Linga Purana — Chapter 63
LiP 63.1
देवानां दानवानां च गन्धर्वोरगरक्षसाम् उत्पत्तिं ब्रूहि सूताद्य यथाक्रममनुत्तमम्
devānāṃ dānavānāṃ ca gandharvoragarakṣasām utpattiṃ brūhi sūtādya yathākramamanuttamam
"Tell (us), Sūta, now, the origin of the gods and the dānavas, of the gandharvas, serpents and rākṣasas, in order, most excellently."
AI translation rendered from the Sanskrit, not a published edition
LiP 63.2
संकल्पाद्दर्शनात्स्पर्शात् पूर्वेषां सृष्टिरुच्यते दक्षात्प्राचेतसादूर्ध्वं सृष्टिर्मैथुनसंभवा
saṃkalpāddarśanātsparśāt pūrveṣāṃ sṛṣṭirucyate dakṣātprācetasādūrdhvaṃ sṛṣṭirmaithunasaṃbhavā
The creation of the earlier ones is said (to have come about) from will, from sight, from touch; from Dakṣa Prācetasa onward the creation arises from sexual union.
AI translation rendered from the Sanskrit, not a published edition
LiP 63.3
यदा तु सृजतस्तस्य देवर्षिगणपन्नगान् न वृद्धिमगमल्लोकस् तदा मैथुनयोगतः
yadā tu sṛjatastasya devarṣigaṇapannagān na vṛddhimagamallokas tadā maithunayogataḥ
But when, as he was creating the gods, sages, hosts and serpents, the world did not increase, then by the method of sexual union—
AI translation rendered from the Sanskrit, not a published edition
LiP 63.4
दक्षः पुत्रसहस्राणि पञ्च सूत्यामजीजनत् तांस्तु दृष्ट्वा महाभागान् सिसृक्षुर्विविधाः प्रजाः
dakṣaḥ putrasahasrāṇi pañca sūtyāmajījanat tāṃstu dṛṣṭvā mahābhāgān sisṛkṣurvividhāḥ prajāḥ
Dakṣa begot five thousand sons in Sūtī (his wife); and seeing them, greatly fortunate, (he) desired to create manifold creatures.
AI translation rendered from the Sanskrit, not a published edition
LiP 63.5
नारदः प्राह हर्यश्वान् दक्षपुत्रान् समागतान् भुवः प्रमाणं सर्वं तु ज्ञात्वोर्ध्वमध एव च
nāradaḥ prāha haryaśvān dakṣaputrān samāgatān bhuvaḥ pramāṇaṃ sarvaṃ tu jñātvordhvamadha eva ca
Nārada said to the Haryaśvas, Dakṣa's sons, who had assembled: "Only when you have learned the whole measure of the earth, above and below,
AI translation rendered from the Sanskrit, not a published edition
LiP 63.6
ततः सृष्टिं विशेषेण कुरुध्वं मुनिसत्तमाः ते तु तद्वचनं श्रुत्वा प्रयाताः सर्वतोदिशम्
tataḥ sṛṣṭiṃ viśeṣeṇa kurudhvaṃ munisattamāḥ te tu tadvacanaṃ śrutvā prayātāḥ sarvatodiśam
then perform creation in full particularity, O best of sages." And they, hearing that speech of his, set out in every direction.
AI translation rendered from the Sanskrit, not a published edition
LiP 63.7
अद्यापि न निवर्तन्ते समुद्रादिव सिन्धवः हर्यश्वेषु च नष्टेषु पुनर्दक्षः प्रजापतिः
adyāpi na nivartante samudrādiva sindhavaḥ haryaśveṣu ca naṣṭeṣu punardakṣaḥ prajāpatiḥ
Even today they do not return, like rivers from the ocean. And when the Haryaśvas were lost, again Dakṣa the lord of creatures
AI translation rendered from the Sanskrit, not a published edition
LiP 63.8
सूत्यामेव च पुत्राणां सहस्रमसृजत्प्रभुः शबला नाम ते विप्राः समेताः सृष्टिहेतवः
sūtyāmeva ca putrāṇāṃ sahasramasṛjatprabhuḥ śabalā nāma te viprāḥ sametāḥ sṛṣṭihetavaḥ
—the mighty one—produced in Sūtī a thousand sons; those brahmins were named the Śabalas, assembled as the means of creation.
AI translation rendered from the Sanskrit, not a published edition — the model flagged this verse as uncertain
LiP 63.9
नारदो ऽनुगतान्प्राह पुनस्तान्सूर्यवर्चसः भुवः प्रमाणं सर्वं तु ज्ञात्वा भ्रातॄन् पुनः पुनः
nārado 'nugatānprāha punastānsūryavarcasaḥ bhuvaḥ pramāṇaṃ sarvaṃ tu jñātvā bhrātṝn punaḥ punaḥ
Nārada spoke again to them, who had followed after (their brothers) and had the splendour of the sun: "Only when you have learned the whole measure of the earth, (and) your brothers, again and again,
AI translation rendered from the Sanskrit, not a published edition — the model flagged this verse as uncertain
LiP 63.10
आगत्य वाथ सृष्टिं वै करिष्यथ विशेषतः ते ऽपि तेनैव मार्गेण जग्मुर्भ्रातृगतिं तथा
āgatya vātha sṛṣṭiṃ vai kariṣyatha viśeṣataḥ te 'pi tenaiva mārgeṇa jagmurbhrātṛgatiṃ tathā
and have come back, then will you carry out creation in particular." They too went by that very road, to the same course as their brothers.
AI translation rendered from the Sanskrit, not a published edition
LiP 63.11
ततस्तेष्वपि नष्टेषु षष्टिकन्याः प्रजापतिः वैरिण्यां जनयामास दक्षः प्राचेतसस्तदा
tatasteṣvapi naṣṭeṣu ṣaṣṭikanyāḥ prajāpatiḥ vairiṇyāṃ janayāmāsa dakṣaḥ prācetasastadā
Then, when these too were lost, Dakṣa Prācetasa, the lord of creatures, at that time begot sixty daughters upon Vairiṇī.
