Linga Purana — Chapter 66
LiP 66.1
त्रिधन्वा देवदेवस्य प्रसादात्तण्डिनस् तथा अश्वमेधसहस्रस्य फलं प्राप्य प्रयत्नतः
tridhanvā devadevasya prasādāttaṇḍinas tathā aśvamedhasahasrasya phalaṃ prāpya prayatnataḥ
Tridhanvan likewise, by the favour of the God of gods (obtained) through Taṇḍin, having diligently gained the fruit of a thousand horse-sacrifices,
AI translation rendered from the Sanskrit, not a published edition — the model flagged this verse as uncertain
LiP 66.2
गाणपत्यं दृढं प्राप्तः सर्वदेवनमस्कृतः आसीत्त्रिधन्वनश्चापि विद्वांस्त्रय्यारुणो नृपः
gāṇapatyaṃ dṛḍhaṃ prāptaḥ sarvadevanamaskṛtaḥ āsīttridhanvanaścāpi vidvāṃstrayyāruṇo nṛpaḥ
attained firm membership in the (Lord's) host and was saluted by all the gods; and Tridhanvan's son was the learned king Trayyāruṇa.
AI translation rendered from the Sanskrit, not a published edition
LiP 66.3
तस्य सत्यव्रतो नाम कुमारो ऽभून्महाबलः तेन भार्या विदर्भस्य हृता हत्वामितौजसम्
tasya satyavrato nāma kumāro 'bhūnmahābalaḥ tena bhāryā vidarbhasya hṛtā hatvāmitaujasam
He had a son named Satyavrata, of great strength; by him the wife of Vidarbha was carried off, after he had slain (her husband) of measureless might,
AI translation rendered from the Sanskrit, not a published edition
LiP 66.4
पाणिग्रहणमन्त्रेषु निष्ठाम् अप्रापितेष्विह तेनाधर्मेण संयुक्तं राजा त्रय्यारुणो ऽत्यजत्
pāṇigrahaṇamantreṣu niṣṭhām aprāpiteṣviha tenādharmeṇa saṃyuktaṃ rājā trayyāruṇo 'tyajat
While the marriage-mantras had not yet reached their conclusion, King Trayyāruṇa cast out (his son), who was bound to that unrighteous deed.
AI translation rendered from the Sanskrit, not a published edition
LiP 66.5
पितरं सो ऽब्रवीत् त्यक्तः क्व गच्छामीति वै द्विजाः पिता त्वेनमथोवाच श्वपाकैः सह वर्तय
pitaraṃ so 'bravīt tyaktaḥ kva gacchāmīti vai dvijāḥ pitā tvenamathovāca śvapākaiḥ saha vartaya
Cast out, he said to his father, "Where shall I go?", O twice-born ones; and the father then said to him, "Live together with the dog-cookers (śvapākas)."
AI translation rendered from the Sanskrit, not a published edition
LiP 66.6
इत्युक्तः स विचक्राम नगराद्वचनात् पितुः स तु सत्यव्रतो धीमाञ् छ्वपाकावसथान्तिके
ityuktaḥ sa vicakrāma nagarādvacanāt pituḥ sa tu satyavrato dhīmāñ chvapākāvasathāntike
So addressed, he departed from the city at his father's word; but that wise Satyavrata (dwelt) near the settlement of the dog-cookers.
AI translation rendered from the Sanskrit, not a published edition
LiP 66.7
पित्रा त्यक्तो ऽवसद्वीरः पिता चास्य वनं ययौ सर्वलोकेषु विख्यातस् त्रिशङ्कुरिति वीर्यवान्
pitrā tyakto 'vasadvīraḥ pitā cāsya vanaṃ yayau sarvalokeṣu vikhyātas triśaṅkuriti vīryavān
Abandoned by his father, the hero dwelt (there), and his father went to the forest; and the valorous one became renowned in all the worlds as Triśaṅku.
AI translation rendered from the Sanskrit, not a published edition
LiP 66.8
वसिष्ठकोपात्पुण्यात्मा राजा सत्यव्रतः पुरा विश्वामित्रो महातेजा वरं दत्त्वा त्रिशङ्कवे
vasiṣṭhakopātpuṇyātmā rājā satyavrataḥ purā viśvāmitro mahātejā varaṃ dattvā triśaṅkave
Formerly King Satyavrata, of meritorious soul, (became Triśaṅku) through Vasiṣṭha's anger; and Viśvāmitra of great splendour, having granted a boon to Triśaṅku,
AI translation rendered from the Sanskrit, not a published edition
LiP 66.9
राज्ये ऽभिषिच्य तं पित्र्ये याजयामास तं मुनिः मिषतां देवतानां च वसिष्ठस्य च कौशिकः
rājye 'bhiṣicya taṃ pitrye yājayāmāsa taṃ muniḥ miṣatāṃ devatānāṃ ca vasiṣṭhasya ca kauśikaḥ
—the Kauśika sage, having consecrated him in his father's kingdom, had him perform sacrifice, while the gods and Vasiṣṭha looked on.
AI translation rendered from the Sanskrit, not a published edition
LiP 66.10
सशरीरं तदा तं वै दिवमारोपयद्विभुः तस्य सत्यव्रता नाम भार्या कैकयवंशजा
saśarīraṃ tadā taṃ vai divamāropayadvibhuḥ tasya satyavratā nāma bhāryā kaikayavaṃśajā
Then the mighty one raised him up to heaven with his body; his wife, named Satyavratā, born of the Kaikaya line,
AI translation rendered from the Sanskrit, not a published edition
LiP 66.11
कुमारं जनयामास हरिश्चन्द्रमकल्मषम् हरिश्चन्द्रस्य च सुतो रोहितो नाम वीर्यवान्
kumāraṃ janayāmāsa hariścandramakalmaṣam hariścandrasya ca suto rohito nāma vīryavān
gave birth to a son, the stainless Hariścandra; and Hariścandra's son was the valorous one named Rohita.
