)
MBh 1 202.3
इहैव वर्तमानास्ते समीपे तव पार्थिव। अजातपक्षाः शिशवः शकिता नैव बाधितुम्॥
ihaiva vartamānāste samīpe tava pārthiva| ajātapakṣāḥ śiśavaḥ śakitā naiva bādhitum||
O. king, they were then living near you, they were then mere children, they were then without allies and friends, still you could nor injure them.
— tr. M.N. Dutt (1891–96) (public domain)
MBh 1 202.4
जातपक्षा विदेशस्था विवृद्धाः सर्वशोऽद्य ते। नोपायसाध्याः कौन्तेया ममैषा मतिरच्युत॥
jātapakṣā videśasthā vivṛddhāḥ sarvaśo'dya te| nopāyasādhyāḥ kaunteyā mamaiṣā matiracyuta||
They are now living at a distance, they are now grown up and they are now stronger by securing allies. It is my firm belief that you will not be able to injure them now with any subtle machinations.
— tr. M.N. Dutt (1891–96) (public domain)
MBh 1 202.5
न च ते व्यसनैर्योक्तुं शक्या दिष्टकृतेन च। शकिताश्चेप्सवश्चैव पितृपैतामहं पदम्॥
na ca te vyasanairyoktuṃ śakyā diṣṭakṛtena ca| śakitāścepsavaścaiva pitṛpaitāmahaṃ padam||
They are aided by Fate. When they are desirous of regaining the place of their fathers and grandfathers, we can never succeed to injure them by any means of ours.
— tr. M.N. Dutt (1891–96) (public domain)
MBh 1 202.6
परस्परेण भेदश्च नाधातुं तेषु शक्यते। एकस्यां ये रताः पन्यां न भिद्यन्ते परस्परम्॥
paraspareṇa bhedaśca nādhātuṃ teṣu śakyate| ekasyāṃ ye ratāḥ panyāṃ na bhidyante parasparam||
It is impossible to create disunion amongst them. They can never be disunited who have taken a common wife.
— tr. M.N. Dutt (1891–96) (public domain)
MBh 1 202.7
न चापि कृष्णा शक्येत तेभ्यो भेदयितुं परैः। परियूनान् वृतवती किमुताद्य मृजावतः॥
na cāpi kṛṣṇā śakyeta tebhyo bhedayituṃ paraiḥ| pariyūnān vṛtavatī kimutādya mṛjāvataḥ||
We can never succeed in estranging Krishna (Draupadi) from them by any spies. she choose them as her husband when they were in adversity, they are now in prosperity.
— tr. M.N. Dutt (1891–96) (public domain)
MBh 1 202.8
ईप्सितश्च गुणः स्त्रीणामेकस्या बहुभर्तृता। तं च प्राप्तवती कृष्णा न सा भेदयितुं क्षमा॥
īpsitaśca guṇaḥ strīṇāmekasyā bahubhartṛtā| taṃ ca prāptavatī kṛṣṇā na sā bhedayituṃ kṣamā||
Women generally desire to have many husbands, Krishna has got it; she can never be estranged from them.
— tr. M.N. Dutt (1891–96) (public domain)
MBh 1 202.9
आर्यव्रतश्च पाञ्चाल्यो न स राजा धनप्रियः। न संत्यक्ष्यति कौन्तेयान् राज्यदानैरपि ध्रुवम्॥
āryavrataśca pāñcālyo na sa rājā dhanapriyaḥ| na saṃtyakṣyati kaunteyān rājyadānairapi dhruvam||
The Panchala king is honest and virtuous, he is not covetous for wealth. Even if we offer him our whole kingdom, he will certainly not abandon the sons of Kunti.
— tr. M.N. Dutt (1891–96) (public domain)
MBh 1 202.10
यथास्य पुत्रो गुणवाननुरक्तश्च पाण्डवान्। तस्मान्नो पायसाध्यांस्तानहं मन्ये कथंचन॥
yathāsya putro guṇavānanuraktaśca pāṇḍavān| tasmānno pāyasādhyāṃstānahaṃ manye kathaṃcana||
His son is also well-accomplished and has become attached to the Pandavas; therefore, I think by no subtle machinations that are in your power, you will be able to injure them.
