Linga Purana — Chapter 68
LiP 68.1
यदोर्वंशं प्रवक्ष्यामि ज्येष्ठस्योत्तमतेजसः संक्षेपेणानुपूर्व्याच्च गदतो मे निबोधत
yadorvaṃśaṃ pravakṣyāmi jyeṣṭhasyottamatejasaḥ saṃkṣepeṇānupūrvyācca gadato me nibodhata
I shall declare the lineage of Yadu, the eldest, of surpassing splendour, briefly and in due order; attend to me as I speak.
AI translation rendered from the Sanskrit, not a published edition
LiP 68.2
यदोः पुत्रा बभूवुर् हि पञ्च देवसुतोपमाः सहस्रजित्सुतो ज्येष्ठः क्रोष्टुर् नीलो ऽजको लघुः
yadoḥ putrā babhūvur hi pañca devasutopamāḥ sahasrajitsuto jyeṣṭhaḥ kroṣṭur nīlo 'jako laghuḥ
Yadu had five sons, like the sons of gods: Sahasrajit the eldest son, Kroṣṭu, Nīla, Ajaka, and Laghu.
AI translation rendered from the Sanskrit, not a published edition
LiP 68.3
सहस्रजित्सुतस्तद्वच् छतजिन्नाम पार्थिवः सुताः शतजितः ख्यातास् त्रयः परमकीर्तयः
sahasrajitsutastadvac chatajinnāma pārthivaḥ sutāḥ śatajitaḥ khyātās trayaḥ paramakīrtayaḥ
Sahasrajit's son, likewise, was the king named Śatajit; the sons of Śatajit are declared to be three, of the highest fame:
AI translation rendered from the Sanskrit, not a published edition
LiP 68.4
हैहयश् च हयश्चैव राजा वेणुहयश् च यः हैहयस्य तु दायादो धर्म इत्यभिविश्रुतः
haihayaś ca hayaścaiva rājā veṇuhayaś ca yaḥ haihayasya tu dāyādo dharma ityabhiviśrutaḥ
Haihaya, and Haya, and he who was king Veṇuhaya. And Haihaya's heir was widely known as Dharma.
AI translation rendered from the Sanskrit, not a published edition
LiP 68.5
तस्य पुत्रो ऽभवद्विप्रा धर्मनेत्र इति श्रुतः धर्मनेत्रस्य कीर्तिस् तु संजयस् तस्य चात्मजः
tasya putro 'bhavadviprā dharmanetra iti śrutaḥ dharmanetrasya kīrtis tu saṃjayas tasya cātmajaḥ
His son, O brahmins, was known as Dharmanetra; Dharmanetra's (son) was Kīrti, and his son was Saṃjaya.
AI translation rendered from the Sanskrit, not a published edition
LiP 68.6
संजयस्य तु दायादो महिष्मान्नाम धार्मिकः आसीन् महिष्मतः पुत्रो भद्रश्रेण्यः प्रतापवान्
saṃjayasya tu dāyādo mahiṣmānnāma dhārmikaḥ āsīn mahiṣmataḥ putro bhadraśreṇyaḥ pratāpavān
Saṃjaya's heir was the righteous one named Mahiṣmān; Mahiṣmān's son was the mighty Bhadraśreṇya.
AI translation rendered from the Sanskrit, not a published edition
LiP 68.7
भद्रश्रेण्यस्य दायादो दुर्दमो नाम पार्थिवः दुर्दमस्य सुतो धीमान् धनको नाम विश्रुतः
bhadraśreṇyasya dāyādo durdamo nāma pārthivaḥ durdamasya suto dhīmān dhanako nāma viśrutaḥ
Bhadraśreṇya's heir was the king named Durdama; Durdama's son was the wise one renowned as Dhanaka.
