Linga Purana — Chapter 67
LiP 67.1
ब्राह्मणप्रमुखा वर्णाः सर्वे शृण्वन्तु मे वचः ज्येष्ठं प्रति यथा राज्यं न देयं मे कथञ्चन
brāhmaṇapramukhā varṇāḥ sarve śṛṇvantu me vacaḥ jyeṣṭhaṃ prati yathā rājyaṃ na deyaṃ me kathañcana
Let all the classes, headed by the brahmins, hear my word: how the kingdom is on no account to be given by me to my eldest (son).
AI translation rendered from the Sanskrit, not a published edition
LiP 67.2
मम ज्येष्ठेन यदुना नियोगो नानुपालितः प्रतिकूलमतिश्चैव न स पुत्रः सतां मतः
mama jyeṣṭhena yadunā niyogo nānupālitaḥ pratikūlamatiścaiva na sa putraḥ satāṃ mataḥ
My command was not obeyed by my eldest, Yadu, and his mind was contrary (to me); he is not held by the good to be a son.
AI translation rendered from the Sanskrit, not a published edition
LiP 67.3
मातापित्रोर्वचनकृत् सद्भिः पुत्रः प्रशस्यते स पुत्रः पुत्रवद् यस् तु वर्तते मातृपितृषु
mātāpitrorvacanakṛt sadbhiḥ putraḥ praśasyate sa putraḥ putravad yas tu vartate mātṛpitṛṣu
A son who does the word of his mother and father is praised by the good; he is a son who behaves toward mother and father as a son should.
AI translation rendered from the Sanskrit, not a published edition
LiP 67.4
यदुनाहमवज्ञातस् तथा तुर्वसुनापि च द्रुह्येन चानुना चैव मय्यवज्ञा कृता भृशम्
yadunāhamavajñātas tathā turvasunāpi ca druhyena cānunā caiva mayyavajñā kṛtā bhṛśam
I was disregarded by Yadu, and likewise by Turvasu; and by Druhyu and by Anu too contempt was shown toward me exceedingly.
AI translation rendered from the Sanskrit, not a published edition
LiP 67.5
पुरुणा च कृतं वाक्यं मानितश् च विशेषतः कनीयान्मम दायादो जरा येन धृता मम
puruṇā ca kṛtaṃ vākyaṃ mānitaś ca viśeṣataḥ kanīyānmama dāyādo jarā yena dhṛtā mama
But by Pūru my word was carried out, and I was honoured especially; the younger one is my heir, by whom my old age was taken on.
AI translation rendered from the Sanskrit, not a published edition
LiP 67.6
शुक्रेण मे समादिष्टा देवयान्याः कृते जरा प्रार्थितेन पुनस्तेन जरा संचारिणी कृता
śukreṇa me samādiṣṭā devayānyāḥ kṛte jarā prārthitena punastena jarā saṃcāriṇī kṛtā
Old age was decreed for me by Śukra on account of Devayānī; then, when he was entreated, that same one made the old age transferable.
AI translation rendered from the Sanskrit, not a published edition
LiP 67.7
शुक्रेण च वरो दत्तः काव्येनोशनसा स्वयम् पुत्रो यस्त्वनुवर्तेत स ते राज्यधरस्त्विति
śukreṇa ca varo dattaḥ kāvyenośanasā svayam putro yastvanuvarteta sa te rājyadharastviti
And a boon was granted by Śukra, Uśanas the son of Kavi, himself: "Whichever son should comply with you, he shall be the upholder of your kingdom."
AI translation rendered from the Sanskrit, not a published edition
LiP 67.8
भवन्तो ऽप्यनुजानन्तु पूरू राज्ये ऽभिषिच्यते यः पुत्रो गुणसम्पन्नो मातापित्रोर्हितः सदा
bhavanto 'pyanujānantu pūrū rājye 'bhiṣicyate yaḥ putro guṇasampanno mātāpitrorhitaḥ sadā
Do you gentlemen also give consent: Pūru is being consecrated in the kingship. The son who is endowed with good qualities (and) is always devoted to the welfare of his mother and father
AI translation rendered from the Sanskrit, not a published edition
LiP 67.9
सर्वमर्हति कल्याणं कनीयान् अपि स प्रभुः अर्हः पूरुरिदं राज्यं यः सुतो वाक्यकृत्तव
sarvamarhati kalyāṇaṃ kanīyān api sa prabhuḥ arhaḥ pūruridaṃ rājyaṃ yaḥ suto vākyakṛttava
deserves every good thing; though younger, he is (fit to be) lord. Pūru deserves this kingdom, the son who does your bidding.
