Linga Purana — Chapter 69
LiP 69.1
सात्वतः सत्यसम्पन्नः प्रजज्ञे चतुरः सुतान् भजनं भ्राजमानं च दिव्यं देवावृधं नृपम्
sātvataḥ satyasampannaḥ prajajñe caturaḥ sutān bhajanaṃ bhrājamānaṃ ca divyaṃ devāvṛdhaṃ nṛpam
Sātvata, endowed with truth, begot four sons: Bhajana, Bhrājamāna, Divya, and king Devāvṛdha.
AI translation rendered from the Sanskrit, not a published edition
LiP 69.2
अन्धकं च महाभागं वृष्णिं च यदुनन्दनम् तेषां निसर्गांश्चतुरः शृणुध्वं विस्तरेण वै
andhakaṃ ca mahābhāgaṃ vṛṣṇiṃ ca yadunandanam teṣāṃ nisargāṃścaturaḥ śṛṇudhvaṃ vistareṇa vai
And Andhaka of great fortune, and Vṛṣṇi, the delight of the Yadus. Hear now in full detail the natures (or: begettings) of those four.
AI translation rendered from the Sanskrit, not a published edition
LiP 69.3
सृञ्जय्यां भजनाच्चैव भ्राजमानाद्विजज्ञिरे अयुतायुः शतायुश् च बलवान् हर्षकृत्स्मृतः
sṛñjayyāṃ bhajanāccaiva bhrājamānādvijajñire ayutāyuḥ śatāyuś ca balavān harṣakṛtsmṛtaḥ
From Bhajana and from Bhrājamāna there were born, in Sṛñjayī, Ayutāyus and Śatāyus, and the strong one remembered as Harṣakṛt.
AI translation rendered from the Sanskrit, not a published edition — the model flagged this verse as uncertain
LiP 69.4
तेषां देवावृधो राजा चचार परमं तपः पुत्रः सर्वगुणोपेतो मम भूयादिति स्मरन्
teṣāṃ devāvṛdho rājā cacāra paramaṃ tapaḥ putraḥ sarvaguṇopeto mama bhūyāditi smaran
Among them King Devāvṛdha performed the highest austerity, thinking: "May a son endowed with all virtues be mine."
AI translation rendered from the Sanskrit, not a published edition
LiP 69.5
तस्य बभ्रुरिति ख्यातः पुण्यश्लोको नृपोत्तमः अनुवंशपुराणज्ञा गायन्तीति परिश्रुतम्
tasya babhruriti khyātaḥ puṇyaśloko nṛpottamaḥ anuvaṃśapurāṇajñā gāyantīti pariśrutam
His son was the best of kings, renowned as Babhru, of holy fame — so it is heard that those who know the genealogies and the Purāṇas sing.
AI translation rendered from the Sanskrit, not a published edition
LiP 69.6
गुणान्देवावृधस्याथ कीर्तयन्तो महात्मनः यथैव शृणुमो दूरात् संपश्यामस्तथान्तिकात्
guṇāndevāvṛdhasyātha kīrtayanto mahātmanaḥ yathaiva śṛṇumo dūrāt saṃpaśyāmastathāntikāt
Then, proclaiming the virtues of the great-souled Devāvṛdha: "Just as we hear (of them) from afar, so do we see them close at hand."
AI translation rendered from the Sanskrit, not a published edition
LiP 69.7
बभ्रुः श्रेष्ठो मनुष्याणां देवैर्देवावृधः समः पुरुषाः पञ्च षष्टिस्तु षट् सहस्राणि चाष्ट च
babhruḥ śreṣṭho manuṣyāṇāṃ devairdevāvṛdhaḥ samaḥ puruṣāḥ pañca ṣaṣṭistu ṣaṭ sahasrāṇi cāṣṭa ca
Babhru was the best of men, Devāvṛdha equal to the gods; sixty-five men, and six thousand and eight (attained immortality) —
AI translation rendered from the Sanskrit, not a published edition — the model flagged this verse as uncertain
LiP 69.8
ये ऽमृतत्वमनुप्राप्ता बभ्रोर्देवावृधादपि यज्वा दानमतिर्वीरो ब्रह्मण्यस्तु दृढव्रतः
ye 'mṛtatvamanuprāptā babhrordevāvṛdhādapi yajvā dānamatirvīro brahmaṇyastu dṛḍhavrataḥ
— they who attained immortality through Babhru and through Devāvṛdha. (He was) a sacrificer, of a giving mind, a hero, devoted to brahmins, firm in his vows,
AI translation rendered from the Sanskrit, not a published edition
LiP 69.9
कीर्तिमांश् च महातेजाः सात्वतानां महारथः तस्यान्ववाये सम्भूता भोजा वै दैवतोपमाः
kīrtimāṃś ca mahātejāḥ sātvatānāṃ mahārathaḥ tasyānvavāye sambhūtā bhojā vai daivatopamāḥ
famous and of great splendour, a great chariot-warrior among the Sātvatas; in his lineage were born the Bhojas, like unto gods.
AI translation rendered from the Sanskrit, not a published edition
LiP 69.10
गान्धारी चैव माद्री च वृष्णिभार्ये बभूवतुः गान्धारी जनयामास सुमित्रं मित्रनन्दनम्
gāndhārī caiva mādrī ca vṛṣṇibhārye babhūvatuḥ gāndhārī janayāmāsa sumitraṃ mitranandanam
Gāndhārī and Mādrī became the two wives of Vṛṣṇi. Gāndhārī gave birth to Sumitra, the delight of his friends.
AI translation rendered from the Sanskrit, not a published edition
LiP 69.11
माद्री लेभे च तं पुत्रं ततः सा देवमीढुषम् अनमित्रं शिनिं चैव तावुभौ पुरुषोत्तमौ
mādrī lebhe ca taṃ putraṃ tataḥ sā devamīḍhuṣam anamitraṃ śiniṃ caiva tāvubhau puruṣottamau
And Mādrī obtained that son, Devamīḍhuṣ; then she (bore) both Anamitra and Śini, those two best of men.
AI translation rendered from the Sanskrit, not a published edition
LiP 69.12
अनमित्रसुतो निघ्नो निघ्नस्य द्वौ बभूवतुः प्रसेनश् च महाभागः सत्राजिच्च सुतावुभौ
anamitrasuto nighno nighnasya dvau babhūvatuḥ prasenaś ca mahābhāgaḥ satrājicca sutāvubhau
Anamitra's son was Nighna; of Nighna there were two, both his sons: the greatly fortunate Prasena and Satrājit.
