Mahabharata — Volume I (Dutt edition) — Chapter 173

MBh 1 173.1

गन्धर्व उवाच एवमुक्त्वा ततस्तूर्णं जगामोर्ध्वमनिन्दिता। स तु राजा पुनर्भूमौ तत्रैव निपपात ह॥

gandharva uvāca evamuktvā tatastūrṇaṃ jagāmordhvamaninditā| sa tu rājā punarbhūmau tatraiva nipapāta ha||

The Gandharva said : Having said this, that faultless (maiden) soon ascended the skies; on this the king again fell down on the ground.

— tr. M.N. Dutt (1891–96) (public domain)

MBh 1 173.2

अन्वेषमाणः सबलस्तं राजानं नृपोत्तमम्। अमात्यः सानुयात्रश्च तं ददर्श महावने॥

anveṣamāṇaḥ sabalastaṃ rājānaṃ nṛpottamam| amātyaḥ sānuyātraśca taṃ dadarśa mahāvane||

In searching that best of kings, that monarch's ministers and attendants saw him there in that state in the great forest.

— tr. M.N. Dutt (1891–96) (public domain)

MBh 1 173.3

क्षितौ निपतितं काले शक्रध्वजमिवोच्छ्रितम्। तं हि दृष्टवा महेष्वासं निरस्तं पतितं भुवि॥ बभूव सोऽस्य सचिवः सम्प्रदीप्त इवाग्निना। त्वरया चोपसंगम्य स्नेहादागतसम्भ्रमः॥

kṣitau nipatitaṃ kāle śakradhvajamivocchritam| taṃ hi dṛṣṭavā maheṣvāsaṃ nirastaṃ patitaṃ bhuvi|| babhūva so'sya sacivaḥ sampradīpta ivāgninā| tvarayā copasaṃgamya snehādāgatasambhramaḥ||

Seeing that excellent king, that great bowman, lying forsaken on the ground like a rain bow dropped from the sky, his chief minister became like one brunt by a flame of fire. Coming hastily to him with affection and respect,

— tr. M.N. Dutt (1891–96) (public domain)

MBh 1 173.4

तं समुत्थापयामास नृपतिं काममोहितम्। भूतलाद् भूमिपालेशं पितेव पतितं सुतम्॥

taṃ samutthāpayāmāsa nṛpatiṃ kāmamohitam| bhūtalād bhūmipāleśaṃ piteva patitaṃ sutam||

As a father rises up the son fallen (on the ground) he raised up the king, lying senseless on the ground having been deprived of his senses by desire.

— tr. M.N. Dutt (1891–96) (public domain)

MBh 1 173.5

प्रज्ञया वयसा चैव वृद्धः कीर्त्या नयेन च। अमात्यस्तं समुत्थाप्य बभूव विगतज्वरः॥

prajñayā vayasā caiva vṛddhaḥ kīrtyā nayena ca| amātyastaṃ samutthāpya babhūva vigatajvaraḥ||

Old the wisdom as in age and in achievements as in policy, the minister became easy of mind when he raised him up.

— tr. M.N. Dutt (1891–96) (public domain)

MBh 1 173.6

उवाच चैनं कल्याण्या वाचा मधुरयोत्थितम्। मा भर्मनुजशार्दूल भद्रमस्तु तवानघ॥

uvāca cainaṃ kalyāṇyā vācā madhurayotthitam| mā bharmanujaśārdūla bhadramastu tavānagha||

He spoke to him these words, both sweet and beneficial, “O best of men, do not fear, O sinless one,, be blessed."

— tr. M.N. Dutt (1891–96) (public domain)

MBh 1 173.7

क्षुत्पिपासापरिश्रान्तं तर्कयामास वै नृपम्। पतितं पातनं संख्ये शात्रवाणां महीतले॥

kṣutpipāsāpariśrāntaṃ tarkayāmāsa vai nṛpam| patitaṃ pātanaṃ saṃkhye śātravāṇāṃ mahītale||

The minister through the king, that destroyer of hostile forces, had been lying on the ground being overcome with hunger, thirst and fatigue.

— tr. M.N. Dutt (1891–96) (public domain)

MBh 1 173.8

वारिणा च सुशीतेन शिरस्तस्याभ्यषेचयत्। अस्फुटन्मुकुटं राज्ञः पुण्डरीकसुगन्धिना॥

vāriṇā ca suśītena śirastasyābhyaṣecayat| asphuṭanmukuṭaṃ rājñaḥ puṇḍarīkasugandhinā||

He sprinkled on the crewless head of the king cold water fragrant, with the perfume of lotus.

