Linga Purana — Chapter 61
LiP 61.1
क्षेत्राण्येतानि सर्वाणि आतपन्ति गभस्तिभिः तेषां क्षेत्राण्यथादत्ते सूर्यो नक्षत्रतारकाः
kṣetrāṇyetāni sarvāṇi ātapanti gabhastibhiḥ teṣāṃ kṣetrāṇyathādatte sūryo nakṣatratārakāḥ
All these fields (of the sky) he heats with his rays; and the sun takes up their fields — the lunar mansions and the stars.
AI translation rendered from the Sanskrit, not a published edition — the model flagged this verse as uncertain
LiP 61.2
चीर्णेन सुकृतेनेह सुकृतान्ते ग्रहाश्रयाः तारणात्तारका ह्येताः शुक्लत्वाच्चैव तारकाः
cīrṇena sukṛteneha sukṛtānte grahāśrayāḥ tāraṇāttārakā hyetāḥ śuklatvāccaiva tārakāḥ
By good conduct practised here, when (the store of) merit is exhausted, they come to rest in the planets; these are "tārakās" because they carry across (tāraṇa), and "tārakās" also because of their whiteness.
AI translation rendered from the Sanskrit, not a published edition — the model flagged this verse as uncertain
LiP 61.3
दिव्यानां पार्थिवानां च नैशानां चैव सर्वशः आदानान्नित्यमादित्यस् तेजसां तमसामपि
divyānāṃ pārthivānāṃ ca naiśānāṃ caiva sarvaśaḥ ādānānnityamādityas tejasāṃ tamasāmapi
Because he continually takes up (all things) heavenly, earthly and nocturnal on every side, and (takes up) both lights and darknesses, (he is) Āditya (from ā-dā, "to take").
AI translation rendered from the Sanskrit, not a published edition
LiP 61.4
सवने स्यन्दने ऽर्थे च धातुर् एष विभाष्यते सवनात्तेजसो ऽपां च तेनासौ सविता मतः
savane syandane 'rthe ca dhātur eṣa vibhāṣyate savanāttejaso 'pāṃ ca tenāsau savitā mataḥ
This verbal root is explained in the sense of pressing out (savana) and of flowing forth; because of the pressing out of light and of waters, he is therefore held to be Savitṛ.
AI translation rendered from the Sanskrit, not a published edition — the model flagged this verse as uncertain
LiP 61.5
बहुलश्चन्द्र इत्येष ह्लादने धातुरुच्यते शुक्लत्वे चामृतत्वे च शीतत्वे च विभाव्यते
bahulaścandra ityeṣa hlādane dhāturucyate śuklatve cāmṛtatve ca śītatve ca vibhāvyate
He is abundant (bahula): this root, in the word "candra," is said to be in the sense of gladdening; and it is understood as (denoting) whiteness, nectar-nature, and coolness.
AI translation rendered from the Sanskrit, not a published edition — the model flagged this verse as uncertain
LiP 61.6
सूर्याचन्द्रमसोर्दिव्ये मण्डले भास्वरे खगे जलतेजोमये शुक्ले वृत्तकुंभनिभे शुभे
sūryācandramasordivye maṇḍale bhāsvare khage jalatejomaye śukle vṛttakuṃbhanibhe śubhe
The two divine disks of the sun and moon, shining, moving in the sky, made of water and of fire, white, resembling a round pot, auspicious —
AI translation rendered from the Sanskrit, not a published edition
LiP 61.7
घनतोयात्मकं तत्र मण्डलं शशिनः स्मृतम् घनतेजोमयं शुक्लं मण्डलं भास्करस्य तु
ghanatoyātmakaṃ tatra maṇḍalaṃ śaśinaḥ smṛtam ghanatejomayaṃ śuklaṃ maṇḍalaṃ bhāskarasya tu
Of these, the disk of the moon is held to consist of dense water; but the disk of the sun is white and made of dense fire.
AI translation rendered from the Sanskrit, not a published edition
LiP 61.8
वसन्ति सर्वदेवाश् च स्थानान्येतानि सर्वशः मन्वन्तरेषु सर्वेषु ऋक्षसूर्यग्रहाश्रयाः
vasanti sarvadevāś ca sthānānyetāni sarvaśaḥ manvantareṣu sarveṣu ṛkṣasūryagrahāśrayāḥ
And all the gods dwell (there); these stations, in all the manvantaras, are the abodes of the stars, the sun and the planets.