AI translation rendered from the Sanskrit, not a published edition
LiP 66.12
हरितो रोहितस्याथ धुन्धुर्हारित उच्यते विजयश् च सुतेजाश् च धुन्धुपुत्रौ बभूवतुः
harito rohitasyātha dhundhurhārita ucyate vijayaś ca sutejāś ca dhundhuputrau babhūvatuḥ
Then Rohita's (son) was Harita; Dhundhu is called Hārita('s son); and Vijaya and Sutejas were the two sons of Dhundhu.
AI translation rendered from the Sanskrit, not a published edition
LiP 66.13
जेता क्षत्रस्य सर्वत्र विजयस्तेन स स्मृतः रुचकस्तस्य तनयो राजा परमधार्मिकः
jetā kṣatrasya sarvatra vijayastena sa smṛtaḥ rucakastasya tanayo rājā paramadhārmikaḥ
He was a conqueror of the kṣatra (warrior class) everywhere; for that reason he is remembered as Vijaya. His son was Rucaka, a most righteous king.
AI translation rendered from the Sanskrit, not a published edition
LiP 66.14
रुचकस्य वृकः पुत्रस् तस्माद्बाहुश् च जज्ञिवान् सगरस्तस्य पुत्रो ऽभूद् राजा परमधार्मिकः
rucakasya vṛkaḥ putras tasmādbāhuś ca jajñivān sagarastasya putro 'bhūd rājā paramadhārmikaḥ
Rucaka's son was Vṛka, and from him Bāhu was born; his son was Sagara, a most righteous king.
AI translation rendered from the Sanskrit, not a published edition
LiP 66.15
द्वे भार्ये सगरस्यापि प्रभा भानुमती तथा ताभ्यामाराधितः पूर्वम् और्वो ऽग्निः पुत्रकाम्यया
dve bhārye sagarasyāpi prabhā bhānumatī tathā tābhyāmārādhitaḥ pūrvam aurvo 'gniḥ putrakāmyayā
Sagara too had two wives, Prabhā and likewise Bhānumatī; by these two, formerly, the Aurva fire was propitiated out of desire for a son.
AI translation rendered from the Sanskrit, not a published edition
LiP 66.16
और्वस्तुष्टस्तयोः प्रादाद् यथेष्टं वरमुत्तमम् एका षष्टिसहस्राणि सुतमेकं परा तथा
aurvastuṣṭastayoḥ prādād yatheṣṭaṃ varamuttamam ekā ṣaṣṭisahasrāṇi sutamekaṃ parā tathā
Aurva, being pleased, granted the two of them an excellent boon as they wished: one (was to have) sixty thousand (sons), and the other likewise one son.
AI translation rendered from the Sanskrit, not a published edition
LiP 66.17
अगृह्णाद् वंशकर्तारं प्रभागृह्णात्सुतान्बहून् एकं भानुमतिः पुत्रम् अगृह्णाद् असमञ्जसम्
agṛhṇād vaṃśakartāraṃ prabhāgṛhṇātsutānbahūn ekaṃ bhānumatiḥ putram agṛhṇād asamañjasam
(One) chose the continuer of the line; Prabhā chose many sons; Bhānumatī chose a single son, Asamañjas.
AI translation rendered from the Sanskrit, not a published edition
LiP 66.18
ततः षष्टिसहस्राणि सुषुवे सा तु वै प्रभा खनन्तः पृथिवीं दग्धा विष्णुहुङ्कारमार्गणैः
tataḥ ṣaṣṭisahasrāṇi suṣuve sā tu vai prabhā khanantaḥ pṛthivīṃ dagdhā viṣṇuhuṅkāramārgaṇaiḥ
Then that Prabhā bore sixty thousand (sons); digging into the earth, they were burnt by the arrows of Viṣṇu's roar.
AI translation rendered from the Sanskrit, not a published edition — the model flagged this verse as uncertain
LiP 66.19
असमञ्जस्य तनयः सो ऽंशुमान्नाम विश्रुतः तस्य पुत्रो दिलीपस्तु दिलीपात्तु भगीरथः
asamañjasya tanayaḥ so 'ṃśumānnāma viśrutaḥ tasya putro dilīpastu dilīpāttu bhagīrathaḥ
Asamañjas's son was the one famed by the name Aṃśumān; his son was Dilīpa, and from Dilīpa (came) Bhagīratha.
AI translation rendered from the Sanskrit, not a published edition
LiP 66.20
येन भागीरथी गङ्गा तपः कृत्वावतारिता भगीरथसुतश्चापि श्रुतो नाम बभूव ह
yena bhāgīrathī gaṅgā tapaḥ kṛtvāvatāritā bhagīrathasutaścāpi śruto nāma babhūva ha
By him, having performed austerities, the Ganges Bhāgīrathī was brought down; and Bhagīratha's son was the one known by the name Śruta.
AI translation rendered from the Sanskrit, not a published edition
LiP 66.21
नाभागस्तस्य दायादो भवभक्तः प्रतापवान् अंबरीषः सुतस्तस्य सिन्धुद्वीपस् ततो ऽभवत्
nābhāgastasya dāyādo bhavabhaktaḥ pratāpavān aṃbarīṣaḥ sutastasya sindhudvīpas tato 'bhavat
His heir was Nābhāga, a devotee of Bhava (Śiva), full of majesty; his son was Ambarīṣa, and from him came Sindhudvīpa.