AI translation rendered from the Sanskrit, not a published edition
LiP 69.13
तस्य सत्राजितः सूर्यः सखा प्राणसमो ऽभवत् स्यमन्तको नाम मणिर् दत्तस्तस्मै विवस्वता
tasya satrājitaḥ sūryaḥ sakhā prāṇasamo 'bhavat syamantako nāma maṇir dattastasmai vivasvatā
Of that Satrājit the Sun was a friend dear as his own life; a jewel named Syamantaka was given to him by Vivasvat.
AI translation rendered from the Sanskrit, not a published edition
LiP 69.14
पृथिव्यां सर्वरत्नानाम् असौ राजाभवन्मणिः कदाचिन्मृगयां यातः प्रसेनेन सहैव सः
pṛthivyāṃ sarvaratnānām asau rājābhavanmaṇiḥ kadācinmṛgayāṃ yātaḥ prasenena sahaiva saḥ
That jewel became the king of all gems on earth. Once he went hunting together with Prasena,
AI translation rendered from the Sanskrit, not a published edition
LiP 69.15
वधं प्राप्तो ऽसहायश् च सिंहादेव सुदारुणात् अथ पुत्रः शिनेर्जज्ञे कनिष्ठाद् वृष्णिनन्दनात्
vadhaṃ prāpto 'sahāyaś ca siṃhādeva sudāruṇāt atha putraḥ śinerjajñe kaniṣṭhād vṛṣṇinandanāt
and, being without help, he met his death from a most fearsome lion. Now a son was born to Śini, the youngest son of Vṛṣṇi:
AI translation rendered from the Sanskrit, not a published edition
LiP 69.16
सत्यवाक् सत्यसम्पन्नः सत्यकस्तस्य चात्मजः सात्यकिर्युयुधानस्तु शिनेर्नप्ता प्रतापवान्
satyavāk satyasampannaḥ satyakastasya cātmajaḥ sātyakiryuyudhānastu śinernaptā pratāpavān
truthful in speech, endowed with truth, Satyaka was his son; and Sātyaki Yuyudhāna, majestic, was the grandson of Śini.
AI translation rendered from the Sanskrit, not a published edition
LiP 69.17
असंगो युयुधानस्य कुणिस्तस्य सुतो ऽभवत् कुणेर् युगंधरः पुत्रः शैनेया इति कीर्तिताः
asaṃgo yuyudhānasya kuṇistasya suto 'bhavat kuṇer yugaṃdharaḥ putraḥ śaineyā iti kīrtitāḥ
Asaṅga was Yuyudhāna's (son); his son was Kuṇi; Kuṇi's son was Yugaṃdhara. They are called the Śaineyas.
AI translation rendered from the Sanskrit, not a published edition
LiP 69.18
माद्र्याः सुतस्य संजज्ञे सुतो वार्ष्णिर्युधाजितः श्वफल्क इति विख्यातस् त्रैलोक्यहितकारकः
mādryāḥ sutasya saṃjajñe suto vārṣṇiryudhājitaḥ śvaphalka iti vikhyātas trailokyahitakārakaḥ
Of Mādrī's son (Yudhājit) was born the Vṛṣṇi son Yudhājit — renowned as Śvaphalka, a doer of good to the three worlds.
AI translation rendered from the Sanskrit, not a published edition — the model flagged this verse as uncertain
LiP 69.19
श्वफल्कश् च महाराजो धर्मात्मा यत्र वर्तते नास्ति व्याधिभयं तत्र नावृष्टिभयमप्युत
śvaphalkaś ca mahārājo dharmātmā yatra vartate nāsti vyādhibhayaṃ tatra nāvṛṣṭibhayamapyuta
And wherever the great king Śvaphalka, whose nature was righteous, dwells, there is no fear of disease there, nor even fear of drought.
AI translation rendered from the Sanskrit, not a published edition
LiP 69.20
श्वफल्कः काशिराजस्य सुतां भार्यामवाप सः गान्दिनीं नाम काश्यो हि ददौ तस्मै स्वकन्यकाम्
śvaphalkaḥ kāśirājasya sutāṃ bhāryāmavāpa saḥ gāndinīṃ nāma kāśyo hi dadau tasmai svakanyakām
Śvaphalka took as wife the daughter of the king of Kāśi, named Gāndinī; for the Kāśi king gave him his own daughter.
AI translation rendered from the Sanskrit, not a published edition
LiP 69.21
सा मातुरुदरस्था वै बहून्वर्षगणान्किल वसन्ती न च संजज्ञे गर्भस्था तां पिताब्रवीत्
sā māturudarasthā vai bahūnvarṣagaṇānkila vasantī na ca saṃjajñe garbhasthā tāṃ pitābravīt
She, remaining in her mother's womb for many years, it is said, was not born; and her father spoke to her as she stayed in the womb:
AI translation rendered from the Sanskrit, not a published edition
LiP 69.22
जायस्व शीघ्रं भद्रं ते किमर्थं चाभितिष्ठसि प्रोवाच चैनं गर्भस्था सा कन्या गान्दिनी तदा
jāyasva śīghraṃ bhadraṃ te kimarthaṃ cābhitiṣṭhasi provāca cainaṃ garbhasthā sā kanyā gāndinī tadā
"Be born quickly, blessings on you! Why do you keep standing (there)?" And then that girl Gāndinī, still in the womb, spoke to him.
AI translation rendered from the Sanskrit, not a published edition
LiP 69.23
वर्षत्रयं प्रतिदिनं गामेकां ब्राह्मणाय तु यदि दद्यास्ततः कुक्षेर् निर्गमिष्याम्यहं पितः
varṣatrayaṃ pratidinaṃ gāmekāṃ brāhmaṇāya tu yadi dadyāstataḥ kukṣer nirgamiṣyāmyahaṃ pitaḥ
"If for three years you will give one cow each day to a brahmin, then, father, I shall come out of the womb."
AI translation rendered from the Sanskrit, not a published edition
LiP 69.24
तथेत्युवाच तस्या वै पिता काममपूरयत् दाता शूरश् च यज्वा च श्रुतवानतिथिप्रियः
tathetyuvāca tasyā vai pitā kāmamapūrayat dātā śūraś ca yajvā ca śrutavānatithipriyaḥ
Her father said "So be it," and fulfilled her wish — (he was) a giver, a hero, a sacrificer, learned in scripture, fond of guests.