AI translation rendered from the Sanskrit, not a published edition
LiP 61.9
तेन ग्रहा गृहाण्येव तदाख्यास्ते भवन्ति च सौरं सूर्यो ऽविशत्स्थानं सौम्यं सोमस्तथैव च
tena grahā gṛhāṇyeva tadākhyāste bhavanti ca sauraṃ sūryo 'viśatsthānaṃ saumyaṃ somastathaiva ca
Therefore the planets (grahas) are just houses (gṛhas), and they come to bear that name: the Sun entered the solar station, and Soma likewise the lunar one.
AI translation rendered from the Sanskrit, not a published edition
LiP 61.10
शौक्रं शुक्रो ऽविशत्स्थानं षोडशार्चिः प्रतापवान् बृहद् बृहस्पतिश्चैव लोहितश्चैव लोहितम्
śaukraṃ śukro 'viśatsthānaṃ ṣoḍaśārciḥ pratāpavān bṛhad bṛhaspatiścaiva lohitaścaiva lohitam
Śukra, of sixteen rays and full of blazing power, entered the station of Śukra; Bṛhaspati (entered) the "great" one, and the Red one (Mars) the red one.
AI translation rendered from the Sanskrit, not a published edition
LiP 61.11
शनैश्चरं तथा स्थानं देवश्चापि शनैश्चरः बौधं बुधस्तु स्वर्भानुः स्वर्भानुस्थानमाश्रितः
śanaiścaraṃ tathā sthānaṃ devaścāpi śanaiścaraḥ baudhaṃ budhastu svarbhānuḥ svarbhānusthānamāśritaḥ
So too the god Śanaiścara (entered) the station of Śanaiścara; Budha (entered) that of Budha, and Svarbhānu took up the station of Svarbhānu.
AI translation rendered from the Sanskrit, not a published edition
LiP 61.12
नक्षत्राणि च सर्वाणि नक्षत्राणि विशन्ति च गृहाण्येतानि सर्वाणि ज्योतींषि सुकृतात्मनाम्
nakṣatrāṇi ca sarvāṇi nakṣatrāṇi viśanti ca gṛhāṇyetāni sarvāṇi jyotīṃṣi sukṛtātmanām
And all the lunar mansions enter the lunar mansions; all these are houses, the luminaries of those whose souls are meritorious.
AI translation rendered from the Sanskrit, not a published edition
LiP 61.13
कल्पादौ सम्प्रवृत्तानि निर्मितानि स्वयंभुवा स्थानान्येतानि तिष्ठन्ति यावद् आभूतसंप्लवम्
kalpādau sampravṛttāni nirmitāni svayaṃbhuvā sthānānyetāni tiṣṭhanti yāvad ābhūtasaṃplavam
Set in motion at the beginning of the kalpa, fashioned by the Self-existent, these stations endure until the dissolution of beings.
AI translation rendered from the Sanskrit, not a published edition
LiP 61.14
मन्वन्तरेषु सर्वेषु देवस्थानानि तानि वै अभिमानिनो ऽवतिष्ठन्ते देवाः स्थानं पुनः पुनः
manvantareṣu sarveṣu devasthānāni tāni vai abhimānino 'vatiṣṭhante devāḥ sthānaṃ punaḥ punaḥ
In all the manvantaras those are indeed the stations of the gods; the presiding gods occupy the station again and again.
AI translation rendered from the Sanskrit, not a published edition
LiP 61.15
अतीतैस्तु सहैतानि भाव्याभाव्यैः सुरैः सह वर्तन्ते वर्तमानैश् च स्थानिभिस्तैः सुरैः सह
atītaistu sahaitāni bhāvyābhāvyaiḥ suraiḥ saha vartante vartamānaiś ca sthānibhistaiḥ suraiḥ saha
These (stations) exist together with the past gods, together with those who are to be and not to be, and with the present ones, together with those gods who occupy the stations.
AI translation rendered from the Sanskrit, not a published edition — the model flagged this verse as uncertain
LiP 61.16
अस्मिन्मन्वन्तरे चैव ग्रहा वैमानिकाः स्मृताः विवस्वानदितेः पुत्रः सूर्यो वैवस्वते ऽन्तरे
asminmanvantare caiva grahā vaimānikāḥ smṛtāḥ vivasvānaditeḥ putraḥ sūryo vaivasvate 'ntare
And in this manvantara the planets are held to travel in celestial cars: in the Vaivasvata interval the sun is Vivasvat, son of Aditi.