AI translation rendered from the Sanskrit, not a published edition
LiP 66.22
नाभागेनांबरीषेण भुजाभ्यां परिपालिता बभूव वसुधात्यर्थं तापत्रयविवर्जिता
nābhāgenāṃbarīṣeṇa bhujābhyāṃ paripālitā babhūva vasudhātyarthaṃ tāpatrayavivarjitā
Protected by the arms of Nābhāga and Ambarīṣa, the earth became exceedingly free from the three afflictions.
AI translation rendered from the Sanskrit, not a published edition
LiP 66.23
अयुतायुः सुतस्तस्य सिन्धुद्वीपस्य वीर्यवान् पुत्रो ऽयुतायुषो धीमान् ऋतुपर्णो महायशाः
ayutāyuḥ sutastasya sindhudvīpasya vīryavān putro 'yutāyuṣo dhīmān ṛtuparṇo mahāyaśāḥ
That Sindhudvīpa's son was the valorous Ayutāyus; the son of Ayutāyus was the wise Ṛtuparṇa of great fame.
AI translation rendered from the Sanskrit, not a published edition
LiP 66.24
दिव्याक्षहृदयज्ञो वै राजा नलसखो बली नलौ द्वावेव विख्यातौ पुराणेषु दृढव्रतौ
divyākṣahṛdayajño vai rājā nalasakho balī nalau dvāveva vikhyātau purāṇeṣu dṛḍhavratau
(He was) a king who knew the divine secret of the dice, a friend of Nala, and mighty. Two Nalas indeed are renowned in the Purāṇas, both firm in their vows.
AI translation rendered from the Sanskrit, not a published edition
LiP 66.25
वीरसेनसुतश्चान्यो यश्चेक्ष्वाकुकुलोद्भवः ऋतुपर्णस्य पुत्रो ऽभूत् सार्वभौमः प्रजेश्वरः
vīrasenasutaścānyo yaścekṣvākukulodbhavaḥ ṛtuparṇasya putro 'bhūt sārvabhaumaḥ prajeśvaraḥ
One was the son of Vīrasena, and the other was he who sprang from the Ikṣvāku line: he was the son of Ṛtuparṇa, a universal sovereign, a lord of the people.
AI translation rendered from the Sanskrit, not a published edition
LiP 66.26
सुदासस्तस्य तनयो राजा त्विन्द्रसमो ऽभवत् सुदासस्य सुतः प्रोक्तः सौदासो नाम पार्थिवः
sudāsastasya tanayo rājā tvindrasamo 'bhavat sudāsasya sutaḥ proktaḥ saudāso nāma pārthivaḥ
His son was Sudāsa, a king equal to Indra; the son of Sudāsa is declared to be the king named Saudāsa.
AI translation rendered from the Sanskrit, not a published edition
LiP 66.27
ख्यातः कल्माषपादो वै नाम्ना मित्रसहश् च सः वसिष्ठस्तु महातेजाः क्षेत्रे कल्माषपादके
khyātaḥ kalmāṣapādo vai nāmnā mitrasahaś ca saḥ vasiṣṭhastu mahātejāḥ kṣetre kalmāṣapādake
He was known as Kalmāṣapāda, and by (another) name Mitrasaha. But Vasiṣṭha of great splendour, in the field (wife) of Kalmāṣapāda,
AI translation rendered from the Sanskrit, not a published edition
LiP 66.28
अश्मकं जनयामास इक्ष्वाकुकुलवर्धनम् अश्मकस्योत्तरायां तु मूलकस्तु सुतो ऽभवत्
aśmakaṃ janayāmāsa ikṣvākukulavardhanam aśmakasyottarāyāṃ tu mūlakastu suto 'bhavat
begot Aśmaka, the increaser of the Ikṣvāku line; and of Aśmaka, by Uttarā, the son Mūlaka was born.
AI translation rendered from the Sanskrit, not a published edition
LiP 66.29
स हि रामभयाद्राजा स्त्रीभिः परिवृतो वने बिभर्ति त्राणमिच्छन्वै नारीकवचमुत्तमम्
sa hi rāmabhayādrājā strībhiḥ parivṛto vane bibharti trāṇamicchanvai nārīkavacamuttamam
For that king, out of fear of Rāma, surrounded by women in the forest, wears—seeking protection—an excellent armour of women.
AI translation rendered from the Sanskrit, not a published edition
LiP 66.30
मूलकस्यापि धर्मात्मा राजा शतरथः सुतः तस्माच्छतरथाज्जज्ञे राजा त्विलविलो बली
mūlakasyāpi dharmātmā rājā śatarathaḥ sutaḥ tasmācchatarathājjajñe rājā tvilavilo balī
Mūlaka too had a righteous son, King Śataratha; and from that Śataratha was born the mighty king Ilavila.
AI translation rendered from the Sanskrit, not a published edition
LiP 66.31
आसीत् त्वैलविलिः श्रीमान् वृद्धशर्मा प्रतापवान् पुत्रो विश्वसहस्तस्य पितृकन्या व्यजीजनत्
āsīt tvailaviliḥ śrīmān vṛddhaśarmā pratāpavān putro viśvasahastasya pitṛkanyā vyajījanat
The son of Ilavila was the illustrious and majestic Vṛddhaśarman; his son was Viśvasaha, whom a daughter of the Pitṛs bore.