AI translation rendered from the Sanskrit, not a published edition
LiP 68.8
धनकस्य तु दायादाश् चत्वारो लोकसंमताः कृतवीर्यः कृताग्निश् च कृतवर्मा तथैव च
dhanakasya tu dāyādāś catvāro lokasaṃmatāḥ kṛtavīryaḥ kṛtāgniś ca kṛtavarmā tathaiva ca
Dhanaka's heirs were four, esteemed by the world: Kṛtavīrya, Kṛtāgni, and likewise Kṛtavarman,
AI translation rendered from the Sanskrit, not a published edition
LiP 68.9
कृतौजाश् च चतुर्थो ऽभूत् कार्तवीर्यस्ततो ऽर्जुनः जज्ञे बाहुसहस्रेण सप्तद्वीपेश्वरोत्तमः
kṛtaujāś ca caturtho 'bhūt kārtavīryastato 'rjunaḥ jajñe bāhusahasreṇa saptadvīpeśvarottamaḥ
and Kṛtaujas was the fourth. Then from Kṛtavīrya was born Arjuna, foremost lord of the seven continents, with a thousand arms.
AI translation rendered from the Sanskrit, not a published edition
LiP 68.10
तस्य रामस् तदा त्वासीन् मृत्युर्नारायणात्मकः तस्य पुत्रशतान्यासन् पञ्च तत्र महारथाः
tasya rāmas tadā tvāsīn mṛtyurnārāyaṇātmakaḥ tasya putraśatānyāsan pañca tatra mahārathāḥ
Rāma, who was of the nature of Nārāyaṇa, was then his death. He had hundreds of sons, five of whom there were great chariot-warriors,
AI translation rendered from the Sanskrit, not a published edition
LiP 68.11
कृतास्त्रा बलिनः शूरा धर्मात्मानो मनस्विनः शूरश् च शूरसेनश् च धृष्टः कृष्णस्तथैव च
kṛtāstrā balinaḥ śūrā dharmātmāno manasvinaḥ śūraś ca śūrasenaś ca dhṛṣṭaḥ kṛṣṇastathaiva ca
trained in weapons, strong, valiant, righteous in soul, high-spirited: Śūra, Śūrasena, Dhṛṣṭa, and likewise Kṛṣṇa.
AI translation rendered from the Sanskrit, not a published edition
LiP 68.12
जयध्वजश् च राजासीद् आवन्तीनां विशां पतिः जयध्वजस्य पुत्रो ऽभूत् तालजङ्घो महाबलः
jayadhvajaś ca rājāsīd āvantīnāṃ viśāṃ patiḥ jayadhvajasya putro 'bhūt tālajaṅgho mahābalaḥ
And Jayadhvaja was king, the lord of the people of the Avantis; Jayadhvaja's son was the greatly powerful Tālajaṅgha.
AI translation rendered from the Sanskrit, not a published edition
LiP 68.13
शतं पुत्रास्तु तस्येह तालजङ्घाः प्रकीर्तिताः तेषां ज्येष्ठो महावीर्यो वीतिहोत्रो ऽभवन्नृपः
śataṃ putrāstu tasyeha tālajaṅghāḥ prakīrtitāḥ teṣāṃ jyeṣṭho mahāvīryo vītihotro 'bhavannṛpaḥ
His hundred sons here are proclaimed as the Tālajaṅghas; the eldest of them, of great valour, was king Vītihotra.
AI translation rendered from the Sanskrit, not a published edition
LiP 68.14
वृषप्रभृतयश्चान्ये तत्सुताः पुण्यकर्मणः वृषो वंशकरस्तेषां तस्य पुत्रो ऽभवन्मधुः
vṛṣaprabhṛtayaścānye tatsutāḥ puṇyakarmaṇaḥ vṛṣo vaṃśakarasteṣāṃ tasya putro 'bhavanmadhuḥ
And his other sons, of meritorious deeds, were Vṛṣa and the rest; Vṛṣa was the continuer of the line among them, and his son was Madhu.
