Mahabharata — Volume I (Dutt edition) — Chapter 181
MBh 1 181.1
गन्धर्व उवाच एवमुक्तः स विप्रर्षिर्वसिष्ठेन महात्मना। न्ययच्छदात्मनः क्रोधं सर्वलोकपराभवात्॥
gandharva uvāca evamuktaḥ sa viprarṣirvasiṣṭhena mahātmanā| nyayacchadātmanaḥ krodhaṃ sarvalokaparābhavāt||
The Gandharva said : Having been thus addressed by the illustrious Vasishtha, the Brahmana Rishi (Parashara) controlled his word destroying wrath.
— tr. M.N. Dutt (1891–96) (public domain)
MBh 1 181.2
ईजे च स महातेजाः सर्ववेदविदां वरः। ऋषी राक्षससत्रेण शाक्तेयोऽथ पराशरः॥
īje ca sa mahātejāḥ sarvavedavidāṃ varaḥ| ṛṣī rākṣasasatreṇa śākteyo'tha parāśaraḥ||
But the greatly effulgent Parashara, the son of Shakti, the foremost of all persons learned in the Vedas, performed a great Rakshasas sacrifice.
— tr. M.N. Dutt (1891–96) (public domain)
MBh 1 181.3
ततो वृद्धांश्च बालांश्च राक्षसान् स महामुनिः। ददाह वितते यज्ञे शक्तेर्वधमनुस्मरन्॥
tato vṛddhāṃśca bālāṃśca rākṣasān sa mahāmuniḥ| dadāha vitate yajñe śaktervadhamanusmaran||
Remembering the slaughter of Shakti, the great Rishi began to consume the Rakshasas, young and old, in the sacrifice that he performed.
— tr. M.N. Dutt (1891–96) (public domain)
MBh 1 181.4
न हि तं वारयामास वसिष्ठो रक्षसां वधात्। द्वितीयामस्य मा भाक्षं प्रतिज्ञामिति निश्चयात्॥
na hi taṃ vārayāmāsa vasiṣṭho rakṣasāṃ vadhāt| dvitīyāmasya mā bhākṣaṃ pratijñāmiti niścayāt||
Vasishtha from his desire of not obstructing this second vow (of his grandson) did not prevent him from destroying the Rakshasas.
— tr. M.N. Dutt (1891–96) (public domain)
MBh 1 181.5
त्रयाणां पावकानां च सत्रे तस्मिन् महामुनिः। आसीत् पुरस्ताद् दीप्तानां चतुर्थ इव पावकः॥
trayāṇāṃ pāvakānāṃ ca satre tasmin mahāmuniḥ| āsīt purastād dīptānāṃ caturtha iva pāvakaḥ||
The great Rishi (Parashara) sat in that sacrifice before three blazing fires, himself looking a fourth fire.
— tr. M.N. Dutt (1891–96) (public domain)
MBh 1 181.6
तेन यज्ञेन शुभ्रेण हूयमानेन शक्तिजः। तद्विदीपितमाकाशं सूर्येणेव धनात्यये॥
tena yajñena śubhreṇa hūyamānena śaktijaḥ| tadvidīpitamākāśaṃ sūryeṇeva dhanātyaye||
Like the sun emerged from the clouds, the firmament was illuminated by that stainless sacrifice in which large were the libation of ghee poured.
— tr. M.N. Dutt (1891–96) (public domain)
MBh 1 181.7
तं वसिष्ठादयः सर्वे मुनयस्तत्र मेनिरे। तेजसा दीप्यमानं वै द्वितीयमिव भास्करम्॥
taṃ vasiṣṭhādayaḥ sarve munayastatra menire| tejasā dīpyamānaṃ vai dvitīyamiva bhāskaram||
Then Vasishtha and the other Rishis regarded that Rishi, blazing with his own energy, as if he were a second sun.
— tr. M.N. Dutt (1891–96) (public domain)
MBh 1 181.8
ततः परमदुष्प्रापमन्यैर्ऋषिरुदारधीः। समापिपयिषुः सत्रं तमत्रिः समुपागमत्॥
tataḥ paramaduṣprāpamanyairṛṣirudāradhīḥ| samāpipayiṣuḥ satraṃ tamatriḥ samupāgamat||
Then the great and the liberal-minded Rishi Atri came to that place with the desire of ending that sacrifice, a highly difficult act for any others.