— tr. M.N. Dutt (1891–96) (public domain)

MBh 1 173.9

ततः प्रत्यागतप्राणस्तद् बलं बलवान् नृपः। सर्वं विसर्जयामास तमेकं सचिवं विना॥

tataḥ pratyāgataprāṇastad balaṃ balavān nṛpaḥ| sarvaṃ visarjayāmāsa tamekaṃ sacivaṃ vinā||

Thereupon, the mighty king regained his consciousness; he then sent away all his attendants except that one minister.

— tr. M.N. Dutt (1891–96) (public domain)

MBh 1 173.10

ततस्तस्याज्ञया राज्ञो विप्रतस्थे महद् बलम् स तु राजा गिरिप्रस्थे तस्मिन् पुनरुपाविशत्॥

tatastasyājñayā rājño vipratasthe mahad balam sa tu rājā giriprasthe tasmin punarupāviśat||

When that large number of attendants had gone away at the command of the king, the king again sat down on the mountain breast.

— tr. M.N. Dutt (1891–96) (public domain)

MBh 1 173.11

ततस्तस्मिन् गिरिवरे शुचिर्भूत्वा कृताञ्जलिः। आरिराधयिषुः सूर्यं तस्थावर्ध्वमु तौ॥

tatastasmin girivare śucirbhūtvā kṛtāñjaliḥ| ārirādhayiṣuḥ sūryaṃ tasthāvardhvamu tau||

Then the king becoming pure and folding his hands, worshipped Surya with his face turned upwards on that best of mountains.

— tr. M.N. Dutt (1891–96) (public domain)

MBh 1 173.12

जगाम मनसा चैव वसिष्ठमृषिसत्तमम्। पुरोहितममित्रघ्नस्तदा संवरणो नृपः॥

jagāma manasā caiva vasiṣṭhamṛṣisattamam| purohitamamitraghnastadā saṃvaraṇo nṛpaḥ||

That chastiser of foes, the king Samvarana, also mentally thought of his priest, that excellent Rishi, Vasishtha.

— tr. M.N. Dutt (1891–96) (public domain)

MBh 1 173.13

नक्तं दिनमथैकत्र स्थिते तस्मिञ्जनाधिपे। अथाजगाम विप्रर्षिस्तदा द्वादशमेऽहनि॥

naktaṃ dinamathaikatra sthite tasmiñjanādhipe| athājagāma viprarṣistadā dvādaśame'hani||

The king remained there four days and nights without intermission; and on the twelfth day the Brahmana Rishi (Vasishtha) came to him.

— tr. M.N. Dutt (1891–96) (public domain)

MBh 1 173.14

स विदित्वैव नृपतिं तपत्या हृतमानसम्। दिव्येन विधिना ज्ञात्वा भावितात्मा महानृषिः॥

sa viditvaiva nṛpatiṃ tapatyā hṛtamānasam| divyena vidhinā jñātvā bhāvitātmā mahānṛṣiḥ||

That great self-controlled Rishi knew by his ascetic power that the king's heart was stolen by Tapati.

— tr. M.N. Dutt (1891–96) (public domain)

MBh 1 173.15

तथा तु नियतात्मानं तं नृपं मुनिसत्तमः। आबभाषे स धर्मात्मा तस्यैवार्थचिकीर्षया॥

tathā tu niyatātmānaṃ taṃ nṛpaṃ munisattamaḥ| ābabhāṣe sa dharmātmā tasyaivārthacikīrṣayā||

As soon as that virtuous-minded and the best of Rishis knew this, he became desirous of benefiting the king and gave him his assurances.

— tr. M.N. Dutt (1891–96) (public domain)

MBh 1 173.16

स तस्य मनुजेन्द्रस्य पश्यतो भगवानृषिः। अर्ध्वमाचक्रमे द्रष्टुं भास्करं भास्करद्युतिः॥

sa tasya manujendrasya paśyato bhagavānṛṣiḥ| ardhvamācakrame draṣṭuṃ bhāskaraṃ bhāskaradyutiḥ||

In the very sight of the king, the illustrious Rishi ascended the sky in order to see Surya, he himself being as effulgent as that luminary.