AI translation rendered from the Sanskrit, not a published edition
LiP 63.12
प्रादात्स दशकं धर्मे कश्यपाय त्रयोदश विंशत्सप्त च सोमाय चतस्रो ऽरिष्टनेमये
prādātsa daśakaṃ dharme kaśyapāya trayodaśa viṃśatsapta ca somāya catasro 'riṣṭanemaye
He gave ten to Dharma, thirteen to Kaśyapa, twenty-seven to Soma, and four to Ariṣṭanemi,
AI translation rendered from the Sanskrit, not a published edition
LiP 63.13
द्वे चैव भृगुपुत्राय द्वे कृशाश्वाय धीमते द्वे चैवाङ्गिरसे तद्वत् तासां नामानि विस्तरात्
dve caiva bhṛguputrāya dve kṛśāśvāya dhīmate dve caivāṅgirase tadvat tāsāṃ nāmāni vistarāt
and two to the son of Bhṛgu, two to the wise Kṛśāśva, and two likewise to Aṅgiras. Their names, at length—
AI translation rendered from the Sanskrit, not a published edition
LiP 63.14
शृणुध्वं देवमातॄणां प्रजाविस्तारमादितः मरुत्वती वसूर् यामिर् लम्बा भानुररुन्धती
śṛṇudhvaṃ devamātṝṇāṃ prajāvistāramāditaḥ marutvatī vasūr yāmir lambā bhānurarundhatī
hear (them), and the extent of the offspring of the mothers of the gods, from the beginning: Marutvatī, Vasu, Yāmi, Lambā, Bhānu, Arundhatī,
AI translation rendered from the Sanskrit, not a published edition
LiP 63.15
संकल्पा च मुहूर्ता च साध्या विश्वा च भामिनी धर्मपत्न्यः समाख्यातास् तासां पुत्रान्वदामि वः
saṃkalpā ca muhūrtā ca sādhyā viśvā ca bhāminī dharmapatnyaḥ samākhyātās tāsāṃ putrānvadāmi vaḥ
and Saṃkalpā and Muhūrtā, Sādhyā and Viśvā and Bhāminī—these are declared to be the wives of Dharma; I shall tell you their sons.
AI translation rendered from the Sanskrit, not a published edition
LiP 63.16
विश्वेदेवास्तु विश्वायाः साध्या साध्यानजीजनत् मरुत्वत्यां मरुत्वन्तो वसोस्तु वसवस् तथा
viśvedevāstu viśvāyāḥ sādhyā sādhyānajījanat marutvatyāṃ marutvanto vasostu vasavas tathā
The Viśvedevas (were born) of Viśvā, and Sādhyā begot the Sādhyas; of Marutvatī the Marutvats, and of Vasu the Vasus likewise.
AI translation rendered from the Sanskrit, not a published edition
LiP 63.17
भानोस्तु भानवः प्रोक्ता मुहूर्ताया मुहूर्तकाः लम्बाया घोषनामानो नागवीथिस्तु यामिजः
bhānostu bhānavaḥ proktā muhūrtāyā muhūrtakāḥ lambāyā ghoṣanāmāno nāgavīthistu yāmijaḥ
From Bhānu the Bhānus are declared, from Muhūrtā the Muhūrtakas; from Lambā those named Ghoṣa, and Nāgavīthī was born of Yāmī.
AI translation rendered from the Sanskrit, not a published edition
LiP 63.18
संकल्पायास्तु संकल्पो वसुसर्गं वदामि वः ज्योतिष्मन्तस्तु ये देवा व्यापकाः सर्वतोदिशम्
saṃkalpāyāstu saṃkalpo vasusargaṃ vadāmi vaḥ jyotiṣmantastu ye devā vyāpakāḥ sarvatodiśam
From Saṃkalpā came Saṃkalpa. (Now) I shall tell you of the creation of the Vasus: those gods who are luminous and pervade in every direction —
AI translation rendered from the Sanskrit, not a published edition
LiP 63.19
वसवस्ते समाख्याताः सर्वभूतहितैषिणः आपो ध्रुवश् च सोमश् च धरश्चैवानिलो ऽनलः
vasavaste samākhyātāḥ sarvabhūtahitaiṣiṇaḥ āpo dhruvaś ca somaś ca dharaścaivānilo 'nalaḥ
— these are called the Vasus, who seek the welfare of all beings: Āpa, Dhruva, Soma, Dhara, Anila, Anala,
AI translation rendered from the Sanskrit, not a published edition
LiP 63.20
प्रत्यूषश् च प्रभासश् च वसवो ऽष्टौ प्रकीर्तिताः अजैकपाद् अहिर्बुध्न्यो विरूपाक्षः सभैरवः
pratyūṣaś ca prabhāsaś ca vasavo 'ṣṭau prakīrtitāḥ ajaikapād ahirbudhnyo virūpākṣaḥ sabhairavaḥ
Pratyūṣa and Prabhāsa — thus the eight Vasus are proclaimed. Ajaikapād, Ahirbudhnya, Virūpākṣa together with Bhairava,
AI translation rendered from the Sanskrit, not a published edition
LiP 63.21
हरश् च बहुरूपश् च त्र्यंबकश् च सुरेश्वरः सावित्रश् च जयन्तश् च पिनाकी चापराजितः
haraś ca bahurūpaś ca tryaṃbakaś ca sureśvaraḥ sāvitraś ca jayantaś ca pinākī cāparājitaḥ
Hara, Bahurūpa, Tryambaka, Sureśvara, Sāvitra, Jayanta, Pinākī and Aparājita —
AI translation rendered from the Sanskrit, not a published edition
LiP 63.22
एते रुद्राः समाख्याता एकादश गणेश्वराः कश्यपस्य प्रवक्ष्यामि पत्नीभ्यः पुत्रपौत्रकम्
ete rudrāḥ samākhyātā ekādaśa gaṇeśvarāḥ kaśyapasya pravakṣyāmi patnībhyaḥ putrapautrakam
these eleven are declared to be the Rudras, lords of the hosts. (Now) I shall tell of the sons and grandsons of Kaśyapa by his wives.
