Mahabharata — Volume I (Dutt edition) — Chapter 199

MBh 1 199.1

वैशम्पायन उवाच पाण्डवैः सह संयोगं गतस्य दुपदस्य ह। न बभूव भयं किंचिद् देवेभ्योऽपि कथंचन॥

vaiśampāyana uvāca pāṇḍavaiḥ saha saṃyogaṃ gatasya dupadasya ha| na babhūva bhayaṃ kiṃcid devebhyo'pi kathaṃcana||

Vaishampayana said : After his alliance with the Pandavas, Drupada had all his fears dispelled; and he did not fear even the celestials.

— tr. M.N. Dutt (1891–96) (public domain)

MBh 1 199.2

कुन्तीमासाद्य ता नार्यो द्रुपदस्य महात्मनः। नाम संकीर्तयन्त्योऽस्या जग्मुः पादौ स्वमूर्धभिः॥

kuntīmāsādya tā nāryo drupadasya mahātmanaḥ| nāma saṃkīrtayantyo'syā jagmuḥ pādau svamūrdhabhiḥ||

The ladies of the illustrious Draupada's (household) all came to Kunti; and mentioning their respective names, they saluted her with their heads touching the ground.

— tr. M.N. Dutt (1891–96) (public domain)

MBh 1 199.3

कृष्णा च क्षौमसंवीता कृतकौतुकमङ्गला। कृताभिवादना श्वश्र्वास्तस्थौ प्रह्वा कृताञ्जलिः॥

kṛṣṇā ca kṣaumasaṃvītā kṛtakautukamaṅgalā| kṛtābhivādanā śvaśrvāstasthau prahvā kṛtāñjaliḥ||

Krishna, attired in red silk and with her wrists still encircled with auspicious thread, saluted her mother-in-law with reverence; and she then stood before her contentedly with joined hands.

— tr. M.N. Dutt (1891–96) (public domain)

MBh 1 199.4

रूपलक्षणसम्पन्नां शीलाचारसमन्विताम्। द्रौपदीमवदत् प्रेम्णा पृथाऽऽशीवर्चनं स्नुषाम्॥

rūpalakṣaṇasampannāṃ śīlācārasamanvitām| draupadīmavadat premṇā pṛthā''śīvarcanaṃ snuṣām||

Out of affection Pritha (Kunti) pronounced a blessing on Draupadi, endued with beauty and auspicious marks and with sweet disposition and good character.

— tr. M.N. Dutt (1891–96) (public domain)

MBh 1 199.5

यथेन्द्राणी हरिहये स्वाहा चैव विभावसो। रोहिणी च यथा सोमे दमयन्ती यथा नले॥

yathendrāṇī harihaye svāhā caiva vibhāvaso| rohiṇī ca yathā some damayantī yathā nale||

Kunti said : As Sachi is to Indra, as Svaha to Vibhavasu, as Rohini to Soma, as Damayanti to Nala.

— tr. M.N. Dutt (1891–96) (public domain)

MBh 1 199.6

यथा वैश्रवणे भद्रा वसिष्ठे चाप्यरुन्धती। यथा नारायणे लक्ष्मीस्तथा त्वं भव भर्तृषु॥

yathā vaiśravaṇe bhadrā vasiṣṭhe cāpyarundhatī| yathā nārāyaṇe lakṣmīstathā tvaṃ bhava bhartṛṣu||

As Bhadra to Vaishravana, as Arundhati to Vasishtha and as Lakshmi to Narayana, so be you to your husbands.

— tr. M.N. Dutt (1891–96) (public domain)

MBh 1 199.7

जीवसूर्वीरसूर्भद्रे बहुसौख्यसमन्विता। सुभगा भोगसम्पन्ना यज्ञपत्नी पतिव्रता॥

jīvasūrvīrasūrbhadre bahusaukhyasamanvitā| subhagā bhogasampannā yajñapatnī pativratā||

Oamiable girl, be the mother of long-lived and heroic children and possess every thing that can make you happy. Be lucky and prosperous, be faithful to your husbands and a performer of great sacrifices.

— tr. M.N. Dutt (1891–96) (public domain)

MBh 1 199.8

अतिथीनागतान् साधून् वृद्धान् बालांस्तथा गुरून्। पूजयन्त्या यथान्यायं शश्वद् गच्छन्तु ते समाः॥

atithīnāgatān sādhūn vṛddhān bālāṃstathā gurūn| pūjayantyā yathānyāyaṃ śaśvad gacchantu te samāḥ||

Let your time be ever passed in duly entertaining your guests, the strangers that come to your house, the pious men, the old men, the children and the superiors.

— tr. M.N. Dutt (1891–96) (public domain)

MBh 1 199.9

कुरुजाङ्गलमुख्येषु राष्ट्रेषु नगरेषु च। अनु त्वमभिषिच्यस्व नृपति धर्मवत्सला॥

kurujāṅgalamukhyeṣu rāṣṭreṣu nagareṣu ca| anu tvamabhiṣicyasva nṛpati dharmavatsalā||

Be installed with the virtue-loving king (Yudhishthira) as the queen of the kingdom and the capital of Kurujangala.

