Linga Purana — Chapter 75
LiP 75.1
निष्कलो निर्मलो नित्यः सकलत्वं कथं गतः वक्तुमर्हसि चास्माकं यथा पूर्वं यथा श्रुतम्
niṣkalo nirmalo nityaḥ sakalatvaṃ kathaṃ gataḥ vaktumarhasi cāsmākaṃ yathā pūrvaṃ yathā śrutam
Being partless, stainless and eternal, how did he come to have parts? You ought to tell us, as it was before, as you have heard it.
AI translation rendered from the Sanskrit, not a published edition
LiP 75.2
परमार्थविदः केचिद् ऊचुः प्रणवरूपिणम् विज्ञानमिति विप्रेन्द्राः श्रुत्वा श्रुतिशिरस्यजम्
paramārthavidaḥ kecid ūcuḥ praṇavarūpiṇam vijñānamiti viprendrāḥ śrutvā śrutiśirasyajam
Some who know the highest truth said that he has the form of the praṇava, O best of brahmins, and that (he is) knowledge — having heard of the unborn one in the crown of the Veda.
AI translation rendered from the Sanskrit, not a published edition — the model flagged this verse as uncertain
LiP 75.3
शब्दादिविषयं ज्ञानं ज्ञानमित्यभिधीयते तज्ज्ञानं भ्रान्तिरहितम् इत्यन्ये नेति चापरे
śabdādiviṣayaṃ jñānaṃ jñānamityabhidhīyate tajjñānaṃ bhrāntirahitam ityanye neti cāpare
Cognition whose objects are sound and the rest is called knowledge; others (say) that knowledge is free from error, and still others say it is not.
AI translation rendered from the Sanskrit, not a published edition
LiP 75.4
यज्ज्ञानं निर्मलं शुद्धं निर्विकल्पं निराश्रयम् गुरुप्रकाशकं ज्ञानम् इत्यन्ये मुनयो द्विजाः
yajjñānaṃ nirmalaṃ śuddhaṃ nirvikalpaṃ nirāśrayam guruprakāśakaṃ jñānam ityanye munayo dvijāḥ
Other sages, O twice-born, (say) that knowledge is that which is stainless, pure, free of mental construction, without support, and revealing of the teacher.
AI translation rendered from the Sanskrit, not a published edition — the model flagged this verse as uncertain
LiP 75.5
ज्ञानेनैव भवेन्मुक्तिः प्रसादो ज्ञानसिद्धये उभाभ्यां मुच्यते योगी तत्रानन्दमयो भवेत्
jñānenaiva bhavenmuktiḥ prasādo jñānasiddhaye ubhābhyāṃ mucyate yogī tatrānandamayo bhavet
Liberation comes by knowledge alone; (divine) grace is for the achievement of knowledge; by both the yogin is released, and then he becomes made of bliss.
AI translation rendered from the Sanskrit, not a published edition
LiP 75.6
वदन्ति मुनयः केचित् कर्मणा तस्य संगतिम् कल्पनाकल्पितं रूपं संहृत्य स्वेच्छयैव हि
vadanti munayaḥ kecit karmaṇā tasya saṃgatim kalpanākalpitaṃ rūpaṃ saṃhṛtya svecchayaiva hi
Some sages declare that union with him comes through ritual action, once he has, of his own will, withdrawn the form fashioned by imagination.
AI translation rendered from the Sanskrit, not a published edition — the model flagged this verse as uncertain
LiP 75.7
द्यौर्मूर्धा तु विभोस्तस्य खं नाभिः परमेष्ठिनः सोमसूर्याग्नयो नेत्रे दिशः श्रोत्रं महात्मनः
dyaurmūrdhā tu vibhostasya khaṃ nābhiḥ parameṣṭhinaḥ somasūryāgnayo netre diśaḥ śrotraṃ mahātmanaḥ
The sky is the head of that Lord, space the navel of the Supreme One; moon, sun and fire are his eyes, the directions the hearing of the Great Self.
AI translation rendered from the Sanskrit, not a published edition
LiP 75.8
चरणौ चैव पातालं समुद्रस्तस्य चांबरम् देवास्तस्य भुजाः सर्वे नक्षत्राणि च भूषणम्
caraṇau caiva pātālaṃ samudrastasya cāṃbaram devāstasya bhujāḥ sarve nakṣatrāṇi ca bhūṣaṇam
The netherworld is his two feet, and the ocean his garment; all the gods are his arms, and the stars his ornament.
