Linga Purana — Chapter 41
LiP 41.1
पुनः ससर्ज भगवान् प्रभ्रष्टाः पूर्ववत्प्रजाः सहस्रयुगपर्यन्ते प्रभाते तु पितामहः
punaḥ sasarja bhagavān prabhraṣṭāḥ pūrvavatprajāḥ sahasrayugaparyante prabhāte tu pitāmahaḥ
At the end of a thousand ages, at daybreak, the blessed Grandfather again created the creatures that had perished, as before.
AI translation rendered from the Sanskrit, not a published edition
LiP 41.2
एवं परार्धे विप्रेन्द्र द्विगुणे तु तथा गते तदा धराम्भसि व्याप्ता ह्य् आपो वह्नौ समीरणे
evaṃ parārdhe viprendra dviguṇe tu tathā gate tadā dharāmbhasi vyāptā hy āpo vahnau samīraṇe
Thus, O best of brahmins, when double that half-of-the-lifespan has likewise passed, then the earth is pervaded by water, the waters by fire, (fire) by wind,
AI translation rendered from the Sanskrit, not a published edition — the model flagged this verse as uncertain
LiP 41.3
वह्निः समीरणश्चैव व्योम्नि तन्मात्रसंयुतः इन्द्रियाणि दशैकं च तन्मात्राणि द्विजोत्तम
vahniḥ samīraṇaścaiva vyomni tanmātrasaṃyutaḥ indriyāṇi daśaikaṃ ca tanmātrāṇi dvijottama
and fire and wind (dissolve) into space, joined with the subtle elements. The eleven senses and the subtle elements, O best of the twice-born,
AI translation rendered from the Sanskrit, not a published edition — the model flagged this verse as uncertain
LiP 41.4
अहङ्कारमनुप्राप्य प्रलीनास्तत्क्षणादहो अभिमानस्तदा तत्र महान्तं व्याप्य वै क्षणात्
ahaṅkāramanuprāpya pralīnāstatkṣaṇādaho abhimānastadā tatra mahāntaṃ vyāpya vai kṣaṇāt
Having reached the I-principle (ahaṅkāra), they dissolved away that very instant — ah! — and then self-conceit there, pervading the great one (mahat), in a moment (dissolved as well).
AI translation rendered from the Sanskrit, not a published edition — the model flagged this verse as uncertain
LiP 41.5
महानपि तथा व्यक्तं प्राप्य लीनो ऽभवद्द्विज अव्यक्तं स्वगुणैः सार्धं प्रलीनमभवद्भवे
mahānapi tathā vyaktaṃ prāpya līno 'bhavaddvija avyaktaṃ svaguṇaiḥ sārdhaṃ pralīnamabhavadbhave
So too the great one (mahat), having reached the manifest, became dissolved, O twice-born; and the unmanifest, together with its own qualities, became dissolved in Bhava.
AI translation rendered from the Sanskrit, not a published edition
LiP 41.6
ततः सृष्टिरभूत्तस्मात् पूर्ववत्पुरुषाच्छिवात् अथ सृष्टास्तदा तस्य मनसा तेन मानसाः
tataḥ sṛṣṭirabhūttasmāt pūrvavatpuruṣācchivāt atha sṛṣṭāstadā tasya manasā tena mānasāḥ
Then, from that Śiva as Puruṣa, creation came about as before; and those then created by his mind were the mind-born ones.
AI translation rendered from the Sanskrit, not a published edition
LiP 41.7
न व्यवर्धन्त लोके ऽस्मिन् प्रजाः कमलयोनिना वृद्ध्यर्थं भगवान्ब्रह्मा पुत्रैर्वै मानसैः सह
na vyavardhanta loke 'smin prajāḥ kamalayoninā vṛddhyarthaṃ bhagavānbrahmā putrairvai mānasaiḥ saha
The creatures did not multiply in this world by the lotus-born one; so, for the sake of their increase, Lord Brahmā, together with his mind-born sons,
AI translation rendered from the Sanskrit, not a published edition
LiP 41.8
दुश्चरं विचचारेशं समुद्दिश्य तपः स्वयम् तुष्टस्तु तपसा तस्य भवो ज्ञात्वा स वाञ्छितम्
duścaraṃ vicacāreśaṃ samuddiśya tapaḥ svayam tuṣṭastu tapasā tasya bhavo jñātvā sa vāñchitam
himself practised austerity hard to perform, directing it toward the Lord; and Bhava, pleased by his austerity, knowing what he wished,
AI translation rendered from the Sanskrit, not a published edition
LiP 41.9
ललाटमध्यं निर्भिद्य ब्रह्मणः पुरुषस्य तु पुत्रस्नेहमिति प्रोच्य स्त्रीपुंरूपो ऽभवत्तदा
lalāṭamadhyaṃ nirbhidya brahmaṇaḥ puruṣasya tu putrasnehamiti procya strīpuṃrūpo 'bhavattadā
splitting open the middle of the forehead of Brahmā, the Puruṣa, and saying, "This is affection for a son," then took on a form both female and male.
