Mahabharata — Volume I (Dutt edition) — Chapter 2
MBh 1 2.1
ऋषय ऊचुः समन्तपञ्चकमिति यदुक्तं सूतनन्दन। एतत्सर्वं यथातत्त्वं श्रोतुमिच्छामहे वयम्॥
ṛṣaya ūcuḥ samantapañcakamiti yaduktaṃ sūtanandana| etatsarvaṃ yathātattvaṃ śrotumicchāmahe vayam||
The Rishis said: we wish to hear, O son of Suta, all about the place you called Samantapanchaka.
— tr. M.N. Dutt (1891–96) (public domain)
MBh 1 2.2
सौतिरुवाच शृणुध्वं मम भो विप्रा ब्रुवतश्च कथा: शुभाः। समन्तपञ्चकाख्यं च श्रोतुमर्हथ सत्तमाः॥
sautiruvāca śṛṇudhvaṃ mama bho viprā bruvataśca kathā: śubhāḥ| samantapañcakākhyaṃ ca śrotumarhatha sattamāḥ||
Sauti said : Hear, O Brahmanas, the sacred words I say, You are fit, O best of men, to hear them.
— tr. M.N. Dutt (1891–96) (public domain)
MBh 1 2.3
त्रेताद्वापरयोः संधौ रामः शस्त्रभृतां वरः। असकृत्यार्थिव क्षत्रं जघानामर्षचोदितः॥
tretādvāparayoḥ saṃdhau rāmaḥ śastrabhṛtāṃ varaḥ| asakṛtyārthiva kṣatraṃ jaghānāmarṣacoditaḥ||
At the end of Treta and in the beginning of Dwapara Yuga, the greatest of all that ever wielded arms, Parashurama, being impatient of wrongs, repeatedly destroyed all the Kshatriya races of the world.
— tr. M.N. Dutt (1891–96) (public domain)
MBh 1 2.4
स सर्वं क्षत्रमुत्साद्य स्ववीर्येणानलद्युतिः। समन्तपञ्चके पञ्च चकार रौधिरान्ह्रदान॥
sa sarvaṃ kṣatramutsādya svavīryeṇānaladyutiḥ| samantapañcake pañca cakāra raudhirānhradāna||
That fiery Rama, after destroying the Kshatriyas by his own prowess, made five lakes of blood at Samantapanchaka.
— tr. M.N. Dutt (1891–96) (public domain)
MBh 1 2.5
स तेषु रुधिराम्भ:सुह्रदेषु क्रोधमूर्छितः। पितॄन् संतर्पयामास रुधिरेणेति नः श्रुतम्॥
sa teṣu rudhirāmbha:suhradeṣu krodhamūrchitaḥ| pitṝn saṃtarpayāmāsa rudhireṇeti naḥ śrutam||
We have heard, that being senseless with anger, he offered oblations to the manes of his ancestors, standing in the bloody water of these lakes.
— tr. M.N. Dutt (1891–96) (public domain)
MBh 1 2.6
अथचीकादयोऽभ्येत्य पितरो राममब्रुवन्। राम राम महाभाग प्रीताः स्म तव भार्गव॥
athacīkādayo'bhyetya pitaro rāmamabruvan| rāma rāma mahābhāga prītāḥ sma tava bhārgava||
Thereupon Richika and others of his ancestors appeared and said, "Rama, O blessed Rama, O son of Bhrigu, we are pleased
— tr. M.N. Dutt (1891–96) (public domain)
MBh 1 2.7
अनया पितृभक्त्या च विक्रमेण तव प्रभो। वरं वृणीष्व भद्रं ते यमिच्छसि महाद्युते॥
anayā pitṛbhaktyā ca vikrameṇa tava prabho| varaṃ vṛṇīṣva bhadraṃ te yamicchasi mahādyute||
With your filial piety and prowess. O mighty one, blessing be upon you. O illustrious one. Ask the boon you desire to have.
— tr. M.N. Dutt (1891–96) (public domain)
MBh 1 2.8
राम उवाच यदि मे पितरः प्रीता यद्यनुग्राह्यता मयि। यच्च रोषाभिभूतेन क्षत्रमुत्सादितं मया॥ ह्रदाश्च तीर्थभूता मे भवेयुर्भुवि विश्रुताः॥
rāma uvāca yadi me pitaraḥ prītā yadyanugrāhyatā mayi| yacca roṣābhibhūtena kṣatramutsāditaṃ mayā|| hradāśca tīrthabhūtā me bhaveyurbhuvi viśrutāḥ||
Rama said: If, O fathers, you are pleased with me, the boon, I ask is that I may be freed from the sin of annihilating the Kshatriyas and that the lakes, that I have made, may become celebrated shrines in the world.
— tr. M.N. Dutt (1891–96) (public domain)
MBh 1 2.9
एवं भविष्यतीत्येवं पितरस्तमथाब्रुवन्। तं क्षमस्वेति निषिषिधुस्ततः स विरराम ह॥
evaṃ bhaviṣyatītyevaṃ pitarastamathābruvan| taṃ kṣamasveti niṣiṣidhustataḥ sa virarāma ha||
The ancestors then said, "It would be as you have wished. But be pacified.
— tr. M.N. Dutt (1891–96) (public domain)
MBh 1 2.10
तेषां समीपे यो देशो ह्रदानां रुधिराम्भसाम्। समन्तपञ्चकमिति पुण्यं तत्परिकीर्तितम्॥
teṣāṃ samīpe yo deśo hradānāṃ rudhirāmbhasām| samantapañcakamiti puṇyaṃ tatparikīrtitam||
The region, that lies near those five bloody lakes, has become famous from that day by the name of holy Samantapanchaka.
— tr. M.N. Dutt (1891–96) (public domain)
MBh 1 2.11
येन लिङ्गेन यो देशो युक्तः समुपलक्ष्यते। तेनैव नाम्ना तं देशं वाच्यमाहुर्मनीषिणः॥
yena liṅgena yo deśo yuktaḥ samupalakṣyate| tenaiva nāmnā taṃ deśaṃ vācyamāhurmanīṣiṇaḥ||
The wise men have said that every place should be known by a name significant of something which may have made it famous.
— tr. M.N. Dutt (1891–96) (public domain)
MBh 1 2.12
अन्तरे चैव संप्राप्ते कलिद्वापरयोरभूत्। समन्तपञ्चके युद्धं कुरुपाण्डवसेनयोः॥
antare caiva saṃprāpte kalidvāparayorabhūt| samantapañcake yuddhaṃ kurupāṇḍavasenayoḥ||
At the end of Dwapara and in the beginning of Kali, a great battle was fought between the Kurus and the Pandavas, here at this holy Samantapanchaka.
— tr. M.N. Dutt (1891–96) (public domain)
MBh 1 2.13
तस्मिन् परमधर्मिष्ठे देशे भूदोषवर्जिते। अष्टादश समाजग्मुरक्षौहिण्यो युयुत्सया॥
tasmin paramadharmiṣṭhe deśe bhūdoṣavarjite| aṣṭādaśa samājagmurakṣauhiṇyo yuyutsayā||
In that holy place, where there was not the least raggedness, were assembled eighteen Akshauhinis of soldiers, all eager for battle.
— tr. M.N. Dutt (1891–96) (public domain)
MBh 1 2.14
समेत्य तं द्विजास्ताश्च तत्रैव निधनं गताः। एतन्नामाभिनिर्वृत्तं तस्य देशस्य वै द्विजाः॥
sametya taṃ dvijāstāśca tatraiva nidhanaṃ gatāḥ| etannāmābhinirvṛttaṃ tasya deśasya vai dvijāḥ||
an O Brahmanas, they were all killed in that place. Thus, O Brahmanas, its name is explained.
— tr. M.N. Dutt (1891–96) (public domain)
MBh 1 2.15
पुण्यश्च रमणीयश्च स देशो वः प्रकीर्तितः। तदेतत्कथितं सर्वं मया ब्राह्मणसत्तमाः। यथा देश: स विख्यातस्त्रिषु लोकेषु सुव्रताः॥
puṇyaśca ramaṇīyaśca sa deśo vaḥ prakīrtitaḥ| tadetatkathitaṃ sarvaṃ mayā brāhmaṇasattamāḥ| yathā deśa: sa vikhyātastriṣu lokeṣu suvratāḥ||
I have described to you that beautiful and holy place. I have told you, O best of Brahmanas, all about this place, a place famous in the three worlds.
— tr. M.N. Dutt (1891–96) (public domain)
MBh 1 2.16
ऋषय ऊचुः अक्षौहिण्य इति प्रोक्तं यत्त्वया सूतनन्दन। एतदिच्छामहे श्रोतुं सर्वमेव यथातथम्॥
ṛṣaya ūcuḥ akṣauhiṇya iti proktaṃ yattvayā sūtanandana| etadicchāmahe śrotuṃ sarvameva yathātatham||
The Rishis said : We wish to know, O Son of Suta, all about Akshauhini which you have mentioned to us.
— tr. M.N. Dutt (1891–96) (public domain)
MBh 1 2.17
अक्षौहिण्याः परीमाणं नराश्वरथदन्तिनाम्। यथावच्चैव नो ब्रूहि सर्वं हि विदितं तव॥
akṣauhiṇyāḥ parīmāṇaṃ narāśvarathadantinām| yathāvaccaiva no brūhi sarvaṃ hi viditaṃ tava||
Tell us the numbers of foot-soldiers, horses chariots and elephants, which make Akshauhini, for you know every thing.
— tr. M.N. Dutt (1891–96) (public domain)
MBh 1 2.18
सौतिरुवाच एको रथो गजश्चैको नराः पञ्च पदातयः। त्रयश्च तुरगास्तज्ज्ञैः पत्तिरित्यभिधीयते॥
sautiruvāca eko ratho gajaścaiko narāḥ pañca padātayaḥ| trayaśca turagāstajjñaiḥ pattirityabhidhīyate||
Sauti said: One chariot and one elephant, five foot soldiers and three horse-men, form a Patti.
— tr. M.N. Dutt (1891–96) (public domain)
MBh 1 2.19
पत्तिं तु त्रिगुणामेतामाहुः सेनामुखं बुधाः। त्रीणि सेनामुखान्येको गुल्म इत्यभिधीयते॥
pattiṃ tu triguṇāmetāmāhuḥ senāmukhaṃ budhāḥ| trīṇi senāmukhānyeko gulma ityabhidhīyate||
Three Pattis make a Senamukha, three Senamukhas make a Gulma.
— tr. M.N. Dutt (1891–96) (public domain)
MBh 1 2.20
त्रयो गुल्मा गणो नाम वाहिनी तु गणास्त्रयः। स्मृतास्तिस्रस्तु वाहिन्यः पृतनेति विचक्षणैः॥
trayo gulmā gaṇo nāma vāhinī tu gaṇāstrayaḥ| smṛtāstisrastu vāhinyaḥ pṛtaneti vicakṣaṇaiḥ||
Three Gulmas make a Gana, three Ganas a Vahini, three Vahinis taking together, form a Pritana.
— tr. M.N. Dutt (1891–96) (public domain)
MBh 1 2.21
चमूस्तु पृतनास्तिस्रस्तिस्रश्चम्वस्त्वनीकिनी। अनीकिनी दशगुणा प्राहुरक्षौहिणी बुधाः॥
camūstu pṛtanāstisrastisraścamvastvanīkinī| anīkinī daśaguṇā prāhurakṣauhiṇī budhāḥ||
Three Pritanas make a Chamu, three Chamus an Anikini and ten times one Anikini is called by the learned as one Akshauhini.
— tr. M.N. Dutt (1891–96) (public domain)
MBh 1 2.22
अक्षौहिण्याः प्रसंख्याता रथानां द्विजसत्तमाः। संख्यागणितत्त्वज्ञैःसहस्राण्येकविंशतिः॥ शतान्युपरिचैवाष्टौ तथा भूयश्च सप्ततिः। गजानां च परीमाणमेतदेव विनिर्दिशेत्॥
akṣauhiṇyāḥ prasaṃkhyātā rathānāṃ dvijasattamāḥ| saṃkhyāgaṇitattvajñaiḥsahasrāṇyekaviṃśatiḥ|| śatānyuparicaivāṣṭau tathā bhūyaśca saptatiḥ| gajānāṃ ca parīmāṇametadeva vinirdiśet||
O best of Brahmanas, mathematicians have calculated that there are twenty one thousand eight hundred and seventy chariots in an Akshauhini. The number of elephants is also the same.
— tr. M.N. Dutt (1891–96) (public domain)
MBh 1 2.23
ज्ञेयं शतसहस्रं तु सहस्राणि नवैव तु। नराणामपि पञ्चाशच्छतानि त्रीणि चानघाः॥ पञ्चषष्टिसहस्राणि तथाश्वनां शतानि च। दशोत्तराणि षट्प्राहुर्यथावदिह संख्यया॥
jñeyaṃ śatasahasraṃ tu sahasrāṇi navaiva tu| narāṇāmapi pañcāśacchatāni trīṇi cānaghāḥ|| pañcaṣaṣṭisahasrāṇi tathāśvanāṃ śatāni ca| daśottarāṇi ṣaṭprāhuryathāvadiha saṃkhyayā||
Know, the number of foot soldiers is one hundred nine-thousand three hundred and fifty; the number of horses is sixty-five thousand six-hundred and ten.
— tr. M.N. Dutt (1891–96) (public domain)
MBh 1 2.24
एतामक्षौहिणी प्राहुः संख्यातत्त्वविदो जनाः। यां वः कथितवानस्मि विस्तरेण तपोधनाः॥
etāmakṣauhiṇī prāhuḥ saṃkhyātattvavido janāḥ| yāṃ vaḥ kathitavānasmi vistareṇa tapodhanāḥ||
Those who are acquainted with the Principle of number call the above, explained fully by me, the numbers of an Akshauhini.
— tr. M.N. Dutt (1891–96) (public domain)
MBh 1 2.25
एतया संख्यया ह्यासन्कुरुपाण्डवसेनयोः। अक्षौहिण्यो द्विजश्रेष्ठाः पिण्डिताष्टादशैव तु॥
etayā saṃkhyayā hyāsankurupāṇḍavasenayoḥ| akṣauhiṇyo dvijaśreṣṭhāḥ piṇḍitāṣṭādaśaiva tu||
O best of Brahmanas, the eighteen Akshauhinis of the Kurus and the Pandava soldiers were composed according to this count.
— tr. M.N. Dutt (1891–96) (public domain)
MBh 1 2.26
समेतास्तत्र वै देशे तत्रैव निधनं गताः। कौरवान्कारणं कृत्वा कालेनाद्भुतकर्मणा॥
sametāstatra vai deśe tatraiva nidhanaṃ gatāḥ| kauravānkāraṇaṃ kṛtvā kālenādbhutakarmaṇā||
Time brought them all together in this place and making the Kauravas the cause, destroyed thein all.
— tr. M.N. Dutt (1891–96) (public domain)
MBh 1 2.27
अहानि युयुधे भीष्मो दशैव परमास्त्रवित्। अहानि पञ्च द्रोणस्तु ररक्ष कुरुवाहिनीम्॥
ahāni yuyudhe bhīṣmo daśaiva paramāstravit| ahāni pañca droṇastu rarakṣa kuruvāhinīm||
Bhishma, skillfull in arms, fought for ten days. Drona defended the Kuru army for five days.
— tr. M.N. Dutt (1891–96) (public domain)
MBh 1 2.28
अहनी युयुधे द्वे तु कर्ण: परबलार्दनः। शल्योऽर्धदिवसं चैव गदायुद्धमतःपरम्॥ तस्यैव दिवसस्यान्तं द्रौणिहार्दिक्यगौतमाः॥
ahanī yuyudhe dve tu karṇa: parabalārdanaḥ| śalyo'rdhadivasaṃ caiva gadāyuddhamataḥparam|| tasyaiva divasasyāntaṃ drauṇihārdikyagautamāḥ||
The destroyer of enemy's soldiers, Karna, fought for two days; Shalya for half a day and for a half a day then lasted the club-fight of Duryodhana and Bhima. At the close of that day, Ashvathama, Kritavarma and Kripa.
— tr. M.N. Dutt (1891–96) (public domain)
MBh 1 2.29
प्रसुप्तं निशि विश्वस्तं जघ्नुौधिष्ठिरं बलम्। यत्तु शौनकसत्रे ते भारताख्यानमुत्तमम्॥
prasuptaṃ niśi viśvastaṃ jaghnuaudhiṣṭhiraṃ balam| yattu śaunakasatre te bhāratākhyānamuttamam||
Destroyed the army of Yudhishthira when his soldiers were unsuspectingly sleeping. O Shaunaka, the best of narrations, the Bharata, which is narrated here at your sacrifice,
— tr. M.N. Dutt (1891–96) (public domain)
MBh 1 2.30
जनमेजयस्य तत्सत्रे व्यासशिष्येण धीमता। कथितं विस्तरार्थं च यशो वीर्यं महीक्षिताम्॥
janamejayasya tatsatre vyāsaśiṣyeṇa dhīmatā| kathitaṃ vistarārthaṃ ca yaśo vīryaṃ mahīkṣitām||
Was formerly narrated at the sacrifice of Janamejaya by the learned pupil of Vyasa. In it has been fully described the fame and valour of the kings of the world.
— tr. M.N. Dutt (1891–96) (public domain)
MBh 1 2.31
पौष्यं तत्र च पौलोममास्तीकं चादितः स्मृतम्। विचित्रार्थपदाख्यानमनेकसमयान्वितम्॥
pauṣyaṃ tatra ca paulomamāstīkaṃ cāditaḥ smṛtam| vicitrārthapadākhyānamanekasamayānvitam||
There are three Parvas in the beginning (of this great work), namely Paushya, Pauloma and Astika, which contain many wonderful dictions and descriptions and senses.
— tr. M.N. Dutt (1891–96) (public domain)
MBh 1 2.32
प्रतिपन्नं नरैः प्राज्ञैर्वैराग्यमिव मोक्षिभिः। आत्मैव वेदितव्येषु प्रियेष्विव हि जीवितम्॥
pratipannaṃ naraiḥ prājñairvairāgyamiva mokṣibhiḥ| ātmaiva veditavyeṣu priyeṣviva hi jīvitam||
As men desirous of final release, accept Vairagya, so it is accepted by the wise. As Self is among things to be known, as life among things that are dear.
— tr. M.N. Dutt (1891–96) (public domain)
MBh 1 2.33
इतिहासः प्रधानार्थः श्रेष्ठः सर्वागमेष्वयम्। अनाश्रित्येदमाख्यानं कथा भुवि न विद्यते॥
itihāsaḥ pradhānārthaḥ śreṣṭhaḥ sarvāgameṣvayam| anāśrityedamākhyānaṃ kathā bhuvi na vidyate||
So is it the best among all histories and also among all Shastras. There is not a story current in the world which does not depend on it.
— tr. M.N. Dutt (1891–96) (public domain)
MBh 1 2.34
आहारमनपाश्रित्य शरीरस्येव धारणम्। तदेतद्धारतं नाम कविभिस्तूपजीव्यते॥
āhāramanapāśritya śarīrasyeva dhāraṇam| tadetaddhārataṃ nāma kavibhistūpajīvyate||
As the body depends on the food it partakes so all poets serve and cherish this Bharata.
— tr. M.N. Dutt (1891–96) (public domain)
MBh 1 2.35
उदयप्रेप्सुभिर्भूत्यैरभिजात इवेश्वरः। इतिहासोत्तमे यस्मिन्नर्पिता बुद्धिमत्तमा॥ स्वरव्यञ्जनयोः कृत्स्ना लोकवेदाश्रयेव वाक्॥
udayaprepsubhirbhūtyairabhijāta iveśvaraḥ| itihāsottame yasminnarpitā buddhimattamā|| svaravyañjanayoḥ kṛtsnā lokavedāśrayeva vāk||
As the servant who wishes for promotion serves his master and as the words, constituting the various branches of knowledge and the Vedas, display vowels and consonants only, so this excellent history displays the highest knowledge.
— tr. M.N. Dutt (1891–96) (public domain)
MBh 1 2.36
तस्य प्रज्ञाभिपन्नस्य विचित्रपदपर्वणः। सूक्ष्मार्थन्याययुक्तस्य वेदार्थैर्भूषितस्य च। भारतस्येतिहासस्य श्रूयतां पर्वसंग्रहः॥
tasya prajñābhipannasya vicitrapadaparvaṇaḥ| sūkṣmārthanyāyayuktasya vedārthairbhūṣitasya ca| bhāratasyetihāsasya śrūyatāṃ parvasaṃgrahaḥ||
Hear the outline of the Parvas (chapters) of this Bharata history which is full of subtle meaning and logical connection and which is rich with the meanings of the Vedas.
— tr. M.N. Dutt (1891–96) (public domain)
MBh 1 2.37
पर्वानुक्रमणी पूर्वं द्वितीय: पर्वसंग्रहः। पौष्यं पौलोममास्तीकमादिरंशावतारणम्॥
parvānukramaṇī pūrvaṃ dvitīya: parvasaṃgrahaḥ| pauṣyaṃ paulomamāstīkamādiraṃśāvatāraṇam||
The first is called Anukramanika, the second Parva Sangraha; then come Pauloma, Paushya, Astika, Adianshavatarana,
— tr. M.N. Dutt (1891–96) (public domain)
MBh 1 2.38
ततः संभवपर्वोक्तमद्भुतं रोमहर्षणम्। दाहो जतुगृहस्यात्र हैडिम्बं पर्व चोच्यते॥
tataḥ saṃbhavaparvoktamadbhutaṃ romaharṣaṇam| dāho jatugṛhasyātra haiḍimbaṃ parva cocyate||
After this the wonderful and thoughtful Sambhava, then Jatugrihadaha, then Hidimba,
— tr. M.N. Dutt (1891–96) (public domain)
MBh 1 2.39
ततो बकवधः पर्व पर्व चैत्ररथं ततः। ततः स्वयंवरो देव्याः पाञ्चाल्याः पर्व चोच्यते॥
tato bakavadhaḥ parva parva caitrarathaṃ tataḥ| tataḥ svayaṃvaro devyāḥ pāñcālyāḥ parva cocyate||
Then Baka-vadha and then Chaitraratha, then Panchali-svayamvara Parva,
— tr. M.N. Dutt (1891–96) (public domain)
MBh 1 2.40
क्षात्रधर्मेण निर्जित्य ततो वैवाहिकं स्मृतम्। विदुरागमनं पर्व राज्यलम्भस्तथैव च॥
kṣātradharmeṇa nirjitya tato vaivāhikaṃ smṛtam| vidurāgamanaṃ parva rājyalambhastathaiva ca||
Then after defeating the rivals in rightful battle Vaivahika Parva, then Viduragamana and Rajya-lambha.
— tr. M.N. Dutt (1891–96) (public domain)
MBh 1 2.41
अर्जुनस्य वने वास: सुभद्राहरणं ततः। सुभद्राहरणादूर्ध्वं ज्ञेया हरणहारिका॥
arjunasya vane vāsa: subhadrāharaṇaṃ tataḥ| subhadrāharaṇādūrdhvaṃ jñeyā haraṇahārikā||
Then Arjuna-vanavasa, Subhadraharana, Harana-harika,
— tr. M.N. Dutt (1891–96) (public domain)
MBh 1 2.42
ततः खाण्डवदाहाख्यं तत्रैव मयदर्शनम्। सभापर्व ततः प्रोक्तं मन्त्रपर्वं ततः परम्॥
tataḥ khāṇḍavadāhākhyaṃ tatraiva mayadarśanam| sabhāparva tataḥ proktaṃ mantraparvaṃ tataḥ param||
Then Khandava-daha and Mayadarshana, then come Sabha Parva and Mantra Parva,
— tr. M.N. Dutt (1891–96) (public domain)
MBh 1 2.43
जरासंधवधः पर्व पर्व दिग्विजयं तथा। पर्व दिग्विजयादूर्ध्वं राजसूयिकमुच्यते॥
jarāsaṃdhavadhaḥ parva parva digvijayaṃ tathā| parva digvijayādūrdhvaṃ rājasūyikamucyate||
Then Jarasandha-vadha and Digvijaya; after Digvijaya comes the Parva called Rajasuyika.
— tr. M.N. Dutt (1891–96) (public domain)
MBh 1 2.44
ततश्चार्घाभिहरणं शिशुपालवधस्ततः। द्यूतपर्व ततः प्रोक्तमनुद्यूतमतः परम्॥ तत आरण्यकं पर्व किर्मीरवध उच्यते। अर्जुनस्याभिगमनं पर्व ज्ञेयमत: परम्॥
tataścārghābhiharaṇaṃ śiśupālavadhastataḥ| dyūtaparva tataḥ proktamanudyūtamataḥ param|| tata āraṇyakaṃ parva kirmīravadha ucyate| arjunasyābhigamanaṃ parva jñeyamata: param||
Then Arghabhiharana, Shishupalavadha, Dyuta, Anudyuta Parva; Then comes Aranyaka, Kirmira-vadha, Arjunabhigamana;
— tr. M.N. Dutt (1891–96) (public domain)
MBh 1 2.45
ईश्वरार्जुनयोयुद्धं पर्व कैरातसंज्ञितम्। इन्द्रलोकाभिगमनं पर्व ज्ञेयमतः परम्॥
īśvarārjunayoyuddhaṃ parva kairātasaṃjñitam| indralokābhigamanaṃ parva jñeyamataḥ param||
And then Kairata, in which the battle between Arjuna and Shiva is described; Then Indralokabhigamana.
