Mahabharata — Volume I (Dutt edition) — Chapter 145

MBh 1 145.1

वैशम्पायन उवाच पाण्डवास्तु रथान् युक्तान् सदश्वैरनिलोपमैः। आरोहमाणा भीष्मस्य पादौ जगृहुरार्तवत्॥ राज्ञश्च धृतराष्ट्रस्य द्रोणस्य च महात्मनः। अन्येषां चैव वृद्धानां कृपस्य विदुरस्य च॥ एवं सर्वान् कुरून् वृद्धानभिवाद्य यतव्रताः। समालिङ्गय समानान् वै बालैश्चाप्यभिवादितः॥

vaiśampāyana uvāca pāṇḍavāstu rathān yuktān sadaśvairanilopamaiḥ| ārohamāṇā bhīṣmasya pādau jagṛhurārtavat|| rājñaśca dhṛtarāṣṭrasya droṇasya ca mahātmanaḥ| anyeṣāṃ caiva vṛddhānāṃ kṛpasya vidurasya ca|| evaṃ sarvān kurūn vṛddhānabhivādya yatavratāḥ| samāliṅgaya samānān vai bālaiścāpyabhivāditaḥ||

Vaishampayana said : The Pandavas got on their cars yoked with fine horses having the speed like that of the wind, When ascending (the car), they touched in grief the feet of Bhishma, of the king Dhritarashtra, of the high-souled Drona, Kripa and Vidura and of all the other old men. Thus duly saluting all the elders of the Kuru race, embracing the equals, being saluted by even the boys.

— tr. M.N. Dutt (1891–96) (public domain)

MBh 1 145.2

सर्वा मातृस्तथाऽऽपृच्छ्य कृत्वा चैव प्रदक्षिणम्। सर्वाः प्रकृतयश्चैव प्रययुर्वारणावतम्॥

sarvā mātṛstathā''pṛcchya kṛtvā caiva pradakṣiṇam| sarvāḥ prakṛtayaścaiva prayayurvāraṇāvatam||

Taking leave of all the mothers (elderly ladies), walking round them respectfully and bidding farewell to the citizens, they (the Pandavas) started for Varanavata.

— tr. M.N. Dutt (1891–96) (public domain)

MBh 1 145.3

विदुरच महाप्राज्ञस्तथान्ये कुरुपुङ्गवाः। पौराश्च पुरुषव्याघ्रानन्वीयुः शोककर्शिताः॥ तत्र केचिद् ब्रुवन्ति स्म ब्राह्मणा निर्भयास्तदा। दीनान् दृष्ट्वा पाण्डुसुतानतीव भृशदुःखिताः॥

viduraca mahāprājñastathānye kurupuṅgavāḥ| paurāśca puruṣavyāghrānanvīyuḥ śokakarśitāḥ|| tatra kecid bruvanti sma brāhmaṇā nirbhayāstadā| dīnān dṛṣṭvā pāṇḍusutānatīva bhṛśaduḥkhitāḥ||

The greatly intelligent Vidura and other best of the Kurus and also the citizens followed these best of men (for some distance) in sorrow. Seeing the sons of Pandu affected with sorrow and in grief, some of the men of the city spoke thus-

— tr. M.N. Dutt (1891–96) (public domain)

MBh 1 145.4

विषमं पश्यते राजा सर्वथा स सुमन्दधीः। कौरव्यो धृतराष्ट्रस्तु न च धर्म प्रपश्यति॥

viṣamaṃ paśyate rājā sarvathā sa sumandadhīḥ| kauravyo dhṛtarāṣṭrastu na ca dharma prapaśyati||

“The king (Dhritarashtra) sees not things with an equal eye. He is always wickedminded. The Kuru Dhritarashtra dose not cast his eye on virtue.

— tr. M.N. Dutt (1891–96) (public domain)

MBh 1 145.5

न हि पापमपापात्मा रोचयिष्यति पाण्डवः। भीमो वा बलिनां श्रेष्ठः कौन्तेयो वा धनंजयः॥

na hi pāpamapāpātmā rocayiṣyati pāṇḍavaḥ| bhīmo vā balināṃ śreṣṭhaḥ kaunteyo vā dhanaṃjayaḥ||

The Pandava (Yudhisthira), the best of all strong men Bhima, or Dhananjaya (Arjuna) will never commit the sin of rebellion.

— tr. M.N. Dutt (1891–96) (public domain)

MBh 1 145.6

कुत एव महात्मानौ माद्रीपुत्रौ करिष्यत। तान् राज्यं पितृतः प्राप्तान् धृतराष्टो न मृष्यते॥

kuta eva mahātmānau mādrīputrau kariṣyata| tān rājyaṃ pitṛtaḥ prāptān dhṛtarāṣṭo na mṛṣyate||

What these illustrious (princes) would do, the two sons of Madri will also do. They have inherited the kingdom from their father, but Dhritarashtra can not beat them.

