Linga Purana — Chapter 80
LiP 80.1
कथं पशुपतिं दृष्ट्वा पशुपाशविमोक्षणम् पशुत्वं तत्यजुर्देवास् तन्नो वक्तुमिहार्हसि
kathaṃ paśupatiṃ dṛṣṭvā paśupāśavimokṣaṇam paśutvaṃ tatyajurdevās tanno vaktumihārhasi
How, by seeing Paśupati, (came about) the loosing of the bonds of the bound ones (paśus)? How did the gods give up their state of being paśus? That you ought to tell us here.
AI translation rendered from the Sanskrit, not a published edition
LiP 80.2
पुरा कैलासशिखरे भोग्याख्ये स्वपुरे स्थितम् समेत्य देवाः सर्वज्ञम् आजग्मुस्तत्प्रसादतः
purā kailāsaśikhare bhogyākhye svapure sthitam sametya devāḥ sarvajñam ājagmustatprasādataḥ
Formerly the gods, assembling, came by his grace to the All-knowing One, who abides on the peak of Kailāsa, in his own city named Bhogya.
AI translation rendered from the Sanskrit, not a published edition
LiP 80.3
हिताय सर्वदेवानां ब्रह्मणा च जनार्दनः गरुडस्य तथा स्कन्धम् आरुह्य पुरुषोत्तमः
hitāya sarvadevānāṃ brahmaṇā ca janārdanaḥ garuḍasya tathā skandham āruhya puruṣottamaḥ
For the benefit of all the gods, Janārdana, together with Brahmā—the Supreme Person—having mounted the shoulder of Garuḍa,
AI translation rendered from the Sanskrit, not a published edition
LiP 80.4
जगाम देवताभिर् वै देवदेवान्तिकं हरिः सर्वे सम्प्राप्य देवस्य सार्धं गिरिवरं शुभम्
jagāma devatābhir vai devadevāntikaṃ hariḥ sarve samprāpya devasya sārdhaṃ girivaraṃ śubham
Hari went with the deities into the presence of the God of gods. All of them, having reached the god's auspicious best of mountains together,
AI translation rendered from the Sanskrit, not a published edition
LiP 80.5
सेन्द्राः ससाध्याः सयमाः प्रणेमुर् गिरिमुत्तमम् भगवान् वासुदेवो ऽसौ गरुडाद् गरुडध्वजः अवतीर्य गिरिं मेरुम् आरुरोह सुरोत्तमैः
sendrāḥ sasādhyāḥ sayamāḥ praṇemur girimuttamam bhagavān vāsudevo 'sau garuḍād garuḍadhvajaḥ avatīrya giriṃ merum āruroha surottamaiḥ
with Indra, with the Sādhyas, with Yama, bowed to that highest mountain. That Lord Vāsudeva, whose banner is Garuḍa, descending from Garuḍa, climbed Mount Meru with the best of the gods—
AI translation rendered from the Sanskrit, not a published edition
LiP 80.6
सकलदुरितहीनं सर्वदं भोगमुख्यं मुदितकुररवृन्दं नादितं नागवृन्दैः मधुररणितगीतं सानुकूलान्धकारं पदरचितवनान्तं कान्तवातान्ततोयम्
sakaladuritahīnaṃ sarvadaṃ bhogamukhyaṃ muditakuraravṛndaṃ nāditaṃ nāgavṛndaiḥ madhuraraṇitagītaṃ sānukūlāndhakāraṃ padaracitavanāntaṃ kāntavātāntatoyam
(a mountain) free of all evil, granting everything, foremost in enjoyments, with flocks of delighted ospreys, resounding with hosts of elephants, with song of sweet sounds, with agreeable shade, its forest-tracts laid out in rows, its waters (bordered) by lovely breezes—
AI translation rendered from the Sanskrit, not a published edition — the model flagged this verse as uncertain
LiP 80.7
भवनशतसहस्रैर् जुष्टम् आदित्यकल्पैर् ललितगतिविदग्धैर् हंसवृन्दैश् च भिन्नम् धवखदिरपलाशैश् चन्दनाद्यैश् च वृक्षैर् द्विजवरगणवृन्दैः कोकिलाद्यैर्द्विरेफैः
bhavanaśatasahasrair juṣṭam ādityakalpair lalitagatividagdhair haṃsavṛndaiś ca bhinnam dhavakhadirapalāśaiś candanādyaiś ca vṛkṣair dvijavaragaṇavṛndaiḥ kokilādyairdvirephaiḥ
(The mountain was) frequented by hundreds of thousands of mansions resembling suns, broken up by flocks of geese skilled in graceful movement, and by dhava, khadira and palāśa trees, by sandal and other trees, by throngs of the finest birds, by cuckoos and the like, and by bees.