AI translation rendered from the Sanskrit, not a published edition
LiP 69.25
तस्याः पुत्रः स्मृतो ऽक्रूरः श्वफल्काद्भूरिदक्षिणः रत्ना कन्या च शैवस्य ह्य् अक्रूरस्तामवाप्तवान्
tasyāḥ putraḥ smṛto 'krūraḥ śvaphalkādbhūridakṣiṇaḥ ratnā kanyā ca śaivasya hy akrūrastāmavāptavān
Her son by Śvaphalka is known as Akrūra, giver of abundant gifts; and Ratnā was the daughter of Śaiva — Akrūra obtained her.
AI translation rendered from the Sanskrit, not a published edition
LiP 69.26
अस्यामुत्पादयामास तनयांस्तान्निबोधत उपमन्युस् तथा माङ्गुर् वृतस्तु जनमेजयः
asyāmutpādayāmāsa tanayāṃstānnibodhata upamanyus tathā māṅgur vṛtastu janamejayaḥ
In her he begot sons; learn of them: Upamanyu, and Māṅgu, Vṛta, and Janamejaya,
AI translation rendered from the Sanskrit, not a published edition
LiP 69.27
गिरिरक्षस्तथोपेक्षः शत्रुघ्नो यो ऽरिमर्दनः धर्मभृद् वृष्टधर्मा च गोधनो ऽथ वरस् तथा
girirakṣastathopekṣaḥ śatrughno yo 'rimardanaḥ dharmabhṛd vṛṣṭadharmā ca godhano 'tha varas tathā
Girirakṣa and Upekṣa, Śatrughna who is Arimardana, Dharmabhṛt and Vṛṣṭadharmā, then Godhana, and likewise Vara,
AI translation rendered from the Sanskrit, not a published edition
LiP 69.28
आवाहप्रतिवाहौ च सुधारा च वराङ्गना अक्रूरस्योग्रसेन्यां तु पुत्रौ द्वौ कुलनन्दनौ
āvāhaprativāhau ca sudhārā ca varāṅganā akrūrasyograsenyāṃ tu putrau dvau kulanandanau
and Āvāha and Prativāha, and Sudhārā, a lovely woman. But by Ugrasenī, Akrūra had two sons who gladdened the family:
AI translation rendered from the Sanskrit, not a published edition
LiP 69.29
देववानुपदेवश् च जज्ञाते देवसंमतौ सुमित्रस्य सुतो जज्ञे चित्रकश् च महायशाः
devavānupadevaś ca jajñāte devasaṃmatau sumitrasya suto jajñe citrakaś ca mahāyaśāḥ
Devavān and Upadeva were born, both honoured by the gods. Of Sumitra was born a son, Citraka, of great fame.
AI translation rendered from the Sanskrit, not a published edition
LiP 69.30
चित्रकस्याभवन्पुत्रा विपृथुः पृथुरेव च अश्वग्रीवः सुबाहुश् च सुधासूकगवेक्षणौ
citrakasyābhavanputrā vipṛthuḥ pṛthureva ca aśvagrīvaḥ subāhuś ca sudhāsūkagavekṣaṇau
Citraka's sons were Vipṛthu and Pṛthu, Aśvagrīva and Subāhu, and Sudhāsūka and Gavekṣaṇa,
AI translation rendered from the Sanskrit, not a published edition
LiP 69.31
अरिष्टनेमिरश्वश् च धर्मो धर्मभृदेव च सुभूमिर्बहुभूमिश् च श्रविष्ठाश्रवणे स्त्रियौ
ariṣṭanemiraśvaś ca dharmo dharmabhṛdeva ca subhūmirbahubhūmiś ca śraviṣṭhāśravaṇe striyau
and Ariṣṭanemi and Aśva, Dharma and Dharmabhṛt, and Subhūmi and Bahubhūmi; Śraviṣṭhā and Śravaṇā were the women.
AI translation rendered from the Sanskrit, not a published edition
LiP 69.32
अन्धकात्काश्यदुहिता लेभे च चतुरः सुतान् कुकुरं भजमानं च शुचिं कम्बलबर्हिषम्
andhakātkāśyaduhitā lebhe ca caturaḥ sutān kukuraṃ bhajamānaṃ ca śuciṃ kambalabarhiṣam
By Andhaka the daughter of the Kāśi (king) obtained four sons: Kukura and Bhajamāna, Śuci and Kambalabarhiṣa.
AI translation rendered from the Sanskrit, not a published edition
LiP 69.33
कुकुरस्य सुतो वृष्णिर् वृष्णेः शूरस्ततो ऽभवत् कपोतरोमातिबलस् तस्य पुत्रो विलोमकः
kukurasya suto vṛṣṇir vṛṣṇeḥ śūrastato 'bhavat kapotaromātibalas tasya putro vilomakaḥ
Kukura's son was Vṛṣṇi; from Vṛṣṇi came Śūra; (his son was) Kapotaroma, exceedingly strong; his son was Vilomaka.
AI translation rendered from the Sanskrit, not a published edition
LiP 69.34
तस्यासीत् तुम्बुरुसखो विद्वान्पुत्रो नलः किल ख्यायते स सुनाम्ना तु चन्दनानकदुन्दुभिः
tasyāsīt tumburusakho vidvānputro nalaḥ kila khyāyate sa sunāmnā tu candanānakadundubhiḥ
His son, they say, was the learned Nala, a friend of Tumburu; and he is known by the (other) name Candanānakadundubhi.
AI translation rendered from the Sanskrit, not a published edition — the model flagged this verse as uncertain
LiP 69.35
तस्मादप्यभिजित्पुत्र उत्पन्नो ऽस्य पुनर्वसुः अश्वमेधं स पुत्रार्थम् आजहार नरोत्तमः
tasmādapyabhijitputra utpanno 'sya punarvasuḥ aśvamedhaṃ sa putrārtham ājahāra narottamaḥ
From him too a son, Abhijit, was born, and his (son was) Punarvasu; that best of men performed a horse-sacrifice for the sake of a son.