AI translation rendered from the Sanskrit, not a published edition
LiP 67.10
वरदानेन शुक्रस्य न शक्यं कर्तुमन्यथा एवं जानपदैस्तुष्टैर् इत्युक्तो नाहुषस्तदा
varadānena śukrasya na śakyaṃ kartumanyathā evaṃ jānapadaistuṣṭair ityukto nāhuṣastadā
By Śukra's granting of the boon it cannot be done otherwise. Being thus addressed by the satisfied country-people, Nahuṣa's son then,
AI translation rendered from the Sanskrit, not a published edition
LiP 67.11
अभिषिच्य ततो राज्यं पूरुं स सुतम् आत्मनः दिशि दक्षिणपूर्वस्यां तुर्वसुं पुत्रमादिशत्
abhiṣicya tato rājyaṃ pūruṃ sa sutam ātmanaḥ diśi dakṣiṇapūrvasyāṃ turvasuṃ putramādiśat
Then, having consecrated his own son Pūru to the kingdom, he appointed his son Turvasu to the south-eastern quarter.
AI translation rendered from the Sanskrit, not a published edition
LiP 67.12
दक्षिणायामथो राजा यदुं ज्येष्ठं न्ययोजयत् प्रतीच्यामुत्तरस्यां तु द्रुह्युं चानुं च तावुभौ
dakṣiṇāyāmatho rājā yaduṃ jyeṣṭhaṃ nyayojayat pratīcyāmuttarasyāṃ tu druhyuṃ cānuṃ ca tāvubhau
Then the king assigned Yadu, the eldest, to the south, and those two, Druhyu and Anu, to the west and the north.
AI translation rendered from the Sanskrit, not a published edition
LiP 67.13
सप्तद्वीपां ययातिस्तु जित्वा पृथ्वीं ससागराम् व्यभजच्च त्रिधा राज्यं पुत्रेभ्यो नाहुषस्तदा
saptadvīpāṃ yayātistu jitvā pṛthvīṃ sasāgarām vyabhajacca tridhā rājyaṃ putrebhyo nāhuṣastadā
And Yayāti, having conquered the earth of seven continents together with its oceans, then — Nahuṣa's son — divided the kingdom threefold among his sons.
AI translation rendered from the Sanskrit, not a published edition
LiP 67.14
पुत्रसंक्रामितश्रीस्तु हर्षनिर्भरमानसः प्रीतिमानभवद्राजा भारम् आवेश्य बन्धुषु
putrasaṃkrāmitaśrīstu harṣanirbharamānasaḥ prītimānabhavadrājā bhāram āveśya bandhuṣu
His splendour transferred to his sons, his mind brimming with joy, the king became content, having laid the burden upon his kinsmen.
AI translation rendered from the Sanskrit, not a published edition
LiP 67.15
अत्र गाथा महाराज्ञा पुरा गीता ययातिना याभिः प्रत्याहरेत् कामान् सर्वतो ऽङ्गानि कूर्मवत्
atra gāthā mahārājñā purā gītā yayātinā yābhiḥ pratyāharet kāmān sarvato 'ṅgāni kūrmavat
On this there are verses sung of old by the great king Yayāti, by which one should draw back one's desires from every side, as a tortoise does its limbs.
AI translation rendered from the Sanskrit, not a published edition
LiP 67.16
ताभिर् एव नरः श्रीमान् नान्यथा कर्मकोटिकृत् न जातु कामः कामानाम् उपभोगेन शाम्यति
tābhir eva naraḥ śrīmān nānyathā karmakoṭikṛt na jātu kāmaḥ kāmānām upabhogena śāmyati
By those very (verses) a man becomes prosperous, not otherwise, (even) though he perform a crore of rites. Desire is never stilled by the enjoyment of desired things.
AI translation rendered from the Sanskrit, not a published edition
LiP 67.17
हविषा कृष्णवर्त्मेव भूय एवाभिवर्धते यत्पृथिव्यां व्रीहियवं हिरण्यं पशवः स्त्रियः
haviṣā kṛṣṇavartmeva bhūya evābhivardhate yatpṛthivyāṃ vrīhiyavaṃ hiraṇyaṃ paśavaḥ striyaḥ
Like the black-tracked one (fire) with oblations, it only grows the more. Whatever rice and barley there is on earth, gold, cattle, women —
AI translation rendered from the Sanskrit, not a published edition
LiP 67.18
नालमेकस्य तत्सर्वम् इति मत्वा शमं व्रजेत् यदा न कुरुते भावं सर्वभूतेषु पापकम्
nālamekasya tatsarvam iti matvā śamaṃ vrajet yadā na kurute bhāvaṃ sarvabhūteṣu pāpakam
"All that is not enough for one man" — thinking thus, one should go to peace. When one harbours no evil intent toward any being,
AI translation rendered from the Sanskrit, not a published edition
LiP 67.19
कर्मणा मनसा वाचा ब्रह्म सम्पद्यते तदा यदा परान्न बिभेति परे चास्मान्न बिभ्यति
karmaṇā manasā vācā brahma sampadyate tadā yadā parānna bibheti pare cāsmānna bibhyati
in deed, in thought, in speech, then he attains brahman. When he does not fear others, and others do not fear him,
AI translation rendered from the Sanskrit, not a published edition
LiP 67.20
यदा न निन्देन्न द्वेष्टि ब्रह्म सम्पद्यते तदा या दुस्त्यजा दुर्मतिभिर् यानजीर्यति जीर्यतः
yadā na nindenna dveṣṭi brahma sampadyate tadā yā dustyajā durmatibhir yānajīryati jīryataḥ
when he neither reviles nor hates, then he attains brahman. That (craving) which is hard for the ill-minded to give up, which does not age as one ages —
AI translation rendered from the Sanskrit, not a published edition
LiP 67.21
यो ऽसौ प्राणान्तिको रोगस् तां तृष्णां त्यजतः सुखम् जीर्यन्ति जीर्यतः केशा दन्ता जीर्यन्ति जीर्यतः
yo 'sau prāṇāntiko rogas tāṃ tṛṣṇāṃ tyajataḥ sukham jīryanti jīryataḥ keśā dantā jīryanti jīryataḥ
That disease which brings on the end of life — for one who abandons that craving there is happiness. As a man grows old his hair grows old, as he grows old his teeth grow old.