AI translation rendered from the Sanskrit, not a published edition
LiP 68.15
मधोः पुत्रशतं चासीद् वृष्णिस्तस्य तु वंशभाक् वृष्णेस्तु वृष्णयः सर्वे मधोर्वै माधवाः स्मृताः यादवा यदुवंशेन निरुच्यन्ते तु हैहयाः
madhoḥ putraśataṃ cāsīd vṛṣṇistasya tu vaṃśabhāk vṛṣṇestu vṛṣṇayaḥ sarve madhorvai mādhavāḥ smṛtāḥ yādavā yaduvaṃśena nirucyante tu haihayāḥ
Madhu had a hundred sons, and of these Vṛṣṇi carried on the lineage; from Vṛṣṇi all are Vṛṣṇis, and from Madhu they are known as Mādhavas; through the line of Yadu they are called Yādavas, but (they are also) the Haihayas.
AI translation rendered from the Sanskrit, not a published edition
LiP 68.16
तेषां पञ्च गणा ह्येते हैहयानां महात्मनाम्
teṣāṃ pañca gaṇā hyete haihayānāṃ mahātmanām
Of them, of the great-souled Haihayas, these are the five clans.
AI translation rendered from the Sanskrit, not a published edition
LiP 68.17
वीतिहोत्राश् च हर्याता भोजाश्चावन्तयस् तथा शूरसेनास्तु विख्यातास् तालजङ्घास्तथैव च
vītihotrāś ca haryātā bhojāścāvantayas tathā śūrasenāstu vikhyātās tālajaṅghāstathaiva ca
The Vītihotras, the Haryātas, the Bhojas and likewise the Āvantyas, and the renowned Śūrasenas, and likewise the Tālajaṅghas.
AI translation rendered from the Sanskrit, not a published edition
LiP 68.18
शूरश् च शूरसेनश् च वृषः कृष्णस्तथैव च जयध्वजः पञ्चमस्तु विख्याता हैहयोत्तमाः
śūraś ca śūrasenaś ca vṛṣaḥ kṛṣṇastathaiva ca jayadhvajaḥ pañcamastu vikhyātā haihayottamāḥ
Śūra and Śūrasena, Vṛṣa and likewise Kṛṣṇa, and Jayadhvaja as the fifth: (these are) the renowned foremost Haihayas.
AI translation rendered from the Sanskrit, not a published edition
LiP 68.19
शूरश् च शूरवीरश् च शूरसेनस्य चानघाः शूरसेना इति ख्याता देशास्तेषां महात्मनाम्
śūraś ca śūravīraś ca śūrasenasya cānaghāḥ śūrasenā iti khyātā deśāsteṣāṃ mahātmanām
And Śūra and Śūravīra, the faultless (sons) of Śūrasena — the countries of those great-souled ones are known as the Śūrasenas.
AI translation rendered from the Sanskrit, not a published edition
LiP 68.20
वीतिहोत्रसुतश्चापि विश्रुतो नर्त इत्युत दुर्जयः कृष्णपुत्रस्तु बभूवामित्रकर्शनः
vītihotrasutaścāpi viśruto narta ityuta durjayaḥ kṛṣṇaputrastu babhūvāmitrakarśanaḥ
And the son of Vītihotra was renowned as Narta indeed; and Kṛṣṇa's son was Durjaya, a wearer-down of foes.
AI translation rendered from the Sanskrit, not a published edition
LiP 68.21
क्रोष्टुश् च शृणु राजर्षेर् वंशमुत्तमपौरुषम् यस्यान्वये तु सम्भूतो विष्णुर् वृष्णिकुलोद्वहः
kroṣṭuś ca śṛṇu rājarṣer vaṃśamuttamapauruṣam yasyānvaye tu sambhūto viṣṇur vṛṣṇikulodvahaḥ
And hear the lineage of the royal sage Kroṣṭu, of the highest manliness, in whose line was born Viṣṇu, the upholder of the Vṛṣṇi family.
