Linga Purana — Chapter 62

LiP 62.1

कथं विष्णोः प्रसादाद्वै ध्रुवो बुद्धिमतां वरः मेढीभूतो ग्राहाणां वै वक्तुमर्हसि सांप्रतम्

kathaṃ viṣṇoḥ prasādādvai dhruvo buddhimatāṃ varaḥ meḍhībhūto grāhāṇāṃ vai vaktumarhasi sāṃpratam

How, by the grace of Viṣṇu, did Dhruva, the best of the intelligent, become the pivot-post of the planets? You should tell (us) that now.

AI translation rendered from the Sanskrit, not a published edition

LiP 62.2

एतमर्थं मया पृष्टो नानाशास्त्रविशारदः मार्कण्डेयः पुरा प्राह मह्यं शुश्रूषवे द्विजाः

etamarthaṃ mayā pṛṣṭo nānāśāstraviśāradaḥ mārkaṇḍeyaḥ purā prāha mahyaṃ śuśrūṣave dvijāḥ

Asked by me about this matter, Mārkaṇḍeya, skilled in the various treatises, told (it) to me long ago, as I was eager to hear, O twice-born ones.

AI translation rendered from the Sanskrit, not a published edition

LiP 62.3

सार्वभौमो महातेजाः सर्वशस्त्रभृतां वरः उत्तानपादो राजा वै पालयामास मेदिनीम्

sārvabhaumo mahātejāḥ sarvaśastrabhṛtāṃ varaḥ uttānapādo rājā vai pālayāmāsa medinīm

A universal sovereign, of great splendour, the best of all bearers of weapons, King Uttānapāda indeed protected the earth.

AI translation rendered from the Sanskrit, not a published edition

LiP 62.4

तस्य भार्याद्वयम् अभूत् सुनीतिः सुरुचिस् तथा अग्रजायामभूत्पुत्रः सुनीत्यां तु महायशाः

tasya bhāryādvayam abhūt sunītiḥ surucis tathā agrajāyāmabhūtputraḥ sunītyāṃ tu mahāyaśāḥ

He had two wives, Sunīti and likewise Suruci; and by the elder wife, by Sunīti, there was born a son of great fame,

AI translation rendered from the Sanskrit, not a published edition

LiP 62.5

ध्रुवो नाम महाप्राज्ञः कुलदीपो महामतिः कदाचित् सप्तवर्षे ऽपि पितुरङ्कम् उपाविशत्

dhruvo nāma mahāprājñaḥ kuladīpo mahāmatiḥ kadācit saptavarṣe 'pi pituraṅkam upāviśat

Dhruva by name, greatly wise, the lamp of the family, of great intelligence. Once, when he was seven years old, he sat down on his father's lap.

AI translation rendered from the Sanskrit, not a published edition

LiP 62.6

सुरुचिस्तं विनिर्धूय स्वपुत्रं प्रीतिमानसा न्यवेशयत्तं विप्रेन्द्रा ह्य् अङ्कं रूपेण मानिता

surucistaṃ vinirdhūya svaputraṃ prītimānasā nyaveśayattaṃ viprendrā hy aṅkaṃ rūpeṇa mānitā

Suruci, shaking him off, with an affectionate mind seated her own son on the lap, O chief of brahmins — she being esteemed for her beauty.

AI translation rendered from the Sanskrit, not a published edition

LiP 62.7

अलब्ध्वा स पितुर्धीमान् अङ्कं दुःखितमानसः मातुः समीपमागम्य रुरोद स पुनः पुनः

alabdhvā sa piturdhīmān aṅkaṃ duḥkhitamānasaḥ mātuḥ samīpamāgamya ruroda sa punaḥ punaḥ

Not having obtained his father's lap, that wise (boy), with a grieved mind, went into his mother's presence and wept again and again.

AI translation rendered from the Sanskrit, not a published edition

LiP 62.8

रुदन्तं पुत्रमाहेदं माता शोकपरिप्लुता सुरुचिर्दयिता भर्तुस् तस्याः पुत्रो ऽपि तादृशः

rudantaṃ putramāhedaṃ mātā śokapariplutā surucirdayitā bhartus tasyāḥ putro 'pi tādṛśaḥ

To her weeping son the mother, overwhelmed with sorrow, said this: "Suruci is the beloved of (your) husband—father, and her son too is like that (favoured)."

