Mahabharata — Volume I (Dutt edition) — Chapter 171
MBh 1 171.1
अर्जुन उवाच तापत्य इति यद् वाक्यमुक्तवानसि मामिह। तदहं ज्ञातुमिच्छामि तापत्यार्थं विनिश्चितम्॥
arjuna uvāca tāpatya iti yad vākyamuktavānasi māmiha| tadahaṃ jñātumicchāmi tāpatyārthaṃ viniścitam||
Arjuna said : You have addressed me as the descendant of Tapati. I wish to know what the precise signification of this word is.
— tr. M.N. Dutt (1891–96) (public domain)
MBh 1 171.2
तपती नाम का चैषा तापत्या यत्कृते वयम्। कौन्तेया हि वयं साधो तत्त्वमिच्छामि वेदितुम्॥
tapatī nāma kā caiṣā tāpatyā yatkṛte vayam| kaunteyā hi vayaṃ sādho tattvamicchāmi veditum||
O blessed being! we are the sons of Kunti, therefore, we are Kaunteyas, but who is Tapati that we should be called Tapatyas. I desire to hear about it.
— tr. M.N. Dutt (1891–96) (public domain)
MBh 1 171.3
वैशम्पायन उवाच एवमुक्तः स गन्धर्वः कुन्तीपुत्रं धनंजयम्। विश्रुतां त्रिषु लोकेषु श्रावयामास वै कथाम्॥
vaiśampāyana uvāca evamuktaḥ sa gandharvaḥ kuntīputraṃ dhanaṃjayam| viśrutāṃ triṣu lokeṣu śrāvayāmāsa vai kathām||
Vaishampayana said : Having been addressed by the son of Kunti, Dhananjaya, that Gandharva narrated the story who is celebrated in the three worlds.
— tr. M.N. Dutt (1891–96) (public domain)
MBh 1 171.4
गन्धर्व उवाच हन्त तं कथयिष्यामि कथामेतां मनोरमाम्। यथावदखिलां पार्थ सर्वबुद्धिमतां वर॥
gandharva uvāca hanta taṃ kathayiṣyāmi kathāmetāṃ manoramām| yathāvadakhilāṃ pārtha sarvabuddhimatāṃ vara||
The Gandharva said : O Partha, o foremost of all intelligent men, I shall duly narrate to you in detail this interesting story.
— tr. M.N. Dutt (1891–96) (public domain)
MBh 1 171.5
उक्तवानस्मि येन त्वां तापत्य इति यद् वचः। तत् तेऽहं कथयिष्यामि शृणुष्वैकमनां भव॥
uktavānasmi yena tvāṃ tāpatya iti yad vacaḥ| tat te'haṃ kathayiṣyāmi śṛṇuṣvaikamanāṃ bhava||
Here with attention what I say about the reason for which I address you as Tapatya.
— tr. M.N. Dutt (1891–96) (public domain)
MBh 1 171.6
य एष दिवि धिष्ण्येन नाकं व्याप्नोति तेजसा। एतस्य तपती नाम बभूव सदृशी सुता॥
ya eṣa divi dhiṣṇyena nākaṃ vyāpnoti tejasā| etasya tapatī nāma babhūva sadṛśī sutā||
He, who pervades the whole firmament by his light, had a daughter, named Tapati, equal to himself (in effulgence).
— tr. M.N. Dutt (1891–96) (public domain)
MBh 1 171.7
विवस्वतो वै देवस्य सावित्र्यवरजा विभो। विश्रुता त्रिषु लोकेषु तपती तपसा युता॥
vivasvato vai devasya sāvitryavarajā vibho| viśrutā triṣu lokeṣu tapatī tapasā yutā||
That daughter of the Vivasvata (Tapati) was the younger sister of Savitri. She was celebrated in the three worlds and devoted to asceticism.
