Mahabharata — Volume I (Dutt edition) — Chapter 144
MBh 1 144.1
वैशम्पायन उवाच एवमुक्तेषु राज्ञा तु पाण्डुपुत्रेषु भारत। दुर्योधनः परं हर्षमगच्छत् स दुरात्मवान्॥ स पुरोचनमेकान्तमानीय भरतर्षभ। गृहीत्वा दक्षिणे पाणौ सचिवं वाक्यमब्रवीत्॥ ममेयं वसुसम्पूर्णा पुरोचन वसुंधरा। यथेयं मम तद्वत् ते स तां रक्षितुमर्हसि॥ न हि मे कश्चिदन्योऽस्ति विश्वासिकतरस्त्वया। सहायो येन संधाय मन्त्रयेयं यथा त्वया॥
vaiśampāyana uvāca evamukteṣu rājñā tu pāṇḍuputreṣu bhārata| duryodhanaḥ paraṃ harṣamagacchat sa durātmavān|| sa purocanamekāntamānīya bharatarṣabha| gṛhītvā dakṣiṇe pāṇau sacivaṃ vākyamabravīt|| mameyaṃ vasusampūrṇā purocana vasuṃdharā| yatheyaṃ mama tadvat te sa tāṃ rakṣitumarhasi|| na hi me kaścidanyo'sti viśvāsikatarastvayā| sahāyo yena saṃdhāya mantrayeyaṃ yathā tvayā||
Vaishampayana said : O descendant of Bharata, when the king thus addressed the sons of Pandu, the wickedminded Duryodhana became exceedingly happy. O best of the Bharata race, he summoned in private, Purochana and taking up his right hand, he thus spoke to that counsellor. O Purochana, this world, full of wealth, is mine. It is equally yours with me. (Therefore), you should protect it. I have no other more trustworthy supporter and counsellor than you with whom I can consult.
— tr. M.N. Dutt (1891–96) (public domain)
MBh 1 144.2
संरक्ष तात मन्त्रं च सपत्नांश्च ममोद्धर। निपुणेनाभ्युपायेन यद् ब्रवीमि तथा कुरु॥
saṃrakṣa tāta mantraṃ ca sapatnāṃśca mamoddhara| nipuṇenābhyupāyena yad bravīmi tathā kuru||
O sire, keep my counsel (a secret) and destroy my enemy by some clever device. Accomplish, what I ask you to do.
— tr. M.N. Dutt (1891–96) (public domain)
MBh 1 144.3
पाण्डवा धृतराष्ट्रेण प्रेषिता वारणावतम्। उत्सवे विहरिष्यन्ति धृतराष्ट्रस्य शासनात्॥
pāṇḍavā dhṛtarāṣṭreṇa preṣitā vāraṇāvatam| utsave vihariṣyanti dhṛtarāṣṭrasya śāsanāt||
The Pandavas have been sent by Dhritarashtra to Varanavata. They will sport there in the festival at the command of Dhritarashtra.
— tr. M.N. Dutt (1891–96) (public domain)
MBh 1 144.4
स त्वं रासभयुक्तेन स्पन्दनेनाशुगामिना। वारणावतमद्यैव यथा यासि तथा कुरु॥
sa tvaṃ rāsabhayuktena spandanenāśugāminā| vāraṇāvatamadyaiva yathā yāsi tathā kuru||
Do that by with you can reach Varanavata this very day on a car drawn by swift asses.
— tr. M.N. Dutt (1891–96) (public domain)
MBh 1 144.5
तत्र गत्वा चतुःशालं गृहं परमसंवृतम्। नगरोपान्तमाश्रित्य कारयेथा महाधनम्॥
tatra gatvā catuḥśālaṃ gṛhaṃ paramasaṃvṛtam| nagaropāntamāśritya kārayethā mahādhanam||
Going there, erect a quadrangle palace at the outskirts of the city, (which should be) rich in materials and furniture. Guard it (also) well.
— tr. M.N. Dutt (1891–96) (public domain)
MBh 1 144.6
शणसर्जरसादीनि यानि द्रव्याणि कानिचित्। आग्नेयान्युत सन्तीह तानि तत्र प्रदापय॥
śaṇasarjarasādīni yāni dravyāṇi kānicit| āgneyānyuta santīha tāni tatra pradāpaya||
Use in it (in erecting that house,) hemp, resin and all other inflammable materials that are procurable.
