Mahabharata — Volume I (Dutt edition) — Chapter 164

MBh 1 164.1

वैशम्पायन उवाच ततः स भग्नपार्वाङ्गो नदित्वा भैरवं रवम। शैलराजप्रतीकाशो. गतासुरभवद् बकः॥

vaiśampāyana uvāca tataḥ sa bhagnapārvāṅgo naditvā bhairavaṃ ravama| śailarājapratīkāśo. gatāsurabhavad bakaḥ||

Vaishampayana said : Baka, huge as a mountain, being thus broken by Bhima, died uttering fearful yells.

— tr. M.N. Dutt (1891–96) (public domain)

MBh 1 164.2

तेन शब्देन वित्रस्तो जनस्तस्याथ रक्षसः। निष्पपात गृहाद् राजन् सहैव परिचारिभः॥ तान् भीतान् विगतज्ञानान् भीमः प्रहरतां वरः। सान्त्वयामास बलवान् समये च न्यवेशयत्॥ न हिंस्या मानुषा भूयो युष्माभिरिति कर्हिचित्। हिंसतां हि वधः शीघ्रमेवमेव भवेदिति॥

tena śabdena vitrasto janastasyātha rakṣasaḥ| niṣpapāta gṛhād rājan sahaiva paricāribhaḥ|| tān bhītān vigatajñānān bhīmaḥ praharatāṃ varaḥ| sāntvayāmāsa balavān samaye ca nyaveśayat|| na hiṃsyā mānuṣā bhūyo yuṣmābhiriti karhicit| hiṃsatāṃ hi vadhaḥ śīghramevameva bhavediti||

O king, terrified by that noise, the relatives of that Rakshasas with their attendants came out of their houses. Seeing them terrified and deprived of reason, that best of all wielders of arms, the strong Bhima, comforted them and made them promise (to give up cannibalism.) Bhima said: Do not again kill men. If you do it, you will be killed like this (Baka).

— tr. M.N. Dutt (1891–96) (public domain)

MBh 1 164.3

तस्य तद् वचनं श्रुत्वा तानि रक्षांसि भारत। एवमस्त्विति तं प्राहुर्जगृहुः समयं च तम्॥

tasya tad vacanaṃ śrutvā tāni rakṣāṃsi bhārata| evamastviti taṃ prāhurjagṛhuḥ samayaṃ ca tam||

Vaishampayana said : C descendant of Bharata, hearing his these words, those Rakshasas gave the desired promise by saying "Be it so."

— tr. M.N. Dutt (1891–96) (public domain)

MBh 1 164.4

ततः प्रभृति रक्षांसि तत्र सौम्यानि भारत। नगरे प्रत्यदृश्यन्त नरनगरवासिभिः॥

tataḥ prabhṛti rakṣāṃsi tatra saumyāni bhārata| nagare pratyadṛśyanta naranagaravāsibhiḥ||

O descendant of Bharata, from that day the people inhabiting that town saw the Rakshasas vary peaceful towards mankind.

— tr. M.N. Dutt (1891–96) (public domain)

MBh 1 164.5

ततो भीमस्तमादाय गतासुं पुरुषादकम्। द्वारदेशे विनिक्षिप्य जगामानुपलक्षितः॥

tato bhīmastamādāya gatāsuṃ puruṣādakam| dvāradeśe vinikṣipya jagāmānupalakṣitaḥ||

Then Bhima took the dead cannibal and placed him at one of the gates (of the city) unobserved by anyone, he then went away.

— tr. M.N. Dutt (1891–96) (public domain)

MBh 1 164.6

दृष्ट्वा भीमबलोद्भूतं बकं विनिहतं तदा। ज्ञातयोऽस्य भयोद्विग्नाः प्रतिजग्मुस्ततस्ततः॥

dṛṣṭvā bhīmabalodbhūtaṃ bakaṃ vinihataṃ tadā| jñātayo'sya bhayodvignāḥ pratijagmustatastataḥ||

Seeing Baka killed by Bhima and his extraordinary strength, the kinsmen (of the Rakshasas) became frightened and ran away in different directions.

— tr. M.N. Dutt (1891–96) (public domain)

MBh 1 164.7

ततः स भीमस्तं हत्वा गत्वा ब्राह्मणवेश्म तत्। आचचक्षे यथावृतं राज्ञः सर्वमशेषतः॥

tataḥ sa bhīmastaṃ hatvā gatvā brāhmaṇaveśma tat| ācacakṣe yathāvṛtaṃ rājñaḥ sarvamaśeṣataḥ||

Then Bhima, thus killing him (Baka), returned to the house of the Brahmana and described to the prince (Yudhisthira) in detail all that had happened.

— tr. M.N. Dutt (1891–96) (public domain)

MBh 1 164.8

ततो नरा विनिष्क्रान्ता नगरात् कल्यमेव तु। ददृशुनिहतं भूमौ राक्षसं रुधिरोक्षितम्॥

tato narā viniṣkrāntā nagarāt kalyameva tu| dadṛśunihataṃ bhūmau rākṣasaṃ rudhirokṣitam||

The next morning the inhabitants of the town, in coming out, saw the Rakshasas lying dead on the ground, his body covered with blood.

— tr. M.N. Dutt (1891–96) (public domain)

MBh 1 164.9

तमद्रिकूटसदृशं विनिकीर्णं भयानकम्। दृष्ट्वा संहृष्टरोमाणो बभूवुस्तत्र नागराः॥

tamadrikūṭasadṛśaṃ vinikīrṇaṃ bhayānakam| dṛṣṭvā saṃhṛṣṭaromāṇo babhūvustatra nāgarāḥ||

The citizens' hair stood on end when they saw the fearful cannibal, as huge as a mountain cliff.