— tr. M.N. Dutt (1891–96) (public domain)
MBh 1 2.46
नलोपाख्यानमपि च धार्मिकं करुणोदयम्। तीर्थयात्रा ततः पर्व कुरुराजस्य धीमतः॥
nalopākhyānamapi ca dhārmikaṃ karuṇodayam| tīrthayātrā tataḥ parva kururājasya dhīmataḥ||
Then the pathetic, pious and religious story of Nala-upakhyana; Then Tirtha-yatra of the wise king of the Kurus.
— tr. M.N. Dutt (1891–96) (public domain)
MBh 1 2.47
जटासुरवधः पर्व यक्षयुद्धमतः परम्। निवातकवचैर्युद्धं पर्व चाजगरं ततः॥
jaṭāsuravadhaḥ parva yakṣayuddhamataḥ param| nivātakavacairyuddhaṃ parva cājagaraṃ tataḥ||
Then Jatasura-vadha, then Yakshayuddha, then Nivatakavacha-yuddha and Ajagara;
— tr. M.N. Dutt (1891–96) (public domain)
MBh 1 2.48
मार्कण्डेयसमास्या च पर्वानन्तरमुच्यते। संवादश्च ततः पर्व द्रौपदीसत्यभामयोः॥
mārkaṇḍeyasamāsyā ca parvānantaramucyate| saṃvādaśca tataḥ parva draupadīsatyabhāmayoḥ||
Then Markandeya-samasya, then the Parva of the meeting of Draupadi and Satyabhama;
— tr. M.N. Dutt (1891–96) (public domain)
MBh 1 2.49
घोषयात्रा ततः पर्व मृगस्वप्नोद्भवं ततः। व्रीहिद्रौणिकमाख्यानमैन्द्रद्युम्नं तथैव च॥
ghoṣayātrā tataḥ parva mṛgasvapnodbhavaṃ tataḥ| vrīhidrauṇikamākhyānamaindradyumnaṃ tathaiva ca||
Then Ghoshayatra, Mriga-svapna, then Brihidraunikamakhyana and Aindradyumna;
— tr. M.N. Dutt (1891–96) (public domain)
MBh 1 2.50
द्रौपदीहरणं पर्व जयद्रथविमोक्षणम्। पतिव्रताया माहात्म्यं सावित्र्याश्चैवमद्भुतम्॥
draupadīharaṇaṃ parva jayadrathavimokṣaṇam| pativratāyā māhātmyaṃ sāvitryāścaivamadbhutam||
Then Draupadi-Harana-Parva, then Jayadratha-Vimochana, then the story of Savitri, illustrating love of husband and chastity;
— tr. M.N. Dutt (1891–96) (public domain)
MBh 1 2.51
रामोपाख्यानमत्रैव पर्व ज्ञेयमतः परम्। कुण्डलाहरणं पर्व ततः परमिहोच्यते॥ चिन्तया।
rāmopākhyānamatraiva parva jñeyamataḥ param| kuṇḍalāharaṇaṃ parva tataḥ paramihocyate|| cintayā|
After this the story of Rama, then Kundala-Harana Parva:
— tr. M.N. Dutt (1891–96) (public domain)
MBh 1 2.52
आरणेयं ततः पर्व वैराटं तदनन्तरम्। पाण्डवानां प्रवेशश्च समयस्य च पालनम्॥
āraṇeyaṃ tataḥ parva vairāṭaṃ tadanantaram| pāṇḍavānāṃ praveśaśca samayasya ca pālanam||
That which comes next is Aranya and then Virata, where the Pandavas went (in disguise) and fulfilled their promise.
— tr. M.N. Dutt (1891–96) (public domain)
MBh 1 2.53
कीचकानां वधः पर्व पर्वं गोग्रहणं ततः। अभिमन्योश्च वैराट्याः पर्व वैवाहिकं स्मृतम्॥
kīcakānāṃ vadhaḥ parva parvaṃ gograhaṇaṃ tataḥ| abhimanyośca vairāṭyāḥ parva vaivāhikaṃ smṛtam||
Then the Kichaka-vadha, then Gograhana, then the marriage of Abhimanyu with the daughter of the king of Virata.
— tr. M.N. Dutt (1891–96) (public domain)
MBh 1 2.54
उद्योगपर्व विज्ञेयमत अर्ध्वं महाद्भुतम्। तत: संजययानाख्यं पर्वज्ञेयमतः परम्॥
udyogaparva vijñeyamata ardhvaṃ mahādbhutam| tata: saṃjayayānākhyaṃ parvajñeyamataḥ param||
Then is the most wonderful Parva Udyoga. The next one is Sanjaya-yana.
— tr. M.N. Dutt (1891–96) (public domain)
MBh 1 2.55
प्रजागरं तथा पर्व धृतराष्ट्रस्य पर्व सानत्सुजातं वै गुह्यमध्यात्मदर्शनम्॥
prajāgaraṃ tathā parva dhṛtarāṣṭrasya parva sānatsujātaṃ vai guhyamadhyātmadarśanam||
Then comes Prajagara, the anxieties of Dhritarashtra, then Sanatsujata, the mysteries of Philosophy.
— tr. M.N. Dutt (1891–96) (public domain)
MBh 1 2.56
यानसन्धिस्ततः पर्व भगवद्यानमेव च। मातलीयमुपाख्यानं चरितं गालवस्य च॥
yānasandhistataḥ parva bhagavadyānameva ca| mātalīyamupākhyānaṃ caritaṃ gālavasya ca||
Then Yanasandhi, the arrival of Sri Krishna. Then the story of Matali and that of Galava:
— tr. M.N. Dutt (1891–96) (public domain)
MBh 1 2.57
सावित्रं वामदेव्यं च वैन्योपाख्यानमेव च। जामदग्न्यमुपाख्यानं पर्व षोडशराजकम्॥
sāvitraṃ vāmadevyaṃ ca vainyopākhyānameva ca| jāmadagnyamupākhyānaṃ parva ṣoḍaśarājakam||
Then the stories of Savitri, Vamadeva and Vainya; then the stories of Jamadagni and Shodasharajika;
— tr. M.N. Dutt (1891–96) (public domain)
MBh 1 2.58
सभाप्रवेशः कृष्णस्य विदुलापुत्रशासनम्। उद्योग: सैन्यनिर्याणं विश्वोपाख्यानमेव च॥
sabhāpraveśaḥ kṛṣṇasya vidulāputraśāsanam| udyoga: sainyaniryāṇaṃ viśvopākhyānameva ca||
Then the arrival of Krishna at the court, then Vidula-Putra-shasana, then the assemblage of troops and the story of Seta;
— tr. M.N. Dutt (1891–96) (public domain)
MBh 1 2.59
ज्ञेयं विवादपर्वात्र कर्णस्यापि महात्मनः। निर्याणं च ततः पर्व कुरुपाण्डवसेनयोः॥
jñeyaṃ vivādaparvātra karṇasyāpi mahātmanaḥ| niryāṇaṃ ca tataḥ parva kurupāṇḍavasenayoḥ||
Then comes the quarrel of the noble Karna, then the march of the Kuru and Pandava armies to the field of battle.
— tr. M.N. Dutt (1891–96) (public domain)
MBh 1 2.60
रथातिरथसंख्या च पर्वोक्तं तदनन्तरम्। उलूकदूतागमनं पर्वामर्षविवर्धनम्॥
rathātirathasaṃkhyā ca parvoktaṃ tadanantaram| ulūkadūtāgamanaṃ parvāmarṣavivardhanam||
Then Rathatiratha-Sankhya Parva, then the arrival of wrath-inspiring messenger Uluka;
— tr. M.N. Dutt (1891–96) (public domain)
MBh 1 2.61
अम्बोपाख्यानमत्रैव पर्व ज्ञेयमतः परम्। भीष्माभिषेचनं पर्व ततश्चाद्भुतमुच्यते॥ ६७॥
ambopākhyānamatraiva parva jñeyamataḥ param| bhīṣmābhiṣecanaṃ parva tataścādbhutamucyate|| 67||
Then the story of Amba, then the wonderful installation of Bhishma;
— tr. M.N. Dutt (1891–96) (public domain)
MBh 1 2.62
जम्बूखण्डविनिर्माणं पर्वोक्तं तदन्तरम्। भूमिपर्व ततः प्रोक्तं द्वीपविस्तारकीर्तनम्॥
jambūkhaṇḍavinirmāṇaṃ parvoktaṃ tadantaram| bhūmiparva tataḥ proktaṃ dvīpavistārakīrtanam||
Then (the account of) the creation of Jambukhanda and Bhumi, then the account of island.
— tr. M.N. Dutt (1891–96) (public domain)
MBh 1 2.63
पर्वोक्तं भगवद्गीता पर्व भीष्मवधस्ततः। द्रोणाभिषेचनं पर्व संशप्तकवधस्ततः॥
parvoktaṃ bhagavadgītā parva bhīṣmavadhastataḥ| droṇābhiṣecanaṃ parva saṃśaptakavadhastataḥ||
Then Bhagavad-Gita Parva, then Bhishmavadha, then the installation of Drona and then the death of Sanshaptakas;
— tr. M.N. Dutt (1891–96) (public domain)
MBh 1 2.64
अभिमन्युवधः पर्व प्रतिज्ञापर्व चोच्यते। जयद्रथवधः पर्व घटोत्कचवधस्ततः॥
abhimanyuvadhaḥ parva pratijñāparva cocyate| jayadrathavadhaḥ parva ghaṭotkacavadhastataḥ||
Then Abhimanyu-vadha, then Pratijna Parva, then Jayadratha-vadha and Ghatotkacha-vadha;
— tr. M.N. Dutt (1891–96) (public domain)
MBh 1 2.65
ततो द्रोणवधः पर्व विज्ञेयं लोमहर्षणम्। मोक्षो नारायणास्त्रस्य पर्वानन्तरमुच्यते॥
tato droṇavadhaḥ parva vijñeyaṃ lomaharṣaṇam| mokṣo nārāyaṇāstrasya parvānantaramucyate||
Then the hair-stirring Drona-vadha, then the discharge of Narayana weapon;
— tr. M.N. Dutt (1891–96) (public domain)
MBh 1 2.66
कर्णपर्व ततो ज्ञेयं शल्यपर्व ततः परम्। ह्रदप्रवेशनं पर्व गदायुद्धमतः परम्॥
karṇaparva tato jñeyaṃ śalyaparva tataḥ param| hradapraveśanaṃ parva gadāyuddhamataḥ param||
Then Karna Parva and then next to it is Shalya Parva. Then Hrida Pravesha Parva, then Gada-Yudha.
— tr. M.N. Dutt (1891–96) (public domain)
MBh 1 2.67
सारस्वतं ततः पर्व तीर्थवंशानुकीर्तनम्। अत ऊर्ध्वं सुबीभत्सं पर्व सौप्तिकमुच्यते॥
sārasvataṃ tataḥ parva tīrthavaṃśānukīrtanam| ata ūrdhvaṃ subībhatsaṃ parva sauptikamucyate||
Then Sarasvata and the description of Tirtha and Vansha and then Sauptika, describing the disgraceful conduct of the Kurus.
— tr. M.N. Dutt (1891–96) (public domain)
MBh 1 2.68
ऐषीकं पर्व चोद्दिष्टमत ऊर्ध्वं सुदारुणम्। जलप्रदानिकं पर्व स्त्रीविलापस्ततः परम्॥
aiṣīkaṃ parva coddiṣṭamata ūrdhvaṃ sudāruṇam| jalapradānikaṃ parva strīvilāpastataḥ param||
Then dreadful Aishika Parva, then Jalapradana, then Strivilapa;
— tr. M.N. Dutt (1891–96) (public domain)
MBh 1 2.69
श्राद्धपर्व ततो ज्ञेयं कुरूणामौर्ध्वदेहिकम्। चार्वाकनिग्रहः पर्व रक्षसो ब्रह्मरूपिणः॥
śrāddhaparva tato jñeyaṃ kurūṇāmaurdhvadehikam| cārvākanigrahaḥ parva rakṣaso brahmarūpiṇaḥ||
Then Shraddha Parva, describing the funeral rites for the killed Kurus; then Charvaka-vadha who was a Rakshasa but appeared as a Brahmana.
— tr. M.N. Dutt (1891–96) (public domain)
MBh 1 2.70
आभिषेचनिकं पर्व धर्मराजस्य धीमतः। प्रविभागो गृहाणां च पर्वोक्तं तदनन्तरम्॥
ābhiṣecanikaṃ parva dharmarājasya dhīmataḥ| pravibhāgo gṛhāṇāṃ ca parvoktaṃ tadanantaram||
Then the coronation of wise Yudhishthira, then Griha-pravibhagaparva;
— tr. M.N. Dutt (1891–96) (public domain)
MBh 1 2.71
शान्तिपर्व ततो यत्र राजधर्मानुशासनम्। आपद्धर्मश्च पर्वोक्तं मोक्षधर्मस्ततः परम्॥
śāntiparva tato yatra rājadharmānuśāsanam| āpaddharmaśca parvoktaṃ mokṣadharmastataḥ param||
Then Shanti Parva, then Rajadharmanushasana, then Apaddharma and Mokshadharma;
— tr. M.N. Dutt (1891–96) (public domain)
MBh 1 2.72
शुकप्रश्नाभिगमनं ब्रह्मप्रश्नानुशासनम्। प्रादुर्भावश्च दुर्वासः संवादश्चैव मायया॥
śukapraśnābhigamanaṃ brahmapraśnānuśāsanam| prādurbhāvaśca durvāsaḥ saṃvādaścaiva māyayā||
Then come Shukaprashna-abhigamana, Brahma-prashna-anushasana, the origin of Durvasa and colloquy with Maya.
— tr. M.N. Dutt (1891–96) (public domain)
MBh 1 2.73
ततः पर्व परिज्ञेयमानुशासनिकं परम्। स्वर्गारोहणिकं चैव ततो भीष्मस्य धीमतः॥
tataḥ parva parijñeyamānuśāsanikaṃ param| svargārohaṇikaṃ caiva tato bhīṣmasya dhīmataḥ||
Next Anushasana, then the ascension of wise Bhishma to heaven.
— tr. M.N. Dutt (1891–96) (public domain)
MBh 1 2.74
ततोऽश्वमेधिकं पर्व सर्वपापप्रणाशनम्। अनुगीता ततः पर्व ज्ञेयमध्यात्मवाचकम्॥
tato'śvamedhikaṃ parva sarvapāpapraṇāśanam| anugītā tataḥ parva jñeyamadhyātmavācakam||
The next is all sin-destroying Ashvamedha and then Anu-Gita, containing spiritual philosophy.
— tr. M.N. Dutt (1891–96) (public domain)
MBh 1 2.75
पर्व चाश्रमवासाख्यं पुत्रदर्शनमेव च। नारदागमनं पर्व ततः परमिहोच्यते॥
parva cāśramavāsākhyaṃ putradarśanameva ca| nāradāgamanaṃ parva tataḥ paramihocyate||
Next Ashramavashika, Putradarshana and the arrival of Narada;
— tr. M.N. Dutt (1891–96) (public domain)
MBh 1 2.76
मौसलं पर्व चोद्दिष्टं ततो घोरं सुदारुणम्। महाप्रस्थानिकं पर्व स्वर्गारोहणिकं ततः॥
mausalaṃ parva coddiṣṭaṃ tato ghoraṃ sudāruṇam| mahāprasthānikaṃ parva svargārohaṇikaṃ tataḥ||
Then comes Mausala, full of cruel and terrible incidents; then Mahaprasthana; and the ascension to heaven.
— tr. M.N. Dutt (1891–96) (public domain)
MBh 1 2.77
हरिवंशस्ततः पर्व पुराणं खिलसंज्ञितम्। विष्णुपर्व शिशोश्चर्या विष्णोः कंसवधस्तथा॥
harivaṃśastataḥ parva purāṇaṃ khilasaṃjñitam| viṣṇuparva śiśoścaryā viṣṇoḥ kaṃsavadhastathā||
Then follows the Purana which is called Khila Harivansha, in it is Vishnu Parva, comes one come describing the early life of Vishnu and the destruction of Kansa.
— tr. M.N. Dutt (1891–96) (public domain)
MBh 1 2.78
भविष्यपर्व चाप्युक्तं खिलेष्वेवाद्भुतं महत्। एतत्पर्वशतं पूर्ण व्यासेनोक्तं महात्मना॥
bhaviṣyaparva cāpyuktaṃ khileṣvevādbhutaṃ mahat| etatparvaśataṃ pūrṇa vyāsenoktaṃ mahātmanā||
The last of all is Bhavishya Parva which contains future prophecies. These are, the one hundred Parvas, composed by the noble and great Vyasa.
— tr. M.N. Dutt (1891–96) (public domain)
MBh 1 2.79
यथावत्सूतपुत्रेण लोमहर्षणिना ततः उक्तानि नौमिषारण्ये पर्वाण्यष्टादशैव तु॥
yathāvatsūtaputreṇa lomaharṣaṇinā tataḥ uktāni naumiṣāraṇye parvāṇyaṣṭādaśaiva tu||
Having placed them in eighteen Parvas, the son of Lomaharshana, the descendant of Suta, recited them in the forest of Naimisha;
— tr. M.N. Dutt (1891–96) (public domain)
MBh 1 2.80
समासो भारतस्यायमत्रोक्तः पर्वसंग्रहः। पौष्यं पौलोममास्तीकमादिरंशावतारणम्॥
samāso bhāratasyāyamatroktaḥ parvasaṃgrahaḥ| pauṣyaṃ paulomamāstīkamādiraṃśāvatāraṇam||
Of which the above is an abridgement. Adi-Parva contains, Paushya, Pauloma, Astika, Adi-anshavatarana,
— tr. M.N. Dutt (1891–96) (public domain)
MBh 1 2.81
संभवो जतुवेश्माख्यं हिडिम्बबकयोर्वधः। तथा चैत्ररथं देव्याः पाञ्चाल्याश्च स्वयंवर॥
saṃbhavo jatuveśmākhyaṃ hiḍimbabakayorvadhaḥ| tathā caitrarathaṃ devyāḥ pāñcālyāśca svayaṃvara||
Sambhava; the burning of the house of lac, the destruction of Hidimba and Baka and Chaitraratha, the Svayamvara of Draupadi;
— tr. M.N. Dutt (1891–96) (public domain)
MBh 1 2.82
क्षात्रधर्मेण निर्जित्य ततो वैवाहिकं स्मृतम्। विदुरागमनं चैव राज्यलणस्तथैव च॥
kṣātradharmeṇa nirjitya tato vaivāhikaṃ smṛtam| vidurāgamanaṃ caiva rājyalaṇastathaiva ca||
Her marriage after a righteous battle with the rivals, the arrival of Vidura, the regaining of kingdom,
— tr. M.N. Dutt (1891–96) (public domain)
MBh 1 2.83
वनवासोऽर्जुनस्यापि सुभद्राहरणं ततः। हरणाहरणं चैव दहनं खाण्डवस्य च॥
vanavāso'rjunasyāpi subhadrāharaṇaṃ tataḥ| haraṇāharaṇaṃ caiva dahanaṃ khāṇḍavasya ca||
Arjuna's exile into jungle, the stealing of Subhadra, the gift and receipt of the inarriage dower, the burning of Khandava forest,
— tr. M.N. Dutt (1891–96) (public domain)
MBh 1 2.84
मयस्य दर्शनं चैव आदिपर्वणि कथ्यते। पौष्ये पर्वणि महात्म्यमुत्तङ्कस्योपवर्णितम्॥
mayasya darśanaṃ caiva ādiparvaṇi kathyate| pauṣye parvaṇi mahātmyamuttaṅkasyopavarṇitam||
The meeting with Maya, these are the contents of Adi Parva. The Paushya Parva contains the greatness of Uttanka.
— tr. M.N. Dutt (1891–96) (public domain)
MBh 1 2.85
पौलोमे भृगुवंशस्य विस्तारः परिकीर्तितः। आस्तीके सर्वनागानां गरुडस्य च संभवः॥
paulome bhṛguvaṃśasya vistāraḥ parikīrtitaḥ| āstīke sarvanāgānāṃ garuḍasya ca saṃbhavaḥ||
In Pauloma Parva the account of the Bhrigu and his descendants has been narrated. Astika contains the account of the birth of Garuda all the Nagas,
— tr. M.N. Dutt (1891–96) (public domain)
MBh 1 2.86
क्षीरोदमथनं चैव जन्मोच्चैःश्रवसस्तथा। यजतः सर्पसत्रेण राज्ञः पारिक्षितस्य च॥ कथेयमभिनिर्वृत्ता भरतानां महात्मनाम्। विविधाः संभवा राज्ञामुक्ता: संभवपर्वणि॥ अन्येषां चैव शूराणामृषेद्वैपायनस्य च। अंशावतरणं चात्र देवानां परिकीर्तितम्॥
kṣīrodamathanaṃ caiva janmoccaiḥśravasastathā| yajataḥ sarpasatreṇa rājñaḥ pārikṣitasya ca|| katheyamabhinirvṛttā bharatānāṃ mahātmanām| vividhāḥ saṃbhavā rājñāmuktā: saṃbhavaparvaṇi|| anyeṣāṃ caiva śūrāṇāmṛṣedvaipāyanasya ca| aṃśāvataraṇaṃ cātra devānāṃ parikīrtitam||
That of the churning of the ocean, the birth of Uchaishrava and last of all, the Bharata dynasty as described at the snake-sacrifice of king Parikshit. Sambhava Parva treats of the births of various kings. sages and heroes and that of the sage, Krishna Dvaipayana, the partial incarnations of the celestials,
— tr. M.N. Dutt (1891–96) (public domain)
MBh 1 2.87
दैत्यानां दानवानां च यक्षाणां च महौजसाम्। नागानामथ सर्पाणां गन्धर्वाणां पतत्रिणाम्॥
daityānāṃ dānavānāṃ ca yakṣāṇāṃ ca mahaujasām| nāgānāmatha sarpāṇāṃ gandharvāṇāṃ patatriṇām||
The births of Daityas, Danavas powerful Yakshas, of Nagas, of Gandharvas of birds,
— tr. M.N. Dutt (1891–96) (public domain)
MBh 1 2.88
अन्येषां चैव भूतानां विविधानां समुद्भवः। महर्षेराश्रमपदे कण्वस्य च तपस्विनः॥ शकुन्तलायां दुष्यन्ताद्भरतश्चापि जज्ञिवान्। यस्य लोकेषु नाम्नेदं प्रथितं भारतं कुलम्॥
anyeṣāṃ caiva bhūtānāṃ vividhānāṃ samudbhavaḥ| maharṣerāśramapade kaṇvasya ca tapasvinaḥ|| śakuntalāyāṃ duṣyantādbharataścāpi jajñivān| yasya lokeṣu nāmnedaṃ prathitaṃ bhārataṃ kulam||
And of all creatures and lastly of the son of Shakuntala by Dushyanta at the hermitage of the sage Kanva, Bharata, the name by which his descendants, are known.
— tr. M.N. Dutt (1891–96) (public domain)
MBh 1 2.89
वसूनां पुनरुत्पत्तिर्भागीरथ्यां महात्मनाम्। शान्तनोर्वेश्मनि पुनस्तेषां चारोहणं दिवि॥
vasūnāṃ punarutpattirbhāgīrathyāṃ mahātmanām| śāntanorveśmani punasteṣāṃ cārohaṇaṃ divi||
It describes the births of the graet Vasus in the house of Shantanu in the womb of Bhagirathi and their again going to heaven.