AI translation rendered from the Sanskrit, not a published edition
LiP 66.32
दिलीपस्तस्य पुत्रो ऽभूत् खट्वाङ्ग इति विश्रुतः येन स्वर्गाद् इहागत्य मुहूर्तं प्राप्य जीवितम्
dilīpastasya putro 'bhūt khaṭvāṅga iti viśrutaḥ yena svargād ihāgatya muhūrtaṃ prāpya jīvitam
His son was Dilīpa, widely known as Khaṭvāṅga, by whom, having come here from heaven and obtained (only) a moment's life,
AI translation rendered from the Sanskrit, not a published edition
LiP 66.33
त्रयो ऽग्नयस्त्रयो लोका बुद्ध्या सत्येन वै जिताः दीर्घबाहुः सुतस्तस्य रघुस्तस्मादजायत
trayo 'gnayastrayo lokā buddhyā satyena vai jitāḥ dīrghabāhuḥ sutastasya raghustasmādajāyata
the three fires and the three worlds were won by wisdom and by truth. His son was Dīrghabāhu, and from him was born Raghu.
AI translation rendered from the Sanskrit, not a published edition
LiP 66.34
अजः पुत्रो रघोश्चापि तस्माज्जज्ञे च वीर्यवान् राजा दशरथस्तस्माच् छ्रीमानिक्ष्वाकुवंशकृत्
ajaḥ putro raghoścāpi tasmājjajñe ca vīryavān rājā daśarathastasmāc chrīmānikṣvākuvaṃśakṛt
Aja was the son of Raghu, and from him was born the valorous king Daśaratha, the illustrious perpetuator of the Ikṣvāku line.
AI translation rendered from the Sanskrit, not a published edition
LiP 66.35
रामो दशरथाद्वीरो धर्मज्ञो लोकविश्रुतः भरतो लक्ष्मणश्चैव शत्रुघ्नश् च महाबलः
rāmo daśarathādvīro dharmajño lokaviśrutaḥ bharato lakṣmaṇaścaiva śatrughnaś ca mahābalaḥ
From Daśaratha (were born) the hero Rāma, knower of dharma, renowned in the world, and Bharata and Lakṣmaṇa, and Śatrughna of great strength.
AI translation rendered from the Sanskrit, not a published edition
LiP 66.36
तेषां श्रेष्ठो महातेजा रामः परमवीर्यवान् रावणं समरे हत्वा यज्ञैरिष्ट्वा च धर्मवित्
teṣāṃ śreṣṭho mahātejā rāmaḥ paramavīryavān rāvaṇaṃ samare hatvā yajñairiṣṭvā ca dharmavit
The best of them, of great splendour, was Rāma of supreme valour, who, having slain Rāvaṇa in battle and having sacrificed with sacrifices, knowing dharma,
AI translation rendered from the Sanskrit, not a published edition
LiP 66.37
दशवर्षसहस्राणि रामो राज्यं चकार सः रामस्य तनयो जज्ञे कुश इत्यभिविश्रुतः
daśavarṣasahasrāṇi rāmo rājyaṃ cakāra saḥ rāmasya tanayo jajñe kuśa ityabhiviśrutaḥ
ruled the kingdom for ten thousand years. To Rāma was born a son widely known as Kuśa,
AI translation rendered from the Sanskrit, not a published edition
LiP 66.38
लवश् च सुमहाभागः सत्यवान् अभवत् सुधीः अतिथिस्तु कुशाज्जज्ञे निषधस्तस्य चात्मजः
lavaś ca sumahābhāgaḥ satyavān abhavat sudhīḥ atithistu kuśājjajñe niṣadhastasya cātmajaḥ
and Lava, greatly fortunate, truthful and of good understanding. From Kuśa was born Atithi, and his son was Niṣadha.
AI translation rendered from the Sanskrit, not a published edition
LiP 66.39
नलस्तु निषधाज्जातो नभस्तस्मादजायत नभसः पुण्डरीकाख्यः क्षेमधन्वा ततः स्मृतः
nalastu niṣadhājjāto nabhastasmādajāyata nabhasaḥ puṇḍarīkākhyaḥ kṣemadhanvā tataḥ smṛtaḥ
From Niṣadha was born Nala, and from him was born Nabhas; from Nabhas (came) the one called Puṇḍarīka, and after him Kṣemadhanvan is recorded.
AI translation rendered from the Sanskrit, not a published edition
LiP 66.40
तस्य पुत्रो ऽभवद् वीरो देवानीकः प्रतापवान् अहीनरः सुतस् तस्य सहस्राश्वस्ततः परः
tasya putro 'bhavad vīro devānīkaḥ pratāpavān ahīnaraḥ sutas tasya sahasrāśvastataḥ paraḥ
His son was the majestic hero Devānīka; his son was Ahīnara, and after him Sahasrāśva.
AI translation rendered from the Sanskrit, not a published edition
LiP 66.41
शुभश्चन्द्रावलोकश् च तारापीडस्ततो ऽभवत् तस्यात्मजश्चन्द्रगिरिर् भानुचन्द्रस् ततो ऽभवत्
śubhaścandrāvalokaś ca tārāpīḍastato 'bhavat tasyātmajaścandragirir bhānucandras tato 'bhavat
(Then) Śubha and Candrāvaloka, and after him came Tārāpīḍa; his son was Candragiri, and after him came Bhānucandra.
AI translation rendered from the Sanskrit, not a published edition
LiP 66.42
श्रुतायुरभवत्तस्माद् बृहद्बल इति स्मृतः भारते यो महातेजाः सौभद्रेण निपातितः
śrutāyurabhavattasmād bṛhadbala iti smṛtaḥ bhārate yo mahātejāḥ saubhadreṇa nipātitaḥ
From him was born Śrutāyus, (and after him) the one recorded as Bṛhadbala, who, of great splendour, was struck down in the Bhārata (war) by the son of Subhadrā.