AI translation rendered from the Sanskrit, not a published edition
LiP 61.17
द्युतिमानृषिपुत्रस्तु सोमो देवो वसुः स्मृतः शुक्रो देवस्तु विज्ञेयो भार्गवो ऽसुरयाजकः
dyutimānṛṣiputrastu somo devo vasuḥ smṛtaḥ śukro devastu vijñeyo bhārgavo 'surayājakaḥ
The god Soma, the radiant one, son of a ṛṣi, is held to be a Vasu; and the god Śukra is to be known as Bhārgava, the priest of the asuras.
AI translation rendered from the Sanskrit, not a published edition
LiP 61.18
बृहत्तेजाः स्मृतो देवो देवाचार्यो ऽङ्गिरःसुतः बुधो मनोहरश्चैव ऋषिपुत्रस्तु स स्मृतः
bṛhattejāḥ smṛto devo devācāryo 'ṅgiraḥsutaḥ budho manoharaścaiva ṛṣiputrastu sa smṛtaḥ
The god of great splendour, the preceptor of the gods, the son of Aṅgiras, is (Bṛhaspati); and Budha, the delightful one, he is held to be the son of a ṛṣi.
AI translation rendered from the Sanskrit, not a published edition — the model flagged this verse as uncertain
LiP 61.19
शनैश्चरो विरूपस्तु संज्ञापुत्रो विवस्वतः अग्निर्विकेश्यां जज्ञे तु युवासौ लोहितार्चिषः
śanaiścaro virūpastu saṃjñāputro vivasvataḥ agnirvikeśyāṃ jajñe tu yuvāsau lohitārciṣaḥ
Śanaiścara is Virūpa, the son of Saṃjñā (born) of Vivasvat; and Agni was born of Vikeśī, that youth of red flames.
AI translation rendered from the Sanskrit, not a published edition — the model flagged this verse as uncertain
LiP 61.20
नक्षत्रऋक्षनामिन्यो दाक्षायण्यस्तु ताः स्मृताः स्वर्भानुः सिंहिकापुत्रो भूतसंतापनो ऽसुरः
nakṣatraṛkṣanāminyo dākṣāyaṇyastu tāḥ smṛtāḥ svarbhānuḥ siṃhikāputro bhūtasaṃtāpano 'suraḥ
Those (wives) bearing the names of the lunar mansions and stars are held to be the daughters of Dakṣa; Svarbhānu is the son of Siṃhikā, an asura who torments beings.
AI translation rendered from the Sanskrit, not a published edition
LiP 61.21
सोमर्क्षग्रहसूर्येषु कीर्तितास्त्वभिमानिनः स्थानान्येतान्यथोक्तानि स्थानिन्यश्चैव देवताः
somarkṣagrahasūryeṣu kīrtitāstvabhimāninaḥ sthānānyetānyathoktāni sthāninyaścaiva devatāḥ
The presiding deities in the moon, the stars, the planets and the sun have (thus) been proclaimed; these stations have been declared as above, and the deities who occupy them.
AI translation rendered from the Sanskrit, not a published edition
LiP 61.22
सौरम् अग्निमयं स्थानं सहस्रांशोर्विवस्वतः हिमांशोस्तु स्मृतं स्थानम् अम्मयं शुक्लमेव च
sauram agnimayaṃ sthānaṃ sahasrāṃśorvivasvataḥ himāṃśostu smṛtaṃ sthānam ammayaṃ śuklameva ca
The sun's station is made of fire, that of the thousand-rayed Vivasvat; but the station of the cool-rayed (moon) is held to be made of water, and white.
AI translation rendered from the Sanskrit, not a published edition
LiP 61.23
आप्यं श्यामं मनोज्ञं च बुधरश्मिगृहं स्मृतम् शुक्लस्याप्यम्मयं शुक्लं पदं षोडशरश्मिवत्
āpyaṃ śyāmaṃ manojñaṃ ca budharaśmigṛhaṃ smṛtam śuklasyāpyammayaṃ śuklaṃ padaṃ ṣoḍaśaraśmivat
The house of Mercury's rays is held to be watery, dark, and pleasing; and the white (Venus's) station is watery too, white, having sixteen rays.