AI translation rendered from the Sanskrit, not a published edition
LiP 63.23
अदितिश् च दितिश्चैव अरिष्टा सुरसा मुनिः सुरभिर् विनता ताम्रा तद्वत् क्रोधवशा इला
aditiś ca ditiścaiva ariṣṭā surasā muniḥ surabhir vinatā tāmrā tadvat krodhavaśā ilā
Aditi and Diti, Ariṣṭā, Surasā, Muni, Surabhi, Vinatā, Tāmrā, likewise Krodhavaśā, Ilā,
AI translation rendered from the Sanskrit, not a published edition
LiP 63.24
कद्रूस्त्विषा दनुस्तद्वत् तासां पुत्रान्वदामि वः तुषिता नाम ये देवाश् चाक्षुषस्यान्तरे मनोः
kadrūstviṣā danustadvat tāsāṃ putrānvadāmi vaḥ tuṣitā nāma ye devāś cākṣuṣasyāntare manoḥ
Kadrū, Iṣā, and likewise Danu — (of) these I shall tell you the sons. Those gods named Tuṣitas in the age of Cākṣuṣa Manu,
AI translation rendered from the Sanskrit, not a published edition
LiP 63.25
वैवस्वतान्तरे ते वै आदित्या द्वादश स्मृताः इन्द्रो धाता भगस्त्वष्ट मित्रो ऽथ वरुणो ऽर्यमा
vaivasvatāntare te vai ādityā dvādaśa smṛtāḥ indro dhātā bhagastvaṣṭa mitro 'tha varuṇo 'ryamā
they, in the Vaivasvata period, are remembered as the twelve Ādityas: Indra, Dhātā, Bhaga, Tvaṣṭā, Mitra, then Varuṇa, Aryamā,
AI translation rendered from the Sanskrit, not a published edition
LiP 63.26
विवस्वान्सविता पूषा अंशुमान् विष्णुरेव च एते सहस्रकिरणा आदित्या द्वादश स्मृताः
vivasvānsavitā pūṣā aṃśumān viṣṇureva ca ete sahasrakiraṇā ādityā dvādaśa smṛtāḥ
Vivasvān, Savitā, Pūṣā, Aṃśumān, and Viṣṇu — these thousand-rayed ones are remembered as the twelve Ādityas.
AI translation rendered from the Sanskrit, not a published edition
LiP 63.27
दितिः पुत्रद्वयं लेभे कश्यपादिति नः श्रुतम् हिरण्यकशिपुं चैव हिरण्याक्षं तथैव च
ditiḥ putradvayaṃ lebhe kaśyapāditi naḥ śrutam hiraṇyakaśipuṃ caiva hiraṇyākṣaṃ tathaiva ca
Diti obtained two sons from Kaśyapa — so we have heard — namely Hiraṇyakaśipu and likewise Hiraṇyākṣa.
AI translation rendered from the Sanskrit, not a published edition
LiP 63.28
दनुः पुत्रशतं लेभे कश्यपाद् बलदर्पितम् विप्रचित्तिः प्रधानो ऽभूत् तेषां मध्ये द्विजोत्तमाः
danuḥ putraśataṃ lebhe kaśyapād baladarpitam vipracittiḥ pradhāno 'bhūt teṣāṃ madhye dvijottamāḥ
Danu obtained from Kaśyapa a hundred sons proud of their strength; among them Vipracitti was the chief, O best of the twice-born.
AI translation rendered from the Sanskrit, not a published edition
LiP 63.29
ताम्रा च जनयामास षट् कन्या द्विजपुङ्गवाः शुकीं श्येनीं च भासीं च सुग्रीवीं गृध्रिकां शुचिम्
tāmrā ca janayāmāsa ṣaṭ kanyā dvijapuṅgavāḥ śukīṃ śyenīṃ ca bhāsīṃ ca sugrīvīṃ gṛdhrikāṃ śucim
And Tāmrā gave birth to six daughters, O bulls among the twice-born: Śukī, Śyenī, Bhāsī, Sugrīvī, Gṛdhrikā and Śuci.
AI translation rendered from the Sanskrit, not a published edition
LiP 63.30
शुकी शुकानुलूकांश् च जनयामास धर्मतः श्येनी श्येनांस् तथा भासी कुरङ्गांश् च व्यजीजनत्
śukī śukānulūkāṃś ca janayāmāsa dharmataḥ śyenī śyenāṃs tathā bhāsī kuraṅgāṃś ca vyajījanat
Śukī in due course gave birth to parrots and owls; Śyenī to hawks, and Bhāsī brought forth the kuraṅgas.
AI translation rendered from the Sanskrit, not a published edition
LiP 63.31
गृध्री गृध्रान् कपोतांश् च पारावती विहंगमान् हंससारसकारण्डप्लवाञ्छुचिरजीजनत्
gṛdhrī gṛdhrān kapotāṃś ca pārāvatī vihaṃgamān haṃsasārasakāraṇḍaplavāñchucirajījanat
Gṛdhrī (bore) vultures, and Pārāvatī the pigeons and (other) birds; Śuci gave birth to geese, cranes, kāraṇḍavas and plavas.
AI translation rendered from the Sanskrit, not a published edition
LiP 63.32
अजाश्वमेषोष्ट्रखरान् सुग्रीवी चाप्यजीजनत् विनता जनयामास गरुडं चारुणं शुभा
ajāśvameṣoṣṭrakharān sugrīvī cāpyajījanat vinatā janayāmāsa garuḍaṃ cāruṇaṃ śubhā
Sugrīvī gave birth to goats, horses, rams, camels and asses; the fair Vinatā gave birth to Garuḍa and Aruṇa,
AI translation rendered from the Sanskrit, not a published edition
LiP 63.33
सौदामिनीं तथा कन्यां सर्वलोकभयङ्करीम् सुरसायाः सहस्रं तु सर्पाणामभवत्पुरा
saudāminīṃ tathā kanyāṃ sarvalokabhayaṅkarīm surasāyāḥ sahasraṃ tu sarpāṇāmabhavatpurā
and also to a daughter, Saudāminī, terrifying to all the worlds. And of Surasā there were formerly a thousand serpents.
AI translation rendered from the Sanskrit, not a published edition
LiP 63.34
कद्रूः सहस्रशिरसां सहस्रं प्राप सुव्रता प्रधानास्तेषु विख्याताः षड्विंशतिरनुत्तमाः
kadrūḥ sahasraśirasāṃ sahasraṃ prāpa suvratā pradhānāsteṣu vikhyātāḥ ṣaḍviṃśatiranuttamāḥ
Kadrū, of good vows, obtained a thousand thousand-headed (serpents); among them twenty-six are renowned as the foremost and unsurpassed:
AI translation rendered from the Sanskrit, not a published edition
LiP 63.35
शेषवासुकिकर्कोटशङ्खैरावतकम्बलाः धनञ्जयमहानीलपद्माश्वतरतक्षकाः
śeṣavāsukikarkoṭaśaṅkhairāvatakambalāḥ dhanañjayamahānīlapadmāśvataratakṣakāḥ
Śeṣa, Vāsuki, Karkoṭa, Śaṅkha, Airāvata, Kambala, Dhanañjaya, Mahānīla, Padma, Aśvatara, Takṣaka,
AI translation rendered from the Sanskrit, not a published edition
LiP 63.36
एलापत्रमहापद्मधृतराष्ट्रबलाहकाः शङ्खपालमहाशङ्खपुष्पदंष्ट्रशुभाननाः
elāpatramahāpadmadhṛtarāṣṭrabalāhakāḥ śaṅkhapālamahāśaṅkhapuṣpadaṃṣṭraśubhānanāḥ
Elāpatra, Mahāpadma, Dhṛtarāṣṭra, Balāhaka, Śaṅkhapāla, Mahāśaṅkha, Puṣpadaṃṣṭra, Śubhānana,
AI translation rendered from the Sanskrit, not a published edition
LiP 63.37
शङ्खलोमा च नहुषो वामनः फणितस् तथा कपिलो दुर्मुखश्चापि पतञ्जलिरिति स्मृतः
śaṅkhalomā ca nahuṣo vāmanaḥ phaṇitas tathā kapilo durmukhaścāpi patañjaliriti smṛtaḥ
And Śaṅkhaloman, Nahuṣa, Vāmana, and Phaṇita, Kapila, and also Durmukha and Patañjali—so they are recorded.
