Mahabharata — Volume I (Dutt edition) — Chapter 172
MBh 1 172.1
गन्धर्व उवाच अथ तस्यामदृश्यायां नृपतिः काममोहितः। पातनः शत्रुसङ्घानां पपात धरणीतले॥
gandharva uvāca atha tasyāmadṛśyāyāṃ nṛpatiḥ kāmamohitaḥ| pātanaḥ śatrusaṅghānāṃ papāta dharaṇītale||
The Gandharva said : On the disappearance of the maiden, that chastiser of foes the king, being deprived of his senses by desire, fell on the ground.
— tr. M.N. Dutt (1891–96) (public domain)
MBh 1 172.2
तस्मिन् निपतिते भूमावथ सा चारुहासिनी। पुनः पीनायतश्रोणी दर्शयामास तं नृपम्॥
tasmin nipatite bhūmāvatha sā cāruhāsinī| punaḥ pīnāyataśroṇī darśayāmāsa taṃ nṛpam||
On his falling down on the ground, that maiden of sweet smiles and of swelling and round hips, appeared again before the king.
— tr. M.N. Dutt (1891–96) (public domain)
MBh 1 172.3
अथाबभाषे कल्याणी वाचा मधुरया नृपम्। तं कुरूणां कुलकरं कामाभिहतचेतसम्॥
athābabhāṣe kalyāṇī vācā madhurayā nṛpam| taṃ kurūṇāṃ kulakaraṃ kāmābhihatacetasam||
The blessed beauty (Tapati) then spoke to that king, the perpetuator of the Kuru race, these sweet words.
— tr. M.N. Dutt (1891–96) (public domain)
MBh 1 172.4
उवाच मधुरं वाक्यं तपती प्रहसन्निव। उत्तिष्ठोत्तिष्ठ भद्रं ते न त्वमर्हस्यरिंदम्॥ मोहं नृपतिशार्दूल गन्तुमाविष्कृतः क्षितौ। एवमुक्तोऽथ नृपतिर्वाचा मधुरया गिरा॥
uvāca madhuraṃ vākyaṃ tapatī prahasanniva| uttiṣṭhottiṣṭha bhadraṃ te na tvamarhasyariṃdam|| mohaṃ nṛpatiśārdūla gantumāviṣkṛtaḥ kṣitau| evamukto'tha nṛpatirvācā madhurayā girā||
Sweetly smiling, Tapati spoke thus in sweet words, “Rise, rise, O chastiser of foes be blessed. O best of kings, you are celebrated in the word, it does not befit you to lose your senses.” Having been thus addressed by her in these sweet words,
— tr. M.N. Dutt (1891–96) (public domain)
MBh 1 172.5
ददर्श विपुलश्रोणी तामेवाभिमुखे स्थिताम्। अथ तामसितापाङ्गीमाबभाषे स पार्थिवः॥
dadarśa vipulaśroṇī tāmevābhimukhe sthitām| atha tāmasitāpāṅgīmābabhāṣe sa pārthivaḥ||
The king (opening his eyes) saw before him that maiden of swelling hips. The king then addressed that black eyed maiden thus,
— tr. M.N. Dutt (1891–96) (public domain)
MBh 1 172.6
मन्मथाग्निपरीतात्मा संदिग्धाक्षरया गिरा। साधु त्वमसितापाङ्गि कामात मत्तकाशिनि॥ भजस्व भजमानं मां प्राणा हि प्रजहन्ति माम्। त्वदर्थं हि विशालाक्षि मामयं निशितैः शरैः॥ कामः कमलगर्भामे प्रतिविध्यन् न शाम्यति। दष्टमेवमनाक्रन्दे भद्रे काममहाहिना॥
manmathāgniparītātmā saṃdigdhākṣarayā girā| sādhu tvamasitāpāṅgi kāmāta mattakāśini|| bhajasva bhajamānaṃ māṃ prāṇā hi prajahanti mām| tvadarthaṃ hi viśālākṣi māmayaṃ niśitaiḥ śaraiḥ|| kāmaḥ kamalagarbhāme pratividhyan na śāmyati| daṣṭamevamanākrande bhadre kāmamahāhinā||
In accents weak with emotion and his heart burning with the fire of desire, “O black eyed beauty. O excellent lady, be blessed. I am burning with desire; and I, therefore, solicit you. Accept me, my life is ebbing away. O lady of large eyes, O lotus eyed beauty, it is all for (not having obtained) you. The god of love pierces me day and night with his arrows. O blessed lady, I have been bitten by Kama (the god of love) who is like a large snake.