AI translation rendered from the Sanskrit, not a published edition
LiP 80.8
क्वचिदशेषसुरद्रुमसंकुलं कुरबकैः प्रियकैस्तिलकैस् तथा बहुकदम्बतमाललतावृतं गिरिवरं शिखरैर्विविधैस् तथा
kvacidaśeṣasuradrumasaṃkulaṃ kurabakaiḥ priyakaistilakais tathā bahukadambatamālalatāvṛtaṃ girivaraṃ śikharairvividhais tathā
In places crowded with every kind of divine tree — with kurabaka, priyaka and tilaka trees — the best of mountains, covered with many kadambas, tamālas and creepers, and (adorned) likewise with peaks of various kinds.
AI translation rendered from the Sanskrit, not a published edition
LiP 80.9
गिरेः पृष्ठे परं शार्वं कल्पितं विश्वकर्मणा क्रीडार्थं देवदेवस्य भवस्य परमेष्ठिनः
gireḥ pṛṣṭhe paraṃ śārvaṃ kalpitaṃ viśvakarmaṇā krīḍārthaṃ devadevasya bhavasya parameṣṭhinaḥ
On the back of the mountain, the supreme (city) of Śarva was fashioned by Viśvakarman for the sport of Bhava, the god of gods, the highest lord.
AI translation rendered from the Sanskrit, not a published edition
LiP 80.10
अपश्यंस्तत्पुरं देवाः सेन्द्रोपेन्द्राः समाहिताः प्रणेमुर्दूरतश्चैव प्रभावादेव शूलिनः
apaśyaṃstatpuraṃ devāḥ sendropendrāḥ samāhitāḥ praṇemurdūrataścaiva prabhāvādeva śūlinaḥ
The gods, with Indra and Upendra, saw that city, and, collected in mind, bowed down even from afar, by the very power of the trident-bearer.
AI translation rendered from the Sanskrit, not a published edition
LiP 80.11
सहस्रसूर्यप्रतिमं महान्तं सहस्रशः सर्वगुणैश् च भिन्नम् जगाम कैलासगिरिं महात्मा मेरुप्रभागे पुरमादिदेवः
sahasrasūryapratimaṃ mahāntaṃ sahasraśaḥ sarvaguṇaiś ca bhinnam jagāma kailāsagiriṃ mahātmā meruprabhāge puramādidevaḥ
The great-souled primal god went to the Kailāsa mountain, to the city on the flank of Meru — (a city) huge, like a thousand suns, thousandfold, and diversified with all excellences.
AI translation rendered from the Sanskrit, not a published edition
LiP 80.12
ततो ऽथ नारिगजवाजिसंकुलं रथैर् अनेकैर् अमरारिसूदनः गणैर्गणेशैश् च गिरीन्द्रसंनिभं महापुरद्वारमजो हरिश् च
tato 'tha nārigajavājisaṃkulaṃ rathair anekair amarārisūdanaḥ gaṇairgaṇeśaiś ca girīndrasaṃnibhaṃ mahāpuradvāramajo hariś ca
Then the unborn one (Brahmā) and Hari, the slayer of the enemies of the gods, (reached) the gate of the great city, crowded with women, elephants and horses, with many chariots, with hosts and lords of hosts, and resembling the lord of mountains.
AI translation rendered from the Sanskrit, not a published edition — the model flagged this verse as uncertain
LiP 80.13
अथ जांबूनदमयैर् भवनैर्मणिभूषितैः विमानैर्विविधाकारैः प्राकारैश् च समावृतम्
atha jāṃbūnadamayair bhavanairmaṇibhūṣitaiḥ vimānairvividhākāraiḥ prākāraiś ca samāvṛtam
Then (they saw it) encircled with mansions made of gold, adorned with jewels, with celestial cars of various shapes, and with ramparts.