AI translation rendered from the Sanskrit, not a published edition
LiP 66.43
एते इक्ष्वाकुदायादा राजानः प्रायशः स्मृताः वंशे प्रधाना एतस्मिन् प्राधान्येन प्रकीर्तिताः
ete ikṣvākudāyādā rājānaḥ prāyaśaḥ smṛtāḥ vaṃśe pradhānā etasmin prādhānyena prakīrtitāḥ
These kings, heirs of Ikṣvāku, have been recorded for the most part; the foremost ones in this lineage have been proclaimed according to their eminence.
AI translation rendered from the Sanskrit, not a published edition
LiP 66.44
सर्वे पाशुपते ज्ञानम् अधीत्य परमेश्वरम् समभ्यर्च्य यथाज्ञानम् इष्ट्वा यज्ञैर्यथाविधि
sarve pāśupate jñānam adhītya parameśvaram samabhyarcya yathājñānam iṣṭvā yajñairyathāvidhi
All of them, having studied the Pāśupata knowledge and duly worshipped the Supreme Lord according to their knowledge, and having sacrificed with sacrifices as prescribed,
AI translation rendered from the Sanskrit, not a published edition
LiP 66.45
दिवं गता महात्मानः केचिन्मुक्तात्मयोगिनः नृगो ब्राह्मणशापेन कृकलासत्वम् आगतः
divaṃ gatā mahātmānaḥ kecinmuktātmayoginaḥ nṛgo brāhmaṇaśāpena kṛkalāsatvam āgataḥ
those great-souled ones went to heaven; some were yogins whose selves were liberated. Nṛga, by a brahmin's curse, came to the state of a lizard.
AI translation rendered from the Sanskrit, not a published edition
LiP 66.46
धृष्टश् च धृष्टकेतुश् च यमबालश् च वीर्यवान् रणधृष्टश् च ते पुत्रास् त्रयः परमधार्मिकाः
dhṛṣṭaś ca dhṛṣṭaketuś ca yamabālaś ca vīryavān raṇadhṛṣṭaś ca te putrās trayaḥ paramadhārmikāḥ
Dhṛṣṭa, Dhṛṣṭaketu, and the valiant Yamabāla, and Raṇadhṛṣṭa — those (were his) sons, three exceedingly righteous ones.
AI translation rendered from the Sanskrit, not a published edition — the model flagged this verse as uncertain
LiP 66.47
आनर्तो नाम शर्यातेः सुकन्या नाम दारिका आनर्तस्याभवत् पुत्रो रोचमानः प्रतापवान्
ānarto nāma śaryāteḥ sukanyā nāma dārikā ānartasyābhavat putro rocamānaḥ pratāpavān
Śaryāti had (a son) named Ānarta and a daughter named Sukanyā; Ānarta's son was the majestic Rocamāna.
AI translation rendered from the Sanskrit, not a published edition
LiP 66.48
रोचमानस्य रेवो ऽभूद् रेवाद् रैवत एव च ककुद्मी चापरो ज्येष्ठपुत्रः पुत्रशतस्य तु
rocamānasya revo 'bhūd revād raivata eva ca kakudmī cāparo jyeṣṭhaputraḥ putraśatasya tu
Rocamāna's (son) was Reva, and from Reva came Raivata; and another, Kakudmī, was the eldest son of the hundred sons.
AI translation rendered from the Sanskrit, not a published edition
LiP 66.49
रेवती यस्य सा कन्या पत्नी रामस्य विश्रुता नरिष्यन्तस्य पुत्रो ऽभूज् जितात्मा तु महाबली
revatī yasya sā kanyā patnī rāmasya viśrutā nariṣyantasya putro 'bhūj jitātmā tu mahābalī
His daughter was that Revatī, renowned as the wife of Rāma. Nariṣyanta's son was the self-controlled and very strong (one).
AI translation rendered from the Sanskrit, not a published edition
LiP 66.50
नाभागादंबरीषस्तु विष्णुभक्तः प्रतापवान् ऋतस्तस्य सुतः श्रीमान् सर्वधर्मविदांवरः
nābhāgādaṃbarīṣastu viṣṇubhaktaḥ pratāpavān ṛtastasya sutaḥ śrīmān sarvadharmavidāṃvaraḥ
From Nābhāga (came) Ambarīṣa, a devotee of Viṣṇu, majestic; his son was the illustrious Ṛta, the foremost of all who know dharma.
AI translation rendered from the Sanskrit, not a published edition
LiP 66.51
कृतस्तस्य सुधर्माभूत् पृषितो नाम विश्रुतः करूषस्य तु कारूषाः सर्वे प्रख्यातकीर्तयः
kṛtastasya sudharmābhūt pṛṣito nāma viśrutaḥ karūṣasya tu kārūṣāḥ sarve prakhyātakīrtayaḥ
His (son) Kṛta was righteous; (his son was) the one renowned by the name Pṛṣita. But of Karūṣa (came) the Kārūṣas, all of famed renown.
AI translation rendered from the Sanskrit, not a published edition — the model flagged this verse as uncertain
LiP 66.52
पृषितो हिंसयित्वा गां गुरोः प्राप सुकल्मषम् शापाच्छूद्रत्वम् आपन्नश् च्यवनस्येति विश्रुतः
pṛṣito hiṃsayitvā gāṃ guroḥ prāpa sukalmaṣam śāpācchūdratvam āpannaś cyavanasyeti viśrutaḥ
Pṛṣita, having caused the killing of his teacher's cow, incurred great sin; by the curse he fell into the condition of a śūdra — thus it is known, (the curse) of Cyavana.
