Mahabharata — Volume I (Dutt edition) — Chapter 18
MBh 1 18.1
सौतिरुवाच ततोऽभ्रशिखराकारैर्गिरिशृंङ्गैरलंकृतम्। मन्दरं पर्वतवरं लताजालसमाकुलम्॥
sautiruvāca tato'bhraśikharākārairgiriśṛṃṅgairalaṃkṛtam| mandaraṃ parvatavaraṃ latājālasamākulam||
Sauti said: There is a mountain called Mandara with peaks like the clouds. It is the best of mountains and adorned with innumerable creepers.
— tr. M.N. Dutt (1891–96) (public domain)
MBh 1 18.2
नानाविहगसंघुष्टं नानादंष्ट्रिसमाकुलम्। किन्नरैरप्सरोभिश्च देवैरपि च सेवितम्॥
nānāvihagasaṃghuṣṭaṃ nānādaṃṣṭrisamākulam| kinnarairapsarobhiśca devairapi ca sevitam||
On it do many birds pour forth their melody and may beasts of prey roam about; it is frequented by the Kinnaras, Apsaras and। celestials.
— tr. M.N. Dutt (1891–96) (public domain)
MBh 1 18.3
एकादशसहस्राणि योजनानां समुच्छ्रितम्। अधोभूमेः सहस्रेषु तावत्स्वेव प्रतिष्ठितम्॥
ekādaśasahasrāṇi yojanānāṃ samucchritam| adhobhūmeḥ sahasreṣu tāvatsveva pratiṣṭhitam||
It rises eleven thousand Yojanas upwards and descends eleven thousand Yojanas downwards.
— tr. M.N. Dutt (1891–96) (public domain)
MBh 1 18.4
तमुद्धर्तुमशक्ता वै सर्वे देवगणास्तदा। विष्णुमासीनमभ्येत्य ब्रह्माणं चेदमब्रुवन्॥
tamuddhartumaśaktā vai sarve devagaṇāstadā| viṣṇumāsīnamabhyetya brahmāṇaṃ cedamabruvan||
The celestials, having failed to uproot it, came to Vishnu and Brahma who were sitting together and said to them.
— tr. M.N. Dutt (1891–96) (public domain)
MBh 1 18.5
भवन्तावत्र कुर्वीतां बुद्धिंः नैःश्रेयसी पराम्। मन्दरोद्धरणे यत्नः क्रियतां च हिताय नः॥
bhavantāvatra kurvītāṃ buddhiṃḥ naiḥśreyasī parām| mandaroddharaṇe yatnaḥ kriyatāṃ ca hitāya naḥ||
"Devise some means you yourselves. Do try to uproot Mandara for our good.”
— tr. M.N. Dutt (1891–96) (public domain)
MBh 1 18.6
सौतिरुवाच तथेति चाब्रवीद्विष्णुर्ब्रह्मणा सह भार्गव अचोदयदमेयात्मा फणीन्द्रं पद्मलोचनः॥
sautiruvāca tatheti cābravīdviṣṇurbrahmaṇā saha bhārgava acodayadameyātmā phaṇīndraṃ padmalocanaḥ||
O son of Bhrigu, “Let it be so" said both Narayana and Brahma. The lotus-eyed (Vishnu) laid the hard task on the king of the snakes, (Ananta).
— tr. M.N. Dutt (1891–96) (public domain)
MBh 1 18.7
ततोऽनन्तः समुत्थाय ब्रह्मणा परिचोदितः। नारायणेन चाप्युक्तस्तस्मिन्कर्मणि वीर्यवान्॥ अथ पर्वतराजानं तमनन्तो महाबलः। उज्जहार बलाद्ब्रह्मन् सवनं सवनौकसम्॥
tato'nantaḥ samutthāya brahmaṇā paricoditaḥ| nārāyaṇena cāpyuktastasminkarmaṇi vīryavān|| atha parvatarājānaṃ tamananto mahābalaḥ| ujjahāra balādbrahman savanaṃ savanaukasam||
Being directed by both Brahma and Narayana to do it, the mighty Ananta uprooted the mountain with all the woods and the denizens of woods that were on it.