AI translation rendered from the Sanskrit, not a published edition
LiP 75.9
प्रकृतिस्तस्य पत्नी च पुरुषो लिङ्गमुच्यते वक्त्राद्वै ब्राह्मणाः सर्वे ब्रह्मा च भगवान्प्रभुः
prakṛtistasya patnī ca puruṣo liṅgamucyate vaktrādvai brāhmaṇāḥ sarve brahmā ca bhagavānprabhuḥ
Nature (prakṛti) is his wife, and the puruṣa is called his liṅga; from his mouth (come) all the brahmins, and Brahmā the blessed lord.
AI translation rendered from the Sanskrit, not a published edition
LiP 75.10
इन्द्रोपेन्द्रौ भुजाभ्यां तु क्षत्रियाश् च महात्मनः वैश्याश्चोरुप्रदेशात्तु शूद्राः पादात्पिनाकिनः
indropendrau bhujābhyāṃ tu kṣatriyāś ca mahātmanaḥ vaiśyāścorupradeśāttu śūdrāḥ pādātpinākinaḥ
Indra and Upendra (came) from his two arms, and the kṣatriyas from the Great Self; the vaiśyas from the region of his thighs, the śūdras from the foot of the bearer of the Pināka.
AI translation rendered from the Sanskrit, not a published edition
LiP 75.11
पुष्करावर्तकाद्यास्तु केशास्तस्य प्रकीर्तिताः वायवो घ्राणजास्तस्य गतिः श्रौतं स्मृतिस् तथा
puṣkarāvartakādyāstu keśāstasya prakīrtitāḥ vāyavo ghrāṇajāstasya gatiḥ śrautaṃ smṛtis tathā
The clouds beginning with Puṣkarāvartaka are declared to be his hair; the winds are born of his nose; motion, the Vedic teaching, and likewise memory (are his).
AI translation rendered from the Sanskrit, not a published edition — the model flagged this verse as uncertain
LiP 75.12
अथानेनैव कर्मात्मा प्रकृतेस्तु प्रवर्तकः पुंसां तु पुरुषः श्रीमान् ज्ञानगम्यो न चान्यथा
athānenaiva karmātmā prakṛtestu pravartakaḥ puṃsāṃ tu puruṣaḥ śrīmān jñānagamyo na cānyathā
Then by this very (Lord) the soul of action is the impeller of prakṛti; but the glorious puruṣa of men is to be reached by knowledge, and not otherwise.
AI translation rendered from the Sanskrit, not a published edition — the model flagged this verse as uncertain
LiP 75.13
कर्मयज्ञसहस्रेभ्यस् तपोयज्ञो विशिष्यते तपोयज्ञसहस्रेभ्यो जपयज्ञो विशिष्यते
karmayajñasahasrebhyas tapoyajño viśiṣyate tapoyajñasahasrebhyo japayajño viśiṣyate
Better than a thousand sacrifices of ritual action is the sacrifice of austerity; better than a thousand sacrifices of austerity is the sacrifice of muttered recitation.
AI translation rendered from the Sanskrit, not a published edition
LiP 75.14
जपयज्ञसहस्रेभ्यो ध्यानयज्ञो विशिष्यते ध्यानयज्ञात्परो नास्ति ध्यानं ज्ञानस्य साधनम्
japayajñasahasrebhyo dhyānayajño viśiṣyate dhyānayajñātparo nāsti dhyānaṃ jñānasya sādhanam
Better than a thousand sacrifices of recitation is the sacrifice of meditation; there is nothing higher than the sacrifice of meditation — meditation is the means to knowledge.
AI translation rendered from the Sanskrit, not a published edition
LiP 75.15
यदा समरसे निष्ठो योगी ध्यानेन पश्यति ध्यानयज्ञरतस्यास्य तदा संनिहितः शिवः
yadā samarase niṣṭho yogī dhyānena paśyati dhyānayajñaratasyāsya tadā saṃnihitaḥ śivaḥ
When the yogin, established in the state of even savour, sees by meditation, then Śiva is present near him who delights in the sacrifice of meditation.
AI translation rendered from the Sanskrit, not a published edition
LiP 75.16
नास्ति विज्ञानिनां शौचं प्रायश्चित्तादि चोदना विशुद्धा विद्यया सर्वे ब्रह्मविद्याविदो जनाः
nāsti vijñānināṃ śaucaṃ prāyaścittādi codanā viśuddhā vidyayā sarve brahmavidyāvido janāḥ
For those who possess discernment there is no purificatory rite, no injunction of expiation and the like; all people who know the knowledge of brahman are purified by that knowledge.