— tr. M.N. Dutt (1891–96) (public domain)
MBh 1 171.8
न देवी नासुरी चैव न यक्षी न च राक्षसी। नाप्सरा न च गन्धर्वी तथा रूपेण काचन॥
na devī nāsurī caiva na yakṣī na ca rākṣasī| nāpsarā na ca gandharvī tathā rūpeṇa kācana||
There was none equal to her in beauty amongst the Deva, the Aura, the Yaksha, the Rakshas, the Apsara and the Gandharva lAdies.
— tr. M.N. Dutt (1891–96) (public domain)
MBh 1 171.9
सुविभक्तानवद्याङ्गी स्वसितायतलोचना। स्वाचारा चैव साध्वी च सुवेषा चैव भामिनी॥
suvibhaktānavadyāṅgī svasitāyatalocanā| svācārā caiva sādhvī ca suveṣā caiva bhāminī||
She was perfectly semetrical in body and faultless in features; she had black and large eyes; she was attired in beautiful robes; she was chaste and exceedingly well conducted.
— tr. M.N. Dutt (1891–96) (public domain)
MBh 1 171.10
न तस्याः सदृशं कंचित् त्रिषु लोकेषु भारत। भर्तारं सविता मेने रूपशीलगुणश्रुतैः॥
na tasyāḥ sadṛśaṃ kaṃcit triṣu lokeṣu bhārata| bhartāraṃ savitā mene rūpaśīlaguṇaśrutaiḥ||
O descendant of Bharata, seeing her, Vivasvata thought, there was none who had beauty, accomplishments,, good behaviour and learning to be fit for her husband.
— tr. M.N. Dutt (1891–96) (public domain)
MBh 1 171.11
सम्प्राप्तयौवनां पश्यन् देयां दुहितरं तु ताम्। नोपलेभे ततः शान्तिं सम्प्रदानं विचिन्तयन्॥
samprāptayauvanāṃ paśyan deyāṃ duhitaraṃ tu tām| nopalebhe tataḥ śāntiṃ sampradānaṃ vicintayan||
Seeing that his daughter had attained the age of puberty and that she was worthy of being bestowed on a husband, he had no peace of mind, for he always thought on whom he should bestow her.
— tr. M.N. Dutt (1891–96) (public domain)
MBh 1 171.12
अथर्भपुत्र: कौन्तेय कुरूणामृषभो बली। सूर्यमाराधयामास नृपः संवरणस्तदा।॥
atharbhaputra: kaunteya kurūṇāmṛṣabho balī| sūryamārādhayāmāsa nṛpaḥ saṃvaraṇastadā|||
O son of Kunti, that best of the Kurus, the son of Riksha, the mighty king Samvarana, worshipped Surya
— tr. M.N. Dutt (1891–96) (public domain)
MBh 1 171.13
अर्घ्यमाल्योपहाराद्यैर्गश्च नियतः शुचिः। नियमैरुपवासैश्च तपाभिर्विविधैरपि।॥
arghyamālyopahārādyairgaśca niyataḥ śuciḥ| niyamairupavāsaiśca tapābhirvividhairapi|||
With due offers of Arghya, garlands and scents, with being always pure and holy and with vows, fasts and asceticism of various kinds.
— tr. M.N. Dutt (1891–96) (public domain)
MBh 1 171.14
शुश्रूषुरनहंवादी शुचिः पौरवनन्दनः। अंशुमन्तं समुद्यन्तं पूजयामास भक्तिमान्॥
śuśrūṣuranahaṃvādī śuciḥ pauravanandanaḥ| aṃśumantaṃ samudyantaṃ pūjayāmāsa bhaktimān||
The descendant of Puru (Samvarana) worshipped the deity, effulgent in all his glory, with devotion, humanity and piety.
