Linga Purana — Chapter 6
LiP 6.1
पवमानः पावकश् च शुचिरग्निश् च ते स्मृताः निर्मथ्यः पवमानस्तु वैद्युतः पावकः स्मृतः
pavamānaḥ pāvakaś ca śuciragniś ca te smṛtāḥ nirmathyaḥ pavamānastu vaidyutaḥ pāvakaḥ smṛtaḥ
They are remembered as Pavamāna, Pāvaka, and Śuci — and Agni; Pavamāna is the fire produced by churning, and Pāvaka is remembered as the fire of lightning.
AI translation rendered from the Sanskrit, not a published edition
LiP 6.2
शुचिः सौरस्तु विज्ञेयः स्वाहापुत्रास्त्रयस्तु ते पुत्रैः पौत्रैस्त्विहैतेषां संख्या संक्षेपतः स्मृता
śuciḥ saurastu vijñeyaḥ svāhāputrāstrayastu te putraiḥ pautraistvihaiteṣāṃ saṃkhyā saṃkṣepataḥ smṛtā
And Śuci is to be known as the solar (fire); those three are the sons of Svāhā. With their sons and grandsons their number here is stated in brief.
AI translation rendered from the Sanskrit, not a published edition
LiP 6.3
विसृज्य सप्तकं चादौ चत्वारिंशन्नवैव च इत्येते वह्नयः प्रोक्ताः प्रणीयन्ते ऽध्वरेषु च
visṛjya saptakaṃ cādau catvāriṃśannavaiva ca ityete vahnayaḥ proktāḥ praṇīyante 'dhvareṣu ca
Leaving aside the group of seven at the start, (they are) forty-nine. These are declared to be the fires, and they are carried forth in the sacrifices.
AI translation rendered from the Sanskrit, not a published edition
LiP 6.4
सर्वे तपस्विनस्त्वेते सर्वे व्रतभृतः स्मृताः प्रजानां पतयः सर्वे सर्वे रुद्रात्मकाः स्मृताः
sarve tapasvinastvete sarve vratabhṛtaḥ smṛtāḥ prajānāṃ patayaḥ sarve sarve rudrātmakāḥ smṛtāḥ
All these are ascetics, all are remembered as bearers of vows; all are lords of creatures, all are remembered as having Rudra as their essence.
AI translation rendered from the Sanskrit, not a published edition
LiP 6.5
अयज्वानश् च यज्वानः पितरः प्रीतिमानसाः अग्निष्वात्ताश् च यज्वानः शेषा बर्हिषदः स्मृताः
ayajvānaś ca yajvānaḥ pitaraḥ prītimānasāḥ agniṣvāttāś ca yajvānaḥ śeṣā barhiṣadaḥ smṛtāḥ
The fathers, gladdened in mind, are both non-sacrificers and sacrificers; the Agniṣvāttas are the sacrificers, and the rest are remembered as the Barhiṣads.
AI translation rendered from the Sanskrit, not a published edition
LiP 6.6
मेनां तु मानसीं तेषां जनयामास वै स्वधा अग्निष्वात्तात्मजा मेना मानसी लोकविश्रुता
menāṃ tu mānasīṃ teṣāṃ janayāmāsa vai svadhā agniṣvāttātmajā menā mānasī lokaviśrutā
And Svadhā brought forth Menā, born of their minds; Menā, the daughter of the Agniṣvāttas, mind-born, famed in the world.
AI translation rendered from the Sanskrit, not a published edition
LiP 6.7
असूत मेना मैनाकं क्रौञ्चं तस्यानुजामुमाम् गङ्गां हैमवतीं जज्ञे भवाङ्गाश्लेषपावनीम्
asūta menā mainākaṃ krauñcaṃ tasyānujāmumām gaṅgāṃ haimavatīṃ jajñe bhavāṅgāśleṣapāvanīm
Menā bore Maināka and Krauñca, and Umā as his younger sister; (and) she gave birth to Gaṅgā, daughter of Himavat, purified by the embrace of Bhava's body.
AI translation rendered from the Sanskrit, not a published edition — the model flagged this verse as uncertain
LiP 6.8
धरणीं जनयामास मानसीं यज्ञयाजिनीम् स्वधा सा मेरुराजस्य पत्नी पद्मसमानना
dharaṇīṃ janayāmāsa mānasīṃ yajñayājinīm svadhā sā merurājasya patnī padmasamānanā
That Svadhā, lotus-faced, the wife of Meru the king (of mountains), gave birth to Dharaṇī, mind-born, performer of sacrifice.
