Linga Purana — Chapter 97
LiP 97.1
जलन्धरं जटामौलिः पुरा जम्भारिविक्रमम् कथं जघान भगवान् भगनेत्रहरो हरः
jalandharaṃ jaṭāmauliḥ purā jambhārivikramam kathaṃ jaghāna bhagavān bhaganetraharo haraḥ
How did the lord Hara, the matted-haired one, the destroyer of Bhaga's eye, formerly slay Jalandhara, whose valour was like that of Jambha's foe (Indra)?
AI translation rendered from the Sanskrit, not a published edition
LiP 97.2
वक्तुमर्हसि चास्माकं रोमहर्षण सुव्रत जलन्धर इति ख्यातो जलमण्डलसंभवः
vaktumarhasi cāsmākaṃ romaharṣaṇa suvrata jalandhara iti khyāto jalamaṇḍalasaṃbhavaḥ
You ought to tell us, O Romaharṣaṇa of good vows: he who was known as Jalandhara, born from the circle of the waters —
AI translation rendered from the Sanskrit, not a published edition
LiP 97.3
आसीदन्तकसंकाशस् तपसा लब्धविक्रमः तेन देवाः सगन्धर्वाः सयक्षोरगराक्षसाः
āsīdantakasaṃkāśas tapasā labdhavikramaḥ tena devāḥ sagandharvāḥ sayakṣoragarākṣasāḥ
he was like Death, having obtained his valour through austerity; by him the gods, together with the gandharvas, together with the yakṣas, serpents and rākṣasas,
AI translation rendered from the Sanskrit, not a published edition
LiP 97.4
निर्जिताः समरे सर्वे ब्रह्मा च भगवानजः जित्वैव देवसंघातं ब्रह्माणं वै जलन्धरः
nirjitāḥ samare sarve brahmā ca bhagavānajaḥ jitvaiva devasaṃghātaṃ brahmāṇaṃ vai jalandharaḥ
all were vanquished in battle, and Brahmā too, the unborn lord. Having conquered the host of gods and Brahmā, Jalandhara
AI translation rendered from the Sanskrit, not a published edition
LiP 97.5
जगाम देवदेवेशं विष्णुं विश्वहरं गुरुम् तयोः समभवद्युद्धं दिवारात्रम् अविश्रमम्
jagāma devadeveśaṃ viṣṇuṃ viśvaharaṃ gurum tayoḥ samabhavadyuddhaṃ divārātram aviśramam
(He) went to Viṣṇu, the god of gods, the destroyer of the universe, the teacher; and a battle took place between those two, day and night, without rest.
AI translation rendered from the Sanskrit, not a published edition
LiP 97.6
जलन्धरेशयोस्तेन निर्जितो मधुसूदनः जलन्धरो ऽपि तं जित्वा देवदेवं जनार्दनम्
jalandhareśayostena nirjito madhusūdanaḥ jalandharo 'pi taṃ jitvā devadevaṃ janārdanam
By that (fight) Madhusūdana was defeated by the lord Jalandhara; and Jalandhara, having defeated him, the god of gods Janārdana,
AI translation rendered from the Sanskrit, not a published edition
LiP 97.7
प्रोवाचेदं दितेः पुत्रान् न्यायधीर्जेतुमीश्वरम् सर्वे जिता मया युद्धे शङ्करो ह्यजितो रणे
provācedaṃ diteḥ putrān nyāyadhīrjetumīśvaram sarve jitā mayā yuddhe śaṅkaro hyajito raṇe
said this to the sons of Diti, his mind set on the rule (of conquest), (resolved) to conquer the Lord: "All have been defeated by me in battle, but Śaṅkara is unconquered in war.