AI translation rendered from the Sanskrit, not a published edition — the model flagged this verse as uncertain
LiP 61.24
नवरश्मि तु भौमस्य लोहितं स्थानम् उत्तमम् हरिद्राभं बृहच्चापि षोडशार्चिर्बृहस्पतेः
navaraśmi tu bhaumasya lohitaṃ sthānam uttamam haridrābhaṃ bṛhaccāpi ṣoḍaśārcirbṛhaspateḥ
But Mars's station has nine rays, is red and excellent; and Jupiter's is yellow-hued and large, with sixteen beams.
AI translation rendered from the Sanskrit, not a published edition
LiP 61.25
अष्टरश्मिगृहं चापि प्रोक्तं कृष्णं शनैश्चरे स्वर्भानोस्तामसं स्थानं भूतसंतापनालयम्
aṣṭaraśmigṛhaṃ cāpi proktaṃ kṛṣṇaṃ śanaiścare svarbhānostāmasaṃ sthānaṃ bhūtasaṃtāpanālayam
And an eight-rayed house, black, is declared for Saturn; the station of Svarbhānu (the eclipse-demon) is made of darkness, the abode that torments beings.
AI translation rendered from the Sanskrit, not a published edition
LiP 61.26
विज्ञेयास्तारकाः सर्वास् त्व् ऋषयस्त्वेकरश्मयः आश्रयाः पुण्यकीर्तीनां शुक्लाश्चापि स्ववर्णतः
vijñeyāstārakāḥ sarvās tv ṛṣayastvekaraśmayaḥ āśrayāḥ puṇyakīrtīnāṃ śuklāścāpi svavarṇataḥ
All the stars are to be known (thus), but the seers have a single ray; they are the refuges of those of holy fame, and are white, each according to its own colour.
AI translation rendered from the Sanskrit, not a published edition
LiP 61.27
घनतोयात्मिका ज्ञेयाः कल्पादावेव निर्मिताः आदित्यरश्मिसंयोगात् संप्रकाशात्मिकाः स्मृताः
ghanatoyātmikā jñeyāḥ kalpādāveva nirmitāḥ ādityaraśmisaṃyogāt saṃprakāśātmikāḥ smṛtāḥ
They are to be known as consisting of dense water, fashioned at the very beginning of the aeon; through contact with the sun's rays they are held to be luminous in nature.
AI translation rendered from the Sanskrit, not a published edition
LiP 61.28
नवयोजनसाहस्रो विष्कंभः सवितुः स्मृतः त्रिगुणस्तस्य विस्तारो मण्डलस्य प्रमाणतः
navayojanasāhasro viṣkaṃbhaḥ savituḥ smṛtaḥ triguṇastasya vistāro maṇḍalasya pramāṇataḥ
The diameter of the sun is held to be nine thousand yojanas; three times that is its extent, by the measure of its disc.
AI translation rendered from the Sanskrit, not a published edition
LiP 61.29
द्विगुणः सूर्यविस्ताराद् विस्तारः शशिनः स्मृतः तुल्यस्तयोस्तु स्वर्भानुर् भूत्वाधस्तात्प्रसर्पति
dviguṇaḥ sūryavistārād vistāraḥ śaśinaḥ smṛtaḥ tulyastayostu svarbhānur bhūtvādhastātprasarpati
The extent of the moon is held to be twice the sun's extent; Svarbhānu, being equal to those two, creeps along below (them).
AI translation rendered from the Sanskrit, not a published edition
LiP 61.30
उद्धृत्य पृथिवीछायां निर्मितां मण्डलाकृतिम् स्वर्भानोस्तु बृहत्स्थानं तृतीयं यत्तमोमयम्
uddhṛtya pṛthivīchāyāṃ nirmitāṃ maṇḍalākṛtim svarbhānostu bṛhatsthānaṃ tṛtīyaṃ yattamomayam
Taking up the earth's shadow, which was fashioned disc-shaped, the great station of Svarbhānu is the third, that which is made of darkness.
AI translation rendered from the Sanskrit, not a published edition — the model flagged this verse as uncertain
LiP 61.31
आदित्यात्तच्च निष्क्रम्य समं गच्छति पर्वसु आदित्यमेति सोमाच्च पुनः सौरेषु पर्वसु
ādityāttacca niṣkramya samaṃ gacchati parvasu ādityameti somācca punaḥ saureṣu parvasu
And going forth from the sun it moves level (with them) at the conjunction-days; it reaches the sun, and from the moon again at the solar conjunction-days.