AI translation rendered from the Sanskrit, not a published edition — the model flagged this verse as uncertain

LiP 62.9

मम त्वं मन्दभाग्याया जातः पुत्रो ऽप्यभाग्यवान् किं शोचसि किमर्थं त्वं रोदमानः पुनः पुनः

mama tvaṃ mandabhāgyāyā jātaḥ putro 'pyabhāgyavān kiṃ śocasi kimarthaṃ tvaṃ rodamānaḥ punaḥ punaḥ

"You are born as a son to me, an ill-fated woman, and so you too are without fortune. Why do you grieve? For what purpose do you weep again and again?"

AI translation rendered from the Sanskrit, not a published edition

LiP 62.10

संतप्तहृदयो भूत्वा मम शोकं करिष्यसि स्वस्थस्थानं ध्रुवं पुत्र स्वशक्त्या त्वं समाप्नुयाः

saṃtaptahṛdayo bhūtvā mama śokaṃ kariṣyasi svasthasthānaṃ dhruvaṃ putra svaśaktyā tvaṃ samāpnuyāḥ

"Becoming burnt at heart, you will (only) cause me sorrow. By your own power, son, may you attain a firm, secure station."

AI translation rendered from the Sanskrit, not a published edition

LiP 62.11

इत्युक्तः स तु मात्रा वै निर्जगाम तदा वनम् विश्वामित्रं ततो दृष्ट्वा प्रणिपत्य यथाविधि

ityuktaḥ sa tu mātrā vai nirjagāma tadā vanam viśvāmitraṃ tato dṛṣṭvā praṇipatya yathāvidhi

Thus addressed by his mother, he then went out to the forest; and then, seeing Viśvāmitra, bowing down to him according to rule,

AI translation rendered from the Sanskrit, not a published edition

LiP 62.12

उवाच प्राञ्जलिर्भूत्वा भगवन् वक्तुमर्हसि सर्वेषामुपरिस्थानं केन प्राप्स्यामि सत्तम

uvāca prāñjalirbhūtvā bhagavan vaktumarhasi sarveṣāmuparisthānaṃ kena prāpsyāmi sattama

he spoke, with palms joined: "Lord, you should tell (me): by what (means) shall I attain the station above all (beings), O best one?"

AI translation rendered from the Sanskrit, not a published edition

LiP 62.13

पितुरङ्के समासीनं माता मां सुरुचिर्मुने व्यधूनयत्स तं राजा पिता नोवाच किंचन

pituraṅke samāsīnaṃ mātā māṃ surucirmune vyadhūnayatsa taṃ rājā pitā novāca kiṃcana

"When I was seated on my father's lap, O sage, my (step)mother Suruci shook me off, and the king, my father, said nothing to her."

AI translation rendered from the Sanskrit, not a published edition

LiP 62.14

एतस्मात् कारणाद् ब्रह्मंस् त्रस्तो ऽहं मातरं गतः सुनीतिराह मे माता मा कृथाः शोकमुत्तमम्

etasmāt kāraṇād brahmaṃs trasto 'haṃ mātaraṃ gataḥ sunītirāha me mātā mā kṛthāḥ śokamuttamam

"For that reason, O brahmin, terrified, I went to my mother; my mother Sunīti said to me: 'Do not make great grief.'"

AI translation rendered from the Sanskrit, not a published edition

LiP 62.15

स्वकर्मणा परं स्थानं प्राप्तुमर्हसि पुत्रक तस्या हि वचनं श्रुत्वा स्थानं तव महामुने

svakarmaṇā paraṃ sthānaṃ prāptumarhasi putraka tasyā hi vacanaṃ śrutvā sthānaṃ tava mahāmune

"'By your own action you can attain the highest station, little son.' Having heard her words, (I came for) your station, O great sage,"

AI translation rendered from the Sanskrit, not a published edition — the model flagged this verse as uncertain

LiP 62.16

प्राप्तो वनमिदं ब्रह्मन्न् अद्य त्वां दृष्टवान्प्रभो तव प्रसादात् प्राप्स्ये ऽहं स्थानमद्भुतमुत्तमम्

prāpto vanamidaṃ brahmann adya tvāṃ dṛṣṭavānprabho tava prasādāt prāpsye 'haṃ sthānamadbhutamuttamam

"I have reached this forest, O brahmin, and today I have seen you, O lord. By your grace I shall attain that wonderful, highest station."

