Mahabharata — Volume I (Dutt edition) — Chapter 159

MBh 1 159.1

वैशम्पायन उवाच तयोर्दुःखितयोर्वाक्यमतिमात्रं निशम्य तु। ततो दुःखपरीताङ्गी कन्या तावभ्यभाषत॥

vaiśampāyana uvāca tayorduḥkhitayorvākyamatimātraṃ niśamya tu| tato duḥkhaparītāṅgī kanyā tāvabhyabhāṣata||

Vaishampayana said : Having heard these words of her affected parents, the daughter was filled with grief and she thus spoke (to them.)

— tr. M.N. Dutt (1891–96) (public domain)

MBh 1 159.2

किमेवं भृशदुःखार्ती रोरूयेतामनाथवत्। ममापि श्रूयतां वाक्यं श्रुत्वा च क्रियतां क्षमम्॥

kimevaṃ bhṛśaduḥkhārtī rorūyetāmanāthavat| mamāpi śrūyatāṃ vākyaṃ śrutvā ca kriyatāṃ kṣamam||

The Daughter said : Why are you so sorrowful? Why are you weeping, as if you have none. Listen to my words and hearing them, do what is proper.

— tr. M.N. Dutt (1891–96) (public domain)

MBh 1 159.3

धर्मतोऽहं परित्याज्या युवयोर्नात्र संशयः। त्यक्तव्यां मां परित्यज्य त्राहि सर्वं मयैकया।॥

dharmato'haṃ parityājyā yuvayornātra saṃśayaḥ| tyaktavyāṃ māṃ parityajya trāhi sarvaṃ mayaikayā|||

There is no doubt that you will one time abandon me by the dictates of virtue. Abandon me who am to be abandoned and thus save all by (sacrificing) me alone.

— tr. M.N. Dutt (1891–96) (public domain)

MBh 1 159.4

इत्यर्थमिष्यतेऽपत्यं तारयिष्यति मामिति। अस्मिन्नुपस्थिते काले तरध्वं प्लवन्मया॥

ityarthamiṣyate'patyaṃ tārayiṣyati māmiti| asminnupasthite kāle taradhvaṃ plavanmayā||

Men desire for children hoping, they will save them. Cross this stream of your difficulty by me.

— tr. M.N. Dutt (1891–96) (public domain)

MBh 1 159.5

इह वा तारयेद् दुर्गादुत वा प्रेत्य भारत। सर्वथा तारयेत् पुत्रः पुत्र इत्युच्यते बुधैः॥

iha vā tārayed durgāduta vā pretya bhārata| sarvathā tārayet putraḥ putra ityucyate budhaiḥ||

A child saves his presents in this world and in the next. Therefore, a child is called by the learmed Putra.

— tr. M.N. Dutt (1891–96) (public domain)

MBh 1 159.6

आकाङ्क्षन्ते च दौहित्रान् मयि नित्यं पितामहाः। तत् स्वयं वै परित्रास्ये रक्षन्ती जीवितं पितुः॥

ākāṅkṣante ca dauhitrān mayi nityaṃ pitāmahāḥ| tat svayaṃ vai paritrāsye rakṣantī jīvitaṃ pituḥ||

My forefathers always desire to have daughter's son by me, (to save them from hell). I shall myself save them by saving the life of my father.

— tr. M.N. Dutt (1891–96) (public domain)

MBh 1 159.7

भ्राता च मम बालोऽयं गते लोकममुं त्वयि। अचिरेणैव कालेन विनश्यत न संशयः॥

bhrātā ca mama bālo'yaṃ gate lokamamuṃ tvayi| acireṇaiva kālena vinaśyata na saṃśayaḥ||

My brother is but of tender years; there is no doubt he will die soon after your death.

— tr. M.N. Dutt (1891–96) (public domain)

MBh 1 159.8

तातेऽपि हि गते स्वर्ग विनष्टे च ममानुजे। पिण्डः पितॄणां व्युच्छिद्येत् तत् तेषां विप्रियं भवेत्॥

tāte'pi hi gate svarga vinaṣṭe ca mamānuje| piṇḍaḥ pitṝṇāṃ vyucchidyet tat teṣāṃ vipriyaṃ bhavet||

If you, my father, ascend to heaven, if my brother dies, the Pinda (funeral cake) for the Pitris (ancestors) will be stopped and it will be most unfavourite act of theirs.