— tr. M.N. Dutt (1891–96) (public domain)
MBh 1 202.11
इदं त्वद्य क्षमं कर्तुमस्माकं पुरुषर्षभ। यावन्न कृतमूलास्ते पाण्डवेया विशाम्पते॥ तावत् प्रहरणीयास्ते तत् तुभ्यं तात रोचताम्। अस्मत्पक्षो महान् यावद् यावत् पाञ्चालको लघुः। तावत् प्रहरणं तेषां क्रियतां मा विचारय॥
idaṃ tvadya kṣamaṃ kartumasmākaṃ puruṣarṣabha| yāvanna kṛtamūlāste pāṇḍaveyā viśāmpate|| tāvat praharaṇīyāste tat tubhyaṃ tāta rocatām| asmatpakṣo mahān yāvad yāvat pāñcālako laghuḥ| tāvat praharaṇaṃ teṣāṃ kriyatāṃ mā vicāraya||
O best of men, this is what is good and advisable for us to-day, namely, O king, to attack and smite them till the Pandavas are exterminated. O sire, consent to this. As long as our party is strong and that of the Panchalas weak, so long let us strike them without scruple.
— tr. M.N. Dutt (1891–96) (public domain)
MBh 1 202.12
वाहनानि प्रभूतानि मित्राणि च कुलानि च। यावन्न तेषां गान्धारे तावद् विक्रम पार्थिव॥
vāhanāni prabhūtāni mitrāṇi ca kulāni ca| yāvanna teṣāṃ gāndhāre tāvad vikrama pārthiva||
O son of Gandhari, O king, as long as their innumerable conveyances, their friends and relatives, do not gather together, so long continue to display your prowess.
— tr. M.N. Dutt (1891–96) (public domain)
MBh 1 202.13
यावच्च राजा पाञ्चाल्यो नोद्यमे कुरुते मनः। सह पुत्रैर्महावीर्य स्तावद् विक्रम पार्थिव॥
yāvacca rājā pāñcālyo nodyame kurute manaḥ| saha putrairmahāvīrya stāvad vikrama pārthiva||
O king, as long as the Panchala king with his greatly powerful son does not resolve to fight with us, so long display your prowess.
— tr. M.N. Dutt (1891–96) (public domain)
MBh 1 202.14
यावन्नायाति वार्ष्णेयः कर्षन् यादववाहिनीम्। राज्यार्थे पाण्डवेयानां पाञ्चाल्यसदनं प्रति॥
yāvannāyāti vārṣṇeyaḥ karṣan yādavavāhinīm| rājyārthe pāṇḍaveyānāṃ pāñcālyasadanaṃ prati||
As long as Vasudeva, Krishna, does not march with the Yadava hosts into the city of the Panchala king in order to restore the Pandavas to their kingdom, so long display your prowess.
— tr. M.N. Dutt (1891–96) (public domain)
MBh 1 202.15
वसूनि विविधान् भोगान् राज्यमेव च केवलम्। नात्याज्यमस्ति कृष्णस्य पाण्डवार्थं कथंचन॥
vasūni vividhān bhogān rājyameva ca kevalam| nātyājyamasti kṛṣṇasya pāṇḍavārthaṃ kathaṃcana||
Wealth, articles of enjoyments, kingdom, nay their is nothing which Krishna may not sacrifice for the Pandavas,
— tr. M.N. Dutt (1891–96) (public domain)
MBh 1 202.16
विक्रमेण मही प्राप्ता भरतेन महात्मना। विक्रमेण च लोकांस्त्रीञ्जितवान् पाकशासनः॥
vikrameṇa mahī prāptā bharatena mahātmanā| vikrameṇa ca lokāṃstrīñjitavān pākaśāsanaḥ||
The whole earth was acquired by the illustrious Bharata by his prowess. Indra has obtained the sovereignty of three worlds by prowess alone.