AI translation rendered from the Sanskrit, not a published edition — the model flagged this verse as uncertain
LiP 61.32
स्वर्भानुं नुदते यस्मात् तस्मात्स्वर्भानुरुच्यते चन्द्रस्य षोडशो भागो भार्गवस्य विधीयते
svarbhānuṃ nudate yasmāt tasmātsvarbhānurucyate candrasya ṣoḍaśo bhāgo bhārgavasya vidhīyate
Since it thrusts at the light of the sun, therefore it is called Svarbhānu. A sixteenth part of the moon is assigned to Venus (the son of Bhṛgu).
AI translation rendered from the Sanskrit, not a published edition — the model flagged this verse as uncertain
LiP 61.33
विष्कंभान्मण्डलाच्चैव योजनाग्रात्प्रमाणतः भार्गवात्पादहीनस्तु विज्ञेयो वै बृहस्पतिः
viṣkaṃbhānmaṇḍalāccaiva yojanāgrātpramāṇataḥ bhārgavātpādahīnastu vijñeyo vai bṛhaspatiḥ
By measure in yojanas, in diameter and in disc, Jupiter is to be known as less by a quarter than Venus.
AI translation rendered from the Sanskrit, not a published edition
LiP 61.34
बृहस्पतेः पादहीनौ वक्रसौरी उभौ स्मृतौ विस्तारान्मण्डलाच्चैव पादहीनस्तयोर्बुधः
bṛhaspateḥ pādahīnau vakrasaurī ubhau smṛtau vistārānmaṇḍalāccaiva pādahīnastayorbudhaḥ
Both Mars and Saturn are held to be a quarter less than Jupiter; and Mercury is a quarter less than those two in extent and in disc.
AI translation rendered from the Sanskrit, not a published edition
LiP 61.35
तारानक्षत्ररूपाणि वपुष्मन्तीह यानि वै बुधेन तानि तुल्यानि विस्तारान्मण्डलाच्च वै
tārānakṣatrarūpāṇi vapuṣmantīha yāni vai budhena tāni tulyāni vistārānmaṇḍalācca vai
Those star-forms and constellation-forms here that have (large) bodies are equal to Mercury in extent and in disc.
AI translation rendered from the Sanskrit, not a published edition
LiP 61.36
प्रायशश्चन्द्रयोगीनि विद्यादृक्षाणि तत्त्ववित् तारानक्षत्ररूपाणि हीनानि तु परस्परम्
prāyaśaścandrayogīni vidyādṛkṣāṇi tattvavit tārānakṣatrarūpāṇi hīnāni tu parasparam
One who knows the truth should know that the lunar mansions are for the most part conjoined with the moon; but the star-forms and constellation-forms are lesser one than another.
AI translation rendered from the Sanskrit, not a published edition — the model flagged this verse as uncertain
LiP 61.37
शतानि पञ्च चत्वारि त्रीणि द्वे चैव योजने सर्वोपरि निकृष्टानि तारकामण्डलानि तु
śatāni pañca catvāri trīṇi dve caiva yojane sarvopari nikṛṣṭāni tārakāmaṇḍalāni tu
Five hundred, four, three, and two hundred yojanas—the star-circles are the lowest, drawn up above them all.
AI translation rendered from the Sanskrit, not a published edition — the model flagged this verse as uncertain
LiP 61.38
योजनान्यर्धमात्राणि तेभ्यो ह्रस्वं न विद्यते उपरिष्टात्त्रयस्तेषां ग्रहास्ते दूरसर्पिणः
yojanānyardhamātrāṇi tebhyo hrasvaṃ na vidyate upariṣṭāttrayasteṣāṃ grahāste dūrasarpiṇaḥ
(Some are) of half a yojana in measure; smaller than those there is none. Above them are those three planets, which move far.
AI translation rendered from the Sanskrit, not a published edition
LiP 61.39
सौरो ऽङ्गिराश् च वक्रश् च ज्ञेया मन्दविचारिणः पूर्वमेव समाख्याता गतिस्तेषां यथाक्रमम्
sauro 'ṅgirāś ca vakraś ca jñeyā mandavicāriṇaḥ pūrvameva samākhyātā gatisteṣāṃ yathākramam
Saturn, Jupiter (Aṅgiras) and Mars are to be known as slow-moving; their motion has already been declared earlier, in due order.