AI translation rendered from the Sanskrit, not a published edition
LiP 68.22
क्रोष्टोरेको ऽभवत्पुत्रो वृजिनीवान्महायशाः तस्य पुत्रो ऽभवत् स्वाती कुशङ्कुस् तत्सुतो ऽभवत्
kroṣṭoreko 'bhavatputro vṛjinīvānmahāyaśāḥ tasya putro 'bhavat svātī kuśaṅkus tatsuto 'bhavat
Kroṣṭu had one son, the greatly famed Vṛjinīvān; his son was Svātī, and his son was Kuśaṅku.
AI translation rendered from the Sanskrit, not a published edition
LiP 68.23
अथ प्रसूतिमिच्छन्वै कुशङ्कुः सुमहाबलः महाक्रतुभिर् ईजे ऽसौ विविधैराप्तदक्षिणैः
atha prasūtimicchanvai kuśaṅkuḥ sumahābalaḥ mahākratubhir īje 'sau vividhairāptadakṣiṇaiḥ
Then, desiring offspring, the very mighty Kuśaṅku sacrificed with great and various rites in which the sacrificial fees were duly given.
AI translation rendered from the Sanskrit, not a published edition
LiP 68.24
जज्ञे चित्ररथस्तस्य पुत्रः कर्मभिर् अन्वितः अथ चैत्ररथो वीरो यज्वा विपुलदक्षिणः
jajñe citrarathastasya putraḥ karmabhir anvitaḥ atha caitraratho vīro yajvā vipuladakṣiṇaḥ
His son Citraratha was born, endowed with (ritual) works; then the son of Citraratha (was) a hero, a sacrificer, giving ample fees.
AI translation rendered from the Sanskrit, not a published edition
LiP 68.25
शशबिन्दुस् तु वै राजा अन्वयाद् व्रतम् उत्तमम् चक्रवर्ती महासत्त्वो महावीर्यो बहुप्रजाः
śaśabindus tu vai rājā anvayād vratam uttamam cakravartī mahāsattvo mahāvīryo bahuprajāḥ
But king Śaśabindu followed the highest vow: a universal emperor, of great strength, of great valour, with many offspring.
AI translation rendered from the Sanskrit, not a published edition
LiP 68.26
शशबिन्दोस्तु पुत्राणां सहस्राणामभूच्छतम् शंसन्ति तस्य पुत्राणाम् अनन्तकम् अनुत्तमम्
śaśabindostu putrāṇāṃ sahasrāṇāmabhūcchatam śaṃsanti tasya putrāṇām anantakam anuttamam
Śaśabindu had a hundred thousand sons; among his sons they extol Anantaka as unsurpassed.
AI translation rendered from the Sanskrit, not a published edition
LiP 68.27
अनन्तकात् सुतो यज्ञो यज्ञस्य तनयो धृतिः उशनास्तस्य तनयः सम्प्राप्य तु महीमिमाम्
anantakāt suto yajño yajñasya tanayo dhṛtiḥ uśanāstasya tanayaḥ samprāpya tu mahīmimām
From Anantaka (came) the son Yajña; Yajña's son was Dhṛti; his son was Uśanas, who, having obtained this earth,
AI translation rendered from the Sanskrit, not a published edition
LiP 68.28
आजहाराश्वमेधानां शतमुत्तमधार्मिकः स्मृतश्चोशनसः पुत्रः सितेषुर् नाम पार्थिवः
ājahārāśvamedhānāṃ śatamuttamadhārmikaḥ smṛtaścośanasaḥ putraḥ siteṣur nāma pārthivaḥ
— that most righteous one — performed a hundred horse-sacrifices; and the son of Uśanas is recorded as the king named Siteṣu.
AI translation rendered from the Sanskrit, not a published edition
LiP 68.29
मरुतस्तस्य तनयो राजर्षिर्वंशवर्धनः वीरः कम्बलबर्हिस्तु मरुस्तस्यात्मजः स्मृतः
marutastasya tanayo rājarṣirvaṃśavardhanaḥ vīraḥ kambalabarhistu marustasyātmajaḥ smṛtaḥ
His son was Marutta, a royal sage, an increaser of the line; and Marutta's son is recorded as the hero Kambalabarhis.
