Mahabharata — Volume I (Dutt edition) — Chapter 139

MBh 1 139.1

वैशम्पायन उवाच ततः संवत्सारस्यान्ते यौवराज्याय पार्थिव। स्थापितो तराष्ट्रेण पाण्डुपुत्रो युधिष्ठिरः॥ धृतिस्थैर्य सहिष्णुत्वादानृशंस्यात् तथार्जवात्। भृत्यानम्नुकम्पार्थं तथैव स्थिरसौहृदात्॥

vaiśampāyana uvāca tataḥ saṃvatsārasyānte yauvarājyāya pārthiva| sthāpito tarāṣṭreṇa pāṇḍuputro yudhiṣṭhiraḥ|| dhṛtisthairya sahiṣṇutvādānṛśaṃsyāt tathārjavāt| bhṛtyānamnukampārthaṃ tathaiva sthirasauhṛdāt||

Vaisha'mpayana said : O king, after the expiration of a year (from this), the son of Pandu, Yudhisthira, was installed as the heir-apparent. For he was noted for his firmness, fortitude, patience, benev olence, frankness and unswerving honesty of heart.

— tr. M.N. Dutt (1891–96) (public domain)

MBh 1 139.2

ततोऽदीर्घेण कालेन कुन्तीपुत्रो युधिष्ठिरः। पितुरन्तर्दधे कीर्ति शीलवृत्तसमाधिभिः॥

tato'dīrgheṇa kālena kuntīputro yudhiṣṭhiraḥ| piturantardadhe kīrti śīlavṛttasamādhibhiḥ||

Thereupon, within a very short time, the son of Kunti, Yudhisthira, overshadowed the deeds of his faiher by his good behaviour, manners and close application to business.

— tr. M.N. Dutt (1891–96) (public domain)

MBh 1 139.3

असियुद्धे गदायुद्धे रथयुद्धे च पाण्डवः। संकर्षणादशिक्षद् वै शश्वच्छिक्षां वृकोदरः॥

asiyuddhe gadāyuddhe rathayuddhe ca pāṇḍavaḥ| saṃkarṣaṇādaśikṣad vai śaśvacchikṣāṃ vṛkodaraḥ||

The Pandava Vrikodara began to receive lessons from Sankarshana (Balarama) in sword-fight, club-fight and car-fight.

— tr. M.N. Dutt (1891–96) (public domain)

MBh 1 139.4

समाप्तशिक्षो भीमस्तु द्युमत्सेनसमो बले। पराक्रमेण सम्पन्नो भ्रातृणामचरद् वशे॥

samāptaśikṣo bhīmastu dyumatsenasamo bale| parākrameṇa sampanno bhrātṛṇāmacarad vaśe||

At the end of his education (in arms), he became in strength equal to Duymutsena. He remained in harmony with his brothers, becoming great in prowess.

— tr. M.N. Dutt (1891–96) (public domain)

MBh 1 139.5

प्रगाढदृढमुष्टित्वे लाघवे वेधने तथा। क्षुरनाराचभल्लानां विपादानां च तत्त्ववित्॥ ऋजुवक्रविशालानां प्रयोक्ता फाल्गुनोऽभवत्। लाघवे सौष्ठवे चैव नान्यः कश्चन विद्यते॥ बीभत्सुसदृशो लोके इति द्रोणो व्यवस्थितः। ततोऽब्रवीद् गुडाकेशं द्रोणः कौरवसंसदि॥

pragāḍhadṛḍhamuṣṭitve lāghave vedhane tathā| kṣuranārācabhallānāṃ vipādānāṃ ca tattvavit|| ṛjuvakraviśālānāṃ prayoktā phālguno'bhavat| lāghave sauṣṭhave caiva nānyaḥ kaścana vidyate|| bībhatsusadṛśo loke iti droṇo vyavasthitaḥ| tato'bravīd guḍākeśaṃ droṇaḥ kauravasaṃsadi||

Arjuna became famous for the firmness of his grasp (of weapons), for his lightness of motion, his precision of aim and his proficiency in Kshura, Naracha, Bhalla, Vipatha and other straight, crooked and heavy weapons. And Drona said that there was none in the world who was equal to Bibhatsa (Arjuna) in lightness of hand and in general proficiency. Thereupon (one day) Drona thus spoke to Gudakesha (Arjuna) before the assembly of Kauravas.