— tr. M.N. Dutt (1891–96) (public domain)
MBh 1 18.8
ततस्तेन सुराः सार्धं समुद्रमुपतस्थिरे। तमूचुरमृतस्यार्थे निर्मथिष्यामहे जलम्॥
tatastena surāḥ sārdhaṃ samudramupatasthire| tamūcuramṛtasyārthe nirmathiṣyāmahe jalam||
Then came all the celestial with Ananta to the shores of the ocean, Addressing it they said, “O Ocean, we have come to churn you for the Ambrosia.
— tr. M.N. Dutt (1891–96) (public domain)
MBh 1 18.9
अपां पतिरथोवाच ममाप्यंशो भवेत्ततः। सोढाऽस्मि विपुलं मर्द मन्दरभ्रमणादिति॥
apāṃ patirathovāca mamāpyaṃśo bhavettataḥ| soḍhā'smi vipulaṃ marda mandarabhramaṇāditi||
The ocean replied, “Be it so, as I shall get a share of it. I am quite able to bear the great agitation arising out of the churning of my water by Mandara.
— tr. M.N. Dutt (1891–96) (public domain)
MBh 1 18.10
ऊचुश्च कूर्मराजानमकूपारे सुरासुराः। अधिष्ठानं गिरेरस्य भवान्भवितुमर्हति॥
ūcuśca kūrmarājānamakūpāre surāsurāḥ| adhiṣṭhānaṃ girerasya bhavānbhavitumarhati||
The Devas and the Danavas then went to the Tortoise king and said, “You will have to support the mountain on your back.”
— tr. M.N. Dutt (1891–96) (public domain)
MBh 1 18.11
कूर्मेण तु तथेत्युक्त्वा पृष्ठमस्य समर्पितम्। तं शैलं तस्य पृष्ठस्थं वज्रणेन्द्रो न्यपीडयत्॥
kūrmeṇa tu tathetyuktvā pṛṣṭhamasya samarpitam| taṃ śailaṃ tasya pṛṣṭhasthaṃ vajraṇendro nyapīḍayat||
The Tortoise king having agreed, Indra pressed that mountain on its back by means of his thunderbolt.
— tr. M.N. Dutt (1891–96) (public domain)
MBh 1 18.12
मन्थानं मन्दरं कृत्वा तथा नेत्रं च वासुकिम्। देवा मथितुमारब्धाः समुद्र निधिमम्भसाम्॥ अमृतार्थे पुरा ब्रह्मंस्तथैवासुरदानवाः। एकमन्तमुपाश्लिष्टा नागराज्ञो महासुराः॥ विबुधाः सहिताः सर्वे यत: पुच्छं ततः स्थिताः।
manthānaṃ mandaraṃ kṛtvā tathā netraṃ ca vāsukim| devā mathitumārabdhāḥ samudra nidhimambhasām|| amṛtārthe purā brahmaṃstathaivāsuradānavāḥ| ekamantamupāśliṣṭā nāgarājño mahāsurāḥ|| vibudhāḥ sahitāḥ sarve yata: pucchaṃ tataḥ sthitāḥ|
The Devas and the Danavas having made Mandara the churning staff and Vasuki the rope. O Brahmana, in days of yore, began to churn the ocean for the Ambrosia. The Asuras held him by the head and the Devas by the tail.
— tr. M.N. Dutt (1891–96) (public domain)
MBh 1 18.13
अनन्तो भगवान्देवो यतो नारायणस्ततः। शिर उत्क्षिप्य नागस्य पुनः पुनरवाक्षिपत्॥
ananto bhagavāndevo yato nārāyaṇastataḥ| śira utkṣipya nāgasya punaḥ punaravākṣipat||
And Ananta, who was a manifested form of Narayana, again and again raised and lowered the hood of the Naga.
— tr. M.N. Dutt (1891–96) (public domain)
MBh 1 18.14
वासुकेरथ नागस्य सहसाक्षिप्यतः सुरैः। सधूमाः सार्चिधो वाता निष्पेतुरसकृन्मुखात्॥
vāsukeratha nāgasya sahasākṣipyataḥ suraiḥ| sadhūmāḥ sārcidho vātā niṣpeturasakṛnmukhāt||
On account of the great agitation, received at the hands of the celestials, black vapours with flames issued from the mouth of the Naga Vasuki.
