Mahabharata — Volume I (Dutt edition) — Chapter 101
MBh 1 101.1
वैशम्पायन उवाच ततो विवाहे निवृत्ते स राजा शान्तनुर्नृपः। तां कन्यां रूपसम्पन्नां स्वगृहे संन्यवेशयत्॥
vaiśampāyana uvāca tato vivāhe nivṛtte sa rājā śāntanurnṛpaḥ| tāṃ kanyāṃ rūpasampannāṃ svagṛhe saṃnyaveśayat||
Vaishampayana said : O king, after the conclusion of the marriage, the king Shantanu installed that beautiful lady in his household,
— tr. M.N. Dutt (1891–96) (public domain)
MBh 1 101.2
ततः शान्तनवो धीमान् सत्यवत्यामजायता वीरश्चित्राङ्गदो नाम वीर्यवान् पुरुषेश्वरः॥
tataḥ śāntanavo dhīmān satyavatyāmajāyatā vīraścitrāṅgado nāma vīryavān puruṣeśvaraḥ||
Thereupon, the wise Shantanu begot on his wife Satyavati a very powerful hero, named Chitrangada, the best of men.
— tr. M.N. Dutt (1891–96) (public domain)
MBh 1 101.3
अथापरं महेष्वासं सत्यवत्यां सुतं प्रभुः। विचित्रवीर्यं राजानं जनयामास वीर्यवान्॥
athāparaṃ maheṣvāsaṃ satyavatyāṃ sutaṃ prabhuḥ| vicitravīryaṃ rājānaṃ janayāmāsa vīryavān||
The powerful king begot on Satyavati another son, named Vichitravirya, who became a mighty bow-man; and he became king after his father.
— tr. M.N. Dutt (1891–96) (public domain)
MBh 1 101.4
अप्राप्तवति तस्मिंस्तु यौवनं पुरुषर्षभे। स राजा शान्तनुर्धीमान् कालधर्ममुपेयिवान्॥
aprāptavati tasmiṃstu yauvanaṃ puruṣarṣabhe| sa rājā śāntanurdhīmān kāladharmamupeyivān||
Before that best of men, Vichitravirya, had attained the majority, his father succumbed to the inevitable influence of Time.
— tr. M.N. Dutt (1891–96) (public domain)
MBh 1 101.5
स्वर्गते शान्तनौ भीष्मश्चित्राङ्गदमरिंदमम्। स्थापयामास वै राज्ये सत्यवत्या मते स्थितः॥
svargate śāntanau bhīṣmaścitrāṅgadamariṃdamam| sthāpayāmāsa vai rājye satyavatyā mate sthitaḥ||
When Shantanu went to heaven, Bhishma, who was always obedient to Satyavati, installed that chastiser of foes, Chitrangada on the throne.
— tr. M.N. Dutt (1891–96) (public domain)
MBh 1 101.6
स तु चित्राङ्गदः शौर्यात् सर्वांश्चिक्षेप पार्थिवान्। मनुष्यं न हि मेने स कंचित् सदृशमात्मनः॥
sa tu citrāṅgadaḥ śauryāt sarvāṃścikṣepa pārthivān| manuṣyaṃ na hi mene sa kaṃcit sadṛśamātmanaḥ||
Chitrangada also defeated all the kings of the world by his prowess. He could not find equal of him among men.
— tr. M.N. Dutt (1891–96) (public domain)
MBh 1 101.7
तं क्षिपन्तं सुरांश्चैव मनुष्यानसुरांस्तथा। गन्धर्वराजो बलवांस्तुल्यनामाभ्ययात् तदा॥
taṃ kṣipantaṃ surāṃścaiva manuṣyānasurāṃstathā| gandharvarājo balavāṃstulyanāmābhyayāt tadā||
Seeing him defeat men, Asuras and even the celestials, the powerful king of the Gandharvas, who bore the same name with him, came to him foe a fight.
