Mahabharata — Volume I (Dutt edition) — Chapter 126
MBh 1 126.1
वैशम्पायन उवाच पाण्डोरुपरमं दृष्ट्वा देवकल्पा महर्षयः। ततो मन्त्रविदः सर्वे मन्त्रयांचक्रिरे मिथः॥
vaiśampāyana uvāca pāṇḍoruparamaṃ dṛṣṭvā devakalpā maharṣayaḥ| tato mantravidaḥ sarve mantrayāṃcakrire mithaḥ||
Vaishampayana said: The Rishis, who were all celestial like and wise in council, seeing the death of Pandu, consulted with one another.
— tr. M.N. Dutt (1891–96) (public domain)
MBh 1 126.2
तापसा ऊचुः हित्वा राज्यं च राष्ट्रं च स महात्मा महायशाः। अस्मिन् स्थाने तपस्तप्त्वा तापसाशरणं गतः॥
tāpasā ūcuḥ hitvā rājyaṃ ca rāṣṭraṃ ca sa mahātmā mahāyaśāḥ| asmin sthāne tapastaptvā tāpasāśaraṇaṃ gataḥ||
The Rishis said: The high souled and the illustrious (Pandu), abandoning his sovereignty and kingdom, came here to practice asceticism and received the protection of the ascetics.
— tr. M.N. Dutt (1891–96) (public domain)
MBh 1 126.3
स जातमात्रान् पुत्रांश्च दारांश्च भवतामिह। प्रादायोपनिधिं राजा पाण्डुः स्वर्गमितो गतः॥
sa jātamātrān putrāṃśca dārāṃśca bhavatāmiha| prādāyopanidhiṃ rājā pāṇḍuḥ svargamito gataḥ||
The king Pandu has gone to heaven, leaving his wife and infant sons as a trust in our hands.
— tr. M.N. Dutt (1891–96) (public domain)
MBh 1 126.4
तस्येमानात्मजान् देहं भार्यां च सुमहात्मनः। स्वराष्ट्रं गृह्य गच्छामो धर्म एष हि नः स्मृतः॥
tasyemānātmajān dehaṃ bhāryāṃ ca sumahātmanaḥ| svarāṣṭraṃ gṛhya gacchāmo dharma eṣa hi naḥ smṛtaḥ||
It is now our duty to go to his kingdom with these his sons, his body (unburnt portion) and his wife.
— tr. M.N. Dutt (1891–96) (public domain)
MBh 1 126.5
वैशम्पायन उवाच ते परस्परममन्त्र्य देवकल्पा महर्षयः। पाण्डोः पुत्रान् पुरस्कृत्य नगरं नागसाह्वयम्॥ उदारमनसः सिद्धा गमने चक्रिरे मनः। भीष्माय पाण्डवान् दातुं धृतराष्ट्राय चैव हि॥
vaiśampāyana uvāca te parasparamamantrya devakalpā maharṣayaḥ| pāṇḍoḥ putrān puraskṛtya nagaraṃ nāgasāhvayam|| udāramanasaḥ siddhā gamane cakrire manaḥ| bhīṣmāya pāṇḍavān dātuṃ dhṛtarāṣṭrāya caiva hi||
Vaishampayana said : Thus consulting with one another those god like Rishis of magnanimous hearts and of ascetic success resolved to go to the city of Hastinapur with the sons of Pandu in their front and to place them in the hands of Dhritarashtra and Bhishma.
— tr. M.N. Dutt (1891–96) (public domain)
MBh 1 126.6
तस्मिन्नेव क्षणे सर्वे तानादाय प्रतस्थिरे। पाण्डोरांश्च पुत्रांश्च शरीरे ते च तापसाः॥
tasminneva kṣaṇe sarve tānādāya pratasthire| pāṇḍorāṃśca putrāṃśca śarīre te ca tāpasāḥ||
The ascetics started at that very moment, taking with them the boys, the two bodies and Kunti.