— tr. M.N. Dutt (1891–96) (public domain)

MBh 1 139.6

अगस्त्यस्य धनुर्वेद शिष्यों मम गुरुः पुरा। अग्निवेश इति ख्यातस्तस्य शिष्योऽस्मि भारत॥ तीर्थात् तीर्थं गमयितुमहमेतत् समुद्यतः। तपसा यन्मया प्राप्तममोघमशनिप्रभम्॥ अस्त्रं ब्रह्मशिरो नाम यद् दहेत् पृथिवीमपि। ददता गुरुणा चोक्तं न मनुष्येष्विदं त्वया॥ भारद्वाज विमोक्तव्यमल्पवीर्येष्वपि प्रभो। त्वया प्राप्तमिदं वीर दिव्यं नान्योऽर्हति त्विदम्॥ समयस्तु त्वया रक्ष्यो मुनिसृष्टो विशाम्पते। आचार्यदक्षिणां देहि ज्ञातिग्रामस्य पश्यतः॥

agastyasya dhanurveda śiṣyoṃ mama guruḥ purā| agniveśa iti khyātastasya śiṣyo'smi bhārata|| tīrthāt tīrthaṃ gamayitumahametat samudyataḥ| tapasā yanmayā prāptamamoghamaśaniprabham|| astraṃ brahmaśiro nāma yad dahet pṛthivīmapi| dadatā guruṇā coktaṃ na manuṣyeṣvidaṃ tvayā|| bhāradvāja vimoktavyamalpavīryeṣvapi prabho| tvayā prāptamidaṃ vīra divyaṃ nānyo'rhati tvidam|| samayastu tvayā rakṣyo munisṛṣṭo viśāmpate| ācāryadakṣiṇāṃ dehi jñātigrāmasya paśyataḥ||

In the time of yore Agastya had a disciple in the science of arms. Who was known as Agnivesha. He was my preceptor and I was his disciple. O descendant of Bharata, I obtained from him by asceticism a weapon, known by the name of Brahmashira, which can never be futile and which is like thunder itself and capable of consuming the whole earth. That weapon from what I have done may now descend from disciple to disciple. Giving it to me, my preceptor said, “O son of Bharadvaja, do not hurl this weapon against any human being and against one who possess but little energy." O hero, (Arjuna), you have obtained that celestial weapon (from me); none else deserves it. But O Vishampata, obey the command of that best of Rishis (Agnivesha). Now give your preceptor's Dakshina before all your relatives and cousins.

— tr. M.N. Dutt (1891–96) (public domain)

MBh 1 139.7

ददानीति प्रतिज्ञाते फाल्गुनेनाब्रवीद् गुरुः। युद्धेऽहं प्रतियोद्धव्यो युध्यमानस्त्वयानघ॥

dadānīti pratijñāte phālgunenābravīd guruḥ| yuddhe'haṃ pratiyoddhavyo yudhyamānastvayānagha||

Falguni (Arjuna) promised to the preceptor "To give (the Dakshina)." Drona said, O sinless one, you must fight with me when I fight with you.'

— tr. M.N. Dutt (1891–96) (public domain)

MBh 1 139.8

तथेति च प्रतिज्ञाय द्रोणाय कुरुपुङ्गवः। उपसंगृह्य चरणौ स प्रायादुत्तरां दिशम्॥

tatheti ca pratijñāya droṇāya kurupuṅgavaḥ| upasaṃgṛhya caraṇau sa prāyāduttarāṃ diśam||

That best of Kurus promised this also to Drona. Touching his feet, he went away northwards.

— tr. M.N. Dutt (1891–96) (public domain)

MBh 1 139.9

स्वभावादगमच्छब्दो महीं सागरमेखलाम्। अर्जुनस्य समो लांके नास्ति कश्चिद् धनुर्धरः॥

svabhāvādagamacchabdo mahīṃ sāgaramekhalām| arjunasya samo lāṃke nāsti kaścid dhanurdharaḥ||

There arose a great shout covering the whole earth, bounded by the belt of sea. “There was no bowman in the whole world equal to Arjuna.”

— tr. M.N. Dutt (1891–96) (public domain)

MBh 1 139.10

गदायुद्धेऽसियुद्धे च रथयुद्धे च पाण्डवः। पारगश्च धनुयुद्धे बभूवाथ धनंजयः॥

gadāyuddhe'siyuddhe ca rathayuddhe ca pāṇḍavaḥ| pāragaśca dhanuyuddhe babhūvātha dhanaṃjayaḥ||

Pandava Dhananjaya became proficient in club-fight, sword-fight, car-fight and bowfight.

— tr. M.N. Dutt (1891–96) (public domain)

MBh 1 139.11

नीतिमान् सकलां नीति विबुधाधिपतेस्तदा। अवाप्य सहदेवोऽपि भ्रातृणां ववृते वशे॥ द्रोणेनैव विनीतश्च भ्रातृणां नकुलः प्रियः। चित्रयोधी समाख्यातो बभूवातिरथोदितः॥

nītimān sakalāṃ nīti vibudhādhipatestadā| avāpya sahadevo'pi bhrātṛṇāṃ vavṛte vaśe|| droṇenaiva vinītaśca bhrātṛṇāṃ nakulaḥ priyaḥ| citrayodhī samākhyāto babhūvātirathoditaḥ||

Sahadeva, obtaining the whole science of morality and duties from the lord of all science Drona, remained obedient to his brothers. Nakula, the favourite of his brothers, taught by Drona, became known ass a skilful warrior and a car-warrior.

