Mahabharata — Volume I (Dutt edition) — Chapter 196
MBh 1 196.1
वैशम्पायन उवाच ततस्ते पाण्डवाः सर्वे पाञ्चाल्यश्च महायशाः। प्रत्युत्थाय महात्मानं कृष्णं सर्वेऽभ्यवादयन्॥
vaiśampāyana uvāca tataste pāṇḍavāḥ sarve pāñcālyaśca mahāyaśāḥ| pratyutthāya mahātmānaṃ kṛṣṇaṃ sarve'bhyavādayan||
Vaishampayana said : Thereupon all the Pandavas and the illustrious Panchala king and all others stood up; and they saluted the illustrious Krishna (Dvaipayana).
— tr. M.N. Dutt (1891–96) (public domain)
MBh 1 196.2
प्रतिनन्द्य स तां पूजां पृष्ट्वा कुशलमन्ततः। आसने काञ्चने शुद्धे निषसाद महामनाः॥
pratinandya sa tāṃ pūjāṃ pṛṣṭvā kuśalamantataḥ| āsane kāñcane śuddhe niṣasāda mahāmanāḥ||
The high-souled (Rishi) saluted them in return and inquired after their welfare; he then sat down on a holy carpet made of gold.
— tr. M.N. Dutt (1891–96) (public domain)
MBh 1 196.3
अनुज्ञातास्तु ते सर्वे कृष्णेनामिततेजसा। आसनेषु महार्हेषु निषेदुर्द्विपदां वराः॥
anujñātāstu te sarve kṛṣṇenāmitatejasā| āsaneṣu mahārheṣu niṣedurdvipadāṃ varāḥ||
Commanded by the immeasurable energetic Krishna (Dvaipayana), those foremost of men all sat down on costly seats.
— tr. M.N. Dutt (1891–96) (public domain)
MBh 1 196.4
ततो मुहूर्तान्मधुरां वाणीमुच्चार्य पार्षतः। पप्रच्छ तं महात्मानं द्रौपद्यर्थं विशाम्पते॥
tato muhūrtānmadhurāṃ vāṇīmuccārya pārṣataḥ| papraccha taṃ mahātmānaṃ draupadyarthaṃ viśāmpate||
Thereupon a moment after the son of Prishata in sweet words asked that illustrious man about the marriage of Draupadi.
— tr. M.N. Dutt (1891–96) (public domain)
MBh 1 196.5
कथमेका बहूनां स्याद् धर्मपत्नी न संकरः। एतन्मे भगवान् सर्वं प्रब्रवीतु यथातथम्॥
kathamekā bahūnāṃ syād dharmapatnī na saṃkaraḥ| etanme bhagavān sarvaṃ prabravītu yathātatham||
Drupada said : O illustrious one, how can one women become the wife of many men without being defiled by sin. Tell me truly all this in detail.
— tr. M.N. Dutt (1891–96) (public domain)
MBh 1 196.6
व्यास उवाच अस्मिन् धर्मे विप्रलब्धे लोकवेदविरोधके। यस्य यस्य मतं यद् यच्छ्रोतुमिच्छामि तस्य तत्॥
vyāsa uvāca asmin dharme vipralabdhe lokavedavirodhake| yasya yasya mataṃ yad yacchrotumicchāmi tasya tat||
Vyasa said : O king, this, being opposed to both usage and the Vedas, has become obsolete. I desire to hear what is the opinion of each of you in this matter.
— tr. M.N. Dutt (1891–96) (public domain)
MBh 1 196.7
दुपद उवाच अधर्मोऽयं मम मतो विरुद्धो लोकवेदयोः। न ह्येका विद्यते पत्नी बहुनां द्विजसत्तम॥
dupada uvāca adharmo'yaṃ mama mato viruddho lokavedayoḥ| na hyekā vidyate patnī bahunāṃ dvijasattama||
Drupada said : In my opinion this practice is sinful, because it is opposed to both the usage and the Vedas. O best of the twice born, there is nowhere a wife with many husbands.