— tr. M.N. Dutt (1891–96) (public domain)

MBh 1 173.17

सहस्रांशुं ततो विप्रः कृताञ्जलिरुपस्थितः। वसिष्ठोऽहमिति प्रीत्या स चात्मानं न्यवेदयत्॥

sahasrāṃśuṃ tato vipraḥ kṛtāñjalirupasthitaḥ| vasiṣṭho'hamiti prītyā sa cātmānaṃ nyavedayat||

Thereupon, the Brahmana (Vasishtha) came with joined hands to the deity of one thousand rays and he then introduced himself by saying, “I am Vasishtha."

— tr. M.N. Dutt (1891–96) (public domain)

MBh 1 173.18

तमुवाच महातेजा विवस्वान् मुनिसत्तमम्। महर्षे स्वागतं तेऽस्तु कथयस्व यथेप्सितम्॥

tamuvāca mahātejā vivasvān munisattamam| maharṣe svāgataṃ te'stu kathayasva yathepsitam||

Then the greatly effulgent Vivasvata thus spoke to that excellent Brahmana, "O great Rishi, welcome to you. Tell me what is your desire.

— tr. M.N. Dutt (1891–96) (public domain)

MBh 1 173.19

यदिच्छसि महाभाग मत्तः प्रवदतां वर। तत् ते दद्यामभिप्रेतं यद्यपि स्यात् सुदुष्करम्॥

yadicchasi mahābhāga mattaḥ pravadatāṃ vara| tat te dadyāmabhipretaṃ yadyapi syāt suduṣkaram||

O greatly fortunate man, O foremost of all eloquent men, whatever you desire to have, I shall give you however difficult it may be to give."

— tr. M.N. Dutt (1891–96) (public domain)

MBh 1 173.20

एवमुक्तः स तेनर्षिर्वसिष्ठः प्रत्यभाषत। प्रणिपत्य विवस्वन्तं भानुमन्तं महातपाः॥

evamuktaḥ sa tenarṣirvasiṣṭhaḥ pratyabhāṣata| praṇipatya vivasvantaṃ bhānumantaṃ mahātapāḥ||

Having been thus addressed after duly bowing down his head to him the Rishi Vasishtha of great ascetic merit, thus replied to Vivasvata.

— tr. M.N. Dutt (1891–96) (public domain)

MBh 1 173.21

वसिष्ठ उवाच यैषा ते तपती नाम सावित्र्यवरजा सुता। तां त्वां संवरणस्यार्थे वरयामि विभावसो॥

vasiṣṭha uvāca yaiṣā te tapatī nāma sāvitryavarajā sutā| tāṃ tvāṃ saṃvaraṇasyārthe varayāmi vibhāvaso||

Vasishtha said: O Vivasvata, I ask to you for Samvarana your daughter, named Tapati, the younger sister of Savitri.

— tr. M.N. Dutt (1891–96) (public domain)

MBh 1 173.22

स हि राजा बृहत्कीर्तिर्धमार्थविदुदारधीः। युक्तः संवरणो भर्ता दुहितुस्ते विहंगम॥

sa hi rājā bṛhatkīrtirdhamārthavidudāradhīḥ| yuktaḥ saṃvaraṇo bhartā duhituste vihaṃgama||

He (Samvarana) is a mighty king with great achievements; he is learned in the mysteries of religion and he is high-minded. O ranger of sky, Samvarana is the fittest husband for your daughter.

— tr. M.N. Dutt (1891–96) (public domain)

MBh 1 173.23

इत्युक्तः स तदा तेन ददानीत्येव निश्चितः। प्रत्यभाषत तं विप्रं प्रतिनन्द्य दिवाकरः॥

ityuktaḥ sa tadā tena dadānītyeva niścitaḥ| pratyabhāṣata taṃ vipraṃ pratinandya divākaraḥ||

The Gandharva said : Having been thus addressed, Divakara (Surya) resolved upon bestowing (his daughter on Samvarana) and saluting the Rishi thus replied,

— tr. M.N. Dutt (1891–96) (public domain)

MBh 1 173.24

वरः संवरणो राज्ञां त्वमृषीणां वरो मुने। तपती योषितां श्रेष्ठा किमन्यदपवर्जनात्॥

varaḥ saṃvaraṇo rājñāṃ tvamṛṣīṇāṃ varo mune| tapatī yoṣitāṃ śreṣṭhā kimanyadapavarjanāt||

"O Rishi! Samvarana is the best of kings; you are (also) the best of all Rishis; Tapati is (surely) the best of all women; what else could be done but to bestow her (on Samvarana)?