— tr. M.N. Dutt (1891–96) (public domain)
MBh 1 171.15
ततः कृतज्ञं धर्मज्ञं रूपेणासदृशं भुवि। तपत्याः सदृशं मेने सूर्यः संवरणं पतिम्॥
tataḥ kṛtajñaṃ dharmajñaṃ rūpeṇāsadṛśaṃ bhuvi| tapatyāḥ sadṛśaṃ mene sūryaḥ saṃvaraṇaṃ patim||
Thereupon Surya, seeing Samvarana, learned in the precepts of region and matchless in the world for his beauty, considered him to be the fittest husband for (his daughter) Tapati.
— tr. M.N. Dutt (1891–96) (public domain)
MBh 1 171.16
दातुमैच्छत् ततः कन्यां तस्मै संवरणाय ताम्। नृपोत्तमाय कौरव्य विश्रुताभिजनाय च॥
dātumaicchat tataḥ kanyāṃ tasmai saṃvaraṇāya tām| nṛpottamāya kauravya viśrutābhijanāya ca||
O descendant of Kuru, Surya then desired to bestow his daughter on that excellent king Samvarana of the Kuru race, who celebrated all over the world.
— tr. M.N. Dutt (1891–96) (public domain)
MBh 1 171.17
यथा हि दिवि दीप्तांशुः प्रभासयति तेजसा। तथा भुवि महीपालो दीप्त्या संवरणोऽभवत्॥
yathā hi divi dīptāṃśuḥ prabhāsayati tejasā| tathā bhuvi mahīpālo dīptyā saṃvaraṇo'bhavat||
As Surya in the heavens fills the firmament with his splendour, so did king Samvarana fill region on the earth with the splendour of his good achievements.
— tr. M.N. Dutt (1891–96) (public domain)
MBh 1 171.18
यथार्चयन्ति चादित्यमुद्यन्तं ब्रह्मवादिनः। तथा संवरणं पार्थ ब्राह्मणावरजाः प्रजाः॥
yathārcayanti cādityamudyantaṃ brahmavādinaḥ| tathā saṃvaraṇaṃ pārtha brāhmaṇāvarajāḥ prajāḥ||
O Partha, as men learned in the Vedas worship the sun manifests in all his glory, so did all men except the Brahmanas worship Samvarana.
— tr. M.N. Dutt (1891–96) (public domain)
MBh 1 171.19
स सोममति कान्तत्वादादित्यमति तेजसा। बभूव नृपतिः श्रीमान् सुहृदां दुर्हदामपि।॥
sa somamati kāntatvādādityamati tejasā| babhūva nṛpatiḥ śrīmān suhṛdāṃ durhadāmapi|||
Blessed with good fortune, the king (Samvarana) excelled Soma (moon) in soothing the hearts of friends and Surya (sun) scorching the hearts of the enemies.
— tr. M.N. Dutt (1891–96) (public domain)
MBh 1 171.20
एवंगुणस्य नृपतेस्तथावृत्तस्य कौरव। तस्मै दातुं मनश्चक्रे तपतीं तपनः स्वयम्॥
evaṃguṇasya nṛpatestathāvṛttasya kaurava| tasmai dātuṃ manaścakre tapatīṃ tapanaḥ svayam||
O descendant of Kuru, Tapana himself resolved upon bestowing Tapati on the king (Samvarana) endued with such virtue and accomplishments.
— tr. M.N. Dutt (1891–96) (public domain)
MBh 1 171.21
स कदाचिदथो राजा श्रीमानमितविक्रमः। चचार मृगयां पार्थ पर्वतोपवने किल॥
sa kadācidatho rājā śrīmānamitavikramaḥ| cacāra mṛgayāṃ pārtha parvatopavane kila||
O Partha, once a time that king, blessed with good fortune and endued with great prowess, went out to hunt in the woods on the mountains.
— tr. M.N. Dutt (1891–96) (public domain)
MBh 1 171.22
चरतो मृगयां तस्य क्षुत्पिपासासमन्वितः। ममार राज्ञः कौन्तेय गिरावप्रतिमो हयः॥
carato mṛgayāṃ tasya kṣutpipāsāsamanvitaḥ| mamāra rājñaḥ kaunteya girāvapratimo hayaḥ||
When thus hunting, the horse of that king of the Kuru race was overcome with hunger and thirst and he (horse) died on the mountains.