AI translation rendered from the Sanskrit, not a published edition
LiP 63.38
रक्षोगणं क्रोधवशा महामायं व्यजीजनत् रुद्राणां च गणं तद्वद् गोमहिष्यौ वराङ्गना
rakṣogaṇaṃ krodhavaśā mahāmāyaṃ vyajījanat rudrāṇāṃ ca gaṇaṃ tadvad gomahiṣyau varāṅganā
Krodhavaśā brought forth the host of rākṣasas, rich in illusion, and likewise the host of Rudras; and cows and buffaloes the fair-limbed one
AI translation rendered from the Sanskrit, not a published edition — the model flagged this verse as uncertain
LiP 63.39
सुरभिर् जनयामास कश्यपादिति नः श्रुतम् मुनिर्मुनीनां च गणं गणमप्सरसां तथा
surabhir janayāmāsa kaśyapāditi naḥ śrutam munirmunīnāṃ ca gaṇaṃ gaṇamapsarasāṃ tathā
Surabhi begot from Kaśyapa—so we have heard; and Muni (begot) the host of munis and likewise the host of apsarases.
AI translation rendered from the Sanskrit, not a published edition
LiP 63.40
तथा किंनरगन्धर्वान् अरिष्टाजनयद्बहून् तृणवृक्षलतागुल्मम् इला सर्वमजीजनत्
tathā kiṃnaragandharvān ariṣṭājanayadbahūn tṛṇavṛkṣalatāgulmam ilā sarvamajījanat
Likewise Ariṣṭā brought forth many kiṃnaras and gandharvas; Ilā begot all grass, trees, creepers and shrubs.
AI translation rendered from the Sanskrit, not a published edition
LiP 63.41
त्विषा तु यक्षरक्षांसि जनयामास कोटिशः एते तु काश्यपेयाश् च संक्षेपात्परिकीर्तिताः
tviṣā tu yakṣarakṣāṃsi janayāmāsa koṭiśaḥ ete tu kāśyapeyāś ca saṃkṣepātparikīrtitāḥ
But Tviṣā brought forth yakṣas and rākṣasas by the tens of millions. These, then, are the offspring of Kaśyapa, proclaimed in brief.
AI translation rendered from the Sanskrit, not a published edition
LiP 63.42
एतेषां पुत्रपौत्रादिवंशाश् च बहवः स्मृताः एवं प्रजासु सृष्टासु कश्यपेन महात्मना
eteṣāṃ putrapautrādivaṃśāś ca bahavaḥ smṛtāḥ evaṃ prajāsu sṛṣṭāsu kaśyapena mahātmanā
And many lineages of their sons, grandsons and the rest are recorded. Thus, when the creatures had been created by the great-souled Kaśyapa,
AI translation rendered from the Sanskrit, not a published edition
LiP 63.43
प्रतिष्ठितासु सर्वासु चरासु स्थावरासु च अभिषिच्याधिपत्येषु तेषां मुख्यान्प्रजापतिः
pratiṣṭhitāsu sarvāsu carāsu sthāvarāsu ca abhiṣicyādhipatyeṣu teṣāṃ mukhyānprajāpatiḥ
and when all of them, moving and unmoving, were established, Prajāpati, having consecrated the chief among them into their lordships,
AI translation rendered from the Sanskrit, not a published edition
LiP 63.44
ततो मनुष्याधिपतिं चक्रे वैवस्वतं मनुम् स्वायंभुवे ऽन्तरे पूर्वं ब्रह्मणा ये ऽभिषेचिताः
tato manuṣyādhipatiṃ cakre vaivasvataṃ manum svāyaṃbhuve 'ntare pūrvaṃ brahmaṇā ye 'bhiṣecitāḥ
then made Vaivasvata Manu the lord of men. Those who were consecrated formerly by Brahmā in the Svāyaṃbhuva interval—
AI translation rendered from the Sanskrit, not a published edition
LiP 63.45
तैरियं पृथिवी सर्वा सप्तद्वीपा सपर्वता यथोपदेशमद्यापि धर्मेण प्रतिपाल्यते
tairiyaṃ pṛthivī sarvā saptadvīpā saparvatā yathopadeśamadyāpi dharmeṇa pratipālyate
by them this whole earth, with its seven continents and its mountains, is guarded even today with dharma, according to the instruction (given).
AI translation rendered from the Sanskrit, not a published edition
LiP 63.46
स्वायंभुवे ऽन्तरे पूर्वे ब्रह्मणा ये ऽभिषेचिताः ते ह्येते चाभिषिच्यन्ते मनवश् च भवन्ति ते
svāyaṃbhuve 'ntare pūrve brahmaṇā ye 'bhiṣecitāḥ te hyete cābhiṣicyante manavaś ca bhavanti te
Those who in the former Svāyaṃbhuva interval were consecrated by Brahmā—these very ones are consecrated (again), and they become Manus.
AI translation rendered from the Sanskrit, not a published edition
LiP 63.47
मन्वन्तरेष्वतीतेषु गता ह्येतेषु पार्थिवाः एवमन्ये ऽभिषिच्यन्ते प्राप्ते मन्वन्तरे ततः
manvantareṣvatīteṣu gatā hyeteṣu pārthivāḥ evamanye 'bhiṣicyante prāpte manvantare tataḥ
When the manvantaras have passed, these earthly rulers too are gone; thus others are consecrated when the (next) manvantara arrives.