AI translation rendered from the Sanskrit, not a published edition — the model flagged this verse as uncertain
LiP 97.8
तं जित्वा सर्वमीशानं गणपैर् नन्दिना क्षणात् अहमेव भवत्वं च ब्रह्मत्वं वैष्णवं तथा
taṃ jitvā sarvamīśānaṃ gaṇapair nandinā kṣaṇāt ahameva bhavatvaṃ ca brahmatvaṃ vaiṣṇavaṃ tathā
Having conquered him, Īśāna, along with the troop-leaders and Nandin, in an instant, I alone shall (hold) the rank of Bhava, and the rank of Brahmā, and that of Viṣṇu,
AI translation rendered from the Sanskrit, not a published edition
LiP 97.9
वासवत्वं च युष्माकं दास्ये दानवपुङ्गवाः जलन्धरवचः श्रुत्वा सर्वे ते दानवाधमाः
vāsavatvaṃ ca yuṣmākaṃ dāsye dānavapuṅgavāḥ jalandharavacaḥ śrutvā sarve te dānavādhamāḥ
and the rank of Vāsava I shall give to you, O bulls among the Dānavas." Having heard Jalandhara's words, all those lowest of Dānavas
AI translation rendered from the Sanskrit, not a published edition
LiP 97.10
जगर्जुरुच्चैः पापिष्ठा मृत्युदर्शनतत्पराः दैत्यैरेतैस्तथान्यैश् च रथनागतुरङ्गमैः
jagarjuruccaiḥ pāpiṣṭhā mṛtyudarśanatatparāḥ daityairetaistathānyaiś ca rathanāgaturaṅgamaiḥ
roared aloud, those most wicked ones, intent on beholding death; and with these Daityas and with others too, with chariots, elephants and horses
AI translation rendered from the Sanskrit, not a published edition
LiP 97.11
संनद्धैः सह संनह्य शर्वं प्रति ययौ बली भवो ऽपि दृष्ट्वा दैत्येन्द्रं मेरुकूटमिव स्थितम्
saṃnaddhaiḥ saha saṃnahya śarvaṃ prati yayau balī bhavo 'pi dṛṣṭvā daityendraṃ merukūṭamiva sthitam
armoured, having armed himself, the mighty one went against Śarva. And Bhava too, seeing the lord of the Daityas standing like a peak of Meru,
AI translation rendered from the Sanskrit, not a published edition
LiP 97.12
अवध्यत्वम् अपि श्रुत्वा तथान्यैर् भगनेत्रहा ब्रह्मणो वचनं रक्षन् रक्षको जगतां प्रभुः
avadhyatvam api śrutvā tathānyair bhaganetrahā brahmaṇo vacanaṃ rakṣan rakṣako jagatāṃ prabhuḥ
and having heard of his invulnerability from others as well, the destroyer of Bhaga's eye, guarding Brahmā's word, the protector, the lord of the worlds,
AI translation rendered from the Sanskrit, not a published edition
LiP 97.13
सांबः सनन्दी सगणः प्रोवाच प्रहसन्निव किं कृत्यमसुरेशान युद्धेनानेन सांप्रतम्
sāṃbaḥ sanandī sagaṇaḥ provāca prahasanniva kiṃ kṛtyamasureśāna yuddhenānena sāṃpratam
together with Ambā, with Nandin, with his hosts, said, as if laughing: "What is to be gained, O lord of the Asuras, by this battle now,
AI translation rendered from the Sanskrit, not a published edition
LiP 97.14
मद्बाणैर्भिन्नसर्वाङ्गो मर्तुमभ्युद्यते मुदा जलन्धरो ऽपि तद्वाक्यं श्रुत्वा श्रोत्रविदारणम्
madbāṇairbhinnasarvāṅgo martumabhyudyate mudā jalandharo 'pi tadvākyaṃ śrutvā śrotravidāraṇam
(when) with all your limbs pierced by my arrows you gladly set out to die?" And Jalandhara, hearing that speech which split his ears,
AI translation rendered from the Sanskrit, not a published edition
LiP 97.15
सुरेश्वरमुवाचेदं सुरेतरबलेश्वरः वाक्येनालं महाबाहो देवदेव वृषध्वज
sureśvaramuvācedaṃ suretarabaleśvaraḥ vākyenālaṃ mahābāho devadeva vṛṣadhvaja
said this to the lord of the gods—he, the lord of the army of those other than the gods: "Enough of words, O mighty-armed one, O god of gods, O bull-bannered one!