— tr. M.N. Dutt (1891–96) (public domain)
MBh 1 171.23
स मृताश्वश्चरन् पार्थ पद्भ्यामेव गिरौ नृपः। ददर्शासदृशीं लोके कन्यामायतलोचनाम्॥
sa mṛtāśvaścaran pārtha padbhyāmeva girau nṛpaḥ| dadarśāsadṛśīṃ loke kanyāmāyatalocanām||
O Partha, abandoning the dead horse, the king walked on the mountain and saw a maiden of large eyes and matchless beauty.
— tr. M.N. Dutt (1891–96) (public domain)
MBh 1 171.24
स एक एकामासाद्य कन्यां परबलार्दनः। तस्थौ नृपतिशार्दूलः पश्यन्नविचलेक्षणः॥
sa eka ekāmāsādya kanyāṃ parabalārdanaḥ| tasthau nṛpatiśārdūlaḥ paśyannavicalekṣaṇaḥ||
That chastiser of foes, that best of kings himself being alone and the maiden being also alone, stood motionless and he steadfastly gazed at her.
— tr. M.N. Dutt (1891–96) (public domain)
MBh 1 171.25
स हि तां तर्कयामास रूपतो नृपतिः श्रियम्। पुनः संतर्कयामास रवर्धष्टामिव प्रभाम्॥
sa hi tāṃ tarkayāmāsa rūpato nṛpatiḥ śriyam| punaḥ saṃtarkayāmāsa ravardhaṣṭāmiva prabhām||
The king regarded her for her beauty as the goddess Lakshmi. He regarded her beauty to be the embodiment of the rays emanating from the sun.
— tr. M.N. Dutt (1891–96) (public domain)
MBh 1 171.26
वपुषा वर्चसा चैव शिखामिव विभावसोः। प्रसन्नत्वेन कान्त्या च चन्द्ररेखामिवामलाम्॥
vapuṣā varcasā caiva śikhāmiva vibhāvasoḥ| prasannatvena kāntyā ca candrarekhāmivāmalām||
In splendour of body, she resembled a flame of fire and in benignity and loveliness she resembled the spotless disc of the moon.
— tr. M.N. Dutt (1891–96) (public domain)
MBh 1 171.27
गिरिपृष्ठे तु सा यस्मिन् स्थिता स्वसितलोचना। विभ्राजमाना शुशुभे प्रतिमेव हिरण्मयी॥
giripṛṣṭhe tu sā yasmin sthitā svasitalocanā| vibhrājamānā śuśubhe pratimeva hiraṇmayī||
The black eyed maiden, standing on the mountain breast, looked like a bright statue of gold.
— tr. M.N. Dutt (1891–96) (public domain)
MBh 1 171.28
तस्या रूपेण स गिरिवेषण च विशेषतः। स सवृक्षक्षुपलतो हिरण्मय इवाभवत्॥
tasyā rūpeṇa sa giriveṣaṇa ca viśeṣataḥ| sa savṛkṣakṣupalato hiraṇmaya ivābhavat||
I consequence of the beauty and splendour of that maiden the mountain itself with its creepers and plants appeared as if it has been converted into gold.
— tr. M.N. Dutt (1891–96) (public domain)
MBh 1 171.29
अवमेने च तां दृष्ट्वा सर्वलोकेषु योषितः। अवाप्तं चात्मनो मेने स राजा चक्षुषः फलम्॥
avamene ca tāṃ dṛṣṭvā sarvalokeṣu yoṣitaḥ| avāptaṃ cātmano mene sa rājā cakṣuṣaḥ phalam||
The sight of that maiden inspired the king with a contempt for all the women of the world that he had seen before. Seeing her, the king considered his eyes blessed.