— tr. M.N. Dutt (1891–96) (public domain)

MBh 1 159.9

पित्रा त्यक्ता तथा मात्रा भ्रात्रा चाहमसंशयम्। दुःखाद् दुःखतरं प्राप्य म्रियेयमतथोचिता॥

pitrā tyaktā tathā mātrā bhrātrā cāhamasaṃśayam| duḥkhād duḥkhataraṃ prāpya mriyeyamatathocitā||

Having been abandoned by my father brother and also my mother, I shall fall from misery to greater misery and I shall finally perish in great distress.

— tr. M.N. Dutt (1891–96) (public domain)

MBh 1 159.10

त्वयि त्वरोगे निर्मुक्ते माता भ्राता च मे शिशुः। संतानश्चैव पिण्डश्च प्रतिष्ठास्यत्यसंशयम्॥

tvayi tvaroge nirmukte mātā bhrātā ca me śiśuḥ| saṃtānaścaiva piṇḍaśca pratiṣṭhāsyatyasaṃśayam||

There is no doubt that if you can save yourself, my mother and my child brother, also the Pinda will be perpetuated.

— tr. M.N. Dutt (1891–96) (public domain)

MBh 1 159.11

आत्मा पुत्रः सखा भार्या कृच्छं तु दुहिता किला स कृच्छ्रान्मोचयात्मानं मां च धर्मे नियोजय॥

ātmā putraḥ sakhā bhāryā kṛcchaṃ tu duhitā kilā sa kṛcchrānmocayātmānaṃ māṃ ca dharme niyojaya||

The son is one's own self; the wife is one's friend; the daughter is (however) a source of trouble. Save yourself by sacrificing that cause of trouble; and set me on the path of virtue.

— tr. M.N. Dutt (1891–96) (public domain)

MBh 1 159.12

अनाथा कृपणा बाला यत्रक्वचनगामिनी। भविष्यामि त्वया तात विहीना कृपणा सदा॥

anāthā kṛpaṇā bālā yatrakvacanagāminī| bhaviṣyāmi tvayā tāta vihīnā kṛpaṇā sadā||

O father, I am but a girl being abandoned by you, I shall be helpless and miserable and I shall have to go anywhere and everywhere.

— tr. M.N. Dutt (1891–96) (public domain)

MBh 1 159.13

अथवाहं करिष्यामि कुलस्यास्य विमोचनम्। फलसंस्था भविष्यामि कृत्वा कर्म सुदुष्करम्॥

athavāhaṃ kariṣyāmi kulasyāsya vimocanam| phalasaṃsthā bhaviṣyāmi kṛtvā karma suduṣkaram||

I shall, therefore, save my race and I shall acquire the merit that such difficult work brings in.

— tr. M.N. Dutt (1891–96) (public domain)

MBh 1 159.14

अथवा यास्यसे तत्र त्यक्त्वा मां द्विजसत्तम्। पीडिताहं भविष्यामि तदवेक्षस्व मामपि॥

athavā yāsyase tatra tyaktvā māṃ dvijasattam| pīḍitāhaṃ bhaviṣyāmi tadavekṣasva māmapi||

O best of the twice-born, leaving me behind, if you go there (to the Rakshasas) I shall be very much pained; therefore be kind to ine.

— tr. M.N. Dutt (1891–96) (public domain)

MBh 1 159.15

तदस्मदर्थं धर्मार्थं प्रसवार्थं स सत्तम। आत्मानं परिरक्षस्व त्यक्तव्यां मां च संत्यज॥

tadasmadarthaṃ dharmārthaṃ prasavārthaṃ sa sattama| ātmānaṃ parirakṣasva tyaktavyāṃ māṃ ca saṃtyaja||

O excellent man, abandoning me who am to be (one day) abandoned, save yourself for our sake, for the sake of virtue and your race.

