Mahabharata — Volume I (Dutt edition) — Chapter 158
MBh 1 158.1
ब्राह्मण्युवाच न संतापस्त्वया कार्यः प्राकृतेनेव कर्हिचित्। न हि संतापकालोऽयं वैद्यस्य तव विद्यते॥
brāhmaṇyuvāca na saṃtāpastvayā kāryaḥ prākṛteneva karhicit| na hi saṃtāpakālo'yaṃ vaidyasya tava vidyate||
The Brahmani said: You should not grieve like ordinary men. This is not the time for lamentation. You are learned.
— tr. M.N. Dutt (1891–96) (public domain)
MBh 1 158.2
अवश्यं निधनं सर्वैर्गन्तव्यमिह मानवैः। अवश्यम्भाविन्यर्थे वै संतापो नेह विद्यते॥
avaśyaṃ nidhanaṃ sarvairgantavyamiha mānavaiḥ| avaśyambhāvinyarthe vai saṃtāpo neha vidyate||
All men must die. None should grieve for that which is inevitable.
— tr. M.N. Dutt (1891–96) (public domain)
MBh 1 158.3
भार्या पुत्रोऽथ दुहिता सर्वमात्मार्थमिष्यते। व्यथां जहि सुबुद्ध्या त्वं स्वयं यास्यामि तत्र च॥ एतद्धि परमं नार्याः कार्यं लोके सनातनम्। प्राणानपि परित्यज्य यद् भर्तृहितमाचरेत्॥
bhāryā putro'tha duhitā sarvamātmārthamiṣyate| vyathāṃ jahi subuddhyā tvaṃ svayaṃ yāsyāmi tatra ca|| etaddhi paramaṃ nāryāḥ kāryaṃ loke sanātanam| prāṇānapi parityajya yad bhartṛhitamācaret||
Man desires son, daughter and wife for himself. Therefore abandon grief, for you are greatly intelligent; I shall myself go there. It is the highest and eternal duty of women, namely to sacrifice their lives and to seek the good of their husbands.
— tr. M.N. Dutt (1891–96) (public domain)
MBh 1 158.4
तच्च तत्र कृतं कर्म तवापीदं सुखावहम्। भवत्यमुत्र चाक्षय्यं लोकेऽस्मिंश्च यशस्करम्॥
tacca tatra kṛtaṃ karma tavāpīdaṃ sukhāvaham| bhavatyamutra cākṣayyaṃ loke'smiṃśca yaśaskaram||
Such an act done by me will give you pleasure; it will (also) bring me fame in this world and eternal bliss hereafter.
— tr. M.N. Dutt (1891–96) (public domain)
MBh 1 158.5
एष चैव गुरुर्धर्मो यं प्रवक्ष्याम्यहं तव। अर्थश्च तव धर्मश्च भूयानत्र प्रदृश्यते॥
eṣa caiva gururdharmo yaṃ pravakṣyāmyahaṃ tava| arthaśca tava dharmaśca bhūyānatra pradṛśyate||
What I speak to you is the highest virtue. You can acquire by it (by my sacrificing myself) both virtue and profit.
— tr. M.N. Dutt (1891–96) (public domain)
MBh 1 158.6
यदर्थमिष्यते भार्या प्राप्तः सोऽर्थस्त्वया मयि। कन्या चैका कुमारश्च कृताहमनृणा त्वया॥
yadarthamiṣyate bhāryā prāptaḥ so'rthastvayā mayi| kanyā caikā kumāraśca kṛtāhamanṛṇā tvayā||
The object for which one desires a wife has already been achieved by you from me. I have borne you a daughter and a son, by which I have been freed from the debt I owe you.
— tr. M.N. Dutt (1891–96) (public domain)
MBh 1 158.7
समर्थः पोषणे चासि सुतयो रक्षणे तथा। न त्वहं सुतयोः शक्ता तथा रक्षणपोषणे॥
samarthaḥ poṣaṇe cāsi sutayo rakṣaṇe tathā| na tvahaṃ sutayoḥ śaktā tathā rakṣaṇapoṣaṇe||
You are able to support and protect your children. I cannot support and protect the children as you can (do it).