— tr. M.N. Dutt (1891–96) (public domain)
MBh 1 144.7
सर्पिस्तैलवसाभिश्च लाक्षया चाप्यनल्पया। मृत्तिका मिश्रयित्वा त्वं लेपं कुड्येषु दापय॥
sarpistailavasābhiśca lākṣayā cāpyanalpayā| mṛttikā miśrayitvā tvaṃ lepaṃ kuḍyeṣu dāpaya||
Mixing a little earth with ghee, oil, fat and a large quantity of lac, plaster the wall with it.
— tr. M.N. Dutt (1891–96) (public domain)
MBh 1 144.8
शणं तैलं घृतं चैव जतु दारूणि चैव हि। तस्मिन् वेश्मनि सर्वाणि निक्षिपेथाः समन्ततः॥ यथा च तन्न पश्येरन् परीक्षन्तोऽपि पाण्डवाः। आग्नेयमिति तत् कार्यमपि चान्येऽपि मानवाः॥ वेश्मन्येवं कृते तत्र गत्वा तान् परमार्चितान्। वासयेथाः पाण्डवेयान् कुन्ती च ससुहृज्जनाम्॥
śaṇaṃ tailaṃ ghṛtaṃ caiva jatu dārūṇi caiva hi| tasmin veśmani sarvāṇi nikṣipethāḥ samantataḥ|| yathā ca tanna paśyeran parīkṣanto'pi pāṇḍavāḥ| āgneyamiti tat kāryamapi cānye'pi mānavāḥ|| veśmanyevaṃ kṛte tatra gatvā tān paramārcitān| vāsayethāḥ pāṇḍaveyān kuntī ca sasuhṛjjanām||
Place carefully all over that house hemp, oil, ghee, lac and wood. In such a way that the Pandavas and other men may not even with scrutiny see them or conclude that it is made of inflammable materials. Erecting such a house and worshipping the Pandavas with great reverence, make them live in it with Kunti and all their friends.
— tr. M.N. Dutt (1891–96) (public domain)
MBh 1 144.9
आसगानि च दिव्यानि यानानि शयनानि च। विधातव्यानि पाण्डूनां यथा तुष्येत वै पिता॥ यथा च तन्न जानन्ति नगरे वारणावते। तथा सर्वं विधातव्यं यावत् कालस्य पर्ययः॥
āsagāni ca divyāni yānāni śayanāni ca| vidhātavyāni pāṇḍūnāṃ yathā tuṣyeta vai pitā|| yathā ca tanna jānanti nagare vāraṇāvate| tathā sarvaṃ vidhātavyaṃ yāvat kālasya paryayaḥ||
Place there for the Pandavas seats, conveyances and beds of best workmanship, as ordered my father. Manage all this in a way so that none in the city of Varanavata may know it, till the end we have in view is accomplished.
— tr. M.N. Dutt (1891–96) (public domain)
MBh 1 144.10
ज्ञात्वा च तान् सुविश्वस्ताशयानानकुतोभयान्। अग्निस्त्वया ततो देयो द्वारतस्तस्य वेश्मनः॥
jñātvā ca tān suviśvastāśayānānakutobhayān| agnistvayā tato deyo dvāratastasya veśmanaḥ||
Knowing that they are sleeping in that house in confidence and without fear, set fire to it, beginning from the gate.
— tr. M.N. Dutt (1891–96) (public domain)
MBh 1 144.11
दह्यमाने स्वके गेहे दग्धा इति ततो जनाः। न गर्हयेयुरस्मान् वै पाण्डवार्थाय कर्हिचित्॥
dahyamāne svake gehe dagdhā iti tato janāḥ| na garhayeyurasmān vai pāṇḍavārthāya karhicit||
The people will think that they have been burnt to death in that burning house; and therefore none will be able to blame us for the death of the Pandavas,
— tr. M.N. Dutt (1891–96) (public domain)
MBh 1 144.12
स तथेति प्रतिज्ञाय कौरवाय पुरोचनः। प्रायाद् रासभयुक्तेन स्पन्दनेनाशुगामिना॥
sa tatheti pratijñāya kauravāya purocanaḥ| prāyād rāsabhayuktena spandanenāśugāminā||
Purochana promised to that Kaurava (Duryodhana) to carry out all by saying, “Be it so" and he then went (away) on a swift car drawn by asses.
— tr. M.N. Dutt (1891–96) (public domain)
MBh 1 144.13
स गत्वा त्वरितं राजन् दुर्योधनमते स्थितः। यथोक्तं राजपुत्रेण सर्वं चक्रे पुरोचनः॥
sa gatvā tvaritaṃ rājan duryodhanamate sthitaḥ| yathoktaṃ rājaputreṇa sarvaṃ cakre purocanaḥ||
O king, ever obedient to Duryodhana, he went without loss of time. Purochana did all that the prince said, (asked him to do).
— tr. M.N. Dutt (1891–96) (public domain)