Mahabharata — Volume I (Dutt edition) — Chapter 14
MBh 1 14.1
सौतिरुवाच ततो निवेशाय तदा स विप्रः संशितव्रतः। महीं चचार दारार्थी न च दारानविन्दतः॥
sautiruvāca tato niveśāya tadā sa vipraḥ saṃśitavrataḥ| mahīṃ cacāra dārārthī na ca dārānavindataḥ||
Sauti said : The Brahmana of hard austerities (Jaratkaru) roamed over the world for a wife, but he did not get a wife.
— tr. M.N. Dutt (1891–96) (public domain)
MBh 1 14.2
स कदाचिद्वनं गत्वा विप्रः पितृवचः स्मरन्। चुक्रोश कन्याभिक्षार्थी तिस्रो वाचः शनैरिव॥
sa kadācidvanaṃ gatvā vipraḥ pitṛvacaḥ smaran| cukrośa kanyābhikṣārthī tisro vācaḥ śanairiva||
One day he went into the forest and remembering the words of his ancestors, he thrice begged for a bride in a faint voice.
— tr. M.N. Dutt (1891–96) (public domain)
MBh 1 14.3
तं वासुकिः प्रत्यगृह्णादुद्यम्य भगिनीं तदा। न स तां प्रतिजग्राह न सनाम्नीति चिन्तयन्॥
taṃ vāsukiḥ pratyagṛhṇādudyamya bhaginīṃ tadā| na sa tāṃ pratijagrāha na sanāmnīti cintayan||
Thereupon, Vasuki appeared and offered his sister for the Rishi's acceptance. But the Rishi hesitated to accept her, thinking her to be not of the same name with himself.
— tr. M.N. Dutt (1891–96) (public domain)
MBh 1 14.4
सनाम्नी चोद्यतां भार्यां गृह्णीयामिति तस्य हि। मनो निविष्टमभवज्जरत्कारोर्महात्मनः॥
sanāmnī codyatāṃ bhāryāṃ gṛhṇīyāmiti tasya hi| mano niviṣṭamabhavajjaratkārormahātmanaḥ||
The high-souled Jaratkaru thought within himself, “I will take none for my wife who does not bear my name."
— tr. M.N. Dutt (1891–96) (public domain)
MBh 1 14.5
तमुवाच महाप्राज्ञो जरत्करुमहातपाः। किं नाम्नी भगिनीयं ते ब्रूहि सत्यं भुजंगम॥
tamuvāca mahāprājño jaratkarumahātapāḥ| kiṃ nāmnī bhaginīyaṃ te brūhi satyaṃ bhujaṃgama||
Then Jaratkaru, the great ascetic of rigid austerities, said, “O snake tell me truly what is the name of your sister?”
— tr. M.N. Dutt (1891–96) (public domain)
MBh 1 14.6
वासुकिरुवाच जरत्कारो जरत्कारुः स्वसेयमनुजा मम। प्रतिगृह्णीष्व भार्यार्थे मया दत्तां सुमध्यमाम्। त्वदर्थं रक्षिता पूर्वं प्रतीच्छेमां द्विजोत्तम॥
vāsukiruvāca jaratkāro jaratkāruḥ svaseyamanujā mama| pratigṛhṇīṣva bhāryārthe mayā dattāṃ sumadhyamām| tvadarthaṃ rakṣitā pūrvaṃ pratīcchemāṃ dvijottama||
Vasuki said: O Jaratkaru, my sister's name is also Jaratkaru. Given as a gift by me, accept this girl of slender waist for your wife. O best of the twice born, I had kept her in reserve for you. Therefore, take her.
— tr. M.N. Dutt (1891–96) (public domain)
MBh 1 14.7
एवमुक्त्वा ततः प्रादाद्भार्यार्थे वरवर्णिनीम्। स च तां प्रतिजग्राह विधिदृष्टेन कर्मणा॥
evamuktvā tataḥ prādādbhāryārthe varavarṇinīm| sa ca tāṃ pratijagrāha vidhidṛṣṭena karmaṇā||
Saying this he offered his beautiful sister to Jaratkaru, who then married her according to the ordained rites.
— tr. M.N. Dutt (1891–96) (public domain)