Mahabharata — Volume I (Dutt edition) — Chapter 184
MBh 1 184.1
वैशम्पायन उवाच ततस्ते नरशार्दूला भ्रातरः पञ्च पाण्डवाः। प्रययुर्दोपदी द्रष्टुं तं च देशं महोत्सवम्॥
vaiśampāyana uvāca tataste naraśārdūlā bhrātaraḥ pañca pāṇḍavāḥ| prayayurdopadī draṣṭuṃ taṃ ca deśaṃ mahotsavam||
Vaishampayana said : Then those best men, the five Pandava brothers, set out out to see Draupadi, the (Panchala) country and the festivities (of Svaimvara.)
— tr. M.N. Dutt (1891–96) (public domain)
MBh 1 184.2
ते प्रयाता नरव्याघ्राः सह मात्रा परंतपाः। ब्राह्मणान् ददृशुर्मार्गे गच्छतः संगतान् बहून्॥
te prayātā naravyāghrāḥ saha mātrā paraṃtapāḥ| brāhmaṇān dadṛśurmārge gacchataḥ saṃgatān bahūn||
Those best of men, those chastisers of foes, saw with their mother many Brahmanas on their way going together (towards Panchala).
— tr. M.N. Dutt (1891–96) (public domain)
MBh 1 184.3
त ऊचुर्ब्राह्मणा राजन् पाण्डवान् ब्रह्मचारिणः। क्व भवन्तो गमिष्यन्ति कुतो वाभ्यागता इह॥
ta ūcurbrāhmaṇā rājan pāṇḍavān brahmacāriṇaḥ| kva bhavanto gamiṣyanti kuto vābhyāgatā iha||
O king, those Brahmacharis, those Brahmanas, asked the Pandavas, “Where are you going? Whence have you come?
— tr. M.N. Dutt (1891–96) (public domain)
MBh 1 184.4
युधिष्ठिर उवाच आगतानेकचक्रायाः सोदर्यानेकचारिणः। भवन्तो वै विजानन्तु सह मात्रा द्विजर्षभाः॥
yudhiṣṭhira uvāca āgatānekacakrāyāḥ sodaryānekacāriṇaḥ| bhavanto vai vijānantu saha mātrā dvijarṣabhāḥ||
Yudhishthira said : O best of the twice born, know, Sirs, that we are five brothers travelling with our mother. We are now coming from Ekachakra.
— tr. M.N. Dutt (1891–96) (public domain)
MBh 1 184.5
ब्राह्मणा ऊचुः गच्छताद्यैव पञ्चालान् दुपदस्य निवेशने। स्वयंवरो महांस्तत्र भविता सुमहाधनः॥
brāhmaṇā ūcuḥ gacchatādyaiva pañcālān dupadasya niveśane| svayaṃvaro mahāṃstatra bhavitā sumahādhanaḥ||
The Brahmanas said: Go even this very day to the house of the Panchala Drupada. There will be held a great Svaimvara, in which a large sum of money will be spent. with eyes
— tr. M.N. Dutt (1891–96) (public domain)
MBh 1 184.6
एकसार्थं प्रयाताः स्म वयं तत्रैव गामिनः। तत्र ह्यद्भुतसंकाशो भविता सुमहोत्सवः॥
ekasārthaṃ prayātāḥ sma vayaṃ tatraiva gāminaḥ| tatra hyadbhutasaṃkāśo bhavitā sumahotsavaḥ||
We are going there; let us go together. Extraordinary festivities will take place there.
— tr. M.N. Dutt (1891–96) (public domain)
MBh 1 184.7
यज्ञसेनस्य दुहिता द्रुपदस्य महात्मनः। वेदीमध्यात् समुत्पन्ना पद्मपत्रनिभेक्षणा॥
yajñasenasya duhitā drupadasya mahātmanaḥ| vedīmadhyāt samutpannā padmapatranibhekṣaṇā||
The daughter of the illustrious Yajnasena Drupada was born from the sacrificial altar, like lotus leaves,
— tr. M.N. Dutt (1891–96) (public domain)
MBh 1 184.8
दर्शनीयानवद्याङ्गी सुकुमारी मनस्विनी। धृष्टद्युम्नस्य भगिनी द्रोणशत्रोः प्रतापिनः॥
darśanīyānavadyāṅgī sukumārī manasvinī| dhṛṣṭadyumnasya bhaginī droṇaśatroḥ pratāpinaḥ||
With features faultless and with beauty, youth and intelligence; she is the sister of the powerful Dhrishtadyuman, the (would be) slayer of Drona,
— tr. M.N. Dutt (1891–96) (public domain)
MBh 1 184.9
यो जात: कवची खड्गी सशरः सशरासनः। सुसमिद्धे महाबाहुः पावके पावकोपमः॥
yo jāta: kavacī khaḍgī saśaraḥ saśarāsanaḥ| susamiddhe mahābāhuḥ pāvake pāvakopamaḥ||
Who rose as a mighty-armed hero with natural armour, sword, bow and arrows from the blazing fire, himself looking like a second fire.
— tr. M.N. Dutt (1891–96) (public domain)
MBh 1 184.10
स्वसा तस्यानवद्याङ्गी द्रौपदी तनुमध्यमा। नीलोत्पलसमो गन्धो यस्याः क्रोशात् प्रवाति वै॥
svasā tasyānavadyāṅgī draupadī tanumadhyamā| nīlotpalasamo gandho yasyāḥ krośāt pravāti vai||
His sister is the slender wasted and faultless featured Draupadi, whose body emits the Perfume of lotus over full two miles around.