— tr. M.N. Dutt (1891–96) (public domain)
MBh 1 196.8
न चाप्याचरितः पूर्वैरयं धर्मो महात्मभिः। न चाप्यधर्मो विद्वद्भिश्चरितव्यः कथंचन॥
na cāpyācaritaḥ pūrvairayaṃ dharmo mahātmabhiḥ| na cāpyadharmo vidvadbhiścaritavyaḥ kathaṃcana||
The illustrious men of former ages had never such an usage amongst them. The wise should never commit a sin,
— tr. M.N. Dutt (1891–96) (public domain)
MBh 1 196.9
ततोऽहं न करोम्येनं व्यवसायं क्रियां प्रति। धर्मः सदैव संदिग्धः प्रतिभाति हि मे त्वयम्॥
tato'haṃ na karomyenaṃ vyavasāyaṃ kriyāṃ prati| dharmaḥ sadaiva saṃdigdhaḥ pratibhāti hi me tvayam||
I can therefore never make up my mind to act in this way. The practice appears to me to be of doubtful morality.
— tr. M.N. Dutt (1891–96) (public domain)
MBh 1 196.10
धृष्टद्युम्न उवाच यवीयसः कथं भार्या ज्येष्ठो भ्राता द्विजर्षभ। ब्रह्मन् समभिवर्तेन सवृत्तः संस्तपोधन॥
dhṛṣṭadyumna uvāca yavīyasaḥ kathaṃ bhāryā jyeṣṭho bhrātā dvijarṣabha| brahman samabhivartena savṛttaḥ saṃstapodhana||
Dhristadyumna said : O best of the twice born, O ascetic Rishi, O Brahmana, how can the elder brother, if he is at all of good character, can approach the wife of his younger brother?
— tr. M.N. Dutt (1891–96) (public domain)
MBh 1 196.11
न तु धर्मस्य सूक्ष्मत्वाद् गतिं विद्म कथंचन। अधर्मो धर्म इति वा व्यवसायो न शक्यते॥
na tu dharmasya sūkṣmatvād gatiṃ vidma kathaṃcana| adharmo dharma iti vā vyavasāyo na śakyate||
The ways of morality are always subtle. Therefore, we do not know them. We cannot, therefore, say what is comfortable to virtue and what is not.
— tr. M.N. Dutt (1891–96) (public domain)
MBh 1 196.12
कर्तुमस्मद्विधैर्ब्रह्मस्ततोऽयं न व्यवस्यते। पञ्चानां महिषी कृष्णा भवत्विति कथंचन॥
kartumasmadvidhairbrahmastato'yaṃ na vyavasyate| pañcānāṃ mahiṣī kṛṣṇā bhavatviti kathaṃcana||
We cannot therefore perform such an act with a safe mind. O Brahmana, I can never say, "Let Krishna be the wife of five (husbands).
— tr. M.N. Dutt (1891–96) (public domain)
MBh 1 196.13
युधिष्ठिर उवाच न मे वागनृतं प्राह नाधर्मे धीयते मतिः। वर्तते हि मनो मेऽत्र नैषोऽधर्मः कथंचन॥
yudhiṣṭhira uvāca na me vāganṛtaṃ prāha nādharme dhīyate matiḥ| vartate hi mano me'tra naiṣo'dharmaḥ kathaṃcana||
Yudhishthira said : My tongue never utters an untruth and my heart never turns to sin. When my heart approves it, it can never be sinful.
— tr. M.N. Dutt (1891–96) (public domain)
MBh 1 196.14
श्रूयते हि पुराणेऽपि जटिला नाम गौतमी। ऋषीनध्यासितवती सप्त धर्मभृतां वरा॥
śrūyate hi purāṇe'pi jaṭilā nāma gautamī| ṛṣīnadhyāsitavatī sapta dharmabhṛtāṃ varā||
I have heard in the Puranas that a lady of the Gautama race named Jatila, the foremost of all virtuous women, married seven Rishis (all together.)
— tr. M.N. Dutt (1891–96) (public domain)
MBh 1 196.15
तथैव मुनिजा वाक्षी तपोभिर्भावितात्मनः। संगताभूद् दश भ्रातहनेकनाम्नः प्रचेतसः॥
tathaiva munijā vākṣī tapobhirbhāvitātmanaḥ| saṃgatābhūd daśa bhrātahanekanāmnaḥ pracetasaḥ||
So also the daughter of an ascetic married ten brothers, all of them bearing the same name of Prachetas and all of their souls were exalted by asceticism.
— tr. M.N. Dutt (1891–96) (public domain)
MBh 1 196.16
गुरोर्हि वचनं प्राहुर्धर्म्य धर्मसत्तम। गुरूणां चैव सर्वेषां माता परमको गुरुः॥
gurorhi vacanaṃ prāhurdharmya dharmasattama| gurūṇāṃ caiva sarveṣāṃ mātā paramako guruḥ||
O foremost of all men learned in the precepts of virtue, it is a cardinal virtue. Of all superiors the mother is the foremost.