AI translation rendered from the Sanskrit, not a published edition
LiP 63.48
अतीतानागताः सर्वे नृपा मन्वन्तरे स्मृताः एतानुत्पाद्य पुत्रांस्तु प्रजासंतानकारणात्
atītānāgatāḥ sarve nṛpā manvantare smṛtāḥ etānutpādya putrāṃstu prajāsaṃtānakāraṇāt
All the kings, past and yet to come, are recorded within the manvantara. Having begotten these sons for the sake of the continuance of progeny,
AI translation rendered from the Sanskrit, not a published edition
LiP 63.49
कश्यपो गोत्रकामस्तु चचार स पुनस्तपः पुत्रो गोत्रकरो मह्यं भवताद् इति चिन्तयन्
kaśyapo gotrakāmastu cacāra sa punastapaḥ putro gotrakaro mahyaṃ bhavatād iti cintayan
Kaśyapa, desiring a gotra, once more practised austerity, thinking: "Let a son be mine who will found a lineage."
AI translation rendered from the Sanskrit, not a published edition
LiP 63.50
तस्यैवं ध्यायमानस्य कश्यपस्य महात्मनः ब्रह्मयोगात्सुतौ पश्चात् प्रादुर्भूतौ महौजसौ
tasyaivaṃ dhyāyamānasya kaśyapasya mahātmanaḥ brahmayogātsutau paścāt prādurbhūtau mahaujasau
As the great-souled Kaśyapa was meditating thus, afterwards two sons of great energy appeared through union with brahman.
AI translation rendered from the Sanskrit, not a published edition
LiP 63.51
वत्सरश्चासितश्चैव तावुभौ ब्रह्मवादिनौ वत्सरान्नैध्रुवो जज्ञे रैभ्यश् च सुमहायशाः
vatsaraścāsitaścaiva tāvubhau brahmavādinau vatsarānnaidhruvo jajñe raibhyaś ca sumahāyaśāḥ
Vatsara and Asita, both of them expounders of brahman. From Vatsara were born Naidhruva and Raibhya of very great renown.
AI translation rendered from the Sanskrit, not a published edition
LiP 63.52
रैभ्यस्य रैभ्या विज्ञेया नैध्रुवस्य वदामि वः च्यवनस्य तु कन्यायां सुमेधाः समपद्यत
raibhyasya raibhyā vijñeyā naidhruvasya vadāmi vaḥ cyavanasya tu kanyāyāṃ sumedhāḥ samapadyata
Raibhya's (descendants) are to be known as the Raibhyas; of Naidhruva's I shall tell you. On Cyavana's daughter Sumedhas was begotten.
AI translation rendered from the Sanskrit, not a published edition — the model flagged this verse as uncertain
LiP 63.53
नैध्रुवस्य तु सा पत्नी माता वै कुण्डपायिनाम् असितस्यैकपर्णायां ब्रह्मिष्ठः समपद्यत
naidhruvasya tu sā patnī mātā vai kuṇḍapāyinām asitasyaikaparṇāyāṃ brahmiṣṭhaḥ samapadyata
And she was Naidhruva's wife, the mother of the Kuṇḍapāyins. Of Asita, on Ekaparṇā, Brahmiṣṭha was begotten,
AI translation rendered from the Sanskrit, not a published edition
LiP 63.54
शाण्डिल्यानां वरः श्रीमान् देवलः सुमहातपाः शाण्डिल्या नैध्रुवा रैभ्यास् त्रयः पक्षास्तु काश्यपाः
śāṇḍilyānāṃ varaḥ śrīmān devalaḥ sumahātapāḥ śāṇḍilyā naidhruvā raibhyās trayaḥ pakṣāstu kāśyapāḥ
the best of the Śāṇḍilyas, the glorious Devala of very great austerity. Śāṇḍilyas, Naidhruvas, Raibhyas—these are the three branches, the Kāśyapas.
AI translation rendered from the Sanskrit, not a published edition
LiP 63.55
नव प्रकृतयो देवाः पुलस्त्यस्य वदामि वः चतुर्युगे ह्यतिक्रान्ते मनोरेकादशे प्रभोः
nava prakṛtayo devāḥ pulastyasya vadāmi vaḥ caturyuge hyatikrānte manorekādaśe prabhoḥ
Nine are the gods who are (their) primary (founders). Of Pulastya's line I shall tell you. When four yugas had passed in (the reign of) the eleventh Manu, the lord,
AI translation rendered from the Sanskrit, not a published edition — the model flagged this verse as uncertain
LiP 63.56
अर्धावशिष्टे तस्मिंस्तु द्वापरे सम्प्रवर्तिते मानवस्य नरिष्यन्तः पुत्र आसीद् दमः किल
ardhāvaśiṣṭe tasmiṃstu dvāpare sampravartite mānavasya nariṣyantaḥ putra āsīd damaḥ kila
and when half of it remained, the Dvāpara having set in—Nariṣyanta, son of Manu, had a son named Dama, it is said.
AI translation rendered from the Sanskrit, not a published edition
LiP 63.57
दमस्य तस्य दायादस् तृणबिन्दुरिति स्मृतः त्रेतायुगमुखे राजा तृतीये संबभूव ह
damasya tasya dāyādas tṛṇabinduriti smṛtaḥ tretāyugamukhe rājā tṛtīye saṃbabhūva ha
Dama's heir was known as Tṛṇabindu; he became king at the beginning of the third Tretā age.
AI translation rendered from the Sanskrit, not a published edition
LiP 63.58
तस्य कन्या त्विलविला रूपेणाप्रतिमाभवत् पुलस्त्याय स राजर्षिस् तां कन्यां प्रत्यपादयत्
tasya kanyā tvilavilā rūpeṇāpratimābhavat pulastyāya sa rājarṣis tāṃ kanyāṃ pratyapādayat
His daughter was Ilavilā, unequalled in beauty; that royal sage gave that girl (in marriage) to Pulastya.
AI translation rendered from the Sanskrit, not a published edition
LiP 63.59
ऋषिर् ऐरविलो यस्यां विश्रवाः समपद्यत तस्य पत्न्यश्चतस्रस्तु पौलस्त्यकुलवर्धनाः
ṛṣir airavilo yasyāṃ viśravāḥ samapadyata tasya patnyaścatasrastu paulastyakulavardhanāḥ
In her the sage Airavila, Viśravas, was born. He had four wives, who increased the lineage of Pulastya.