— tr. M.N. Dutt (1891–96) (public domain)
MBh 1 2.90
तेजोऽशानां च संपातो भीष्मस्याप्यत्र संभवः। राज्यान्निवर्तनं तस्य ब्रह्मचर्यव्रते स्थितिः॥
tejo'śānāṃ ca saṃpāto bhīṣmasyāpyatra saṃbhavaḥ| rājyānnivartanaṃ tasya brahmacaryavrate sthitiḥ||
And the birth of fiery Bhishma, his renunciation of royalty, his adoption of Brahmacharya,
— tr. M.N. Dutt (1891–96) (public domain)
MBh 1 2.91
प्रतिज्ञापालनं चैव रक्षा चित्राङ्गदस्य च। हते चित्राङ्गदे चैव रक्षा भ्रातुर्यवीयसः॥
pratijñāpālanaṃ caiva rakṣā citrāṅgadasya ca| hate citrāṅgade caiva rakṣā bhrāturyavīyasaḥ||
His adherence to his vow, his protection of Chitrangada, his protection of his younger brother after the death of Chitrangada,
— tr. M.N. Dutt (1891–96) (public domain)
MBh 1 2.92
विचित्रवीर्यस्य तथा राज्ये संप्रतिपादनम्। धर्मस्य नृषु संभूतिरणीमाण्डव्यशापजा॥
vicitravīryasya tathā rājye saṃpratipādanam| dharmasya nṛṣu saṃbhūtiraṇīmāṇḍavyaśāpajā||
His placing Vichitravirya on the throne, the birth of Dharma on account of the curse of Animandavya,
— tr. M.N. Dutt (1891–96) (public domain)
MBh 1 2.93
कृष्णद्वैपायनाच्चैव प्रसूतिर्वरदानजा। धृतराष्ट्रस्य पाण्डोश्च पाण्डवानां च संभवः॥
kṛṣṇadvaipāyanāccaiva prasūtirvaradānajā| dhṛtarāṣṭrasya pāṇḍośca pāṇḍavānāṃ ca saṃbhavaḥ||
The births of Dhritarashtra and Pandu, by the blessing of Krishna Dvaipayana and also the birth of the Pandavas,
— tr. M.N. Dutt (1891–96) (public domain)
MBh 1 2.94
वारणावतयात्रायां मन्त्रो दुर्योधनस्य च। कूटस्य धार्तराष्ट्रेण प्रेषणं पाण्डवान्प्रति॥
vāraṇāvatayātrāyāṃ mantro duryodhanasya ca| kūṭasya dhārtarāṣṭreṇa preṣaṇaṃ pāṇḍavānprati||
The conspiracy of Duryodhana to send the Pandavas to Varanavata and other plotting of the sons of Dhritarashtra against the Pandavas;
— tr. M.N. Dutt (1891–96) (public domain)
MBh 1 2.95
हितोपदेशश्च पथि धर्मराजस्य धीमतः। विदुरेण कृतो यत्र हितार्थं म्लेच्छभाषया॥
hitopadeśaśca pathi dharmarājasya dhīmataḥ| vidureṇa kṛto yatra hitārthaṃ mlecchabhāṣayā||
Advice given to Yudhishthira in the language of the Mlecchas by that well-wisher of the Pandavas, Vidura,
— tr. M.N. Dutt (1891–96) (public domain)
MBh 1 2.96
विदुरस्य च वाक्येन सुरङ्गोपक्रमक्रिया। निषाद्याः पञ्चपुत्रायाः सुप्ताया जतुवेश्मनि॥ पुरोचनस्य चात्रैव दहनं संप्रकीर्तितम्। पाण्डवानां वने घोरे हिडिम्बायाश्च दर्शनम्॥
vidurasya ca vākyena suraṅgopakramakriyā| niṣādyāḥ pañcaputrāyāḥ suptāyā jatuveśmani|| purocanasya cātraiva dahanaṃ saṃprakīrtitam| pāṇḍavānāṃ vane ghore hiḍimbāyāśca darśanam||
Digging of a under-ground passage in consequence of the words of Vidura; the burning of Purochana and the sleeping hunterwoman with her five sons in the house of lac; the meeting of Pandavas with Hidimbi in the forest.
— tr. M.N. Dutt (1891–96) (public domain)
MBh 1 2.97
तत्रैव च हिडिम्बस्य वधो भीमान्महाबलात्। घटोत्कचस्य चोत्पत्तिरत्रैव परिकीर्तिता॥
tatraiva ca hiḍimbasya vadho bhīmānmahābalāt| ghaṭotkacasya cotpattiratraiva parikīrtitā||
Then the destruction of Hidimba by powerful Bhima; then the birth of Ghatotkacha,
— tr. M.N. Dutt (1891–96) (public domain)
MBh 1 2.98
महर्षेर्दर्शनं चैव व्यासस्यामिततेजसः। तदाज्ञयैकचक्रायां ब्राह्मणस्य निवेशने॥
maharṣerdarśanaṃ caiva vyāsasyāmitatejasaḥ| tadājñayaikacakrāyāṃ brāhmaṇasya niveśane||
The meeting of the Pandavas with Vyasa, their stay according to his advice in a Brahmana's house at Ekachakra.
— tr. M.N. Dutt (1891–96) (public domain)
MBh 1 2.99
अज्ञातचर्यया वासो यत्र तेषां प्रकीर्तितः। बकस्य निधनं चैव नागराणां च विस्मयः॥
ajñātacaryayā vāso yatra teṣāṃ prakīrtitaḥ| bakasya nidhanaṃ caiva nāgarāṇāṃ ca vismayaḥ||
Living in disguise; the destruction of Baka and the astonishment of the people,
— tr. M.N. Dutt (1891–96) (public domain)
MBh 1 2.100
संभवश्चैव कृष्णाया धृष्टद्युम्नस्य चैव ह। ब्राह्मणात्समुपश्रुत्य व्यासवाक्यप्रचोदिताः॥
saṃbhavaścaiva kṛṣṇāyā dhṛṣṭadyumnasya caiva ha| brāhmaṇātsamupaśrutya vyāsavākyapracoditāḥ||
The wonderful births of Krishnaa (Draupadi) and Drishtadyumna; hearing from a Brahmana the news of the Svayamvara and in obedience to the request of Vyasa.
— tr. M.N. Dutt (1891–96) (public domain)
MBh 1 2.101
द्रौपदी प्रार्थयन्तस्ते स्वयंवरदिदृक्षया। पञ्चालानभितो जग्मुर्यत्र कौतूहलान्विताः॥
draupadī prārthayantaste svayaṃvaradidṛkṣayā| pañcālānabhito jagmuryatra kautūhalānvitāḥ||
And also moved by the desire to win the hand of Draupadi, the departure of the Pandavas to Panchala;
— tr. M.N. Dutt (1891–96) (public domain)
MBh 1 2.102
अङ्गारपर्णं निर्जित्य गङ्गाकूलेऽर्जुनस्तदा। सख्यं कृत्वा ततस्तेन तस्मादेव च शुश्रुवे॥
aṅgāraparṇaṃ nirjitya gaṅgākūle'rjunastadā| sakhyaṃ kṛtvā tatastena tasmādeva ca śuśruve||
The victory of Arjuna over Angaraparna on the banks of the Bhagirathi; making friendship with him and to hear from him.
— tr. M.N. Dutt (1891–96) (public domain)
MBh 1 2.103
तापत्यमथ वासिष्ठमौर्वं चाख्यानमुत्तमम्। भ्रातृभिः सहितः सर्वैः पञ्चालानभितो ययौ॥
tāpatyamatha vāsiṣṭhamaurvaṃ cākhyānamuttamam| bhrātṛbhiḥ sahitaḥ sarvaiḥ pañcālānabhito yayau||
The accounts of Tapati, Vasishtha and Aurva; then the arrival of the Pandavas with all the brothers at Panchala;
— tr. M.N. Dutt (1891–96) (public domain)
MBh 1 2.104
पाञ्चालनगरे चापि लक्ष्यं भित्त्वा धनंजयः। द्रौपदी लब्धवानत्र मध्ये सर्वमहीक्षिताम्॥
pāñcālanagare cāpi lakṣyaṃ bhittvā dhanaṃjayaḥ| draupadī labdhavānatra madhye sarvamahīkṣitām||
The hitting of the mark at the city of Panchala by Arjuna and the acquisition of Draupadi by him in the midst of all the kings of the world.
— tr. M.N. Dutt (1891–96) (public domain)
MBh 1 2.105
भीमसेनार्जुनौ यत्र संरब्धान् पृथिवीपतीन्। शल्यकर्णौ च तरसा जितवन्तौ महामृधे॥
bhīmasenārjunau yatra saṃrabdhān pṛthivīpatīn| śalyakarṇau ca tarasā jitavantau mahāmṛdhe||
The defeat of Shalya, Karna and all the angry kings by powerful Bhima and Arjuna in the battle that ensued.
— tr. M.N. Dutt (1891–96) (public domain)
MBh 1 2.106
दृष्ट्वा तयोश्च तद्वीर्यमप्रमेयममानुषम्। शङ्कमानौ पाण्डवांस्तान् रामकृष्णौ महामती॥
dṛṣṭvā tayośca tadvīryamaprameyamamānuṣam| śaṅkamānau pāṇḍavāṃstān rāmakṛṣṇau mahāmatī||
The doubting by Rama and Krishna from the great exploits of the brothers that whether they were Pandavas.
— tr. M.N. Dutt (1891–96) (public domain)
MBh 1 2.107
जग्मतुस्तैः समागन्तुं शालां भार्गववेश्मनि। पञ्चानामेकपत्नीत्वे विमर्शो दुपदस्य च॥
jagmatustaiḥ samāgantuṃ śālāṃ bhārgavaveśmani| pañcānāmekapatnītve vimarśo dupadasya ca||
Their arrival at the house of the potter where the brothers were living; the grief of Drupada, because Draupadi would be married to five husbands;
— tr. M.N. Dutt (1891–96) (public domain)
MBh 1 2.108
पञ्चेन्द्राणामुपाख्यानमत्रैवाद्भुतमुच्यते। द्रौपद्या देवविहितो विवाहश्चाप्यमानुषः॥
pañcendrāṇāmupākhyānamatraivādbhutamucyate| draupadyā devavihito vivāhaścāpyamānuṣaḥ||
The story of five Indras told in consequence; the wonderful and divinely arranged marriage of Draupadi;
— tr. M.N. Dutt (1891–96) (public domain)
MBh 1 2.109
क्षत्तुश्च धार्तराष्ट्रेण प्रेषणं पाण्डवान्प्रति। विदुरस्य च संप्राप्तिदर्शनं केशवस्य च॥
kṣattuśca dhārtarāṣṭreṇa preṣaṇaṃ pāṇḍavānprati| vidurasya ca saṃprāptidarśanaṃ keśavasya ca||
The sending of Vidura as an envoy to the Pandavas from the sons of Dhritarashtra; his arrival; and his meeting with Krishna;
— tr. M.N. Dutt (1891–96) (public domain)
MBh 1 2.110
खाण्डवप्रस्थवासश्च तथा राज्याधसर्जनम्। नारदस्याज्ञया चैव द्रौपद्याः समयक्रिया॥
khāṇḍavaprasthavāsaśca tathā rājyādhasarjanam| nāradasyājñayā caiva draupadyāḥ samayakriyā||
Living of the Pandavas at Indraprastha and their rule over half of the kingdom; the fixing of time for the five brothers to live with Draupadi as directed by Narada;
— tr. M.N. Dutt (1891–96) (public domain)
MBh 1 2.111
सुन्दोपसुन्दयोस्तद्वदाख्यानं परिकीर्तितम्। अनन्तरं च द्रौपद्या सहासीनं युधिष्ठिरम्॥ अनुप्रविश्य विप्रार्थे फाल्गुनो गृह्य चायुधम्। मोक्षयित्वा गृहं गत्वा विप्रार्थं कृतनिश्चयः॥ समयं पालयन्वीरो वनं यत्र जगाम ह। पार्थस्य वनवासे च उलूप्या पथि संगमः॥
sundopasundayostadvadākhyānaṃ parikīrtitam| anantaraṃ ca draupadyā sahāsīnaṃ yudhiṣṭhiram|| anupraviśya viprārthe phālguno gṛhya cāyudham| mokṣayitvā gṛhaṃ gatvā viprārthaṃ kṛtaniścayaḥ|| samayaṃ pālayanvīro vanaṃ yatra jagāma ha| pārthasya vanavāse ca ulūpyā pathi saṃgamaḥ||
The histories of Sunda and Upasunda are narrated; and then the departure of Arjuna to the forest according to the vow and on account of his seeing Yudhishthira and Draupadi sitting together when he entered into the room to take arms to rescue the kine of a Brahmana; the meeting of Arjuna with Ulupi on his way.
— tr. M.N. Dutt (1891–96) (public domain)
MBh 1 2.112
पुण्यतीर्थानुसंयानं बभ्रुवाहनजन्म च। तत्रैव मोक्षयामास पञ्चसोऽप्सरसः शुभाः॥
puṇyatīrthānusaṃyānaṃ babhruvāhanajanma ca| tatraiva mokṣayāmāsa pañcaso'psarasaḥ śubhāḥ||
It then describes the birth of Babhruvahana; and the account of Arjuna's visit to many holy pilgrimages; the deliverance by Arjuna of the five celestial maidens.
— tr. M.N. Dutt (1891–96) (public domain)
MBh 1 2.113
शापायाहत्वमापन्ना ब्राह्मणस्य तपस्विनः। प्रभासतीर्थे पार्थेन कृष्णस्य च समागमः॥
śāpāyāhatvamāpannā brāhmaṇasya tapasvinaḥ| prabhāsatīrthe pārthena kṛṣṇasya ca samāgamaḥ||
Who had become alligators by the curse of an ascetic Brahmana; the meeting of Arjuna and Krishna at the holy pilgrimage of Prabhasa;
— tr. M.N. Dutt (1891–96) (public domain)
MBh 1 2.114
द्वारकायां सुभद्रा च कामयानेन भामिनी। वासुदेवस्यानुमते प्राप्ता चैव किरीटिना॥
dvārakāyāṃ subhadrā ca kāmayānena bhāminī| vāsudevasyānumate prāptā caiva kirīṭinā||
Arjuna's taking of Subhadra by force with the permission of Krishna on the car which goes every where at the will of the rider;
— tr. M.N. Dutt (1891–96) (public domain)
MBh 1 2.115
गृहीत्वा हरणं प्राप्ते कृष्णे देवकिनन्दने। अभिमन्योः सुभद्रायां जन्म चोत्तमतेजसः॥
gṛhītvā haraṇaṃ prāpte kṛṣṇe devakinandane| abhimanyoḥ subhadrāyāṃ janma cottamatejasaḥ||
Taking the dower of Krishna, Arjuna's departure to Indraprastha; the birth of that prodigy of prowess, Abhimanyu, in the womb of Subhadra;
— tr. M.N. Dutt (1891–96) (public domain)
MBh 1 2.116
द्रौपद्यास्तनयानां च संभवोऽनुप्रकीर्तितः। विहारार्थं च गतयोः कृष्णयोर्यमुनामनु॥
draupadyāstanayānāṃ ca saṃbhavo'nuprakīrtitaḥ| vihārārthaṃ ca gatayoḥ kṛṣṇayoryamunāmanu||
The birth of the children of Draupadi; the pleasure trip of Arjuna and Krishna to the banks of the Yamuna;
— tr. M.N. Dutt (1891–96) (public domain)
MBh 1 2.117
संप्राप्तिश्चक्रधनुषोः खाण्डवस्य च दाहनम्। मयस्य मोक्षो ज्वलनाद्भुजङ्गस्य च मोक्षणम्।।
saṃprāptiścakradhanuṣoḥ khāṇḍavasya ca dāhanam| mayasya mokṣo jvalanādbhujaṅgasya ca mokṣaṇam||
The acquisition by them the celebrated bow Gandiva and the discus; the burning of the forest of Khandava; the saving of the life of Maya and the serpent;
— tr. M.N. Dutt (1891–96) (public domain)
MBh 1 2.118
महर्मन्दपालस्य शाङ्गयां तनयसंभवः। इत्येतदादिपर्वोक्तं प्रथमं बहुविस्तरम्॥
maharmandapālasya śāṅgayāṃ tanayasaṃbhavaḥ| ityetadādiparvoktaṃ prathamaṃ bahuvistaram||
The giving birth to son by Rishi Mandapala in the womb of a bird, called Sharangi. The Adi-Parva has been described with these various matters.
— tr. M.N. Dutt (1891–96) (public domain)
MBh 1 2.119
अध्यायानां शते द्वे तु संख्याते परमर्षिणा। सप्तविंशरध्याया व्यासोनोत्तमतेजसा॥
adhyāyānāṃ śate dve tu saṃkhyāte paramarṣiṇā| saptaviṃśaradhyāyā vyāsonottamatejasā||
Greatly powerful Vyasa has divided this Parva into two hundred and twenty seven chapters.
— tr. M.N. Dutt (1891–96) (public domain)
MBh 1 2.120
अष्टौ श्लोकसहस्राणि अष्टौ श्लोकशतानि च। श्लोकश्च चतुराशीतिर्मुनिनोक्तामहात्मना॥
aṣṭau ślokasahasrāṇi aṣṭau ślokaśatāni ca| ślokaśca caturāśītirmuninoktāmahātmanā||
These two hundred and twenty-seven chapters contain eight thousand eight hundred and eighty-four slokas. a
— tr. M.N. Dutt (1891–96) (public domain)
MBh 1 2.121
द्वितीयं तु सभापर्व बहुवृत्तान्तमुच्यते। सभाक्रिया पाण्डवानां किंकराणां च दर्शनम्॥
dvitīyaṃ tu sabhāparva bahuvṛttāntamucyate| sabhākriyā pāṇḍavānāṃ kiṃkarāṇāṃ ca darśanam||
The second is Sabha Parva which is very extensive and full of matter. It describes the building of the assembly-hall by the Pandavas and the review of their servants;
— tr. M.N. Dutt (1891–96) (public domain)
MBh 1 2.122
लोकपालसभाख्यानं नारदाद्देवदर्शिनः। राजसूयस्य चारम्भो जरासंधवधस्तथा॥
lokapālasabhākhyānaṃ nāradāddevadarśinaḥ| rājasūyasya cārambho jarāsaṃdhavadhastathā||
The description of the courts of Lokapalas by Narada who knows all the celestial regions; the preparations for the Rajasuya Yajna; the destruction of Jarasandha;
— tr. M.N. Dutt (1891–96) (public domain)
MBh 1 2.123
गिरिव्रजे निरुद्धानां राज्ञां कृष्णेन मोक्षणम्। तथा दिग्विजयोऽत्रैव पाण्डवानां प्रकीर्तितः॥
girivraje niruddhānāṃ rājñāṃ kṛṣṇena mokṣaṇam| tathā digvijayo'traiva pāṇḍavānāṃ prakīrtitaḥ||
The deliverance by Krishna of all the princes those were kept as prisoners (by Jarasandha) at (his capital city) Girivraja, Then it relates the conquest of the world by the Pandavas;
— tr. M.N. Dutt (1891–96) (public domain)
MBh 1 2.124
राज्ञामागमनं चैव सार्हणानां महाक्रतौ। राजसूयेऽर्धसंवादे शिशुपालवधस्तथा॥
rājñāmāgamanaṃ caiva sārhaṇānāṃ mahākratau| rājasūye'rdhasaṃvāde śiśupālavadhastathā||
The arrival of the chiefs and potentates with tribute at the Rajasuya Yajna; the destruction of Shishupala at the sacrifice, in connection with Arghya giving;
— tr. M.N. Dutt (1891–96) (public domain)
MBh 1 2.125
यज्ञे विभूतिं तां दृष्ट्वा दुःखामर्षान्वितस्य च। दुर्योधनस्यावहासो भीमेन च सभातले॥
yajñe vibhūtiṃ tāṃ dṛṣṭvā duḥkhāmarṣānvitasya ca| duryodhanasyāvahāso bhīmena ca sabhātale||
The grief and envy of Duryodhana at the sight of the magnificence of the sacrifice; the joking of Bhima at the expense of Duryodhana in the great assembly.
— tr. M.N. Dutt (1891–96) (public domain)
MBh 1 2.126
यत्रास्य मन्युरुद्भूतो येन द्यूतमकारयत्। यत्र धर्मसुतं द्यूते शकुनिः कितवोऽजयत्॥
yatrāsya manyurudbhūto yena dyūtamakārayat| yatra dharmasutaṃ dyūte śakuniḥ kitavo'jayat||
The preparation for the game of dice; the defeat of Yudhishthira at the play by cunning and crafty Shakuni;
— tr. M.N. Dutt (1891–96) (public domain)
MBh 1 2.127
यत्र द्यूतार्णवे मग्नां द्रौपदीं नौरिवार्णवात्। धृतराष्ट्रो महाप्राज्ञः स्नुषां परमदुःखिताम्॥
yatra dyūtārṇave magnāṃ draupadīṃ naurivārṇavāt| dhṛtarāṣṭro mahāprājñaḥ snuṣāṃ paramaduḥkhitām||
The deliverance, by the greatly wise Dhritarashtra, of the sorrowful Draupadi who was drowned in the ocean of distress on account of the game;
— tr. M.N. Dutt (1891–96) (public domain)
MBh 1 2.128
तारयामास तांस्तीर्णाज्ञात्वा दुर्योधनो नृपः। पुनरेव ततो द्यूते समाह्वयत पाण्डवान्॥
tārayāmāsa tāṃstīrṇājñātvā duryodhano nṛpaḥ| punareva tato dyūte samāhvayata pāṇḍavān||
Seeing this, the attempt of Duryodhana to engage Yudhishthira again in
— tr. M.N. Dutt (1891–96) (public domain)
MBh 1 2.129
जित्वा स वनवासाय प्रेषयामास तांस्ततः। एतत्सर्वं सभापर्व समाख्यातं महात्मना॥
jitvā sa vanavāsāya preṣayāmāsa tāṃstataḥ| etatsarvaṃ sabhāparva samākhyātaṃ mahātmanā||
The exile of Yudhishthira with his brothers by the victorious Duryodhana. These are the matters that have been dwelt in the Sabha Parva.
— tr. M.N. Dutt (1891–96) (public domain)
MBh 1 2.130
अध्यायाः सप्ततिर्जेयास्तथा चाष्टौ प्रसंख्यया। श्लोकानां द्वे सहस्रे तु पञ्च श्लोकशतानि च॥ श्लोकाश्चैकादश ज्ञेयाः पर्वण्यस्मिन् द्विजोत्तमाः। अतः परं तृतीयं तु ज्ञेयमारण्यकं महत्॥
adhyāyāḥ saptatirjeyāstathā cāṣṭau prasaṃkhyayā| ślokānāṃ dve sahasre tu pañca ślokaśatāni ca|| ślokāścaikādaśa jñeyāḥ parvaṇyasmin dvijottamāḥ| ataḥ paraṃ tṛtīyaṃ tu jñeyamāraṇyakaṃ mahat||
This Parva is divided into seventy eight chapters and it contains, O best of Brahmanas, two thousand five hundred and eleven slokas. Then comes the third Parva, called Aranya.
— tr. M.N. Dutt (1891–96) (public domain)
MBh 1 2.131
वनवासं प्रयातेषु पाण्डवेषु महात्मसु। पौरानुगमनं चैव धर्मपुत्रस्य धीमतः॥
vanavāsaṃ prayāteṣu pāṇḍaveṣu mahātmasu| paurānugamanaṃ caiva dharmaputrasya dhīmataḥ||
It describes the departure of the Pandavas to the forest with the citizens following the wise Yudhishthira;
— tr. M.N. Dutt (1891–96) (public domain)
MBh 1 2.132
अन्नौषधीनां च कृते पाण्डवेन महात्मना। द्विजानां भरणार्थं च कृतमाराधनं रवेः॥ धौम्योपदेशात् तिग्मांशुप्रसादादन्नसंभवः। हितं च ब्रुवतः क्षत्तुः परित्यागोऽम्बिकासुतात्॥
annauṣadhīnāṃ ca kṛte pāṇḍavena mahātmanā| dvijānāṃ bharaṇārthaṃ ca kṛtamārādhanaṃ raveḥ|| dhaumyopadeśāt tigmāṃśuprasādādannasaṃbhavaḥ| hitaṃ ca bruvataḥ kṣattuḥ parityāgo'mbikāsutāt||
In order to be gifted with the power of supplying food to the Brahmanas, Yudhishthira's adoration of the Sun by the advice of Dhauinya; the creation of food by this means; the expulsion of Vidura who was always a well-wisher of his master;
— tr. M.N. Dutt (1891–96) (public domain)
MBh 1 2.133
त्यक्तस्य पाण्डुपुत्राणां समीपगमनं तथा। पुनरागमनं चैव धृतराष्ट्रस्य शासनात्॥
tyaktasya pāṇḍuputrāṇāṃ samīpagamanaṃ tathā| punarāgamanaṃ caiva dhṛtarāṣṭrasya śāsanāt||
Vidura's coming to the Pandavas; his return to Dhritarashtra by his request;
— tr. M.N. Dutt (1891–96) (public domain)
MBh 1 2.134
कर्णप्रोत्साहनाच्चैव धार्तराष्ट्रस्य दुर्मतेः। वनस्थान्याण्डवान्हन्तुं मन्त्रो दुर्योधनस्य च॥
karṇaprotsāhanāccaiva dhārtarāṣṭrasya durmateḥ| vanasthānyāṇḍavānhantuṃ mantro duryodhanasya ca||
The conspiracy of Duryodhana, being incited by Karna, to destroy the roving Pandavas;
— tr. M.N. Dutt (1891–96) (public domain)
MBh 1 2.135
तं दुष्टभावं विज्ञाय व्यासस्यागमनं द्रुतम्। निर्याणप्रतिषेधश्च सुरभ्याख्यानमेव च। १४९।।
taṃ duṣṭabhāvaṃ vijñāya vyāsasyāgamanaṃ drutam| niryāṇapratiṣedhaśca surabhyākhyānameva ca| 149||
Having learnt this evil intention of Duryodhana, Vyasa's arrival to him. His discussion with Duryodhana on the point of his going to the forest (after the Pandavas); the history of Surabhi related;
— tr. M.N. Dutt (1891–96) (public domain)
MBh 1 2.136
मैत्रेयागमनं चात्र राज्ञश्चैवानुशासनम्। शापोत्सर्गश्च तेनैव राज्ञो दुर्योधनस्य च॥
maitreyāgamanaṃ cātra rājñaścaivānuśāsanam| śāpotsargaśca tenaiva rājño duryodhanasya ca||
The arrival of Maitreya and his instructions to Dhritarashtra; his curse to Duryodhana;
— tr. M.N. Dutt (1891–96) (public domain)
MBh 1 2.137
किर्मीरस्य वधश्चात्र भीमसेनेन संयुगे। वृष्णीनामागमश्चात्र पञ्चालानां च सर्वशः॥
kirmīrasya vadhaścātra bhīmasenena saṃyuge| vṛṣṇīnāmāgamaścātra pañcālānāṃ ca sarvaśaḥ||
The slaying of Kirmira by Bhima, the arrival of the Panchalas and Vrishnis;
— tr. M.N. Dutt (1891–96) (public domain)
MBh 1 2.138
श्रुत्वा शकुनिना द्यूते निकृत्या निर्जितांश्च तान्। क्रुद्धस्यानुप्रशमनं हरेश्चैव किरीटिना॥
śrutvā śakuninā dyūte nikṛtyā nirjitāṃśca tān| kruddhasyānupraśamanaṃ hareścaiva kirīṭinā||
Having heard that the Pandavas had been defeated at an unjust game of dice by Shakuni, the arrival of Krishna and Arjuna allaying Krishna's anger.