— tr. M.N. Dutt (1891–96) (public domain)
MBh 1 18.15
ते धूमसंघा: संभूता मेघसंघा: सविद्युतः। अभ्यवर्षन्सुरगणान् श्रमसंतापकर्शितान्॥
te dhūmasaṃghā: saṃbhūtā meghasaṃghā: savidyutaḥ| abhyavarṣansuragaṇān śramasaṃtāpakarśitān||
From these vapours were created clouds with lightning; and they poured showers on the tired celestials who were thus refreshed.
— tr. M.N. Dutt (1891–96) (public domain)
MBh 1 18.16
तस्माच्च गिरिकूटाग्रात्प्रच्युताः पुष्पवृष्टयः। सुरासुरगणान्सर्वान्समन्तात्समवाकिरन्॥
tasmācca girikūṭāgrātpracyutāḥ puṣpavṛṣṭayaḥ| surāsuragaṇānsarvānsamantātsamavākiran||
The flowers that fell from the trees on the mountain-sides on the Devas and the Danavas also refreshed them.
— tr. M.N. Dutt (1891–96) (public domain)
MBh 1 18.17
बभूवात्र महानादो महामेघरवोपमः। उदधेर्मथ्यमानस्य मन्दरेण सुरासुरैः॥
babhūvātra mahānādo mahāmegharavopamaḥ| udadhermathyamānasya mandareṇa surāsuraiḥ||
There rose from Mandara being dragged by the Devas and the Danavas, a terrible roar like the roar of the clouds (at the Universal dissolution).
— tr. M.N. Dutt (1891–96) (public domain)
MBh 1 18.18
तत्र नानाजलचरा विनिष्पिष्टा महाद्रिणा। विलयं समुपाजग्मुः शतशो लवणाम्भसि॥
tatra nānājalacarā viniṣpiṣṭā mahādriṇā| vilayaṃ samupājagmuḥ śataśo lavaṇāmbhasi||
Various aquatic animals were crushed by the great mountain and gave up their lives in the salt sea.
— tr. M.N. Dutt (1891–96) (public domain)
MBh 1 18.19
वारुणानि च भूतानि विविधानि महीधरः। पातालतलवासीनि विलयं समुपानयत्॥
vāruṇāni ca bhūtāni vividhāni mahīdharaḥ| pātālatalavāsīni vilayaṃ samupānayat||
Many denizens of the lower region and those of the land of Varuna were killed by the mountain.
— tr. M.N. Dutt (1891–96) (public domain)
MBh 1 18.20
तस्मिश्च भ्राम्यमाणेऽद्रौ संघृष्यन्तः परस्परम्। न्यपतन्पतगोपेताः पर्वताग्रान्महाद्रुमाः॥
tasmiśca bhrāmyamāṇe'drau saṃghṛṣyantaḥ parasparam| nyapatanpatagopetāḥ parvatāgrānmahādrumāḥ||
From the whirling Mandara large trees, being struck at one another, were torn from their roots and fell into the ocean with all the birds (that roosted on their branches).
— tr. M.N. Dutt (1891–96) (public domain)
MBh 1 18.21
तेषां संघर्षजश्चाग्निरर्चिभि: प्रज्वलन्मुहुः। विद्युद्भिरिव नीलाभ्रमावृणोन्मन्दरं गिरिम्॥
teṣāṃ saṃgharṣajaścāgnirarcibhi: prajvalanmuhuḥ| vidyudbhiriva nīlābhramāvṛṇonmandaraṃ girim||
And great fires were produced from the mutual friction of the trees that frequently blazed up and the Mandara mountain looked like black clouds charged with lightning,
— tr. M.N. Dutt (1891–96) (public domain)
MBh 1 18.22
ददाह कुंजरांस्तत्र सिंहांश्चैव विनिर्गतान्। विगतासूनि सर्वाणि सत्त्वानि विविधानि च॥
dadāha kuṃjarāṃstatra siṃhāṃścaiva vinirgatān| vigatāsūni sarvāṇi sattvāni vividhāni ca||
It burnt the lions, elephants and other various creatures that were on the mountain and killed them (on the spot).