AI translation rendered from the Sanskrit, not a published edition
LiP 41.10
तस्य पुत्रो महादेवो ह्य् अर्धनारीश्वरो ऽभवत् ददाह भगवान्सर्वं ब्रह्माणं च जगद्गुरुम्
tasya putro mahādevo hy ardhanārīśvaro 'bhavat dadāha bhagavānsarvaṃ brahmāṇaṃ ca jagadgurum
His son, the Great God, became the Lord who is half woman; and the Lord burned up everything, and Brahmā, the teacher of the world, as well.
AI translation rendered from the Sanskrit, not a published edition
LiP 41.11
अथार्धमात्रां कल्याणीम् आत्मनः परमेश्वरीम् बुभुजे योगमार्गेण वृद्ध्यर्थं जगतां शिवः
athārdhamātrāṃ kalyāṇīm ātmanaḥ parameśvarīm bubhuje yogamārgeṇa vṛddhyarthaṃ jagatāṃ śivaḥ
Then Śiva enjoyed, by the path of yoga, the auspicious half-measure (ardhamātrā), the supreme Goddess of his own self, for the increase of the worlds.
AI translation rendered from the Sanskrit, not a published edition
LiP 41.12
तस्यां हरिं च ब्रह्माणं ससर्ज परमेश्वरः विश्वेश्वरस्तु विश्वात्मा चास्त्रं पाशुपतं तथा
tasyāṃ hariṃ ca brahmāṇaṃ sasarja parameśvaraḥ viśveśvarastu viśvātmā cāstraṃ pāśupataṃ tathā
In her the supreme Lord, the lord of the universe, the self of the universe, brought forth Hari and Brahmā, and likewise the Pāśupata weapon.
AI translation rendered from the Sanskrit, not a published edition
LiP 41.13
तस्माद्ब्रह्मा महादेव्याश् चांशजश् च हरिस् तथा अण्डजः पद्मजश्चैव भवाङ्गभव एव च
tasmādbrahmā mahādevyāś cāṃśajaś ca haris tathā aṇḍajaḥ padmajaścaiva bhavāṅgabhava eva ca
Therefore Brahmā is born of a portion of the Great Goddess, and so too Hari — born of the egg, born of the lotus, and born from the body of Bhava.
AI translation rendered from the Sanskrit, not a published edition
LiP 41.14
एतत्ते कथितं सर्वम् इतिहासं पुरातनम् परार्धं ब्रह्मणो यावत् तावद्भूतिः समासतः
etatte kathitaṃ sarvam itihāsaṃ purātanam parārdhaṃ brahmaṇo yāvat tāvadbhūtiḥ samāsataḥ
All this ancient account has been told to you; as far as a half-parārdha of Brahmā, so much is (his) manifestation, in brief.
AI translation rendered from the Sanskrit, not a published edition — the model flagged this verse as uncertain
LiP 41.15
वैराग्यं ब्रह्मणो वक्ष्ये तमोद्भूतं समासतः नारायणो ऽपि भगवान् द्विधा कृत्वात्मनस्तनुम्
vairāgyaṃ brahmaṇo vakṣye tamodbhūtaṃ samāsataḥ nārāyaṇo 'pi bhagavān dvidhā kṛtvātmanastanum
I shall relate in brief the dispassion of Brahmā, which arose from darkness (tamas). Nārāyaṇa the Lord too, having made his own body twofold,
AI translation rendered from the Sanskrit, not a published edition
LiP 41.16
ससर्ज सकलं तस्मात् स्वाङ्गादेव चराचरम् ततो ब्रह्माणमसृजद् ब्रह्मा रुद्रं पितामहः
sasarja sakalaṃ tasmāt svāṅgādeva carācaram tato brahmāṇamasṛjad brahmā rudraṃ pitāmahaḥ
brought forth from that, from his very own body, the whole world of moving and unmoving things; then he created Brahmā, and Brahmā the grandfather created Rudra.