AI translation rendered from the Sanskrit, not a published edition
LiP 67.22
चक्षुःश्रोत्रे च जीर्येते तृष्णैका निरुपद्रवा जीर्यन्ति देहिनः सर्वे स्वभावादेव नान्यथा
cakṣuḥśrotre ca jīryete tṛṣṇaikā nirupadravā jīryanti dehinaḥ sarve svabhāvādeva nānyathā
Eye and ear too grow old; craving alone is untouched by decay. All embodied beings grow old by their very nature, not otherwise.
AI translation rendered from the Sanskrit, not a published edition
LiP 67.23
जीविताशा धनाशा च जीर्यतो ऽपि न जीर्यते यच्च कामसुखं लोके यच्च दिव्यं महत्सुखम्
jīvitāśā dhanāśā ca jīryato 'pi na jīryate yacca kāmasukhaṃ loke yacca divyaṃ mahatsukham
The hope of life and the hope of wealth do not grow old even in one who is growing old. Whatever pleasure of desire there is in the world, and whatever great heavenly happiness,
AI translation rendered from the Sanskrit, not a published edition
LiP 67.24
तृष्णाक्षयसुखस्यैतत् कलां नार्हति षोडशीम् एवमुक्त्वा स राजर्षिः सदारः प्राविशद्वनम्
tṛṣṇākṣayasukhasyaitat kalāṃ nārhati ṣoḍaśīm evamuktvā sa rājarṣiḥ sadāraḥ prāviśadvanam
that does not merit a sixteenth part of the happiness of the destruction of craving. Having spoken thus, that royal sage entered the forest together with his wife.
AI translation rendered from the Sanskrit, not a published edition
LiP 67.25
भृगुतुङ्गे तपस्तप्त्वा तत्रैव च महायशाः साधयित्वा त्वनशनं सदारः स्वर्गमाप्तवान्
bhṛgutuṅge tapastaptvā tatraiva ca mahāyaśāḥ sādhayitvā tvanaśanaṃ sadāraḥ svargamāptavān
Having performed austerity at Bhṛgutuṅga, and there itself, greatly renowned, having accomplished a fast (unto death), he attained heaven together with his wife.
AI translation rendered from the Sanskrit, not a published edition
LiP 67.26
तस्य वंशास्तु पञ्चैते पुण्या देवर्षिसत्कृताः यैर्व्याप्ता पृथिवी कृत्स्ना सूर्यस्येव मरीचिभिः
tasya vaṃśāstu pañcaite puṇyā devarṣisatkṛtāḥ yairvyāptā pṛthivī kṛtsnā sūryasyeva marīcibhiḥ
These, then, are his five lineages, meritorious and honoured by the gods and seers, by whom the whole earth was pervaded, as it is by the rays of the sun.
AI translation rendered from the Sanskrit, not a published edition
LiP 67.27
धनी प्रजावान् आयुष्मान् कीर्तिमांश् च भवेन्नरः ययातिचरितं पुण्यं पठञ्छृण्वंश् च बुद्धिमान्
dhanī prajāvān āyuṣmān kīrtimāṃś ca bhavennaraḥ yayāticaritaṃ puṇyaṃ paṭhañchṛṇvaṃś ca buddhimān
A man becomes wealthy, blessed with offspring, long-lived and famous, and wise, by reciting and hearing the meritorious course of Yayāti's life;
AI translation rendered from the Sanskrit, not a published edition
LiP 67.28
सर्वपापविनिर्मुक्तः शिवलोके महीयते
sarvapāpavinirmuktaḥ śivaloke mahīyate
released from all sins, he is exalted in the world of Śiva.
AI translation rendered from the Sanskrit, not a published edition