AI translation rendered from the Sanskrit, not a published edition
LiP 80.14
दृष्ट्वा शंभोः पुरं बाह्यं देवैः सब्रह्मकैर्हरिः प्रहृष्टवदनो भूत्वा प्रविवेश ततः पुरम्
dṛṣṭvā śaṃbhoḥ puraṃ bāhyaṃ devaiḥ sabrahmakairhariḥ prahṛṣṭavadano bhūtvā praviveśa tataḥ puram
Having seen the outer city of Śambhu, Hari, together with the gods and Brahmā, his face grown greatly delighted, then entered the city.
AI translation rendered from the Sanskrit, not a published edition
LiP 80.15
हर्म्यप्रासादसम्बाधं महाट्टालसमन्वितम् द्वितीयं देवदेवस्य चतुर्द्वारं सुशोभनम्
harmyaprāsādasambādhaṃ mahāṭṭālasamanvitam dvitīyaṃ devadevasya caturdvāraṃ suśobhanam
(Then they saw) the second (enclosure) of the god of gods, thronged with halls and palaces, provided with great watchtowers, having four gates, most beautiful.
AI translation rendered from the Sanskrit, not a published edition — the model flagged this verse as uncertain
LiP 80.16
वज्रवैडूर्यमाणिक्यमणिजालैः समावृतम् दोलाविक्षेपसंयुक्तं घण्टाचामरभूषितम्
vajravaiḍūryamāṇikyamaṇijālaiḥ samāvṛtam dolāvikṣepasaṃyuktaṃ ghaṇṭācāmarabhūṣitam
(It was) encircled with lattices of diamond, beryl, ruby and (other) gems, furnished with swinging swings, adorned with bells and yak-tail fans,
AI translation rendered from the Sanskrit, not a published edition
LiP 80.17
मृदङ्गमुरजैर्जुष्टं वीणावेणुनिनादितम् नृत्यद्भिर् अप्सरःसंघैर् भूतसंघैश् च संवृतम् देवेन्द्रभवनाकारैर् भवनैर् दृष्टिमोहनैः
mṛdaṅgamurajairjuṣṭaṃ vīṇāveṇunināditam nṛtyadbhir apsaraḥsaṃghair bhūtasaṃghaiś ca saṃvṛtam devendrabhavanākārair bhavanair dṛṣṭimohanaiḥ
resounding with mṛdaṅgas and murajas, echoing with lutes and flutes, filled with troops of dancing apsarases and with hosts of spirits, and with mansions shaped like the palace of the lord of the gods, bewildering to the eye.
AI translation rendered from the Sanskrit, not a published edition
LiP 80.18
प्रासादशृङ्गेष्वथ पौरनार्यः सहस्रशः पुष्पफलाक्षताद्यैः स्थिताः करैस्तस्य हरेः समन्तात् प्रचिक्षिपुर्मूर्ध्नि यथा भवस्य
prāsādaśṛṅgeṣvatha pauranāryaḥ sahasraśaḥ puṣpaphalākṣatādyaiḥ sthitāḥ karaistasya hareḥ samantāt pracikṣipurmūrdhni yathā bhavasya
Then the women of the city, standing by the thousands on the turrets of the palaces, threw with their hands, from every side, flowers, fruits, unhusked grain and the like upon the head of that Hari, as (they would) upon Bhava's.
AI translation rendered from the Sanskrit, not a published edition
LiP 80.19
दृष्ट्वा नार्यस्तदा विष्णुं मदाघूर्णितलोचनाः
dṛṣṭvā nāryastadā viṣṇuṃ madāghūrṇitalocanāḥ
Then the women, seeing Viṣṇu, their eyes rolling with intoxication —
AI translation rendered from the Sanskrit, not a published edition
LiP 80.20
विशालजघनाः सद्यो ननृतुर्मुमुदुर्जगुः काश्चिद्दृष्ट्वा हरिं नार्यः किंचित् प्रहसिताननाः
viśālajaghanāḥ sadyo nanṛturmumudurjaguḥ kāściddṛṣṭvā hariṃ nāryaḥ kiṃcit prahasitānanāḥ
broad-hipped, they at once danced, rejoiced and sang; and some women, seeing Hari, their faces somewhat smiling,