— tr. M.N. Dutt (1891–96) (public domain)
MBh 1 158.8
मम हि त्वद्विहीनायाः सर्वप्राणधनेश्वर। कथं स्यातां सुतौ बालौ भरेयं च कथं त्वहम्॥
mama hi tvadvihīnāyāḥ sarvaprāṇadhaneśvara| kathaṃ syātāṃ sutau bālau bhareyaṃ ca kathaṃ tvaham||
You are my life, wealth and lord; having been abandoned by you, how these children to tender years and how myself, can live?
— tr. M.N. Dutt (1891–96) (public domain)
MBh 1 158.9
कथं हि विधवानाथा बालुपत्रा विना त्वया। मिथुनं जीवयिष्यामि स्थिता साधुगते पथि॥
kathaṃ hi vidhavānāthā bālupatrā vinā tvayā| mithunaṃ jīvayiṣyāmi sthitā sādhugate pathi||
Being a helpless widow with two children of tender years depending on me how shall I be able to live leading my life in the path of virtue.
— tr. M.N. Dutt (1891–96) (public domain)
MBh 1 158.10
अहंकृतावलिप्तैश्च प्रार्थ्यमानामिमां सुताम्। अयुक्तैस्तव सम्बन्धे कथं शक्ष्यामि रक्षितुम्॥
ahaṃkṛtāvaliptaiśca prārthyamānāmimāṃ sutām| ayuktaistava sambandhe kathaṃ śakṣyāmi rakṣitum||
How shall I be able to protect the girl, if your this daughter is solicited by dishonourable and vain persons, unworthy of contracting an alliance with you?
— tr. M.N. Dutt (1891–96) (public domain)
MBh 1 158.11
उत्सृष्टमामिषं भूमौ प्रार्थयन्ति यथा खगाः प्रार्थयन्ति जनाः सर्वे पतिहीनां तथा स्त्रियम्॥ साहं विचाल्यमाना वै प्रार्थ्यमाना दुरात्मभिः। स्थातुं पथि न शक्ष्यामि सज्जनेष्टे द्विजोत्तम्॥
utsṛṣṭamāmiṣaṃ bhūmau prārthayanti yathā khagāḥ prārthayanti janāḥ sarve patihīnāṃ tathā striyam|| sāhaṃ vicālyamānā vai prārthyamānā durātmabhiḥ| sthātuṃ pathi na śakṣyāmi sajjaneṣṭe dvijottam||
As birds eagerly seek with avidity for the piece of) meat thrown on the ground, so men solicit women who have lost their husbands. O best of the twice-born, being solicited by wicked men, I might waver and I might not be able to keep myself on the path of virtue.
— tr. M.N. Dutt (1891–96) (public domain)
MBh 1 158.12
कथं तव कुलस्यैकामिमां बालामनागसम्। पितृपैतामहे मार्गे नियोक्तुमहमुत्सहे॥
kathaṃ tava kulasyaikāmimāṃ bālāmanāgasam| pitṛpaitāmahe mārge niyoktumahamutsahe||
How shall I be able to place this only daughter of your house, this innocent girl, in the (virtuous) way in which her ancestors have always walked?
— tr. M.N. Dutt (1891–96) (public domain)
MBh 1 158.13
कथं शक्ष्यामि बालेऽस्मिन् गुणानाधातुमीप्सितान्। अनाथे सर्वतो लुप्ते यथा त्वं धर्मदर्शिवान्॥
kathaṃ śakṣyāmi bāle'smin guṇānādhātumīpsitān| anāthe sarvato lupte yathā tvaṃ dharmadarśivān||
How shall I be able to teach this child (your son) every desirable accomplishment to make him as virtuous as yourself in that time of want I shall be helpless (without you)?
— tr. M.N. Dutt (1891–96) (public domain)
MBh 1 158.14
इमामपि च ते बालामनाथां परिभूय माम्। अनर्हाः प्रार्थयिष्यन्ति शूद्रा वेदश्रुति यथा।॥
imāmapi ca te bālāmanāthāṃ paribhūya mām| anarhāḥ prārthayiṣyanti śūdrā vedaśruti yathā|||
When I shall be in such helpless state, the unworthy persons will demand this orphan girl, like Shudras desiring to hear the Vedas.