— tr. M.N. Dutt (1891–96) (public domain)
MBh 1 171.30
जन्मप्रभृति यत् किंचिद् दृष्टवान् स महीपतिः। रूपं न सदृशं तस्यास्तर्कयामास किंचन॥
janmaprabhṛti yat kiṃcid dṛṣṭavān sa mahīpatiḥ| rūpaṃ na sadṛśaṃ tasyāstarkayāmāsa kiṃcana||
Nothing that the king has seen from the day of his birth could equal, he argued, the beauty of that girl.
— tr. M.N. Dutt (1891–96) (public domain)
MBh 1 171.31
तया बद्धमनुश्चक्षुः पाशैर्गुणमयैस्तदा। न चचाल ततो देशाद् बुबुधे न च किंचन॥ अस्या नूनं विशालाक्ष्याः सदेवासुरमानुषम्। लोकं निर्मथ्य धात्रेदं रूपमाविष्कृतं कृतम्॥
tayā baddhamanuścakṣuḥ pāśairguṇamayaistadā| na cacāla tato deśād bubudhe na ca kiṃcana|| asyā nūnaṃ viśālākṣyāḥ sadevāsuramānuṣam| lokaṃ nirmathya dhātredaṃ rūpamāviṣkṛtaṃ kṛtam||
(He thought) “The creator has created the beauty of this beautiful eyed maiden after churning the whole world of the Devas and the Asuras and the human beings." The king's heart and eyes were captivated by that maiden, as if they became bound in ropes; he remained rooted to the spot deprived of his senses.
— tr. M.N. Dutt (1891–96) (public domain)
MBh 1 171.32
एवं संतर्कयामास रूपद्रविणसम्पदा। कन्यामसदृशीं लोके नृपः संवरणस्तदा॥
evaṃ saṃtarkayāmāsa rūpadraviṇasampadā| kanyāmasadṛśīṃ loke nṛpaḥ saṃvaraṇastadā||
Thus arguing, the king Samvarana considered that maiden as matchless in the wealth of her beauty in the three worlds.
— tr. M.N. Dutt (1891–96) (public domain)
MBh 1 171.33
तां च दृष्ट्वैव कल्याणी कल्याणाभिजनो नृपः। जगाम मनसा चिन्तां कामबाणेन पीडितः॥
tāṃ ca dṛṣṭvaiva kalyāṇī kalyāṇābhijano nṛpaḥ| jagāma manasā cintāṃ kāmabāṇena pīḍitaḥ||
The king of the noble birth, seeing that blessed beauty, was pierced by the arrows of the god of love.
— tr. M.N. Dutt (1891–96) (public domain)
MBh 1 171.34
दह्यमानः स तीवेण नृपतिर्मन्मथाग्निना। अप्रगल्भां प्रगल्भस्तां तदोवाच मनोहराम्॥
dahyamānaḥ sa tīveṇa nṛpatirmanmathāgninā| apragalbhāṃ pragalbhastāṃ tadovāca manoharām||
Having been brunt in the very scorching fire of Kama (desire), he (the king) thus spoke to that charming maiden, still innocent through in her full youth.
— tr. M.N. Dutt (1891–96) (public domain)
MBh 1 171.35
कासि कस्यासि रम्भोस किमर्थं चेह तिष्ठसि। कथं च निर्जनेऽरण्ये चरस्येका शुचिस्मिते॥
kāsi kasyāsi rambhosa kimarthaṃ ceha tiṣṭhasi| kathaṃ ca nirjane'raṇye carasyekā śucismite||
The Samvarana said : O lady of tapering things, who and whose are you? Why are you staying here? O lady of sweet smiles, why do you wander alone in these solitary woods?