AI translation rendered from the Sanskrit, not a published edition
LiP 80.21
किंचिद् विस्रस्तवस्त्राश् च स्रस्तकाञ्चीगुणा जगुः चतुर्थं पञ्चमं चैव षष्ठं च सप्तमं तथा
kiṃcid visrastavastrāś ca srastakāñcīguṇā jaguḥ caturthaṃ pañcamaṃ caiva ṣaṣṭhaṃ ca saptamaṃ tathā
with their garments somewhat slipping down and the cords of their girdles loosened, sang. (Having passed) the fourth, the fifth, the sixth and likewise the seventh,
AI translation rendered from the Sanskrit, not a published edition
LiP 80.22
अष्टमं नवमं चैव दशमं च पुरोत्तमम् अतीत्यासाद्य देवस्य पुरं शंभोः सुशोभनम्
aṣṭamaṃ navamaṃ caiva daśamaṃ ca purottamam atītyāsādya devasya puraṃ śaṃbhoḥ suśobhanam
and the eighth, the ninth and the tenth (enclosure), having passed beyond (them) they reached the most excellent city, the beautiful city of the god Śambhu:
AI translation rendered from the Sanskrit, not a published edition
LiP 80.23
सुवृत्तं सुतरां शुभ्रं कैलासशिखरे शुभे सूर्यमण्डलसंकाशैर् विमानैश् च विभूषितम्
suvṛttaṃ sutarāṃ śubhraṃ kailāsaśikhare śubhe sūryamaṇḍalasaṃkāśair vimānaiś ca vibhūṣitam
well-rounded, exceedingly white, on the auspicious peak of Kailāsa, adorned with celestial cars resembling the orb of the sun,
AI translation rendered from the Sanskrit, not a published edition
LiP 80.24
स्फाटिकैर् मण्डपैः शुभ्रैर् जांबूनदमयैस् तथा नानारत्नमयैश्चैव दिग्विदिक्षु विभूषितम्
sphāṭikair maṇḍapaiḥ śubhrair jāṃbūnadamayais tathā nānāratnamayaiścaiva digvidikṣu vibhūṣitam
adorned in the (cardinal) directions and the intermediate directions with white pavilions of crystal, and with ones made of gold, and with ones made of various gems,
AI translation rendered from the Sanskrit, not a published edition
LiP 80.25
गोपुरैर्गोपतेः शंभोर् नानाभूषणभूषितैः अनेकैः सर्वतोभद्रैः सर्वरत्नमयैस् तथा
gopurairgopateḥ śaṃbhor nānābhūṣaṇabhūṣitaiḥ anekaiḥ sarvatobhadraiḥ sarvaratnamayais tathā
with gate-towers of Śambhu, the lord of cattle, decorated with various ornaments, many, auspicious on every side, and made all of gems,
AI translation rendered from the Sanskrit, not a published edition
LiP 80.26
प्राकारैर्विविधाकारैर् अष्टाविंशतिभिर् वृतम् उपद्वारैर्महाद्वारैर् विदिक्षु विविधैर्दृढैः
prākārairvividhākārair aṣṭāviṃśatibhir vṛtam upadvārairmahādvārair vidikṣu vividhairdṛḍhaiḥ
encircled by twenty-eight ramparts of various forms, with side-gates and great gates of various kinds, firm, in the intermediate directions,
AI translation rendered from the Sanskrit, not a published edition
LiP 80.27
गुह्यालयैर्गुह्यगृहैर् गुहस्य भवनैः शुभैः ग्राम्यैर् अन्यैर् महाभागा मौक्तिकैर् दृष्टिमोहनैः
guhyālayairguhyagṛhair guhasya bhavanaiḥ śubhaiḥ grāmyair anyair mahābhāgā mauktikair dṛṣṭimohanaiḥ
(It was surrounded) by secret dwellings and secret houses, by the auspicious mansions of Guha, and by others belonging to the villages, O greatly fortunate ones — pearl-built ones that bewildered the sight.