— tr. M.N. Dutt (1891–96) (public domain)
MBh 1 2.139
परिदेवनं च पाञ्चाल्या वासुदेवस्य सन्निधौ। आश्वासनं च कृष्णेन दुःखार्तायाः प्रकीर्तितम्॥
paridevanaṃ ca pāñcālyā vāsudevasya sannidhau| āśvāsanaṃ ca kṛṣṇena duḥkhārtāyāḥ prakīrtitam||
The lamentation of Draupadi before Krishna and his cheering of her;
— tr. M.N. Dutt (1891–96) (public domain)
MBh 1 2.140
तथा सौभवधाख्यानमत्रैवोक्तं महर्षिणा। सुभद्रायाः सपुत्रायाः कृष्णेन द्वारकां पुरीम्॥
tathā saubhavadhākhyānamatraivoktaṃ maharṣiṇā| subhadrāyāḥ saputrāyāḥ kṛṣṇena dvārakāṃ purīm||
The account of the fall of Saubhva was described by the great Rishi. Then it describes the departure of Krishna to Dwaraka with Subhadra and her son;
— tr. M.N. Dutt (1891–96) (public domain)
MBh 1 2.141
नयनं द्रौपदेयानां धृष्टद्युम्नेन चैव ह। प्रवेशः पाण्डवेयानां रम्ये द्वैतवने ततः॥
nayanaṃ draupadeyānāṃ dhṛṣṭadyumnena caiva ha| praveśaḥ pāṇḍaveyānāṃ ramye dvaitavane tataḥ||
The taking of Draupadi's sons by Dhristadyumna to Panchala; the entry of the Pandavas into the beautiful forest of Dvaita.
— tr. M.N. Dutt (1891–96) (public domain)
MBh 1 2.142
धर्मराजस्य चात्रै व संवादः कृष्णया सह। संवादश्च तथा राज्ञा भीमस्यापि प्रकीर्तितः॥
dharmarājasya cātrai va saṃvādaḥ kṛṣṇayā saha| saṃvādaśca tathā rājñā bhīmasyāpi prakīrtitaḥ||
It then relates the conversation of Draupadi and Bhima with Yudhishthira.
— tr. M.N. Dutt (1891–96) (public domain)
MBh 1 2.143
समीपं पाण्डुपुत्राणां व्यासस्यागमनं तथा। प्रतिस्मृत्याथ विद्याया दानं राज्ञो महर्षिणा॥
samīpaṃ pāṇḍuputrāṇāṃ vyāsasyāgamanaṃ tathā| pratismṛtyātha vidyāyā dānaṃ rājño maharṣiṇā||
The arrival of Vyasa to the Pandavas, the bestowal of power of Pratismriti to Yudhishthira by the great Rishi.
— tr. M.N. Dutt (1891–96) (public domain)
MBh 1 2.144
गमनं काम्यके चापि व्यासे प्रतिगते ततः। अस्त्रहेतोर्विवासश्च पार्थस्यामिततेजसः॥
gamanaṃ kāmyake cāpi vyāse pratigate tataḥ| astrahetorvivāsaśca pārthasyāmitatejasaḥ||
It then describes the departure of Vyasa, the Pandavas' going to the forest of Kamyaka; the rovings of greatly powerful Arjuna in quest of weapons;
— tr. M.N. Dutt (1891–96) (public domain)
MBh 1 2.145
महादेवेन युद्धं च किरातवपुषा सह। दर्शनं लोकपालानामस्त्रप्राप्तिस्तथैव च॥
mahādevena yuddhaṃ ca kirātavapuṣā saha| darśanaṃ lokapālānāmastraprāptistathaiva ca||
His fight with Shiva who was in the disguise of a hunter; his meeting with the Lokapalas and his receipt of weapons from them;
— tr. M.N. Dutt (1891–96) (public domain)
MBh 1 2.146
महेन्द्रलोकगमनमस्त्रार्थे च किरीटिनः। यत्र चिन्ता समुत्पन्ना धृतराष्ट्रस्य भूयसी॥
mahendralokagamanamastrārthe ca kirīṭinaḥ| yatra cintā samutpannā dhṛtarāṣṭrasya bhūyasī||
His journey to the celestial kingdom of Indra and anxiety of Dhritarashtra in consequence.
— tr. M.N. Dutt (1891–96) (public domain)
MBh 1 2.147
दर्शनं बृहदश्वस्य महर्षे वितात्मनः। युधिष्ठिरस्य वार्तस्य व्यसनं परिदेवनम्॥
darśanaṃ bṛhadaśvasya maharṣe vitātmanaḥ| yudhiṣṭhirasya vārtasya vyasanaṃ paridevanam||
It then relates the lamentations of Yudhishthira in his meeting with the holy sage Brihadashva.
— tr. M.N. Dutt (1891–96) (public domain)
MBh 1 2.148
नलोपाख्यानमत्रैव धर्मिष्ठं करुणोदयम्। दमयन्त्याः स्थितिर्यत्र नलस्य चरितं तथा॥
nalopākhyānamatraiva dharmiṣṭhaṃ karuṇodayam| damayantyāḥ sthitiryatra nalasya caritaṃ tathā||
It then contains the holy and most pathetic story of Nala, illustrating the great patience of Damayanti and the character of Nala.
— tr. M.N. Dutt (1891–96) (public domain)
MBh 1 2.149
तथाऽक्षहृदयप्राप्तिस्तस्मादेव महर्षितः। लोमशस्यागमस्तत्र स्वर्गात्पाण्डुसुतान्प्रति॥
tathā'kṣahṛdayaprāptistasmādeva maharṣitaḥ| lomaśasyāgamastatra svargātpāṇḍusutānprati||
It then describes how describes how Yudhishthira acquired the mysteries of dice from the great Rishi; then the arrival of great Rishi Lomasha from the celestial region where Arjuna was;
— tr. M.N. Dutt (1891–96) (public domain)
MBh 1 2.150
वनवासगतानां च पाण्डवानां महात्मनाम्। स्वर्गे प्रवृत्तिराख्याता लोमशेनार्जुनस्य वै॥
vanavāsagatānāṃ ca pāṇḍavānāṃ mahātmanām| svarge pravṛttirākhyātā lomaśenārjunasya vai||
The receipt from the Rishi by the highsouled dwellers of forest (the Pandavas) the news of the third brother (Arjuna) who was then staying in the celestial regions;
— tr. M.N. Dutt (1891–96) (public domain)
MBh 1 2.151
संदेशादर्जुनस्यात्र तीर्थाभिगमनक्रिया। तीर्थानां च फलप्राप्तिः पुण्यत्वं चापि कीर्तितम्॥
saṃdeśādarjunasyātra tīrthābhigamanakriyā| tīrthānāṃ ca phalaprāptiḥ puṇyatvaṃ cāpi kīrtitam||
The pilgrimages of the Pandavas to various holy places as asked by Arjuna; their attainment of merit and virtue in consequence;
— tr. M.N. Dutt (1891–96) (public domain)
MBh 1 2.152
पुलस्त्यतीर्थयात्रा च नारदेन महर्षिणा। तीर्थयात्रा च तत्रैव पांडवानां महात्मनाम्॥
pulastyatīrthayātrā ca nāradena maharṣiṇā| tīrthayātrā ca tatraiva pāṃḍavānāṃ mahātmanām||
The arrival of great sage Narada at the holy shrine of Pulastya; the arrival of the highsouled Pandavas also at that holy pilgrimage.
— tr. M.N. Dutt (1891–96) (public domain)
MBh 1 2.153
कर्णस्य परिमोक्षोऽत्र कुण्डलाभ्यां पुरन्दरात्। तथा यज्ञविभूतिश्च गयस्यात्र प्रकीर्तिता॥
karṇasya parimokṣo'tra kuṇḍalābhyāṃ purandarāt| tathā yajñavibhūtiśca gayasyātra prakīrtitā||
Then it relates the account of the deprivation of Karna of his "ear-rings" by Indra and then the sacrificial greatness by Gaya;
— tr. M.N. Dutt (1891–96) (public domain)
MBh 1 2.154
आगस्त्यमपि चाख्यानं यत्र वातापिभक्षणम्। लोपामुद्राभिगमनमपत्यार्थषेस्तथा॥
āgastyamapi cākhyānaṃ yatra vātāpibhakṣaṇam| lopāmudrābhigamanamapatyārthaṣestathā||
The story of Agastya which relates how he ate up the Asura, Vatapi; his approaching Lopamudra to have an offspring.
— tr. M.N. Dutt (1891–96) (public domain)
MBh 1 2.155
ऋष्यशृङ्गस्य चरितं कौमारब्रह्मचारिणः। जामदग्न्यस्य रामस्य चरितं भूरितेजसः॥
ṛṣyaśṛṅgasya caritaṃ kaumārabrahmacāriṇaḥ| jāmadagnyasya rāmasya caritaṃ bhūritejasaḥ||
It then tells the story of Rishyashringa who adopted the life of an ascetic from his boyhood. Then follows the story of greatly powerful Rama, the son of Jamadagni,
— tr. M.N. Dutt (1891–96) (public domain)
MBh 1 2.156
कार्तवीर्यवधो यत्र हैहयानां च वर्ण्यते। प्रभासतीर्थे पांडूनां वृष्णिभिश्च समागमः॥
kārtavīryavadho yatra haihayānāṃ ca varṇyate| prabhāsatīrthe pāṃḍūnāṃ vṛṣṇibhiśca samāgamaḥ||
In which is described the death of Kartavirya and Haihayas, then the meeting of the Pandavas and the Vrishnis at the holy pilgrimage of Prabhasa;
— tr. M.N. Dutt (1891–96) (public domain)
MBh 1 2.157
सौकन्यमपि चाख्यानं च्यवनो यत्र भार्गवः। शर्यातियज्ञे नासत्यौ कृतवान् सोमपीतिनौ॥
saukanyamapi cākhyānaṃ cyavano yatra bhārgavaḥ| śaryātiyajñe nāsatyau kṛtavān somapītinau||
The story Sukanya in which Bhrigu's son, Chyavana, made the Ashvinis drink Soma Juice at the sacrifice of king Sharyati,
— tr. M.N. Dutt (1891–96) (public domain)
MBh 1 2.158
ताभ्यां च यत्र स मुनिौवनं प्रतिपादितः। मांधातुश्चाप्युपाख्यानं राज्ञोऽत्रैव प्रकीर्तितम्॥
tābhyāṃ ca yatra sa muniauvanaṃ pratipāditaḥ| māṃdhātuścāpyupākhyānaṃ rājño'traiva prakīrtitam||
And in which it has been shown how he himself (Chyavana) acquired perpetual youth. Then it relates the history of King Mandhata;
— tr. M.N. Dutt (1891–96) (public domain)
MBh 1 2.159
जन्तूपाख्यानमत्रैव यत्र पुत्रेण सोमकः। पुत्रार्थमयजदाजा लेभे पुत्रशतं च सः॥
jantūpākhyānamatraiva yatra putreṇa somakaḥ| putrārthamayajadājā lebhe putraśataṃ ca saḥ||
Then it tells the story of prince Jantu and how king Somaka, by offering up his only son Jantu in sacrifice, got one hundred others.
— tr. M.N. Dutt (1891–96) (public domain)
MBh 1 2.160
ततः श्येनकपोतीयमुपाख्यानमनुत्तमम्। इन्द्राग्नी यत्र धर्मश्चाप्यजिज्ञासच्छिविं नृपम्॥
tataḥ śyenakapotīyamupākhyānamanuttamam| indrāgnī yatra dharmaścāpyajijñāsacchiviṃ nṛpam||
Then follows the beautiful story of the hawk and the pegion; then the trial of king Shivi by Indra, Agni and Dharma,
— tr. M.N. Dutt (1891–96) (public domain)
MBh 1 2.161
अष्टावक्रीयमत्रैव विवादो यत्र बन्दिना। अष्टावक्रस्य विप्रर्जनकस्याध्वरेऽभवत्। नैयायिकानां मुख्येन वरुणस्यात्मजेन च॥
aṣṭāvakrīyamatraiva vivādo yatra bandinā| aṣṭāvakrasya viprarjanakasyādhvare'bhavat| naiyāyikānāṃ mukhyena varuṇasyātmajena ca||
The story of Ashtavakra in which is narrated the great debate between that Rishi and the first of logicians, named Bandi, the son of Varuna at the sacrifice of Janaka.
— tr. M.N. Dutt (1891–96) (public domain)
MBh 1 2.162
पराजितो यत्र बन्दी विवादेन महात्मना। विजित्य सागरं प्राप्तं पितरं लब्धवानृषिः। यवक्रीतस्य चाख्यानं रैभ्यस्य च महात्मनः॥
parājito yatra bandī vivādena mahātmanā| vijitya sāgaraṃ prāptaṃ pitaraṃ labdhavānṛṣiḥ| yavakrītasya cākhyānaṃ raibhyasya ca mahātmanaḥ||
The defeat of Bandi and the release of the father of the Rishi (Ashtavakra) from the ocean. Then follows the story of Yavakrita, then that of the great Raibhya,
— tr. M.N. Dutt (1891–96) (public domain)
MBh 1 2.163
गन्धमादनयात्रा च वासो नारायणाश्रमे। नियुक्तो भीमसेनश्च द्रौपद्या गन्धमादने॥
gandhamādanayātrā ca vāso nārāyaṇāśrame| niyukto bhīmasenaśca draupadyā gandhamādane||
Then the departure of the Pandavas for Gandhamadana and their staying at a hermitage called Narayana; Bhima's journey to Gandhamadana by the request of Draupadi;
— tr. M.N. Dutt (1891–96) (public domain)
MBh 1 2.164
व्रजन्पथि महाबाहुर्दृष्टवान् पवनात्मजम्। कदलीषंडमध्यस्थं हनूमन्तं महाबलम्॥
vrajanpathi mahābāhurdṛṣṭavān pavanātmajam| kadalīṣaṃḍamadhyasthaṃ hanūmantaṃ mahābalam||
His meeting on his way with the Pandava's son, greatly powerful, Hanumana, who was in a grove of bananas;
— tr. M.N. Dutt (1891–96) (public domain)
MBh 1 2.165
यत्र सौगन्धिकार्थेऽसौ नलिनी तामधर्षयत्। यत्रास्य युद्धमभवत्सुमहद्राक्षसैः सह॥
yatra saugandhikārthe'sau nalinī tāmadharṣayat| yatrāsya yuddhamabhavatsumahadrākṣasaiḥ saha||
His bath in the tank and the destruction of its flowers in searching for the sweet-scented the flower Nalini; his fight with powerful Rakshasas,
— tr. M.N. Dutt (1891–96) (public domain)
MBh 1 2.166
यक्षैश्चैव महावीर्यैर्मणिमत्प्रमुखैस्तथा। जटासुरस्य च वधो राक्षसस्य वृकोदरात्॥
yakṣaiścaiva mahāvīryairmaṇimatpramukhaistathā| jaṭāsurasya ca vadho rākṣasasya vṛkodarāt||
Yakshas, including Manimana; destruction of the Asura Jata by him;
— tr. M.N. Dutt (1891–96) (public domain)
MBh 1 2.167
वृषपर्वणो राजपेस्ततोऽभिगमनं स्मृतम्। आर्टिषेणाश्रमे चैषां गमनं वास एव च॥
vṛṣaparvaṇo rājapestato'bhigamanaṃ smṛtam| ārṭiṣeṇāśrame caiṣāṃ gamanaṃ vāsa eva ca||
The meeting (of the Pandavas) with the Royal sage Vrishaparva; their departure for the hermitage of Arshtishena and then their stay there;
— tr. M.N. Dutt (1891–96) (public domain)
MBh 1 2.168
प्रोत्साहनं चपाञ्चाल्या भीमस्यात्र महात्मना। कैलासारोहणं प्रोक्तं यत्र यक्षैर्बलोत्कटैः॥
protsāhanaṃ capāñcālyā bhīmasyātra mahātmanā| kailāsārohaṇaṃ proktaṃ yatra yakṣairbalotkaṭaiḥ||
The inciting of Bhima against the Kurus by Draupadi. Then is related the ascent of Kailasa by Bhima, where with the powerful Yakshas,
— tr. M.N. Dutt (1891–96) (public domain)
MBh 1 2.169
युद्धमासीन्महाघोरं मणिमत्प्रमुखैः सह। समागमश्च पाण्डूनां यत्र वैश्रवणेन च। समागमश्चार्जुनस्य तत्रैव भ्रातृभिः सह। अवाप्य दिव्यान्यस्त्राणि गुर्वर्थं सव्यासाचिना॥
yuddhamāsīnmahāghoraṃ maṇimatpramukhaiḥ saha| samāgamaśca pāṇḍūnāṃ yatra vaiśravaṇena ca| samāgamaścārjunasya tatraiva bhrātṛbhiḥ saha| avāpya divyānyastrāṇi gurvarthaṃ savyāsācinā||
Headed by Manimana, he fought a great battle; the meeting of the Pandavas with Kubera. Then comes the meeting with Arjuna who had obtained many great weapons.
— tr. M.N. Dutt (1891–96) (public domain)
MBh 1 2.170
निवातकवचैर्युद्धं हिरण्यपुरवासिभिः। निवातकवचैोरैर्दानवैः सुरशत्रुभिः॥
nivātakavacairyuddhaṃ hiraṇyapuravāsibhiḥ| nivātakavacaiorairdānavaiḥ suraśatrubhiḥ||
Then it relates the battle between Arjuna and the great enemy of the celestials Nivatakavachas, who dwelt in Hiranyapuram.
— tr. M.N. Dutt (1891–96) (public domain)
MBh 1 2.171
पौलोमैः कालकेयैश्च यत्र युद्धं किरीटिनः। वधश्चैषां समाख्यातो राज्ञस्तेनैव धीमता॥
paulomaiḥ kālakeyaiśca yatra yuddhaṃ kirīṭinaḥ| vadhaścaiṣāṃ samākhyāto rājñastenaiva dhīmatā||
Then comes the account of Arjuna's fight with Paulomas and Kalkeyas; their death at his hand;
— tr. M.N. Dutt (1891–96) (public domain)
MBh 1 2.172
अस्त्रसंदर्शनारम्भो धर्मराजस्य संनिधौ। पार्थस्य प्रतिषेध च नारदेन सुरर्षिणा॥
astrasaṃdarśanārambho dharmarājasya saṃnidhau| pārthasya pratiṣedha ca nāradena surarṣiṇā||
The display of weapons by Arjuna before Yudhishthira and its prevention by the great Rishi Narada;
— tr. M.N. Dutt (1891–96) (public domain)
MBh 1 2.173
अवरोहणं पुनश्चैव पांडूनां गन्धमादनात्। भीमस्य ग्रहणं चात्र पर्वताभोगवर्मणा॥
avarohaṇaṃ punaścaiva pāṃḍūnāṃ gandhamādanāt| bhīmasya grahaṇaṃ cātra parvatābhogavarmaṇā||
The descent of the Pandavas from the Gandhamadana; the seizure of Bhima by a monster mountain-snake;
— tr. M.N. Dutt (1891–96) (public domain)
MBh 1 2.174
भुजगेन्द्रेण बलिना तस्मिन्सुगहने वने। अमोक्षयद्यत्र चैनं प्रश्नानुक्त्वा युधिष्ठिरः॥
bhujagendreṇa balinā tasminsugahane vane| amokṣayadyatra cainaṃ praśnānuktvā yudhiṣṭhiraḥ||
The release of Bhima from the snake on answering certain questions of his by Yudhishthira;
— tr. M.N. Dutt (1891–96) (public domain)
MBh 1 2.175
काम्यकागमनं चैव पुनस्तेषां महात्मनाम्। तत्रस्थांश्च पुनर्द्रष्टुं पांडवान् पुरुषर्षभान्॥ वासुदेवस्यागमनमत्रैव परिकीर्तितम्। मार्कण्डेयसमास्यायामुपाख्यानानि सर्वशः॥
kāmyakāgamanaṃ caiva punasteṣāṃ mahātmanām| tatrasthāṃśca punardraṣṭuṃ pāṃḍavān puruṣarṣabhān|| vāsudevasyāgamanamatraiva parikīrtitam| mārkaṇḍeyasamāsyāyāmupākhyānāni sarvaśaḥ||
The return of the Pandavas to the forest of Kamyaka; the arrival of Krishna to see the sons of Pandu; the arrival of Rishi Markandeya; and his various recitals%3B
— tr. M.N. Dutt (1891–96) (public domain)
MBh 1 2.176
पृथोर्वैन्यस्य यत्रोक्तमाख्यानं परमर्षिणा। संवादश्च सरस्वत्यास्तायर्षेः सुमहात्मनः॥
pṛthorvainyasya yatroktamākhyānaṃ paramarṣiṇā| saṃvādaśca sarasvatyāstāyarṣeḥ sumahātmanaḥ||
The story of Pritha, the son of Vena, was told by the Rishi; also the debate of Sarasvati and that of Rishi Tarkshya.
— tr. M.N. Dutt (1891–96) (public domain)
MBh 1 2.177
मत्स्योपाख्यानमत्रैव प्रोच्यते तदनन्तरम्। मार्कण्डेयसमास्या च पुराणं परिकीर्त्यते॥
matsyopākhyānamatraiva procyate tadanantaram| mārkaṇḍeyasamāsyā ca purāṇaṃ parikīrtyate||
Then follows the story of Matsya and other old stories recited by Markandeya.
— tr. M.N. Dutt (1891–96) (public domain)
MBh 1 2.178
ऐन्द्रद्युम्नमुपाख्यानं धौन्धुमारं तथैव च। पतिव्रतायाश्चाख्यानं तथैवाङ्गिरसं स्मृतम्॥
aindradyumnamupākhyānaṃ dhaundhumāraṃ tathaiva ca| pativratāyāścākhyānaṃ tathaivāṅgirasaṃ smṛtam||
Then come the stories of Indradyumna and Dhundumara, then the story of the chaste wife and the history of Angirasa.
— tr. M.N. Dutt (1891–96) (public domain)
MBh 1 2.179
द्रौपद्याः कीर्तितश्चात्र संवादः सत्यभामया। पुनद्वैतवनं चैव पाण्डवाः समुपागताः॥
draupadyāḥ kīrtitaścātra saṃvādaḥ satyabhāmayā| punadvaitavanaṃ caiva pāṇḍavāḥ samupāgatāḥ||
Then is told the meeting of Draupadi and Satyabhama nd their conversation, the return of the Pandavas to the forest of Dvaita;
— tr. M.N. Dutt (1891–96) (public domain)
MBh 1 2.180
घोषयात्रा च गन्धर्वैर्यत्र बद्धः सुयोधनः। ह्रियमाणस्तु मन्दात्मा मोक्षितोऽसौ किरीटिना॥
ghoṣayātrā ca gandharvairyatra baddhaḥ suyodhanaḥ| hriyamāṇastu mandātmā mokṣito'sau kirīṭinā||
The procession of the calves and the ! captivity of Duryodhana at the hands of Gandharvas. His rescue by Arjuna when the wretch was being carried away.
— tr. M.N. Dutt (1891–96) (public domain)
MBh 1 2.181
धर्मराजस्य चात्रैव मृगस्वप्ननिदर्शनात्। काम्यके काननश्रेष्ठे पुनर्गमनमुच्यते॥
dharmarājasya cātraiva mṛgasvapnanidarśanāt| kāmyake kānanaśreṣṭhe punargamanamucyate||
Then follows the dream of the deer by Yudhishthira, then the return of the Pandavas to the forest of Kamyaka.
