Linga Purana — Chapter 57
LiP 57.1
अष्टभिश् च हयैर्युक्तः सोमपुत्रस्य वै रथः वारितेजोमयश्चाथ पिशङ्गैश्चैव शोभनैः
aṣṭabhiś ca hayairyuktaḥ somaputrasya vai rathaḥ vāritejomayaścātha piśaṅgaiścaiva śobhanaiḥ
The chariot of the son of the Moon (Mercury) is yoked with eight horses, made of water and fire, tawny and beautiful.
AI translation rendered from the Sanskrit, not a published edition
LiP 57.2
दशभिश्चाकृशैरश्वैर् नानावर्णै रथः स्मृतः शुक्रस्य क्ष्मामयैर्युक्तो दैत्याचार्यस्य धीमतः
daśabhiścākṛśairaśvair nānāvarṇai rathaḥ smṛtaḥ śukrasya kṣmāmayairyukto daityācāryasya dhīmataḥ
The chariot of Venus, the wise preceptor of the Daityas, is said to be yoked with ten stout horses of various colours, made of earth.
AI translation rendered from the Sanskrit, not a published edition
LiP 57.3
अष्टाश्वश्चाथ भौमस्य रथो हैमः सुशोभनः जीवस्य हैमश्चाष्टाश्वो मन्दस्यायसनिर्मितः
aṣṭāśvaścātha bhaumasya ratho haimaḥ suśobhanaḥ jīvasya haimaścāṣṭāśvo mandasyāyasanirmitaḥ
And Mars's chariot is golden, very beautiful, with eight horses; Jupiter's too is golden with eight horses; Saturn's is made of iron.
AI translation rendered from the Sanskrit, not a published edition
LiP 57.4
रथ आपोमयैरश्वैर् दशभिस्तु सितेतरैः स्वर्भानोर्भास्करारेश् च तथा चाष्टहयः स्मृतः
ratha āpomayairaśvair daśabhistu sitetaraiḥ svarbhānorbhāskarāreś ca tathā cāṣṭahayaḥ smṛtaḥ
The chariot of Svarbhānu (Rāhu) is with ten horses made of water, dark-coloured; and that of Ketu, the sun's enemy, is said to have eight horses likewise.
AI translation rendered from the Sanskrit, not a published edition — the model flagged this verse as uncertain
LiP 57.5
सर्वे ध्रुवनिबद्धा वै ग्रहास्ते वातरश्मिभिः एतेन भ्राम्यमाणाश् च यथायोगं व्रजन्ति वै
sarve dhruvanibaddhā vai grahāste vātaraśmibhiḥ etena bhrāmyamāṇāś ca yathāyogaṃ vrajanti vai
All those planets are indeed bound to the Pole Star by cords of wind; being whirled about by it, they move each according to its course.
AI translation rendered from the Sanskrit, not a published edition
LiP 57.6
यावन्त्यश्चैव ताराश् च तावन्तश्चैव रश्मयः सर्वे ध्रुवनिबद्धाश् च भ्रमन्तो भ्रामयन्ति तम्
yāvantyaścaiva tārāś ca tāvantaścaiva raśmayaḥ sarve dhruvanibaddhāś ca bhramanto bhrāmayanti tam
However many the stars are, just so many are the cords; and all, being bound to Dhruva, revolving, make him revolve.
AI translation rendered from the Sanskrit, not a published edition
LiP 57.7
अलातचक्रवद्यान्ति वातचक्रेरितानि तु यस्माद्वहति ज्योतींषि प्रवहस्तेन स स्मृतः
alātacakravadyānti vātacakreritāni tu yasmādvahati jyotīṃṣi pravahastena sa smṛtaḥ
They go like a whirling firebrand-circle, driven by the wheel of wind; because it carries along the luminaries, it is therefore called Pravaha.
AI translation rendered from the Sanskrit, not a published edition
LiP 57.8
नक्षत्रसूर्याश् च तथा ग्रहतारागणैः सह उन्मुखाभिमुखाः सर्वे चक्रभूताः श्रिता दिवि
nakṣatrasūryāś ca tathā grahatārāgaṇaiḥ saha unmukhābhimukhāḥ sarve cakrabhūtāḥ śritā divi
The asterisms and the suns, together with the hosts of planets and stars, all facing upward, having become a wheel, are fixed in the sky.