AI translation rendered from the Sanskrit, not a published edition

LiP 62.17

इत्युक्तः स मुनिः श्रीमान् प्रहसन्न् इदम् अब्रवीत् राजपुत्र शृणुष्वेदं स्थानमुत्तममाप्स्यसि

ityuktaḥ sa muniḥ śrīmān prahasann idam abravīt rājaputra śṛṇuṣvedaṃ sthānamuttamamāpsyasi

Thus addressed, that glorious sage, laughing, said this: "Prince, hear this; you shall obtain the highest station."

AI translation rendered from the Sanskrit, not a published edition

LiP 62.18

आराध्य जगतामीशं केशवं क्लेशनाशनम् दक्षिणाङ्गभवं शंभोर् महादेवस्य धीमतः

ārādhya jagatāmīśaṃ keśavaṃ kleśanāśanam dakṣiṇāṅgabhavaṃ śaṃbhor mahādevasya dhīmataḥ

"Having worshipped the lord of the worlds, Keśava, the destroyer of affliction, who arose from the right side of Śambhu, the wise Mahādeva,"

AI translation rendered from the Sanskrit, not a published edition

LiP 62.19

जप नित्यं महाप्राज्ञ सर्वपापविनाशनम् इष्टदं परमं शुद्धं पवित्रममलं परम्

japa nityaṃ mahāprājña sarvapāpavināśanam iṣṭadaṃ paramaṃ śuddhaṃ pavitramamalaṃ param

"Recite (it) constantly, greatly wise one — (the mantra) that destroys all sins, that grants what is desired, supreme, pure, purifying, spotless, highest."

AI translation rendered from the Sanskrit, not a published edition

LiP 62.20

ब्रूहि मन्त्रमिमं दिव्यं प्रणवेन समन्वितम् नमो ऽस्तु वासुदेवाय इत्येवं नियतेन्द्रियः

brūhi mantramimaṃ divyaṃ praṇavena samanvitam namo 'stu vāsudevāya ityevaṃ niyatendriyaḥ

"Tell (me) this divine mantra, joined with the praṇava (Oṃ)." — "'Homage be to Vāsudeva': thus, with senses restrained,

AI translation rendered from the Sanskrit, not a published edition

LiP 62.21

ध्यायन्सनातनं विष्णुं जपहोमपरायणः इत्युक्तः प्रणिपत्यैनं विश्वामित्रं महायशाः

dhyāyansanātanaṃ viṣṇuṃ japahomaparāyaṇaḥ ityuktaḥ praṇipatyainaṃ viśvāmitraṃ mahāyaśāḥ

meditating on the eternal Viṣṇu, devoted to recitation and oblation (recite it)." Being thus addressed, the greatly renowned one bowed down to this Viśvāmitra,

AI translation rendered from the Sanskrit, not a published edition

LiP 62.22

प्राङ्मुखो नियतो भूत्वा जजाप प्रीतमानसः शाकमूलफलाहारः संवत्सरमतन्द्रितः

prāṅmukho niyato bhūtvā jajāpa prītamānasaḥ śākamūlaphalāhāraḥ saṃvatsaramatandritaḥ

and facing east, under restraint, with a glad mind he recited (the mantra), eating (only) greens, roots and fruit, untiring for a year.

AI translation rendered from the Sanskrit, not a published edition

LiP 62.23

जजाप मन्त्रमनिशम् अजस्रं स पुनः पुनः वेताला राक्षसा घोराः सिंहाद्याश् च महामृगाः

jajāpa mantramaniśam ajasraṃ sa punaḥ punaḥ vetālā rākṣasā ghorāḥ siṃhādyāś ca mahāmṛgāḥ

He recited the mantra day and night, ceaselessly, again and again. Vetālas, dreadful rākṣasas, and great beasts, lions and the rest,

AI translation rendered from the Sanskrit, not a published edition

LiP 62.24

तमभ्ययुर्महात्मानं बुद्धिमोहाय भीषणाः जपन् स वासुदेवेति न किंचित् प्रत्यपद्यत

tamabhyayurmahātmānaṃ buddhimohāya bhīṣaṇāḥ japan sa vāsudeveti na kiṃcit pratyapadyata

terrifying, came up to that great soul to confuse his mind; but he, reciting "Vāsudeva," took no notice of anything.