AI translation rendered from the Sanskrit, not a published edition — the model flagged this verse as uncertain
LiP 66.53
दिष्टपुत्रस्तु नाभागस् तस्मादपि भलन्दनः भलन्दनस्य विक्रान्तो राजासीद् अजवाहनः
diṣṭaputrastu nābhāgas tasmādapi bhalandanaḥ bhalandanasya vikrānto rājāsīd ajavāhanaḥ
Diṣṭa's son was Nābhāga, and from him too (came) Bhalandana; Bhalandana's (son) was the valorous king Ajavāhana.
AI translation rendered from the Sanskrit, not a published edition
LiP 66.54
एते समासतः प्रोक्ता मनुपुत्रा महाभुजाः इक्ष्वाकोः पुत्रपौत्राद्या एलस्याथ वदामि वः
ete samāsataḥ proktā manuputrā mahābhujāḥ ikṣvākoḥ putrapautrādyā elasyātha vadāmi vaḥ
These mighty-armed sons of Manu have been declared in brief, the sons and grandsons and the rest of Ikṣvāku; now I shall tell you of Ila('s line).
AI translation rendered from the Sanskrit, not a published edition
LiP 66.55
ऐलः पुरूरवा नाम रुद्रभक्तः प्रतापवान् चक्रे त्वकण्टकं राज्यं देशे पुण्यतमे द्विजाः
ailaḥ purūravā nāma rudrabhaktaḥ pratāpavān cakre tvakaṇṭakaṃ rājyaṃ deśe puṇyatame dvijāḥ
Aila, named Purūravas, a devotee of Rudra, majestic, made his kingdom free of thorns in a most holy region, O twice-born ones.
AI translation rendered from the Sanskrit, not a published edition
LiP 66.56
उत्तरे यमुनातीरे प्रयागे मुनिसेविते प्रतिष्ठानाधिपः श्रीमान् प्रतिष्ठाने प्रतिष्ठितः
uttare yamunātīre prayāge munisevite pratiṣṭhānādhipaḥ śrīmān pratiṣṭhāne pratiṣṭhitaḥ
On the northern bank of the Yamunā, at Prayāga frequented by sages, the illustrious lord of Pratiṣṭhāna was established in Pratiṣṭhāna.
AI translation rendered from the Sanskrit, not a published edition
LiP 66.57
तस्य पुत्राः सप्त भवन् सर्वे वितततेजसः गन्धर्वलोकविदिता भवभक्ता महाबलाः
tasya putrāḥ sapta bhavan sarve vitatatejasaḥ gandharvalokaviditā bhavabhaktā mahābalāḥ
He had seven sons, all of far-extending splendour, known in the world of the gandharvas, devotees of Bhava, of great strength.
AI translation rendered from the Sanskrit, not a published edition
LiP 66.58
आयुर् मायुर् अमायुश् च विश्वायुश्चैव वीर्यवान् श्रुतायुश् च शतायुश् च दिव्याश्चैवोर्वशीसुताः
āyur māyur amāyuś ca viśvāyuścaiva vīryavān śrutāyuś ca śatāyuś ca divyāścaivorvaśīsutāḥ
Āyu, Māyu, Amāyu, and the valiant Viśvāyu, and Śrutāyu and Śatāyu — divine, and sons of Urvaśī.
AI translation rendered from the Sanskrit, not a published edition
LiP 66.59
आयुषस्तनया वीराः पञ्चैवासन्महौजसः स्वर्भानुतनयायां ते प्रभायां जज्ञिरे नृपाः
āyuṣastanayā vīrāḥ pañcaivāsanmahaujasaḥ svarbhānutanayāyāṃ te prabhāyāṃ jajñire nṛpāḥ
Āyu's sons were five heroes of great vigour; those kings were born of Prabhā, the daughter of Svarbhānu.
AI translation rendered from the Sanskrit, not a published edition
LiP 66.60
नहुषः प्रथमस्तेषां धर्मज्ञो लोकविश्रुतः नहुषस्य तु दायादाः षडिन्द्रोपमतेजसः
nahuṣaḥ prathamasteṣāṃ dharmajño lokaviśrutaḥ nahuṣasya tu dāyādāḥ ṣaḍindropamatejasaḥ
The first of them was Nahuṣa, knower of dharma, renowned in the world. Nahuṣa's heirs were six, of splendour like Indra's,
AI translation rendered from the Sanskrit, not a published edition
LiP 66.61
उत्पन्नाः पितृकन्यायां विरजायां महौजसः यतिर्ययातिः संयातिर् आयातिः पञ्चमो ऽन्धकः
utpannāḥ pitṛkanyāyāṃ virajāyāṃ mahaujasaḥ yatiryayātiḥ saṃyātir āyātiḥ pañcamo 'ndhakaḥ
born of Virajā, a daughter of the ancestors, (and) of great vigour: Yati, Yayāti, Saṃyāti, Āyāti, the fifth Andhaka,
AI translation rendered from the Sanskrit, not a published edition
LiP 66.62
विजातिश्चेति षडिमे सर्वे प्रख्यातकीर्तयः यतिर्ज्येष्ठश् च तेषां वै ययातिस्तु ततो ऽवरः
vijātiśceti ṣaḍime sarve prakhyātakīrtayaḥ yatirjyeṣṭhaś ca teṣāṃ vai yayātistu tato 'varaḥ
and Vijāti — these six, all of famed renown. Yati was the eldest of them, and Yayāti was younger than him.