— tr. M.N. Dutt (1891–96) (public domain)
MBh 1 2.182
व्रीहिद्रौणिकमाख्यानमत्रैव बहुविस्तरम्। दुर्वाससोऽप्युपाख्यानमत्रैव परिकीर्तितम्॥
vrīhidrauṇikamākhyānamatraiva bahuvistaram| durvāsaso'pyupākhyānamatraiva parikīrtitam||
Here follows the long story of Vrihidraunika. Here is related the story of Durvasa.
— tr. M.N. Dutt (1891–96) (public domain)
MBh 1 2.183
जयद्रथेनापहारो द्रौपद्याश्चाश्रमान्तरात्। यत्रैनमन्वयादीमो वायुवेगसमो जवे॥ चक्रे चैनं पञ्चशिखं यत्र भीमो महाबलः। रामायणमुपाख्यानमत्रैव बहुविस्तरम्॥
jayadrathenāpahāro draupadyāścāśramāntarāt| yatrainamanvayādīmo vāyuvegasamo jave|| cakre cainaṃ pañcaśikhaṃ yatra bhīmo mahābalaḥ| rāmāyaṇamupākhyānamatraiva bahuvistaram||
Then is narrated the forcible abduction of Draupadi by Jayadratha from the hermitage; the pursuit of the wretch by Bhima, swift as the air; the shaving of Jayadratha at the hand of Bhima. Then follows the long story of Ramayana,
— tr. M.N. Dutt (1891–96) (public domain)
MBh 1 2.184
यत्र रामेण विक्रम्य निहतो रावणो युधि। सावित्र्याश्चाप्युख्यानमत्रैव परिकीर्तितम्॥
yatra rāmeṇa vikramya nihato rāvaṇo yudhi| sāvitryāścāpyukhyānamatraiva parikīrtitam||
In which is shown how Ravana was killed by the prowess of Rama. Then is narrated the story of Savitri,
— tr. M.N. Dutt (1891–96) (public domain)
MBh 1 2.185
कर्णस्य परिमोक्षोऽत्र कुण्डलाभ्यां पुरन्दरात्। यत्रास्य शक्तिं तुष्टोऽसावदादेकवधाय च॥
karṇasya parimokṣo'tra kuṇḍalābhyāṃ purandarāt| yatrāsya śaktiṃ tuṣṭo'sāvadādekavadhāya ca||
Then Karna's deprivation of earrings by Indra and his presentation to him a weapon called Shakti;
— tr. M.N. Dutt (1891–96) (public domain)
MBh 1 2.186
आरणेयमुपाख्यानं यत्र धर्मोऽन्वशात्सुतम्। जग्मुर्लब्धवरा यत्र पाण्डवाः पश्चिमां दिशम्॥
āraṇeyamupākhyānaṃ yatra dharmo'nvaśātsutam| jagmurlabdhavarā yatra pāṇḍavāḥ paścimāṃ diśam||
The story of Araneya in which Dharma gave advice to his son and in which is related how the Pandavas received a boon and went to the west.
— tr. M.N. Dutt (1891–96) (public domain)
MBh 1 2.187
एतदारण्यकं पर्व तृतीयं परिकीर्तितम्। अत्राध्यायशते द्वे तु संख्यया परिकीर्तित॥ एकोनसप्ततिश्चैव तथाध्यायाः प्रकीर्तिताः। एकादश सहस्राणि श्लोकानां षट् शतानि च॥ चतुःषष्टिस्तथा श्लोकाः पर्वण्यस्मिन् प्रकीर्तिताः। अतःपरं निबोधेदं वैराटं पर्व विस्तरम्॥
etadāraṇyakaṃ parva tṛtīyaṃ parikīrtitam| atrādhyāyaśate dve tu saṃkhyayā parikīrtita|| ekonasaptatiścaiva tathādhyāyāḥ prakīrtitāḥ| ekādaśa sahasrāṇi ślokānāṃ ṣaṭ śatāni ca|| catuḥṣaṣṭistathā ślokāḥ parvaṇyasmin prakīrtitāḥ| ataḥparaṃ nibodhedaṃ vairāṭaṃ parva vistaram||
These matters are all described in the third Parva called Aranyaka. It contains two hundred and sixty-nine chapters. Its numbers of slokas is eleven thousand, six hundred and sixty four. Then comes the extensive Virata Parva.
— tr. M.N. Dutt (1891–96) (public domain)
MBh 1 2.188
विराटनगरे गत्वा श्मशाने विपुलां शमीम्। दृष्ट्वा सन्निदधुस्तत्र पाण्डवा ह्यायुधान्युत॥
virāṭanagare gatvā śmaśāne vipulāṃ śamīm| dṛṣṭvā sannidadhustatra pāṇḍavā hyāyudhānyuta||
It described how the Pandavas arrived at the city of Virata and saw a Shami tree in a cremation ground on which they kept hidden their weapons.
— tr. M.N. Dutt (1891–96) (public domain)
MBh 1 2.189
यत्र प्रविश्य नगरं छद्मना न्यवसंस्तु ते। पाञ्चाली प्रार्थयानस्य कामोपहतचेतसः॥ दुष्टात्मनो वधो यत्र कीचकस्य वृकोदरात्। पाण्डवान्वेषणार्थ च राज्ञो दुर्योधनस्य च॥
yatra praviśya nagaraṃ chadmanā nyavasaṃstu te| pāñcālī prārthayānasya kāmopahatacetasaḥ|| duṣṭātmano vadho yatra kīcakasya vṛkodarāt| pāṇḍavānveṣaṇārtha ca rājño duryodhanasya ca||
Then have been related their entry into the city and their stay in disguise; then the slaying by Bhima of the wicked Kichaka who lustfully aspired for Draupadi; then the attempt of king Duryodhana to find out the Pandavas;
— tr. M.N. Dutt (1891–96) (public domain)
MBh 1 2.190
चाराः प्रस्थापिताश्चात्र निपुणाः सर्वतो दिशम्। न च प्रवृत्तिस्तैर्लब्धा पाण्डवानां महात्मनाम्॥
cārāḥ prasthāpitāścātra nipuṇāḥ sarvato diśam| na ca pravṛttistairlabdhā pāṇḍavānāṃ mahātmanām||
His despatch of clever spies to all countries to trace out the Pandavas; their failure to discover the mighty sons of Pandu;
— tr. M.N. Dutt (1891–96) (public domain)
MBh 1 2.191
गोग्रहश्च विराटस्य त्रिगर्तेः प्रथमं कृतः। यत्रास्य युद्धं सुमहत्तैरासील्लोमहर्षणम्॥
gograhaśca virāṭasya trigarteḥ prathamaṃ kṛtaḥ| yatrāsya yuddhaṃ sumahattairāsīllomaharṣaṇam||
First the seizure of Virata's kine by the Trigartas, the fearful battle that followed;
— tr. M.N. Dutt (1891–96) (public domain)
MBh 1 2.192
ह्रियमाणश्च यत्रासौ भीमसेनेन मोक्षितः। गोधनं च विराटस्य मोक्षितं यत्र पाण्डवैः॥
hriyamāṇaśca yatrāsau bhīmasenena mokṣitaḥ| godhanaṃ ca virāṭasya mokṣitaṃ yatra pāṇḍavaiḥ||
The capture of Virata by the enemy and his rescue by Bhima; the release of his kine also by the Pandava (Bhima).
— tr. M.N. Dutt (1891–96) (public domain)
MBh 1 2.193
अनन्तरं च कुरुभिस्तस्य गोग्रहणं कृतम्। समस्ता यत्र पार्थेन निर्जिताः कुरवो युधि॥
anantaraṃ ca kurubhistasya gograhaṇaṃ kṛtam| samastā yatra pārthena nirjitāḥ kuravo yudhi||
Then seizure of Virata's kine by the Kurus, the defeat of the Kuru warriors by single handed Arjuna,
— tr. M.N. Dutt (1891–96) (public domain)
MBh 1 2.194
प्रत्याहृतं गोधनं च विक्रमेण किरीटिना। विराटेनोत्तरा दत्ता स्नुषा यत्र किरीटिनः॥ अभिमन्युं समुद्दिश्य सौभद्रमरिघातिनम्। चतुर्थमेतद्विपुलं वैराटं पर्व वर्णितम्॥
pratyāhṛtaṃ godhanaṃ ca vikrameṇa kirīṭinā| virāṭenottarā dattā snuṣā yatra kirīṭinaḥ|| abhimanyuṃ samuddiśya saubhadramarighātinam| caturthametadvipulaṃ vairāṭaṃ parva varṇitam||
The release of the king's kine by Arjuna's valour; the bestowal by Virata of his daughter to Arjuna for his acceptance of her for his son by Subhadra, Abhimanyu, the destroyer of foes. These are the contents of the extensive fourth Parva Virata.
— tr. M.N. Dutt (1891–96) (public domain)
MBh 1 2.195
अत्रापि परिसंख्याता अध्यायाः परमर्षिणा। सप्तषष्टिरथो पूर्णा श्लोकानामपि मे शृणु॥ श्लोकानां द्वे सहस्रे तु श्लोकाः पञ्चाशदेव तु। उक्तानि वेदविदुषा पर्वण्यस्मिन् महर्षिणा॥
atrāpi parisaṃkhyātā adhyāyāḥ paramarṣiṇā| saptaṣaṣṭiratho pūrṇā ślokānāmapi me śṛṇu|| ślokānāṃ dve sahasre tu ślokāḥ pañcāśadeva tu| uktāni vedaviduṣā parvaṇyasmin maharṣiṇā||
The great Rishi has composed it in sixty seven chapters and it contains two thousand and fifty slokas.
— tr. M.N. Dutt (1891–96) (public domain)
MBh 1 2.196
उद्योगपर्व विज्ञेयं पञ्चमं शृण्वतः परम्। उपल्पव्ये निविष्टेषु पाण्डवेषु जिगीषया॥
udyogaparva vijñeyaṃ pañcamaṃ śṛṇvataḥ param| upalpavye niviṣṭeṣu pāṇḍaveṣu jigīṣayā||
Here now, the contents of the fifth Parva, named Udyoga. When the Pandavas were living at Upaplavya,
— tr. M.N. Dutt (1891–96) (public domain)
MBh 1 2.197
दुर्योधनोऽर्जुनश्चैव वासुदेवमुपस्थितौ। साहाय्यमस्मिन्समरे भवान्नौ कर्तुमर्हति॥
duryodhano'rjunaścaiva vāsudevamupasthitau| sāhāyyamasminsamare bhavānnau kartumarhati||
Desirous of battle, both Arjuna and Duryodhana went to Krishna and said, "You should help us in this war."
— tr. M.N. Dutt (1891–96) (public domain)
MBh 1 2.198
इत्युक्ते वचने कृष्णो यत्रोवाच महामतिः। अयुध्यमानमात्मानं मन्त्रिणं पुरुषर्षभौ॥
ityukte vacane kṛṣṇo yatrovāca mahāmatiḥ| ayudhyamānamātmānaṃ mantriṇaṃ puruṣarṣabhau||
When these words were uttered, the highsouled Krishna replied, “O best of men, a counsellor (myself) who will not fight,
— tr. M.N. Dutt (1891–96) (public domain)
MBh 1 2.199
अक्षौहिणी वा सैन्यस्य कस्य किं वा ददाम्यहम्। वत्रे दुर्योधनः सैन्यं मन्दात्मा यत्र दुर्मतिः॥
akṣauhiṇī vā sainyasya kasya kiṃ vā dadāmyaham| vatre duryodhanaḥ sainyaṃ mandātmā yatra durmatiḥ||
And one Akshauhini of my soldiers, between these two which shall I give to you?" Blind to his own interest, the foolish' Duryodhana asked for the soldiers.
— tr. M.N. Dutt (1891–96) (public domain)
MBh 1 2.200
अयुध्यमानं सचिवं वव्रे कृष्णं धनंजयः। मद्रराजं च राजानमायान्तं पाण्डवान्प्रति॥
ayudhyamānaṃ sacivaṃ vavre kṛṣṇaṃ dhanaṃjayaḥ| madrarājaṃ ca rājānamāyāntaṃ pāṇḍavānprati||
Arjuna chose to possess Krishna as a counsellor, although he will not fight. Then is related the coming of the king of Madra for the assistance of the Pandavas.
— tr. M.N. Dutt (1891–96) (public domain)
MBh 1 2.201
उपहारैर्वञ्चयित्वा वर्मन्येव सुयोधनः। वरदं तं वरं वत्रे साहाय्यं क्रियतां मम॥
upahārairvañcayitvā varmanyeva suyodhanaḥ| varadaṃ taṃ varaṃ vatre sāhāyyaṃ kriyatāṃ mama||
Having deceived him on the way by present. Duryodhana induced him to grant him a boon and for that boon he asked his help in the war.
— tr. M.N. Dutt (1891–96) (public domain)
MBh 1 2.202
शल्यस्तस्मै प्रतिश्रुत्य जगामोद्दिश्य पाण्डवान्। शान्तिपूर्वं चाकथयधनेन्द्रविजयं नृपः॥
śalyastasmai pratiśrutya jagāmoddiśya pāṇḍavān| śāntipūrvaṃ cākathayadhanendravijayaṃ nṛpaḥ||
Then it narrates how Shalya went to the Pandavas and how he consoled Yudhishthira by recounting the victory of Indra (over Vitra).
— tr. M.N. Dutt (1891–96) (public domain)
MBh 1 2.203
पुरोहितप्रेषणं च पाण्डवैः कौरवान्प्रति। वैचित्रवीर्यस्य वचः समादाय पुरोधसः॥ तथेन्द्रविजयं चापि यानं चैव पुरोधसः। संजयं प्रेषयामास शमार्थी पाण्डवान्प्रति॥
purohitapreṣaṇaṃ ca pāṇḍavaiḥ kauravānprati| vaicitravīryasya vacaḥ samādāya purodhasaḥ|| tathendravijayaṃ cāpi yānaṃ caiva purodhasaḥ| saṃjayaṃ preṣayāmāsa śamārthī pāṇḍavānprati||
Then is told the dispatch of the Purohita by the Pandavas to the Kurus. Greatly powerful Dhritarashtra, having heard the story of Indra's victory from the Purohita, sent Sanjaya to the Pandavas to ask for peace.
— tr. M.N. Dutt (1891–96) (public domain)
MBh 1 2.204
यत्र दूतं महाराजो धृतराष्ट्रः प्रतापवान्। श्रुत्वा च पाण्डवान्यत्र वासुदेवपुरोगमान्॥ प्रजागरः सप्रजज्ञे धृतराष्ट्रस्य चिन्तया। विदुरो यत्र वाक्यानि विचित्राणि हितानि च। श्रावयामास राजानं धृतराष्ट्र मनीषिणम्॥
yatra dūtaṃ mahārājo dhṛtarāṣṭraḥ pratāpavān| śrutvā ca pāṇḍavānyatra vāsudevapurogamān|| prajāgaraḥ saprajajñe dhṛtarāṣṭrasya cintayā| viduro yatra vākyāni vicitrāṇi hitāni ca| śrāvayāmāsa rājānaṃ dhṛtarāṣṭra manīṣiṇam||
Dhritarashtra heard all about the Pandavas, their friends, Krishna and others; and his great anxiety and sleeplessness in consequence. Vidura's sound, wise and various counsels were given to the wise king Dhritarashtra.
— tr. M.N. Dutt (1891–96) (public domain)
MBh 1 2.205
तथा सनत्सुजातेन यत्राध्यात्ममनुत्तमम्॥
tathā sanatsujātena yatrādhyātmamanuttamam||
It then contains the excellent truths of spiritual philosophy that were told by Sanatsujata.
— tr. M.N. Dutt (1891–96) (public domain)
MBh 1 2.206
मास्तापान्वितो राजा श्रावितः शोकलालसः। प्रभाते राजसमितौ संजयो यत्र वा विभो॥
māstāpānvito rājā śrāvitaḥ śokalālasaḥ| prabhāte rājasamitau saṃjayo yatra vā vibho||
To the anxious and sorrowing king. Next morning in the Royal court, Sanjaya spoke.
— tr. M.N. Dutt (1891–96) (public domain)
MBh 1 2.207
ऐकात्म्यं वासुदेवस्य प्रोक्तवानर्जुनस्य च। यत्र कृष्णो दयापन्नः संधिमिच्छन् महामतिः॥
aikātmyaṃ vāsudevasya proktavānarjunasya ca| yatra kṛṣṇo dayāpannaḥ saṃdhimicchan mahāmatiḥ||
Of the great friendship between Arjuna and Krishna. It was then that great Krishna, moved by pity and being desirous of bringing peace.
— tr. M.N. Dutt (1891–96) (public domain)
MBh 1 2.208
स्वयमागाच्छमं कर्तुं नगरं नागसाह्वयम्। प्रत्याख्यानं च कृष्णस्य राज्ञा दुर्योधनेन वै॥
svayamāgācchamaṃ kartuṃ nagaraṃ nāgasāhvayam| pratyākhyānaṃ ca kṛṣṇasya rājñā duryodhanena vai||
Went himself to Hastinapur, the capital of the Kurus. (It then relates) the rejection of the peaceful offer of Krishna by the king Duryodhana.
— tr. M.N. Dutt (1891–96) (public domain)
MBh 1 2.209
शमार्थे याचमानस्य पक्षयोरुभयोर्हितम्। दम्भोद्भवस्य चाख्यानमत्रैव परिकीर्तितम्॥
śamārthe yācamānasya pakṣayorubhayorhitam| dambhodbhavasya cākhyānamatraiva parikīrtitam||
An offer which was for the benefit of both parties. Then is related the the story of Dambhodbhava;
— tr. M.N. Dutt (1891–96) (public domain)
MBh 1 2.210
वरान्वेषणमत्रैव मातलेश्च महात्मनः। महर्षेःचापि चरितं कथितं गालवस्य वै॥
varānveṣaṇamatraiva mātaleśca mahātmanaḥ| maharṣeḥcāpi caritaṃ kathitaṃ gālavasya vai||
Then the search for a bridegroom by Matali for his daughter; then follows the history of the great Rishi Galava.
— tr. M.N. Dutt (1891–96) (public domain)
MBh 1 2.211
विदुलायाश्च पुत्रस्य प्रोक्तं चाप्यनुशासनम्। कर्णदुर्योधनादीनां दुष्टं विज्ञाय मन्त्रितम्॥
vidulāyāśca putrasya proktaṃ cāpyanuśāsanam| karṇaduryodhanādīnāṃ duṣṭaṃ vijñāya mantritam||
Then the story of the training of the son of Vidula;. having heard of the evil counsel of Duryodhana and Karna and others;
— tr. M.N. Dutt (1891–96) (public domain)
MBh 1 2.212
योगेश्वरत्वं कृष्णेन यत्र राज्ञां प्रदर्शितम्। रथमारोप्य कृष्णेन यत्र कर्णोऽनुमन्त्रितः॥
yogeśvaratvaṃ kṛṣṇena yatra rājñāṃ pradarśitam| rathamāropya kṛṣṇena yatra karṇo'numantritaḥ||
Krishna's display of his Yoga powers to the kings; then his taking Karna on his chariot and giving him sound advice;
— tr. M.N. Dutt (1891–96) (public domain)
MBh 1 2.213
उपायपूर्वं शौटीर्यात्प्रत्याख्यातश्च तेन सः। आगम्य हास्तिनपुरादुपप्लव्यमरिंदमः॥
upāyapūrvaṃ śauṭīryātpratyākhyātaśca tena saḥ| āgamya hāstinapurādupaplavyamariṃdamaḥ||
Karna's rejection of Krishna's advice out of pride; then the chastiser of his enemies, Krishna returned to Upaplavya from Hastinapur.
— tr. M.N. Dutt (1891–96) (public domain)
MBh 1 2.214
पाण्डवानां यथावृत्तं सर्वमाख्यातवान् हरिः। ते तस्य वचनं श्रुत्वा मन्त्रयित्वा च यद्धितम्॥ सांग्रामिकं ततः सर्वं सज्जं चक्रुः परंतपाः। ततो युद्धाय निर्याता नराश्वरथदन्तिनः॥
pāṇḍavānāṃ yathāvṛttaṃ sarvamākhyātavān hariḥ| te tasya vacanaṃ śrutvā mantrayitvā ca yaddhitam|| sāṃgrāmikaṃ tataḥ sarvaṃ sajjaṃ cakruḥ paraṃtapāḥ| tato yuddhāya niryātā narāśvarathadantinaḥ||
He told the Pandavas all that had happened. It was then the greatly powerful Pandavas, the chastisers of their foes, after consulting properly with one another, inade all preparations for war.
— tr. M.N. Dutt (1891–96) (public domain)
MBh 1 2.215
नगराद्धास्तिनपुरादलसंख्यानमेव च। यत्र राज्ञा लूकस्य प्रेषणं पाण्डवान्प्रति॥
nagarāddhāstinapurādalasaṃkhyānameva ca| yatra rājñā lūkasya preṣaṇaṃ pāṇḍavānprati||
Then follows the march of infantry cavalry, elephants and charioteers from Hastinapur; the review of troops by both parties; the sending of Uluka to the Pandavas by the king (Duryodhana).
— tr. M.N. Dutt (1891–96) (public domain)
MBh 1 2.216
श्वो भाविनि महायुद्धे दौत्येन कृतवान् प्रभुः। रथातिरथसंख्यानमम्बोपाख्यानमेव च॥
śvo bhāvini mahāyuddhe dautyena kṛtavān prabhuḥ| rathātirathasaṃkhyānamambopākhyānameva ca||
As an envoy on the day before the great battle; then the number of charioteers of different classes was related. Then is told the story of Amba.
— tr. M.N. Dutt (1891–96) (public domain)
MBh 1 2.217
एतत् सुबहुवृत्तान्तं पञ्चमं पर्व भारते। उद्योगपर्व निर्दिष्टं संधिविग्रहमिश्रितम्॥
etat subahuvṛttāntaṃ pañcamaṃ parva bhārate| udyogaparva nirdiṣṭaṃ saṃdhivigrahamiśritam||
These are the matters that have been dwelt on, the fifth Parva of the Bharata in full of incidents regarding both peace and war.
— tr. M.N. Dutt (1891–96) (public domain)
MBh 1 2.218
अध्यायानां शतं प्रोक्तं षडशीतिर्महर्षिणा। श्लोकानां षट्सहस्राणि तावन्त्येव शतानि च॥ श्लोकाच नवतिः प्रोक्तास्तथैवाष्टौ महात्मना। व्यासेनोदारमतिना पर्वण्यस्मिंस्तपोधनाः॥
adhyāyānāṃ śataṃ proktaṃ ṣaḍaśītirmaharṣiṇā| ślokānāṃ ṣaṭsahasrāṇi tāvantyeva śatāni ca|| ślokāca navatiḥ proktāstathaivāṣṭau mahātmanā| vyāsenodāramatinā parvaṇyasmiṃstapodhanāḥ||
Great Rishis, the great Vyasa has composed this Parva in one hundred and eighty six chapters. The number of slokas composed in it by the great Rishi is six thousand six hundred and ninety eight.
— tr. M.N. Dutt (1891–96) (public domain)
MBh 1 2.219
अतः परं विचित्रार्थं भीष्मपर्व प्रचक्षते। जम्बूखण्डविनिर्माणं यत्रोक्तं संजयेन ह॥
ataḥ paraṃ vicitrārthaṃ bhīṣmaparva pracakṣate| jambūkhaṇḍavinirmāṇaṃ yatroktaṃ saṃjayena ha||
Then is told the wonderful Bhishma Parva. Sanjaya related in it the creation of Jambu country.
— tr. M.N. Dutt (1891–96) (public domain)
MBh 1 2.220
यत्र यौधिष्ठिरं सैन्यं विषादमगमत् परम्। यत्र युद्धमभूद्घोरं दशाहानि सुदारुणम्॥
yatra yaudhiṣṭhiraṃ sainyaṃ viṣādamagamat param| yatra yuddhamabhūdghoraṃ daśāhāni sudāruṇam||
Then is narrated the great depression of the army of Yudhishthira and the fierce battle that raged for ten successive days.
— tr. M.N. Dutt (1891–96) (public domain)
MBh 1 2.221
कश्मलं यत्र पार्थस्य वासुदेवो महामतिः। मोहजं नाशयामास हेतुभिर्मोक्षदर्शिभिः॥
kaśmalaṃ yatra pārthasya vāsudevo mahāmatiḥ| mohajaṃ nāśayāmāsa hetubhirmokṣadarśibhiḥ||
The high-souled Krishna dispelled in this Parva the great compunction which was felt by Arjuna towards his relatives, by citing reasons based on the philosophy of final emancipation.