AI translation rendered from the Sanskrit, not a published edition
LiP 63.60
बृहस्पतेः शुभा कन्या नाम्ना वै देववर्णिनी पुष्पोत्कटा बलाका च सुते माल्यवतः स्मृतेः
bṛhaspateḥ śubhā kanyā nāmnā vai devavarṇinī puṣpotkaṭā balākā ca sute mālyavataḥ smṛteḥ
Bṛhaspati's lovely daughter, Devavarṇinī by name; and Puṣpotkaṭā and Balākā, said to be the two daughters of Mālyavat;
AI translation rendered from the Sanskrit, not a published edition
LiP 63.61
कैकसी मालिनः कन्या तासां वै शृणुत प्रजाः ज्येष्ठं वैश्रवणं तस्मात् सुषुवे देववर्णिनी
kaikasī mālinaḥ kanyā tāsāṃ vai śṛṇuta prajāḥ jyeṣṭhaṃ vaiśravaṇaṃ tasmāt suṣuve devavarṇinī
and Kaikasī, the daughter of Mālin. Hear now of their offspring: Devavarṇinī bore by him the eldest, Vaiśravaṇa.
AI translation rendered from the Sanskrit, not a published edition
LiP 63.62
कैकसी चाप्यजनयद् रावणं राक्षसाधिपम् कुम्भकर्णं शूर्पणखां धीमन्तं च विभीषणम्
kaikasī cāpyajanayad rāvaṇaṃ rākṣasādhipam kumbhakarṇaṃ śūrpaṇakhāṃ dhīmantaṃ ca vibhīṣaṇam
And Kaikasī gave birth to Rāvaṇa, lord of the Rākṣasas, to Kumbhakarṇa, to Śūrpaṇakhā, and to the wise Vibhīṣaṇa.
AI translation rendered from the Sanskrit, not a published edition
LiP 63.63
पुष्पोत्कटा ह्यजनयत् पुत्रांस्तस्माद्द्विजोत्तमाः महोदरं प्रहस्तं च महापार्श्वं खरं तथा
puṣpotkaṭā hyajanayat putrāṃstasmāddvijottamāḥ mahodaraṃ prahastaṃ ca mahāpārśvaṃ kharaṃ tathā
Puṣpotkaṭā, O best of the twice-born, bore him sons: Mahodara, Prahasta, Mahāpārśva, and Khara,
AI translation rendered from the Sanskrit, not a published edition
LiP 63.64
कुम्भीनसीं तथा कन्यां बलायाः शृणुत प्रजाः त्रिशिरा दूषणश्चैव विद्युज्जिह्वश् च राक्षसः
kumbhīnasīṃ tathā kanyāṃ balāyāḥ śṛṇuta prajāḥ triśirā dūṣaṇaścaiva vidyujjihvaś ca rākṣasaḥ
and also a daughter, Kumbhīnasī. Hear of Balā's offspring: Triśiras, Dūṣaṇa, and the Rākṣasa Vidyujjihva,
AI translation rendered from the Sanskrit, not a published edition
LiP 63.65
कन्या वै मालिका चापि बलायाः प्रसवः स्मृतः इत्येते क्रूरकर्माणः पौलस्त्या राक्षसा नव
kanyā vai mālikā cāpi balāyāḥ prasavaḥ smṛtaḥ ityete krūrakarmāṇaḥ paulastyā rākṣasā nava
and the girl Mālikā too — such is said to be Balā's progeny. These are the nine Rākṣasas of Pulastya's line, doers of cruel deeds.
AI translation rendered from the Sanskrit, not a published edition
LiP 63.66
विभीषणो ऽतिशुद्धात्मा धर्मज्ञः परिकीर्तितः पुलस्त्यस्य मृगाः पुत्राः सर्वे व्याघ्राश् च दंष्ट्रिणः
vibhīṣaṇo 'tiśuddhātmā dharmajñaḥ parikīrtitaḥ pulastyasya mṛgāḥ putrāḥ sarve vyāghrāś ca daṃṣṭriṇaḥ
Vibhīṣaṇa is proclaimed to be of exceedingly pure soul and a knower of dharma. Pulastya's sons (also) were all the deer, and the fanged tigers,
AI translation rendered from the Sanskrit, not a published edition
LiP 63.67
भूताः पिशाचाः सर्पाश् च सूकरा हस्तिनस् तथा वानराः किंनराश्चैव ये च किंपुरुषास् तथा
bhūtāḥ piśācāḥ sarpāś ca sūkarā hastinas tathā vānarāḥ kiṃnarāścaiva ye ca kiṃpuruṣās tathā
the Bhūtas, the Piśācas, the serpents, the boars and the elephants, the monkeys, the Kinnaras, and those who are the Kiṃpuruṣas.
AI translation rendered from the Sanskrit, not a published edition
LiP 63.68
अनपत्यः क्रतुस्तस्मिन् स्मृतो वैवस्वते ऽन्तरे अत्रेः पत्न्यो दशैवासन् सुंदर्यश् च पतिव्रताः
anapatyaḥ kratustasmin smṛto vaivasvate 'ntare atreḥ patnyo daśaivāsan suṃdaryaś ca pativratāḥ
Kratu is said to have been childless in that Vaivasvata interval. Atri had ten wives, beautiful and devoted to their husband.
AI translation rendered from the Sanskrit, not a published edition
LiP 63.69
भद्राश्वस्य घृताच्यां वै दशाप्सरसि सूनवः भद्राभद्रा च जलदा मन्दा नन्दा तथैव च
bhadrāśvasya ghṛtācyāṃ vai daśāpsarasi sūnavaḥ bhadrābhadrā ca jaladā mandā nandā tathaiva ca
The ten sons of Bhadrāśva by the Apsaras Ghṛtācī: Bhadrā, Abhadrā, Jaladā, Mandā, and likewise Nandā,
AI translation rendered from the Sanskrit, not a published edition
LiP 63.70
बलाबला च विप्रेन्द्रा या च गोपाबला स्मृता तथा तामरसा चैव वरक्रीडा च वै दश
balābalā ca viprendrā yā ca gopābalā smṛtā tathā tāmarasā caiva varakrīḍā ca vai daśa
and Balābalā, O chief of brahmins, and she who is known as Gopābalā, and also Tāmarasā and Varakrīḍā — ten (in all).