— tr. M.N. Dutt (1891–96) (public domain)

MBh 1 145.7

अधर्म्यमिदमत्यन्तं कथं भीष्योऽनुमन्यते। विवास्यमानानस्थाने नगरे योऽभिमन्यते॥

adharmyamidamatyantaṃ kathaṃ bhīṣyo'numanyate| vivāsyamānānasthāne nagare yo'bhimanyate||

How could Bhishma sanction such an act of great sin? How could he sanction their exile to that wretched city?

— tr. M.N. Dutt (1891–96) (public domain)

MBh 1 145.8

पितेव हि नृपोऽस्माकमभूच्छांतनवः पुरा। विचित्रवीर्यो राजर्षिः पाण्डुश्च कुरुनन्दनः॥

piteva hi nṛpo'smākamabhūcchāṃtanavaḥ purā| vicitravīryo rājarṣiḥ pāṇḍuśca kurunandanaḥ||

The son of Shantanu, Vichitravirya and the descendant of Kuru, the royal sage Pandu, were to us like our fathers.

— tr. M.N. Dutt (1891–96) (public domain)

MBh 1 145.9

स तस्मिन् पुरुषव्याघ्र देवभावं गते सति। राजपुत्रानिमान् बालान् धृतराष्ट्रो न मृष्यते॥

sa tasmin puruṣavyāghra devabhāvaṃ gate sati| rājaputrānimān bālān dhṛtarāṣṭro na mṛṣyate||

Now that best of men (Pandu), having gone to heaven, Dhritarashtra can not bear these princes, his sons.

— tr. M.N. Dutt (1891–96) (public domain)

MBh 1 145.10

वयमेतदनिच्छन्तः सर्व एव पुरोत्तमात्। गृहान् विहाय गच्छामो यत्र गन्ता युधिष्ठिरः॥

vayametadanicchantaḥ sarva eva purottamāt| gṛhān vihāya gacchāmo yatra gantā yudhiṣṭhiraḥ||

We can not sanction this. Therefore leaving this excellent city and our houses, we shall go to the place where Yudhisthira is going.

— tr. M.N. Dutt (1891–96) (public domain)

MBh 1 145.11

तांस्तथावादिनः पौरान् दुःखितान् दुःखकर्शितः। उवाच मनसा ध्यात्वा धर्मराजो युधिष्ठिरः॥

tāṃstathāvādinaḥ paurān duḥkhitān duḥkhakarśitaḥ| uvāca manasā dhyātvā dharmarājo yudhiṣṭhiraḥ||

The king of virtue, Yudhisthira reflected for some time and then addressed in sorrow the citizens who were talking thus in grief.

— tr. M.N. Dutt (1891–96) (public domain)

MBh 1 145.12

पिता मान्यो गुरुः श्रेष्ठो यदाह पृथिवीपतिः। अशङ्कमानैस्तत् कार्यमस्माभिरिति नो व्रतम्॥

pitā mānyo guruḥ śreṣṭho yadāha pṛthivīpatiḥ| aśaṅkamānaistat kāryamasmābhiriti no vratam||

“The king of the world (Dhritarashtra) is our father, (he is) worthy of our regard, (he is) our preceptor and our superior. It is our duty, to accomplish with auspicious mind whatever he commands.

— tr. M.N. Dutt (1891–96) (public domain)

MBh 1 145.13

भवन्तः सुहृदोऽस्माकमस्मान् कृत्वा प्रदक्षिणम्। प्रतिनन्द्य तथाशीभिर्निवर्तध्वं यथा गृहम्॥ यदा तु कार्यमस्माकं भवद्भिपपत्स्यते। तदा करिष्यथास्माकं प्रियाणि च हितानि च॥

bhavantaḥ suhṛdo'smākamasmān kṛtvā pradakṣiṇam| pratinandya tathāśībhirnivartadhvaṃ yathā gṛham|| yadā tu kāryamasmākaṃ bhavadbhipapatsyate| tadā kariṣyathāsmākaṃ priyāṇi ca hitāni ca||

"You are our friends; walking round us and making us happy with your blessings, return to your homes. When the time comes for anything to be done for us by you, then accomplish all that is agreeable and beneficial to us."

— tr. M.N. Dutt (1891–96) (public domain)

MBh 1 145.14

एवमुक्तास्तदा पौराः कृत्वा चापि प्रदक्षिणम्। आशीभिश्चाभिनन्द्यैताञ्जग्मुर्नगरमेव हि॥

evamuktāstadā paurāḥ kṛtvā cāpi pradakṣiṇam| āśībhiścābhinandyaitāñjagmurnagarameva hi||

Having been thus addressed, the citizens walked round the Pandavas and offered them their blessings. They then returned to the city.