AI translation rendered from the Sanskrit, not a published edition
LiP 41.17
मुने कल्पान्तरे रुद्रो हरिं ब्रह्माणम् ईश्वरम् ततो ब्रह्माणमसृजन् मुने कल्पान्तरे हरिः
mune kalpāntare rudro hariṃ brahmāṇam īśvaram tato brahmāṇamasṛjan mune kalpāntare hariḥ
O sage, in another kalpa Rudra (created) Hari and Brahmā the lord; then, O sage, in another kalpa Hari created Brahmā.
AI translation rendered from the Sanskrit, not a published edition — the model flagged this verse as uncertain
LiP 41.18
नारायणं पुनर्ब्रह्मा ब्रह्माणं च पुनर्भवः तदा विचार्य वै ब्रह्मा दुःखं संसार इत्यजः
nārāyaṇaṃ punarbrahmā brahmāṇaṃ ca punarbhavaḥ tadā vicārya vai brahmā duḥkhaṃ saṃsāra ityajaḥ
And again Brahmā (created) Nārāyaṇa, and again Bhava created Brahmā; then Brahmā, the unborn, having reflected, "Transmigration is suffering,"
AI translation rendered from the Sanskrit, not a published edition
LiP 41.19
सर्गं विसृज्य चात्मानम् आत्मन्येव नियोज्य च संहृत्य प्राणसञ्चारं पाषाण इव निश्चलः
sargaṃ visṛjya cātmānam ātmanyeva niyojya ca saṃhṛtya prāṇasañcāraṃ pāṣāṇa iva niścalaḥ
and having let go of creation and yoked himself within himself alone, and having stopped the movement of breath, motionless like a stone,
AI translation rendered from the Sanskrit, not a published edition
LiP 41.20
दशवर्षसहस्राणि समाधिस्थो ऽभवत्प्रभुः अधोमुखं तु यत्पद्मं हृदि संस्थं सुशोभनम्
daśavarṣasahasrāṇi samādhistho 'bhavatprabhuḥ adhomukhaṃ tu yatpadmaṃ hṛdi saṃsthaṃ suśobhanam
the Lord remained fixed in absorption for ten thousand years; and that beautiful lotus set in the heart, which faced downward,
AI translation rendered from the Sanskrit, not a published edition
LiP 41.21
पूरितं पूरकेणैव प्रबुद्धं चाभवत्तदा तदूर्ध्ववक्त्रम् अभवत् कुम्भकेन निरोधितम्
pūritaṃ pūrakeṇaiva prabuddhaṃ cābhavattadā tadūrdhvavaktram abhavat kumbhakena nirodhitam
was filled by the in-breathing (pūraka) and then came awake; it became upward-faced, held in check by breath-retention (kumbhaka).
AI translation rendered from the Sanskrit, not a published edition
LiP 41.22
तत्पद्मकर्णिकामध्ये स्थापयामास चेश्वरम् तदोमिति शिवं देवम् अर्धमात्रापरं परम्
tatpadmakarṇikāmadhye sthāpayāmāsa ceśvaram tadomiti śivaṃ devam ardhamātrāparaṃ param
In the middle of the pericarp of that lotus he established the Lord — Śiva, the god, as that OM, the supreme one beyond the half-measure,
AI translation rendered from the Sanskrit, not a published edition — the model flagged this verse as uncertain
LiP 41.23
मृणालतन्तुभागैकशतभागे व्यवस्थितम् यमी यमविशुद्धात्मा नियम्यैवं हृदीश्वरम्
mṛṇālatantubhāgaikaśatabhāge vyavasthitam yamī yamaviśuddhātmā niyamyaivaṃ hṛdīśvaram
abiding in one hundredth part of a fibre of a lotus stalk; and the self-controlled one, his self purified by restraint, thus having fixed the Lord in his heart,
AI translation rendered from the Sanskrit, not a published edition — the model flagged this verse as uncertain
LiP 41.24
यमपुष्पादिभिः पूज्यं याज्यो ह्ययजदव्ययम् तस्य हृत्कमलस्थस्य नियोगाच्चांशजो विभुः
yamapuṣpādibhiḥ pūjyaṃ yājyo hyayajadavyayam tasya hṛtkamalasthasya niyogāccāṃśajo vibhuḥ
(He is) to be worshipped with the flowers of restraint and the rest; the sacrificer indeed worshipped the imperishable One. By the command of Him who dwells in the lotus of (Brahmā's) heart, the mighty one born of a portion (of Him)—
AI translation rendered from the Sanskrit, not a published edition — the model flagged this verse as uncertain
LiP 41.25
ललाटमस्य निर्भिद्य प्रादुरासीत्पितामहात् लोहितो ऽभूत् स्वयं नीलः शिवस्य हृदयोद्भवः
lalāṭamasya nirbhidya prādurāsītpitāmahāt lohito 'bhūt svayaṃ nīlaḥ śivasya hṛdayodbhavaḥ
—splitting open his forehead, came forth from the Grandfather; he was red, and of himself blue, arisen from the heart of Śiva.