— tr. M.N. Dutt (1891–96) (public domain)
MBh 1 126.7
सुखिनी सा पुरा भूत्वा सततं पुत्रवत्सला। प्रपन्ना दीर्घमध्वानं संक्षिप्तं तदमन्यत॥
sukhinī sā purā bhūtvā satataṃ putravatsalā| prapannā dīrghamadhvānaṃ saṃkṣiptaṃ tadamanyata||
The affectionate mother, Kunti, though she had all along led a most comfortable life, now regarded the long journey as being very short.
— tr. M.N. Dutt (1891–96) (public domain)
MBh 1 126.8
सा त्वदीर्पण कालेन सम्प्राप्ता कुरुजाङ्गलम्। वर्धमानपुरद्वारमाससाद यशस्विनी॥
sā tvadīrpaṇa kālena samprāptā kurujāṅgalam| vardhamānapuradvāramāsasāda yaśasvinī||
Arriving at Kurujangala within a very short time, the illustrious Kunti presented herself at the principal gate.
— tr. M.N. Dutt (1891–96) (public domain)
MBh 1 126.9
द्वारिणं तापसा ऊचू राजानं च प्रकाशय। ते तु गत्वा क्षणेनैव सभायां विनिवेदिताः॥
dvāriṇaṃ tāpasā ūcū rājānaṃ ca prakāśaya| te tu gatvā kṣaṇenaiva sabhāyāṃ viniveditāḥ||
The ascetics told the gate keepers "Go, inform the king.” They went in a moment to the royal court and informed the king.
— tr. M.N. Dutt (1891–96) (public domain)
MBh 1 126.10
तं चारणसहस्राणां मुनीनामागमं तदा। श्रुत्वा नागपुरे नृणां विस्मयः समपद्यत॥
taṃ cāraṇasahasrāṇāṃ munīnāmāgamaṃ tadā| śrutvā nāgapure nṛṇāṃ vismayaḥ samapadyata||
The citizens of Hastinapur were filed with wonder on hearing that thousands of Charanas and Rishis had arrived at their city.
— tr. M.N. Dutt (1891–96) (public domain)
MBh 1 126.11
मुहूर्तेदित आदित्ये सर्वे बालपुरस्कृताः। सदारास्तापसान् द्रष्टुं निर्ययुः पुरवासिनः॥
muhūrtedita āditye sarve bālapuraskṛtāḥ| sadārāstāpasān draṣṭuṃ niryayuḥ puravāsinaḥ||
It was soon after sunrise that the citizens all came with their wives and children, placing them in front, to see these ascetics.
— tr. M.N. Dutt (1891–96) (public domain)
MBh 1 126.12
स्त्रीसङ्घाः क्षत्रसङ्घाश्च यानसङ्घसमास्थिताः। ब्राह्मणैः सह निर्जग्मुर्ब्राह्मणानां च योषितः॥
strīsaṅghāḥ kṣatrasaṅghāśca yānasaṅghasamāsthitāḥ| brāhmaṇaiḥ saha nirjagmurbrāhmaṇānāṃ ca yoṣitaḥ||
Seated on thousands of cars and conveyances, thousands of Kshatriyas and Brahmanas came out with their wives.
— tr. M.N. Dutt (1891–96) (public domain)
MBh 1 126.13
तथा विट् शुद्रसङ्घानां महान् व्यतिकरोऽभवत्। न कश्चिदकरोदीर्ध्यामभवन धर्मबुद्धयः॥
tathā viṭ śudrasaṅghānāṃ mahān vyatikaro'bhavat| na kaścidakarodīrdhyāmabhavana dharmabuddhayaḥ||
The crowd of Vaishyas and Shudras was also very large. The vast crowd was very peaceful, because every one of them one of them was then inclined to piety.