AI translation rendered from the Sanskrit, not a published edition — the model flagged this verse as uncertain
LiP 6.9
पितरो ऽमृतपाः प्रोक्तास् तेषां चैवेह विस्तरः ऋषीणां च कुलं सर्वं शृणुध्वं तत्सुविस्तरम्
pitaro 'mṛtapāḥ proktās teṣāṃ caiveha vistaraḥ ṛṣīṇāṃ ca kulaṃ sarvaṃ śṛṇudhvaṃ tatsuvistaram
The fathers who drink the nectar have been declared, and their extent here as well; hear now the whole lineage of the sages, that in full detail.
AI translation rendered from the Sanskrit, not a published edition
LiP 6.10
वदामि पृथगध्यायसंस्थितं वस्तदूर्ध्वतः दाक्षायणी सती याता पार्श्वं रुद्रस्य पार्वती
vadāmi pṛthagadhyāyasaṃsthitaṃ vastadūrdhvataḥ dākṣāyaṇī satī yātā pārśvaṃ rudrasya pārvatī
I shall tell it, set out in a separate chapter, and what is beyond that: Dākṣāyaṇī Satī, Pārvatī, went to the side of Rudra.
AI translation rendered from the Sanskrit, not a published edition — the model flagged this verse as uncertain
LiP 6.11
पश्चाद्दक्षं विनिन्द्यैषा पतिं लेभे भवं तथा तां ध्यात्वा व्यसृजद्रुद्रान् अनेकान्नीललोहितः
paścāddakṣaṃ vinindyaiṣā patiṃ lebhe bhavaṃ tathā tāṃ dhyātvā vyasṛjadrudrān anekānnīlalohitaḥ
Afterwards, censuring Dakṣa, she obtained Bhava as her husband; and meditating on her, the Blue-Red One emitted many Rudras.
AI translation rendered from the Sanskrit, not a published edition
LiP 6.12
आत्मनस्तु समान्सर्वान् सर्वलोकनमस्कृतान् याचितो मुनिशार्दूला ब्रह्मणा प्रहसन् क्षणात्
ātmanastu samānsarvān sarvalokanamaskṛtān yācito muniśārdūlā brahmaṇā prahasan kṣaṇāt
O tigers among sages, being asked by Brahmā, in a moment, laughing, (he emitted) all of them equal to himself, honoured by all the worlds.
AI translation rendered from the Sanskrit, not a published edition
LiP 6.13
तैस्तु संछादितं सर्वं चतुर्दशविधं जगत् तान्दृष्ट्वा विविधान् रुद्रान् निर्मलान्नीललोहितान्
taistu saṃchāditaṃ sarvaṃ caturdaśavidhaṃ jagat tāndṛṣṭvā vividhān rudrān nirmalānnīlalohitān
By them the whole fourteenfold world was covered over. Seeing those manifold Rudras, spotless, blue-and-red,
AI translation rendered from the Sanskrit, not a published edition
LiP 6.14
जरामरणनिर्मुक्तान् प्राह रुद्रान्पितामहः नमो ऽस्तु वो महादेवास् त्रिनेत्रा नीललोहिताः
jarāmaraṇanirmuktān prāha rudrānpitāmahaḥ namo 'stu vo mahādevās trinetrā nīlalohitāḥ
free from old age and death, the Grandfather said to the Rudras: "Homage be to you, great gods, three-eyed, blue-and-red ones!"