AI translation rendered from the Sanskrit, not a published edition
LiP 66.63
ज्येष्ठस्तु यतिर्मोक्षार्थो ब्रह्मभूतो ऽभवत्प्रभुः तेषां ययातिः पञ्चानां महाबलपराक्रमः
jyeṣṭhastu yatirmokṣārtho brahmabhūto 'bhavatprabhuḥ teṣāṃ yayātiḥ pañcānāṃ mahābalaparākramaḥ
But the eldest, Yati, aiming at liberation, became lord, having become Brahman. Of those five, Yayāti was of great strength and prowess.
AI translation rendered from the Sanskrit, not a published edition
LiP 66.64
देवयानीमुशनसः सुतां भार्यामवाप सः शर्मिष्ठामासुरीं चैव तनयां वृषपर्वणः
devayānīmuśanasaḥ sutāṃ bhāryāmavāpa saḥ śarmiṣṭhāmāsurīṃ caiva tanayāṃ vṛṣaparvaṇaḥ
He took as wife Devayānī, the daughter of Uśanas, and also Śarmiṣṭhā, the Asura woman, the daughter of Vṛṣaparvan.
AI translation rendered from the Sanskrit, not a published edition
LiP 66.65
यदुं च तुर्वसुं चैव देवयानी व्यजायत तावुभौ शुभकर्माणौ स्तुतौ विद्याविशारदौ
yaduṃ ca turvasuṃ caiva devayānī vyajāyata tāvubhau śubhakarmāṇau stutau vidyāviśāradau
And Devayānī bore Yadu and Turvasu; both of them were of auspicious deeds, praised, and skilled in knowledge.
AI translation rendered from the Sanskrit, not a published edition
LiP 66.66
द्रुह्यं चानुं च पूरुं च शर्मिष्ठा वार्षपर्वणी ययातये रथं तस्मै ददौ शुक्रः प्रतापवान्
druhyaṃ cānuṃ ca pūruṃ ca śarmiṣṭhā vārṣaparvaṇī yayātaye rathaṃ tasmai dadau śukraḥ pratāpavān
And Śarmiṣṭhā, Vṛṣaparvan's daughter, (bore) Druhyu, Anu and Pūru; and to that Yayāti the majestic Śukra gave a chariot.
AI translation rendered from the Sanskrit, not a published edition
LiP 66.67
तोषितस्तेन विप्रेन्द्रः प्रीतः परमभास्वरम् सुसंगं काञ्चनं दिव्यम् अक्षये च महेषुधी
toṣitastena viprendraḥ prītaḥ paramabhāsvaram susaṃgaṃ kāñcanaṃ divyam akṣaye ca maheṣudhī
That lord of brahmins, gratified and pleased by him, (gave him a chariot) supremely radiant, well-fitted, golden, divine, and two great inexhaustible quivers.
AI translation rendered from the Sanskrit, not a published edition — the model flagged this verse as uncertain
LiP 66.68
युक्तं मनोजवैर् अश्वैर् येन कन्यां समुद्वहन् स तेन रथमुख्येन षण्मासेनाजयन्महीम्
yuktaṃ manojavair aśvair yena kanyāṃ samudvahan sa tena rathamukhyena ṣaṇmāsenājayanmahīm
(It was) yoked with horses swift as thought, with which he carried off the maiden; with that foremost of chariots he conquered the earth in six months.
AI translation rendered from the Sanskrit, not a published edition
LiP 66.69
ययातिर्युधि दुर्धर्षो देवदानवमानुषैः भवभक्तस्तु पुण्यात्मा धर्मनिष्ठः समञ्जसः
yayātiryudhi durdharṣo devadānavamānuṣaiḥ bhavabhaktastu puṇyātmā dharmaniṣṭhaḥ samañjasaḥ
Yayāti was hard to assail in battle by gods, Dānavas and men; he was devoted to Bhava, of meritorious soul, steadfast in dharma, upright.
AI translation rendered from the Sanskrit, not a published edition
LiP 66.70
यज्ञयाजी जितक्रोधः सर्वभूतानुकम्पनः कौरवाणां च सर्वेषां स भवद्रथ उत्तमः
yajñayājī jitakrodhaḥ sarvabhūtānukampanaḥ kauravāṇāṃ ca sarveṣāṃ sa bhavadratha uttamaḥ
A performer of sacrifices, master of his anger, compassionate to all beings — and of all the Kauravas that excellent chariot was Bhava's gift.
AI translation rendered from the Sanskrit, not a published edition — the model flagged this verse as uncertain
LiP 66.71
यावन्नरेन्द्रप्रवरः कौरवो जनमेजयः पूरोर्वंशस्य राज्ञस्तु राज्ञः पारिक्षितस्य तु
yāvannarendrapravaraḥ kauravo janamejayaḥ pūrorvaṃśasya rājñastu rājñaḥ pārikṣitasya tu
So long as (there was) the Kaurava Janamejaya, foremost of kings, of the lineage of Pūru, the king who was the son of Parikṣit —
AI translation rendered from the Sanskrit, not a published edition — the model flagged this verse as uncertain
LiP 66.72
जगाम स रथो नाशं शापाद्गर्गस्य धीमतः गर्गस्य हि सुतं बालं स राजा जनमेजयः
jagāma sa ratho nāśaṃ śāpādgargasya dhīmataḥ gargasya hi sutaṃ bālaṃ sa rājā janamejayaḥ
that chariot went to destruction through the curse of the wise Garga; for that king Janamejaya (had killed) Garga's young son,
AI translation rendered from the Sanskrit, not a published edition
LiP 66.73
अक्रूरं हिंसयामास ब्रह्महत्यामवाप सः स लोहगन्धी राजर्षिः परिधावन्नितस्ततः
akrūraṃ hiṃsayāmāsa brahmahatyāmavāpa saḥ sa lohagandhī rājarṣiḥ paridhāvannitastataḥ
He had the harmless (boy) slain, and thereby incurred the guilt of brahmin-murder; that royal seer, smelling of iron, ran about here and there.