— tr. M.N. Dutt (1891–96) (public domain)
MBh 1 126.14
तथा भीष्मः शान्तनवः सोमदत्तोऽथ बाह्निकः। प्रज्ञाचक्षुश्च राजर्षिः क्षत्ता च विदुरः स्वयम्॥
tathā bhīṣmaḥ śāntanavaḥ somadatto'tha bāhnikaḥ| prajñācakṣuśca rājarṣiḥ kṣattā ca viduraḥ svayam||
The son of Shantanu, Bhishma, Somadatta or Balhika, the royal sage (Dhritarashtra) with the prophetic eyes and Vidura himself.
— tr. M.N. Dutt (1891–96) (public domain)
MBh 1 126.15
सा च सत्यवती देवी कौसल्या च यशस्विनी। राजदारैः परिवृता गान्धारी चापि निर्ययौ॥
sā ca satyavatī devī kausalyā ca yaśasvinī| rājadāraiḥ parivṛtā gāndhārī cāpi niryayau||
The venerable Satyavati, the illustrious princess of Kausalya and Gandhari surrounded by their maids, all came out to the royal gate.
— tr. M.N. Dutt (1891–96) (public domain)
MBh 1 126.16
धृतराष्ट्रस्य दायादा दुर्योधनपुरोगमाः। भूषिता भूषणैश्चित्रैः शतसंख्या विनिर्ययुः॥
dhṛtarāṣṭrasya dāyādā duryodhanapurogamāḥ| bhūṣitā bhūṣaṇaiścitraiḥ śatasaṃkhyā viniryayuḥ||
The hundred sons of Dhritarashtra, with Duryodhana at their head, all decked with various ornaments, also came out.
— tr. M.N. Dutt (1891–96) (public domain)
MBh 1 126.17
तान् महर्षिगणान् दृष्ट्वा शिरोभिरभिवाद्य च। उपोपविविशुः सर्वे कौरव्याः सपुरोहिताः॥
tān maharṣigaṇān dṛṣṭvā śirobhirabhivādya ca| upopaviviśuḥ sarve kauravyāḥ sapurohitāḥ||
Seeing the great Rishis, the Kauravas with their priests bowed down their heads in salutations and they all took their seats before them (Rishis).
— tr. M.N. Dutt (1891–96) (public domain)
MBh 1 126.18
तथैव शिरसा भूमावभिवाद्य प्रणम्य च। उपोपविविशुः सर्वे पौरा जानपदा अपि॥
tathaiva śirasā bhūmāvabhivādya praṇamya ca| upopaviviśuḥ sarve paurā jānapadā api||
All the citizens also, bowing down their heads touching the ground in solutions, took their seats.
— tr. M.N. Dutt (1891–96) (public domain)
MBh 1 126.19
तमकूजमभिज्ञाय जनौघं सर्वशस्तदा। पूजयित्वा यथान्यायं पायेनार्येण च प्रभो॥ भीष्मो राज्यं च राष्ट्रं च महर्षिभ्यो न्यवेदयत्। तेषामथो वृद्धतमः प्रत्युत्थाय जटाजिनी। ऋषीणां मतमाज्ञाय महर्षिरिदमब्रवीत्॥
tamakūjamabhijñāya janaughaṃ sarvaśastadā| pūjayitvā yathānyāyaṃ pāyenāryeṇa ca prabho|| bhīṣmo rājyaṃ ca rāṣṭraṃ ca maharṣibhyo nyavedayat| teṣāmatho vṛddhatamaḥ pratyutthāya jaṭājinī| ṛṣīṇāṃ matamājñāya maharṣiridamabravīt||
O lord, Bhishma, seeing that vast crowd perfectly still, duly worshipped those ascetics by offering them water to wash their feet and the customary Arghya. He then spoke to them about the sovereignty and kingdom. Thereupon, the eldest of the ascetics with matted locks and skin cloth stood up. And with the concurrence of other great Rishis, he spoke thus-
— tr. M.N. Dutt (1891–96) (public domain)
MBh 1 126.20
यः स कौरव्य दायादः पाण्डुर्नाम नराधिपः। कामभोगान् परित्यज्य शतशृङ्गमितो गतः॥
yaḥ sa kauravya dāyādaḥ pāṇḍurnāma narādhipaḥ| kāmabhogān parityajya śataśṛṅgamito gataḥ||
"The descendant of Kuru, the king, named Pandu, after abandoning pleasure and luxury, went to the mountain with the thousand peaks.