AI translation rendered from the Sanskrit, not a published edition
LiP 61.40
एतेष्वेव ग्रहाः सर्वे नक्षत्रेषु समुत्थिताः विवस्वानदितेः पुत्रः सूर्यो वै मुनिसत्तमाः
eteṣveva grahāḥ sarve nakṣatreṣu samutthitāḥ vivasvānaditeḥ putraḥ sūryo vai munisattamāḥ
In these very lunar mansions all the planets arose. Vivasvat, the son of Aditi, is indeed the Sun, O best of sages.
AI translation rendered from the Sanskrit, not a published edition
LiP 61.41
विशाखासु समुत्पन्नो ग्रहाणां प्रथमो ग्रहः त्विषिमान् धर्मपुत्रस्तु सोमो देवो वसुस्तु सः
viśākhāsu samutpanno grahāṇāṃ prathamo grahaḥ tviṣimān dharmaputrastu somo devo vasustu saḥ
He arose in Viśākhā, the first of the planets. And the radiant Soma, son of Dharma, that god is a Vasu.
AI translation rendered from the Sanskrit, not a published edition
LiP 61.42
शीतरश्मिः समुत्पन्नः कृत्तिकासु निशाकरः षोडशार्चिर्भृगोः पुत्रः शुक्रः सूर्यादनन्तरम्
śītaraśmiḥ samutpannaḥ kṛttikāsu niśākaraḥ ṣoḍaśārcirbhṛgoḥ putraḥ śukraḥ sūryādanantaram
The cool-rayed night-maker (the moon) arose in the Kṛttikās; (and) sixteen-rayed Śukra, son of Bhṛgu, (arose) right after the sun.
AI translation rendered from the Sanskrit, not a published edition
LiP 61.43
ताराग्रहाणां प्रवरस् तिष्ये क्षेत्रे समुत्थितः ग्रहश्चाङ्गिरसः पुत्रो द्वादशार्चिर्बृहस्पतिः
tārāgrahāṇāṃ pravaras tiṣye kṣetre samutthitaḥ grahaścāṅgirasaḥ putro dvādaśārcirbṛhaspatiḥ
The foremost of the star-planets arose in the field of Tiṣya (Puṣya): the planet Bṛhaspati, twelve-rayed, son of Aṅgiras.
AI translation rendered from the Sanskrit, not a published edition
LiP 61.44
फाल्गुनीषु समुत्पन्नः पूर्वाख्यासु जगद्गुरुः नवार्चिर्लोहिताङ्गश् च प्रजापतिसुतो ग्रहः
phālgunīṣu samutpannaḥ pūrvākhyāsu jagadguruḥ navārcirlohitāṅgaś ca prajāpatisuto grahaḥ
The teacher of the world (Bṛhaspati) arose in the Phālgunīs called the Earlier (Pūrva-phālgunī); and the nine-rayed red-limbed one (Mars), the planet, son of Prajāpati—
AI translation rendered from the Sanskrit, not a published edition
LiP 61.45
आषाढास्विह पूर्वासु समुत्पन्न इति स्मृतः रेवतीष्वेव सप्तार्चिःस्थाने सौरिः शनैश्चरः
āṣāḍhāsviha pūrvāsu samutpanna iti smṛtaḥ revatīṣveva saptārciḥsthāne sauriḥ śanaiścaraḥ
—is remembered as having arisen here in the Earlier Āṣāḍhās; and in the Revatīs, in the place of the seven-rayed one, (arose) Śanaiścara, son of the Sun.
AI translation rendered from the Sanskrit, not a published edition — the model flagged this verse as uncertain
LiP 61.46
सौम्यो बुधो धनिष्ठासु पञ्चार्चिर् उदितो ग्रहः तमोमयो मृत्युसुतः प्रजाक्षयकरः शिखी
saumyo budho dhaniṣṭhāsu pañcārcir udito grahaḥ tamomayo mṛtyusutaḥ prajākṣayakaraḥ śikhī
The son of Soma, Budha, five-rayed, rose as a planet in the Dhaniṣṭhās; (and) the comet (śikhī), made of darkness, son of Death, causing the destruction of creatures—
AI translation rendered from the Sanskrit, not a published edition
LiP 61.47
आश्लेषासु समुत्पन्नः सर्वहारी महाग्रहः तथा स्वनामधेयेषु दाक्षायण्यः समुत्थिताः
āśleṣāsu samutpannaḥ sarvahārī mahāgrahaḥ tathā svanāmadheyeṣu dākṣāyaṇyaḥ samutthitāḥ
—the great planet that carries all away, arose in the Āśleṣās; and likewise the daughters of Dakṣa arose in the (asterisms) bearing their own names.