AI translation rendered from the Sanskrit, not a published edition

LiP 62.25

सुनीतिर् अस्य या माता तस्या रूपेण संवृता पिशाचि समनुप्राप्ता रुरोद भृशदुःखिता

sunītir asya yā mātā tasyā rūpeṇa saṃvṛtā piśāci samanuprāptā ruroda bhṛśaduḥkhitā

A piśācī, disguised in the form of Sunīti, who was his mother, arrived and wept, exceedingly distressed:

AI translation rendered from the Sanskrit, not a published edition

LiP 62.26

मम त्वमेकः पुत्रो ऽसि किमर्थं क्लिश्यते भवान् मामनाथामपहाय तप आस्थितवानसि

mama tvamekaḥ putro 'si kimarthaṃ kliśyate bhavān māmanāthāmapahāya tapa āsthitavānasi

"You are my only son; why do you torment yourself? Abandoning me, who am without a protector, you have taken up asceticism."

AI translation rendered from the Sanskrit, not a published edition

LiP 62.27

एवमादीनि वाक्यानि भाषमाणां महातपाः अनिरीक्ष्यैव हृष्टात्मा हरेर्नाम जजाप सः

evamādīni vākyāni bhāṣamāṇāṃ mahātapāḥ anirīkṣyaiva hṛṣṭātmā harernāma jajāpa saḥ

While she spoke these words and others like them, that great ascetic, without so much as looking (at her), with a joyful heart recited the name of Hari.

AI translation rendered from the Sanskrit, not a published edition

LiP 62.28

ततः प्रशेमुः सर्वत्र विघ्नरूपाणि तत्र वै ततो गरुडमारुह्य कालमेघसमद्युतिः

tataḥ praśemuḥ sarvatra vighnarūpāṇi tatra vai tato garuḍamāruhya kālameghasamadyutiḥ

Then all around the forms of obstruction subsided there. Then, mounting Garuḍa, (he) whose radiance was like a dark storm-cloud,

AI translation rendered from the Sanskrit, not a published edition

LiP 62.29

सर्वदेवैः परिवृतः स्तूयमानो महर्षिभिः आययौ भगवान्विष्णुः ध्रुवान्तिकम् अरातिहा

sarvadevaiḥ parivṛtaḥ stūyamāno maharṣibhiḥ āyayau bhagavānviṣṇuḥ dhruvāntikam arātihā

surrounded by all the gods, praised by the great seers — the lord Viṣṇu, slayer of foes, came near to Dhruva.

AI translation rendered from the Sanskrit, not a published edition

LiP 62.30

समागतं विलोक्याथ को ऽसावित्येव चिन्तयन् पिबन्निव हृषीकेशं नयनाभ्यां जगत्पतिम्

samāgataṃ vilokyātha ko 'sāvityeva cintayan pibanniva hṛṣīkeśaṃ nayanābhyāṃ jagatpatim

Then, seeing (him) arrived, wondering "Who is this?", as if drinking in Hṛṣīkeśa, the lord of the world, with his two eyes,

AI translation rendered from the Sanskrit, not a published edition

LiP 62.31

जपन् स वासुदेवेति ध्रुवस्तस्थौ महाद्युतिः शङ्खप्रान्तेन गोविन्दः पस्पर्शास्यं हि तस्य वै

japan sa vāsudeveti dhruvastasthau mahādyutiḥ śaṅkhaprāntena govindaḥ pasparśāsyaṃ hi tasya vai

Dhruva of great splendour stood reciting "Vāsudeva"; and Govinda touched his mouth with the tip of his conch.

AI translation rendered from the Sanskrit, not a published edition

LiP 62.32

ततः स परमं ज्ञानम् अवाप्य पुरुषोत्तमम् तुष्टाव प्राञ्जलिर्भूत्वा सर्वलोकेश्वरं हरिम्

tataḥ sa paramaṃ jñānam avāpya puruṣottamam tuṣṭāva prāñjalirbhūtvā sarvalokeśvaraṃ harim

Then, having obtained the supreme knowledge (of) the highest Person, he made his palms together and praised Hari, the lord of all worlds:

AI translation rendered from the Sanskrit, not a published edition

LiP 62.33

प्रसीद देवदेवेश शङ्खचक्रगदाधर लोकात्मन् वेदगुह्यात्मन् त्वां प्रपन्नो ऽस्मि केशव

prasīda devadeveśa śaṅkhacakragadādhara lokātman vedaguhyātman tvāṃ prapanno 'smi keśava

"Be gracious, lord of the gods of gods, bearer of conch, discus and mace; soul of the worlds, soul hidden in the Vedas — I have taken refuge in you, Keśava.