AI translation rendered from the Sanskrit, not a published edition
LiP 68.30
पुत्रस्तु रुक्मकवचो विद्वान् कम्बलबर्हिषः निहत्य रुक्मकवचो वीरान् कवचिनो रणे
putrastu rukmakavaco vidvān kambalabarhiṣaḥ nihatya rukmakavaco vīrān kavacino raṇe
The son of Kambalabarhis was the learned Rukmakavaca; and Rukmakavaca, having slain in battle armoured heroes,
AI translation rendered from the Sanskrit, not a published edition
LiP 68.31
धन्विनो निशितैर् बाणैर् अवाप श्रियमुत्तमाम् अश्वमेधे तु धर्मात्मा ऋत्विग्भ्यः पृथिवीं ददौ
dhanvino niśitair bāṇair avāpa śriyamuttamām aśvamedhe tu dharmātmā ṛtvigbhyaḥ pṛthivīṃ dadau
bowmen, with sharp arrows, obtained the highest prosperity; and the righteous one, at a horse-sacrifice, gave the earth to the officiating priests.
AI translation rendered from the Sanskrit, not a published edition
LiP 68.32
जज्ञे तु रुक्मकवचात् परावृत्परवीरहा जज्ञिरे पञ्च पुत्रास्तु महासत्त्वाः परावृतः
jajñe tu rukmakavacāt parāvṛtparavīrahā jajñire pañca putrāstu mahāsattvāḥ parāvṛtaḥ
From Rukmakavaca was born Parāvṛt, the slayer of enemy heroes; and to Parāvṛt five sons of great strength were born.
AI translation rendered from the Sanskrit, not a published edition
LiP 68.33
रुक्मेषुः पृथुरुक्मश् च ज्यामघः परिघो हरिः परिघं च हरिं चैव विदेहेषु पिता न्यसत्
rukmeṣuḥ pṛthurukmaś ca jyāmaghaḥ parigho hariḥ parighaṃ ca hariṃ caiva videheṣu pitā nyasat
(They were) Rukmeṣu, Pṛthurukma, Jyāmagha, Parigha and Hari; and the father settled Parigha and Hari among the Videhas.
AI translation rendered from the Sanskrit, not a published edition
LiP 68.34
रुक्मेषुरभवद्राजा पृथुरुक्मस्तदाश्रयात् तैस्तु प्रव्राजितो राजा ज्यामघो ऽवसदाश्रमे
rukmeṣurabhavadrājā pṛthurukmastadāśrayāt taistu pravrājito rājā jyāmagho 'vasadāśrame
Rukmeṣu became king, and Pṛthurukma depended on him; but by these two king Jyāmagha was driven out, and he dwelt in a hermitage.
AI translation rendered from the Sanskrit, not a published edition
LiP 68.35
प्रशान्तः स वनस्थो ऽपि ब्राह्मणैरेव बोधितः जगाम धनुरादाय देशमन्यं ध्वजी रथी
praśāntaḥ sa vanastho 'pi brāhmaṇaireva bodhitaḥ jagāma dhanurādāya deśamanyaṃ dhvajī rathī
Though he lived tranquil in the forest, being roused by the brahmins alone he took up his bow and went to another country, with banner and chariot.
AI translation rendered from the Sanskrit, not a published edition
LiP 68.36
नर्मदातीरमेकाकी केवलं भार्यया युतः ऋक्षवन्तं गिरिं गत्वा त्यक्तमन्यैरुवास सः
narmadātīramekākī kevalaṃ bhāryayā yutaḥ ṛkṣavantaṃ giriṃ gatvā tyaktamanyairuvāsa saḥ
Alone, accompanied only by his wife, he went to the bank of the Narmadā, to Mount Ṛkṣavat, and dwelt there, abandoned by the others.