— tr. M.N. Dutt (1891–96) (public domain)
MBh 1 172.7
सा त्वं पीनायतश्रोणि मामापनुहि वरानने। त्वदधीना हि मे प्राणाः किन्नरोद्गीतभाषिणि॥१०
sā tvaṃ pīnāyataśroṇi māmāpanuhi varānane| tvadadhīnā hi me prāṇāḥ kinnarodgītabhāṣiṇi||10
O lady of faultless features, O lady of tapering things, O lady of sweet voice as that of the Kinnaris, have mercy on me; my life depends on you.
— tr. M.N. Dutt (1891–96) (public domain)
MBh 1 172.8
चारुसर्वानवद्याङ्गि पद्येन्दुप्रतिमानने। न ह्यहं त्वदृते भीरु शक्ष्यामि खलु जीवितुम्॥
cārusarvānavadyāṅgi padyendupratimānane| na hyahaṃ tvadṛte bhīru śakṣyāmi khalu jīvitum||
O lady of beautiful and faultless features, O lady with the face like the lotus or the moon, O timid lady, I shall certainly be unable to live without you.
— tr. M.N. Dutt (1891–96) (public domain)
MBh 1 172.9
कामः कमलपत्राक्षि प्रतिविध्यति मामयम्। तस्मात् कुरु विशालाक्षि मय्यनुक्रोशमङ्गने॥
kāmaḥ kamalapatrākṣi pratividhyati māmayam| tasmāt kuru viśālākṣi mayyanukrośamaṅgane||
O lotus eyed lady, O lady of large eyes, the god of love is incessantly piercing me, be merciful towards me.
— tr. M.N. Dutt (1891–96) (public domain)
MBh 1 172.10
भक्तं मामसितापाङ्गिन परित्यक्तुमर्हसि। त्वं हि मां प्रीतियोगेन त्रातुमर्हसि भाविनि॥
bhaktaṃ māmasitāpāṅgina parityaktumarhasi| tvaṃ hi māṃ prītiyogena trātumarhasi bhāvini||
O black eyed lady, you should not abandon me. O handsome lady, you should relieve me from such affliction by giving me your love.
— tr. M.N. Dutt (1891–96) (public domain)
MBh 1 172.11
त्वदर्शनकृतस्नेहं मनश्चलति मे भृशम्। न त्वां दृष्ट्वा पुनश्चान्यां द्रष्टुं कल्याणि रोचते॥
tvadarśanakṛtasnehaṃ manaścalati me bhṛśam| na tvāṃ dṛṣṭvā punaścānyāṃ draṣṭuṃ kalyāṇi rocate||
O blessed beauty, at the very first sight, my heart has been captivated by you. My mind wanders. Seeing you, I do not like to cast my eyes on any other woman.
— tr. M.N. Dutt (1891–96) (public domain)
MBh 1 172.12
प्रसीद वशगोऽहं ते भक्तं मां भज भाविनि। दृष्ट्वैव त्वां वरारोहे मन्मथो भृशमङ्गने॥
prasīda vaśago'haṃ te bhaktaṃ māṃ bhaja bhāvini| dṛṣṭvaiva tvāṃ varārohe manmatho bhṛśamaṅgane||
O beautiful maiden, be merciful, I am your obedient (slave), (I am) your adorer; accept me. O beautiful lady, O large-eyed maiden, as soon as I saw you, he god of love,
— tr. M.N. Dutt (1891–96) (public domain)
MBh 1 172.13
अन्तर्गतं विशालाक्षि विध्यति स्म पतत्रिभिः। मन्मथाग्निसमुद्धतं दाहं कमललोचने॥
antargataṃ viśālākṣi vidhyati sma patatribhiḥ| manmathāgnisamuddhataṃ dāhaṃ kamalalocane||
Entered my heart and he is piercing me with his arrows. O large eyed lady, O lotuseyed beauty, the great fire of desire is burning within me.
— tr. M.N. Dutt (1891–96) (public domain)
MBh 1 172.14
प्रीतिसंयोगयुक्ताभिरद्भिः प्रह्लादयस्व मे। पुष्पायुधं दुराधर्ष प्रचण्डशरकार्मुकम्॥ त्वदर्शनसमुद्भूतं विध्यन्तं दुस्सहैः शरैः। उपशामय कल्याणि आत्मदानेन भाविनि॥
prītisaṃyogayuktābhiradbhiḥ prahlādayasva me| puṣpāyudhaṃ durādharṣa pracaṇḍaśarakārmukam|| tvadarśanasamudbhūtaṃ vidhyantaṃ dussahaiḥ śaraiḥ| upaśāmaya kalyāṇi ātmadānena bhāvini||
Extinguish that fire by throwing on it the water of your love. O beautiful lady, pacify, by becoming mine, the irrepressible god of love that has appeared here (in my heart) armed with bow and arrows; he pierces me incessantly with his sharp arrows.