— tr. M.N. Dutt (1891–96) (public domain)
MBh 1 126.21
ब्रह्मचर्यव्रतस्थस्य तस्य दिव्येन हेतुना। साक्षाद् धर्मादयं पुत्रस्तत्र जातो युधिष्ठिरः॥
brahmacaryavratasthasya tasya divyena hetunā| sākṣād dharmādayaṃ putrastatra jāto yudhiṣṭhiraḥ||
He observed there the of Brahmacharya, but for some incrutable purpose of the celestials, this his eldest son, Yudhisthira, was born, begotten by Dharma himself.
— tr. M.N. Dutt (1891–96) (public domain)
MBh 1 126.22
तथैनं बलिनां श्रेष्ठं तस्य राज्ञो महात्मनः। मातरिश्वा ददौ पुत्रं भीमं नाम महाबलम्॥
tathainaṃ balināṃ śreṣṭhaṃ tasya rājño mahātmanaḥ| mātariśvā dadau putraṃ bhīmaṃ nāma mahābalam||
Then that high souled monarch was given another greatly powerful son by Vayu. This is that foremost of mighty men, who is called Bhishma.
— tr. M.N. Dutt (1891–96) (public domain)
MBh 1 126.23
पुरुहूतादयं जज्ञे कुन्त्यामेव धनंजयः। यस्य कीर्तिर्महेष्वासान् सर्वानभिभविष्यति॥
puruhūtādayaṃ jajñe kuntyāmeva dhanaṃjayaḥ| yasya kīrtirmaheṣvāsān sarvānabhibhaviṣyati||
This other son, begotten on Kunti by Indra, is Dhananjaya (Arjuna), whose achievements will humble all bow men in the world.
— tr. M.N. Dutt (1891–96) (public domain)
MBh 1 126.24
यौ तु माद्री महेष्वासावसूत पुरुषोत्तमौ। अश्विभ्यां पुरुषव्याघ्राविमौ तावपि पश्यत॥
yau tu mādrī maheṣvāsāvasūta puruṣottamau| aśvibhyāṃ puruṣavyāghrāvimau tāvapi paśyata||
Look at these (two) best of men, the great bowmen, the twin boys, who were begotten by Ashvinis on Madri. VOW
— tr. M.N. Dutt (1891–96) (public domain)
MBh 1 126.25
चरता धर्मनित्येन वनवासं यशस्विना। नष्टः पैतामहो वंशः पाण्डुना पुनरुद्धृतः॥
caratā dharmanityena vanavāsaṃ yaśasvinā| naṣṭaḥ paitāmaho vaṃśaḥ pāṇḍunā punaruddhṛtaḥ||
The almost extinct race of his forefathers was thus revived by the illustrious Pandu, leading in piety the life of a recluse.
— tr. M.N. Dutt (1891–96) (public domain)
MBh 1 126.26
पुत्राणां जन्मवृद्धिं च वैदिकाध्ययनानि च। पश्यन्तः सततं पाण्डोः परां प्रीतिमवाप्स्यथ॥
putrāṇāṃ janmavṛddhiṃ ca vaidikādhyayanāni ca| paśyantaḥ satataṃ pāṇḍoḥ parāṃ prītimavāpsyatha||
The birth, growth and the Vedic studies of these sons of Pandu will no doubt give you much pleasure.