— tr. M.N. Dutt (1891–96) (public domain)

MBh 1 164.10

एकचक्रां ततो गत्वा प्रवृत्तिं प्रददुः पुरे। ततः सहस्रशो राजन् नरा नगरवासिनः॥ तत्राजग्मुर्बकं दुष्टं सस्त्रीवृद्धकुमारकाः। ततस्ते विस्मिताः सर्वे कर्म दृष्ट्वातिमानुषम्। दैवतान्यर्चयांचक्रुः सर्व एव विशाम्पते॥

ekacakrāṃ tato gatvā pravṛttiṃ pradaduḥ pure| tataḥ sahasraśo rājan narā nagaravāsinaḥ|| tatrājagmurbakaṃ duṣṭaṃ sastrīvṛddhakumārakāḥ| tataste vismitāḥ sarve karma dṛṣṭvātimānuṣam| daivatānyarcayāṃcakruḥ sarva eva viśāmpate||

Going to Ekachakra, they soon gave the intelligence; thereupon, O king, thousands of the citizens. Accompanied by their wives both young and old, (all) went there to see Baka. They were all astonished at seeing the superhuman feat. O king they began to worship the gods.

— tr. M.N. Dutt (1891–96) (public domain)

MBh 1 164.11

ततः प्रगणयामासुः कस्य वारोऽद्य भोजने। ज्ञात्वा चागम्य तं विप्रं पप्रच्छुः सर्व एव ते॥

tataḥ pragaṇayāmāsuḥ kasya vāro'dya bhojane| jñātvā cāgamya taṃ vipraṃ papracchuḥ sarva eva te||

They then began to calculate whose turn was to supply food (to the Rakshasas) on the previous day. Ascertaining this, they all came to that Brahmana and asked him (if he knew any thing about the matter).

— tr. M.N. Dutt (1891–96) (public domain)

MBh 1 164.12

एवं पृष्टः स बहुशो रक्षमाणश्च पाण्डवान्। उवाच नागरान् सर्वानिदं विप्रर्षभस्तदा॥

evaṃ pṛṣṭaḥ sa bahuśo rakṣamāṇaśca pāṇḍavān| uvāca nāgarān sarvānidaṃ viprarṣabhastadā||

Having been thus repeatedly asked by them that best of Brahmanas thus spoke to all the citizens in order to conceal the Pandavas.

— tr. M.N. Dutt (1891–96) (public domain)

MBh 1 164.13

आज्ञापितं मामशने रुदन्तं सह बन्धुभिः। ददर्श ब्राह्मणः कश्चिन्मन्त्रसिद्धो महामनाः॥

ājñāpitaṃ māmaśane rudantaṃ saha bandhubhiḥ| dadarśa brāhmaṇaḥ kaścinmantrasiddho mahāmanāḥ||

Seeing me weeping with my friends when I was ordered to supply the food (for the Rakshasas ), a high-minded Brahmana, learned in Mantras, saw me.

— tr. M.N. Dutt (1891–96) (public domain)

MBh 1 164.14

परिपृच्छ्य स मां पूर्वं परिक्लेशं पुरस्य च। अब्रवीद् ब्राह्मणश्रेष्ठो विश्वास्य प्रहसन्निव॥ प्रापयिष्याम्यहं तस्मा अन्मेतद् दुरात्मने। मन्निमित्तं भयं चापि न कार्यमिति चाब्रवीत्॥

paripṛcchya sa māṃ pūrvaṃ parikleśaṃ purasya ca| abravīd brāhmaṇaśreṣṭho viśvāsya prahasanniva|| prāpayiṣyāmyahaṃ tasmā anmetad durātmane| mannimittaṃ bhayaṃ cāpi na kāryamiti cābravīt||

Asking me the cause and knowing the calamity that hangs over the town, that best of Bra' manas ga e me every assurance and spoke to me with smiles, “I shall today carry the food to that wicked-minded wretch. "Do not fear for me." He said this.

— tr. M.N. Dutt (1891–96) (public domain)

MBh 1 164.15

स तदन्नमुपादाय गतो बकवनं प्रति। तेन नूनं भवेदेतत् कर्म लोकहितं कृतम्॥

sa tadannamupādāya gato bakavanaṃ prati| tena nūnaṃ bhavedetat karma lokahitaṃ kṛtam||

And taking the food, set out for the forest where Baka lived. This deed, so beneficial to us, must have been done by him.

— tr. M.N. Dutt (1891–96) (public domain)

MBh 1 164.16

ततस्ते ब्राह्मणाः सर्वे क्षत्रियाश्च सुविस्मितः। वैश्याः शूद्राश्च मुदिताश्चक्रुर्ब्रह्ममहं तदा।॥

tataste brāhmaṇāḥ sarve kṣatriyāśca suvismitaḥ| vaiśyāḥ śūdrāśca muditāścakrurbrahmamahaṃ tadā|||

Thereupon all the Brahmanas and Kshatriyas became exceedingly astonished and the Vaishyas and Shudras became exceedingly glad.

— tr. M.N. Dutt (1891–96) (public domain)

MBh 1 164.17

ततो जानपदाः सर्वे आजग्मुर्नगरं प्रति। तदद्भुततमं द्रष्टुं पार्थास्तत्रैव चावसन्॥

tato jānapadāḥ sarve ājagmurnagaraṃ prati| tadadbhutatamaṃ draṣṭuṃ pārthāstatraiva cāvasan||

Thereupon all the citizens returned to the city after seeing that extraordinary feat. The Pandavas also lived there.

— tr. M.N. Dutt (1891–96) (public domain)