— tr. M.N. Dutt (1891–96) (public domain)
MBh 1 196.17
सा चाप्युक्तवती वाचं भैक्षवद् भुज्यतामिति। तस्मादेतदहं मन्ये परं धर्मं द्विजोत्तम॥
sā cāpyuktavatī vācaṃ bhaikṣavad bhujyatāmiti| tasmādetadahaṃ manye paraṃ dharmaṃ dvijottama||
She has commanded us, saying “Enjoy all of you that which you have obtained.” O best of the twice born, it is therefore I consider this act to be virtuous.
— tr. M.N. Dutt (1891–96) (public domain)
MBh 1 196.18
कुत्युवाच एवमेतद् यथा प्राह धर्मचारी युधिष्ठिर। अनृतान्मे भयं तीव्र मुच्येऽहमनृतात् कथम्॥
kutyuvāca evametad yathā prāha dharmacārī yudhiṣṭhira| anṛtānme bhayaṃ tīvra mucye'hamanṛtāt katham||
Kunti said: It is so as the virtuous Yudhishthira has said. I am in great fear lest my words become untrue. How shall I be saved from untruth?
— tr. M.N. Dutt (1891–96) (public domain)
MBh 1 196.19
व्यास उवाव अनृतान्मोक्ष्यसे भद्रे धर्मश्चैष सनातनः। न तु वक्ष्यामि सर्वेषां पाञ्चाल शृणु मे स्वयम्॥
vyāsa uvāva anṛtānmokṣyase bhadre dharmaścaiṣa sanātanaḥ| na tu vakṣyāmi sarveṣāṃ pāñcāla śṛṇu me svayam||
Vyasa said: O amiable one, you shall be saved from untruth. This is eternal virtue. O Panchala king, I will not talk on this matter before you all. You alone will hear it.
— tr. M.N. Dutt (1891–96) (public domain)
MBh 1 196.20
यथायं विहितो धर्मो यतश्चायं सनातनः। यथा च प्राह कौन्तेय स्तथा धर्मो न संशयः॥
yathāyaṃ vihito dharmo yataścāyaṃ sanātanaḥ| yathā ca prāha kaunteya stathā dharmo na saṃśayaḥ||
(I shall tell you) how this practice has been established and why it is to be regarded as old and eternal. There is no doubt that what the son of Kunti, Yudhishthira, has said is quite conformable to virtue.
— tr. M.N. Dutt (1891–96) (public domain)
MBh 1 196.21
वैशम्पायन उवाच तत उत्थाय भगवान् व्यासो द्वैपायनः प्रभुः। करे गृहीत्वा राजानं राजवेश्म समाविशत्॥
vaiśampāyana uvāca tata utthāya bhagavān vyāso dvaipāyanaḥ prabhuḥ| kare gṛhītvā rājānaṃ rājaveśma samāviśat||
Vaishampayana said : Thereupon rose the illustrious Vyasa, the lord Dvaipayana; and taking hold of Drupada's hand he went into the palace.
— tr. M.N. Dutt (1891–96) (public domain)
MBh 1 196.22
पाण्डवाश्चापि कुन्ती च धृष्टद्युम्नश्च पार्षतः। विविशुर्यत्र तत्रैव प्रतीक्षन्ते स्म तावुभौ॥
pāṇḍavāścāpi kuntī ca dhṛṣṭadyumnaśca pārṣataḥ| viviśuryatra tatraiva pratīkṣante sma tāvubhau||
The Pandavas, Kunti and the descendant of Prishata Dhrishtaduymna, waited in that place for those two (Vyasa and Drupada).
— tr. M.N. Dutt (1891–96) (public domain)
MBh 1 196.23
ततो द्वैपायनस्तस्मै नरेन्द्राय महात्मने। आचख्यौ तद् यथा धर्मो बहूनामेकपत्निता॥
tato dvaipāyanastasmai narendrāya mahātmane| ācakhyau tad yathā dharmo bahūnāmekapatnitā||
Thereupon Dvaipayana explained to that illustrious king how the marriage of one wife with many husbands is conformable to virtue.
— tr. M.N. Dutt (1891–96) (public domain)