AI translation rendered from the Sanskrit, not a published edition
LiP 97.16
चन्द्रांशुसन्निभैः शस्त्रैर् हर योद्धुमिहागतः निशम्यास्य वचः शूली पादाङ्गुष्ठेन लीलया महांभसि चकाराशु रथाङ्गं रौद्रमायुधम्
candrāṃśusannibhaiḥ śastrair hara yoddhumihāgataḥ niśamyāsya vacaḥ śūlī pādāṅguṣṭhena līlayā mahāṃbhasi cakārāśu rathāṅgaṃ raudramāyudham
I have come here to fight, O Hara, with weapons bright as the moon's rays." Hearing his speech, the trident-bearer, playfully with his big toe, at once made in the great waters a discus, a terrible weapon.
AI translation rendered from the Sanskrit, not a published edition
LiP 97.17
कृत्वार्णवांभसि सितं भगवान् रथाङ्गं स्मृत्वा जगत्त्रयमनेन हताः सुराश् च दक्षान्धकान्तकपुरत्रययज्ञहर्ता लोकत्रयान्तककरः प्रहसंतदाह
kṛtvārṇavāṃbhasi sitaṃ bhagavān rathāṅgaṃ smṛtvā jagattrayamanena hatāḥ surāś ca dakṣāndhakāntakapuratrayayajñahartā lokatrayāntakakaraḥ prahasaṃtadāha
Having made the discus white in the water of the ocean, the Lord, recalling the three worlds—"by this the gods were slain"—he, the slayer of Dakṣa, of Andhaka, of Antaka, the destroyer of the Triple City and of the sacrifice, the maker of the end of the three worlds, laughing, then said:
AI translation rendered from the Sanskrit, not a published edition — the model flagged this verse as uncertain
LiP 97.18
पादेन निर्मितं दैत्य जलन्धर महार्णवे बलवान् यदि चोद्धर्तुं तिष्ठ योद्धुं न चान्यथा
pādena nirmitaṃ daitya jalandhara mahārṇave balavān yadi coddhartuṃ tiṣṭha yoddhuṃ na cānyathā
"O Daitya Jalandhara, if you are strong enough to lift up (this discus) fashioned by my foot in the great ocean, then stand to fight—otherwise not."
AI translation rendered from the Sanskrit, not a published edition
LiP 97.19
तस्य तद्वचनं श्रुत्वा क्रोधेनादीप्तलोचनः प्रदहन्निव नेत्राभ्यां प्राहालोक्य जगत्त्रयम्
tasya tadvacanaṃ śrutvā krodhenādīptalocanaḥ pradahanniva netrābhyāṃ prāhālokya jagattrayam
Hearing that speech of his, with eyes blazing with anger, as if burning up the three worlds with his two eyes, he looked (at them) and said:
AI translation rendered from the Sanskrit, not a published edition
LiP 97.20
गदामुद्धृत्य हत्वा च नन्दिनं त्वां च शङ्कर हत्वा लोकान्सुरैः सार्धं डुण्डुभान् गरुडो यथा
gadāmuddhṛtya hatvā ca nandinaṃ tvāṃ ca śaṅkara hatvā lokānsuraiḥ sārdhaṃ ḍuṇḍubhān garuḍo yathā
"Raising up my mace and slaying Nandin and you too, O Śaṅkara, and slaying the worlds together with the gods, as Garuḍa (slays) water-snakes,
AI translation rendered from the Sanskrit, not a published edition
LiP 97.21
हन्तुं चराचरं सर्वं समर्थो ऽहं सवासवम् को महेश्वर मद्बाणैर् अच्छेद्यो भुवनत्रये
hantuṃ carācaraṃ sarvaṃ samartho 'haṃ savāsavam ko maheśvara madbāṇair acchedyo bhuvanatraye
I am able to slay all that moves and does not move, together with Vāsava. Who, O Maheśvara, in the three worlds is uncleavable by my arrows?