— tr. M.N. Dutt (1891–96) (public domain)
MBh 1 181.9
तथा पुलस्त्यः पुलहः क्रतुश्चैव महाक्रतुः। तत्राजग्मुरमित्रघ्न रक्षसां जीवितेप्सया॥
tathā pulastyaḥ pulahaḥ kratuścaiva mahākratuḥ| tatrājagmuramitraghna rakṣasāṃ jīvitepsayā||
O chastiser of foes, there also came Pulaha, Kratu and Mahakratu with the desire of saving the Rakshasas.
— tr. M.N. Dutt (1891–96) (public domain)
MBh 1 181.10
पुलस्त्यस्तु वधात् तेषां रक्षसां भरतर्षभ। उवाचेदं वचः पार्थ पराशरमरिंदमम्॥
pulastyastu vadhāt teṣāṃ rakṣasāṃ bharatarṣabha| uvācedaṃ vacaḥ pārtha parāśaramariṃdamam||
O best of the Bharata race, O Partha, seeing that many Rakshasas had been already killed, Pulastya spoke thus to that chastiser of foes, Parashara,
— tr. M.N. Dutt (1891–96) (public domain)
MBh 1 181.11
कच्चित् तातापविलं ते कच्चिन्नन्दसि पुत्रक। अजानतामदोषाणां सर्वेषां रक्षसां वधात्॥
kaccit tātāpavilaṃ te kaccinnandasi putraka| ajānatāmadoṣāṇāṃ sarveṣāṃ rakṣasāṃ vadhāt||
“O child, I hope there is no obstruction to your this sacrifice. Do you take, Pleasure, O child, in destroying the Rakshasas who know nothing of your father's death.
— tr. M.N. Dutt (1891–96) (public domain)
MBh 1 181.12
प्रजोच्छेदमिमं मह्यं न हि कर्तुं त्वमर्हसि। नैष तात द्विजातीनां धर्मो दृष्टस्तपस्विनाम्॥
prajocchedamimaṃ mahyaṃ na hi kartuṃ tvamarhasi| naiṣa tāta dvijātīnāṃ dharmo dṛṣṭastapasvinām||
You should not thus destroy all creatures. O sun, it is not a (proper) act for the Brahmanas devoted to asceticism.
— tr. M.N. Dutt (1891–96) (public domain)
MBh 1 181.13
शम एव परो धर्मस्तमाचर पराशर। अधर्मिष्ठं वरिष्ठः सन् कुरुषे त्वं पराशर॥
śama eva paro dharmastamācara parāśara| adharmiṣṭhaṃ variṣṭhaḥ san kuruṣe tvaṃ parāśara||
O Parashara, peace is the highest virtue; therefore practice peace. O Parashara, being such a superior man, you (should not) consider sinful acts to be for your good.
— tr. M.N. Dutt (1891–96) (public domain)
MBh 1 181.14
शक्तिं चापि हि धर्मज्ञं नातिक्रान्तुमिहार्हसि। प्रजायाश्च ममोच्छेदं न चैवं कर्तुमर्हसि॥
śaktiṃ cāpi hi dharmajñaṃ nātikrāntumihārhasi| prajāyāśca mamocchedaṃ na caivaṃ kartumarhasi||
You should not transgress against Shakti who was learned in all the precepts of religion. You should not exterminate my creatures.
— tr. M.N. Dutt (1891–96) (public domain)
MBh 1 181.15
शापाद्वि शक्तेर्वासिष्ठ तदा तदुपपादितम्। आत्मजेन स दोषेण शक्तिति इतो दिवम्॥
śāpādvi śaktervāsiṣṭha tadā tadupapāditam| ātmajena sa doṣeṇa śaktiti ito divam||
O son of Vasishtha, what befell your father all came upon him on account of his own curse. It was for his own fault that Shakti was taken to haven.