AI translation rendered from the Sanskrit, not a published edition
LiP 69.36
तस्य मध्ये ऽतिरात्रस्य सदोमध्यात्समुत्थितः ततस्तु विद्वान् सर्वज्ञो दाता यज्वा पुनर्वसुः
tasya madhye 'tirātrasya sadomadhyātsamutthitaḥ tatastu vidvān sarvajño dātā yajvā punarvasuḥ
In the midst of his overnight (atirātra) rite he rose up from the middle of the sacrificial hall; and thereupon (was born) Punarvasu, learned, all-knowing, a giver and a sacrificer.
AI translation rendered from the Sanskrit, not a published edition — the model flagged this verse as uncertain
LiP 69.37
तस्यापि पुत्रमिथुनं बभूवाभिजितः किल आहुकश्चाहुकी चैव ख्यातौ कीर्तिमतां वरौ
tasyāpi putramithunaṃ babhūvābhijitaḥ kila āhukaścāhukī caiva khyātau kīrtimatāṃ varau
Of Abhijit too there was a pair of children, so it is said: Āhuka and Āhukī, both renowned, the foremost among the illustrious.
AI translation rendered from the Sanskrit, not a published edition
LiP 69.38
आहुकात् काश्यदुहितुर् द्वौ पुत्रौ संबभूवतुः देवकश्चोग्रसेनश् च देवगर्भसमावुभौ
āhukāt kāśyaduhitur dvau putrau saṃbabhūvatuḥ devakaścograsenaś ca devagarbhasamāvubhau
From Āhuka, by the daughter of the Kāśi (king), two sons came to be: Devaka and Ugrasena, both equal to children of the gods.
AI translation rendered from the Sanskrit, not a published edition
LiP 69.39
देवकस्य सुता राज्ञो जज्ञिरे त्रिदशोपमाः देववान् उपदेवश् च सुदेवो देवरक्षितः
devakasya sutā rājño jajñire tridaśopamāḥ devavān upadevaś ca sudevo devarakṣitaḥ
To King Devaka were born sons like the thirty gods: Devavān and Upadeva, Sudeva and Devarakṣita.
AI translation rendered from the Sanskrit, not a published edition
LiP 69.40
तेषां स्वसारः सप्तासन् वसुदेवाय ता ददौ वृषदेवोपदेवा च तथान्या देवरक्षिता
teṣāṃ svasāraḥ saptāsan vasudevāya tā dadau vṛṣadevopadevā ca tathānyā devarakṣitā
They had seven sisters, and he gave them to Vasudeva: Vṛṣadevā and Upadevā, and another, Devarakṣitā,
AI translation rendered from the Sanskrit, not a published edition
LiP 69.41
श्रीदेवा शान्तिदेवा च सहदेवा तथापरा देवकी चापि तासां च वरिष्ठाभूत्सुमध्यमा
śrīdevā śāntidevā ca sahadevā tathāparā devakī cāpi tāsāṃ ca variṣṭhābhūtsumadhyamā
Śrīdevā and Śāntidevā, and another, Sahadevā, and Devakī too; and among them the fair-waisted one was the best.
AI translation rendered from the Sanskrit, not a published edition
LiP 69.42
नवोग्रसेनस्य सुतास् तेषां कंसस्तु पूर्वजः तेषां पुत्राश्च पौत्राश् च शतशो ऽथ सहस्रशः
navograsenasya sutās teṣāṃ kaṃsastu pūrvajaḥ teṣāṃ putrāśca pautrāś ca śataśo 'tha sahasraśaḥ
These were the nine sons of Ugrasena, and Kaṃsa was the eldest of them; their sons and grandsons were by the hundreds and by the thousands.
AI translation rendered from the Sanskrit, not a published edition
LiP 69.43
देवकस्य सुता पत्नी वसुदेवस्य धीमतः बभूव वन्द्या पूज्या च देवैरपि पतिव्रता
devakasya sutā patnī vasudevasya dhīmataḥ babhūva vandyā pūjyā ca devairapi pativratā
The daughter of Devaka became the wife of wise Vasudeva; devoted to her husband, she was to be revered and honoured even by the gods.
AI translation rendered from the Sanskrit, not a published edition
LiP 69.44
रोहिणी च महाभागा पत्नी चानकदुन्दुभेः पौरवी बाह्लिकसुता संपूज्यासीत्सुरैरपि
rohiṇī ca mahābhāgā patnī cānakadundubheḥ pauravī bāhlikasutā saṃpūjyāsītsurairapi
And Rohiṇī, the greatly fortunate, wife of Ānakadundubhi (Vasudeva), of the Paurava line, daughter of Bāhlika, was honoured even by the gods.
AI translation rendered from the Sanskrit, not a published edition
LiP 69.45
असूत रोहिणी रामं बलश्रेष्ठं हलायुधम् आश्रितं कंसभीत्या च स्वात्मानं शान्ततेजसम्
asūta rohiṇī rāmaṃ balaśreṣṭhaṃ halāyudham āśritaṃ kaṃsabhītyā ca svātmānaṃ śāntatejasam
Rohiṇī bore Rāma, foremost in strength, armed with the plough, who out of fear of Kaṃsa kept himself in hiding and (kept) his splendour subdued.
AI translation rendered from the Sanskrit, not a published edition
LiP 69.46
जाते रामे ऽथ निहते षड्गर्भे चातिदक्षिणे वसुदेवो हरिं धीमान् देवक्यामुदपादयत्
jāte rāme 'tha nihate ṣaḍgarbhe cātidakṣiṇe vasudevo hariṃ dhīmān devakyāmudapādayat
When Rāma had been born, and when the six embryos, most fair, had been slain, wise Vasudeva begot Hari upon Devakī.
AI translation rendered from the Sanskrit, not a published edition
LiP 69.47
स एव परमात्मासौ देवदेवो जनार्दनः हलायुधश् च भगवान् अनन्तो रजतप्रभः
sa eva paramātmāsau devadevo janārdanaḥ halāyudhaś ca bhagavān ananto rajataprabhaḥ
That very one is the supreme Self, the god of gods, Janārdana; and the plough-armed one is the Lord Ananta, silver-hued.
AI translation rendered from the Sanskrit, not a published edition
LiP 69.48
भृगुशापछलेनैव मानयन्मानुषीं तनुम् बभूव तस्यां देवक्यां वासुदेवो जनार्दन
bhṛguśāpachalenaiva mānayanmānuṣīṃ tanum babhūva tasyāṃ devakyāṃ vāsudevo janārdana
Under the pretext of Bhṛgu's curse alone, honouring a human body, Janārdana Vāsudeva came to be in that Devakī.