AI translation rendered from the Sanskrit, not a published edition — the model flagged this verse as uncertain
LiP 57.9
ध्रुवेणाधिष्ठिताश्चैव ध्रुवमेव प्रदक्षिणम् प्रयान्ति चेश्वरं द्रष्टुं मेढीभूतं ध्रुवं दिवि
dhruveṇādhiṣṭhitāścaiva dhruvameva pradakṣiṇam prayānti ceśvaraṃ draṣṭuṃ meḍhībhūtaṃ dhruvaṃ divi
Presided over by Dhruva, they move rightward (clockwise) around Dhruva himself, and they go to behold the Lord, Dhruva, who serves as the central post in the sky.
AI translation rendered from the Sanskrit, not a published edition
LiP 57.10
नवयोजनसाहस्रो विष्कम्भः सवितुः स्मृतः त्रिगुणस्तस्य विस्तारो मण्डलस्य प्रमाणतः
navayojanasāhasro viṣkambhaḥ savituḥ smṛtaḥ triguṇastasya vistāro maṇḍalasya pramāṇataḥ
The diameter of the sun is reckoned at nine thousand yojanas; its extent, by the measure of its disc, is three times that.
AI translation rendered from the Sanskrit, not a published edition
LiP 57.11
द्विगुणः सूर्यविस्ताराद् विस्तारः शशिनः स्मृतः तुल्यस्तयोस्तु स्वर्भानुर् भूत्वाधस्तात्प्रसर्पति
dviguṇaḥ sūryavistārād vistāraḥ śaśinaḥ smṛtaḥ tulyastayostu svarbhānur bhūtvādhastātprasarpati
The extent of the moon is said to be twice the sun's extent; and Svarbhānu (Rāhu), becoming equal to those two, creeps along below them.
AI translation rendered from the Sanskrit, not a published edition
LiP 57.12
उद्धृत्य पृथिवीछायां निर्मितां मण्डलाकृतिम् स्वर्भानोस्तु बृहत्स्थानं तृतीयं यत् तमोमयम्
uddhṛtya pṛthivīchāyāṃ nirmitāṃ maṇḍalākṛtim svarbhānostu bṛhatsthānaṃ tṛtīyaṃ yat tamomayam
Taking up the earth's shadow, which is fashioned in the shape of a disc — that is the great station of Svarbhānu, the third one, which is made of darkness.
AI translation rendered from the Sanskrit, not a published edition — the model flagged this verse as uncertain
LiP 57.13
चन्द्रस्य षोडशो भागो भार्गवस्य विधीयते विष्कम्भान्मण्डलाच्चैव योजनाच्च प्रमाणतः
candrasya ṣoḍaśo bhāgo bhārgavasya vidhīyate viṣkambhānmaṇḍalāccaiva yojanācca pramāṇataḥ
A sixteenth part of the moon is laid down for Bhārgava (Venus), in respect of diameter and of disc and by measure in yojanas.
AI translation rendered from the Sanskrit, not a published edition
LiP 57.14
भार्गवात्पादहीनस्तु विज्ञेयो वै बृहस्पतिः पादहीनौ वक्रसौरी तथायामप्रमाणतः
bhārgavātpādahīnastu vijñeyo vai bṛhaspatiḥ pādahīnau vakrasaurī tathāyāmapramāṇataḥ
Bṛhaspati is to be known as less by a quarter than Bhārgava; Vakra (Mars) and Saura (Saturn) are each less by a quarter, likewise in the measure of their extent.
AI translation rendered from the Sanskrit, not a published edition
LiP 57.15
विस्तारान्मण्डलाच्चैव पादहीनस्तयोर्बुधः तारानक्षत्ररूपाणि वपुष्मन्तीह यानि वै
vistārānmaṇḍalāccaiva pādahīnastayorbudhaḥ tārānakṣatrarūpāṇi vapuṣmantīha yāni vai
In breadth and also in disc, Budha is less by a quarter than those two. Those star- and asterism-forms which here possess bodies —
AI translation rendered from the Sanskrit, not a published edition
LiP 57.16
बुधेन तानि तुल्यानि विस्तारान्मण्डलादपि प्रायशश्चन्द्रयोगीनि विद्यादृक्षाणि तत्त्ववित्
budhena tāni tulyāni vistārānmaṇḍalādapi prāyaśaścandrayogīni vidyādṛkṣāṇi tattvavit
— those are equal to Budha in breadth and in disc as well; the knower of the truth should know the asterisms as being for the most part conjoined with the moon.