— tr. M.N. Dutt (1891–96) (public domain)
MBh 1 18.23
तमग्निममरश्रेष्ठः प्रदहन्तमितस्ततः। वारिणा मेघजेनेन्द्रः शमयामास सर्वशः।॥
tamagnimamaraśreṣṭhaḥ pradahantamitastataḥ| vāriṇā meghajenendraḥ śamayāmāsa sarvaśaḥ|||
Then the best of the celestials, Indra began to extinguish the blazing fire by pouring heavy showers.
— tr. M.N. Dutt (1891–96) (public domain)
MBh 1 18.24
ततो नानाविधास्तत्र सुस्रुवुः सागराम्भसि। महाद्रुमाणां निर्यासा बहवश्चौषधीरसाः॥
tato nānāvidhāstatra susruvuḥ sāgarāmbhasi| mahādrumāṇāṃ niryāsā bahavaścauṣadhīrasāḥ||
Then the gums of various great trees and juices from herbs mingled with the waters of the ocean.
— tr. M.N. Dutt (1891–96) (public domain)
MBh 1 18.25
तेषाममृतवीर्याणां रसानां पयसैव च। अमरत्वं सुरा जग्मुः काञ्चनस्य च नि:स्रवात्॥
teṣāmamṛtavīryāṇāṃ rasānāṃ payasaiva ca| amaratvaṃ surā jagmuḥ kāñcanasya ca ni:sravāt||
The celestials became immortal by drinking the water mixed with the liquid extract of gold and those gums which had the quality of the Ambrosia.
— tr. M.N. Dutt (1891–96) (public domain)
MBh 1 18.26
ततस्तस्य समुद्रस्य तज्जातमुदकं पयः। रसोत्तमैर्विमिदं च तत: क्षीरादभूद्धृतम्॥
tatastasya samudrasya tajjātamudakaṃ payaḥ| rasottamairvimidaṃ ca tata: kṣīrādabhūddhṛtam||
The milky water of the churned ocean by degrees produced clarified butter by virtue of those gums and juices.
— tr. M.N. Dutt (1891–96) (public domain)
MBh 1 18.27
ततो ब्रह्माणमासीनं देवा वरदमब्रुवन्। श्रान्ता:स्म सुभृशं ब्रह्मन्नोद्भवत्यमृतं च तत्॥
tato brahmāṇamāsīnaṃ devā varadamabruvan| śrāntā:sma subhṛśaṃ brahmannodbhavatyamṛtaṃ ca tat||
Thereupon the Devas came to the boongranting God who was comfortably seated on his seat and said, “O Brahman, we are spent out but the Ambrosia has not yet arisen."
— tr. M.N. Dutt (1891–96) (public domain)
MBh 1 18.28
विना नारायणं देवं सर्वेऽन्ये देवदानवाः। चिरारब्धमिदं चापि सागरस्यापि मन्थनम्॥
vinā nārāyaṇaṃ devaṃ sarve'nye devadānavāḥ| cirārabdhamidaṃ cāpi sāgarasyāpi manthanam||
Except Narayana, both the Devas and the Danavas have no strength to churn the ocean (any longer).
— tr. M.N. Dutt (1891–96) (public domain)
MBh 1 18.29
ततो नारायणं देवं ब्रह्मा वचनमब्रवीत्। विधत्स्वैषां बलं विष्णो भवानत्र परायणम्॥
tato nārāyaṇaṃ devaṃ brahmā vacanamabravīt| vidhatsvaiṣāṃ balaṃ viṣṇo bhavānatra parāyaṇam||
Then did Brahma say to Narayana, “Kindly give the celestials strength to churn the Ocean again with Mandara mountain, O Vishnu you are our refuge."
— tr. M.N. Dutt (1891–96) (public domain)
MBh 1 18.30
विष्णुरुवाच बलं ददामि सर्वेषां कमैतद्ये समास्थिताः। क्षोभ्यतां कलशः सर्वैर्मन्दरः परिवर्त्यताम्॥
viṣṇuruvāca balaṃ dadāmi sarveṣāṃ kamaitadye samāsthitāḥ| kṣobhyatāṃ kalaśaḥ sarvairmandaraḥ parivartyatām||
Narayana said : I grant all necessary strength for all those who are engaged in this action. Go, insert the mountain and churn the Ocean.