AI translation rendered from the Sanskrit, not a published edition
LiP 69.49
उमादेहसमुद्भूता योगनिद्रा च कौशिकी नियोगाद्देवदेवस्य यशोदातनया ह्यभूत्
umādehasamudbhūtā yoganidrā ca kauśikī niyogāddevadevasya yaśodātanayā hyabhūt
And Yoganidrā Kauśikī, arisen from Umā's body, became, by the command of the god of gods, the daughter of Yaśodā.
AI translation rendered from the Sanskrit, not a published edition
LiP 69.50
सा चैव प्रकृतिः साक्षात् सर्वदेवनमस्कृता पुरुषो भगवान्कृष्णो धर्ममोक्षफलप्रदः
sā caiva prakṛtiḥ sākṣāt sarvadevanamaskṛtā puruṣo bhagavānkṛṣṇo dharmamokṣaphalapradaḥ
She indeed is Prakṛti manifest, saluted by all the gods; the Puruṣa is the Lord Kṛṣṇa, giver of the fruits of dharma and liberation.
AI translation rendered from the Sanskrit, not a published edition
LiP 69.51
तां कन्यां जगृहे रक्षन् कंसात्स्वस्यात्मजं तदा चतुर्भुजं विशालाक्षं श्रीवत्सकृतलाञ्छनम्
tāṃ kanyāṃ jagṛhe rakṣan kaṃsātsvasyātmajaṃ tadā caturbhujaṃ viśālākṣaṃ śrīvatsakṛtalāñchanam
Then he took that girl, guarding his own son from Kaṃsa — (the son) four-armed, wide-eyed, marked with the śrīvatsa,
AI translation rendered from the Sanskrit, not a published edition
LiP 69.52
शङ्खचक्रगदापद्मं धारयन्तं जनार्दनम् यशोदायै प्रदत्त्वा तु वसुदेवश् च बुद्धिमान्
śaṅkhacakragadāpadmaṃ dhārayantaṃ janārdanam yaśodāyai pradattvā tu vasudevaś ca buddhimān
bearing conch, discus, mace and lotus — Janārdana; and wise Vasudeva, having handed (him) over to Yaśodā,
AI translation rendered from the Sanskrit, not a published edition
LiP 69.53
दत्त्वैनं नन्दगोपस्य रक्षतामिति चाब्रवीत् रक्षकं जगतां विष्णुं स्वेच्छया धृतविग्रहम्
dattvainaṃ nandagopasya rakṣatāmiti cābravīt rakṣakaṃ jagatāṃ viṣṇuṃ svecchayā dhṛtavigraham
having given him to Nanda the cowherd, said, "Guard (him)" — (him who is) Viṣṇu, the protector of the worlds, who had taken on a body by his own will,
AI translation rendered from the Sanskrit, not a published edition
LiP 69.54
प्रसादाच्चैव देवस्य शिवस्यामिततेजसः रामेण सार्धं तं दत्त्वा वरदं परमेश्वरम्
prasādāccaiva devasya śivasyāmitatejasaḥ rāmeṇa sārdhaṃ taṃ dattvā varadaṃ parameśvaram
and by the grace of the god Śiva of measureless splendour; having given him, the boon-giver, the supreme Lord, together with Rāma,
AI translation rendered from the Sanskrit, not a published edition
LiP 69.55
भूभारनिग्रहार्थं च ह्य् अवतीर्णं जगद्गुरुम् अतो वै सर्वकल्याणं यादवानां भविष्यति
bhūbhāranigrahārthaṃ ca hy avatīrṇaṃ jagadgurum ato vai sarvakalyāṇaṃ yādavānāṃ bhaviṣyati
the teacher of the world, descended for the purpose of curbing the burden of the earth — therefore all good will come to the Yādavas.
AI translation rendered from the Sanskrit, not a published edition
LiP 69.56
अयं स गर्भो देवक्या यो नः क्लेश्यान्हरिष्यति उग्रसेनात्मजायाथ कंसायानकदुन्दुभिः
ayaṃ sa garbho devakyā yo naḥ kleśyānhariṣyati ugrasenātmajāyātha kaṃsāyānakadundubhiḥ
"This is that child of Devakī who will take away our afflictions." Then Ānakadundubhi (Vasudeva), to Kaṃsa the son of Ugrasena,
AI translation rendered from the Sanskrit, not a published edition
LiP 69.57
निवेदयामास तदा जातां कन्यां सुलक्षणाम् अस्यास्तवाष्टमो गर्भो देवक्याः कंस सुव्रत
nivedayāmāsa tadā jātāṃ kanyāṃ sulakṣaṇām asyāstavāṣṭamo garbho devakyāḥ kaṃsa suvrata
announced the girl of auspicious marks who had (just) been born. "This eighth child of hers, of Devakī, O Kaṃsa of firm vows,
AI translation rendered from the Sanskrit, not a published edition
LiP 69.58
मृत्युर् एव न संदेह इति वाणी पुरातनी ततस्तां हन्तुमारेभे कंसः सोल्लङ्घ्य चांबरम्
mṛtyur eva na saṃdeha iti vāṇī purātanī tatastāṃ hantumārebhe kaṃsaḥ sollaṅghya cāṃbaram
is death itself, there is no doubt" — such was the ancient utterance; thereupon Kaṃsa set about killing her, and she leapt up into the sky.
AI translation rendered from the Sanskrit, not a published edition
LiP 69.59
उवाचाष्टभुजा देवी मेघगंभीरया गिरा रक्षस्व तत्स्वकं देहम् आयातो मृत्युरेव ते
uvācāṣṭabhujā devī meghagaṃbhīrayā girā rakṣasva tatsvakaṃ deham āyāto mṛtyureva te
The eight-armed goddess spoke with a voice deep as a thundercloud: "Guard that body of yours; your death has already come.
AI translation rendered from the Sanskrit, not a published edition
LiP 69.60
रक्षमाणस्य देहस्य मायावी कंसरूपिणः किं कृतं दुष्कृतं मूर्ख जातः खलु तवान्तकृत्
rakṣamāṇasya dehasya māyāvī kaṃsarūpiṇaḥ kiṃ kṛtaṃ duṣkṛtaṃ mūrkha jātaḥ khalu tavāntakṛt
What wrong has been done by this body that is being protected, (the body) of a wielder of illusion in the form of Kaṃsa? Fool, he who will make your end is indeed born!"