AI translation rendered from the Sanskrit, not a published edition
LiP 57.17
तारानक्षत्ररूपाणि हीनानि तु परस्परम् शतानि पञ्च चत्वारि त्रीणि द्वे चैव योजने
tārānakṣatrarūpāṇi hīnāni tu parasparam śatāni pañca catvāri trīṇi dve caiva yojane
But the star- and asterism-forms fall short of one another: five hundred, four hundred, three hundred, and two hundred yojanas.
AI translation rendered from the Sanskrit, not a published edition — the model flagged this verse as uncertain
LiP 57.18
सर्वोपरि निकृष्टानि तारकामण्डलानि तु योजनद्वयमात्राणि तेभ्यो ह्रस्वं न विद्यते
sarvopari nikṛṣṭāni tārakāmaṇḍalāni tu yojanadvayamātrāṇi tebhyo hrasvaṃ na vidyate
The star-discs that are the smallest, above them all, measure only two yojanas; smaller than these there is none.
AI translation rendered from the Sanskrit, not a published edition — the model flagged this verse as uncertain
LiP 57.19
उपरिष्टात्त्रयस्तेषां ग्रहा ये दूरसर्पिणः सौरो ऽङ्गिराश् च वक्रश् च ज्ञेया मन्दविचारिणः
upariṣṭāttrayasteṣāṃ grahā ye dūrasarpiṇaḥ sauro 'ṅgirāś ca vakraś ca jñeyā mandavicāriṇaḥ
Above them are three planets which move at a great distance: Saura (Saturn), Āṅgirasa (Jupiter) and Vakra (Mars) — they are to be known as slow-moving.
AI translation rendered from the Sanskrit, not a published edition
LiP 57.20
तेभ्यो ऽधस्तात्तु चत्वारः पुनरन्ये महाग्रहाः सूर्यः सोमो बुधश्चैव भार्गवश्चैव शीघ्रगाः
tebhyo 'dhastāttu catvāraḥ punaranye mahāgrahāḥ sūryaḥ somo budhaścaiva bhārgavaścaiva śīghragāḥ
Below them again are four other great planets: the Sun, the Moon, Budha and Bhārgava — these move swiftly.
AI translation rendered from the Sanskrit, not a published edition
LiP 57.21
तावन्त्यस्तारकाः कोट्यो यावन्त्यृक्षाणि सर्वशः ध्रुवात् तु नियमाच्चैषाम् ऋक्षमार्गे व्यवस्थितिः
tāvantyastārakāḥ koṭyo yāvantyṛkṣāṇi sarvaśaḥ dhruvāt tu niyamāccaiṣām ṛkṣamārge vyavasthitiḥ
The stars are as many crores as are the asterisms altogether; and from Dhruva, by fixed rule, their arrangement is upon the path of the asterisms.
AI translation rendered from the Sanskrit, not a published edition — the model flagged this verse as uncertain
LiP 57.22
सप्ताश्वस्यैव सूर्यस्य नीचोच्चत्वमनुक्रमात् उत्तरायणमार्गस्थो यदा पर्वसु चन्द्रमाः
saptāśvasyaiva sūryasya nīcoccatvamanukramāt uttarāyaṇamārgastho yadā parvasu candramāḥ
Of the seven-horsed Sun there is lowness and highness in due sequence. When at the parva days the moon stands on the northern path,
AI translation rendered from the Sanskrit, not a published edition
LiP 57.23
उच्चत्वाद्दृश्यते शीघ्रं नातिव्यक्तैर्गभस्तिभिः तदा दक्षिणमार्गस्थो नीचां वीथिमुपाश्रितः
uccatvāddṛśyate śīghraṃ nātivyaktairgabhastibhiḥ tadā dakṣiṇamārgastho nīcāṃ vīthimupāśritaḥ
then, because of its height, it is seen quickly, with rays not very distinct; while (the sun) standing on the southern path has resorted to the low road.
AI translation rendered from the Sanskrit, not a published edition — the model flagged this verse as uncertain
LiP 57.24
भूमिरेखावृतः सूर्यः पौर्णिमावास्ययोस् तदा ददृशे च यथाकालं शीघ्रमस्तमुपैति च
bhūmirekhāvṛtaḥ sūryaḥ paurṇimāvāsyayos tadā dadṛśe ca yathākālaṃ śīghramastamupaiti ca
The sun, hemmed in by the earth-line, is then at the full-moon and new-moon seen at its proper time and quickly goes to setting.
