Mahabharata — Volume I (Dutt edition) — Chapter 116
MBh 1 116.1
जनमेजय उवाच धृतराष्ट्रस्य पुत्राणामादितः कथितं त्वया। ऋषेः प्रसादात् तु शतं न च कन्या प्रकीर्तिता॥
janamejaya uvāca dhṛtarāṣṭrasya putrāṇāmāditaḥ kathitaṃ tvayā| ṛṣeḥ prasādāt tu śataṃ na ca kanyā prakīrtitā||
Janamejaya said : You have told me from the beginning all about the birth of Dhritarashtra's one hundred sons, the result of the boon granted by the Rishi, but you have not told me (the particular of the birth) of the daughter.
— tr. M.N. Dutt (1891–96) (public domain)
MBh 1 116.2
वैश्यापुत्रो युयुत्सुश्च कन्या चैका शताधिका। गान्धारराजदुहिता शतपुत्रेति चानघ॥ उक्ता महर्षिणा तेन व्यासेनामिततेजसा। कथं त्विदानी भगवन् कन्यां त्वं तु ब्रवीषि मे॥
vaiśyāputro yuyutsuśca kanyā caikā śatādhikā| gāndhārarājaduhitā śataputreti cānagha|| uktā maharṣiṇā tena vyāsenāmitatejasā| kathaṃ tvidānī bhagavan kanyāṃ tvaṃ tu bravīṣi me||
O sinless one, you have said that over and above one hundred sons, there was another son, named Yuyutsu, born of a Vaishya woman and also a daughter by Gandhari. The daughter of the king of Gandhara would get one hundred sons. O illustrious man, so said the great Rishi Vyasa of immeasurable effulgence. How do you then tell me that a daughter was born (over and above the hundred)?
— tr. M.N. Dutt (1891–96) (public domain)
MBh 1 116.3
यदि भागशतं पेशी कृता तेन महर्षिणा। न प्रजास्यति चेद् भूयः सौबलेयी कथंचन॥ कथं तु सम्भवस्तस्या दुःशलाया वदस्व मे। यथावदिह विप्रः परं मेऽत्र कुतूलहम्॥
yadi bhāgaśataṃ peśī kṛtā tena maharṣiṇā| na prajāsyati ced bhūyaḥ saubaleyī kathaṃcana|| kathaṃ tu sambhavastasyā duḥśalāyā vadasva me| yathāvadiha vipraḥ paraṃ me'tra kutūlaham||
The ball of flesh was divided by the great Rishi into only one hundred parts and the daughter of Subala (Gandhari) did not conceive at any other time. How then was born Duhshala? O Brahmana Rishi, tell me this; my curiosity is very great.
— tr. M.N. Dutt (1891–96) (public domain)
MBh 1 116.4
वैशम्पायन उवाच साध्वयं प्रश्न उद्दिष्टः पाण्डवेय ब्रवीमि ते। तां मांसपेशी भगवान् स्वयमेव महातपाः॥ शीताभिरद्धिरासिच्य भागं भागमकल्पयत्। यो यथा कल्पितो भागस्तं तं धात्र्या तथा नृप॥ घृतपूर्णेषु कुण्डेषु एकैकं प्राक्षिपत् तदा। एतस्मिन्नन्तरे साध्वी गान्धारी सृदृढव्रता॥ दुहितुः स्नेहसंयोगमनुध्याय वराङ्गना। मनसाचिन्तयद् देवी एतत् पुत्रशतं मम॥ भविष्यति न संदेहो न ब्रवीत्यन्यथा मुनिः। ममेयं परमा तुष्टिर्दुहिता मे भवेद् यदि॥
vaiśampāyana uvāca sādhvayaṃ praśna uddiṣṭaḥ pāṇḍaveya bravīmi te| tāṃ māṃsapeśī bhagavān svayameva mahātapāḥ|| śītābhiraddhirāsicya bhāgaṃ bhāgamakalpayat| yo yathā kalpito bhāgastaṃ taṃ dhātryā tathā nṛpa|| ghṛtapūrṇeṣu kuṇḍeṣu ekaikaṃ prākṣipat tadā| etasminnantare sādhvī gāndhārī sṛdṛḍhavratā|| duhituḥ snehasaṃyogamanudhyāya varāṅganā| manasācintayad devī etat putraśataṃ mama|| bhaviṣyati na saṃdeho na bravītyanyathā muniḥ| mameyaṃ paramā tuṣṭirduhitā me bhaved yadi||
Vaishampayana said : O descendant of Pandu, your question is just. I shall tell you how it happened. The great ascetic, the illustrious Rishi himself, sprinkled that ball of fresh with cool water and begin to divide it into hundred parts, O king, as it was being divided into parts, the nurse began to take them up and put them one by one into the jars filled with ghee. In the meanwhile the beautiful and chaste Gandhari of rigid vows, feeling the affection for a daughter. Reflected in her mind, there is no doubt that I shall have one hundred sons. The Rishi had said this and it cannot be otherwise. If a daughter is born to me over and above my one hundred sons, I shall be exceedingly happy.