— tr. M.N. Dutt (1891–96) (public domain)

MBh 1 173.25

ततः सर्वानवद्यागी तपती तपनः स्वयम्। ददौ संवरणस्यार्थे वसिष्ठाय महात्मने॥

tataḥ sarvānavadyāgī tapatī tapanaḥ svayam| dadau saṃvaraṇasyārthe vasiṣṭhāya mahātmane||

Then Tapana himself gave to the illustrious Vasishtha (his daughter) Tapati of perfectly faultless features, so that she might be bestowed on Samvarana.

— tr. M.N. Dutt (1891–96) (public domain)

MBh 1 173.26

प्रतिजग्राह तां कन्यां महर्षिस्तपती तदा। वसिष्ठोऽथ विसृष्टस्तु पुनरेवाजगाम ह॥

pratijagrāha tāṃ kanyāṃ maharṣistapatī tadā| vasiṣṭho'tha visṛṣṭastu punarevājagāma ha||

The great Rishi Vivasvata accepted that maiden Tapati and taking leave of Surya he came back to the place,

— tr. M.N. Dutt (1891–96) (public domain)

MBh 1 173.27

यत्र विख्यातकीर्तिः स कुरूणामृषभोऽभवत्। स राजा मन्मथाविष्टस्तद्गतेनान्तरात्मना॥

yatra vikhyātakīrtiḥ sa kurūṇāmṛṣabho'bhavat| sa rājā manmathāviṣṭastadgatenāntarātmanā||

Where that best of the Kurus, the king of celebrated achievements, was. That king who had been possessed of desire and whose heart was completely fixed on her (Tapati)

— tr. M.N. Dutt (1891–96) (public domain)

MBh 1 173.28

दृष्ट्वा च देवकन्यां तां तपती चारुहासिनीम् वसिष्ठेन सहायान्तीं संहृष्टोऽभ्यधिकं बभौ॥

dṛṣṭvā ca devakanyāṃ tāṃ tapatī cāruhāsinīm vasiṣṭhena sahāyāntīṃ saṃhṛṣṭo'bhyadhikaṃ babhau||

Became exceedingly glad on seeing that celestials maiden Tapati of sweet smiles led towards him by Vasishtha.

— tr. M.N. Dutt (1891–96) (public domain)

MBh 1 173.29

रुरुचे साधिकं सुभूरापतन्ती नभस्तलात्। सौदामिनीव विभ्रष्टा द्योतयन्ती दिशस्त्विषा॥

ruruce sādhikaṃ subhūrāpatantī nabhastalāt| saudāminīva vibhraṣṭā dyotayantī diśastviṣā||

That maiden of fair eye-brows came down from the sky as lighting comes down from the clouds illuminating the ten points of heaven.

— tr. M.N. Dutt (1891–96) (public domain)

MBh 1 173.30

कृच्छ्राद् द्वादशरात्रे तु तस्य राज्ञः समाहिते। आजगाम विशुद्धात्मा वसिष्ठोः भगवानृषिः॥

kṛcchrād dvādaśarātre tu tasya rājñaḥ samāhite| ājagāma viśuddhātmā vasiṣṭhoḥ bhagavānṛṣiḥ||

The illustrious Rishi of pure soul Vasishtha came to that king when his vow of the twelfth night was over.

— tr. M.N. Dutt (1891–96) (public domain)

MBh 1 173.31

तपसाऽऽराध्य वरदं देवं गोपतिमीश्वरम्। लेभे संवरणो भार्यां वसिष्ठस्यैव तेजसा॥

tapasā''rādhya varadaṃ devaṃ gopatimīśvaram| lebhe saṃvaraṇo bhāryāṃ vasiṣṭhasyaiva tejasā||

Thus Samvarana obtained (Tapati) as his wife by worshipping the propitious lord (Surya) by ascetic penances and by the help of the great effulgence of Vasishtha.

— tr. M.N. Dutt (1891–96) (public domain)

MBh 1 173.32

ततस्तस्मिन् गिरिश्रेष्ठे देवगन्धर्वसेविते। जग्राह विधिवत् पाणिं तपत्याः स नरर्षभः॥

tatastasmin giriśreṣṭhe devagandharvasevite| jagrāha vidhivat pāṇiṃ tapatyāḥ sa nararṣabhaḥ||

That best of kings accepted the hands of Tapati in due form on the breast of that mountain frequented by the celestials and the Gandharvas.