— tr. M.N. Dutt (1891–96) (public domain)
MBh 1 158.15
तां चेदहं न दित्सेयं त्वहगुणैरुपबृंहिताम्। प्रमथ्यैनां हरेयुस्ते हविर्खाङ्क्षा इवाध्वरात्॥
tāṃ cedahaṃ na ditseyaṃ tvahaguṇairupabṛṃhitām| pramathyaināṃ hareyuste havirkhāṅkṣā ivādhvarāt||
If I do not bestow this girl, endued with all qualities and possessing your blood, they may take her away by force as cows take the sacrificial ghee.
— tr. M.N. Dutt (1891–96) (public domain)
MBh 1 158.16
सम्प्रेक्षमाणा पुत्रं ते नानुरूपमिवात्मनः। अनर्हवशमापन्नामिमां चापि सुतां तव॥ अवज्ञाता च लोकेषु तथाऽऽत्मानमजानती। अवलिप्तैनरैर्ब्रह्मन् मरिष्यामि न संशयः॥
samprekṣamāṇā putraṃ te nānurūpamivātmanaḥ| anarhavaśamāpannāmimāṃ cāpi sutāṃ tava|| avajñātā ca lokeṣu tathā''tmānamajānatī| avaliptainarairbrahman mariṣyāmi na saṃśayaḥ||
Seeing your son (thoroughly) unlike yourself and your daughter under the control of unworthy person. I shall be despised in the world. I do not know what will happen to me. O Brahmana, there is no doubt I shall certainly die.
— tr. M.N. Dutt (1891–96) (public domain)
MBh 1 158.17
तौ च हीनौ मया बालौ त्वया चैव तथाऽऽत्मजौ। विनश्येतां न संदेहो मत्स्याविव जलक्षये॥
tau ca hīnau mayā bālau tvayā caiva tathā''tmajau| vinaśyetāṃ na saṃdeho matsyāviva jalakṣaye||
There is no doubt these children of tender years, being bereft of me and you, will die as fish (in a tank) when the water is dried up.
— tr. M.N. Dutt (1891–96) (public domain)
MBh 1 158.18
त्रितयं सर्वथाप्येवं विनशिष्यत्यसंशयम्। त्वया विहीनं तस्मात् त्वं मां परित्यक्तुमर्हसि॥
tritayaṃ sarvathāpyevaṃ vinaśiṣyatyasaṃśayam| tvayā vihīnaṃ tasmāt tvaṃ māṃ parityaktumarhasi||
There is no doubt the three (myself, our son and daughter) will all die without you. Therefore you ought to abandon me.
— tr. M.N. Dutt (1891–96) (public domain)
MBh 1 158.19
व्युष्टिरेषा परा स्त्रीणां पूर्वं भर्तुः परां गतिम्। गन्तुं ब्रह्मन् सपुत्राणामिति धर्मविदो दिदुः॥
vyuṣṭireṣā parā strīṇāṃ pūrvaṃ bhartuḥ parāṃ gatim| gantuṃ brahman saputrāṇāmiti dharmavido diduḥ||
O Brahmana, persons learned in the precepts of virtue have said that to predecease their husbands in an act of the highest merit for women who have borne children.
— tr. M.N. Dutt (1891–96) (public domain)
MBh 1 158.20
परित्यक्तः सुतश्चायं दुहितेयं तथा मया। बान्धवाश्च परित्यक्तास्त्वदर्थं जीवितं च मे॥
parityaktaḥ sutaścāyaṃ duhiteyaṃ tathā mayā| bāndhavāśca parityaktāstvadarthaṃ jīvitaṃ ca me||
I am ready to abandon this son and this daughter, these my relations, my this life itself.