AI translation rendered from the Sanskrit, not a published edition
LiP 63.71
आत्रेयवंशप्रभवास् तासां भर्ता प्रभाकरः स्वर्भानुपिहिते सूर्ये पतिते ऽस्मिन्दिवो महीम्
ātreyavaṃśaprabhavās tāsāṃ bhartā prabhākaraḥ svarbhānupihite sūrye patite 'smindivo mahīm
Sprung from the lineage of Atri, their husband was Prabhākara. When the sun was covered by Svarbhānu and fell from heaven to earth,
AI translation rendered from the Sanskrit, not a published edition
LiP 63.72
तमो ऽभिभूते लोके ऽस्मिन् प्रभा येन प्रवर्तिता स्वस्त्यस्तु हि तवेत्युक्ते पतन्निह दिवाकरः
tamo 'bhibhūte loke 'smin prabhā yena pravartitā svastyastu hi tavetyukte patanniha divākaraḥ
and when this world was overcome by darkness, by him light was set going; for when he said "May it be well with you," the sun, falling here,
AI translation rendered from the Sanskrit, not a published edition
LiP 63.73
ब्रह्मर्षेर्वचनात्तस्य पपात न विभुर्दिवः ततः प्रभाकरेत्युक्तः प्रभुरत्रिर्महर्षिभिः
brahmarṣervacanāttasya papāta na vibhurdivaḥ tataḥ prabhākaretyuktaḥ prabhuratrirmaharṣibhiḥ
by the word of that brahmin sage, the mighty one did not fall from heaven. Thereupon the lord Atri was called "Prabhākara" (light-maker) by the great sages.
AI translation rendered from the Sanskrit, not a published edition
LiP 63.74
भद्रायां जनयामास सोमं पुत्रं यशस्विनम् स तासु जनयामास पुनः पुत्रांस्तपोधनः
bhadrāyāṃ janayāmāsa somaṃ putraṃ yaśasvinam sa tāsu janayāmāsa punaḥ putrāṃstapodhanaḥ
On Bhadrā he begot the glorious son Soma; and that wealth-of-austerity again begot sons on those (wives),
AI translation rendered from the Sanskrit, not a published edition
LiP 63.75
स्वस्त्यात्रेया इति ख्याता ऋषयो वेदपारगाः तेषां द्वौ ख्यातयशसौ ब्रह्मिष्ठौ च महौजसौ
svastyātreyā iti khyātā ṛṣayo vedapāragāḥ teṣāṃ dvau khyātayaśasau brahmiṣṭhau ca mahaujasau
the sages renowned as the Svastyātreyas, masters of the Veda. Two of them were of famous renown, most devoted to brahman and of great might:
AI translation rendered from the Sanskrit, not a published edition
LiP 63.76
दत्तो ह्यत्रिवरो ज्येष्ठो दुर्वासास्तस्य चानुजः यवीयसी स्वसा तेषाम् अमला ब्रह्मवादिनी
datto hyatrivaro jyeṣṭho durvāsāstasya cānujaḥ yavīyasī svasā teṣām amalā brahmavādinī
Datta, the best of Atri's (sons), the elder, and Durvāsas his younger brother; younger than they was their sister, the spotless speaker of brahman.
AI translation rendered from the Sanskrit, not a published edition
LiP 63.77
तस्य गोत्रद्वये जाताश् चत्वारः प्रथिता भुवि श्यावश् च प्रत्वसश्चैव ववल्गुश्चाथ गह्वरः
tasya gotradvaye jātāś catvāraḥ prathitā bhuvi śyāvaś ca pratvasaścaiva vavalguścātha gahvaraḥ
Born in his two gotra-lines, four became famed on earth: Śyāva, and Pratvasa, and Vavalgu, and then Gahvara.
AI translation rendered from the Sanskrit, not a published edition
LiP 63.78
आत्रेयाणां च चत्वारः स्मृताः पक्षा महात्मनाम् काश्यपो नारदश्चैव पर्वतानुद्धतस् तथा
ātreyāṇāṃ ca catvāraḥ smṛtāḥ pakṣā mahātmanām kāśyapo nāradaścaiva parvatānuddhatas tathā
And four branches are recorded of the great-souled Ātreyas: Kaśyapa, and Nārada, and Parvata and Anuddhata.
AI translation rendered from the Sanskrit, not a published edition
LiP 63.79
जज्ञिरे मानसा ह्येते अरुन्धत्या निबोधत नारदस्तु वसिष्ठाया-रुन्धतीं प्रत्यपादयत्
jajñire mānasā hyete arundhatyā nibodhata nāradastu vasiṣṭhāyā-rundhatīṃ pratyapādayat
These were born mind-born; know (them) to be from Arundhatī. And Nārada bestowed Arundhatī upon Vasiṣṭha.
AI translation rendered from the Sanskrit, not a published edition — the model flagged this verse as uncertain
LiP 63.80
ऊर्ध्वरेता महातेजा दक्षशापात्तु नारदः पुरा देवासुरे युद्धे घोरे वै तारकामये
ūrdhvaretā mahātejā dakṣaśāpāttu nāradaḥ purā devāsure yuddhe ghore vai tārakāmaye
Nārada, of upturned seed and great fire, (was so) formerly by the curse of Dakṣa, in the terrible war of gods and asuras that centred on Tāraka.
AI translation rendered from the Sanskrit, not a published edition — the model flagged this verse as uncertain
LiP 63.81
अनावृष्ट्या हते लोके ह्य् उग्रे लोकेश्वरैः सह वसिष्ठस्तपसा धीमान् धारयामास वै प्रजाः
anāvṛṣṭyā hate loke hy ugre lokeśvaraiḥ saha vasiṣṭhastapasā dhīmān dhārayāmāsa vai prajāḥ
When the world was cruelly stricken by drought, together with the lords of the worlds, the wise Vasiṣṭha by his austerity sustained the creatures.
AI translation rendered from the Sanskrit, not a published edition
LiP 63.82
अन्नोदकं मूलफलम् ओषधीश् च प्रवर्तयन् तानेताञ्जीवयामास कारुण्यादौषधेन च
annodakaṃ mūlaphalam oṣadhīś ca pravartayan tānetāñjīvayāmāsa kāruṇyādauṣadhena ca
Bringing forth food and water, roots and fruits and herbs, out of compassion he kept these (creatures) alive, and by medicinal plants.
AI translation rendered from the Sanskrit, not a published edition
LiP 63.83
अरुन्धत्यां वसिष्ठस्तु सुतान् उत्पादयच्छतम् ज्यायसो ऽजनयच्छक्तेर् अदृश्यन्ती पराशरम्
arundhatyāṃ vasiṣṭhastu sutān utpādayacchatam jyāyaso 'janayacchakter adṛśyantī parāśaram
Vasiṣṭha begot a hundred sons upon Arundhatī; Adṛśyantī bore Parāśara to Śakti, the eldest (of them).