AI translation rendered from the Sanskrit, not a published edition
LiP 61.48
तमोवीर्यमयो राहुः प्रकृत्या कृष्णमण्डलः भरणीषु समुत्पन्नो ग्रहश्चन्द्रार्कमर्दनः
tamovīryamayo rāhuḥ prakṛtyā kṛṣṇamaṇḍalaḥ bharaṇīṣu samutpanno grahaścandrārkamardanaḥ
Rāhu, made of the power of darkness, black-orbed by nature, arose in the Bharaṇīs, a planet that crushes the moon and the sun.
AI translation rendered from the Sanskrit, not a published edition
LiP 61.49
एते तारा ग्रहाश्चापि बोद्धव्या भार्गवादयः जन्मनक्षत्रपीडासु यान्ति वैगुण्यतां यतः
ete tārā grahāścāpi boddhavyā bhārgavādayaḥ janmanakṣatrapīḍāsu yānti vaiguṇyatāṃ yataḥ
These stars and also the planets, Bhārgava (Venus) and the rest, are to be known, since in afflictions of one's birth-asterism they turn adverse.
AI translation rendered from the Sanskrit, not a published edition — the model flagged this verse as uncertain
LiP 61.50
मुच्यते तेन दोषेण ततस्तद्ग्रहभक्तितः सर्वग्रहाणामेतेषाम् आदिरादित्य उच्यते
mucyate tena doṣeṇa tatastadgrahabhaktitaḥ sarvagrahāṇāmeteṣām ādirāditya ucyate
Thereupon, through devotion to that planet, one is freed from that fault. Of all these planets the Sun is said to be the first.
AI translation rendered from the Sanskrit, not a published edition
LiP 61.51
ताराग्रहाणां शुक्रस्तु केतूनां चापि धूमवान् ध्रुवः किल ग्रहाणां तु विभक्तानां चतुर्दिशम्
tārāgrahāṇāṃ śukrastu ketūnāṃ cāpi dhūmavān dhruvaḥ kila grahāṇāṃ tu vibhaktānāṃ caturdiśam
Of the star-planets it is Śukra, and of the comets the Smoky One (Dhūmavān); and of the planets distributed in the four directions it is, indeed, Dhruva (the first).
AI translation rendered from the Sanskrit, not a published edition — the model flagged this verse as uncertain
LiP 61.52
नक्षत्राणां श्रविष्ठा स्याद् अयनानां तथोत्तरम् वर्षाणां चैव पञ्चानाम् आद्यः संवत्सरः स्मृतः
nakṣatrāṇāṃ śraviṣṭhā syād ayanānāṃ tathottaram varṣāṇāṃ caiva pañcānām ādyaḥ saṃvatsaraḥ smṛtaḥ
Of the asterisms it would be Śraviṣṭhā, of the two solstitial courses the northern; and of the five years the first is held to be Saṃvatsara.
AI translation rendered from the Sanskrit, not a published edition
LiP 61.53
ऋतूनां शिशिरश्चापि मासानां माघ उच्यते पक्षाणां शुक्लपक्षस्तु तिथीनां प्रतिपत्तथा
ṛtūnāṃ śiśiraścāpi māsānāṃ māgha ucyate pakṣāṇāṃ śuklapakṣastu tithīnāṃ pratipattathā
Of the seasons, Śiśira; of the months, Māgha is said (to be first); of the fortnights, the bright fortnight; and of the lunar days, the first day.
AI translation rendered from the Sanskrit, not a published edition
LiP 61.54
अहोरात्रविभागानाम् अहश्चादिः प्रकीर्तितः मुहूर्तानां तथैवादिर् मुहूर्तो रुद्रदैवतः
ahorātravibhāgānām ahaścādiḥ prakīrtitaḥ muhūrtānāṃ tathaivādir muhūrto rudradaivataḥ
Of the divisions of day and night, the day is declared the first; and likewise the first of the muhūrtas is the muhūrta whose deity is Rudra.
AI translation rendered from the Sanskrit, not a published edition
LiP 61.55
क्षणश्चापि निमेषादिः कालः कालविदां वराः श्रवणान्तं धनिष्ठादि युगं स्यात्पञ्चवार्षिकम्
kṣaṇaścāpi nimeṣādiḥ kālaḥ kālavidāṃ varāḥ śravaṇāntaṃ dhaniṣṭhādi yugaṃ syātpañcavārṣikam
And time, O best of those who know time, is that whose beginning is the instant (nimeṣa) and the moment (kṣaṇa); the five-year yuga begins with Dhaniṣṭhā and ends with Śravaṇa.