— tr. M.N. Dutt (1891–96) (public domain)
MBh 1 172.15
गान्धर्वेण विवाहेन मामुपेहि वराङ्गने। विवाहानां हि रम्भोरु गान्धर्वः श्रेष्ठ उच्यते॥
gāndharveṇa vivāhena māmupehi varāṅgane| vivāhānāṃ hi rambhoru gāndharvaḥ śreṣṭha ucyate||
O beautiful featured maiden, O lady of tapering hips, marry me according to the Gandharva form, for of all kinds of marriage the Gandharva form has been said to be the best."
— tr. M.N. Dutt (1891–96) (public domain)
MBh 1 172.16
तपत्युवाच नाहमीशाऽऽत्मनो राजन् कन्या पितृमती ह्यहम्। मयि चेदस्ति ते प्रीतिर्याचस्व पितरं मम॥
tapatyuvāca nāhamīśā''tmano rājan kanyā pitṛmatī hyaham| mayi cedasti te prītiryācasva pitaraṃ mama||
Tapati said: O king, I am not the mistress of my ownself. Know me to be a maiden living under the control of my father. If you really love me, ask me of my father.
— tr. M.N. Dutt (1891–96) (public domain)
MBh 1 172.17
यथा हि ते मया प्राणा: संगृहीता नरेश्वर। दर्शनादेव भूयस्त्वं तथा प्राणान् ममाहरः॥
yathā hi te mayā prāṇā: saṃgṛhītā nareśvara| darśanādeva bhūyastvaṃ tathā prāṇān mamāharaḥ||
O king, you say that your heart has been robbed by me; but you too have robbed my heart at the first sight.
— tr. M.N. Dutt (1891–96) (public domain)
MBh 1 172.18
न चाहमीशा देहस्य तस्मान्नृपतिसत्तम। समीपं नोपगच्छामि न स्वतन्त्रा हि योषितः॥
na cāhamīśā dehasya tasmānnṛpatisattama| samīpaṃ nopagacchāmi na svatantrā hi yoṣitaḥ||
O best of kings, I am not the mistress of my body; therefore I do not go near you. Women are never independent.
— tr. M.N. Dutt (1891–96) (public domain)
MBh 1 172.19
का हि सर्वेषु लोकेषु विश्रुताभिजनं नृपम्। कन्या नाभिलषेन्नाथं भर्तारं भक्तवत्सलम्॥
kā hi sarveṣu lokeṣu viśrutābhijanaṃ nṛpam| kanyā nābhilaṣennāthaṃ bhartāraṃ bhaktavatsalam||
Is there any girl in the three worlds who would not desire for her husband such a king as you, kind to all your dependents and born of a noble race.
— tr. M.N. Dutt (1891–96) (public domain)
MBh 1 172.20
तस्मादेवं गते काले याचस्व पितरं मम। आदित्यं प्रणिपातेन तपसा नियमेन च॥
tasmādevaṃ gate kāle yācasva pitaraṃ mama| ādityaṃ praṇipātena tapasā niyamena ca||
Therefore, when the opportunity comes, ask me of my father Aditya with due salutation, ascetic penances and vows.
— tr. M.N. Dutt (1891–96) (public domain)
MBh 1 172.21
स चेत् कामयते दातुं तव मामरिसूदन। भविष्याम्यद्य ते राजन् सततं वशवर्तिनी॥
sa cet kāmayate dātuṃ tava māmarisūdana| bhaviṣyāmyadya te rājan satataṃ vaśavartinī||
O king, O chastiser of foes, if my father bestows me on you then asked, I shall ever be your obedient (wife).
— tr. M.N. Dutt (1891–96) (public domain)
MBh 1 172.22
अहं हि तपती नाम सावित्र्यवरजा सुता। अस्य लोकप्रदीपस्य सवितुः क्षत्रियर्षभ॥
ahaṃ hi tapatī nāma sāvitryavarajā sutā| asya lokapradīpasya savituḥ kṣatriyarṣabha||
My name is Tapati, I am the younger sister of Savitri. O best of Kshatriyas, I am the daughter of Surya, the illuminator of the Universe.
— tr. M.N. Dutt (1891–96) (public domain)