AI translation rendered from the Sanskrit, not a published edition — the model flagged this verse as uncertain
LiP 80.28
गणेशायतनैर् दिव्यैः पद्मरागमयैस् तथा चन्दनैर्विविधाकारैः पुष्पोद्यानैश् च शोभनैः
gaṇeśāyatanair divyaiḥ padmarāgamayais tathā candanairvividhākāraiḥ puṣpodyānaiś ca śobhanaiḥ
By divine shrines of Gaṇeśa made of ruby, and by sandalwood (trees?) of various forms, and by lovely flower-gardens,
AI translation rendered from the Sanskrit, not a published edition
LiP 80.29
तडागैर् दिर्घिकाभिश् च हेमसोपानपङ्क्तिभिः स्त्रीणां गतिजितैर् हंसैः सेविताभिः समन्ततः
taḍāgair dirghikābhiś ca hemasopānapaṅktibhiḥ strīṇāṃ gatijitair haṃsaiḥ sevitābhiḥ samantataḥ
by ponds and by long tanks with rows of golden steps, frequented on every side by geese whose gait outdid that of women,
AI translation rendered from the Sanskrit, not a published edition
LiP 80.30
मयूरैश्चैव कारण्डैः कोकिलैश्चक्रवाककैः शोभिताभिश् च वापीभिर् दिव्यामृतजलैस् तथा
mayūraiścaiva kāraṇḍaiḥ kokilaiścakravākakaiḥ śobhitābhiś ca vāpībhir divyāmṛtajalais tathā
and by pools adorned with peacocks and kāraṇḍa ducks, cuckoos and cakravāka birds, and (filled) with divine nectar-water,
AI translation rendered from the Sanskrit, not a published edition
LiP 80.31
संलापालापकुशलैः सर्वाभरणभूषितैः स्तनभारावनम्रैश् च मदाघूर्णितलोचनैः
saṃlāpālāpakuśalaiḥ sarvābharaṇabhūṣitaiḥ stanabhārāvanamraiś ca madāghūrṇitalocanaiḥ
by (women) skilled in conversation and repartee, decked with every ornament, bent over by the weight of their breasts, their eyes rolling with intoxication,
AI translation rendered from the Sanskrit, not a published edition
LiP 80.32
गेयनादरतैर्दिव्यै रुद्रकन्यासहस्रकैः नृत्यद्भिर् अप्सरःसंघैर् अमरैरपि दुर्लभैः
geyanādaratairdivyai rudrakanyāsahasrakaiḥ nṛtyadbhir apsaraḥsaṃghair amarairapi durlabhaiḥ
by thousands of divine Rudra-maidens devoted to the sound of song, by troops of apsarases dancing, hard for even the immortals to obtain,
AI translation rendered from the Sanskrit, not a published edition
LiP 80.33
प्रफुल्लांबुजवृन्दाद्यैस् तथा द्विजवरैरपि रुद्रस्त्रीगणसंकीर्णैर् जलक्रीडारतैस् तथा
praphullāṃbujavṛndādyais tathā dvijavarairapi rudrastrīgaṇasaṃkīrṇair jalakrīḍāratais tathā
by masses of full-blown lotuses and the like, and also by excellent birds, (by waters) thronged with troops of Rudra's women delighting in water-play,
AI translation rendered from the Sanskrit, not a published edition
LiP 80.34
रतोत्सवरतैश्चैव ललितैश् च पदे पदे ग्रामरागानुरक्तैश् च पद्मरागसमप्रभैः
ratotsavarataiścaiva lalitaiś ca pade pade grāmarāgānuraktaiś ca padmarāgasamaprabhaiḥ
and by (women) devoted to the festival of love-making, charming at every step, fond of the grāma-melodies, with a radiance equal to ruby —
AI translation rendered from the Sanskrit, not a published edition
LiP 80.35
स्त्रीसंघैर् देवदेवस्य भवस्य परमात्मनः दृष्ट्वा विस्मयमापन्नास् तस्थुर्देवाः समन्ततः
strīsaṃghair devadevasya bhavasya paramātmanaḥ dṛṣṭvā vismayamāpannās tasthurdevāḥ samantataḥ
having seen (all this), and the throngs of women of Bhava, the god of gods, the supreme Self, the gods stood about, filled with amazement.
AI translation rendered from the Sanskrit, not a published edition
LiP 80.36
तत्रैव ददृशुर्देवा वृन्दं रुद्रगणस्य च गणेश्वराणां वीराणाम् अपि वृन्दं सहस्रशः
tatraiva dadṛśurdevā vṛndaṃ rudragaṇasya ca gaṇeśvarāṇāṃ vīrāṇām api vṛndaṃ sahasraśaḥ
There the gods saw the host of Rudra's troop, and also the host of the heroic lords of the troops, in their thousands.
AI translation rendered from the Sanskrit, not a published edition
LiP 80.37
सुवर्णकृतसोपानान् वज्रवैडूर्यभूषितान् स्फाटिकान् देवदेवस्य ददृशुस्ते विमानकान्
suvarṇakṛtasopānān vajravaiḍūryabhūṣitān sphāṭikān devadevasya dadṛśuste vimānakān
They saw the celestial cars of the god of gods, with stairways made of gold, adorned with diamond and beryl, made of crystal.