— tr. M.N. Dutt (1891–96) (public domain)
MBh 1 184.11
यज्ञसेनस्य च सुतां स्वयंवरकृतक्षणाम्। गच्छामो वै वयं द्रष्टुं तं च दिव्यं महोत्सवम्॥
yajñasenasya ca sutāṃ svayaṃvarakṛtakṣaṇām| gacchāmo vai vayaṃ draṣṭuṃ taṃ ca divyaṃ mahotsavam||
That daughter of Yajnasena will select a husband in a Svaimvara. We are going there to see her and witness the great celestials-like festivities.
— tr. M.N. Dutt (1891–96) (public domain)
MBh 1 184.12
राजानो राजपुत्राश्च यज्वानो भूरिदक्षिणाः। स्वाध्यायवन्तः शुचयो महात्मानो यतव्रताः॥
rājāno rājaputrāśca yajvāno bhūridakṣiṇāḥ| svādhyāyavantaḥ śucayo mahātmāno yatavratāḥ||
The kings and princes who are performers of sacrifices in which Dakshina is large, who are devoted to study, who are pure, who are high-souled and vow-observing,
— tr. M.N. Dutt (1891–96) (public domain)
MBh 1 184.13
तरुणा दर्शनीयाश्च नानादेशसमागताः। महारथा कृतास्त्राश्च समुपैष्यन्ति भूमिपाः॥
taruṇā darśanīyāśca nānādeśasamāgatāḥ| mahārathā kṛtāstrāśca samupaiṣyanti bhūmipāḥ||
Who are young and handsome, who are great car warriors and accomplished in arms, will all be present there from various countries.
— tr. M.N. Dutt (1891–96) (public domain)
MBh 1 184.14
ते तत्र विविधान् दायान् विजयार्थं नरेश्वराः। प्रदास्यन्ति धनं गाश्च भक्ष्यं भोज्यं च सर्वशः॥
te tatra vividhān dāyān vijayārthaṃ nareśvarāḥ| pradāsyanti dhanaṃ gāśca bhakṣyaṃ bhojyaṃ ca sarvaśaḥ||
Being desirous of victory (to be successful in obtaining Draupadi)those kings, will all give away much wealth, kine, food and other articles of enjoyments.
— tr. M.N. Dutt (1891–96) (public domain)
MBh 1 184.15
प्रतिगृह्य च तत् सर्वं दृष्ट्वा चैव स्वयंवरम्। अनुभूयोत्सवं चैव गमिष्यामो यथेप्सितम्॥
pratigṛhya ca tat sarvaṃ dṛṣṭvā caiva svayaṃvaram| anubhūyotsavaṃ caiva gamiṣyāmo yathepsitam||
Taking all that they will give, seeing the Svaimvara and enjoying the festivities, we shall then go wherever we like.
— tr. M.N. Dutt (1891–96) (public domain)
MBh 1 184.16
नटा वैतालिकास्तत्र नर्तकाः सूतमागधाः। नियोधकाच देशेभ्यः समेष्यन्ति महावलाः॥
naṭā vaitālikāstatra nartakāḥ sūtamāgadhāḥ| niyodhakāca deśebhyaḥ sameṣyanti mahāvalāḥ||
There will come in that Svaimvara) from many countries, the singers of king's penegeries, the dancers, the reciters of Puranas, the heralds and the powerful athletes.
— tr. M.N. Dutt (1891–96) (public domain)
MBh 1 184.17
एवं कौतूहलं कृत्वा दृष्ट्वा च प्रतिगृह्य च। सहास्माभिर्महात्मानः पुनः प्रतिनिवर्व्यथ॥
evaṃ kautūhalaṃ kṛtvā dṛṣṭvā ca pratigṛhya ca| sahāsmābhirmahātmānaḥ punaḥ pratinivarvyatha||
O high-souled men seeing all these wonderful sights and taking what will be given away, you will also return with us.
— tr. M.N. Dutt (1891–96) (public domain)
MBh 1 184.18
दर्शनीयांश्च वः सर्वान् देवरूपानवस्थितान्। समीक्ष्य कृष्णा वरयेत् संगत्यैकतमं वरम्॥
darśanīyāṃśca vaḥ sarvān devarūpānavasthitān| samīkṣya kṛṣṇā varayet saṃgatyaikatamaṃ varam||
You are handsome, you look all like the celestials: it may be that seeing you, Krishna may chose some one amongst you, superior to the rest, ( as her husband),
— tr. M.N. Dutt (1891–96) (public domain)
MBh 1 184.19
अयं भ्राता तव श्रीमान् दर्शनीयो महाभुजः। नियुज्यमानो विजये संगत्या द्रविणं बहु। आहरिष्यन्नयं नूनं प्रीतिं वो वर्धयिष्यति॥
ayaṃ bhrātā tava śrīmān darśanīyo mahābhujaḥ| niyujyamāno vijaye saṃgatyā draviṇaṃ bahu| āhariṣyannayaṃ nūnaṃ prītiṃ vo vardhayiṣyati||
Your this brother is handsome and is endued with beauty; he is also mighty-armed; engaged in (athletic) encounters,) he may by chance earn great wealth.
— tr. M.N. Dutt (1891–96) (public domain)
MBh 1 184.20
युधिष्ठिर उवाच परमं भो गमिष्यामो द्रष्टुं चैव महोत्सवम्। भवद्भिः सहिताः सर्वे कन्यायास्तं स्वयंवरम्॥
yudhiṣṭhira uvāca paramaṃ bho gamiṣyāmo draṣṭuṃ caiva mahotsavam| bhavadbhiḥ sahitāḥ sarve kanyāyāstaṃ svayaṃvaram||
Yudhishthira said: We shall all go with you to see that great festivity, that Svaimvara of (the Panchala) maiden.
— tr. M.N. Dutt (1891–96) (public domain)