— tr. M.N. Dutt (1891–96) (public domain)

MBh 1 173.33

वसिष्ठेनाभ्यनुज्ञातस्तस्मिन्नेव धराधरे। सोऽकामयत राजर्षिविहर्तुं सह भार्यया॥

vasiṣṭhenābhyanujñātastasminneva dharādhare| so'kāmayata rājarṣivihartuṃ saha bhāryayā||

The royal sage (Samvarana) with the permission of Vasishtha desired to sport with his wife on that mountain.

— tr. M.N. Dutt (1891–96) (public domain)

MBh 1 173.34

ततः पुरे च राष्ट्रे च वनेषूपवनेषु च। आदिदेशे महीपालस्तमेव सचिवं तदा॥

tataḥ pure ca rāṣṭre ca vaneṣūpavaneṣu ca| ādideśe mahīpālastameva sacivaṃ tadā||

He ordered the minister to rule over his capital, his kingdom, his woods and forests.

— tr. M.N. Dutt (1891–96) (public domain)

MBh 1 173.35

नृपति त्वभ्यनुज्ञाप्य वसिष्ठोऽथापचक्रमे। सोऽथ राजा गिरौ तस्मिन् विजहारामरो यथा॥

nṛpati tvabhyanujñāpya vasiṣṭho'thāpacakrame| so'tha rājā girau tasmin vijahārāmaro yathā||

Then bidding farewell to the king, Vasishtha left him and went away. Thereupon, the king sported on that mountain like a celestials.

— tr. M.N. Dutt (1891–96) (public domain)

MBh 1 173.36

ततो द्वादश वर्षाणि काननेषु वनेषु च। रेमे तस्मिन् गिरौ राजा तथैव सह भार्यया॥

tato dvādaśa varṣāṇi kānaneṣu vaneṣu ca| reme tasmin girau rājā tathaiva saha bhāryayā||

The king sported with his wife in the woods and forests on that mountain for twelve (long) years.

— tr. M.N. Dutt (1891–96) (public domain)

MBh 1 173.37

तस्य राज्ञः पुरे तस्मिन् समा द्वादश सत्तम। न ववर्ष सहस्राक्षो राष्ट्रे चैवास्य भारत॥

tasya rājñaḥ pure tasmin samā dvādaśa sattama| na vavarṣa sahasrākṣo rāṣṭre caivāsya bhārata||

O descendant of Bharata, for those twelve years the god of one thousand eyes (Indra) did nor pour any rains on the capital and the kingdom of that king.

— tr. M.N. Dutt (1891–96) (public domain)

MBh 1 173.38

ततस्तस्यामनावृष्ट्यां प्रवृत्तायामरिंदम। प्रजाः क्षयमुपाजग्मुः सर्वाः सस्थाणुजङ्गमाः॥

tatastasyāmanāvṛṣṭyāṃ pravṛttāyāmariṃdama| prajāḥ kṣayamupājagmuḥ sarvāḥ sasthāṇujaṅgamāḥ||

O chastiser of foes, when that season of draught commenced, all the people together with plants, corns and animals began to die.

— tr. M.N. Dutt (1891–96) (public domain)

MBh 1 173.39

तस्मिंस्तथाविधे काले वर्तमाने सुदारुणे। नावश्यायः पपातोल् ततः सम्यानि नारुहन्॥

tasmiṃstathāvidhe kāle vartamāne sudāruṇe| nāvaśyāyaḥ papātol tataḥ samyāni nāruhan||

During that terrible season (of draught) not even a drop of dew fell on the earth and (consequently) no corn was grown.

— tr. M.N. Dutt (1891–96) (public domain)

MBh 1 173.40

ततो विभ्रान्तमनसो जनाः क्षुद्भयपीडिताः। गृहाणि सम्परित्यज्य वभ्रमुः प्रदिशो दिशः॥

tato vibhrāntamanaso janāḥ kṣudbhayapīḍitāḥ| gṛhāṇi samparityajya vabhramuḥ pradiśo diśaḥ||

Thereupon the people, affected with the fear of hunger, left their houses in despair and fled in all directions.

— tr. M.N. Dutt (1891–96) (public domain)

MBh 1 173.41

ततस्तस्मिन् पुरे राष्ट्रे त्यक्तदारपरिग्रहाः। परस्परममर्यादाः क्षुधार्ता जजिरे जनाः॥

tatastasmin pure rāṣṭre tyaktadāraparigrahāḥ| parasparamamaryādāḥ kṣudhārtā jajire janāḥ||

The famished people of the city and the country abandoned their wives and children and grew reckless of one another.