AI translation rendered from the Sanskrit, not a published edition
LiP 97.22
बालभावे च भगवान् तपसैव विनिर्जितः ब्रह्मा बली यौवने वै मुनयः सुरपुङ्गवैः
bālabhāve ca bhagavān tapasaiva vinirjitaḥ brahmā balī yauvane vai munayaḥ surapuṅgavaiḥ
Even in boyhood the mighty Lord Brahmā was conquered by me by austerity alone; and in youth, indeed, the sages along with the chiefs of the gods.
AI translation rendered from the Sanskrit, not a published edition — the model flagged this verse as uncertain
LiP 97.23
दग्धं क्षणेन सकलं त्रैलोक्यं सचराचरम् तपसा किं त्वया रुद्र निर्जितो भगवानपि
dagdhaṃ kṣaṇena sakalaṃ trailokyaṃ sacarācaram tapasā kiṃ tvayā rudra nirjito bhagavānapi
In an instant the whole triple world with its moving and unmoving beings was burnt. What, O Rudra, by austerity—even the Lord was conquered by me!
AI translation rendered from the Sanskrit, not a published edition — the model flagged this verse as uncertain
LiP 97.24
इन्द्राग्नियमवित्तेशवायुवारीश्वरादयः न सेहिरे यथा नागा गन्धं पक्षिपतेरिव
indrāgniyamavitteśavāyuvārīśvarādayaḥ na sehire yathā nāgā gandhaṃ pakṣipateriva
Indra, Agni, Yama, the lord of wealth, Vāyu, the lord of the waters and the rest did not endure (me), as serpents (do not endure) the smell of the lord of birds.
AI translation rendered from the Sanskrit, not a published edition
LiP 97.25
न लब्ध्वा दिवि भूमौ च बाहवो मम शङ्कर समस्तान्पर्वतान्प्राप्य घर्षिताश् च गणेश्वर
na labdhvā divi bhūmau ca bāhavo mama śaṅkara samastānparvatānprāpya gharṣitāś ca gaṇeśvara
Finding no (room) in heaven nor on earth, my arms, O Śaṅkara, reached all the mountains and were rubbed against them, O lord of the hosts.
AI translation rendered from the Sanskrit, not a published edition — the model flagged this verse as uncertain
LiP 97.26
गिरीन्द्रो मन्दरः श्रीमान् नीलो मेरुः सुशोभनः घर्षितो बाहुदण्डेन कण्डूनोदार्थम् आपतत्
girīndro mandaraḥ śrīmān nīlo meruḥ suśobhanaḥ gharṣito bāhudaṇḍena kaṇḍūnodārtham āpatat
— tr. refused: cyber
LiP 97.27
गङ्गा निरुद्धा बाहुभ्यां लीलार्थं हिमवद्गिरौ नारीणां मम भृत्यैश् च वज्रो बद्धो दिवौकसाम्
gaṅgā niruddhā bāhubhyāṃ līlārthaṃ himavadgirau nārīṇāṃ mama bhṛtyaiś ca vajro baddho divaukasām
— tr. refused: cyber
LiP 97.28
वडवाया मुखं भग्नं गृहीत्वा वै करेण तु तत्क्षणादेव सकलं चैकार्णवमभूदिदम्
vaḍavāyā mukhaṃ bhagnaṃ gṛhītvā vai kareṇa tu tatkṣaṇādeva sakalaṃ caikārṇavamabhūdidam
— tr. refused: cyber
LiP 97.29
ऐरावतादयो नागाः क्षिप्ताः सिन्धुजलोपरि सरथो भगवानिन्द्रः क्षिप्तश् च शतयोजनम्
airāvatādayo nāgāḥ kṣiptāḥ sindhujalopari saratho bhagavānindraḥ kṣiptaś ca śatayojanam
The nāgas (elephants), Airāvata and the rest, were flung upon the waters of the ocean, and Lord Indra with his chariot was flung a hundred yojanas.