— tr. M.N. Dutt (1891–96) (public domain)
MBh 1 116.5
एका शताधिका बाला भविष्यति कनीयसी। ततो दौहित्रजाल्लोकादबाह्योऽसौ पतिर्मम॥
ekā śatādhikā bālā bhaviṣyati kanīyasī| tato dauhitrajāllokādabāhyo'sau patirmama||
My husband may then go to those worlds that the possession of a daughter's sons confers on a man.
— tr. M.N. Dutt (1891–96) (public domain)
MBh 1 116.6
अधिका किल नारीणां प्रीतिर्जामातृजा भवेत्। यदि नाम ममापि स्याद् दुहितैका शताधिका॥ कृतकृत्या भवेयं वै पुत्रदौहित्रसंवृता। यदि सत्यं तपस्तप्तं दत्तं वाप्यथवा हुतम्॥ गुरवस्तोषिता वापि तथास्तु दुहिता मम। एतस्मिन्नेव काले तु कृष्णद्वैपायनः स्वयम्॥ व्यभजत् स तदा पेशी भगवानृषिसत्तमः। गणयित्वा शतं पूर्णमंशानामाह सौबलीम्॥
adhikā kila nārīṇāṃ prītirjāmātṛjā bhavet| yadi nāma mamāpi syād duhitaikā śatādhikā|| kṛtakṛtyā bhaveyaṃ vai putradauhitrasaṃvṛtā| yadi satyaṃ tapastaptaṃ dattaṃ vāpyathavā hutam|| guravastoṣitā vāpi tathāstu duhitā mama| etasminneva kāle tu kṛṣṇadvaipāyanaḥ svayam|| vyabhajat sa tadā peśī bhagavānṛṣisattamaḥ| gaṇayitvā śataṃ pūrṇamaṃśānāmāha saubalīm||
Every woman feels a very great affection for her son-in-law. If, therefore, I get a daughter over and above my one hundred sons, then surrounded by sons and daughter's sons, I shall feel myself supremely happy. If I have truly performed penances, if I have ever given in charity, if I have ever performed Homa, if ever I have respected my superiors, lets a daughter be born to me." All this time that best of Rishis, the illustrious Krishna Dvaipayana himself was dividing that ball of flesh. Counting full one hundred parts, he said to the daughter of Subala (Gandhari).
— tr. M.N. Dutt (1891–96) (public domain)
MBh 1 116.7
व्यास उवाच पूर्णं पुत्रशतं त्वेतन्न मिथ्या वागुदाहृता। दौहित्रयोगाय भाग एकः शिष्टः शतात् परः। एषा ते सुभगा कन्या भविष्यति यथेप्सिता॥
vyāsa uvāca pūrṇaṃ putraśataṃ tvetanna mithyā vāgudāhṛtā| dauhitrayogāya bhāga ekaḥ śiṣṭaḥ śatāt paraḥ| eṣā te subhagā kanyā bhaviṣyati yathepsitā||
"Here are your one hundred sons, I did not speak to you anything that was not true. Here is a part over and above one hundred which will give you a daughter's son. From this will be born an amiable and fortunate daughter, as you have desired."
— tr. M.N. Dutt (1891–96) (public domain)
MBh 1 116.8
ततोऽन्यं घृतकुम्भं च समानाय्य महातपाः। तं चापि प्राक्षिपत् तत्र कन्यामागं तपोधनः॥ एतत् ते कथितं राजन् दुःशलाजन्म भारत। ब्रूहि राजेन्द्र किं भूयो वर्तयिष्यामि तेऽनघ।॥
tato'nyaṃ ghṛtakumbhaṃ ca samānāyya mahātapāḥ| taṃ cāpi prākṣipat tatra kanyāmāgaṃ tapodhanaḥ|| etat te kathitaṃ rājan duḥśalājanma bhārata| brūhi rājendra kiṃ bhūyo vartayiṣyāmi te'nagha|||
Then that great ascetic, bringing another jar filled with ghee, placed the part into it for the purpose of daughter, O descendant of the Bharata race, thus have I narrated to you all about the birth of Dushala. O sinless one, tell me what more am I to narrate.
— tr. M.N. Dutt (1891–96) (public domain)