AI translation rendered from the Sanskrit, not a published edition — the model flagged this verse as uncertain
LiP 61.56
भानोर्गतिविशेषेण चक्रवत्परिवर्तते दिवाकरः स्मृतस्तस्मात् कालकृद्विभुरीश्वरः
bhānorgativiśeṣeṇa cakravatparivartate divākaraḥ smṛtastasmāt kālakṛdvibhurīśvaraḥ
By the particular motion of the sun it revolves like a wheel; therefore the day-maker is held to be the maker of time, the pervading Lord.
AI translation rendered from the Sanskrit, not a published edition
LiP 61.57
चतुर्विधानां भूतानां प्रवर्तकनिवर्तकः तस्यापि भगवान् रुद्रः साक्षाद्देवः प्रवर्तकः
caturvidhānāṃ bhūtānāṃ pravartakanivartakaḥ tasyāpi bhagavān rudraḥ sākṣāddevaḥ pravartakaḥ
He sets in motion and brings to a halt the four kinds of beings; and of him too the Lord Rudra, the god himself, is the one who sets (him) in motion.
AI translation rendered from the Sanskrit, not a published edition
LiP 61.58
इत्येष ज्योतिषामेवं संनिवेशो ऽर्थनिश्चयः लोकसंव्यवहारार्थं महादेवेन निर्मितः
ityeṣa jyotiṣāmevaṃ saṃniveśo 'rthaniścayaḥ lokasaṃvyavahārārthaṃ mahādevena nirmitaḥ
Thus this arrangement of the luminaries, with its determination of meaning, was fashioned by Mahādeva for the sake of the world's ordinary transactions.
AI translation rendered from the Sanskrit, not a published edition
LiP 61.59
बुद्धिपूर्वं भगवता कल्पादौ सम्प्रवर्तितः स आश्रयो ऽभिमानी च सर्वस्य ज्योतिरात्मकः
buddhipūrvaṃ bhagavatā kalpādau sampravartitaḥ sa āśrayo 'bhimānī ca sarvasya jyotirātmakaḥ
It was set in motion deliberately by the Lord at the beginning of the kalpa; he is the support and the presiding self of all, having light as his nature.
AI translation rendered from the Sanskrit, not a published edition
LiP 61.60
एकरूपप्रधानस्य परिणामो ऽयमद्भुतः नैष शक्यः प्रसंख्यातुं याथातथ्येन केनचित्
ekarūpapradhānasya pariṇāmo 'yamadbhutaḥ naiṣa śakyaḥ prasaṃkhyātuṃ yāthātathyena kenacit
This is the wondrous transformation of the single-formed primal matter (pradhāna); it cannot be reckoned up exactly by anyone.
AI translation rendered from the Sanskrit, not a published edition
LiP 61.61
गतागतं मनुष्येण ज्योतिषां मांसचक्षुषा आगमादनुमानाच्च प्रत्यक्षादुपपत्तितः
gatāgataṃ manuṣyeṇa jyotiṣāṃ māṃsacakṣuṣā āgamādanumānācca pratyakṣādupapattitaḥ
The going and coming of the luminaries (cannot be known) by a man with eyes of flesh; (but) from scripture, from inference, from direct perception, and from reasoning—
AI translation rendered from the Sanskrit, not a published edition
LiP 61.62
परीक्ष्य निपुणं बुद्ध्या श्रद्धातव्यं विपश्चिता चक्षुः शास्त्रं जलं लेख्यं गणितं मुनिसत्तमाः
parīkṣya nipuṇaṃ buddhyā śraddhātavyaṃ vipaścitā cakṣuḥ śāstraṃ jalaṃ lekhyaṃ gaṇitaṃ munisattamāḥ
Having examined (it) skillfully with the intellect, the learned man should trust (it): the eye, the treatise, water, the written record, and calculation, O best of sages.
AI translation rendered from the Sanskrit, not a published edition — the model flagged this verse as uncertain
LiP 61.63
पञ्चैते हेतवो ज्ञेया ज्योतिर्मानविनिर्णये
pañcaite hetavo jñeyā jyotirmānavinirṇaye
These five are to be known as the grounds in determining the measurement of the heavenly bodies.
AI translation rendered from the Sanskrit, not a published edition