Mahabharata — Volume I (Dutt edition) — Chapter 15
MBh 1 15.1
सौतिरुवाच मात्रा हि भुजगा: शप्ताः पूर्वं ब्रह्मविदांवर। जनमेजयस्य वो यज्ञे धक्ष्यत्यनिलसारथिः॥
sautiruvāca mātrā hi bhujagā: śaptāḥ pūrvaṃ brahmavidāṃvara| janamejayasya vo yajñe dhakṣyatyanilasārathiḥ||
Sauti said : O foremost of Brahma knowing men, the mother of the snakes, in the days of yore, cursed the Naga race, saying, "He whose charioteer is wind (Agni) will consume you at Janamejaya's sacrifice.
— tr. M.N. Dutt (1891–96) (public domain)
MBh 1 15.2
तस्य शापस्य शान्त्यर्थं प्रददौ पन्नगोत्तमः। स्वसारमृषये तस्मै सुव्रताय महात्मने।॥
tasya śāpasya śāntyarthaṃ pradadau pannagottamaḥ| svasāramṛṣaye tasmai suvratāya mahātmane|||
To neutralise ve effect of that curse, the best of snakes (Vasuki) married off his sister to the high-souled Rishi of rigid vow.
— tr. M.N. Dutt (1891–96) (public domain)
MBh 1 15.3
स च तां प्रतिजग्राह विधिदृष्टेन कर्मणा। आस्तीको नामपुत्रश्च तस्यां जज्ञे महामनाः॥
sa ca tāṃ pratijagrāha vidhidṛṣṭena karmaṇā| āstīko nāmaputraśca tasyāṃ jajñe mahāmanāḥ||
Accepting her according to the ordained rites, he begot on her a high-souled son, called Astika,
— tr. M.N. Dutt (1891–96) (public domain)
MBh 1 15.4
तपस्वी च महात्मा च वेदवेदाङ्गपारगः। समः सर्वस्य लोकस्य पितृमातृभयापहः॥
tapasvī ca mahātmā ca vedavedāṅgapāragaḥ| samaḥ sarvasya lokasya pitṛmātṛbhayāpahaḥ||
Who was a great ascetic, who was vastly learned in the Vedas and the Vedangas, who removed the fears of his parents and who saw everything with an equal eye.
— tr. M.N. Dutt (1891–96) (public domain)
MBh 1 15.5
अथ दीर्घस्य कालस्य पाण्डवेयो नराधिपः। आजहार महायज्ञं सर्पसत्रमिति श्रुतिः॥
atha dīrghasya kālasya pāṇḍaveyo narādhipaḥ| ājahāra mahāyajñaṃ sarpasatramiti śrutiḥ||
Then after a long time, a descendant of the Pandavas, celebrated a great sacrifice, known as the Snake-sacrifice.
— tr. M.N. Dutt (1891–96) (public domain)
MBh 1 15.6
तस्मिन्प्रवृत्ते सत्रे तु सर्याणामन्तकाय वै। मोचयामास तान्नागानास्तीकः सुमहातपाः॥
tasminpravṛtte satre tu saryāṇāmantakāya vai| mocayāmāsa tānnāgānāstīkaḥ sumahātapāḥ||
When the sacrifice for the destruction of the snakes had begun, the great ascetic Astika rescued the Nagas,
— tr. M.N. Dutt (1891–96) (public domain)
MBh 1 15.7
भ्रातृ॑श्च मातुलांश्चैव तथैवान्यान्स पन्नगान्। पितुंश्च तारयामास संतत्या तपसा तथा॥
bhrātṛ̭śca mātulāṃścaiva tathaivānyānsa pannagān| pituṃśca tārayāmāsa saṃtatyā tapasā tathā||
His brothers, his maternal uncles and other snakes. He also delivered his fathers by begetting a child.
— tr. M.N. Dutt (1891–96) (public domain)
MBh 1 15.8
व्रतैश्च विविधैर्ब्रह्मन्स्वाध्यायैश्चानृणोऽभवत्। देवांश्च तर्पयामास यज्ञैर्विविधदक्षिणैः। :॥
vrataiśca vividhairbrahmansvādhyāyaiścānṛṇo'bhavat| devāṃśca tarpayāmāsa yajñairvividhadakṣiṇaiḥ| :||
O Brahmana, he freed himself from their debts by rigid austerities, by various vows and the study of the Vedas. He propitiated the celestials by sacrifices in which various presents were made.
— tr. M.N. Dutt (1891–96) (public domain)
MBh 1 15.9
ऋषींश्च ब्रह्मचर्येण संतत्या च पितामहान्। अपहृत्य गुरुं भारं पितॄणां संशितव्रतः॥
ṛṣīṃśca brahmacaryeṇa saṃtatyā ca pitāmahān| apahṛtya guruṃ bhāraṃ pitṝṇāṃ saṃśitavrataḥ||
He pleased the Rishis by his Brahmacharya and his ancestors by begetting offspring. Thus discharging the heavy debt that he owed to his ancestors.
— tr. M.N. Dutt (1891–96) (public domain)
MBh 1 15.10
जरत्कारुर्गतः स्वर्गं सहित: स्वैः पितामहैः। आस्तीकं च सुतं प्राप्य धर्मं चानुत्तमं मुनिः॥
jaratkārurgataḥ svargaṃ sahita: svaiḥ pitāmahaiḥ| āstīkaṃ ca sutaṃ prāpya dharmaṃ cānuttamaṃ muniḥ||
Jaratkaru, of great austerity, attained heaven with his forefathers. Begetting the son, Astika and acquiring great religious merit, the best of the Munis,
— tr. M.N. Dutt (1891–96) (public domain)
MBh 1 15.11
जरत्कारुः सुमहता कालेन स्वर्गमेयिवान्। एतदाख्यानमास्तीकं यथावत्कथितं मया। प्रब्रूहि भृगुशार्दूल किमन्यत्कथयामि ते॥
jaratkāruḥ sumahatā kālena svargameyivān| etadākhyānamāstīkaṃ yathāvatkathitaṃ mayā| prabrūhi bhṛguśārdūla kimanyatkathayāmi te||
The greatly noble Jaratkaru, after a long course of years, went to heaven. This is the story of Astika. I have narrated it (to you) as it is. Now, tell me, O best of the Bhrigu race, what else shall I narrate.
— tr. M.N. Dutt (1891–96) (public domain)