AI translation rendered from the Sanskrit, not a published edition
LiP 97.30
गरुडो ऽपि मया बद्धो नागपाशेन विष्णुना उर्वश्याद्या मया नीता नार्यः कारागृहान्तरम्
garuḍo 'pi mayā baddho nāgapāśena viṣṇunā urvaśyādyā mayā nītā nāryaḥ kārāgṛhāntaram
— tr. refused: cyber
LiP 97.31
कथंचिल्लब्धवान् शक्रः शचीमेकां प्रणम्य माम् मां न जानासि दैत्येन्द्रं जलन्धरमुमापते
kathaṃcillabdhavān śakraḥ śacīmekāṃ praṇamya mām māṃ na jānāsi daityendraṃ jalandharamumāpate
"Somehow Śakra got Śacī back, one (woman), by bowing to me. You do not know me, the lord of the Daityas, Jalandhara, O husband of Umā!"
AI translation rendered from the Sanskrit, not a published edition
LiP 97.32
एवमुक्तो महादेवः प्रादहद्वै रथं तदा तस्य नेत्राग्निभागैककलार्धार्धेन चाकुलम्
evamukto mahādevaḥ prādahadvai rathaṃ tadā tasya netrāgnibhāgaikakalārdhārdhena cākulam
Addressed thus, the Great God then burned up his chariot, and (threw it) into disarray, with half of half of a single fraction of a portion of the fire of his eye.
AI translation rendered from the Sanskrit, not a published edition — the model flagged this verse as uncertain
LiP 97.33
दैत्यानामतुलबलैर्हयैश् च नागैर् दैत्येन्द्रास् त्रिपुररिपोर् निरीक्षणेन नागाद् वैशसम् अनुसंवृतश् च नागैर् देवेशं वचनमुवाच चाल्पबुद्धिः
daityānāmatulabalairhayaiś ca nāgair daityendrās tripuraripor nirīkṣaṇena nāgād vaiśasam anusaṃvṛtaś ca nāgair deveśaṃ vacanamuvāca cālpabuddhiḥ
With the daityas' horses of incomparable strength and with (their) elephants, the daitya-chiefs came to destruction by the mere glance of Tripura's foe; and (he), hemmed in on all sides by elephants, being of small understanding, spoke this word to the lord of the gods:
AI translation rendered from the Sanskrit, not a published edition — the model flagged this verse as uncertain
LiP 97.34
किं कार्यं मम युधि देवदैत्यसंघैर् हन्तुं यत्सकलमिदं क्षणात्समर्थः यत्तस्माद्भयमिहनास्ति योद्धुम् ईश वाञ्छैषा विपुलतरा न संशयो ऽत्र
kiṃ kāryaṃ mama yudhi devadaityasaṃghair hantuṃ yatsakalamidaṃ kṣaṇātsamarthaḥ yattasmādbhayamihanāsti yoddhum īśa vāñchaiṣā vipulatarā na saṃśayo 'tra
"What use to me in battle are the hosts of gods and daityas, since I am able to destroy all this in an instant? Therefore I have no fear here; my desire to fight, O Lord, is all the greater — of this there is no doubt."
AI translation rendered from the Sanskrit, not a published edition — the model flagged this verse as uncertain
LiP 97.35
तस्मात्त्वं मम मदनारिदक्षशत्रो यज्ञारे त्रिपुररिपो ममैव वीरैः भूतेन्द्रैर्हरिवदनेन देवसंघैर् योद्धुं ते बलमिह चास्ति चेद्धि तिष्ठ
tasmāttvaṃ mama madanāridakṣaśatro yajñāre tripuraripo mamaiva vīraiḥ bhūtendrairharivadanena devasaṃghair yoddhuṃ te balamiha cāsti ceddhi tiṣṭha
"Therefore you, O enemy of Madana, O foe of Dakṣa, O destroyer of the sacrifice, O enemy of Tripura — fight with my own heroes, with the lords of the bhūtas, with the lion-faced one, with the hosts of gods; if indeed you have the strength here, then stand (your ground)!"