AI translation rendered from the Sanskrit, not a published edition
LiP 80.38
तेषां शृङ्गेषु हृष्टाश् च नार्यः कमललोचनाः विशालजघना यक्षा गन्धर्वाप्सरसस् तथा
teṣāṃ śṛṅgeṣu hṛṣṭāś ca nāryaḥ kamalalocanāḥ viśālajaghanā yakṣā gandharvāpsarasas tathā
And on their peaks (were) joyful women with lotus eyes and broad hips, yakṣas, gandharvas and apsarases,
AI translation rendered from the Sanskrit, not a published edition
LiP 80.39
किन्नर्यः किंनराश्चैव भुजङ्गाः सिद्धकन्यकाः नानावेषधराश्चान्या नानाभूषणभूषिताः
kinnaryaḥ kiṃnarāścaiva bhujaṅgāḥ siddhakanyakāḥ nānāveṣadharāścānyā nānābhūṣaṇabhūṣitāḥ
kinnara women and kinnaras, serpents, the maidens of the siddhas, and others wearing various garbs, adorned with various ornaments,
AI translation rendered from the Sanskrit, not a published edition
LiP 80.40
नानाप्रभावसंयुक्ता नानाभोगरतिप्रियाः नीलोत्पलदलप्रख्याः पद्मपत्रायतेक्षणाः
nānāprabhāvasaṃyuktā nānābhogaratipriyāḥ nīlotpaladalaprakhyāḥ padmapatrāyatekṣaṇāḥ
endowed with various powers, fond of various enjoyments and love-play, resembling the petals of a blue water-lily, with eyes long as lotus petals,
AI translation rendered from the Sanskrit, not a published edition
LiP 80.41
पद्मकिञ्जल्कसंकाशैर् अंशुकैरतिशोभनाः वलयैर्नूपुरैर्हारैश् छत्रैश्चित्रैस्तथांशुकैः
padmakiñjalkasaṃkāśair aṃśukairatiśobhanāḥ valayairnūpurairhāraiś chatraiścitraistathāṃśukaiḥ
exceedingly resplendent with garments the color of lotus filaments, with bracelets, anklets, necklaces, parasols, and with variegated garments,
AI translation rendered from the Sanskrit, not a published edition
LiP 80.42
भूषिता भूषितैश् चान्यैर् मण्डिता मण्डनप्रियाः दृष्ट्वाथ वृन्दं सुरसुन्दरीणां गणेश्वराणां सुरसुन्दरीणाम् जग्मुर्गणेशस्य पुरं सुरेशाः पुरद्विषः शक्रपुरोगमाश् च
bhūṣitā bhūṣitaiś cānyair maṇḍitā maṇḍanapriyāḥ dṛṣṭvātha vṛndaṃ surasundarīṇāṃ gaṇeśvarāṇāṃ surasundarīṇām jagmurgaṇeśasya puraṃ sureśāḥ puradviṣaḥ śakrapurogamāś ca
adorned, and adorned with other adornments too, decked out, fond of decoration. Then, having seen the throng of the beautiful women of the gods and of the lords of the troops, the lords of the gods headed by Śakra, the foes of (demon) cities, went to the city of the lord of the troops.
AI translation rendered from the Sanskrit, not a published edition
LiP 80.43
दृष्ट्वा च तस्थुः सुरसिद्धसंघाः पुरस्य मध्ये पुरुहूतपूर्वाः भवस्य बालार्कसहस्रवर्णं विमानमाद्यं परमेश्वरस्य
dṛṣṭvā ca tasthuḥ surasiddhasaṃghāḥ purasya madhye puruhūtapūrvāḥ bhavasya bālārkasahasravarṇaṃ vimānamādyaṃ parameśvarasya
And having seen it, the hosts of gods and siddhas, with Puruhūta (Indra) at their head, stood in the middle of the city — (seeing) the foremost celestial car of Bhava, the Supreme Lord, colored like a thousand young suns.
AI translation rendered from the Sanskrit, not a published edition
LiP 80.44
अथ तस्य विमानस्य द्वारि संस्थं गणेश्वरम् नन्दिनं ददृशुः सर्वे देवाः शक्रपुरोगमाः
atha tasya vimānasya dvāri saṃsthaṃ gaṇeśvaram nandinaṃ dadṛśuḥ sarve devāḥ śakrapurogamāḥ
Then all the gods headed by Śakra saw Nandin, the lord of the troops, standing at the door of that celestial car.