— tr. M.N. Dutt (1891–96) (public domain)
MBh 1 2.222
समीक्ष्याधोक्षज: क्षिप्रं युधिष्ठिरहिते रतः। रथादाप्लुत्य वेगेन स्वयं कृष्ण उदारधीः॥ प्रतोदपाणिराधावद्भीष्मं हन्तुं व्यपेतभीः। वाक्यप्रतोदाभिहतो यत्र कृष्णेन पाण्डवः॥
samīkṣyādhokṣaja: kṣipraṃ yudhiṣṭhirahite rataḥ| rathādāplutya vegena svayaṃ kṛṣṇa udāradhīḥ|| pratodapāṇirādhāvadbhīṣmaṃ hantuṃ vyapetabhīḥ| vākyapratodābhihato yatra kṛṣṇena pāṇḍavaḥ||
In it is also narrated how the magnanimous Krishna, seeing the loss inflicted on the Pandava army, jumped from the chariot and ran swiftly, with dauntless breast and his driving whip in hand, to kill Bhishma. In this Parva also, Krishna smote Arjuna.
— tr. M.N. Dutt (1891–96) (public domain)
MBh 1 2.223
गाण्डीवधन्वा समरे सर्वशस्त्रभृतां वरः। शिखण्डिनं पुरस्कृत्य यत्र पार्थो महाधनुः॥
gāṇḍīvadhanvā samare sarvaśastrabhṛtāṃ varaḥ| śikhaṇḍinaṃ puraskṛtya yatra pārtho mahādhanuḥ||
The bearer of the Gandiva and the greatest warrior in battle among all wielders of weapons. In it also is narrated how the bowman Arjuna, placing Shikhandi before him.
— tr. M.N. Dutt (1891–96) (public domain)
MBh 1 2.224
विनिम्ननिशितैर्बाणै रथाद्भीष्ममपातयत्। शरतल्पगतश्चैव भीष्मो यत्र बभूव ह॥
vinimnaniśitairbāṇai rathādbhīṣmamapātayat| śaratalpagataścaiva bhīṣmo yatra babhūva ha||
Wounded Bhishma with his sharpest arrows and felled him from his chariot and how Bhishma lay on his bed of arrows.
— tr. M.N. Dutt (1891–96) (public domain)
MBh 1 2.225
षष्ठमेतत् समाख्यातं भारते पर्व विस्तृतम्। अध्यायानां शतं प्रोक्तं तथा सप्तदशापरे॥ पञ्च श्लोकसहस्राणि संख्ययाष्टौ शतानि च। श्लोकाश्च चतुराशीतिरस्मिन्पर्वणि कीर्तिताः॥ व्यासेन वेदविदुषा संख्याता भीष्मपर्वणि। द्रोणपर्व ततश्चित्रं बहुवृत्तान्तमुच्यते॥
ṣaṣṭhametat samākhyātaṃ bhārate parva vistṛtam| adhyāyānāṃ śataṃ proktaṃ tathā saptadaśāpare|| pañca ślokasahasrāṇi saṃkhyayāṣṭau śatāni ca| ślokāśca caturāśītirasminparvaṇi kīrtitāḥ|| vyāsena vedaviduṣā saṃkhyātā bhīṣmaparvaṇi| droṇaparva tataścitraṃ bahuvṛttāntamucyate||
This extensive Parva is the sixth in the Bharata. It is composed of one hundred and seventeen chapters. Its number of slokas is five thousand eight hundred and eighty-four as composed by Vyasa, well-learned in the Vedas. Then comes Drona Parva, full of wonderful incidents.
— tr. M.N. Dutt (1891–96) (public domain)
MBh 1 2.226
सैनापत्येऽभिषिक्तोऽथ यत्राचार्यः प्रतापवान्। दुर्योधनस्य प्रीत्यर्थं प्रतिजज्ञे पहास्त्रवित्॥ ग्रहणं धर्मराजस्य पाण्डुपुत्रस्य धीमतः। यत्र संशप्तकाः पार्थमपनिन्यू रणाजिरात्॥
saināpatye'bhiṣikto'tha yatrācāryaḥ pratāpavān| duryodhanasya prītyarthaṃ pratijajñe pahāstravit|| grahaṇaṃ dharmarājasya pāṇḍuputrasya dhīmataḥ| yatra saṃśaptakāḥ pārthamapaninyū raṇājirāt||
It relates the installation of greatly powerful instructor Drona as the commander of the army; the vow of making Yudhishthira prisoner was taken by the great warrior to please Duryodhana; Sansaptakas taking Arjuna away from the bettle field.
— tr. M.N. Dutt (1891–96) (public domain)
MBh 1 2.227
भगदत्तो महाराजो यत्र शक्रसमो युधि। सुप्रतीकेन नागेन स हि शान्तः किरीटिना॥
bhagadatto mahārājo yatra śakrasamo yudhi| supratīkena nāgena sa hi śāntaḥ kirīṭinā||
The overthrow by Arjuna of the great king Bhagadatta, as great a warrior as Indra himself, with his elephant Supratika.
— tr. M.N. Dutt (1891–96) (public domain)
MBh 1 2.228
यत्राभिमन्युं बहवो जजुरेकं महारथाः। जयद्रथमुखा बालं शूरमप्राप्तयौवनम्॥
yatrābhimanyuṃ bahavo jajurekaṃ mahārathāḥ| jayadrathamukhā bālaṃ śūramaprāptayauvanam||
The death of the boy-hero, Abhimanyu in his teens, alone and unsupported at the hand of many great car-warriors including Jayadratha.
— tr. M.N. Dutt (1891–96) (public domain)
MBh 1 2.229
हतेऽभिमन्यौ क्रुद्धेन यत्र पार्थेन संयुगे। अक्षौहिणी: सप्त हत्वा हतो राजा जयद्रथः॥
hate'bhimanyau kruddhena yatra pārthena saṃyuge| akṣauhiṇī: sapta hatvā hato rājā jayadrathaḥ||
On the death death of Abhimanyu, the destruction by Arjuna of seven Akshauhinis of soldiers alongwith Jayadratha in a great battle.
— tr. M.N. Dutt (1891–96) (public domain)
MBh 1 2.230
यत्र भीमो महाबाहुः सात्यकिश्च महारथः। अन्वेषणार्थं पार्थस्य युधिष्ठिरनृपाज्ञया॥
yatra bhīmo mahābāhuḥ sātyakiśca mahārathaḥ| anveṣaṇārthaṃ pārthasya yudhiṣṭhiranṛpājñayā||
Then in order to search Partha, greatly powerful Bhima and the great car-warrior Satyaki, by command of king Yudhishthira.
— tr. M.N. Dutt (1891–96) (public domain)
MBh 1 2.231
प्रविष्टौ भारती सेनामप्रधृष्यां सुरैरपि। संशप्तकावशेषं च कृतं निःशेषमाहवे॥
praviṣṭau bhāratī senāmapradhṛṣyāṃ surairapi| saṃśaptakāvaśeṣaṃ ca kṛtaṃ niḥśeṣamāhave||
Entered into the Kaurava ranks, impenetrable even by the celestial; the destruction of the rest of the Sansaptakas.
— tr. M.N. Dutt (1891–96) (public domain)
MBh 1 2.232
अलम्बुषः श्रुतायुश्च जलसन्धश्च वीर्यवान्। सौमदत्तिविराटश्च द्रुपदश्च महारथः॥ घटोत्कचादयश्चान्ये निहता द्रोणपर्वणि। अश्वत्थामाऽपि चात्रैव द्रोणे युधि निपातिते॥
alambuṣaḥ śrutāyuśca jalasandhaśca vīryavān| saumadattivirāṭaśca drupadaśca mahārathaḥ|| ghaṭotkacādayaścānye nihatā droṇaparvaṇi| aśvatthāmā'pi cātraiva droṇe yudhi nipātite||
In this Drona Parva is narrated the deaths of Alambusha, Shrutayus, valorous Jalasandha, Somdatti, Virata, great car-warrior Drupada, Ghatotkacha and others. Being exceedingly angry on account of the death of Drona in battle, Ashvathama also.
— tr. M.N. Dutt (1891–96) (public domain)
MBh 1 2.233
अस्त्रं प्रादुश्चकारोग्रं नारायणममर्षितः। आग्नेयं कीर्त्यते यत्र रुद्रमाहात्म्यमुत्तमम्॥ व्यासस्य चाप्यागमनं माहात्म्यं कृष्णपार्थयोः॥
astraṃ prāduścakārograṃ nārāyaṇamamarṣitaḥ| āgneyaṃ kīrtyate yatra rudramāhātmyamuttamam|| vyāsasya cāpyāgamanaṃ māhātmyaṃ kṛṣṇapārthayoḥ||
Discharged his fearful weapon Narayana. Then is told the story of Rudra, in connection with the burning of the cities. The arrival of Vyasa and the glories of Partha and Krishna are told by him.
— tr. M.N. Dutt (1891–96) (public domain)
MBh 1 2.234
सप्तमं भारते पर्व महदेतदुदाहृतम्। यत्र ते पृथिवीपालाः प्रायशो निधनं गताः॥
saptamaṃ bhārate parva mahadetadudāhṛtam| yatra te pṛthivīpālāḥ prāyaśo nidhanaṃ gatāḥ||
These are the matters elaborately narrated in the seventh Parva of the Bharata, in which all the chief and potentates mentioned were killed.
— tr. M.N. Dutt (1891–96) (public domain)
MBh 1 2.235
द्रोणपर्वणि ये शूरा निर्दिष्टाः पुरुषर्षभाः। अत्राध्यायशतं प्रोक्तं तथाध्यायाश्च सप्ततिः॥ अष्टौ श्लोकसहस्राणि तथा नव शतानि च। श्लोका नव तथैवात्र संख्यातास्तत्त्वदर्शिना॥ पाराशर्येण मुनिना संचिन्त्य द्रोणपर्वणि।
droṇaparvaṇi ye śūrā nirdiṣṭāḥ puruṣarṣabhāḥ| atrādhyāyaśataṃ proktaṃ tathādhyāyāśca saptatiḥ|| aṣṭau ślokasahasrāṇi tathā nava śatāni ca| ślokā nava tathaivātra saṃkhyātāstattvadarśinā|| pārāśaryeṇa muninā saṃcintya droṇaparvaṇi|
The number of chapters in this Parva is one hundred and seventy. The number of slokas composed in the Drona Parva by the great Rishi, the son of Parashara and the master of great knowledge, is eight thousand nine hundred and nine.
— tr. M.N. Dutt (1891–96) (public domain)
MBh 1 2.236
अतः परं कर्णपर्वं प्रोच्यते परमाद्भुतम्। सारथ्ये विनियोगश्च मद्रराजस्य धीमतः॥
ataḥ paraṃ karṇaparvaṃ procyate paramādbhutam| sārathye viniyogaśca madrarājasya dhīmataḥ||
Then comes the most wonderful Parva named Karna. In it is described the appointment of king of the Madra as the charioteer (of Karna).
— tr. M.N. Dutt (1891–96) (public domain)
MBh 1 2.237
आख्यातं यत्र पौराणं त्रिपुरस्य निपातनम्। प्रयाणे परुषश्चात्र संवादः कर्णशल्ययोः॥
ākhyātaṃ yatra paurāṇaṃ tripurasya nipātanam| prayāṇe paruṣaścātra saṃvādaḥ karṇaśalyayoḥ||
Then is told the old story of the death of Tripura; the interchange of strong words between Karna and Shalya on their setting out to battle.
— tr. M.N. Dutt (1891–96) (public domain)
MBh 1 2.238
हंसकाकीयमाख्यानं तत्रैवाक्षेपसंहितम्। वधः पाण्ड्यस्य च तथा अश्वत्थाम्ना महात्मना।।२७१।
haṃsakākīyamākhyānaṃ tatraivākṣepasaṃhitam| vadhaḥ pāṇḍyasya ca tathā aśvatthāmnā mahātmanā||271|
Then is narrated the story of the swan and the crow as an insulting allusion to Karna. Then is the death of Pandya at the hands of the high-souled Ashvathama.
— tr. M.N. Dutt (1891–96) (public domain)
MBh 1 2.239
दण्डसेनस्य च ततो दण्डस्य च वधस्तथा। द्वैरथे यत्र कर्णेन धर्मराजो युधिष्ठिरः॥ संशयं गमितो युद्धे मिषतां सर्वधन्विनाम्। अन्योन्यं प्रति च क्रोधो युधिष्ठिरकिरीटिनोः॥
daṇḍasenasya ca tato daṇḍasya ca vadhastathā| dvairathe yatra karṇena dharmarājo yudhiṣṭhiraḥ|| saṃśayaṃ gamito yuddhe miṣatāṃ sarvadhanvinām| anyonyaṃ prati ca krodho yudhiṣṭhirakirīṭinoḥ||
Then the death of Dandasena and then that of Danda, then the imminent risk of Yudhishthira in single combat with Karna which took place before all the warriors; the anger of Yudhishthira and Arjuna towards each other;
— tr. M.N. Dutt (1891–96) (public domain)
MBh 1 2.240
यत्रैवानुनयः प्रोक्त माधवेनार्जुनस्य हि। प्रतिज्ञापूर्वकं चापि वक्षो दुःशासनस्य च॥ भित्वा वृकोदरो रक्तं पीतवान्यत्र संयुगे। द्वैरथे यत्र पार्थेन हतः कर्णो महारथः॥
yatraivānunayaḥ prokta mādhavenārjunasya hi| pratijñāpūrvakaṃ cāpi vakṣo duḥśāsanasya ca|| bhitvā vṛkodaro raktaṃ pītavānyatra saṃyuge| dvairathe yatra pārthena hataḥ karṇo mahārathaḥ||
Krishna's pacification of Arjuna; Bhima's fulfilment of his vow by drinking the heart's blood of Dushasana after ripping open his breast; the slaying of Karna by Arjuna in single combat.
— tr. M.N. Dutt (1891–96) (public domain)
MBh 1 2.241
अष्टमं पर्व निर्दिष्टमेतद्भारतचिन्तकैः। एकोनसप्ततिः प्रोक्ता अध्यायाः कर्णपर्वणि॥ चत्वार्येव सहस्राणि नव श्लोकशतानि च। चतुःषष्टिस्तथा श्लोकाः पर्वण्यस्मिन् प्रकीर्तिताः॥
aṣṭamaṃ parva nirdiṣṭametadbhāratacintakaiḥ| ekonasaptatiḥ proktā adhyāyāḥ karṇaparvaṇi|| catvāryeva sahasrāṇi nava ślokaśatāni ca| catuḥṣaṣṭistathā ślokāḥ parvaṇyasmin prakīrtitāḥ||
The leader of the Bharata calls this Parva the eighth Parva. The number of its chapters is sixty nine and that of the slokas is four thousand nine hundred and sixty four.
— tr. M.N. Dutt (1891–96) (public domain)
MBh 1 2.242
अतः परं विचित्रार्थं शल्यपर्व प्रकीर्तितम्। हतप्रवीरे सैन्ये तु नेता मद्रेश्वरोऽभवत्॥
ataḥ paraṃ vicitrārthaṃ śalyaparva prakīrtitam| hatapravīre sainye tu netā madreśvaro'bhavat||
Then is told the wonderful, Parva called Shalya. After the death of all great warriors, the king of Madra became the commander.
— tr. M.N. Dutt (1891–96) (public domain)
MBh 1 2.243
यत्र कौमारमाख्यानमभिषेकस्य कर्म च। वृत्तानि स्थयुद्धानि कीर्त्यन्ते यत्र भागशः। विनाशः कुरुमुख्यानां शल्यपर्वणि कीर्त्यते॥
yatra kaumāramākhyānamabhiṣekasya karma ca| vṛttāni sthayuddhāni kīrtyante yatra bhāgaśaḥ| vināśaḥ kurumukhyānāṃ śalyaparvaṇi kīrtyate||
Then is described one after the other the encounters of various charioteer; then the deaths of the chief warrior of the Kuru army.
— tr. M.N. Dutt (1891–96) (public domain)
MBh 1 2.244
शल्यस्य निधनं चात्र धर्मराजान्महात्मनः। शकुनेश्च वधोऽत्रैव सहदेवेन संयुगे॥
śalyasya nidhanaṃ cātra dharmarājānmahātmanaḥ| śakuneśca vadho'traiva sahadevena saṃyuge||
Then the death of Shalya at the hands of Yudhishthira, the death of Shakuni at the hands of Sahadeva.
— tr. M.N. Dutt (1891–96) (public domain)
MBh 1 2.245
सैन्ये च हतभूयिष्ठे किंचिच्छिष्टे सुयोधनः। ह्रदं प्रविश्य यत्रासौ संस्तभ्यापो व्यवस्थितः॥
sainye ca hatabhūyiṣṭhe kiṃcicchiṣṭe suyodhanaḥ| hradaṃ praviśya yatrāsau saṃstabhyāpo vyavasthitaḥ||
When only a small remnant of his troops remained alive, Suyodhana retired in to a lake and there creating room for himself, lay hidden.
— tr. M.N. Dutt (1891–96) (public domain)
MBh 1 2.246
प्रवृत्तिस्तत्र चाख्याता यत्र भीमस्य लुब्धकैः। क्षेपयुक्तैर्वचोभिश्च धर्मराजस्य धीमतः॥ ह्रदात्समुत्थितो यत्र धार्तराष्ट्रोऽत्यमर्षणः। भीमेन गदया युद्धं यत्रासौ कृतवान्सह॥
pravṛttistatra cākhyātā yatra bhīmasya lubdhakaiḥ| kṣepayuktairvacobhiśca dharmarājasya dhīmataḥ|| hradātsamutthito yatra dhārtarāṣṭro'tyamarṣaṇaḥ| bhīmena gadayā yuddhaṃ yatrāsau kṛtavānsaha||
The receipt of this news by Bhima from some hunters. Then is related how Duryodhana, ever unable to bear affronts, came out of the water, being angered by the insulting words of Yudhishthira. Then is described the fight of Bhima and Duryodhana with clubs.
— tr. M.N. Dutt (1891–96) (public domain)
MBh 1 2.247
समवाये च युद्धस्य रामस्यागमनं स्मृतम्। सरस्वत्याश्च तीर्थानां पुण्यता परिकीर्तिता॥
samavāye ca yuddhasya rāmasyāgamanaṃ smṛtam| sarasvatyāśca tīrthānāṃ puṇyatā parikīrtitā||
The arrival of Balarama at the time of the fight is next described. Then is told the sacredness of the Sarasvati.
— tr. M.N. Dutt (1891–96) (public domain)
MBh 1 2.248
गदायुद्धं च तुमुलमत्रैव परिकीर्तितम्। दुर्योधनस्य राज्ञोऽथ यत्र भीमेन संयुगे॥ ऊरू भग्नौ प्रसह्याजौ गदया भीमवेगया। नवमं पर्व निर्दिष्टमेतदद्भुतमर्थवत्॥
gadāyuddhaṃ ca tumulamatraiva parikīrtitam| duryodhanasya rājño'tha yatra bhīmena saṃyuge|| ūrū bhagnau prasahyājau gadayā bhīmavegayā| navamaṃ parva nirdiṣṭametadadbhutamarthavat||
The continuation of the club fight; the breaking of Duryodhana's thighs by Bhima by a fearful hurl of his club. All this has been described in the wonderful ninth Parva.
— tr. M.N. Dutt (1891–96) (public domain)
MBh 1 2.249
एकोनषष्टिरध्यायाः पर्वण्यत्र प्रकीर्तिताः। संख्याता बहुवृत्तान्ताः श्लोकसंख्याऽत्र कथ्यते॥ त्रीणि श्लोकसहस्राणि द्वे शते विंशतिस्तथा। मुनिना संप्रणीतानि कौरवाणां यशोभृता॥
ekonaṣaṣṭiradhyāyāḥ parvaṇyatra prakīrtitāḥ| saṃkhyātā bahuvṛttāntāḥ ślokasaṃkhyā'tra kathyate|| trīṇi ślokasahasrāṇi dve śate viṃśatistathā| muninā saṃpraṇītāni kauravāṇāṃ yaśobhṛtā||
The number of chapters in this Parva is fifty-nine and the number of slokas composed by the great Vyasa, the spreader of the fame of the Kuru Dynasty, is three thousand two hundred and twenty.
— tr. M.N. Dutt (1891–96) (public domain)
MBh 1 2.250
अतः परं प्रवक्ष्यामि सौप्तिकं पर्व दारुणम्। भग्नोरं यत्र राजानं दुर्योधनममर्षणम्॥ अपयातेषु पार्थेषु त्रयस्तेऽभ्याययूरथाः। कृतवर्मा कृपो द्रौणि: सायाह्ने रुधिरक्षितम्॥
ataḥ paraṃ pravakṣyāmi sauptikaṃ parva dāruṇam| bhagnoraṃ yatra rājānaṃ duryodhanamamarṣaṇam|| apayāteṣu pārtheṣu trayaste'bhyāyayūrathāḥ| kṛtavarmā kṛpo drauṇi: sāyāhne rudhirakṣitam||
I shall now describe the contents of the terrible tenth Parva, named Sauptika. On the departure of the Pandavas the great car-warrior, Kritavarma. Kripa and the son of Drona (Ashvathama) came in the evening to he place where Duryodhana was lying with the brocken thigh.
— tr. M.N. Dutt (1891–96) (public domain)
MBh 1 2.251
समेत्य ददृशुर्भूमौ पतितं रणमूर्धनि। प्रतिजज्ञे दृढक्रोधो द्रौणिर्यत्र महारथः॥
sametya dadṛśurbhūmau patitaṃ raṇamūrdhani| pratijajñe dṛḍhakrodho drauṇiryatra mahārathaḥ||
They saw King Duryodhana lying on the ground, his thighs broken and his body covered with blood. The great car-warrior, fearfully angry son of Drona vowed.
— tr. M.N. Dutt (1891–96) (public domain)
MBh 1 2.252
अहत्वा सर्वपञ्चालान् धृष्टद्युम्नपुरोगमान्। पाण्डवांश्च सहामात्यान्न विमोक्ष्यामि दंशनम्॥
ahatvā sarvapañcālān dhṛṣṭadyumnapurogamān| pāṇḍavāṃśca sahāmātyānna vimokṣyāmi daṃśanam||
"I will not take off my armour without killing all the Panchalas with Dhristadyumna and the Pandavas with their allies."
— tr. M.N. Dutt (1891–96) (public domain)
MBh 1 2.253
यत्रैवमुक्त्वा राजानमपक्रम्य त्रयो स्थाः। सूर्यास्तमनवेलायामासेदुस्ते महद्वनम्॥
yatraivamuktvā rājānamapakramya trayo sthāḥ| sūryāstamanavelāyāmāseduste mahadvanam||
Having said these words, the three warriors left Duryodhana and entered into the great forest just when the sun was setting.
— tr. M.N. Dutt (1891–96) (public domain)
MBh 1 2.254
न्यग्रोधस्याथ महतो यत्राधस्ताद्व्यवस्थिताः। ततः काकान्बहून् रात्रौ दृष्टवोलूकेन हिंसिताम्॥
nyagrodhasyātha mahato yatrādhastādvyavasthitāḥ| tataḥ kākānbahūn rātrau dṛṣṭavolūkena hiṃsitām||
While they were resting under a large banian tree, they saw owl killing innumerable crows at night.
— tr. M.N. Dutt (1891–96) (public domain)
MBh 1 2.255
द्रौणिः क्रोधसमाविष्टः पितुर्वधमनुस्मरन्। पञ्चालानां प्रसुप्तानां वधं प्रति मनो दधे॥
drauṇiḥ krodhasamāviṣṭaḥ piturvadhamanusmaran| pañcālānāṃ prasuptānāṃ vadhaṃ prati mano dadhe||
Seeing this, Ashvathama, his heart being full of rage, remembering the death of his father, determined kill the sleeping Panchalas.
— tr. M.N. Dutt (1891–96) (public domain)
MBh 1 2.256
गत्वा च शिविरद्वार दुर्दृशं तत्र राक्षसम्। घोररूपमपश्यत्स दिवमावृत्य धिष्ठितम्॥
gatvā ca śiviradvāra durdṛśaṃ tatra rākṣasam| ghorarūpamapaśyatsa divamāvṛtya dhiṣṭhitam||
Going to the gate of the camp, he saw a fearful Rakshasa, his head reaching to the very skies, guarding the door. an to
— tr. M.N. Dutt (1891–96) (public domain)
MBh 1 2.257
तेन व्याघातमस्त्राणां क्रियमाणमवेक्ष्य च। द्रौणिर्यत्र विरूपाक्षं रुद्रमाराध्य सत्वरः॥
tena vyāghātamastrāṇāṃ kriyamāṇamavekṣya ca| drauṇiryatra virūpākṣaṃ rudramārādhya satvaraḥ||
Seeing also that the Rakshasa obstructed him in his discharge of weapons, he began to worship the three-eyed divinity and it pacified him.