— tr. M.N. Dutt (1891–96) (public domain)

MBh 1 145.15

पौरेषु विनिवृत्तेषु विदुरः सत्यधर्मवित्। बोधयन् पाण्डवश्रेष्ठमिदं वचनमब्रवीत्॥

paureṣu vinivṛtteṣu viduraḥ satyadharmavit| bodhayan pāṇḍavaśreṣṭhamidaṃ vacanamabravīt||

When the citizens had left (the Pandavas), Vidura, learned in all the precepts of virtue, thus spoke to the eldest Pandava in order to want him (of his danger.)

— tr. M.N. Dutt (1891–96) (public domain)

MBh 1 145.16

प्राज्ञः प्राज्ञप्रलापज्ञः प्रलापज्ञमिदं वचः। प्राज्ञं प्राज्ञः प्रलापज्ञः प्रलापज्ञं वचोऽब्रवीत्॥

prājñaḥ prājñapralāpajñaḥ pralāpajñamidaṃ vacaḥ| prājñaṃ prājñaḥ pralāpajñaḥ pralāpajñaṃ vaco'bravīt||

The learned man (Vidura) conversant with the (Mlecha) Jargon, spoke thus to the learned man (Yudhisthira), also conversant with the (Mlecha) jargon (in that Mlecha jargon)."

— tr. M.N. Dutt (1891–96) (public domain)

MBh 1 145.17

यो जानाति परप्रज्ञा नीतिशास्त्रानुसारिणीम्। विज्ञायेह तथा कुर्यादापदं निस्तरेद् यथा॥

yo jānāti paraprajñā nītiśāstrānusāriṇīm| vijñāyeha tathā kuryādāpadaṃ nistared yathā||

He who knows the schemes of others (enemies) according to the dictates of political science, knowing it, should act in such a way as to avoid all dangers.

— tr. M.N. Dutt (1891–96) (public domain)

MBh 1 145.18

अलोहं निशितं शस्त्रं शरीरपरिकर्तनम्। यो वेत्ति न तु तं नन्ति प्रतिघातविदं द्विषः॥

alohaṃ niśitaṃ śastraṃ śarīraparikartanam| yo vetti na tu taṃ nanti pratighātavidaṃ dviṣaḥ||

He, who knows that there are sharp weapons capable of cutting the body though not made of iron and understands also the means of warding them off, can never be injured by the enemy.

— tr. M.N. Dutt (1891–96) (public domain)

MBh 1 145.19

कक्षघ्नः शिशिरघ्नश्च महाकक्षे बिलौकसः। न देहदिति चात्मानं यो रक्षति स जीवति॥

kakṣaghnaḥ śiśiraghnaśca mahākakṣe bilaukasaḥ| na dehaditi cātmānaṃ yo rakṣati sa jīvati||

He lives who protects himself by the knowledge that neither the consumer of straw and wood not the drier of dews burns the inmates of a hole in the deep forest.

— tr. M.N. Dutt (1891–96) (public domain)

MBh 1 145.20

नाचक्षुर्वेति पन्थानं नाचक्षुर्विन्दते दिशः। नाधृतिर्बुद्धिमाप्नोति बुध्यस्वैवं प्रबोधितः॥

nācakṣurveti panthānaṃ nācakṣurvindate diśaḥ| nādhṛtirbuddhimāpnoti budhyasvaivaṃ prabodhitaḥ||

The blind man sees not his way, (for) the blind man has no knowledge of direction. He who has no firmness never acquires prosperity. Knowing this, keep yourself always alert.

— tr. M.N. Dutt (1891–96) (public domain)

MBh 1 145.21

अनाप्तैर्दत्तमादत्ते नरः शस्त्रमलोहजम्। श्वाविच्छरणमासाद्य प्रमुच्येत हुताशनात्॥

anāptairdattamādatte naraḥ śastramalohajam| śvāviccharaṇamāsādya pramucyeta hutāśanāt||

The man, who takes a weapon (which is) not made of iron (and which is) given him by his enemy, can escape from fire by making his house like hole of a jackal.

— tr. M.N. Dutt (1891–96) (public domain)

MBh 1 145.22

चरन् मार्गान् विजानाति नक्षत्रैर्विन्दते दिशः। आत्मना चात्मनः पञ्च पीडयन् नानुपीड्यते॥

caran mārgān vijānāti nakṣatrairvindate diśaḥ| ātmanā cātmanaḥ pañca pīḍayan nānupīḍyate||

By travelling a man may know the ways and by the star he can ascertain the direction. He that keeps his five (senses) under control can never be oppressed by his enemy."