AI translation rendered from the Sanskrit, not a published edition
LiP 80.45
तं दृष्ट्वा नन्दिनं सर्वे प्रणम्याहुर् गणेश्वरम् जयेति देवास्तं दृष्ट्वा सो ऽप्याह च गणेश्वरः
taṃ dṛṣṭvā nandinaṃ sarve praṇamyāhur gaṇeśvaram jayeti devāstaṃ dṛṣṭvā so 'pyāha ca gaṇeśvaraḥ
Seeing him, Nandin, all bowed and addressed the lord of the troops; the gods, on seeing him, (cried) "Victory!" — and that lord of the troops spoke too:
AI translation rendered from the Sanskrit, not a published edition
LiP 80.46
भो भो देवा महाभागाः सर्वे निर्धूतकल्मषाः सम्प्राप्ताः सर्वलोकेशा वक्तुमर्हथ सुव्रताः
bho bho devā mahābhāgāḥ sarve nirdhūtakalmaṣāḥ samprāptāḥ sarvalokeśā vaktumarhatha suvratāḥ
"Ho, ho, gods, greatly fortunate, all of you with your sins shaken off, you lords of all the worlds who have arrived here — you of good vows should speak."
AI translation rendered from the Sanskrit, not a published edition
LiP 80.47
तमाहुर्वरदं देवं वारणेन्द्रसमप्रभम् पशुपाशविमोक्षार्थं दर्शयास्मान् महेश्वरम्
tamāhurvaradaṃ devaṃ vāraṇendrasamaprabham paśupāśavimokṣārthaṃ darśayāsmān maheśvaram
They said to him, the boon-granting god whose radiance equals that of the lord of elephants: "Show us Maheśvara, so that the bonds of the beast may be loosed."
AI translation rendered from the Sanskrit, not a published edition
LiP 80.48
पुरा पुरत्रयं दग्धुं पशुत्वं परिभाषितम् शङ्किताश् च वयं तत्र पशुत्वं प्रति सुव्रत
purā puratrayaṃ dagdhuṃ paśutvaṃ paribhāṣitam śaṅkitāś ca vayaṃ tatra paśutvaṃ prati suvrata
"Formerly, in order to burn the three cities, beast-hood (paśutva) was pronounced upon (us); and in that matter we are anxious about beast-hood, O you of good vows."
AI translation rendered from the Sanskrit, not a published edition — the model flagged this verse as uncertain
LiP 80.49
व्रतं पाशुपतं प्रोक्तं भवेन परमेष्ठिना व्रतेनानेन भूतेश पशुत्वं नैव विद्यते
vrataṃ pāśupataṃ proktaṃ bhavena parameṣṭhinā vratenānena bhūteśa paśutvaṃ naiva vidyate
"The Pāśupata observance was proclaimed by Bhava, the supreme lord; by this observance, O lord of beings, beast-hood does not exist at all."
AI translation rendered from the Sanskrit, not a published edition
LiP 80.50
अथ द्वादशवर्षं वा मासद्वादशकं तु वा दिनद्वादशकं वापि कृत्वा तद् व्रतम् उत्तमम्
atha dvādaśavarṣaṃ vā māsadvādaśakaṃ tu vā dinadvādaśakaṃ vāpi kṛtvā tad vratam uttamam
"Now, having performed that highest observance for twelve years, or for twelve months, or even for twelve days,
AI translation rendered from the Sanskrit, not a published edition
LiP 80.51
मुच्यन्ते पशवः सर्वे पशुपाशैर्भवस्य तु दर्शयामास तान्देवान् नारायणपुरोगमान्
mucyante paśavaḥ sarve paśupāśairbhavasya tu darśayāmāsa tāndevān nārāyaṇapurogamān
all the beasts are released from Bhava's beast-bonds." (Then) he showed (Maheśvara) to those gods led by Nārāyaṇa —
AI translation rendered from the Sanskrit, not a published edition — the model flagged this verse as uncertain
LiP 80.52
नन्दी शिलादतनयः सर्वभूतगणाग्रणीः तं दृष्ट्वा देवमीशानं सांबं सगणम् अव्ययम्
nandī śilādatanayaḥ sarvabhūtagaṇāgraṇīḥ taṃ dṛṣṭvā devamīśānaṃ sāṃbaṃ sagaṇam avyayam
Nandin, the son of Śilāda, the foremost of all the hosts of beings. Seeing that god Īśāna, imperishable, with Ambā and with his host,
AI translation rendered from the Sanskrit, not a published edition
LiP 80.53
प्रणेमुस् तुष्टुवुश् चैव प्रीतिकण्टकितत्वचः विज्ञाप्य शितिकण्ठाय पशुपाशविमोक्षणम्
praṇemus tuṣṭuvuś caiva prītikaṇṭakitatvacaḥ vijñāpya śitikaṇṭhāya paśupāśavimokṣaṇam
they bowed and praised him, the skin (of their bodies) bristling with delight, having made known to the Blue-throated one the loosing of the beast-bonds.