— tr. M.N. Dutt (1891–96) (public domain)
MBh 1 2.258
प्रसुप्तान्निशि विश्वस्तान् धृष्टद्युम्नपुरोगमान्। पञ्चालान्सपरीवारान्द्रौपदेयांश्च सर्वशः॥ कृतवर्मणा च सहितः कृपेण च निजनिवान्। यत्रामुच्यन्त ते पार्थाः पञ्च कृष्णबलाश्रयात्॥ सात्यकिश्च महेष्वासः शेषाश्च निधनं गताः। पञ्चालानां प्रसुप्तानां यत्र द्रोणसुताद्वधः॥
prasuptānniśi viśvastān dhṛṣṭadyumnapurogamān| pañcālānsaparīvārāndraupadeyāṃśca sarvaśaḥ|| kṛtavarmaṇā ca sahitaḥ kṛpeṇa ca nijanivān| yatrāmucyanta te pārthāḥ pañca kṛṣṇabalāśrayāt|| sātyakiśca maheṣvāsaḥ śeṣāśca nidhanaṃ gatāḥ| pañcālānāṃ prasuptānāṃ yatra droṇasutādvadhaḥ||
Then accompanied by Kripa and Kritavarma, he entered the camp and killed all the sons of Draupadi and all the family of Panchalas, including Dhristadyumna, when they were all unsuspectingly sleeping on their beds. Only Satyaki and the five Pandavas escaped through the counsel of Krishna.
— tr. M.N. Dutt (1891–96) (public domain)
MBh 1 2.259
धृष्टद्युम्नश्च सूतेन पाण्डवेषु निवेदितः। द्रौपदी पुत्रशोकार्ता पितृभ्रातृवधार्दिता॥
dhṛṣṭadyumnaśca sūtena pāṇḍaveṣu niveditaḥ| draupadī putraśokārtā pitṛbhrātṛvadhārditā||
The charioteer of Dhristhadyumna brought to the Pandavas the news of the massacre of the slumbering Panchalas by the son of Drona. Draupadi, grieved by the death of her father, brother and sons.
— tr. M.N. Dutt (1891–96) (public domain)
MBh 1 2.260
कृतानशनसंकल्पा पत्र भर्तृनुपाविशत्। द्रौपदीवचनाद्यत्र भीमो भीमपराक्रमः॥
kṛtānaśanasaṃkalpā patra bhartṛnupāviśat| draupadīvacanādyatra bhīmo bhīmaparākramaḥ||
Sat before her husbands and resolved to die of fasting. Then Bhima of fearful deed, being moved by the words of Draupadi.
— tr. M.N. Dutt (1891–96) (public domain)
MBh 1 2.261
प्रियं तस्याचिकीर्षन्वै गदामादाय वीर्यवान्। अन्वधावत्सुसंक्रुद्धो भारद्वाजं गुरोः सुतम्॥
priyaṃ tasyācikīrṣanvai gadāmādāya vīryavān| anvadhāvatsusaṃkruddho bhāradvājaṃ guroḥ sutam||
Determined to please her, he speedily took up his club and ran in pursuit of the son of his preceptor.
— tr. M.N. Dutt (1891–96) (public domain)
MBh 1 2.262
भीमसेनभयाद्यत्र दैवेनाभिप्रचोदितः। अपाण्डवायेति रुषा द्रौणिरस्त्रमवासृजत्॥
bhīmasenabhayādyatra daivenābhipracoditaḥ| apāṇḍavāyeti ruṣā drauṇirastramavāsṛjat||
The son of Drona, out of fear of Bhima and as fate would have it discharged the celestial weapon, crying “Let it make the world free of all the Pandavas."
— tr. M.N. Dutt (1891–96) (public domain)
MBh 1 2.263
मैवमित्यब्रवीत्कृष्णः शमयंस्तस्य तद्वचः। यत्रास्त्रमस्त्रेण च तच्छमयामास फाल्गुनः॥
maivamityabravītkṛṣṇaḥ śamayaṃstasya tadvacaḥ| yatrāstramastreṇa ca tacchamayāmāsa phālgunaḥ||
Krishna neutralised the words by saying, “This shall not be," and Arjuna neutralised the weapon by one of his own.
— tr. M.N. Dutt (1891–96) (public domain)
MBh 1 2.264
द्रौणेश्च द्रोहबुद्धित्वं वीक्ष्य पापात्मनस्तदा। द्रौणिद्वैपायनादीनां शापाश्चान्योन्यकारिताः॥
drauṇeśca drohabuddhitvaṃ vīkṣya pāpātmanastadā| drauṇidvaipāyanādīnāṃ śāpāścānyonyakāritāḥ||
Seeing the wicked intention of Ashvathama, Dvaipayana cursed him and he too cursed Dvaipayana.
— tr. M.N. Dutt (1891–96) (public domain)
MBh 1 2.265
मणिं तथा समादाय द्रोणपुत्रान्महारथात्। पाण्डवाः प्रददुहृष्टा द्रौपद्यै जितकाशिनः॥
maṇiṃ tathā samādāya droṇaputrānmahārathāt| pāṇḍavāḥ pradaduhṛṣṭā draupadyai jitakāśinaḥ||
The Pandavas took the Jewel on the head of Ashvathama and they with much pleasure presented it to the aggrieved and sorrowing Draupadi.
— tr. M.N. Dutt (1891–96) (public domain)
MBh 1 2.266
एतद्वैदशमं पर्व सौप्तिकं समुदाहृतम्। अष्टादशास्मिन्नध्यायाः पर्वण्युक्ता महात्मना॥ श्लोकानां कथितान्यत्र शतान्यष्टौ प्रसंख्यया। श्लोकाश्च सप्ततिः प्रोक्ता मुनिना ब्रह्मवादिना॥
etadvaidaśamaṃ parva sauptikaṃ samudāhṛtam| aṣṭādaśāsminnadhyāyāḥ parvaṇyuktā mahātmanā|| ślokānāṃ kathitānyatra śatānyaṣṭau prasaṃkhyayā| ślokāśca saptatiḥ proktā muninā brahmavādinā||
These matters are dwelt with in this tenth Sauptika Parva. The great Vyasa composed it in eighteen chapters. The numbers of slokas composed in it by the great reciter of the sacred truths, is eight hundred and seventy.
— tr. M.N. Dutt (1891–96) (public domain)
MBh 1 2.267
सौप्तिकैषीके संबद्ध पर्वण्युत्तमतेजसी। अत ऊर्ध्वमिदं प्राहुः स्त्रीपर्व करुणोदयम्॥
sauptikaiṣīke saṃbaddha parvaṇyuttamatejasī| ata ūrdhvamidaṃ prāhuḥ strīparva karuṇodayam||
The great Rishi has put together two Parvas, namely Sauptika and Aishika in this Parva. Then the most pathetic Parva called Stree is next told.
— tr. M.N. Dutt (1891–96) (public domain)
MBh 1 2.268
पुत्रशोकाभिसंतप्तः प्रज्ञाचक्षुर्नराधिपः। कृष्णोपनीतां यत्रासावायसी प्रतिमां दृढाम्॥ भीमसेनद्रोहबुद्धिधृतराष्ट्रो बभञ्ज ह। तथा शोकाभितप्तस्य धृतराष्ट्रस्य धीमतः॥ संसारगहनं बुद्ध्या हेतुभिर्मोक्षदर्शनैः। विदुरेण च यत्रास्य राज्ञ आश्वासनं कृतम्॥
putraśokābhisaṃtaptaḥ prajñācakṣurnarādhipaḥ| kṛṣṇopanītāṃ yatrāsāvāyasī pratimāṃ dṛḍhām|| bhīmasenadrohabuddhidhṛtarāṣṭro babhañja ha| tathā śokābhitaptasya dhṛtarāṣṭrasya dhīmataḥ|| saṃsāragahanaṃ buddhyā hetubhirmokṣadarśanaiḥ| vidureṇa ca yatrāsya rājña āśvāsanaṃ kṛtam||
Then greatly wise Dhritarashtra, being much afflicted by the death of his sons, moved with vengeance, crushed into pieces an iron statute, the substitute for Bhima, placed before him by Krishna. Then Vidura consoled the great king by removing his worldly affections with reasons pointing to final emancipation.
— tr. M.N. Dutt (1891–96) (public domain)
MBh 1 2.269
धृतराष्ट्रस्य चात्रैव कौरवायोधनं तथा। सान्तःपुरस्य गमनं शोकार्तस्य प्रकीर्तितम्॥
dhṛtarāṣṭrasya cātraiva kauravāyodhanaṃ tathā| sāntaḥpurasya gamanaṃ śokārtasya prakīrtitam||
Then is described the journey of Dhritarashtra with the ladies of his house to the field of battle.
— tr. M.N. Dutt (1891–96) (public domain)
MBh 1 2.270
विलापो वीर पत्नीनां यत्रातिकरुणः स्मृतः। क्रोधावेशः प्रमोहश्च गान्धारीधृतराष्ट्रयोः॥
vilāpo vīra patnīnāṃ yatrātikaruṇaḥ smṛtaḥ| krodhāveśaḥ pramohaśca gāndhārīdhṛtarāṣṭrayoḥ||
Then were the pathetic and heartrending lamentations of the wives of the heroes. The wrath of Gandhari and Dhritarashtra and their falling into a swoon.
— tr. M.N. Dutt (1891–96) (public domain)
MBh 1 2.271
यत्र तान् क्षत्रियाः शूरान्संग्रामेष्वनिवर्तिनः। पुत्रान् भ्रातॄन् पितंश्चैव ददृशुनिहतान् रणे॥
yatra tān kṣatriyāḥ śūrānsaṃgrāmeṣvanivartinaḥ| putrān bhrātṝn pitaṃścaiva dadṛśunihatān raṇe||
Then did the ladies see those heroes, their slain sons, brothers and father, lying on the field of battle.
— tr. M.N. Dutt (1891–96) (public domain)
MBh 1 2.272
पुत्रपौत्रवधार्तायस्तथात्रैव प्रकीर्तिता। गान्धार्याश्चापि कृष्णेन क्रोधोपशमनक्रिया॥
putrapautravadhārtāyastathātraiva prakīrtitā| gāndhāryāścāpi kṛṣṇena krodhopaśamanakriyā||
The pacification by Krishna of the wrath of Gandhari, who was greatly afflicted by the death of her sons and grandsons.
— tr. M.N. Dutt (1891–96) (public domain)
MBh 1 2.273
यत्र राजा महाप्राज्ञः सर्वधर्मभृतां वरः। राज्ञां तानि शरीराणि दाहयामास शास्त्रतः॥
yatra rājā mahāprājñaḥ sarvadharmabhṛtāṃ varaḥ| rājñāṃ tāni śarīrāṇi dāhayāmāsa śāstrataḥ||
The cremation of the chiefs and potentates by king Yudhishthira, the greatly wise and the foremost of all virtuous men, according to due rites.
— tr. M.N. Dutt (1891–96) (public domain)
MBh 1 2.274
तोयकर्माणि चारब्धे राज्ञामुदकदानिके। गूढोत्पन्नस्य चाख्यानं कर्णस्य पृथयात्मनः॥
toyakarmāṇi cārabdhe rājñāmudakadānike| gūḍhotpannasya cākhyānaṃ karṇasya pṛthayātmanaḥ||
When the presentation of water to the deceased princes was commenced, Kunti acknowledged Karna as her son born in secret.
— tr. M.N. Dutt (1891–96) (public domain)
MBh 1 2.275
सुतस्यैतदिह प्रोक्तं व्यासेन परमर्षिणा। एतदेकादशं पर्व शोकवैक्लव्यकारणम्॥
sutasyaitadiha proktaṃ vyāsena paramarṣiṇā| etadekādaśaṃ parva śokavaiklavyakāraṇam||
All this has been described by the great Rishi Vyasa in the most pathetic eleventh Parva.
— tr. M.N. Dutt (1891–96) (public domain)
MBh 1 2.276
प्रणीतं सज्जनमनो वैक्लव्याश्रुप्रवर्तकम्। सप्तविंशतिरध्यायाः पर्वण्यस्मिप्रकीर्तिताः॥ श्लोकसप्तशती चापि पञ्चसप्ततिसंयुता। संख्यया भारताख्यानमुक्तं व्यासेन धीमता॥
praṇītaṃ sajjanamano vaiklavyāśrupravartakam| saptaviṃśatiradhyāyāḥ parvaṇyasmiprakīrtitāḥ|| ślokasaptaśatī cāpi pañcasaptatisaṃyutā| saṃkhyayā bhāratākhyānamuktaṃ vyāsena dhīmatā||
Its perusal moves every heart and draws tears from every eye. It contains twenty-seven chapters and its number of slokas is seven hundred and seventy-five.
— tr. M.N. Dutt (1891–96) (public domain)
MBh 1 2.277
अतः परं शान्तिपर्व द्वादशं बुद्धिवर्धनम्। यत्र निर्वेदमापन्नो धर्मराजो युधिष्ठिरः॥
ataḥ paraṃ śāntiparva dvādaśaṃ buddhivardhanam| yatra nirvedamāpanno dharmarājo yudhiṣṭhiraḥ||
Then comes the Shanti Parva, the twelfth in number, which increases the understanding. It relates the despondency of Yudhishthira.
— tr. M.N. Dutt (1891–96) (public domain)
MBh 1 2.278
घातयित्वा पितॄन् भ्रातॄन् पुत्रान् संबन्धिमातुलान्। शान्तिपर्वणि धर्माश्च व्याख्याताः शारतल्पिकाः॥ राजभिर्वेदितव्यास्ते सम्यग्ज्ञानबुभुत्सुभिः। आपद्धर्माश्च तत्रैव कालहेतुप्रदर्शिनः॥
ghātayitvā pitṝn bhrātṝn putrān saṃbandhimātulān| śāntiparvaṇi dharmāśca vyākhyātāḥ śāratalpikāḥ|| rājabhirveditavyāste samyagjñānabubhutsubhiḥ| āpaddharmāśca tatraiva kālahetupradarśinaḥ||
On his having slain his fathers, brothers, sons, maternal uncles and relations by marriage. There is related how Bhishma taught laws and duties, worth the study of kings who desire to possess knowledge.
— tr. M.N. Dutt (1891–96) (public domain)
MBh 1 2.279
यान्बुध्वा पुरुषः सम्यक्सर्वज्ञत्वमवाप्नुयात्। मोक्षधर्माश्च कथिता विचित्रा बहुविस्तराः॥
yānbudhvā puruṣaḥ samyaksarvajñatvamavāpnuyāt| mokṣadharmāśca kathitā vicitrā bahuvistarāḥ||
If a person understands them, he attains to, consummate knowledge. The mysteries of final emancipation is also elaborately discussed.
— tr. M.N. Dutt (1891–96) (public domain)
MBh 1 2.280
द्वादशं पर्व निर्दिष्टमेतत्प्राज्ञजनप्रियम्। अत्र पर्वणि विज्ञेयमध्यायानां शतत्रयम्॥
dvādaśaṃ parva nirdiṣṭametatprājñajanapriyam| atra parvaṇi vijñeyamadhyāyānāṃ śatatrayam||
This twelfth Parva, the favourite of the wise, contains three hundred and thirty nine chapters.
— tr. M.N. Dutt (1891–96) (public domain)
MBh 1 2.281
त्रिंशच्चैव तथाध्याया नव चैव तपोधनाः। चतुर्दश सहस्राणि तथा सप्त शतानिच॥ सप्त श्लोकास्तथैवात्र पञ्चविंशतिसंख्यया। अत ऊर्ध्वं च विज्ञेयमनुशासनमुत्तमम्॥
triṃśaccaiva tathādhyāyā nava caiva tapodhanāḥ| caturdaśa sahasrāṇi tathā sapta śatānica|| sapta ślokāstathaivātra pañcaviṃśatisaṃkhyayā| ata ūrdhvaṃ ca vijñeyamanuśāsanamuttamam||
O Rishis, the wise son of Parashara has described this Parva in fourteen thousand seven hundred and thirty two slokas. Next comes the excellent Anushasana Parva.
— tr. M.N. Dutt (1891–96) (public domain)
MBh 1 2.282
यत्र प्रकृतिमापन्नः श्रुत्वा धर्मविनिश्चयम्। भीष्माद्भागीरथीपुत्रात्कुरुराजो युधिष्ठिरः॥
yatra prakṛtimāpannaḥ śrutvā dharmaviniścayam| bhīṣmādbhāgīrathīputrātkururājo yudhiṣṭhiraḥ||
The king of the Kurus, Yudhishthira was consoled by hearing the expositions of duties by the son of the Bhagirathi, Bhishma.
— tr. M.N. Dutt (1891–96) (public domain)
MBh 1 2.283
व्यवहारोऽत्र कात्स्येन धर्मार्थीयः प्रकीर्तितः। विविधानां च दानानां फलयोगाः प्रकीर्तिताः॥
vyavahāro'tra kātsyena dharmārthīyaḥ prakīrtitaḥ| vividhānāṃ ca dānānāṃ phalayogāḥ prakīrtitāḥ||
It then treats of the rules Dharma and Artha in detail, then the various rules of charity and its different merits.
— tr. M.N. Dutt (1891–96) (public domain)
MBh 1 2.284
तथा पात्रविशेषाश्च दानानां च परो विधिः। आचारविधियोगश्च सत्यस्य च परागतिः॥
tathā pātraviśeṣāśca dānānāṃ ca paro vidhiḥ| ācāravidhiyogaśca satyasya ca parāgatiḥ||
The different merits of charity according to the subjects of charity; the rules of living, the ceremonials of individual duty and the matchless merits of truth.
— tr. M.N. Dutt (1891–96) (public domain)
MBh 1 2.285
महाभाग्यं गवां चैव ब्राह्मणानां तथैव च। रहस्यं चैव धर्माणां देशकालोपसंहितम्॥
mahābhāgyaṃ gavāṃ caiva brāhmaṇānāṃ tathaiva ca| rahasyaṃ caiva dharmāṇāṃ deśakālopasaṃhitam||
It describes the great merit of Brahmanas and kine and it reveals the duties in relation to time and place.
— tr. M.N. Dutt (1891–96) (public domain)
MBh 1 2.286
एतत्सुबहुवृत्तांतमुत्तमं चानुशासनम्। भीष्यस्यात्रैव संप्राप्तिः स्वर्गस्य परिकीर्तिता॥
etatsubahuvṛttāṃtamuttamaṃ cānuśāsanam| bhīṣyasyātraiva saṃprāptiḥ svargasya parikīrtitā||
All these excellent matters have been treated in this Anushasana Parva containing variety of incidents. It also describes ascension of Bhishma to heaven.
— tr. M.N. Dutt (1891–96) (public domain)
MBh 1 2.287
एतत्त्रयोदशं पर्व धर्मनिश्चयकारकम्। अध्यायानां शतं त्वत्र षट्चत्वारिंशदेव तु॥
etattrayodaśaṃ parva dharmaniścayakārakam| adhyāyānāṃ śataṃ tvatra ṣaṭcatvāriṃśadeva tu||
This is the thirteenth Parva which describe the certainty of righteousness. It contains one hundred and forty six chapters.
— tr. M.N. Dutt (1891–96) (public domain)
MBh 1 2.288
श्लोकानां तु सहस्राणि प्रोक्तान्यष्टौ प्रसंख्यया। ततोऽश्वमेधिकं नाम पर्व प्रोक्तं चतुर्दशम्॥
ślokānāṃ tu sahasrāṇi proktānyaṣṭau prasaṃkhyayā| tato'śvamedhikaṃ nāma parva proktaṃ caturdaśam||
The number of slokas in it is eight thousand. Then comes the fourteenth Parva, called Ashvamedhika.
— tr. M.N. Dutt (1891–96) (public domain)
MBh 1 2.289
तत्संवर्तमरुत्तीयं यत्राख्यानमनुत्तमम्। सुवर्णकोशसंप्राप्तिर्जन्म चोक्तं परीक्षितः॥
tatsaṃvartamaruttīyaṃ yatrākhyānamanuttamam| suvarṇakośasaṃprāptirjanma coktaṃ parīkṣitaḥ||
It relates the beautiful story of Samvarta and Marutta; the discovery of treasures (by the Pandavas). Then is described the birth of Parikshit.
— tr. M.N. Dutt (1891–96) (public domain)
MBh 1 2.290
दग्धस्यास्त्राग्निना पूर्वं कृष्णात् संजीवनं पुनः। चर्यायां हयमुत्सृष्टं पाण्डवस्यानुगच्छतः॥
dagdhasyāstrāgninā pūrvaṃ kṛṣṇāt saṃjīvanaṃ punaḥ| caryāyāṃ hayamutsṛṣṭaṃ pāṇḍavasyānugacchataḥ||
Who was burnt by the weapon of Ashvathama and therefore almost dead, but he was revived by Krishna; Arjuna's journey with the sacrificial horse let loose.
— tr. M.N. Dutt (1891–96) (public domain)
MBh 1 2.291
तत्र तत्र च युद्धानि राजपुत्रैरमर्षणैः। चित्राङ्गदाया: पुत्रेण पुत्रिकाया धनंजयः॥
tatra tatra ca yuddhāni rājaputrairamarṣaṇaiḥ| citrāṅgadāyā: putreṇa putrikāyā dhanaṃjayaḥ||
And his fight with various chiefs and potentates who seized it in wrath, the encounter of Arjuna with the son of Chitrangada.
— tr. M.N. Dutt (1891–96) (public domain)
MBh 1 2.292
संग्रामे बभ्रुवाहेन संशयं चात्र दर्शितः। अश्वमेधे महायज्ञे नकुलाख्यानमेव च॥
saṃgrāme babhruvāhena saṃśayaṃ cātra darśitaḥ| aśvamedhe mahāyajñe nakulākhyānameva ca||
And his great risk in the fight with Babhruvahana. Then follows the story of the mongoose in the horse-sacrifice.
— tr. M.N. Dutt (1891–96) (public domain)
MBh 1 2.293
इत्याश्वमेधिकं पर्व प्रोक्तमेतन्महाद्भुतम्। अध्यायानां शतं चैव त्रयोऽध्यायाश्च क्रीर्तिताः॥
ityāśvamedhikaṃ parva proktametanmahādbhutam| adhyāyānāṃ śataṃ caiva trayo'dhyāyāśca krīrtitāḥ||
Thus is described the wonderful Parva, called Ashvamedhika. Its number of chapters is one hundred and three.
— tr. M.N. Dutt (1891–96) (public domain)
MBh 1 2.294
त्रीणि श्लोकसहस्राणि तावन्त्येव शतानि च। विंशतिश्च तथा श्लोकाः संख्यातास्तत्त्वदर्शिना।।
trīṇi ślokasahasrāṇi tāvantyeva śatāni ca| viṃśatiśca tathā ślokāḥ saṃkhyātāstattvadarśinā||
The number of slokas, composed by the greatly wise Rishi, is three thousand three hundred and twenty.
— tr. M.N. Dutt (1891–96) (public domain)
MBh 1 2.295
ततस्त्वाश्रमवासाख्यं पर्व पञ्चदशं स्मृतम्। यत्र राज्यं समुत्सृज्य गान्धार्या सहितो नृपः॥ धृतराष्ट्रोश्रमपदं विदुश्च जगाम ह। यं दृष्ट्वा प्रस्थितं साध्वी पृथाप्यनुययौ तदा॥ पुत्रराज्यं परित्यज्य गुरुश्रुश्रूषणे रता। यत्र राजा हतान्पुत्रान्यौत्रानन्यांश्च पार्थिवान्॥
tatastvāśramavāsākhyaṃ parva pañcadaśaṃ smṛtam| yatra rājyaṃ samutsṛjya gāndhāryā sahito nṛpaḥ|| dhṛtarāṣṭrośramapadaṃ viduśca jagāma ha| yaṃ dṛṣṭvā prasthitaṃ sādhvī pṛthāpyanuyayau tadā|| putrarājyaṃ parityajya guruśruśrūṣaṇe ratā| yatra rājā hatānputrānyautrānanyāṃśca pārthivān||
Then comes the fifteenth Parva, named Ashramvasika, in which, abdicating the kingdom and accompanied by Gandhari and Vidura, the King Dhritarashtra went to the forest. Seeing this, virtuous Pritha (Kunti) ever engaged in serving her superiors, left the kingdom of her sons and followed the old couple.
— tr. M.N. Dutt (1891–96) (public domain)
MBh 1 2.296
लोकान्तरगतान्वीरानपश्यत्पुनरागतान्। ऋषेः प्रसादात्कृष्णस्य दृष्ट्वाश्चर्यमनुत्तमम्॥
lokāntaragatānvīrānapaśyatpunarāgatān| ṛṣeḥ prasādātkṛṣṇasya dṛṣṭvāścaryamanuttamam||
His wonderful seeing of the spirits of the slain heroes through the favour of Vyasa.
— tr. M.N. Dutt (1891–96) (public domain)
MBh 1 2.297
त्यक्त्वा शोकं सदारश्च सिद्धि परमिकां गतः। यत्र धर्मं समाश्रित्य विदुरः सुगतिं गतः॥
tyaktvā śokaṃ sadāraśca siddhi paramikāṃ gataḥ| yatra dharmaṃ samāśritya viduraḥ sugatiṃ gataḥ||
On this the old monarch abandoned his sorrow and acquired with his wife the highest fruits of his virtuous deeds Vidura also attained to the highest state, having learned on virtue all his life.