— tr. M.N. Dutt (1891–96) (public domain)
MBh 1 18.31
सूत उवाच नारायणवचः श्रुत्वा बलिनस्ते महोदधेः। तत्पयः सहिता भूयश्चक्रिरे भृशमाकुलम्॥
sūta uvāca nārāyaṇavacaḥ śrutvā balinaste mahodadheḥ| tatpayaḥ sahitā bhūyaścakrire bhṛśamākulam||
Thus hearing the words of Narayana and being re-equipped with fresh strength the celestial recommenced churning of the waters.
— tr. M.N. Dutt (1891–96) (public domain)
MBh 1 18.32
ततः शतसहस्रांशुर्मथ्यमानात्तु सागरात्। प्रसन्नात्या समुत्पन्नः सोमः शीतांशुरुज्ज्वलः॥
tataḥ śatasahasrāṃśurmathyamānāttu sāgarāt| prasannātyā samutpannaḥ somaḥ śītāṃśurujjvalaḥ||
Then from churning the ocean rose the amiable and brilliant Moon of thousand rays.
— tr. M.N. Dutt (1891–96) (public domain)
MBh 1 18.33
श्रीरनन्तरमुत्पन्ना घृतात्पाण्डुरवासिनी। सुरादेवी समुत्पन्ना तुरगः पाण्डुरस्तथा॥
śrīranantaramutpannā ghṛtātpāṇḍuravāsinī| surādevī samutpannā turagaḥ pāṇḍurastathā||
Then rose from that ghee, the whiteclothed Lakshmi; then Sura Devi (Wine) then the great white steed.
— tr. M.N. Dutt (1891–96) (public domain)
MBh 1 18.34
कौस्तुभस्तु मणिर्दिव्य उत्पन्नो घृतसंभवः। मरीचिविकचः श्रीमान्नारायण उरोगतः॥ पारिजातश्च तत्रैव सुरभिश्च महामुने। जज्ञाते तौ तदा सर्वकामफलप्रदायिनौ॥
kaustubhastu maṇirdivya utpanno ghṛtasaṃbhavaḥ| marīcivikacaḥ śrīmānnārāyaṇa urogataḥ|| pārijātaśca tatraiva surabhiśca mahāmune| jajñāte tau tadā sarvakāmaphalapradāyinau||
Then from the ghee rose the celestial gem Kaustubha, the splendid by rays, which adorns the breast of Narayana. Then rose, O Brahmana, Parijata tree and Surabhi, all giver of everything.
— tr. M.N. Dutt (1891–96) (public domain)
MBh 1 18.35
श्री: सुरा चैव सोमश्च तुरगश्च मनोजवः। यतो देवास्ततो जग्मुरादित्यपथमाश्रिताः॥
śrī: surā caiva somaśca turagaśca manojavaḥ| yato devāstato jagmurādityapathamāśritāḥ||
Lakshmi, Wine, Moon, Horse (Uchchaishrava) which is fleet as the mind, all directed by Aditya went to the place where the celestials were.
— tr. M.N. Dutt (1891–96) (public domain)
MBh 1 18.36
धन्वन्तरिस्ततो देवो वपुष्मानुदतिष्ठत। श्वेतं कमण्डलुं बिभ्रदमृतं यत्र तिष्ठति॥
dhanvantaristato devo vapuṣmānudatiṣṭhata| śvetaṃ kamaṇḍaluṃ bibhradamṛtaṃ yatra tiṣṭhati||
Then rose the divine Dhanvantari with a white vessel in his hand and there in that vessel) was the Ambrosia.
— tr. M.N. Dutt (1891–96) (public domain)
MBh 1 18.37
एतदत्यद्भुतं दृष्ट्वा दानवानां समुत्थितः। अमृतार्थे महान्नादो ममेदमिति जल्पताम्॥
etadatyadbhutaṃ dṛṣṭvā dānavānāṃ samutthitaḥ| amṛtārthe mahānnādo mamedamiti jalpatām||
Seeing this wonderful phenomenon, the Danavas raised a a great uproar for the Ambrosia, saying “It is mine."