AI translation rendered from the Sanskrit, not a published edition
LiP 63.84
रक्षसा भक्षिते शक्तौ रुधिरेण तु वै तदा काली पराशराज्जज्ञे कृष्णद्वैपायनं प्रभुम्
rakṣasā bhakṣite śaktau rudhireṇa tu vai tadā kālī parāśarājjajñe kṛṣṇadvaipāyanaṃ prabhum
When Śakti had been devoured by the rākṣasa, then Kālī bore to Parāśara the lord Kṛṣṇa Dvaipāyana by (the rākṣasa's) blood.
AI translation rendered from the Sanskrit, not a published edition — the model flagged this verse as uncertain
LiP 63.85
द्वैपायनो ह्यरण्यां वै शुकम् उत्पादयत्सुतम् उपमन्युं च पीवर्यां विद्धीमे शुकसूनवः
dvaipāyano hyaraṇyāṃ vai śukam utpādayatsutam upamanyuṃ ca pīvaryāṃ viddhīme śukasūnavaḥ
Dvaipāyana begot the son Śuka upon Araṇī, and Upamanyu upon Pīvarī; know these to be Śuka's sons.
AI translation rendered from the Sanskrit, not a published edition
LiP 63.86
भूरिश्रवाः प्रभुः शंभुः कृष्णो गौरस्तु पञ्चमः कन्या कीर्तिमती चैव योगमाता धृतव्रता
bhūriśravāḥ prabhuḥ śaṃbhuḥ kṛṣṇo gaurastu pañcamaḥ kanyā kīrtimatī caiva yogamātā dhṛtavratā
Bhūriśravas, Prabhu, Śambhu, Kṛṣṇa, and Gaura the fifth, and a daughter, Kīrtimatī, mother of yoga, firm in her vows.
AI translation rendered from the Sanskrit, not a published edition
LiP 63.87
जननी ब्रह्मदत्तस्य पत्नी सा त्वनुहस्य च श्वेतः कृष्णश् च गौरश् च श्यामो धूम्रस्तथारुणः
jananī brahmadattasya patnī sā tvanuhasya ca śvetaḥ kṛṣṇaś ca gauraś ca śyāmo dhūmrastathāruṇaḥ
She was the mother of Brahmadatta and the wife of Anuha. Śveta, and Kṛṣṇa, and Gaura, Śyāma, Dhūmra, and Aruṇa,
AI translation rendered from the Sanskrit, not a published edition
LiP 63.88
नीलो बादरिकश्चैव सर्वे चैते पराशराः पराशराणामष्टौ ते पक्षाः प्रोक्ता महात्मनाम्
nīlo bādarikaścaiva sarve caite parāśarāḥ parāśarāṇāmaṣṭau te pakṣāḥ proktā mahātmanām
Nīla and Bādarika — all these are Parāśaras; those are declared to be the eight branches of the great-souled Parāśaras.
AI translation rendered from the Sanskrit, not a published edition
LiP 63.89
अत ऊर्ध्वं निबोधध्वम् इन्द्रप्रमितिसंभवम् वसिष्ठस्य कपिञ्जल्यो घृताच्यामुदपद्यत
ata ūrdhvaṃ nibodhadhvam indrapramitisaṃbhavam vasiṣṭhasya kapiñjalyo ghṛtācyāmudapadyata
Beyond this, learn of the origin of Indrapramiti: Vasiṣṭha's (son) Kapiñjala was born from Ghṛtācī.
AI translation rendered from the Sanskrit, not a published edition — the model flagged this verse as uncertain
LiP 63.90
त्रिमूर्तिर्यः समाख्यात इन्द्रप्रमितिरुच्यते पृथोः सुतायां सम्भूतो भद्रस्तस्या भवद्वसुः
trimūrtiryaḥ samākhyāta indrapramitirucyate pṛthoḥ sutāyāṃ sambhūto bhadrastasyā bhavadvasuḥ
He who is called Trimūrti is (also) said to be Indrapramiti; Vasu, born of Pṛthu's daughter, became her Bhadra.
AI translation rendered from the Sanskrit, not a published edition — the model flagged this verse as uncertain
LiP 63.91
उपमन्युः सुतस्तस्य बहवो ह्यौपमन्यवः मित्रावरुणयोश्चैव कौण्डिन्या ये परिश्रुताः
upamanyuḥ sutastasya bahavo hyaupamanyavaḥ mitrāvaruṇayoścaiva kauṇḍinyā ye pariśrutāḥ
His son was Upamanyu, and the Aupamanyavas are many; and those of Mitra and Varuṇa who are known as the Kauṇḍinyas,
AI translation rendered from the Sanskrit, not a published edition — the model flagged this verse as uncertain
LiP 63.92
एकार्षेयास् तथा चान्ये वासिष्ठा नाम विश्रुताः एते पक्षा वसिष्ठानां स्मृता दश महात्मनाम्
ekārṣeyās tathā cānye vāsiṣṭhā nāma viśrutāḥ ete pakṣā vasiṣṭhānāṃ smṛtā daśa mahātmanām
and others too, of a single ṛṣi-lineage, renowned by the name Vāsiṣṭhas — these are recorded as the ten branches of the great-souled Vasiṣṭhas.
AI translation rendered from the Sanskrit, not a published edition
LiP 63.93
इत्येते ब्रह्मणः पुत्रा मानसा विश्रुता भुवि भर्तारश् च महाभागा एषां वंशाः प्रकीर्तिताः
ityete brahmaṇaḥ putrā mānasā viśrutā bhuvi bhartāraś ca mahābhāgā eṣāṃ vaṃśāḥ prakīrtitāḥ
Thus these are Brahmā's mind-born sons, renowned on earth, sustainers and greatly blessed; their lineages have been proclaimed.
AI translation rendered from the Sanskrit, not a published edition
LiP 63.94
त्रिलोकधारणे शक्ता देवर्षिकुलसंभवाः तेषां पुत्राश् च पौत्राश् च शतशो ऽथ सहस्रशः
trilokadhāraṇe śaktā devarṣikulasaṃbhavāḥ teṣāṃ putrāś ca pautrāś ca śataśo 'tha sahasraśaḥ
Able to uphold the three worlds, sprung from the family of the divine ṛṣis — their sons and grandsons (are) by hundreds and by thousands,
AI translation rendered from the Sanskrit, not a published edition
LiP 63.95
यैस्तु व्याप्तास्त्रयो लोकाः सूर्यस्येव गभस्तिभिः
yaistu vyāptāstrayo lokāḥ sūryasyeva gabhastibhiḥ
by whom the three worlds are pervaded, as by the rays of the sun.
AI translation rendered from the Sanskrit, not a published edition