— tr. M.N. Dutt (1891–96) (public domain)
MBh 1 2.298
संजयश्च सहामात्यो विद्वान्गावल्गणिर्वशी। ददर्श नारदं यत्र धर्मराजो युधिष्ठिरः॥
saṃjayaśca sahāmātyo vidvāngāvalgaṇirvaśī| dadarśa nāradaṃ yatra dharmarājo yudhiṣṭhiraḥ||
The learned son of Gavalgana the wise and learned Sanjaya also, attained to the highest state. Then it relates the meeting of the just king Yudhishthira with Narada.
— tr. M.N. Dutt (1891–96) (public domain)
MBh 1 2.299
नारदाच्चैव शुश्राव वृष्णीनां कदनं महत्। एतदाश्रमवासाख्यं पर्वोक्तं महदद्भुतम्॥
nāradāccaiva śuśrāva vṛṣṇīnāṃ kadanaṃ mahat| etadāśramavāsākhyaṃ parvoktaṃ mahadadbhutam||
Yudhishthira heard from Narada destruction of the Vrishni race. Thus is described this wonderful Parva, called Ashramvasika.
— tr. M.N. Dutt (1891–96) (public domain)
MBh 1 2.300
द्विचत्वारिंशदध्यायाः पर्वैतदभिसंख्यया। सहस्रमेकं श्लोकानां पञ्च श्लोकशतानि च॥ घडेव च तथा श्लोकाः संख्यातास्तत्त्वदर्शिना। अतः परं निबोधेदं मौसलं पर्व दारुणम्॥
dvicatvāriṃśadadhyāyāḥ parvaitadabhisaṃkhyayā| sahasramekaṃ ślokānāṃ pañca ślokaśatāni ca|| ghaḍeva ca tathā ślokāḥ saṃkhyātāstattvadarśinā| ataḥ paraṃ nibodhedaṃ mausalaṃ parva dāruṇam||
The number of chapters in it is forty two and the number of slokas, composed by the great Rishi, learned in truth, is one thousand five hundred and six. Then is told the terrible Mausala Parva.
— tr. M.N. Dutt (1891–96) (public domain)
MBh 1 2.301
यत्र ते पुरुषव्याघ्राः शस्त्रस्पर्शहता युधि। ब्रह्मदण्डविनिष्पिष्टाः समीपे लवणाम्भसः॥ आपाने पानकलिता दैवेनाभिप्रचोदिताः। एरकारूपिभिर्वर्जेनिजरितरेतरम्॥
yatra te puruṣavyāghrāḥ śastrasparśahatā yudhi| brahmadaṇḍaviniṣpiṣṭāḥ samīpe lavaṇāmbhasaḥ|| āpāne pānakalitā daivenābhipracoditāḥ| erakārūpibhirvarjenijaritaretaram||
It relates how on account of the Brahmana a curse, when they were all deprived of their senses with drink, those tigers of men (belonging to the Vrishni race), with many scars of battle on their bodies, slew one another on the shores of the salt-sea with Eraka grass which became deadly thunders in their hands,
— tr. M.N. Dutt (1891–96) (public domain)
MBh 1 2.302
यत्र सर्वक्षयं कृत्वा तावुभौ रामकेशवौ। नातिचक्रामतुः कालं प्राप्तं सर्वहरं महत्॥
yatra sarvakṣayaṃ kṛtvā tāvubhau rāmakeśavau| nāticakrāmatuḥ kālaṃ prāptaṃ sarvaharaṃ mahat||
It then relates that Rama and Krishna, after destroying their race, did not rise superior to the way of all-destroying time.
— tr. M.N. Dutt (1891–96) (public domain)
MBh 1 2.303
यत्रार्जुनो द्वारवतीमेत्य वृष्णिविनाकृताम्। दृष्ट्वा विषादमगमत्परां चार्तिं नरर्षभः॥
yatrārjuno dvāravatīmetya vṛṣṇivinākṛtām| dṛṣṭvā viṣādamagamatparāṃ cārtiṃ nararṣabhaḥ||
Then is described the arrival of Arjuna, the foremost of men, at Dwarka and his sorrow and affliction seeing the city destitute of the Vrishnis.
— tr. M.N. Dutt (1891–96) (public domain)
MBh 1 2.304
स संस्कृत्य नरश्रेष्ठं मातुलं शौरिमात्मनः। ददर्श यदुवीराणामापाने वैशसं महत्॥
sa saṃskṛtya naraśreṣṭhaṃ mātulaṃ śaurimātmanaḥ| dadarśa yaduvīrāṇāmāpāne vaiśasaṃ mahat||
Performing the funeral ceremony of his maternal uncle Vasudeva, the foremost man of the Yadu dynasty, he saw the Yadu heroes lying dead where they had been drinking.
— tr. M.N. Dutt (1891–96) (public domain)
MBh 1 2.305
शरीरं वासुदेवस्य रामस्य च महात्मनः। संस्कारं लम्भयामास वृष्णीनां च प्रधानतः॥
śarīraṃ vāsudevasya rāmasya ca mahātmanaḥ| saṃskāraṃ lambhayāmāsa vṛṣṇīnāṃ ca pradhānataḥ||
He then performed the cremation ceremonies of the illustrious Krishna and Balarama and of the other chief men of the Yadu race.
— tr. M.N. Dutt (1891–96) (public domain)
MBh 1 2.306
स वृद्धबालमादाय द्वारवत्यास्ततो जनम्। ददर्शापदि कष्टायां गाण्डीवस्य पराभवम्॥
sa vṛddhabālamādāya dvāravatyāstato janam| dadarśāpadi kaṣṭāyāṃ gāṇḍīvasya parābhavam||
Then is described the journey of Arjuna from Dwarka with the women and children, the old and the decrepit and the great calamity he met with on the way. He also saw the overthrow of his Gandiva.
— tr. M.N. Dutt (1891–96) (public domain)
MBh 1 2.307
सर्वेषां चैव दिव्यानामस्तत्राणामप्रसन्नताम्। नाशं वृष्णिकलत्राणां प्रभावानामनित्यताम्॥
sarveṣāṃ caiva divyānāmastatrāṇāmaprasannatām| nāśaṃ vṛṣṇikalatrāṇāṃ prabhāvānāmanityatām||
He also saw unpropitiousness of his celestial weapons. Seeing that it was impossible to protect the Yadu women.
— tr. M.N. Dutt (1891–96) (public domain)
MBh 1 2.308
दृष्ट्वा निर्वेदमापन्नो व्यासवाक्यप्रचोदितः। धर्मराजं समासाद्य संन्यासं समरोचयत्॥
dṛṣṭvā nirvedamāpanno vyāsavākyapracoditaḥ| dharmarājaṃ samāsādya saṃnyāsaṃ samarocayat||
And seeing all this, he went to Yudhishthira by the advice of Vyasa and asked permission to adopt the life of an ascetic.
— tr. M.N. Dutt (1891–96) (public domain)
MBh 1 2.309
इत्येतन्मौसलं पर्व षोडशं परिकीर्तितम्। अध्यायाष्टौ समाख्याताः श्लोकानां च शतत्रयम्।। श्लोकानां विंशतिश्चैव संख्याता तत्त्वदर्शिना। महाप्रस्थानिकं तस्मादूर्ध्वं सप्तदशं स्मृतम्॥
ityetanmausalaṃ parva ṣoḍaśaṃ parikīrtitam| adhyāyāṣṭau samākhyātāḥ ślokānāṃ ca śatatrayam|| ślokānāṃ viṃśatiścaiva saṃkhyātā tattvadarśinā| mahāprasthānikaṃ tasmādūrdhvaṃ saptadaśaṃ smṛtam||
Thus is described the sixteenth Parva, called Mausala Parva. Its number of chapters is eight and the number of slokas, composed by Vyasa, learned in truth, is three hundred and twenty. The next is Mahaprasthanika, the seventeenth Parva.
— tr. M.N. Dutt (1891–96) (public domain)
MBh 1 2.310
यत्र राज्यं परित्यज्य पाण्डवाः पुरुषर्षभाः। द्रौपद्या सहिता देव्या महाप्रस्थानमास्थिताः॥
yatra rājyaṃ parityajya pāṇḍavāḥ puruṣarṣabhāḥ| draupadyā sahitā devyā mahāprasthānamāsthitāḥ||
It relates that the best of men, the Pandavas, abdicating their kingdom went with Draupadi in their great journey (Mahaprasthana.)
— tr. M.N. Dutt (1891–96) (public domain)
MBh 1 2.311
यत्र तेऽग्नि ददृशिरे लौहित्यं प्राप्य सागरम्। यत्राग्निना चोदितश्च पार्थस्तस्मै महात्मने॥
yatra te'gni dadṛśire lauhityaṃ prāpya sāgaram| yatrāgninā coditaśca pārthastasmai mahātmane||
They met with Agni when they arrived at the sea of red waters. Asked by Agni, the highsouled Partha.
— tr. M.N. Dutt (1891–96) (public domain)
MBh 1 2.312
ददौ संपूज्य तद्दिव्यं गाण्डीवं धनुरुत्तमम्। यत्र भ्रातृन्निपतितान् द्रौपदी च युधिष्ठिरः॥ दृष्ट्वा हित्वा जगामैव सर्वाननवलोकयन्। एतत्सप्तदशं पर्व महाप्रस्थानिकं स्मृतम्॥
dadau saṃpūjya taddivyaṃ gāṇḍīvaṃ dhanuruttamam| yatra bhrātṛnnipatitān draupadī ca yudhiṣṭhiraḥ|| dṛṣṭvā hitvā jagāmaiva sarvānanavalokayan| etatsaptadaśaṃ parva mahāprasthānikaṃ smṛtam||
After worshipping him duly, returned to him the great celestial bow Gandiva. Yudhishthira went on his journey and did not look back when one afier the other of his brothers, including Draupadi dropped down dead. Thus is told the seventeenth Parva, called, Mahaprasthanika.
— tr. M.N. Dutt (1891–96) (public domain)
MBh 1 2.313
यत्राध्यायास्त्रयः प्रोक्ताः श्लोकानां च शतत्रयम्। विंशतिश्च तथा श्लोकाः संख्यातास्तत्त्वदर्शिना॥३६७।
yatrādhyāyāstrayaḥ proktāḥ ślokānāṃ ca śatatrayam| viṃśatiśca tathā ślokāḥ saṃkhyātāstattvadarśinā||367|
There are three chapters in it and the number of slokas, composed by all truthknowing Vyasa, is three hundred and twenty.
— tr. M.N. Dutt (1891–96) (public domain)
MBh 1 2.314
स्वर्गपर्व ततो ज्ञेयं दिव्यं यत्तदमानुषम्। प्राप्तं दैवस्थं स्वर्गान्नेष्टवान्यत्र धर्मराट्॥
svargaparva tato jñeyaṃ divyaṃ yattadamānuṣam| prāptaṃ daivasthaṃ svargānneṣṭavānyatra dharmarāṭ||
Know, the Parva that comes next is called Svarga, full of heavenly matters; in which is related how the celestial car came to take Yudhishthira.
— tr. M.N. Dutt (1891–96) (public domain)
MBh 1 2.315
आरोढुं सुमहाप्राज्ञ आनृशंस्याच्छुना विना। तामस्या विचला ज्ञात्वा स्थिति धर्मे महात्मनः॥ श्वरूपं यत्र तत्त्यक्त्वा धर्मेणासौ समन्वितः। स्वर्ग प्राप्तः स च तथा यातना विपुला भृशम्॥
āroḍhuṃ sumahāprājña ānṛśaṃsyācchunā vinā| tāmasyā vicalā jñātvā sthiti dharme mahātmanaḥ|| śvarūpaṃ yatra tattyaktvā dharmeṇāsau samanvitaḥ| svarga prāptaḥ sa ca tathā yātanā vipulā bhṛśam||
He however, declined to ascend it without the dog that accompanied him. Seeing the steady adherence of the illustrious Yudhishthira to virtue Dharma giving up the from of the dog, showed himself to the king. Then Yudhishthira, attaining to the celestial regions, felt much pain.
— tr. M.N. Dutt (1891–96) (public domain)
MBh 1 2.316
देवदूतेन नरकं यत्र व्याजेन दर्शितम्। शुश्राव यत्र धर्मात्मा भ्रातृणां करुणा गिरः॥
devadūtena narakaṃ yatra vyājena darśitam| śuśrāva yatra dharmātmā bhrātṛṇāṃ karuṇā giraḥ||
The celestial messenger showed him hell by deception, where the virtuous minded king heard the heart-rending lamentations of his brothers,
— tr. M.N. Dutt (1891–96) (public domain)
MBh 1 2.317
निदेशे वर्तमानानां देशे तत्रैव वर्तताम्। अनुदर्शितश्च धर्मेण देवराज्ञा च पाण्डवः॥
nideśe vartamānānāṃ deśe tatraiva vartatām| anudarśitaśca dharmeṇa devarājñā ca pāṇḍavaḥ||
Suffering in that region by the laws of Yama. This was shown to Yudhishthira by Indra and Dharma.
— tr. M.N. Dutt (1891–96) (public domain)
MBh 1 2.318
आप्लुत्याकाशगङ्गायां देहं त्यक्त्वा स मानुषम्। स्वधर्मनिर्जितं स्थानं स्वर्गे प्राप्य स धर्मराट्॥
āplutyākāśagaṅgāyāṃ dehaṃ tyaktvā sa mānuṣam| svadharmanirjitaṃ sthānaṃ svarge prāpya sa dharmarāṭ||
Then Yudhishthira, after bathing in the celestial Ganga, gave up his human body and gained that state which his acts merited.
— tr. M.N. Dutt (1891–96) (public domain)
MBh 1 2.319
मुमुदे पूजितः सर्वैः सेन्द्रैः सुरगणैः सह। एतदष्टादशं पर्व प्रोक्तं व्यासेन धीमता॥
mumude pūjitaḥ sarvaiḥ sendraiḥ suragaṇaiḥ saha| etadaṣṭādaśaṃ parva proktaṃ vyāsena dhīmatā||
He lived in happiness, honoured by Indra and the celestial. This is the eighteenth Parva narrated by the illustrious Vyasa.
— tr. M.N. Dutt (1891–96) (public domain)
MBh 1 2.320
अध्यायाः पञ्च संख्याताः पर्वण्यस्मिन्महात्मना। श्लोकानां द्वे शते चैव प्रसंख्याते तपोधनाः॥ नव श्लोकास्तथैवान्ये संख्याताः परमर्षिणा। अष्टादशैवमेतानि पर्वाण्येतान्यशेषतः॥
adhyāyāḥ pañca saṃkhyātāḥ parvaṇyasminmahātmanā| ślokānāṃ dve śate caiva prasaṃkhyāte tapodhanāḥ|| nava ślokāstathaivānye saṃkhyātāḥ paramarṣiṇā| aṣṭādaśaivametāni parvāṇyetānyaśeṣataḥ||
The number of chapters in it is five and its numbers of slokas, O Rishis, composed by the great Vyasa, is two hundred and nine. These are the contents of the eighteen Parvas.
— tr. M.N. Dutt (1891–96) (public domain)
MBh 1 2.321
खिलेषु हरिवंशश्च भविष्यं च प्रकीर्तितम्। दश श्लोकसहस्राणि विंशच्छ्लोकशतानि च॥ खिलेषु हरिवंशे च संख्यातानि महर्षिणा। एतत्सर्वं समाख्यातं भारते पर्वसंग्रहः॥
khileṣu harivaṃśaśca bhaviṣyaṃ ca prakīrtitam| daśa ślokasahasrāṇi viṃśacchlokaśatāni ca|| khileṣu harivaṃśe ca saṃkhyātāni maharṣiṇā| etatsarvaṃ samākhyātaṃ bhārate parvasaṃgrahaḥ||
There are Harivansha and Bhavishya in its appendix. The number of slokas, composed by the great Rishi in the Harivansha, is twelve thousand. These are the contents of the chapters called Parva Sangraha in the Bharata.
— tr. M.N. Dutt (1891–96) (public domain)
MBh 1 2.322
अष्टादश समाजग्मुरक्षौहिण्यो युयुत्सया। तन्महादारुणं युद्धमहान्यष्टादशाभवत्॥
aṣṭādaśa samājagmurakṣauhiṇyo yuyutsayā| tanmahādāruṇaṃ yuddhamahānyaṣṭādaśābhavat||
Eighteen Akshauhinis of soldiers assembled to fight and the battle raised for eighteen days.
— tr. M.N. Dutt (1891–96) (public domain)
MBh 1 2.323
यो विद्याच्चतुरो वेदान् साङ्गोपनिषदो द्विजः। न चाख्यानमिदं विद्यान्नैव स स्याद्विचक्षणः॥
yo vidyāccaturo vedān sāṅgopaniṣado dvijaḥ| na cākhyānamidaṃ vidyānnaiva sa syādvicakṣaṇaḥ||
He who is learned in the four Vedas with all the Angas and Upanishads, but does not know this history, cannot be considered to be wise.
— tr. M.N. Dutt (1891–96) (public domain)
MBh 1 2.324
अर्थशास्त्रमिदं प्रोक्तं धर्मशास्त्रमिदं महत्। कामशास्त्रमिदं प्रोक्तं व्यासेनामितबुद्धिना॥
arthaśāstramidaṃ proktaṃ dharmaśāstramidaṃ mahat| kāmaśāstramidaṃ proktaṃ vyāsenāmitabuddhinā||
The greatly intelligent Vyasa has spoken it as a treatise on Dharma, Artha and Kama.
— tr. M.N. Dutt (1891–96) (public domain)
MBh 1 2.325
श्रुत्वा त्विदमुपाख्यानं श्राव्यमन्यन्न रोचते। पुंस्कोकिलगिरं श्रुत्वा रूक्षा ध्वांक्षस्य वागिव॥३८२
śrutvā tvidamupākhyānaṃ śrāvyamanyanna rocate| puṃskokilagiraṃ śrutvā rūkṣā dhvāṃkṣasya vāgiva||382
Those who have heard it can never listen to other histories, as those who have heard the sweet voice of the male Kokila (bird) can never listen to the harsh cawing of the crows.
— tr. M.N. Dutt (1891–96) (public domain)
MBh 1 2.326
इतिहासोत्तमादस्माज्जायन्ते कविबुद्धयः। पञ्चभ्य इव भूतेभ्यो लोकसंविधयस्त्रयः॥
itihāsottamādasmājjāyante kavibuddhayaḥ| pañcabhya iva bhūtebhyo lokasaṃvidhayastrayaḥ||
As the three worlds have been created from the five elements, so inspiration of all poets proceeds from this excellent work.
— tr. M.N. Dutt (1891–96) (public domain)
MBh 1 2.327
अस्याख्यानस्य विषये पुराणं वर्तते द्विजाः। अन्तरिक्षस्य विषये प्रजा इव चतुर्विधाः॥
asyākhyānasya viṣaye purāṇaṃ vartate dvijāḥ| antarikṣasya viṣaye prajā iva caturvidhāḥ||
O Brahmanas, as four kinds of creatures depend on space for their existence so all the Puranas depend on this history,
— tr. M.N. Dutt (1891–96) (public domain)
MBh 1 2.328
क्रियागुणानां सर्वेषामिदमाख्यानमाश्रयः। इन्द्रियाणां समस्तानां चित्रा इव मनःक्रियाः॥
kriyāguṇānāṃ sarveṣāmidamākhyānamāśrayaḥ| indriyāṇāṃ samastānāṃ citrā iva manaḥkriyāḥ||
As all the senses are dependent on the wonderful workings of the mind, so all the acts and moral qualities depend on this treatise.
— tr. M.N. Dutt (1891–96) (public domain)
MBh 1 2.329
अनाश्रित्यैतदाख्यानं कथा भुवि न विद्यते। आहारमनपाश्रित्य शरीरस्येव धारणम्॥
anāśrityaitadākhyānaṃ kathā bhuvi na vidyate| āhāramanapāśritya śarīrasyeva dhāraṇam||
As the body depends on the food is takes, so all the stories current in the world depend on this work.
— tr. M.N. Dutt (1891–96) (public domain)
MBh 1 2.330
इदं कविवरैः सर्वैराख्यानमुपजीव्यते। उदयप्रेप्सुभिर्भूत्यैरभिजात इवेश्वरः॥
idaṃ kavivaraiḥ sarvairākhyānamupajīvyate| udayaprepsubhirbhūtyairabhijāta iveśvaraḥ||
As servants, wishing to have elevation, always depend on their noble masters, so do all poets depend on this Bharata.
— tr. M.N. Dutt (1891–96) (public domain)
MBh 1 2.331
अस्य काव्यस्य कवयो न समर्था विशेषणे। साधोरिव गृहस्थस्य शेषास्त्रय इवाश्रमाः॥
asya kāvyasya kavayo na samarthā viśeṣaṇe| sādhoriva gṛhasthasya śeṣāstraya ivāśramāḥ||
As the blessed domestic Ashrama cannot be surprised by the other Ashramas, so can no poet surpass this poem.
— tr. M.N. Dutt (1891–96) (public domain)
MBh 1 2.332
धर्मे मतिर्भवतु वः सततोत्थितानां स ह्येक एव परलोकगतस्य बन्धुः। अर्थाः स्त्रियश्च निपुणैरपि सेव्यमाना नैवाप्तभावमुपयान्ति न च स्थिरत्वम्॥
dharme matirbhavatu vaḥ satatotthitānāṃ sa hyeka eva paralokagatasya bandhuḥ| arthāḥ striyaśca nipuṇairapi sevyamānā naivāptabhāvamupayānti na ca sthiratvam||
O Rishis, be up and doing. Let your hearts be fixed in virtue, for virtue is the only friend in the other world. Even the most intelligent men can never make their wealth and wives their own hy carefully cherishing them. They are not things lasting.
— tr. M.N. Dutt (1891–96) (public domain)
MBh 1 2.333
द्वैपायनौष्ठपुटनिःसृतमप्रमेयं पुण्यं पवित्रमथ पापहरं शिवं च। यो भारतं समधिगच्छति वाच्यमानं किं तस्य पुष्करजलैरभिषेचनेन॥
dvaipāyanauṣṭhapuṭaniḥsṛtamaprameyaṃ puṇyaṃ pavitramatha pāpaharaṃ śivaṃ ca| yo bhārataṃ samadhigacchati vācyamānaṃ kiṃ tasya puṣkarajalairabhiṣecanena||
The Bharata, uttered from the lips of Dvaipayana is matchless, it is sacred, it is virtue itself. It destroys sins and produces good. What is the necessity for him, who hears it when it is being recited, to bathe in the sacred Pushkara!
— tr. M.N. Dutt (1891–96) (public domain)
MBh 1 2.334
यदह्नात् कुरुते पापं ब्राह्मणस्त्विन्द्रियैश्चरन्। महाभारतमाख्याय सन्ध्यां मुच्यति पश्चिमाम्॥३९१
yadahnāt kurute pāpaṃ brāhmaṇastvindriyaiścaran| mahābhāratamākhyāya sandhyāṃ mucyati paścimām||391
What ever sin committed in the day by a Brahmana through his senses are all purged off, if he reads the Bharata in the evening.
— tr. M.N. Dutt (1891–96) (public domain)
MBh 1 2.335
यद्रात्रौ कुरुते पापं कर्मणा मनसा गिरा। महाभारतमाख्याय पूर्व सन्ध्यां प्रमुच्यते॥
yadrātrau kurute pāpaṃ karmaṇā manasā girā| mahābhāratamākhyāya pūrva sandhyāṃ pramucyate||
Whatever sins also he might have cominit in the night by deeds words or mind are all purged off if he reads the Bharata in the first twilight of the morning.
— tr. M.N. Dutt (1891–96) (public domain)
MBh 1 2.336
यो गोशतं कनकशृङ्गमयं ददाति विप्राय वेदविदुषे च बहुश्रुताय। पुण्यां च भारतकथां शृणुयाच्च नित्यं तुल्यं फलं भवति तस्य च तस्य चैव।। ३९३।
yo gośataṃ kanakaśṛṅgamayaṃ dadāti viprāya vedaviduṣe ca bahuśrutāya| puṇyāṃ ca bhāratakathāṃ śṛṇuyācca nityaṃ tulyaṃ phalaṃ bhavati tasya ca tasya caiva|| 393|
He who gives to a Brahmana, learned in the Vedas and other sciences, one hundred cows with their horns plated with gold and he who listens, daily to the sacred histories of the Bharata, gain equal merit.
— tr. M.N. Dutt (1891–96) (public domain)
MBh 1 2.337
आख्यानं तदिदमनुत्तमं महार्थं विज्ञेयं महदिह पर्वसंग्रहेण। श्रुत्वादौ भवति नृणां सुखावगाहं विस्तीर्णं लवणजलं यथा प्लवेन॥
ākhyānaṃ tadidamanuttamaṃ mahārthaṃ vijñeyaṃ mahadiha parvasaṃgraheṇa| śrutvādau bhavati nṛṇāṃ sukhāvagāhaṃ vistīrṇaṃ lavaṇajalaṃ yathā plavena||
As the wide ocean can be easily crossed by men having boats, so this extensive history of great excellence and deep meaning can be understood by the help of this chapter, which is called Parva-Sangraha.
— tr. M.N. Dutt (1891–96) (public domain)