AI translation rendered from the Sanskrit, not a published edition
LiP 75.17
नास्ति क्रिया च लोकेषु सुखं दुःखं विचारतः धर्माधर्मौ जपो होमो ध्यानिनां संनिधिः सदा
nāsti kriyā ca lokeṣu sukhaṃ duḥkhaṃ vicārataḥ dharmādharmau japo homo dhyānināṃ saṃnidhiḥ sadā
And in the worlds, when one considers, there is no rite, no pleasure or pain, no merit or demerit, no recitation, no oblation — for meditators there is always (his) presence.
AI translation rendered from the Sanskrit, not a published edition — the model flagged this verse as uncertain
LiP 75.18
परानन्दात्मकं लिङ्गं विशुद्धं शिवमक्षरम् निष्कलं सर्वगं ज्ञेयं योगिनां हृदि संस्थितम्
parānandātmakaṃ liṅgaṃ viśuddhaṃ śivamakṣaram niṣkalaṃ sarvagaṃ jñeyaṃ yogināṃ hṛdi saṃsthitam
The liṅga is of the nature of supreme bliss, wholly pure, Śiva, imperishable, without parts, all-pervading, to be known, abiding in the heart of yogins.
AI translation rendered from the Sanskrit, not a published edition
LiP 75.19
लिङ्गं तु द्विविधं प्राहुर् बाह्यमाभ्यन्तरं द्विजाः बाह्यं स्थूलं मुनिश्रेष्ठाः सूक्ष्ममाभ्यन्तरं द्विजाः
liṅgaṃ tu dvividhaṃ prāhur bāhyamābhyantaraṃ dvijāḥ bāhyaṃ sthūlaṃ muniśreṣṭhāḥ sūkṣmamābhyantaraṃ dvijāḥ
But the twice-born declare the liṅga to be of two kinds, outer and inner: the outer is gross, O best of sages, and the inner is subtle, O twice-born.
AI translation rendered from the Sanskrit, not a published edition
LiP 75.20
कर्मयज्ञरताः स्थूलाः स्थूललिङ्गार्चने रताः असतां भावनार्थाय नान्यथा स्थूलविग्रहः
karmayajñaratāḥ sthūlāḥ sthūlaliṅgārcane ratāḥ asatāṃ bhāvanārthāya nānyathā sthūlavigrahaḥ
Those attached to sacrificial rites are the gross ones, devoted to the worship of the gross liṅga; the gross form exists for the sake of contemplation by those who are not (yet) established, not otherwise.
AI translation rendered from the Sanskrit, not a published edition — the model flagged this verse as uncertain
LiP 75.21
आध्यात्मिकं च यल्लिङ्गं प्रत्यक्षं यस्य नो भवेत् असौ मूढो बहिः सर्वं कल्पयित्वैव नान्यथा
ādhyātmikaṃ ca yalliṅgaṃ pratyakṣaṃ yasya no bhavet asau mūḍho bahiḥ sarvaṃ kalpayitvaiva nānyathā
And he for whom the inner liṅga, that pertaining to the self, does not become directly perceived — that deluded man (worships) everything outside, merely by imagining it, and no otherwise.
AI translation rendered from the Sanskrit, not a published edition
LiP 75.22
ज्ञानिनां सूक्ष्मममलं भवेत्प्रत्यक्षमव्ययम् यथा स्थूलमयुक्तानां मृत्काष्ठाद्यैः प्रकल्पितम्
jñānināṃ sūkṣmamamalaṃ bhavetpratyakṣamavyayam yathā sthūlamayuktānāṃ mṛtkāṣṭhādyaiḥ prakalpitam
For the knowers, the subtle, the stainless, the undecaying becomes directly perceived, just as the gross, fashioned out of clay, wood and the like, (is perceived) by those who are not (yogically) joined.
AI translation rendered from the Sanskrit, not a published edition
LiP 75.23
अर्थो विचारतो नास्तीत्य् अन्ये तत्त्वार्थवेदिनः निष्कलः सकलश्चेति सर्वं शिवमयं ततः
artho vicārato nāstīty anye tattvārthavedinaḥ niṣkalaḥ sakalaśceti sarvaṃ śivamayaṃ tataḥ
Others who know the truth of the principles say, "On examination no (separate) object exists"; (he is) both without parts and with parts, therefore everything consists of Śiva.
