Mahabharata — Volume I (Dutt edition) — Chapter 109

MBh 1 109.1

वैशम्पायन उवाच तेषु त्रिषु कुमारेषु जातेषु कुरुजाङ्गलम्। कुरवोऽथ कुरुक्षेत्रं त्रयमेतदवर्धत॥

vaiśampāyana uvāca teṣu triṣu kumāreṣu jāteṣu kurujāṅgalam| kuravo'tha kurukṣetraṃ trayametadavardhata||

Vaishampayana said : On the birth of these three sons (Dhritarashtra, Pandu and Vidura), Kurujangala, Kurukshetra and the Kurus grew in prosperity.

— tr. M.N. Dutt (1891–96) (public domain)

MBh 1 109.2

ऊर्ध्वसस्याभवद् भूमिः सस्यानि रसवन्ति च। यथर्तुवर्षी पर्जन्यो बहुपुष्पफला दुमाः॥

ūrdhvasasyābhavad bhūmiḥ sasyāni rasavanti ca| yathartuvarṣī parjanyo bahupuṣpaphalā dumāḥ||

The land gave abundant harvests and the crops were juicy. The clouds showered rains at proper time and the trees became full of fruits and flowers.

— tr. M.N. Dutt (1891–96) (public domain)

MBh 1 109.3

वाहनानि प्रहृष्टानि मुदिता मृगपक्षिणः। गन्धवन्ति च माल्यानि रसवन्ति फलानि च।॥

vāhanāni prahṛṣṭāni muditā mṛgapakṣiṇaḥ| gandhavanti ca mālyāni rasavanti phalāni ca|||

The beasts of burdens were happy and the deer and the birds were exceedingly glad. The flowers became fragrant and the fruits became sweet.

— tr. M.N. Dutt (1891–96) (public domain)

MBh 1 109.4

वणिम्भिश्चान्वकीर्यन्त नगराण्यथ शिल्पिभिः। शूराश्च कृतविद्याश्च सन्तश्च सुखिनोऽभवन्॥

vaṇimbhiścānvakīryanta nagarāṇyatha śilpibhiḥ| śūrāśca kṛtavidyāśca santaśca sukhino'bhavan||

The cities were filled with merchants and artisans; the people became brave, learned, honest and happy.

— tr. M.N. Dutt (1891–96) (public domain)

MBh 1 109.5

नाभवन् दस्यवः केचिन्नाधर्मरुचयो जनाः। प्रदेशेष्वपि राष्ट्राणां कृतं युगमवर्तत॥

nābhavan dasyavaḥ kecinnādharmarucayo janāḥ| pradeśeṣvapi rāṣṭrāṇāṃ kṛtaṃ yugamavartata||

There were no thieves, there was none who was sinful. It seemed that Satyayuga had come over all parts of the kingdom.

— tr. M.N. Dutt (1891–96) (public domain)

MBh 1 109.6

धर्मक्रिया यज्ञशीलाः सत्यव्रतपरायणाः। अन्योन्यप्रीतिसंयुक्ता व्यवर्धन्त प्रजास्तदा॥

dharmakriyā yajñaśīlāḥ satyavrataparāyaṇāḥ| anyonyaprītisaṃyuktā vyavardhanta prajāstadā||

The people were devoted to virtuous acts, sacrifices and the vow of the truth. Bearing love and affection for one another, they grew in prosperity.

— tr. M.N. Dutt (1891–96) (public domain)

MBh 1 109.7

मानक्रोधविहीनाश्च नरा लोभविवर्जिताः। अन्योन्यमभ्यनन्दन्त धर्मोत्तरमवर्तत॥

mānakrodhavihīnāśca narā lobhavivarjitāḥ| anyonyamabhyanandanta dharmottaramavartata||

They were free from pride, anger and covetousness; they took delight in sports which were perfectly innocent.

— tr. M.N. Dutt (1891–96) (public domain)

MBh 1 109.8

तन्महोदधिवत् पूर्णं नगरं वै व्यरोचत। द्वारतोरणनिर्दूहैर्युक्तमध्चयोपमैः॥ प्रासादशतसम्बाधं महेन्द्रपुरसंनिभम्। नदीषु वनखण्डेषु वापीपल्वलसानुषु। काननेषु च रम्येषु विजहर्मुदिता जनाः॥

tanmahodadhivat pūrṇaṃ nagaraṃ vai vyarocata| dvāratoraṇanirdūhairyuktamadhcayopamaiḥ|| prāsādaśatasambādhaṃ mahendrapurasaṃnibham| nadīṣu vanakhaṇḍeṣu vāpīpalvalasānuṣu| kānaneṣu ca ramyeṣu vijaharmuditā janāḥ||

The holy city (Hastinapur) like the wide ocean, full of hundreds of palaces and mansions, possessing gates and arches and looking like dark clouds, appeared like the celestial capital of Indra. The people sported in great delight in the rivers, lakes, tanks, beautiful groves and woods.