AI translation rendered from the Sanskrit, not a published edition — the model flagged this verse as uncertain
LiP 69.61
देवक्याः स भयात्कंसो जघानैवाष्टमं त्विति स्मरन्ति विहितो मृत्युर् देवक्यास् तनयो ऽष्टमः
devakyāḥ sa bhayātkaṃso jaghānaivāṣṭamaṃ tviti smaranti vihito mṛtyur devakyās tanayo 'ṣṭamaḥ
Out of fear, that Kaṃsa slew the eighth (child) of Devakī — so they recall; (yet) the eighth son of Devakī had been ordained as his death.
AI translation rendered from the Sanskrit, not a published edition
LiP 69.62
यस्तत्प्रतिकृतौ यत्नो भोजस्यासीद्वृथा हरेः प्रभावान्मुनिशार्दूलास् तया चैव जडीकृतः
yastatpratikṛtau yatno bhojasyāsīdvṛthā hareḥ prabhāvānmuniśārdūlās tayā caiva jaḍīkṛtaḥ
The effort that Bhoja (Kaṃsa) made to counter that was in vain, through Hari's power, O tigers among sages, and by her he was made dull-witted.
AI translation rendered from the Sanskrit, not a published edition — the model flagged this verse as uncertain
LiP 69.63
कंसो ऽपि निहतस्तेन कृष्णेनाक्लिष्टकर्मणा निहता बहवश्चान्ये देवब्राह्मणघातिनः
kaṃso 'pi nihatastena kṛṣṇenākliṣṭakarmaṇā nihatā bahavaścānye devabrāhmaṇaghātinaḥ
Kaṃsa too was slain by him, by Kṛṣṇa of untiring deeds, and many others were slain, killers of gods and brahmins.
AI translation rendered from the Sanskrit, not a published edition
LiP 69.64
तस्य कृष्णस्य तनयाः प्रद्युम्नप्रमुखास् तथा बहवः परिसंख्याताः सर्वे युद्धविशारदाः
tasya kṛṣṇasya tanayāḥ pradyumnapramukhās tathā bahavaḥ parisaṃkhyātāḥ sarve yuddhaviśāradāḥ
That Kṛṣṇa's sons, headed by Pradyumna, were likewise reckoned as many, all skilled in battle.
AI translation rendered from the Sanskrit, not a published edition
LiP 69.65
कृष्णपुत्राः समाख्याताः कृष्णेन सदृशाः सुताः पुत्रेष्वेतेषु सर्वेषु चारुदेष्णादयो हरेः
kṛṣṇaputrāḥ samākhyātāḥ kṛṣṇena sadṛśāḥ sutāḥ putreṣveteṣu sarveṣu cārudeṣṇādayo hareḥ
Kṛṣṇa's sons are declared to be sons equal to Kṛṣṇa; among all these sons of Hari, Cārudeṣṇa and the others
AI translation rendered from the Sanskrit, not a published edition
LiP 69.66
विशिष्टा बलवन्तश् च रौक्मिणेयारिसूदनाः षोडशस्त्रीसहस्राणि शतमेकं तथाधिकम्
viśiṣṭā balavantaś ca raukmiṇeyārisūdanāḥ ṣoḍaśastrīsahasrāṇi śatamekaṃ tathādhikam
were distinguished and strong, sons of Rukmiṇī, destroyers of foes. Sixteen thousand women, and one hundred more,
AI translation rendered from the Sanskrit, not a published edition
LiP 69.67
कृष्णस्य तासु सर्वासु प्रिया ज्येष्ठा च रुक्मिणी तया द्वादशवर्षाणि कृष्णेनाक्लिष्टकर्मणा
kṛṣṇasya tāsu sarvāsu priyā jyeṣṭhā ca rukmiṇī tayā dvādaśavarṣāṇi kṛṣṇenākliṣṭakarmaṇā
belonged to Kṛṣṇa; among all of them Rukmiṇī was the beloved and the eldest. With her, for twelve years, by Kṛṣṇa of untiring deeds,
AI translation rendered from the Sanskrit, not a published edition
LiP 69.68
उष्यता वायुभक्षेण पुत्रार्थं पूजितो हरः चारुदेष्णः सुचारुश् च चारुवेषो यशोधरः
uṣyatā vāyubhakṣeṇa putrārthaṃ pūjito haraḥ cārudeṣṇaḥ sucāruś ca cāruveṣo yaśodharaḥ
who dwelt (in austerity) living on air, Hara was worshipped for the sake of sons: Cārudeṣṇa, Sucāru, Cāruveṣa, Yaśodhara,
AI translation rendered from the Sanskrit, not a published edition
LiP 69.69
चारुश्रवाश्चारुयशाः प्रद्युम्नः साम्ब एव च एते लब्धास्तु कृष्णेन शूलपाणिप्रसादतः
cāruśravāścāruyaśāḥ pradyumnaḥ sāmba eva ca ete labdhāstu kṛṣṇena śūlapāṇiprasādataḥ
Cāruśravas, Cāruyaśas, Pradyumna, and Sāmba as well — these were obtained by Kṛṣṇa through the favour of the Trident-bearer.
AI translation rendered from the Sanskrit, not a published edition
LiP 69.70
तान् दृष्ट्वा तनयान्वीरान् रौक्मिणेयांश् च रुक्मिणीम् जाम्बवत्यब्रवीत्कृष्णं भार्या कृष्णस्य धीमतः
tān dṛṣṭvā tanayānvīrān raukmiṇeyāṃś ca rukmiṇīm jāmbavatyabravītkṛṣṇaṃ bhāryā kṛṣṇasya dhīmataḥ
Seeing those heroic sons, the sons of Rukmiṇī, and Rukmiṇī (herself), Jāmbavatī, wife of the wise Kṛṣṇa, spoke to Kṛṣṇa:
AI translation rendered from the Sanskrit, not a published edition
LiP 69.71
मम त्वं पुण्डरीकाक्ष विशिष्टं गुणवत्तरम् सुरेशसंमितं पुत्रं प्रसन्नो दातुमर्हसि
mama tvaṃ puṇḍarīkākṣa viśiṣṭaṃ guṇavattaram sureśasaṃmitaṃ putraṃ prasanno dātumarhasi
"O lotus-eyed one, being pleased, you ought to give me a son who is distinguished, richer in virtues, and equal to the lord of the gods."