— tr. M.N. Dutt (1891–96) (public domain)

MBh 1 199.10

पतिभिर्निर्जितामुर्वी विक्रमेण महाबलैः। कुरु ब्राह्मणसात् सर्वामश्वमेधे महाक्रतौ॥

patibhirnirjitāmurvī vikrameṇa mahābalaiḥ| kuru brāhmaṇasāt sarvāmaśvamedhe mahākratau||

Let the whole earth, conquered by your greatly powerful husbands, be given to the Brahmanas in a great Ashvamedha sacrifice.

— tr. M.N. Dutt (1891–96) (public domain)

MBh 1 199.11

पृथिव्यां यानि रत्नानि गुणवन्ति गुणान्विते। तान्याप्नुहि त्वं कल्याणि सुखिनी शरदां शतम्॥

pṛthivyāṃ yāni ratnāni guṇavanti guṇānvite| tānyāpnuhi tvaṃ kalyāṇi sukhinī śaradāṃ śatam||

O accomplished girl, what gems of great qualities are in the world, let them all belong to you. O blessed girl, be happy for (full) one hundred years.

— tr. M.N. Dutt (1891–96) (public domain)

MBh 1 199.12

यथा च त्वाभिनन्दामि वध्वद्य क्षौमसंवृताम्। तथा भूयोऽभिनन्दिष्ये जातपुत्रां गुणान्विताम्॥

yathā ca tvābhinandāmi vadhvadya kṣaumasaṃvṛtām| tathā bhūyo'bhinandiṣye jātaputrāṃ guṇānvitām||

O daughter-in-law, as I rejoice to-day on seeing you in red silk, so I shall rejoice when you will give birth to an accomplished son.

— tr. M.N. Dutt (1891–96) (public domain)

MBh 1 199.13

वैशम्पायन उवाच ततस्तु कृतदारेभ्यः पाण्डुभ्यः प्राहिणोद्वरिः। वैदूर्यमणिचित्राणि हैमान्याभरणानि च॥

vaiśampāyana uvāca tatastu kṛtadārebhyaḥ pāṇḍubhyaḥ prāhiṇodvariḥ| vaidūryamaṇicitrāṇi haimānyābharaṇāni ca||

Vaishampayana said : After the Pandavas had been married, Hari (Krishna) sent them various golden ornaments set with pearls and Vaidurya gems.

— tr. M.N. Dutt (1891–96) (public domain)

MBh 1 199.14

वासांसि च महार्हाणि नानादेश्यानि माधवः। कम्बलाजिनरत्नानि स्पर्शवन्ति शुभानि च॥

vāsāṃsi ca mahārhāṇi nānādeśyāni mādhavaḥ| kambalājinaratnāni sparśavanti śubhāni ca||

Madhava (Krishna) also sent (to them) costly robes of various countries, many beautiful and soft blankets and skins,

— tr. M.N. Dutt (1891–96) (public domain)

MBh 1 199.15

शयनासनयानानि विविधानि महान्ति च। वैदूर्यवज्रचित्राणि शतशो भाजनानि च॥

śayanāsanayānāni vividhāni mahānti ca| vaidūryavajracitrāṇi śataśo bhājanāni ca||

Various costly beds, carpets and conveyance and hundreds of vessels set with diamonds and Vaidurya gems. to

— tr. M.N. Dutt (1891–96) (public domain)

MBh 1 199.16

रूपयौवनदाक्षिण्यैरुपेताश्च स्वलंकृताः। प्रेष्याः सम्प्रददौ कृष्णो नाना देश्याः स्वलंकृताः।।१६।

rūpayauvanadākṣiṇyairupetāśca svalaṃkṛtāḥ| preṣyāḥ sampradadau kṛṣṇo nānā deśyāḥ svalaṃkṛtāḥ||16|

Krishna gave them thousands of maidservants, all young, beautiful and accomplished and adorned with all ornaments and brought from various countries.

— tr. M.N. Dutt (1891–96) (public domain)

MBh 1 199.17

गजान् विनीतान् भद्राश्च सदश्वांश्च स्वलंकृतान्। रथांश्च दान्तान् सौवर्णैः शुभैः पट्टैरलंकृतान्॥

gajān vinītān bhadrāśca sadaśvāṃśca svalaṃkṛtān| rathāṃśca dāntān sauvarṇaiḥ śubhaiḥ paṭṭairalaṃkṛtān||

He also gave them many well-trained elephants of the country of the Madras, many excellent horses adorned with ornaments and many chariots drawn by heroes of excellent colours and large teeth.

— tr. M.N. Dutt (1891–96) (public domain)

MBh 1 199.18

कोटिशश्च सुवर्णं च तेषामकृतकं तथा। वीथीकृतममेयात्मा प्राहिणोन्मधुसूदनः॥

koṭiśaśca suvarṇaṃ ca teṣāmakṛtakaṃ tathā| vīthīkṛtamameyātmā prāhiṇonmadhusūdanaḥ||

Madhusudan (Krishna) of immeasurable soul sent to them also in separate heaps millions of coins of pure gold.

— tr. M.N. Dutt (1891–96) (public domain)

MBh 1 199.19

तत् सर्वं प्रतिजग्राह धर्मराजो युधिष्ठिरः। मुदा परमया युक्तो गोविन्दप्रियकाम्यया॥

tat sarvaṃ pratijagrāha dharmarājo yudhiṣṭhiraḥ| mudā paramayā yukto govindapriyakāmyayā||

Wishing to please Govinda (Krishna), Dharmaraja Yudhishthira, being himself filled with great joy, accepted all those presents.

— tr. M.N. Dutt (1891–96) (public domain)