— tr. M.N. Dutt (1891–96) (public domain)

MBh 1 109.9

उत्तरैः कुरुभिः सार्धं दक्षिणा: कुरवस्तथा। विस्पर्धमाना व्यचरंस्तथा देवर्षिचारणैः॥

uttaraiḥ kurubhiḥ sārdhaṃ dakṣiṇā: kuravastathā| vispardhamānā vyacaraṃstathā devarṣicāraṇaiḥ||

The Southern Kurus, in virtuous rivalry with the Northern Kurus, walked with the Devarshis and Charanas.

— tr. M.N. Dutt (1891–96) (public domain)

MBh 1 109.10

नाभवत् कृपणः कश्चिन्नाभवन् विधवाः स्त्रियः। तस्मिञ्जनपदे रम्ये कुरुभिर्बहुलीकृते॥

nābhavat kṛpaṇaḥ kaścinnābhavan vidhavāḥ striyaḥ| tasmiñjanapade ramye kurubhirbahulīkṛte||

None was there miserly and there was no woman who was a widow in that delightful country whose prosperity was thus increased by the Kurus.

— tr. M.N. Dutt (1891–96) (public domain)

MBh 1 109.11

कूपारामसभावाप्यो ब्राह्मणावसथास्तथा। बभूवुः सर्वर्द्धियुतास्तस्मिन् राष्ट्रे सदोत्सवाः॥

kūpārāmasabhāvāpyo brāhmaṇāvasathāstathā| babhūvuḥ sarvarddhiyutāstasmin rāṣṭre sadotsavāḥ||

The wells were full of water, the groves abounded with trees, the houses of Brahmanas were full of wealth and the whole kingdom was full of prosperity.

— tr. M.N. Dutt (1891–96) (public domain)

MBh 1 109.12

भीष्मेण धर्मतो राजन् सर्वतः परिरक्षिते। बभूव रमणीयश्च चैत्ययूपशताङ्कितः॥

bhīṣmeṇa dharmato rājan sarvataḥ parirakṣite| babhūva ramaṇīyaśca caityayūpaśatāṅkitaḥ||

O king, thus virtuously ruled by Bhishma, the kingdom was adorned with hundreds of sacrificial stakes.

— tr. M.N. Dutt (1891–96) (public domain)

MBh 1 109.13

स देशः परराष्ट्राणि विमृज्याभिप्रवर्धितः। भीष्मेण विहितं राष्ट्र धर्मचक्रमवर्तत॥

sa deśaḥ pararāṣṭrāṇi vimṛjyābhipravardhitaḥ| bhīṣmeṇa vihitaṃ rāṣṭra dharmacakramavartata||

The wheel of virtue being thus set in motion by Bhishma, the country was full of increased population, people coming from other countries.

— tr. M.N. Dutt (1891–96) (public domain)

MBh 1 109.14

क्रियमाणेषु कृत्येषु कुमाराणां महात्मनाम्। पौरजानपदाः सर्वे बभूवुः सततोत्सवाः॥

kriyamāṇeṣu kṛtyeṣu kumārāṇāṃ mahātmanām| paurajānapadāḥ sarve babhūvuḥ satatotsavāḥ||

The citizens and the people were all filled with hope on seeing the achievements and behaviour of the youthful princes.

— tr. M.N. Dutt (1891–96) (public domain)

MBh 1 109.15

गृहेषु कुरुमुख्यानां पौराणां च नराधिप। दीयतां भुज्यतां चेति वाचोऽश्रूयन्त सर्वशः॥

gṛheṣu kurumukhyānāṃ paurāṇāṃ ca narādhipa| dīyatāṃ bhujyatāṃ ceti vāco'śrūyanta sarvaśaḥ||

O king, in the house of the chief Kurus and in those of the people, "Give” “Eat” were the words that were constantly heard.

— tr. M.N. Dutt (1891–96) (public domain)

MBh 1 109.16

धृतराष्ट्रश्च पाण्डुश्च विदुरश्च महामतिः। जन्मप्रभृति भीष्मेण पुत्रवत् परिपालिताः॥

dhṛtarāṣṭraśca pāṇḍuśca viduraśca mahāmatiḥ| janmaprabhṛti bhīṣmeṇa putravat paripālitāḥ||

Dhritarashtra, Pandu and Vidura were brought up from their birth by Bhishma, as if they were his own sons.

— tr. M.N. Dutt (1891–96) (public domain)

MBh 1 109.17

संस्कारैः संस्कृतास्ते तु व्रताध्ययनसंयुताः। श्रमव्यायामकुशलाः समपद्यन्त यौवनम्॥

saṃskāraiḥ saṃskṛtāste tu vratādhyayanasaṃyutāḥ| śramavyāyāmakuśalāḥ samapadyanta yauvanam||

They passed through the usual rites of their order; they engaged themselves in study and vows; they grew up into youths, expert in athletic sports and labour.