AI translation rendered from the Sanskrit, not a published edition
LiP 68.37
ज्यामघस्याभवद्भार्या शैब्या शीलवती सती सा चैव तपसोग्रेण शैब्या वै सम्प्रसूयत
jyāmaghasyābhavadbhāryā śaibyā śīlavatī satī sā caiva tapasogreṇa śaibyā vai samprasūyata
Jyāmagha's wife was Śaibyā, virtuous and chaste; and that Śaibyā, by (his) fierce austerity, indeed brought forth (a child).
AI translation rendered from the Sanskrit, not a published edition
LiP 68.38
सुतं विदर्भं सुभगा वयःपरिणता सती राजा पुत्रसुतायां तु विद्वांसौ क्रथकैशिकौ
sutaṃ vidarbhaṃ subhagā vayaḥpariṇatā satī rājā putrasutāyāṃ tu vidvāṃsau krathakaiśikau
That fortunate and chaste woman, though advanced in years, (bore) a son, Vidarbha; and the king (begot) upon his son's daughter the two learned ones, Kratha and Kaiśika.
AI translation rendered from the Sanskrit, not a published edition — the model flagged this verse as uncertain
LiP 68.39
पुत्रौ विदर्भराजस्य शूरौ रणविशारदौ रोमपादस्तृतीयश् च बभ्रुस्तस्यात्मजः स्मृतः
putrau vidarbharājasya śūrau raṇaviśāradau romapādastṛtīyaś ca babhrustasyātmajaḥ smṛtaḥ
The two sons of the king of Vidarbha were heroes, skilled in battle; and Romapāda was the third, and Babhru is recorded as his son.
AI translation rendered from the Sanskrit, not a published edition
LiP 68.40
सुधृतिस्तनयस्तस्य विद्वान्परमधार्मिकः कौशिकस्तनयस्तस्मात् तस्माच्चैद्यान्वयः स्मृतः
sudhṛtistanayastasya vidvānparamadhārmikaḥ kauśikastanayastasmāt tasmāccaidyānvayaḥ smṛtaḥ
His son was Sudhṛti, learned and supremely righteous; from him (came) the son Kauśika, and from him the lineage of the Caidyas is recorded.
AI translation rendered from the Sanskrit, not a published edition
LiP 68.41
क्रथो विदर्भस्य सुतः कुन्तिस्तस्यात्मजो ऽभवत् कुन्तेर् वृतस्ततो जज्ञे रणधृष्टः प्रतापवान्
kratho vidarbhasya sutaḥ kuntistasyātmajo 'bhavat kunter vṛtastato jajñe raṇadhṛṣṭaḥ pratāpavān
Kratha was Vidarbha's son; Kunti was his son; from Kunti was born Vṛta, and then Raṇadhṛṣṭa, full of might.
AI translation rendered from the Sanskrit, not a published edition
LiP 68.42
रणधृष्टस्य च सुतो निधृतिः परवीरहा दशार्हो नैधृतो नाम्ना महारिगणसूदनः
raṇadhṛṣṭasya ca suto nidhṛtiḥ paravīrahā daśārho naidhṛto nāmnā mahārigaṇasūdanaḥ
And Raṇadhṛṣṭa's son was Nidhṛti, slayer of enemy heroes; Naidhṛta was Daśārha by name, destroyer of great hosts of foes.
AI translation rendered from the Sanskrit, not a published edition
LiP 68.43
दशार्हस्य सुतो व्याप्तो जीमूत इति तत्सुतः जीमूतपुत्रो विकृतिस् तस्य भीमरथः सुतः
daśārhasya suto vyāpto jīmūta iti tatsutaḥ jīmūtaputro vikṛtis tasya bhīmarathaḥ sutaḥ
Daśārha's son was Vyāpta; his son was Jīmūta; Jīmūta's son was Vikṛti, whose son was Bhīmaratha.
AI translation rendered from the Sanskrit, not a published edition
LiP 68.44
अथ भीमरथस्यासीत् पुत्रो नवरथः किल दानधर्मरतो नित्यं सत्यशीलपरायणः
atha bhīmarathasyāsīt putro navarathaḥ kila dānadharmarato nityaṃ satyaśīlaparāyaṇaḥ
Then Bhīmaratha had a son, Navaratha they say, ever devoted to giving and to duty, intent on truth and good conduct.