AI translation rendered from the Sanskrit, not a published edition
LiP 6.15
सर्वज्ञाः सर्वगा दीर्घा ह्रस्वा वामनकाः शुभाः हिरण्यकेशा दृष्टिघ्ना नित्या बुद्धाश् च निर्मलाः
sarvajñāḥ sarvagā dīrghā hrasvā vāmanakāḥ śubhāḥ hiraṇyakeśā dṛṣṭighnā nityā buddhāś ca nirmalāḥ
— tr. refused: cyber
LiP 6.16
निर्द्वंद्वा वीतरागाश् च विश्वात्मानो भवात्मजाः एवं स्तुत्वा तदा रुद्रान् रुद्रं चाह भवं शिवम् प्रदक्षिणीकृत्य तदा भगवान्कनकाण्डजः
nirdvaṃdvā vītarāgāś ca viśvātmāno bhavātmajāḥ evaṃ stutvā tadā rudrān rudraṃ cāha bhavaṃ śivam pradakṣiṇīkṛtya tadā bhagavānkanakāṇḍajaḥ
(They are) free from the pairs of opposites, free from passion, having the universe for their self, sons of Bhava. Having thus praised the Rudras, and having then circumambulated (him), the Lord born of the golden egg (Brahmā) spoke to Rudra, to Bhava, to Śiva:
AI translation rendered from the Sanskrit, not a published edition
LiP 6.17
नमो ऽस्तु ते महादेव प्रजा नार्हसि शंकर मृत्युहीना विभो स्रष्टुं मृत्युयुक्ताः सृज प्रभो
namo 'stu te mahādeva prajā nārhasi śaṃkara mṛtyuhīnā vibho sraṣṭuṃ mṛtyuyuktāḥ sṛja prabho
"Homage be to you, Great God! You ought not, Śaṃkara, O pervading one, to create creatures that are without death; create them subject to death, O lord!"
AI translation rendered from the Sanskrit, not a published edition
LiP 6.18
ततस्तमाह भगवान् न हि मे तादृशी स्थितिः स त्वं सृज यथाकामं मृत्युयुक्ताः प्रजाः प्रभो
tatastamāha bhagavān na hi me tādṛśī sthitiḥ sa tvaṃ sṛja yathākāmaṃ mṛtyuyuktāḥ prajāḥ prabho
Then the Lord said to him: "Such is not my condition; you yourself, O lord, create creatures joined with death, as you wish."
AI translation rendered from the Sanskrit, not a published edition
LiP 6.19
लब्ध्वा ससर्ज सकलं शंकराच्चतुराननः जरामरणसंयुक्तं जगदेतच्चराचरम्
labdhvā sasarja sakalaṃ śaṃkarāccaturānanaḥ jarāmaraṇasaṃyuktaṃ jagadetaccarācaram
Having received (this) from Śaṃkara, the four-faced one created this whole world, moving and unmoving, bound up with old age and death.
AI translation rendered from the Sanskrit, not a published edition
LiP 6.20
शंकरो ऽपि तदा रुद्रैर् निवृत्तात्मा ह्यधिष्ठितः स्थाणुत्वं तस्य वै विप्राः शंकरस्य महात्मनः
śaṃkaro 'pi tadā rudrair nivṛttātmā hyadhiṣṭhitaḥ sthāṇutvaṃ tasya vai viprāḥ śaṃkarasya mahātmanaḥ
Śaṃkara too then, his self withdrawn, stood established together with the Rudras; hence, O brahmins, the state of being Sthāṇu (the motionless pillar) belongs to that great-souled Śaṃkara.
AI translation rendered from the Sanskrit, not a published edition — the model flagged this verse as uncertain
LiP 6.21
निष्कलस्यात्मनः शम्भोः स्वेच्छाधृतशरीरिणः शं रुद्रः सर्वभूतानां करोति घृणया यतः
niṣkalasyātmanaḥ śambhoḥ svecchādhṛtaśarīriṇaḥ śaṃ rudraḥ sarvabhūtānāṃ karoti ghṛṇayā yataḥ
Since Rudra — (who is) Śambhu, the undivided Self, bearing a body by his own will — makes well-being (śam) for all beings out of compassion (he is called Śaṃkara).
AI translation rendered from the Sanskrit, not a published edition — the model flagged this verse as uncertain
LiP 6.22
शंकरश्चाप्रयत्नेन तदात्मा योगविद्यया वैराग्यस्थं विरक्तस्य विमुक्तिर्यच्छमुच्यते
śaṃkaraścāprayatnena tadātmā yogavidyayā vairāgyasthaṃ viraktasya vimuktiryacchamucyate
And (he is) Śaṃkara effortlessly, being of that very nature: for the full release of one who is detached, established in dispassion through the science of yoga, is what is called "śam" (weal).
AI translation rendered from the Sanskrit, not a published edition — the model flagged this verse as uncertain
LiP 6.23
अणोस्तु विषयत्यागः संसारभयतः क्रमात् वैराग्याज्जायते पुंसो विरागो दर्शनान्तरे
aṇostu viṣayatyāgaḥ saṃsārabhayataḥ kramāt vairāgyājjāyate puṃso virāgo darśanāntare
But for the individual soul (aṇu) the renunciation of sense-objects comes about step by step out of fear of the round of rebirth; from dispassion there arises in a man aversion (to the world) in (his) other seeing.