AI translation rendered from the Sanskrit, not a published edition
LiP 80.54
तस्थुस्तदाग्रतः शंभोः प्रणिपत्य पुनः पुनः ततः सम्प्रेक्ष्य तान् सर्वान् देवदेवो वृषध्वजः
tasthustadāgrataḥ śaṃbhoḥ praṇipatya punaḥ punaḥ tataḥ samprekṣya tān sarvān devadevo vṛṣadhvajaḥ
They stood there before Śambhu, prostrating again and again. Then, surveying them all, the god of gods whose banner is the bull,
AI translation rendered from the Sanskrit, not a published edition
LiP 80.55
विशोध्य तेषां देवानां पशुत्वं परमेश्वरः व्रतं पाशुपतं चैव स्वयं देवो महेश्वरः
viśodhya teṣāṃ devānāṃ paśutvaṃ parameśvaraḥ vrataṃ pāśupataṃ caiva svayaṃ devo maheśvaraḥ
the supreme lord, having purified away the beast-hood of those gods, (taught) the Pāśupata observance — the god Maheśvara himself,
AI translation rendered from the Sanskrit, not a published edition
LiP 80.56
उपदिश्य मुनीनां च सहास्ते चांबया भवः तदाप्रभृति ते देवाः सर्वे पाशुपताः स्मृताः
upadiśya munīnāṃ ca sahāste cāṃbayā bhavaḥ tadāprabhṛti te devāḥ sarve pāśupatāḥ smṛtāḥ
having taught (it) also to the sages, Bhava dwells together with Ambā. From that time onward all those gods are known as Pāśupatas.
AI translation rendered from the Sanskrit, not a published edition
LiP 80.57
पशूनां च पतिर्यस्मात् तेषां साक्षाद्धि देवताः तस्मात्पाशुपताः प्रोक्तास् तपस्तेपुश् च ते पुनः
paśūnāṃ ca patiryasmāt teṣāṃ sākṣāddhi devatāḥ tasmātpāśupatāḥ proktās tapastepuś ca te punaḥ
And since he is the lord of the beasts, being directly their deity, therefore they are called Pāśupatas; and they again performed austerities.
AI translation rendered from the Sanskrit, not a published edition — the model flagged this verse as uncertain
LiP 80.58
ततो द्वादशवर्षान्ते मुक्तपाशाः सुरोत्तमाः ययुर्यथागतं सर्वे ब्रह्मणा सह विष्णुना
tato dvādaśavarṣānte muktapāśāḥ surottamāḥ yayuryathāgataṃ sarve brahmaṇā saha viṣṇunā
Then, at the end of twelve years, the best of the gods, their bonds loosed, all went back as they had come, along with Brahmā and Viṣṇu.
AI translation rendered from the Sanskrit, not a published edition
LiP 80.59
एतद्वः कथितं सर्वं पितामहमुखाच्छ्रुतम् पुरा सनत्कुमारेण तस्माद्व्यासेन धीमता
etadvaḥ kathitaṃ sarvaṃ pitāmahamukhācchrutam purā sanatkumāreṇa tasmādvyāsena dhīmatā
All this has been told to you, as it was heard from the mouth of the Grandfather long ago by Sanatkumāra, and from him by the wise Vyāsa.
AI translation rendered from the Sanskrit, not a published edition
LiP 80.60
यः श्रावयेच्छुचिर् विप्राञ् छृणुयाद्वा शुचिर्नरः स देहभेदमासाद्य पशुपाशैः प्रमुच्यते
yaḥ śrāvayecchucir viprāñ chṛṇuyādvā śucirnaraḥ sa dehabhedamāsādya paśupāśaiḥ pramucyate
The man who, being pure, has it recited to brahmins, or who, being pure, listens to it, on reaching the breaking-up of his body is set free from the beast-bonds.
AI translation rendered from the Sanskrit, not a published edition