AI translation rendered from the Sanskrit, not a published edition
LiP 66.74
पौरजानपदैस्त्यक्तो न लेभे शर्म कर्हिचित् ततः स दुःखसंतप्तो न लेभे संविदं क्वचित्
paurajānapadaistyakto na lebhe śarma karhicit tataḥ sa duḥkhasaṃtapto na lebhe saṃvidaṃ kvacit
Abandoned by the townsfolk and country people, he found no refuge anywhere; then, tormented by grief, he found no counsel anywhere.
AI translation rendered from the Sanskrit, not a published edition
LiP 66.75
जगाम शौनकमृषिं शरण्यं व्यथितस्तदा इन्द्रेतिर् नाम विख्यातो यो ऽसौ मुनिरुदारधीः
jagāma śaunakamṛṣiṃ śaraṇyaṃ vyathitastadā indretir nāma vikhyāto yo 'sau munirudāradhīḥ
Then, distressed, he went to the seer Śaunaka, a giver of refuge — he who is the renowned sage of noble mind named Indreti.
AI translation rendered from the Sanskrit, not a published edition
LiP 66.76
याजयामास चेन्द्रेतिस् तं नृपं जनमेजयम् अश्वमेधेन राजानं पावनार्थं द्विजोत्तमाः
yājayāmāsa cendretis taṃ nṛpaṃ janamejayam aśvamedhena rājānaṃ pāvanārthaṃ dvijottamāḥ
And Indreti had that king Janamejaya perform a sacrifice — the horse sacrifice, for the king's purification, O best of twice-born ones.
AI translation rendered from the Sanskrit, not a published edition
LiP 66.77
स लोहगन्धान्निर्मुक्त एनसा च महायशाः यज्ञस्यावभृथे मध्ये यातो दिव्यो रथः शुभः
sa lohagandhānnirmukta enasā ca mahāyaśāḥ yajñasyāvabhṛthe madhye yāto divyo rathaḥ śubhaḥ
Released from the smell of iron and from his sin, that greatly renowned one — in the midst of the concluding ablution of the sacrifice the auspicious divine chariot went (to him).
AI translation rendered from the Sanskrit, not a published edition
LiP 66.78
तस्माद्वंशात्परिभ्रष्टो वसोश्चेदिपतेः पुनः दत्तः शक्रेण तुष्टेन लेभे तस्माद् बृहद्रथः
tasmādvaṃśātparibhraṣṭo vasoścedipateḥ punaḥ dattaḥ śakreṇa tuṣṭena lebhe tasmād bṛhadrathaḥ
Fallen away from that lineage, it was given again by the gratified Śakra to Vasu, lord of Cedi; from him Bṛhadratha obtained it.
AI translation rendered from the Sanskrit, not a published edition
LiP 66.79
ततो हत्वा जरासंधं भीमस्तं रथमुत्तमम् प्रददौ वासुदेवाय प्रीत्या कौरवनन्दनः
tato hatvā jarāsaṃdhaṃ bhīmastaṃ rathamuttamam pradadau vāsudevāya prītyā kauravanandanaḥ
Then, having killed Jarāsandha, Bhīma, the delight of the Kauravas, gave that excellent chariot with affection to Vāsudeva.
AI translation rendered from the Sanskrit, not a published edition
LiP 66.80
अभ्यषिञ्चत्पुरुं पुत्रं ययातिर्नाहुषः प्रभुः कृतोपकारस्तेनैव पुरुणा द्विजसत्तमाः
abhyaṣiñcatpuruṃ putraṃ yayātirnāhuṣaḥ prabhuḥ kṛtopakārastenaiva puruṇā dvijasattamāḥ
Yayāti, son of Nahuṣa, the lord, consecrated his son Pūru, having been done a service by that very Pūru, O best of the twice-born.
AI translation rendered from the Sanskrit, not a published edition
LiP 66.81
अभिषेक्तुकामं च नृपं पुरुं पुत्रं कनीयसम् ब्राह्मणप्रमुखा वर्णा इदं वचनमब्रुवन्
abhiṣektukāmaṃ ca nṛpaṃ puruṃ putraṃ kanīyasam brāhmaṇapramukhā varṇā idaṃ vacanamabruvan
And to the king who wished to consecrate his younger son Pūru, the classes, with the brahmins at their head, spoke these words:
AI translation rendered from the Sanskrit, not a published edition
LiP 66.82
कथं शुक्रस्य नप्तारं देवयान्याः सुतं प्रभो ज्येष्ठं यदुमतिक्रम्य कनीयान्राज्यमर्हति
kathaṃ śukrasya naptāraṃ devayānyāḥ sutaṃ prabho jyeṣṭhaṃ yadumatikramya kanīyānrājyamarhati
"How, O lord, passing over the eldest, Yadu — the grandson of Śukra, the son of Devayānī — does the younger deserve the kingdom?
AI translation rendered from the Sanskrit, not a published edition
LiP 66.83
एते संबोधयामस्त्वां धर्मं च अनुपालय
ete saṃbodhayāmastvāṃ dharmaṃ ca anupālaya
We here are instructing you; observe dharma also."
AI translation rendered from the Sanskrit, not a published edition — the model flagged this verse as uncertain