— tr. M.N. Dutt (1891–96) (public domain)
MBh 1 171.36
त्वं हि सर्वानवद्याङ्गी सर्वाभरणभूषिता। विभूषणमिवैतेषां भूषणानामभीप्सितम्॥ न देवी नासुरां चैव न यक्षी न च राक्षसीम्। न च भोगवतीं मन्ये न गन्धर्वी न मानुषीम्॥
tvaṃ hi sarvānavadyāṅgī sarvābharaṇabhūṣitā| vibhūṣaṇamivaiteṣāṃ bhūṣaṇānāmabhīpsitam|| na devī nāsurāṃ caiva na yakṣī na ca rākṣasīm| na ca bhogavatīṃ manye na gandharvī na mānuṣīm||
You are perfectly faultless in your every feature; decked in every ornament, you seem to be the coveted ornament of those ornaments themselves. You seem to be not a Devi or an Asuri, or a Lakshmi, or a Rakshasi; you are not a Nagini or a Gandharvi or a Manushi.
— tr. M.N. Dutt (1891–96) (public domain)
MBh 1 171.37
या हि दृष्टा मया काश्चिच्छ्रुता वापि वराङ्गनाः। न तासां सदृशीं मन्ये मत्वामहं मत्तकाशिनि॥
yā hi dṛṣṭā mayā kāścicchrutā vāpi varāṅganāḥ| na tāsāṃ sadṛśīṃ manye matvāmahaṃ mattakāśini||
O excellent lady, the best of women that I have seen or heard of can not equal you in beauty.
— tr. M.N. Dutt (1891–96) (public domain)
MBh 1 171.38
दृष्ट्वैव चारुवदने चन्द्रात् कान्ततरं तव। वदनं पद्मपत्राक्षं मां मन्यातीव मन्मथः॥
dṛṣṭvaiva cāruvadane candrāt kāntataraṃ tava| vadanaṃ padmapatrākṣaṃ māṃ manyātīva manmathaḥ||
O lady of beautiful feature, seeing your face which is lovelier than the moon and your eyes like the lotus leaves, I am oppressed by the god of love.
— tr. M.N. Dutt (1891–96) (public domain)
MBh 1 171.39
एवं तां स महीपालो बभाषे न तु सा तदा। कामार्तं निर्जनेऽरण्ये प्रत्यभाषत किंचन॥
evaṃ tāṃ sa mahīpālo babhāṣe na tu sā tadā| kāmārtaṃ nirjane'raṇye pratyabhāṣata kiṃcana||
The Gandharva said : The king, oppressed desire, thus addressed her in the solitary woods, but the did not speak a word in reply.
— tr. M.N. Dutt (1891–96) (public domain)
MBh 1 171.40
ततो लालप्यमानस्य पार्थिवस्यायतेक्षणा। सौदामिनीव चाभ्रेषु तत्रैवान्तरधीयत॥
tato lālapyamānasya pārthivasyāyatekṣaṇā| saudāminīva cābhreṣu tatraivāntaradhīyata||
When the king repeatedly asked her thus, the large-eyed maiden quickly disappeared in the very sight of the king like a flash of lightning.
— tr. M.N. Dutt (1891–96) (public domain)
MBh 1 171.41
तामन्वेष्टुं स नृपतिः परिचक्राम सर्वतः। वनं वनजपत्राक्षीं भ्रमन्नुन्मत्तवत् तदा।॥
tāmanveṣṭuṃ sa nṛpatiḥ paricakrāma sarvataḥ| vanaṃ vanajapatrākṣīṃ bhramannunmattavat tadā|||
The king then, like one who has loss his reason, wandered through the whole forest in search of that lotus eyed maiden.
— tr. M.N. Dutt (1891–96) (public domain)
MBh 1 171.42
अपश्यमानः स तु तां बहु तत्र विलप्य च। निश्चेष्टः पार्थिवश्रेष्ठो मुहूर्तं स व्यतिष्ठत॥
apaśyamānaḥ sa tu tāṃ bahu tatra vilapya ca| niśceṣṭaḥ pārthivaśreṣṭho muhūrtaṃ sa vyatiṣṭhata||
Having failed to find her, that best of kings gave vent to much lamentations and he remained motionless in grief for sometime.
— tr. M.N. Dutt (1891–96) (public domain)