— tr. M.N. Dutt (1891–96) (public domain)
MBh 1 158.21
यज्ञैस्तपोभिर्नियमैर्दानैश्च विविधैस्तथा। विशिष्यते स्त्रिया भर्तुनित्यं प्रियहिते स्थितिः॥
yajñaistapobhirniyamairdānaiśca vividhaistathā| viśiṣyate striyā bhartunityaṃ priyahite sthitiḥ||
To be ever engaged in serving her husband is a higher duty to a women than sacrifices, asceticism, vows and various charities.
— tr. M.N. Dutt (1891–96) (public domain)
MBh 1 158.22
तदिदं यच्चिकीर्षामि धर्मं परमसम्मतम्। इष्टं चैव हितं चैव तव चैव कुलस्य च॥
tadidaṃ yaccikīrṣāmi dharmaṃ paramasammatam| iṣṭaṃ caiva hitaṃ caiva tava caiva kulasya ca||
Therefore the act I desire to perform is consonant with the highest virtue. It is for your good and for the good of your race.
— tr. M.N. Dutt (1891–96) (public domain)
MBh 1 158.23
इष्टानि चाप्यपत्यानि द्रव्याणि सुहृदः प्रियाः। आपद्धर्मप्रमोक्षाय भार्या चापि सतां मतम्॥
iṣṭāni cāpyapatyāni dravyāṇi suhṛdaḥ priyāḥ| āpaddharmapramokṣāya bhāryā cāpi satāṃ matam||
The virtuous (men) say, that children, relatives, wives and all things dear in this world) are cherished for rescuing oneself from distress.
— tr. M.N. Dutt (1891–96) (public domain)
MBh 1 158.24
आपदर्थे धनं रक्षेद् दारान् रक्षेद् धनैरपि। आत्मानं सततं रक्षेद् दारैरपि धनैरपि॥
āpadarthe dhanaṃ rakṣed dārān rakṣed dhanairapi| ātmānaṃ satataṃ rakṣed dārairapi dhanairapi||
Man cherishes wealth for (rescuing himself) from distress and danger. By wealth be cherishes his wife. He must always cherish himself both by his wealth and wife.
— tr. M.N. Dutt (1891–96) (public domain)
MBh 1 158.25
दृष्टादृष्टफलार्थं हि भार्या पुत्रो धनं गृहम्। सर्वमेतद् विधातव्यं बुधानमेष निश्चयः॥
dṛṣṭādṛṣṭaphalārthaṃ hi bhāryā putro dhanaṃ gṛham| sarvametad vidhātavyaṃ budhānameṣa niścayaḥ||
The wise men have said that wife, son, wealth or house is acquired to provide for foreseen or unforescen accidents.
— tr. M.N. Dutt (1891–96) (public domain)
MBh 1 158.26
एकतो वा कुलं कृत्स्नमात्मा वा कुलवर्धनः। न समं सर्वमेवेति बुधानामेष निश्चयः॥
ekato vā kulaṃ kṛtsnamātmā vā kulavardhanaḥ| na samaṃ sarvameveti budhānāmeṣa niścayaḥ||
The wise men have said that one's all relations, weighed against one's own self, would not be equal to one's own self.
— tr. M.N. Dutt (1891–96) (public domain)
MBh 1 158.27
स कुरुष्व मया कार्यं तारयात्मानमात्मना। अनुजानीहि मामार्य सुतौ मे परिपालय॥
sa kuruṣva mayā kāryaṃ tārayātmānamātmanā| anujānīhi māmārya sutau me paripālaya||
Therefore, O respected Sir, accomplish your object by me. Protect yourself by abandoning me. Give me your permission cherish children.
— tr. M.N. Dutt (1891–96) (public domain)
MBh 1 158.28
अवध्यां स्त्रियमित्याहुर्धर्मज्ञा धर्मनिश्चये। धर्मज्ञान् राक्षसानाहुन हन्यात् स च मामपि॥
avadhyāṃ striyamityāhurdharmajñā dharmaniścaye| dharmajñān rākṣasānāhuna hanyāt sa ca māmapi||
In fixing moralities the men, learned in the precepts of virtue, have said that women should never be killed; and (they have also said that the Rakshasas are learned in the rules of morality. Therefore he (the Rakshasas) may not kill me.