AI translation rendered from the Sanskrit, not a published edition — the model flagged this verse as uncertain
LiP 75.24
व्योमैकमपि दृष्टं हि शरावं प्रति सुव्रताः पृथक्त्वं चापृथक्त्वं च शङ्करस्येति चापरे
vyomaikamapi dṛṣṭaṃ hi śarāvaṃ prati suvratāḥ pṛthaktvaṃ cāpṛthaktvaṃ ca śaṅkarasyeti cāpare
For the sky, though one, is indeed seen (severally) in each bowl, O you of good vows; and others say that Śaṅkara has both separateness and non-separateness.
AI translation rendered from the Sanskrit, not a published edition
LiP 75.25
प्रत्ययार्थं हि जगताम् एकस्थो ऽपि दिवाकरः एको ऽपि बहुधा दृष्टो जलाधारेषु सुव्रताः
pratyayārthaṃ hi jagatām ekastho 'pi divākaraḥ eko 'pi bahudhā dṛṣṭo jalādhāreṣu suvratāḥ
For the sake of the worlds' conviction, the sun, though standing in one place and though one, is seen manifoldly in vessels of water, O you of good vows.
AI translation rendered from the Sanskrit, not a published edition
LiP 75.26
जन्तवो दिवि भूमौ च सर्वे वै पाञ्चभौतिकाः तथापि बहुला दृष्टा जातिव्यक्तिविभेदतः
jantavo divi bhūmau ca sarve vai pāñcabhautikāḥ tathāpi bahulā dṛṣṭā jātivyaktivibhedataḥ
Living beings in heaven and on earth are all indeed composed of the five elements; yet they are seen as many because of differences of species and individual.
AI translation rendered from the Sanskrit, not a published edition
LiP 75.27
दृश्यते श्रूयते यद्यत् तत्तद्विद्धि शिवात्मकम् भेदो जनानां लोके ऽस्मिन् प्रतिभासो विचारतः
dṛśyate śrūyate yadyat tattadviddhi śivātmakam bhedo janānāṃ loke 'smin pratibhāso vicārataḥ
Whatever is seen and whatever is heard, know that to be of the nature of Śiva; the difference among people in this world is, upon examination, (mere) appearance.
AI translation rendered from the Sanskrit, not a published edition
LiP 75.28
स्वप्ने च विपुलान् भोगान् भुक्त्वा मर्त्यः सुखी भवेत् दुःखी च भोगं दुःखं च नानुभूतं विचारतः
svapne ca vipulān bhogān bhuktvā martyaḥ sukhī bhavet duḥkhī ca bhogaṃ duḥkhaṃ ca nānubhūtaṃ vicārataḥ
In a dream a mortal, having enjoyed abundant pleasures, becomes happy, and (also) miserable; but upon examination neither the enjoyment nor the misery was (actually) experienced.
AI translation rendered from the Sanskrit, not a published edition
LiP 75.29
एवमाहुस्तथान्ये च सर्वे वेदार्थतत्त्वगाः हृदि संसारिणां साक्षात् सकलः परमेश्वरः
evamāhustathānye ca sarve vedārthatattvagāḥ hṛdi saṃsāriṇāṃ sākṣāt sakalaḥ parameśvaraḥ
Thus spoke others as well, all those who have reached the truth of the Veda's meaning: for those in saṃsāra the Supreme Lord is present, manifest in the heart, as the one with parts.
AI translation rendered from the Sanskrit, not a published edition
LiP 75.30
योगिनां निष्कलो देवो ज्ञानिनां च जगन्मयः त्रिविधं परमेशस्य वपुर्लोके प्रशस्यते
yogināṃ niṣkalo devo jñānināṃ ca jaganmayaḥ trividhaṃ parameśasya vapurloke praśasyate
For yogins the god is partless, and for the knowers he is made of the world; threefold is the form of the Supreme Lord that is extolled in the world.
AI translation rendered from the Sanskrit, not a published edition
LiP 75.31
निष्कलं प्रथमं चैकं ततः सकलनिष्कलम् तृतीयं सकलं चैव नान्यथेति द्विजोत्तमाः
niṣkalaṃ prathamaṃ caikaṃ tataḥ sakalaniṣkalam tṛtīyaṃ sakalaṃ caiva nānyatheti dvijottamāḥ
The first is the partless and one; then the one both with parts and partless; and the third is the one with parts — and not otherwise, O best of the twice-born.
AI translation rendered from the Sanskrit, not a published edition
LiP 75.32
अर्चयन्ति मुहुः केचित् सदा सकलनिष्कलम् सर्वज्ञं हृदये केचिच् छिवलिङ्गे विभावसौ
arcayanti muhuḥ kecit sadā sakalaniṣkalam sarvajñaṃ hṛdaye kecic chivaliṅge vibhāvasau
Some worship again and again, constantly, the omniscient one who is both with parts and partless: some in the heart, some in a Śiva-liṅga, (some) in fire.