AI translation rendered from the Sanskrit, not a published edition — the model flagged this verse as uncertain
LiP 6.24
विमुख्यो विगुणत्यागो विज्ञानस्याविचारतः तस्य चास्य च संधानं प्रसादात्परमेष्ठिनः
vimukhyo viguṇatyāgo vijñānasyāvicārataḥ tasya cāsya ca saṃdhānaṃ prasādātparameṣṭhinaḥ
Foremost (or: liberating) is the abandonment of the qualities, (which comes) from knowledge free of discursive reflection; and the joining of that and this is by the grace of the Supreme Lord.
AI translation rendered from the Sanskrit, not a published edition — the model flagged this verse as uncertain
LiP 6.25
धर्मो ज्ञानं च वैराग्यम् ऐश्वर्यं शंकरादिह स एव शंकरः साक्षात् पिनाकी नीललोहितः
dharmo jñānaṃ ca vairāgyam aiśvaryaṃ śaṃkarādiha sa eva śaṃkaraḥ sākṣāt pinākī nīlalohitaḥ
Dharma, knowledge, dispassion, and lordship (come) from Śaṃkara here; he alone is Śaṃkara in visible form, the bearer of the Pināka bow, the blue-and-red one.
AI translation rendered from the Sanskrit, not a published edition
LiP 6.26
ये शंकराश्रिताः सर्वे मुच्यन्ते ते न संशयः न गच्छन्त्येव नरकं पापिष्ठा अपि दारुणम्
ye śaṃkarāśritāḥ sarve mucyante te na saṃśayaḥ na gacchantyeva narakaṃ pāpiṣṭhā api dāruṇam
All those who have taken refuge in Śaṃkara are liberated — there is no doubt of it; even the most sinful do not go at all to the terrible hell.
AI translation rendered from the Sanskrit, not a published edition
LiP 6.27
आश्रिताः शंकरं तस्मात् प्राप्नुवन्ति च शाश्वतम् मायान्ताश्चैव घोराद्या ह्य् अष्टविंशतिरेव च
āśritāḥ śaṃkaraṃ tasmāt prāpnuvanti ca śāśvatam māyāntāścaiva ghorādyā hy aṣṭaviṃśatireva ca
— tr. refused: cyber
LiP 6.28
कोटयो नरकाणां तु पच्यन्ते तासु पापिनः अनाश्रिताः शिवं रुद्रं शंकरं नीललोहितम्
koṭayo narakāṇāṃ tu pacyante tāsu pāpinaḥ anāśritāḥ śivaṃ rudraṃ śaṃkaraṃ nīlalohitam
But (there are) millions of hells; in them are cooked the sinners who have not taken refuge in Śiva, Rudra, Śaṃkara, the blue-and-red one,
AI translation rendered from the Sanskrit, not a published edition
LiP 6.29
आश्रयं सर्वभूतानाम् अव्ययं जगतां पतिम् पुरुषं परमात्मानं पुरुहूतं पुरुष्टुतम्
āśrayaṃ sarvabhūtānām avyayaṃ jagatāṃ patim puruṣaṃ paramātmānaṃ puruhūtaṃ puruṣṭutam
(who is) the refuge of all beings, imperishable, the lord of the worlds, the Person, the supreme Self, much invoked, much praised;
AI translation rendered from the Sanskrit, not a published edition
LiP 6.30
तमसा कालरुद्राख्यं रजसा कनकाण्डजम् सत्त्वेन सर्वगं विष्णुं निर्गुणत्वे महेश्वरम्
tamasā kālarudrākhyaṃ rajasā kanakāṇḍajam sattvena sarvagaṃ viṣṇuṃ nirguṇatve maheśvaram
through tamas called Kālarudra, through rajas the one born of the golden egg (Brahmā), through sattva the all-pervading Viṣṇu, and in the guṇa-less state Maheśvara.
AI translation rendered from the Sanskrit, not a published edition
LiP 6.31
केन गच्छन्ति नरकं नराः केन महामते कर्मणाकर्मणा वापि श्रोतुं कौतूहलं हि नः
kena gacchanti narakaṃ narāḥ kena mahāmate karmaṇākarmaṇā vāpi śrotuṃ kautūhalaṃ hi naḥ
By what do men go to hell, O greatly wise one — by what act, or by what omission of action? For we are eager to hear (of it).
AI translation rendered from the Sanskrit, not a published edition