— tr. M.N. Dutt (1891–96) (public domain)
MBh 1 158.29
निस्संशयं वधः पुंसां स्त्रीणां संशयितो वधः। अतो मामेव धर्मज्ञ प्रस्थापयितुमर्हसि॥
nissaṃśayaṃ vadhaḥ puṃsāṃ strīṇāṃ saṃśayito vadhaḥ| ato māmeva dharmajña prasthāpayitumarhasi||
It is certain that he will kill a man, but it is doubtful whether he will kill a woman. O virtuously learned man, you ought to send me.
— tr. M.N. Dutt (1891–96) (public domain)
MBh 1 158.30
भुक्तं प्रियाण्यवाप्तानि धर्मश्च चरितो महान्। त्वत् प्रसूतिः प्रिया प्राप्ता न मां तप्स्यत्यजीवितम्।३३॥
bhuktaṃ priyāṇyavāptāni dharmaśca carito mahān| tvat prasūtiḥ priyā prāptā na māṃ tapsyatyajīvitam|33||
I have enjoyed much happiness; I have obtained many things agreeable; I have earned much of religious merits; I have obtained from you beloved sons; I do not grieve to die.
— tr. M.N. Dutt (1891–96) (public domain)
MBh 1 158.31
जातपुत्रा च वृद्धा च प्रियकामा च ते सदा। समीक्ष्यैतदहं सर्वं व्यवसायं करोम्यतः॥
jātaputrā ca vṛddhā ca priyakāmā ca te sadā| samīkṣyaitadahaṃ sarvaṃ vyavasāyaṃ karomyataḥ||
I have borne son and I have grown old; I am ever desirous of doing good to you. Having considered all this, I have come to this resolution.
— tr. M.N. Dutt (1891–96) (public domain)
MBh 1 158.32
उत्सृज्यापि हि मामार्य प्राप्स्यस्यन्यामपि स्त्रियम्। ततः प्रतिष्ठितो धर्मो भविष्यति पुनस्तव॥
utsṛjyāpi hi māmārya prāpsyasyanyāmapi striyam| tataḥ pratiṣṭhito dharmo bhaviṣyati punastava||
O respected Sir, you can take another wife by abandoning me. You may be then again placed on the path of virtue.
— tr. M.N. Dutt (1891–96) (public domain)
MBh 1 158.33
न चाप्यधर्मः कल्याण बहुपत्नीकृतां नृणाम्। स्त्रीणामधर्मः सुमहान् भर्तुः पूर्वस्य लङ्घने॥
na cāpyadharmaḥ kalyāṇa bahupatnīkṛtāṃ nṛṇām| strīṇāmadharmaḥ sumahān bhartuḥ pūrvasya laṅghane||
To marry more than one wife is not sin among men. It is very sinful for a woman to take second husband after the first.
— tr. M.N. Dutt (1891–96) (public domain)
MBh 1 158.34
एतत् सर्वं समीक्ष्य त्वमात्मत्यागं च गर्हितम्। आत्मानं तारयाद्याशु कुलं चेमौ च दारकौ॥
etat sarvaṃ samīkṣya tvamātmatyāgaṃ ca garhitam| ātmānaṃ tārayādyāśu kulaṃ cemau ca dārakau||
Having considered all this and knowing that your self-sacrifice is censurable, save today yourself, your race and your these two children without loss of time.
— tr. M.N. Dutt (1891–96) (public domain)
MBh 1 158.35
वैशम्पायन उवाच एवमुक्तस्तया भर्ता तां समालिङ्गय भारत। मुमोच बाष्पं शनकैः सभार्यो भृशदुःखितः॥
vaiśampāyana uvāca evamuktastayā bhartā tāṃ samāliṅgaya bhārata| mumoca bāṣpaṃ śanakaiḥ sabhāryo bhṛśaduḥkhitaḥ||
O foremost of the Bharata race, when Brahmani told thus, her husband became griefstricken and, embracing her, shed copious tears along with her.
— tr. M.N. Dutt (1891–96) (public domain)