AI translation rendered from the Sanskrit, not a published edition
LiP 75.33
सकलं मुनयः केचित् सदा संसारवर्तिनः एवमभ्यर्चयन्त्येव सदाराः ससुता नराः
sakalaṃ munayaḥ kecit sadā saṃsāravartinaḥ evamabhyarcayantyeva sadārāḥ sasutā narāḥ
Some sages (worship) the one with parts, ever moving within saṃsāra; and thus men with their wives and sons do indeed worship (him).
AI translation rendered from the Sanskrit, not a published edition
LiP 75.34
यथा शिवस् तथा देवी यथा देवी तथा शिवः तस्मादभेदबुद्ध्यैव सप्तविंशत्प्रभेदतः
yathā śivas tathā devī yathā devī tathā śivaḥ tasmādabhedabuddhyaiva saptaviṃśatprabhedataḥ
As is Śiva, so is the Goddess; as is the Goddess, so is Śiva; therefore, with the awareness of their non-difference, by way of twenty-seven divisions,
AI translation rendered from the Sanskrit, not a published edition
LiP 75.35
यजन्ति देहे बाह्ये च चतुष्कोणे षडस्रके दशारे द्वादशारे च षोडशारे त्रिरस्रके
yajanti dehe bāhye ca catuṣkoṇe ṣaḍasrake daśāre dvādaśāre ca ṣoḍaśāre trirasrake
they worship (him) in the body and outside (it), in the four-cornered, the six-angled, the ten-spoked, the twelve-spoked, the sixteen-spoked, and the three-angled (diagrams).
AI translation rendered from the Sanskrit, not a published edition
LiP 75.36
स स्वेच्छया शिवः साक्षाद् देव्या सार्धं स्थितः प्रभुः संतारणार्थं च शिवः सदसद्व्यक्तिवर्जितः
sa svecchayā śivaḥ sākṣād devyā sārdhaṃ sthitaḥ prabhuḥ saṃtāraṇārthaṃ ca śivaḥ sadasadvyaktivarjitaḥ
That Śiva himself, the Lord, abides by his own will together with the Goddess; and Śiva, who is free of manifestation as either existent or non-existent, (does so) for the sake of ferrying (beings) across.
AI translation rendered from the Sanskrit, not a published edition
LiP 75.37
तमेकमाहुर्द्विगुणं च केचित् केचित्तमाहुस्त्रिगुणात्मकं च ऊचुस् तथा तं च शिवं तथान्ये संसारिणं वेदविदो वदन्ति
tamekamāhurdviguṇaṃ ca kecit kecittamāhustriguṇātmakaṃ ca ūcus tathā taṃ ca śivaṃ tathānye saṃsāriṇaṃ vedavido vadanti
Some call him one, and twofold; some call him of threefold nature; others have spoken of him too as Śiva; and the knowers of the Veda call him the one who wanders in saṃsāra.
AI translation rendered from the Sanskrit, not a published edition
LiP 75.38
भक्त्या च योगेन शुभेन युक्ता विप्राः सदा धर्मरता विशिष्टाः यजन्ति योगेशम् अशेषमूर्तिं षडस्रमध्ये भगवन्तमेव
bhaktyā ca yogena śubhena yuktā viprāḥ sadā dharmaratā viśiṣṭāḥ yajanti yogeśam aśeṣamūrtiṃ ṣaḍasramadhye bhagavantameva
Endowed with devotion and with auspicious yoga, brahmins, ever devoted to dharma, distinguished, worship the Lord of Yoga, whose forms are without limit, the Blessed One himself, in the middle of the six-cornered (figure).
AI translation rendered from the Sanskrit, not a published edition
LiP 75.39
ये तत्र पश्यन्ति शिवं त्रिरस्रे त्रितत्त्वमध्ये त्रिगुणं त्रियक्षम् ते यान्ति चैनं न च योगिनो ऽन्ये तया च देव्या पुरुषं पुराणम्
ye tatra paśyanti śivaṃ trirasre tritattvamadhye triguṇaṃ triyakṣam te yānti cainaṃ na ca yogino 'nye tayā ca devyā puruṣaṃ purāṇam
Those who see Śiva there in the three-cornered (figure), in the midst of the three principles, having the three qualities, three-eyed — they go to him, the ancient Person, together with that Goddess; and no other yogins do.
AI translation rendered from the Sanskrit, not a published edition