— tr. M.N. Dutt (1891–96) (public domain)

MBh 1 139.12

त्रिवर्षकृतयज्ञस्तु गन्धर्वाणामुपप्लवे। अर्जुनप्रमुखैः पार्थैः सौवीरः समरे हतः॥ न शशाक वशे कर्तुं यं पाण्डुरपि वीर्यवान्। सोऽर्जुनेन वशं नीतो राजाऽऽसीद् यवनाधिपः॥

trivarṣakṛtayajñastu gandharvāṇāmupaplave| arjunapramukhaiḥ pārthaiḥ sauvīraḥ samare hataḥ|| na śaśāka vaśe kartuṃ yaṃ pāṇḍurapi vīryavān| so'rjunena vaśaṃ nīto rājā''sīd yavanādhipaḥ||

Arjuna and the other Pandava princes became so powerful that they killed in battle the great Sauvira who had performed a sacrifice extending for three years, (remaining) undaunted by the attacks of the Gandharvas. The Yavana king, whom the powerful Pandu could not bring under subjection, was (also brought by Arjuna under control.

— tr. M.N. Dutt (1891–96) (public domain)

MBh 1 139.13

अतीव बलसम्पन्नः सदा मानी कुरून् प्रति। विपुलो नाम सौवीरः शस्तः पार्थेन धीमता॥ दत्तामित्र इति ख्यातं संग्रामे कृतनिश्चयम्। सुमित्रं नाम सौवीरमर्जुनोऽदमयच्छरैः॥

atīva balasampannaḥ sadā mānī kurūn prati| vipulo nāma sauvīraḥ śastaḥ pārthena dhīmatā|| dattāmitra iti khyātaṃ saṃgrāme kṛtaniścayam| sumitraṃ nāma sauvīramarjuno'damayaccharaiḥ||

The great powerful and ever showing disregard for the Kurus. The king, named Vipula of the Sauviras was slain by the intelligent Partha. Arjuna also subjugated by means of his arrows king Sumitra of Sauvira, also known as Dattamitra, who always sought for an encounter with him.

— tr. M.N. Dutt (1891–96) (public domain)

MBh 1 139.14

भीमसेनसहायश्च रथानामयुतं च सः। अर्जुनः समरे प्राच्यान् सर्वानेकरथोऽजयत्॥

bhīmasenasahāyaśca rathānāmayutaṃ ca saḥ| arjunaḥ samare prācyān sarvānekaratho'jayat||

The third of the Pandava princes, assisted by Bhima, on only one single car, subjugated all the kings of the East backed by ten thousand cars.

— tr. M.N. Dutt (1891–96) (public domain)

MBh 1 139.15

तथैवैकरथो गत्वा दक्षिणामजयद् दिशम्। धनौघं प्रापयामास कुरुराष्ट्र धनंजयः॥ एवं सर्वे महामत्मानः पाण्डवा मनुजोत्तमाः। परराष्ट्राणि निर्जित्य स्वराष्ट्रं ववृधुः पुरा॥

tathaivaikaratho gatvā dakṣiṇāmajayad diśam| dhanaughaṃ prāpayāmāsa kururāṣṭra dhanaṃjayaḥ|| evaṃ sarve mahāmatmānaḥ pāṇḍavā manujottamāḥ| pararāṣṭrāṇi nirjitya svarāṣṭraṃ vavṛdhuḥ purā||

In the same way Dhananjaya conquered on a single car the whole of the South; and he sent immense booty to the kingdom of the Kurus. Thus did the foremost of men, the illustrious Pandavas.Conquering the kingdoms of others, extended their own kingdom in the time of yore.

— tr. M.N. Dutt (1891–96) (public domain)

MBh 1 139.16

ततो बलमतिख्यातं विज्ञाय दृढधन्विनाम्। दूषितः सहसा भावो धृतराष्ट्रस्य पाण्डुषु। स चिन्तापरमो राजा न निद्रामलभनिशि॥

tato balamatikhyātaṃ vijñāya dṛḍhadhanvinām| dūṣitaḥ sahasā bhāvo dhṛtarāṣṭrasya pāṇḍuṣu| sa cintāparamo rājā na nidrāmalabhaniśi||

Seeing the great prowess and strength of these mighty bow-men, King Dhritarashtra's mind became suddenly poisoned against the Pandavas. From that day that king became filled with so much anxiety that he could not sleep.

— tr. M.N. Dutt (1891–96) (public domain)