— tr. M.N. Dutt (1891–96) (public domain)
MBh 1 18.38
श्वेतैर्दन्तैश्चतुर्भिस्तु महाकायस्ततः परम्। ऐरावतो महानागोऽभवद्वज्रभृता धृतः॥
śvetairdantaiścaturbhistu mahākāyastataḥ param| airāvato mahānāgo'bhavadvajrabhṛtā dhṛtaḥ||
Then rose the great elephant Airavata, with four white tusks and a huge body and he was seized by the wielder of thunder (Indra).
— tr. M.N. Dutt (1891–96) (public domain)
MBh 1 18.39
अतिनिर्मथनादेव कालकूटस्ततः परः। जगदावृत्य सहसा सधूमोऽग्निरिव ज्वलन्॥
atinirmathanādeva kālakūṭastataḥ paraḥ| jagadāvṛtya sahasā sadhūmo'gniriva jvalan||
Because of the great churning, then appeared deadly poison, which soon covered the whole earth and blazed up like a fire with fumes.
— tr. M.N. Dutt (1891–96) (public domain)
MBh 1 18.40
त्रैलोक्यं मोहितं यस्य गन्धमाघ्राय तद्विषम्। प्राग्रसल्लोकरक्षार्थं ब्रह्मणो वचनाच्छिवः॥
trailokyaṃ mohitaṃ yasya gandhamāghrāya tadviṣam| prāgrasallokarakṣārthaṃ brahmaṇo vacanācchivaḥ||
The three worlds were stupified by its terrible smell; and then Shiva, asked by Brahma, swallowed it to save the creation.
— tr. M.N. Dutt (1891–96) (public domain)
MBh 1 18.41
दधार भगवान्कण्ठे मन्त्रमूर्तिर्महेश्वरः। तदा प्रभृति देवस्तु नीलकण्ठ इति श्रुतिः॥
dadhāra bhagavānkaṇṭhe mantramūrtirmaheśvaraḥ| tadā prabhṛti devastu nīlakaṇṭha iti śrutiḥ||
The great Deity Maheshvara of Mantraform held it in his throat and it is said that from the very day he was called Nilkantha (bluethroated).
— tr. M.N. Dutt (1891–96) (public domain)
MBh 1 18.42
एतत्तदद्भुतं दृष्ट्वा निराशा दानवाः स्थिताः। अमृतार्थे च लक्ष्यर्थे महान्तं वैरमाश्रिताः॥
etattadadbhutaṃ dṛṣṭvā nirāśā dānavāḥ sthitāḥ| amṛtārthe ca lakṣyarthe mahāntaṃ vairamāśritāḥ||
Seeing all those wonderful phenomena, the Danavas were filled with despair. They raised up great hostilities with the celestials for the possession of Lakshmi and Ambrosia.
— tr. M.N. Dutt (1891–96) (public domain)
MBh 1 18.43
ततो नारायणो मायां मोहिनी समुपाश्रितः। स्त्रीरूपमद्भुतं कृत्वा दानवानभिसंश्रितः॥
tato nārāyaṇo māyāṃ mohinī samupāśritaḥ| strīrūpamadbhutaṃ kṛtvā dānavānabhisaṃśritaḥ||
Thereupon Narayana assumed a form of a ravishing beauty by the aid of Maya and he began a flirtation with the Danavas in the form of a female.
— tr. M.N. Dutt (1891–96) (public domain)
MBh 1 18.44
ततस्तदमृतं तस्यै ददुस्ते मूढचेतसः। स्त्रियै दानवदैतेयाः सर्वे तद्गतमानसाः॥
tatastadamṛtaṃ tasyai daduste mūḍhacetasaḥ| striyai dānavadaiteyāḥ sarve tadgatamānasāḥ||
The foolish Danavas and Daityas becoming fully, enamoured of her, placed the Ambrosia in her hands.
— tr. M.N. Dutt (1891–96) (public domain)