AI translation rendered from the Sanskrit, not a published edition — the model flagged this verse as uncertain
LiP 97.36
इत्युक्त्वाथ महादेवं महादेवारिनन्दनः न चचाल न सस्मार निहतान्बान्धवान्युधि
ityuktvātha mahādevaṃ mahādevārinandanaḥ na cacāla na sasmāra nihatānbāndhavānyudhi
Having spoken thus to Mahādeva, the son of Mahādeva's enemy neither moved nor gave a thought to his kinsmen slain in the battle.
AI translation rendered from the Sanskrit, not a published edition
LiP 97.37
दुर्मदेनाविनीतात्मा दोर्भ्यामास्फोट्य दोर्बलात् सुदर्शनाख्यं यच्चक्रं तेन हन्तुं समुद्यतः
durmadenāvinītātmā dorbhyāmāsphoṭya dorbalāt sudarśanākhyaṃ yaccakraṃ tena hantuṃ samudyataḥ
His mind untamed through wicked intoxication, slapping his arms with (all) the strength of his arms, he raised up that discus named Sudarśana to slay (Mahādeva) with it.
AI translation rendered from the Sanskrit, not a published edition
LiP 97.38
दुर्धरेण रथाङ्गेन कृच्छ्रेणापि द्विजोत्तमाः स्थापयामास वै स्कन्धे द्विधाभूतश् च तेन वै
durdhareṇa rathāṅgena kṛcchreṇāpi dvijottamāḥ sthāpayāmāsa vai skandhe dvidhābhūtaś ca tena vai
With the hard-to-hold discus — and (only) with difficulty, O best of the twice-born — he set (it) upon his shoulder, and by it he was split in two.
AI translation rendered from the Sanskrit, not a published edition — the model flagged this verse as uncertain
LiP 97.39
कुलिशेन यथा छिन्नो द्विधा गिरिवरो द्विजाः पपात दैत्यो बलवान् अञ्जनाद्रिरिवापरः
kuliśena yathā chinno dvidhā girivaro dvijāḥ papāta daityo balavān añjanādririvāparaḥ
— tr. refused: cyber
LiP 97.40
तस्य रक्तेन रौद्रेण सम्पूर्णम् अभवत्क्षणात् तद्रक्तमखिलं रुद्रनियोगान्मांसमेव च
tasya raktena raudreṇa sampūrṇam abhavatkṣaṇāt tadraktamakhilaṃ rudraniyogānmāṃsameva ca
— tr. refused: cyber
LiP 97.41
महारौरवमासाद्य रक्तकुण्डमभूदहो जलन्धरं हतं दृष्ट्वा देवगन्धर्वपार्षदाः
mahārauravamāsādya raktakuṇḍamabhūdaho jalandharaṃ hataṃ dṛṣṭvā devagandharvapārṣadāḥ
— tr. refused: cyber
LiP 97.42
सिंहनादं महत्कृत्वा साधु देवेति चाब्रुवन् यः पठेच्छृणुयाद्वापि जलन्धरविमर्दनम्
siṃhanādaṃ mahatkṛtvā sādhu deveti cābruvan yaḥ paṭhecchṛṇuyādvāpi jalandharavimardanam
— tr. refused: cyber
LiP 97.43
श्रावयेद्वा यथान्यायं गाणपत्यमवाप्नुयात्
śrāvayedvā yathānyāyaṃ gāṇapatyamavāpnuyāt
or who causes (it) to be heard, in the proper manner, would attain the rank of a Gaṇapati.
AI translation rendered from the Sanskrit, not a published edition