— tr. M.N. Dutt (1891–96) (public domain)

MBh 1 173.42

तत् क्षुधातैर्निराहारैः शवभूतैस्तथा नरैः। अभवत् प्रेतराजस्य पुरं प्रेतैरिवावृतम्॥

tat kṣudhātairnirāhāraiḥ śavabhūtaistathā naraiḥ| abhavat pretarājasya puraṃ pretairivāvṛtam||

The people being affected with hunger and starvation, became like dead skeletons, and the city looked like the land of the king of the dead full of ghostly beings.

— tr. M.N. Dutt (1891–96) (public domain)

MBh 1 173.43

ततस्तत् तादृशं दृष्ट्वा स एव भगवानृषिः। अभ्यवर्षत धर्मात्मा वसिष्ठो मुनिसत्तमः॥

tatastat tādṛśaṃ dṛṣṭvā sa eva bhagavānṛṣiḥ| abhyavarṣata dharmātmā vasiṣṭho munisattamaḥ||

Thereupon, seeing the kingdom in such a state, the illustrious Rishi, the best of ascetics. the virtuous-minded Vasishtha, thought of remedying the evil.

— tr. M.N. Dutt (1891–96) (public domain)

MBh 1 173.44

तं च पार्थिवशार्दूलमानयामास तत् पुरम्। तपत्या सहितं राजन् व्युषितं शाश्वतीः समाः। ततः प्रवृष्टस्तत्रासीद् यथापूर्वं सुरारिहा॥

taṃ ca pārthivaśārdūlamānayāmāsa tat puram| tapatyā sahitaṃ rājan vyuṣitaṃ śāśvatīḥ samāḥ| tataḥ pravṛṣṭastatrāsīd yathāpūrvaṃ surārihā||

O king, he brought back that best of kings (Samvarana) with his wife (Tapati) to that city, after he had passed many years with her.

— tr. M.N. Dutt (1891–96) (public domain)

MBh 1 173.45

तस्मिन् नृपतिशार्दूले प्रविष्टे नगरं पुनः। प्रववर्ष सहस्राक्षः सस्यानि जनयन् प्रभुः॥ ततः सराष्ट्र मुमेदे तत् पुरं परया मुदा। तेन पार्थिवमुख्येन भावितं भावितात्मना॥

tasmin nṛpatiśārdūle praviṣṭe nagaraṃ punaḥ| pravavarṣa sahasrākṣaḥ sasyāni janayan prabhuḥ|| tataḥ sarāṣṭra mumede tat puraṃ parayā mudā| tena pārthivamukhyena bhāvitaṃ bhāvitātmanā||

When that best of kings again entered his capital, the state of things became as before, the god of one thousand years, the slayer of Asuras, poured rain in abundance; and he caused corn to grow. Thus being revived by that virtuous-minded and that best of kings (Samvarana), the capital and the country became exceedingly glad.

— tr. M.N. Dutt (1891–96) (public domain)

MBh 1 173.46

ततो द्वादश वर्षाणि पुनरीजे नराधिपः। तपत्या सहितः पल्या यथा शच्या मरुत्पतिः॥

tato dvādaśa varṣāṇi punarīje narādhipaḥ| tapatyā sahitaḥ palyā yathā śacyā marutpatiḥ||

Thereupon the king with his wife Tapati performed sacrifices for twelve years, as Indra did with (his wife) Shachi.

— tr. M.N. Dutt (1891–96) (public domain)

MBh 1 173.47

गन्धर्व उवाच एवमासीन्महाभागा तपती नाम पौर्विकी। तव वैवस्वती पार्थ तापत्यस्त्वं यया मतः॥

gandharva uvāca evamāsīnmahābhāgā tapatī nāma paurvikī| tava vaivasvatī pārtha tāpatyastvaṃ yayā mataḥ||

O Partha, this is the history of the greatly blessed Tapati of old, the daughter of Vivasvata, It is for her you are Tapatya.

— tr. M.N. Dutt (1891–96) (public domain)

MBh 1 173.48

तस्यां संजनयामास कुरुं संवरणो नृपः। तपत्यां तपतां श्रेष्ठ तापत्यस्त्वं ततोऽर्जुन॥

tasyāṃ saṃjanayāmāsa kuruṃ saṃvaraṇo nṛpaḥ| tapatyāṃ tapatāṃ śreṣṭha tāpatyastvaṃ tato'rjuna||

O Arjuna, the king Samvarana beget on Tapati a son, named Kuru. Born in the race of Tapati, you are called Tapatya.

— tr. M.N. Dutt (1891–96) (public domain)