AI translation rendered from the Sanskrit, not a published edition — the model flagged this verse as uncertain
LiP 57.25
तस्मादुत्तरमार्गस्थो ह्य् अमावास्यां निशाकरः ददृशे दक्षिणे मार्गे नियमाद्दृश्यते न च
tasmāduttaramārgastho hy amāvāsyāṃ niśākaraḥ dadṛśe dakṣiṇe mārge niyamāddṛśyate na ca
Therefore the moon, when it stands on the northern path, has been seen on the new-moon day; but on the southern path, by fixed rule, it is not seen.
AI translation rendered from the Sanskrit, not a published edition
LiP 57.26
ज्योतिषां गतियोगेन सूर्यस्य तमसा वृतः समानकालास्तमयौ विषुवत्सु समोदयौ
jyotiṣāṃ gatiyogena sūryasya tamasā vṛtaḥ samānakālāstamayau viṣuvatsu samodayau
Through the conjunction of the motions of the luminaries it is covered by the sun's darkness; at the equinoxes the settings are at the same time and the risings equal.
AI translation rendered from the Sanskrit, not a published edition — the model flagged this verse as uncertain
LiP 57.27
उत्तरासु च वीथीषु व्यन्तरास्तमनोदयौ पौर्णिमावास्ययोर् ज्ञेयौ ज्योतिश्चक्रानुवर्तिनौ
uttarāsu ca vīthīṣu vyantarāstamanodayau paurṇimāvāsyayor jñeyau jyotiścakrānuvartinau
But on the northern roads the setting and rising are at differing intervals; at the full-moon and new-moon they are to be known as following the wheel of the luminaries.
AI translation rendered from the Sanskrit, not a published edition — the model flagged this verse as uncertain
LiP 57.28
दक्षिणायनमार्गस्थो यदा चरति रश्मिवान् ग्रहाणां चैव सर्वेषां सूर्यो ऽधस्तात् प्रसर्पति
dakṣiṇāyanamārgastho yadā carati raśmivān grahāṇāṃ caiva sarveṣāṃ sūryo 'dhastāt prasarpati
When the radiant one (the sun), set on the path of the southern course, travels, then the sun creeps along below all the planets.
AI translation rendered from the Sanskrit, not a published edition
LiP 57.29
विस्तीर्णं मण्डलं कृत्वा तस्योर्ध्वं चरते शशी नक्षत्रमण्डलं कृत्स्नं सोमादूर्ध्वं प्रसर्पति
vistīrṇaṃ maṇḍalaṃ kṛtvā tasyordhvaṃ carate śaśī nakṣatramaṇḍalaṃ kṛtsnaṃ somādūrdhvaṃ prasarpati
Making a wide circle, the moon travels above it; the whole circle of the lunar mansions moves along above the moon.
AI translation rendered from the Sanskrit, not a published edition
LiP 57.30
नक्षत्रेभ्यो बुधश्चोर्ध्वं बुधादूर्ध्वं तु भार्गवः वक्रस्तु भार्गवादूर्ध्वं वक्राद् ऊर्ध्वं बृहस्पतिः
nakṣatrebhyo budhaścordhvaṃ budhādūrdhvaṃ tu bhārgavaḥ vakrastu bhārgavādūrdhvaṃ vakrād ūrdhvaṃ bṛhaspatiḥ
Above the lunar mansions is Mercury, and above Mercury the son of Bhṛgu (Venus); above the son of Bhṛgu is the Crooked one (Mars), and above the Crooked one Jupiter.
AI translation rendered from the Sanskrit, not a published edition
LiP 57.31
तस्माच्छनैश्चरश्चोर्ध्वं तस्मात्सप्तर्षिमण्डलम् ऋषीणां चैव सप्तानां ध्रुवस्योर्ध्वं व्यवस्थितिः
tasmācchanaiścaraścordhvaṃ tasmātsaptarṣimaṇḍalam ṛṣīṇāṃ caiva saptānāṃ dhruvasyordhvaṃ vyavasthitiḥ
Above him (Jupiter) is Saturn, and above him the circle of the seven sages; and the station of the seven sages is below Dhruva (the pole star).