— tr. M.N. Dutt (1891–96) (public domain)

MBh 1 159.16

अवश्यकरणीये च मा त्वां कालोऽत्यगादयम्। किं त्वतः परमं दुःखं यद् वयं स्वर्गते त्वयि॥ याचमानाः परादन्नं परिधावेमहि श्ववत्। त्वयि त्वरोगे निर्मुक्ते क्लेशादस्मात् सबान्धवे। अमृते वसती लोके भविष्यामि सुखान्विता॥

avaśyakaraṇīye ca mā tvāṃ kālo'tyagādayam| kiṃ tvataḥ paramaṃ duḥkhaṃ yad vayaṃ svargate tvayi|| yācamānāḥ parādannaṃ paridhāvemahi śvavat| tvayi tvaroge nirmukte kleśādasmāt sabāndhave| amṛte vasatī loke bhaviṣyāmi sukhānvitā||

There should not be may delay in doing that which is inevitable. What could be more painful to us than your ascending heaven. (Then) we shall have to beg our food from others like dogs. If you are saved with your friends (dear ones), I shall pass my time in heaven and bliss.

— tr. M.N. Dutt (1891–96) (public domain)

MBh 1 159.17

इतः प्रदाने देवाश्च पितरश्चेति न श्रुतम्। त्वया दत्तेन तोयेन भविष्यन्ति हिताय वै॥

itaḥ pradāne devāśca pitaraśceti na śrutam| tvayā dattena toyena bhaviṣyanti hitāya vai||

We have heard that if after bestowing your daughter, you offer obtains to the celestial and forefathers, they will be propitious to you.

— tr. M.N. Dutt (1891–96) (public domain)

MBh 1 159.18

वैशम्पायन उवाच एवं बहुविधं तस्या निशम्य परिदेवितम्। पिता माता च सा चैव कन्या प्ररुरुदुस्त्रयः॥

vaiśampāyana uvāca evaṃ bahuvidhaṃ tasyā niśamya paridevitam| pitā mātā ca sā caiva kanyā prarurudustrayaḥ||

Vaishampayana said : Having heard her these piteous lamentations, the father, the brother and the daughter began to weep (together).

— tr. M.N. Dutt (1891–96) (public domain)

MBh 1 159.19

ततः प्ररुदितान् सर्वान् निशम्याथ सुतस्तदा। उत्फुल्लनयनो बाल: कलमव्यक्तमब्रवीत्॥

tataḥ praruditān sarvān niśamyātha sutastadā| utphullanayano bāla: kalamavyaktamabravīt||

Thereupon seeing them all weep, their son of tender years, spoke thus in childish words, his eyes expanded with joy.

— tr. M.N. Dutt (1891–96) (public domain)

MBh 1 159.20

मा पिता रुद मा मातर्मा स्वसस्त्विति चाब्रवीत्। प्रहसन्निव सर्वांस्तानेकैकमनुसर्पति॥ ततः स तृणमादाय प्रहृष्टः पुनरब्रवीत्। अनेनाहं हनिष्यामि राक्षसं पुरुषादकम्॥

mā pitā ruda mā mātarmā svasastviti cābravīt| prahasanniva sarvāṃstānekaikamanusarpati|| tataḥ sa tṛṇamādāya prahṛṣṭaḥ punarabravīt| anenāhaṃ haniṣyāmi rākṣasaṃ puruṣādakam||

He said O father, o you mother, O sister also, do not weep.” Thus saying and smiling, he came to each of them. Then taking up a blade of glass, he said again in joy, “I shall kill the cannibal Rakshasas by it.

— tr. M.N. Dutt (1891–96) (public domain)

MBh 1 159.21

तथापि तेषां दुःखेन परीतानां निशम्य तत्। बालस्य वाक्यमव्यक्तं हर्षः समभवन्महान्॥

tathāpi teṣāṃ duḥkhena parītānāṃ niśamya tat| bālasya vākyamavyaktaṃ harṣaḥ samabhavanmahān||

Through they were all in grief, yet hearing the lisping words of the child, they felt exceeding delight.

— tr. M.N. Dutt (1891–96) (public domain)

MBh 1 159.22

अयं काल इति ज्ञात्वा कुन्ती समुपसृत्य तान्। गतासूनमृतेनेव जीवयन्तीदमब्रवीत्॥

ayaṃ kāla iti jñātvā kuntī samupasṛtya tān| gatāsūnamṛteneva jīvayantīdamabravīt||

Thinking that to be the (proper) time (to appear before them), Kunti came to them and reviving them as nectar revives a dead man, she thus spoke (to them).

— tr. M.N. Dutt (1891–96) (public domain)