— tr. M.N. Dutt (1891–96) (public domain)
MBh 1 202.17
विक्रमं च प्रशंसन्ति क्षत्रियस्य विशाम्पते। स्वको हि धर्मः शूराणां विक्रमः पार्थिवर्षभ॥
vikramaṃ ca praśaṃsanti kṣatriyasya viśāmpate| svako hi dharmaḥ śūrāṇāṃ vikramaḥ pārthivarṣabha||
O king, prowess is always admired in a Kshatriya. O best of kings, prowess is the cardinal virtue of the heroes.
— tr. M.N. Dutt (1891–96) (public domain)
MBh 1 202.18
ते बलेन वयं राजन् महता चतुरङ्गिणा। प्रमथ्य दुपदं शीघ्रमानयामेह पाण्डवान्॥
te balena vayaṃ rājan mahatā caturaṅgiṇā| pramathya dupadaṃ śīghramānayāmeha pāṇḍavān||
O king, therefore, without any further delay let us with our large army of four kinds of troops vanquish Drupada and bring here the Pandavas.
— tr. M.N. Dutt (1891–96) (public domain)
MBh 1 202.19
न हि साम्ना न दानेन न भेदेन च पाण्डवाः। शक्याः साधयितुं तस्माद् विक्रमेणैव ताञ्जहि॥
na hi sāmnā na dānena na bhedena ca pāṇḍavāḥ| śakyāḥ sādhayituṃ tasmād vikrameṇaiva tāñjahi||
The Pandavas cannot be defeated by any policy of conciliation, of gift, of wealth, of bribery or of disunion. Therefore, vanquish them by your prowess.
— tr. M.N. Dutt (1891–96) (public domain)
MBh 1 202.20
तान् विक्रमेण जित्वेमामखिलां भुक्ष्व मेदिनीम्। अतो नान्यं प्रपश्यामि कार्योपायं जनाधिप॥
tān vikrameṇa jitvemāmakhilāṃ bhukṣva medinīm| ato nānyaṃ prapaśyāmi kāryopāyaṃ janādhipa||
O king, after defeating them by your prowess, rule over the wide world. I do not see any other means of becoming successful in our object.
— tr. M.N. Dutt (1891–96) (public domain)
MBh 1 202.21
वैशम्पायन उवाच श्रुत्वा तु राधेयवचो धृतराष्ट्रः प्रतापवान्। अभिपूज्य ततः पश्चादिदं वचनमब्रवीत्॥
vaiśampāyana uvāca śrutvā tu rādheyavaco dhṛtarāṣṭraḥ pratāpavān| abhipūjya tataḥ paścādidaṃ vacanamabravīt||
Vaishampayana said : Hearing what the son of Radha (Karna) said, the powerful Dhritarashtra gave him high praise and he then spoke to him thus-
— tr. M.N. Dutt (1891–96) (public domain)
MBh 1 202.22
उपपन्नं महाप्राज्ञे कृतास्त्रे सूतनन्दने। त्वयि विक्रमसम्पन्नमिदं वचनमीदृशम्॥
upapannaṃ mahāprājñe kṛtāstre sūtanandane| tvayi vikramasampannamidaṃ vacanamīdṛśam||
"O son of Suta, you are gifted with great wisdom and you are highly accomplished in arms. Such words breathing the spirit of heroism are surely worthy of you.
— tr. M.N. Dutt (1891–96) (public domain)
MBh 1 202.23
भूय एव तु भीष्मश्च द्रोणो विदुरएव च। युवां च कुरुतं बुद्धिं भवेद् या नः सुखोदया॥
bhūya eva tu bhīṣmaśca droṇo viduraeva ca| yuvāṃ ca kurutaṃ buddhiṃ bhaved yā naḥ sukhodayā||
But let Bhishma, Drona and Vidura and also you two, consult together and then adopt that means which may lead to our good."
— tr. M.N. Dutt (1891–96) (public domain)
MBh 1 202.24
तत आनाय्य तान् सर्वान् मन्त्रिणः सुमहायशाः। धृतराष्ट्रो महाराज मन्त्रयामास वै तदा॥
tata ānāyya tān sarvān mantriṇaḥ sumahāyaśāḥ| dhṛtarāṣṭro mahārāja mantrayāmāsa vai tadā||
Thereupon, the greatly illustrious king Dhritarashtra summoned to him all those councillors and consulted with them.
— tr. M.N. Dutt (1891–96) (public domain)