— tr. M.N. Dutt (1891–96) (public domain)
MBh 1 126.27
वर्तमानः सतां वृत्ते पुत्रलाभमवाप्य च। पितृलोकं गतः पाण्डुरितः सप्तदशेऽहनि॥
vartamānaḥ satāṃ vṛtte putralābhamavāpya ca| pitṛlokaṃ gataḥ pāṇḍuritaḥ saptadaśe'hani||
Steadily adhering to the path of the virtuous and the wise and leaving behind him these children, Pandu has gone to the land of the Pitris.
— tr. M.N. Dutt (1891–96) (public domain)
MBh 1 126.28
तं चितागतमाज्ञाय वैश्वानरमुखे हुतम्। प्रविष्टा पावकं माद्री हित्वा जीवितमात्मनः॥
taṃ citāgatamājñāya vaiśvānaramukhe hutam| praviṣṭā pāvakaṃ mādrī hitvā jīvitamātmanaḥ||
Seeing him placed on the funeral pyre and about to be burnt down, his wife Madri entered the fire, thus sacrificing her life.
— tr. M.N. Dutt (1891–96) (public domain)
MBh 1 126.29
सा गता सह तेनैव पतिलोकमनुव्रता। तस्यास्तस्य च यत् कार्यं क्रियतां तदनन्तरम्॥
sā gatā saha tenaiva patilokamanuvratā| tasyāstasya ca yat kāryaṃ kriyatāṃ tadanantaram||
She has thus gone with him to the land of Pati (reserved for chaste wives). Perform now those rites that should be performed for them.
— tr. M.N. Dutt (1891–96) (public domain)
MBh 1 126.30
इमे तयोः शरीरे द्वे पुत्राश्चेमे तयोर्वराः। क्रियाभिरनुगृह्यन्तां सह मात्रा परंतपाः॥
ime tayoḥ śarīre dve putrāśceme tayorvarāḥ| kriyābhiranugṛhyantāṃ saha mātrā paraṃtapāḥ||
These are their bodies (unburnt portions); here also are their sons, the chastisers of foes, with their mother; let them be received in due honour.
— tr. M.N. Dutt (1891–96) (public domain)
MBh 1 126.31
प्रेतकार्ये निवृत्ते तु पितृमेधं महायशाः। लभतां सर्वधर्मज्ञः पाण्डुः कुरुकुलोद्वहः॥
pretakārye nivṛtte tu pitṛmedhaṃ mahāyaśāḥ| labhatāṃ sarvadharmajñaḥ pāṇḍuḥ kurukulodvahaḥ||
After the completion of the first funeral rites, let the virtuous Pandu, the supporter of the dignity of the Kuru race, gain the Pitrimedha (the blissful region of the Pitris).
— tr. M.N. Dutt (1891–96) (public domain)
MBh 1 126.32
वैशम्पायन उवाच एवमुक्त्वा कुरून् सर्वान् कुरूणामेव पश्यताम्। क्षणेनान्तर्हिताः सर्वे तापसा गुह्यकैः सह॥
vaiśampāyana uvāca evamuktvā kurūn sarvān kurūṇāmeva paśyatām| kṣaṇenāntarhitāḥ sarve tāpasā guhyakaiḥ saha||
Vaishampayana said : Having said this to the Kurus, the ascetics with the Rishi Guhyakas instantly disappeared in the very sight of the Kurus.
— tr. M.N. Dutt (1891–96) (public domain)
MBh 1 126.33
गन्धर्वनगराकारं तथैवान्तर्हितं पुनः। ऋषिसिद्धगणं दृष्ट्वा विस्मयं ते परं ययुः॥
gandharvanagarākāraṃ tathaivāntarhitaṃ punaḥ| ṛṣisiddhagaṇaṃ dṛṣṭvā vismayaṃ te paraṃ yayuḥ||
Seeing the Rishis disappear in their sight like the cities of the Gandharva (vapoury figures appearing and disappearing in the sky) the citizens was filled with wonder and astonishment and returned of their homes.
— tr. M.N. Dutt (1891–96) (public domain)