— tr. M.N. Dutt (1891–96) (public domain)
MBh 1 181.16
न हि तं राक्षसः कश्चिच्छक्तो भक्षयितुं मुने। आत्मनैवात्मनस्तेन दृष्टो मृत्युस्तदाभवत्॥
na hi taṃ rākṣasaḥ kaścicchakto bhakṣayituṃ mune| ātmanaivātmanastena dṛṣṭo mṛtyustadābhavat||
O Rishi, on Rakshasas was capable of devouring him; he himself provided for his death.
— tr. M.N. Dutt (1891–96) (public domain)
MBh 1 181.17
निमित्तभूतस्तत्रासीद् विश्वामित्रः पराशर। राजा कल्माषपादश्च दिवमारुह मोदते॥
nimittabhūtastatrāsīd viśvāmitraḥ parāśara| rājā kalmāṣapādaśca divamāruha modate||
O Parashara, Vishvamitra was mere an instrument in that matter. The king Kalmashapada, also ascending heaven, enjoy great happiness.
— tr. M.N. Dutt (1891–96) (public domain)
MBh 1 181.18
ये च शक्त्यवराः पुत्रा वसिष्ठस्य महामुने। ते च सर्वे मुदा युक्ता मोदन्ते सहिताः सुरैः॥
ye ca śaktyavarāḥ putrā vasiṣṭhasya mahāmune| te ca sarve mudā yuktā modante sahitāḥ suraiḥ||
Shakti and other sons of the great Rishi Vasishtha are all even now in great happiness enjoying themselves with the celestials.
— tr. M.N. Dutt (1891–96) (public domain)
MBh 1 181.19
सर्वमेतद् वसिष्ठस्य विदितं वै महामुने। रक्षसां च समुच्छेद एष तात तपस्विनाम्॥ निमित्तभूतस्त्वं चात्र क्रतौ वासिष्ठनन्दन। तत् सत्रं मुञ्च भद्रं ते समाप्तमिदमस्तु ते॥
sarvametad vasiṣṭhasya viditaṃ vai mahāmune| rakṣasāṃ ca samuccheda eṣa tāta tapasvinām|| nimittabhūtastvaṃ cātra kratau vāsiṣṭhanandana| tat satraṃ muñca bhadraṃ te samāptamidamastu te||
O great Rishi, all this was known to Vasishtha. O child, O grandson of Vasishtha, you have been in this sacrifice only an instrument in the destruction of those innocent Rakshasas. Be blessed. Give up this sacrifice. Let it come to an end.
— tr. M.N. Dutt (1891–96) (public domain)
MBh 1 181.20
गन्धर्व उवाच एवमुक्तः पुलस्त्येन वसिष्ठेन च धीमता। तदा समापयामास सत्रं शाक्तो महामुनिः॥
gandharva uvāca evamuktaḥ pulastyena vasiṣṭhena ca dhīmatā| tadā samāpayāmāsa satraṃ śākto mahāmuniḥ||
The Gandharva said : Having been thus addressed by Pulastya and the intelligent Vasishtha, the great Rishi, the son of Shakti (Parashara), brought that sacrifice to an end.
— tr. M.N. Dutt (1891–96) (public domain)
MBh 1 181.21
सर्वराक्षससत्राय सम्भृतं पावकं तदा। उत्तरे हिमवत्पार्श्वे उत्ससर्ज महावने॥
sarvarākṣasasatrāya sambhṛtaṃ pāvakaṃ tadā| uttare himavatpārśve utsasarja mahāvane||
He (Parashara) threw away the fire that was kindled for the Rakshasas-sacrifice into the great forest on the north of the Himalayas.
— tr. M.N. Dutt (1891–96) (public domain)
MBh 1 181.22
स तत्राद्यापि रक्षांसि वृक्षानश्मन एव च। भक्षयन् दृश्यते वह्निः सदा पर्वणि पर्वणि॥
sa tatrādyāpi rakṣāṃsi vṛkṣānaśmana eva ca| bhakṣayan dṛśyate vahniḥ sadā parvaṇi parvaṇi||
There that fire may be seen to this day, always devouring in all seasons the Rakshasas, trees and stones.
— tr. M.N. Dutt (1891–96) (public domain)