— tr. M.N. Dutt (1891–96) (public domain)

MBh 1 109.18

धनुर्वेदऽश्वपृष्ठे च गदायुद्धेऽसिचर्मणि। तथैव गजशिक्षायां नीतिशास्त्रेषु पारगाः॥

dhanurveda'śvapṛṣṭhe ca gadāyuddhe'sicarmaṇi| tathaiva gajaśikṣāyāṃ nītiśāstreṣu pāragāḥ||

They became expert in archery, learned in the Veda, skillful in club-fight and in using sword and shield. They were experts in horsemanship and in the management of elephants; they were learned in the science off morality.

— tr. M.N. Dutt (1891–96) (public domain)

MBh 1 109.19

इतिहासपुराणेषु नानाशिक्षासु बोधिताः। वेदवेदाङ्गतत्त्वज्ञाः सर्वत्र कृतनिश्चयाः॥

itihāsapurāṇeṣu nānāśikṣāsu bodhitāḥ| vedavedāṅgatattvajñāḥ sarvatra kṛtaniścayāḥ||

They were acquainted with history, Puranas and with many other branches of learning. They were well-acquainted with the mystery of the Vedas and the Vedangas. The knowledge they acquired was versatile and deep.

— tr. M.N. Dutt (1891–96) (public domain)

MBh 1 109.20

पाण्डुर्धनुषि विक्रान्तो नरेष्वभ्यधिकोऽभवत्। अन्येभ्यो बलवानासीद् धृतराष्ट्रो महीपतिः॥

pāṇḍurdhanuṣi vikrānto nareṣvabhyadhiko'bhavat| anyebhyo balavānāsīd dhṛtarāṣṭro mahīpatiḥ||

The greatly powerful Pandu excelled all men in the science of archery. The king Dhritarashtra excelled all men in personal strength.

— tr. M.N. Dutt (1891–96) (public domain)

MBh 1 109.21

त्रिषु लोकेषु न त्वासीत् कश्चिद् विदुरसम्मितः। धर्मनित्यस्तथा राजन् धर्मे च परमं गतः॥

triṣu lokeṣu na tvāsīt kaścid vidurasammitaḥ| dharmanityastathā rājan dharme ca paramaṃ gataḥ||

O king, there was none in the three worlds, who excelled Vidura in his devotion towards religion and virtue and in his knowledge of the science of morality.

— tr. M.N. Dutt (1891–96) (public domain)

MBh 1 109.22

प्रणष्टं शन्तनोर्वंशं समीक्ष्य पुनरुद्धृतम्। ततो निर्वचनं लोके सर्वराष्ट्रेष्ववर्तत॥

praṇaṣṭaṃ śantanorvaṃśaṃ samīkṣya punaruddhṛtam| tato nirvacanaṃ loke sarvarāṣṭreṣvavartata||

On seeing the restoration of the extinct dynasty of Shantanu, the following saying became current over all countries.

— tr. M.N. Dutt (1891–96) (public domain)

MBh 1 109.23

वीरसूनां काशिसुते देशानां कुरुजाङ्गलम्। सर्वधर्मविदां भीष्मः पुराणां गजसाह्वयम्॥ धृतराष्ट्रस्त्वचक्षुष्ट्वाद् राज्यं च प्रत्यपद्यत। पारसवत्वाद् विदुरो राजा पाण्डुर्बभूव ह॥

vīrasūnāṃ kāśisute deśānāṃ kurujāṅgalam| sarvadharmavidāṃ bhīṣmaḥ purāṇāṃ gajasāhvayam|| dhṛtarāṣṭrastvacakṣuṣṭvād rājyaṃ ca pratyapadyata| pārasavatvād viduro rājā pāṇḍurbabhūva ha||

"Amongst the mothers of heroes, the daughter of the king of Kashi; among all countries, Kurujangalas; among all virtuous men, Bhishma; and among all cities, Hastinapur, are the foremost. Dhritarashtra did not get the kingdom, because he was blind; and Vidura also did not get it, because he was born of a Shudra woman, therefore Pandu became king.

— tr. M.N. Dutt (1891–96) (public domain)

MBh 1 109.24

कदाचिदथ गाङ्गेय सर्वनीतिमतां वरः। विदुरं धर्मतत्त्वज्ञं वाक्यमाह यथोचितम्॥

kadācidatha gāṅgeya sarvanītimatāṃ varaḥ| viduraṃ dharmatattvajñaṃ vākyamāha yathocitam||

One day the foremost of all statesmen, the learned in all the moral precepts, the son of Ganga (Bhishma), spoke to Vidura thus.

— tr. M.N. Dutt (1891–96) (public domain)