AI translation rendered from the Sanskrit, not a published edition
LiP 57.32
तं विष्णुलोकं परमं ज्ञात्वा मुच्येत किल्बिषात् द्विगुणेषु सहस्रेषु योजनानां शतेषु च
taṃ viṣṇulokaṃ paramaṃ jñātvā mucyeta kilbiṣāt dviguṇeṣu sahasreṣu yojanānāṃ śateṣu ca
Having known that supreme world of Viṣṇu, one would be freed from sin. At twice a thousand — and (also) hundreds — of yojanas,
AI translation rendered from the Sanskrit, not a published edition — the model flagged this verse as uncertain
LiP 57.33
ग्रहनक्षत्रतारासु उपरिष्टाद्यथाक्रमम् ग्रहाश् च चन्द्रसूर्यौ च युतौ दिव्येन तेजसा
grahanakṣatratārāsu upariṣṭādyathākramam grahāś ca candrasūryau ca yutau divyena tejasā
above the planets, the lunar mansions and the stars, in due order — the planets and the moon and the sun, endowed with divine brilliance,
AI translation rendered from the Sanskrit, not a published edition — the model flagged this verse as uncertain
LiP 57.34
नित्यमृक्षेषु युज्यन्ते गच्छन्तो ऽहर्निशं क्रमात् ग्रहनक्षत्रसूर्यास् ते नीचोच्चऋजुसंस्थिताः
nityamṛkṣeṣu yujyante gacchanto 'harniśaṃ kramāt grahanakṣatrasūryās te nīcoccaṛjusaṃsthitāḥ
are constantly joined with the lunar mansions as they move on, by day and night, in order; those planets, mansions and suns are placed low, high, and straight.
AI translation rendered from the Sanskrit, not a published edition
LiP 57.35
समागमे च भेदे च पश्यन्ति युगपत्प्रजाः ऋतवः षट् स्मृताः सर्वे समागच्छन्ति पञ्चधा
samāgame ca bhede ca paśyanti yugapatprajāḥ ṛtavaḥ ṣaṭ smṛtāḥ sarve samāgacchanti pañcadhā
At their meeting and at their parting the creatures see (them) simultaneously; the seasons are held to be six, (and) they all come together in five ways.
AI translation rendered from the Sanskrit, not a published edition — the model flagged this verse as uncertain
LiP 57.36
परस्परास्थिता ह्येते युज्यन्ते च परस्परम् असंकरेण विज्ञेयस् तेषां योगस्तु वै बुधैः
parasparāsthitā hyete yujyante ca parasparam asaṃkareṇa vijñeyas teṣāṃ yogastu vai budhaiḥ
For these stand in relation to one another and are joined with one another; their conjunction is to be known by the wise without confusion (of one with another).
AI translation rendered from the Sanskrit, not a published edition — the model flagged this verse as uncertain
LiP 57.37
एवं संक्षिप्य कथितं ग्रहाणां गमनं द्विजाः भास्करप्रमुखानां च यथादृष्टं यथाश्रुतम्
evaṃ saṃkṣipya kathitaṃ grahāṇāṃ gamanaṃ dvijāḥ bhāskarapramukhānāṃ ca yathādṛṣṭaṃ yathāśrutam
Thus, in brief, the motion of the planets, headed by the sun, has been told, O twice-born ones, as it has been seen and as it has been heard.
AI translation rendered from the Sanskrit, not a published edition
LiP 57.38
ग्रहाधिपत्ये भगवान् ब्रह्मणा पद्मयोनिना अभिषिक्तः सहस्रांशू रुद्रेण तु यथा गुहः
grahādhipatye bhagavān brahmaṇā padmayoninā abhiṣiktaḥ sahasrāṃśū rudreṇa tu yathā guhaḥ
The Lord of a thousand rays was consecrated to the overlordship of the planets by Brahmā, the lotus-born, just as Guha (was consecrated) by Rudra.
AI translation rendered from the Sanskrit, not a published edition
LiP 57.39
तस्माद्ग्रहार्चना कार्या अग्नौ चोद्यं यथाविधि आदित्यग्रहपीडायां सद्भिः कार्यार्थसिद्धये
tasmādgrahārcanā kāryā agnau codyaṃ yathāvidhi ādityagrahapīḍāyāṃ sadbhiḥ kāryārthasiddhaye
Therefore worship of the planets should be performed, and an offering in the fire according to the rule, by good men when there is affliction from the planet the Sun, for the accomplishment of their purposes.
AI translation rendered from the Sanskrit, not a published edition