AI translation rendered from the Sanskrit, not a published edition

LiP 62.34

न विदुस्त्वां महात्मानं सनकाद्या महर्षयः तत्कथं त्वामहं विद्यां नमस्ते भुवनेश्वर

na vidustvāṃ mahātmānaṃ sanakādyā maharṣayaḥ tatkathaṃ tvāmahaṃ vidyāṃ namaste bhuvaneśvara

The great seers, Sanaka and the rest, do not know you, the great soul; then how should I know you? Homage to you, lord of the world."

AI translation rendered from the Sanskrit, not a published edition

LiP 62.35

तमाह प्रहसन्विष्णुर् एहि वत्स ध्रुवो भवान् स्थानं ध्रुवं समासाद्य ज्योतिषाम् अग्रभुग् भव

tamāha prahasanviṣṇur ehi vatsa dhruvo bhavān sthānaṃ dhruvaṃ samāsādya jyotiṣām agrabhug bhava

Smiling, Viṣṇu said to him: "Come, child, you are Dhruva (the fixed one); reaching the fixed station, become the foremost enjoyer among the lights.

AI translation rendered from the Sanskrit, not a published edition

LiP 62.36

मात्रा त्वं सहितस्तत्र ज्योतिषां स्थानमाप्नुहि मत्स्थानमेतत्परमं ध्रुवं नित्यं सुशोभनम्

mātrā tvaṃ sahitastatra jyotiṣāṃ sthānamāpnuhi matsthānametatparamaṃ dhruvaṃ nityaṃ suśobhanam

Together with your mother, attain there the station of the lights; this is my supreme station, fixed, eternal, beautiful.

AI translation rendered from the Sanskrit, not a published edition

LiP 62.37

तपसाराध्य देवेशं पुरा लब्धं हि शङ्करात् वासुदेवेति यो नित्यं प्रणवेन समन्वितम्

tapasārādhya deveśaṃ purā labdhaṃ hi śaṅkarāt vāsudeveti yo nityaṃ praṇavena samanvitam

Having propitiated the lord of the gods by austerity, (this mantra) was formerly obtained from Śaṅkara. Whoever constantly (recites) 'Vāsudeva', joined with the praṇava,

AI translation rendered from the Sanskrit, not a published edition — the model flagged this verse as uncertain

LiP 62.38

नमस्कारसमायुक्तं भगवच्छब्दसंयुतम् जपेदेवं हि यो विद्वान् ध्रुवं स्थानं प्रपद्यते

namaskārasamāyuktaṃ bhagavacchabdasaṃyutam japedevaṃ hi yo vidvān dhruvaṃ sthānaṃ prapadyate

joined with an act of homage and combined with the word 'bhagavat' — the wise one who recites thus attains the fixed station.

AI translation rendered from the Sanskrit, not a published edition

LiP 62.39

ततो देवाः सगन्धर्वाः सिद्धाश् च परमर्षयः मात्रा सह ध्रुवं सर्वे तस्मिन् स्थाने न्यवेशयन्

tato devāḥ sagandharvāḥ siddhāś ca paramarṣayaḥ mātrā saha dhruvaṃ sarve tasmin sthāne nyaveśayan

Then the gods together with the gandharvas, the siddhas and the supreme sages, all of them, along with his mother, installed Dhruva in that station.

AI translation rendered from the Sanskrit, not a published edition

LiP 62.40

विष्णोराज्ञां पुरस्कृत्य ज्योतिषां स्थानमाप्तवान् एवं ध्रुवो महातेजा द्वादशाक्षरविद्यया

viṣṇorājñāṃ puraskṛtya jyotiṣāṃ sthānamāptavān evaṃ dhruvo mahātejā dvādaśākṣaravidyayā

Placing Viṣṇu's command foremost, he obtained the station of the lights. Thus Dhruva, of great splendour, by the science of twelve syllables

AI translation rendered from the Sanskrit, not a published edition

LiP 62.41

अवाप महतीं सिद्धिम् एतत्ते कथितं मया

avāpa mahatīṃ siddhim etatte kathitaṃ mayā

attained the great perfection. This has been told to you by me.

AI translation rendered from the Sanskrit, not a published edition

LiP 62.42

तस्माद्यो वासुदेवाय प्रणामं कुरुते नरः स याति ध्रुवसालोक्यं ध्रुवत्वं तस्य तत्तथा

tasmādyo vāsudevāya praṇāmaṃ kurute naraḥ sa yāti dhruvasālokyaṃ dhruvatvaṃ tasya tattathā

Therefore whatever man makes obeisance to Vāsudeva, he goes to co-residence with Dhruva, and that fixity (dhruva-ness) becomes his likewise.

AI translation rendered from the Sanskrit, not a published edition