AI translation rendered from the Sanskrit, not a published edition
LiP 69.72
जाम्बवत्या वचः श्रुत्वा जगन्नाथस्ततो हरिः तपस्तप्तुं समारेभे तपोनिधिरनिन्दितः
jāmbavatyā vacaḥ śrutvā jagannāthastato hariḥ tapastaptuṃ samārebhe taponidhiraninditaḥ
Having heard Jāmbavatī's words, Hari, the lord of the world, the blameless treasury of austerity, then set about performing austerity.
AI translation rendered from the Sanskrit, not a published edition
LiP 69.73
सो ऽथ नारायणः कृष्णः शङ्खचक्रगदाधरः व्याघ्रपादस्य च मुनेर् गत्वा चैवाश्रमोत्तमम्
so 'tha nārāyaṇaḥ kṛṣṇaḥ śaṅkhacakragadādharaḥ vyāghrapādasya ca muner gatvā caivāśramottamam
Then that Kṛṣṇa, Nārāyaṇa, bearer of conch, discus and mace, having gone to the excellent hermitage of the sage Vyāghrapāda,
AI translation rendered from the Sanskrit, not a published edition
LiP 69.74
ऋषिं दृष्ट्वा त्वङ्गिरसं प्रणिपत्य जनार्दनः दिव्यं पाशुपतं योगं लब्धवांस्तस्य चाज्ञया
ṛṣiṃ dṛṣṭvā tvaṅgirasaṃ praṇipatya janārdanaḥ divyaṃ pāśupataṃ yogaṃ labdhavāṃstasya cājñayā
and seeing the sage Āṅgirasa, Janārdana bowed down and, by his instruction, obtained the divine Pāśupata yoga.
AI translation rendered from the Sanskrit, not a published edition
LiP 69.75
प्रलुप्तश्मश्रुकेशश् च घृताक्तो मुञ्जमेखली दीक्षितो भगवान्कृष्णस् तताप च परंतपः
praluptaśmaśrukeśaś ca ghṛtākto muñjamekhalī dīkṣito bhagavānkṛṣṇas tatāpa ca paraṃtapaḥ
With beard and hair shaven off, smeared with ghee, wearing a muñja-grass girdle, the consecrated Lord Kṛṣṇa, scorcher of foes, practised austerity.
AI translation rendered from the Sanskrit, not a published edition
LiP 69.76
ऊर्ध्वबाहुर् निरालंबः पादाङ्गुष्ठाग्रधिष्ठितः फलाम्बनिलभोजी च ऋतुत्रयम् अधोक्षजः
ūrdhvabāhur nirālaṃbaḥ pādāṅguṣṭhāgradhiṣṭhitaḥ phalāmbanilabhojī ca ṛtutrayam adhokṣajaḥ
With arms raised, without support, standing on the tips of his toes, eating fruit, water and air, for three seasons — (so did) Adhokṣaja.
AI translation rendered from the Sanskrit, not a published edition
LiP 69.77
तपसा तस्य संतुष्टो ददौ रुद्रो बहून् वरान् साम्बं जांबवतीपुत्रं कृष्णाय च महात्मने
tapasā tasya saṃtuṣṭo dadau rudro bahūn varān sāmbaṃ jāṃbavatīputraṃ kṛṣṇāya ca mahātmane
Pleased with his austerity, Rudra gave many boons, and to the great-souled Kṛṣṇa (he gave) Sāmba, Jāmbavatī's son.
AI translation rendered from the Sanskrit, not a published edition
LiP 69.78
तथा जांबवती चैव सांबं भार्या हरेः सुतम् प्रहर्षमतुलं लेभे लब्ध्वादित्यं यथादितिः
tathā jāṃbavatī caiva sāṃbaṃ bhāryā hareḥ sutam praharṣamatulaṃ lebhe labdhvādityaṃ yathāditiḥ
So too Jāmbavatī, Hari's wife, on obtaining Sāmba as son, gained incomparable joy, as Aditi did on obtaining Āditya.
AI translation rendered from the Sanskrit, not a published edition
LiP 69.79
बाणस्य च तदा तेन छेदितं मुनिपुङ्गवाः भुजानां चैव साहस्रं शापाद्रुद्रस्य धीमतः
bāṇasya ca tadā tena cheditaṃ munipuṅgavāḥ bhujānāṃ caiva sāhasraṃ śāpādrudrasya dhīmataḥ
And then, O foremost of sages, by him Bāṇa's thousand arms were cut off, through the curse of the wise Rudra.
AI translation rendered from the Sanskrit, not a published edition
LiP 69.80
अथ दैत्यवधं चक्रे हलायुधसहायवान् तथा दुष्टक्षितीशानां लीलयैव रणाजिरे
atha daityavadhaṃ cakre halāyudhasahāyavān tathā duṣṭakṣitīśānāṃ līlayaiva raṇājire
Then, with the plough-armed one (Balarāma) as his helper, he carried out the slaying of the daityas, and likewise of wicked kings, as if in play, on the field of battle.
AI translation rendered from the Sanskrit, not a published edition
LiP 69.81
स हत्वा देवसम्भूतं नरकं दैत्यपुङ्गवम् ब्राह्मणस्योर्ध्वचक्रस्य वरदानान्महात्मनः
sa hatvā devasambhūtaṃ narakaṃ daityapuṅgavam brāhmaṇasyordhvacakrasya varadānānmahātmanaḥ
Having slain Naraka, the foremost of daityas, born of a god, (who was invincible) through the boon-granting of the great-souled brahmin Ūrdhvacakra,
AI translation rendered from the Sanskrit, not a published edition — the model flagged this verse as uncertain
LiP 69.82
स्वोपभोग्यानि कन्यानां षोडशातुलविक्रमः शताधिकानि जग्राह सहस्राणि महाबलः
svopabhogyāni kanyānāṃ ṣoḍaśātulavikramaḥ śatādhikāni jagrāha sahasrāṇi mahābalaḥ
That one of incomparable prowess, of great strength, took for his own enjoyment sixteen thousand maidens and a hundred more.
AI translation rendered from the Sanskrit, not a published edition
LiP 69.83
शापव्याजेन विप्राणाम् उपसंहृतवान् कुलम् संहृत्य तत्कुलं चैव प्रभासे ऽतिष्ठदच्युतः
śāpavyājena viprāṇām upasaṃhṛtavān kulam saṃhṛtya tatkulaṃ caiva prabhāse 'tiṣṭhadacyutaḥ
Under the pretext of the brahmins' curse he brought his own family to an end; and having destroyed that family, the imperishable one remained at Prabhāsa.