— tr. M.N. Dutt (1891–96) (public domain)

MBh 1 145.23

एवमुक्तः प्रत्युवाच धर्मराजो युधिष्ठिरः। विदुरं विदुषां श्रेष्ठं ज्ञातमित्येव पाण्डवः॥

evamuktaḥ pratyuvāca dharmarājo yudhiṣṭhiraḥ| viduraṃ viduṣāṃ śreṣṭhaṃ jñātamityeva pāṇḍavaḥ||

Having been thus addressed, the king of virtue, the son of Pandu, Yudhishthira, thus replied to that foremost of learned men, the illustrious Vidura. "I have understood you."

— tr. M.N. Dutt (1891–96) (public domain)

MBh 1 145.24

अनुशिक्ष्यानुगम्यैतान् कृत्वा चैव प्रदक्षिणम्। पाण्डवानभ्यनुज्ञाय विदुरः प्रययौ गृहान्॥

anuśikṣyānugamyaitān kṛtvā caiva pradakṣiṇam| pāṇḍavānabhyanujñāya viduraḥ prayayau gṛhān||

Vidura, thus having instructed the Pandavas, walked round them and bidding them farewell, returned to his house.

— tr. M.N. Dutt (1891–96) (public domain)

MBh 1 145.25

निवृत्ते विदुरे चापि भीष्मे पौरजने तथा। अजातशत्रुमासाद्य कुन्ती वचनमब्रवीत्॥

nivṛtte vidure cāpi bhīṣme paurajane tathā| ajātaśatrumāsādya kuntī vacanamabravīt||

Vidura, Bhishma and citizens having gone back, Kunti came to Ajatashatru (Yudhisthira) and spoke thus-

— tr. M.N. Dutt (1891–96) (public domain)

MBh 1 145.26

क्षत्ता यदब्रवीद् वाक्यं जनमध्येऽब्रुवन्निव। त्वया च स तथेत्युक्तो जानीमो न च तद् वयम्॥

kṣattā yadabravīd vākyaṃ janamadhye'bruvanniva| tvayā ca sa tathetyukto jānīmo na ca tad vayam||

"What Khattwa (Vidura) said to you in the midst of many people, so indistinctly as if he said nothing and what you said similarly (in reply) is not understood by us.

— tr. M.N. Dutt (1891–96) (public domain)

MBh 1 145.27

यदीदं शक्यमस्माभिर्ज्ञातुं न च सदोषवत्। श्रोतुमिच्छामि तत् सर्वं संवादं तव तस्य च॥

yadīdaṃ śakyamasmābhirjñātuṃ na ca sadoṣavat| śrotumicchāmi tat sarvaṃ saṃvādaṃ tava tasya ca||

"If it is not improper for us to know it, I desire to hear all that passed between you and him."

— tr. M.N. Dutt (1891–96) (public domain)

MBh 1 145.28

युधिष्ठिर उवाच गृहादग्निश्च बोद्धव्य इति मां विदुरोऽब्रवीत्। पन्थाश्च वो नाविदितः कश्चित् स्पादिति धर्मधीः॥

yudhiṣṭhira uvāca gṛhādagniśca boddhavya iti māṃ viduro'bravīt| panthāśca vo nāviditaḥ kaścit spāditi dharmadhīḥ||

Yudhisthira said : The virtuous Vidura said to me that I must know that the house (at Varanavata) is made of inflammable materials. (He further said) the way of escape will also be known to you."

— tr. M.N. Dutt (1891–96) (public domain)

MBh 1 145.29

जितेन्द्रियश्च वसुधां प्राप्स्यतीति च मेऽब्रवीत्। विज्ञातमिति तत् सर्वं प्रत्युक्तो विदुरो मया॥

jitendriyaśca vasudhāṃ prāpsyatīti ca me'bravīt| vijñātamiti tat sarvaṃ pratyukto viduro mayā||

He told me "The man who is self controlled wins (the sovereignty) of the whole world." I replied to Vidura. “I have understood you."

— tr. M.N. Dutt (1891–96) (public domain)

MBh 1 145.30

वैशम्पायन उवाच अष्टमेऽहनि रोहिण्यां प्रयाताः फाल्गुनस्य ते। वारणावतमासाद्य ददृशुर्नागरं जनम्॥

vaiśampāyana uvāca aṣṭame'hani rohiṇyāṃ prayātāḥ phālgunasya te| vāraṇāvatamāsādya dadṛśurnāgaraṃ janam||

Vaishampayana said : The Pandavas stared for Varanavata on the eighth day of the month of Falguni when the star Rohini was ascendant; and arriving there they saw the town and its people.

— tr. M.N. Dutt (1891–96) (public domain)