AI translation rendered from the Sanskrit, not a published edition
LiP 68.45
तस्य चासीद्दृढरथः शकुनिस्तस्य चात्मजः तस्मात् करम्भः सम्भूतो देवरातो ऽभवत्ततः
tasya cāsīddṛḍharathaḥ śakunistasya cātmajaḥ tasmāt karambhaḥ sambhūto devarāto 'bhavattataḥ
And his (son) was Dṛḍharatha, and his son was Śakuni; from him Karambha was born, and from him came Devarāta.
AI translation rendered from the Sanskrit, not a published edition
LiP 68.46
देवरातादभूद्राजा देवरातिर् महायशाः देवगर्भोपमो जज्ञे यो देवक्षत्रनामकः
devarātādabhūdrājā devarātir mahāyaśāḥ devagarbhopamo jajñe yo devakṣatranāmakaḥ
From Devarāta was born the king Devarāti of great fame; he who was named Devakṣatra was born like a child of the gods.
AI translation rendered from the Sanskrit, not a published edition
LiP 68.47
देवक्षत्रसुतः श्रीमान् मधुर्नाम महायशाः मधूनां वंशकृद्राजा मधोस्तु कुरुवंशकः
devakṣatrasutaḥ śrīmān madhurnāma mahāyaśāḥ madhūnāṃ vaṃśakṛdrājā madhostu kuruvaṃśakaḥ
Devakṣatra's son was the illustrious, greatly famed king named Madhu, founder of the line of the Madhus; and Madhu's (son) was Kuruvaṃśaka.
AI translation rendered from the Sanskrit, not a published edition
LiP 68.48
कुरुवंशाद् अनुस् तस्मात् पुरुत्वान् पुरुषोत्तमः अंशुर्जज्ञे च वैदर्भ्यां भद्रवत्यां पुरुत्वतः
kuruvaṃśād anus tasmāt purutvān puruṣottamaḥ aṃśurjajñe ca vaidarbhyāṃ bhadravatyāṃ purutvataḥ
From Kuruvaṃśa (came) Anu, from him Purutvān, the best of men; and from Purutvat was born Aṃśu, in Bhadravatī, the Vaidarbha princess.
AI translation rendered from the Sanskrit, not a published edition
LiP 68.49
ऐक्ष्वाकीम् अवहच्चांशुः सत्त्वस्तस्मादजायत सत्त्वात् सर्वगुणोपेतः सात्वतः कुलवर्धनः
aikṣvākīm avahaccāṃśuḥ sattvastasmādajāyata sattvāt sarvaguṇopetaḥ sātvataḥ kulavardhanaḥ
Aṃśu married the daughter of Ikṣvāku's line, and from him Sattva was born; from Sattva (came) Sātvata, endowed with all virtues, increaser of the family.
AI translation rendered from the Sanskrit, not a published edition
LiP 68.50
ज्यामघस्य मया प्रोक्ता सृष्टिर्वै विस्तरेण वः यः पठेच्छृणुयाद्वापि निसृष्टिं ज्यामघस्य तु
jyāmaghasya mayā proktā sṛṣṭirvai vistareṇa vaḥ yaḥ paṭhecchṛṇuyādvāpi nisṛṣṭiṃ jyāmaghasya tu
The progeny of Jyāmagha has been declared by me to you in detail; and whoever should recite or hear the offspring of Jyāmagha—
AI translation rendered from the Sanskrit, not a published edition
LiP 68.51
प्रजीवत्येति वै स्वर्गं राज्यं सौख्यं च विन्दति
prajīvatyeti vai svargaṃ rājyaṃ saukhyaṃ ca vindati
—he lives long, goes to heaven, and obtains kingship and happiness.
AI translation rendered from the Sanskrit, not a published edition