AI translation rendered from the Sanskrit, not a published edition
LiP 69.84
तदा तस्यैव तु गतं वर्षाणामधिकं शतम् कृष्णस्य द्वारकायां वै जराक्लेशापहारिणः
tadā tasyaiva tu gataṃ varṣāṇāmadhikaṃ śatam kṛṣṇasya dvārakāyāṃ vai jarākleśāpahāriṇaḥ
By then more than a hundred years had passed for that same Kṛṣṇa in Dvārakā, he who takes away the affliction of old age.
AI translation rendered from the Sanskrit, not a published edition
LiP 69.85
विश्वामित्रस्य कण्वस्य नारदस्य च धीमतः शापं पिण्डारके ऽरक्षद् वचो दुर्वाससस्तदा
viśvāmitrasya kaṇvasya nāradasya ca dhīmataḥ śāpaṃ piṇḍārake 'rakṣad vaco durvāsasastadā
He then made good the curse of Viśvāmitra, of Kaṇva and of wise Nārada at Piṇḍāraka, and the word of Durvāsas.
AI translation rendered from the Sanskrit, not a published edition — the model flagged this verse as uncertain
LiP 69.86
त्यक्त्वा च मानुषं रूपं जरकास्त्रच्छलेन तु अनुगृह्य च कृष्णो ऽपि लुब्धकं प्रययौ दिवम्
tyaktvā ca mānuṣaṃ rūpaṃ jarakāstracchalena tu anugṛhya ca kṛṣṇo 'pi lubdhakaṃ prayayau divam
And abandoning his human form under the pretext of Jara's weapon, Kṛṣṇa too, having shown favour to the hunter, went to heaven.
AI translation rendered from the Sanskrit, not a published edition
LiP 69.87
अष्टावक्रस्य शापेन भार्याः कृष्णस्य धीमतः चौरैश्चापहृताः सर्वास् तस्य मायाबलेन च
aṣṭāvakrasya śāpena bhāryāḥ kṛṣṇasya dhīmataḥ cauraiścāpahṛtāḥ sarvās tasya māyābalena ca
By the curse of Aṣṭāvakra, and by the power of his own māyā, all the wives of wise Kṛṣṇa were carried off by thieves.
AI translation rendered from the Sanskrit, not a published edition
LiP 69.88
बलभद्रो ऽपि संत्यज्य नागो भूत्वा जगाम च महिष्यस्तस्य कृष्णस्य रुक्मिणीप्रमुखाः शुभाः
balabhadro 'pi saṃtyajya nāgo bhūtvā jagāma ca mahiṣyastasya kṛṣṇasya rukmiṇīpramukhāḥ śubhāḥ
Balabhadra too, forsaking (his body), became a serpent and departed; and the auspicious queens of that Kṛṣṇa, headed by Rukmiṇī,
AI translation rendered from the Sanskrit, not a published edition
LiP 69.89
सहाग्निं विविशुः सर्वाः कृष्णेनाक्लिष्टकर्मणा रेवती च तथा देवी बलभद्रेण धीमता
sahāgniṃ viviśuḥ sarvāḥ kṛṣṇenākliṣṭakarmaṇā revatī ca tathā devī balabhadreṇa dhīmatā
all entered the fire together with Kṛṣṇa of untroubled deeds; and so too the lady Revatī with wise Balabhadra
AI translation rendered from the Sanskrit, not a published edition
LiP 69.90
प्रविष्टा पावकं विप्राः सा च भर्तृपथं गता प्रेतकार्यं हरेः कृत्वा पार्थः परमवीर्यवान्
praviṣṭā pāvakaṃ viprāḥ sā ca bhartṛpathaṃ gatā pretakāryaṃ hareḥ kṛtvā pārthaḥ paramavīryavān
entered the fire, O brahmins, and she went the way of her husband. Having performed the funeral rites for Hari, Pārtha of supreme valour—
AI translation rendered from the Sanskrit, not a published edition
LiP 69.91
रामस्य च तथान्येषां वृष्णीनामपि सुव्रतः कन्दमूलफलैस्तस्य बलिकार्यं चकार सः
rāmasya ca tathānyeṣāṃ vṛṣṇīnāmapi suvrataḥ kandamūlaphalaistasya balikāryaṃ cakāra saḥ
and likewise for Rāma and for the other Vṛṣṇis—that man of firm vows performed the offering rite for him with bulbs, roots and fruits,
AI translation rendered from the Sanskrit, not a published edition
LiP 69.92
द्रव्याभावात् स्वयं पार्थो भ्रातृभिश् च दिवं गतः एवं संक्षेपतः प्रोक्तः कृष्णस्याक्लिष्टकर्मणः
dravyābhāvāt svayaṃ pārtho bhrātṛbhiś ca divaṃ gataḥ evaṃ saṃkṣepataḥ proktaḥ kṛṣṇasyākliṣṭakarmaṇaḥ
for want of materials; and Pārtha himself, with his brothers, went to heaven. Thus, in brief, has been told of Kṛṣṇa of unwearied deeds
AI translation rendered from the Sanskrit, not a published edition
LiP 69.93
प्रभावो विलयश्चैव स्वेच्छयैव महात्मनः इत्येतत्सोमवंशानां नृपाणां चरितं द्विजाः
prabhāvo vilayaścaiva svecchayaiva mahātmanaḥ ityetatsomavaṃśānāṃ nṛpāṇāṃ caritaṃ dvijāḥ
his power and his dissolution, which was by his own will alone, the great-souled one. So this, O twice-born, is the story of the kings of the lunar lines.
AI translation rendered from the Sanskrit, not a published edition
LiP 69.94
यः पठेच्छृणुयाद्वापि ब्राह्मणान् श्रावयेदपि स याति वैष्णवं लोकं नात्र कार्या विचारणा
yaḥ paṭhecchṛṇuyādvāpi brāhmaṇān śrāvayedapi sa yāti vaiṣṇavaṃ lokaṃ nātra kāryā vicāraṇā
Whoever recites it, or hears it, or has brahmins hear it, goes to the world of Viṣṇu; there is no need to deliberate about this.
AI translation rendered from the Sanskrit, not a published edition