— tr. M.N. Dutt (1891–96) (public domain)
MBh 1 101.8
तेनास्य सुमहद् युद्धं कुरुक्षेत्रे बभूव ह। तयोर्बलवतोस्तत्र गन्धर्वकुरुमुख्ययोः। नद्यास्तीरे सरस्वत्याः समास्तिस्रोऽभवद् रणः॥ तस्मिन् विमर्दे तुमुले शस्त्रवर्षसमाकुले। मायाधिकोऽवधीद् वीरं गन्धर्वः कुरुसत्तमम्॥
tenāsya sumahad yuddhaṃ kurukṣetre babhūva ha| tayorbalavatostatra gandharvakurumukhyayoḥ| nadyāstīre sarasvatyāḥ samāstisro'bhavad raṇaḥ|| tasmin vimarde tumule śastravarṣasamākule| māyādhiko'vadhīd vīraṃ gandharvaḥ kurusattamam||
Between that foremost of the Kurus and the powerful Gandharva Chief, a fearful combat took place on the field of Kurukshetra. The combat lasted for three long years on the banks of the Sarasvati. In that fierce encounter, which was covered with showers of weapons, the best of the Kurus was killed, by the Gandharva through his greater prowess or power of Maya (illusion).
— tr. M.N. Dutt (1891–96) (public domain)
MBh 1 101.9
स हत्वा तु नरश्रेष्ठं चित्राङ्गदमरिंदमम्। अन्ताय कृत्वा गन्धर्वो दिवमाचक्रमे ततः॥
sa hatvā tu naraśreṣṭhaṃ citrāṅgadamariṃdamam| antāya kṛtvā gandharvo divamācakrame tataḥ||
Having killed that best of men, the chastiser of foes, Chitrangada, the Gandharva went to heaven.
— tr. M.N. Dutt (1891–96) (public domain)
MBh 1 101.10
तस्मिन् पुरुषशार्दूले निहते भूरितेजसि। भीष्मः शान्तनवो राजा प्रेतकार्याण्यकारयत्॥
tasmin puruṣaśārdūle nihate bhūritejasi| bhīṣmaḥ śāntanavo rājā pretakāryāṇyakārayat||
When that best of men, the greatly powerful prince, was killed, Bhishma the son of Shantanu performed all his obsequies.
— tr. M.N. Dutt (1891–96) (public domain)
MBh 1 101.11
विचित्रवीर्यं च तदा बालमप्राप्तयौवनम्। कुरुराज्ये महाबाहुरभ्यषिञ्चदनन्तरम्॥
vicitravīryaṃ ca tadā bālamaprāptayauvanam| kururājye mahābāhurabhyaṣiñcadanantaram||
Thereupon, he installed the mighty armed boy Vichitravirya, still in his minority, on the throne of the Kuru kingdom.
— tr. M.N. Dutt (1891–96) (public domain)
MBh 1 101.12
विचित्रवीर्यः स तदा भीष्मस्य वचने स्थितः। अन्वशासन्महाराज पितृपैतामहं पदम्॥
vicitravīryaḥ sa tadā bhīṣmasya vacane sthitaḥ| anvaśāsanmahārāja pitṛpaitāmahaṃ padam||
Vichitravirya, ever obedient to Bhishma, ruled the kingdom of his father and grand-sires.
— tr. M.N. Dutt (1891–96) (public domain)
MBh 1 101.13
स धर्मशास्त्रकुशलं भीष्मं शान्तनवं नृपः। पूजयामास धर्मेण स चैनं प्रत्यपालयत्॥
sa dharmaśāstrakuśalaṃ bhīṣmaṃ śāntanavaṃ nṛpaḥ| pūjayāmāsa dharmeṇa sa cainaṃ pratyapālayat||
He adopted the son of Shantanu, Bhishma, learned in the Shastras of religion and law. He too protected him very virtuously.
— tr. M.N. Dutt (1891–96) (public domain)