AI translation rendered from the Sanskrit, not a published edition — the model flagged this verse as uncertain
LiP 41.26
वह्नेश्चैव तु संयोगात् प्रकृत्य पुरुषः प्रभुः नीलश् च लोहितश्चैव यतः कालाकृतिः पुमान्
vahneścaiva tu saṃyogāt prakṛtya puruṣaḥ prabhuḥ nīlaś ca lohitaścaiva yataḥ kālākṛtiḥ pumān
And from the conjunction with fire, from Prakṛti, (arose) the Puruṣa, the lord, blue and also red, whence the Man has the form of Kāla (Time).
AI translation rendered from the Sanskrit, not a published edition — the model flagged this verse as uncertain
LiP 41.27
नीललोहित इत्युक्तस् तेन देवेन वै प्रभुः ब्रह्मणा भगवान्कालः प्रीतात्मा चाभवद्विभुः
nīlalohita ityuktas tena devena vai prabhuḥ brahmaṇā bhagavānkālaḥ prītātmā cābhavadvibhuḥ
Thus he was called "Nīlalohita" (Blue-Red) by that god Brahmā, and the mighty Lord, the blessed Kāla, became gladdened in heart.
AI translation rendered from the Sanskrit, not a published edition
LiP 41.28
सुप्रीतमनसं देवं तुष्टाव च पितामहः नामाष्टकेन विश्वात्मा विश्वात्मानं महामुने
suprītamanasaṃ devaṃ tuṣṭāva ca pitāmahaḥ nāmāṣṭakena viśvātmā viśvātmānaṃ mahāmune
And the Grandfather, the Soul of all, praised the god whose mind was well pleased—the Soul of all—with eight names, O great sage.
AI translation rendered from the Sanskrit, not a published edition
LiP 41.29
नमस्ते भगवन् रुद्र भास्करामिततेजसे नमो भवाय देवाय रसायाम्बुमयाय ते
namaste bhagavan rudra bhāskarāmitatejase namo bhavāya devāya rasāyāmbumayāya te
Homage to you, blessed Rudra, of boundless brilliance like the sun; homage to you, Bhava, the god, who are taste and made of water.
AI translation rendered from the Sanskrit, not a published edition
LiP 41.30
शर्वाय क्षितिरूपाय सदा सुरभिणे नमः ईशाय वायवे तुभ्यं संस्पर्शाय नमो नमः
śarvāya kṣitirūpāya sadā surabhiṇe namaḥ īśāya vāyave tubhyaṃ saṃsparśāya namo namaḥ
Homage to Śarva, whose form is earth, ever fragrant; to you, Īśa, who are wind, who are touch, homage again and again.
AI translation rendered from the Sanskrit, not a published edition
LiP 41.31
पशूनां पतये चैव पावकायातितेजसे भीमाय व्योमरूपाय शब्दमात्राय ते नमः
paśūnāṃ pataye caiva pāvakāyātitejase bhīmāya vyomarūpāya śabdamātrāya te namaḥ
And to the Lord of beasts, to Pāvaka (fire) of surpassing brilliance; to Bhīma, whose form is the sky, who are sound alone—homage to you.
AI translation rendered from the Sanskrit, not a published edition
LiP 41.32
महादेवाय सोमाय अमृताय नमो ऽस्तु ते उग्राय यजमानाय नमस्ते कर्मयोगिने
mahādevāya somāya amṛtāya namo 'stu te ugrāya yajamānāya namaste karmayogine
Homage be to you, to Mahādeva, to Soma, to the nectar; homage to you, Ugra, the sacrificer, the yogin of action.
AI translation rendered from the Sanskrit, not a published edition
LiP 41.33
यः पठेच्छृणुयाद्वापि पैतामहमिमं स्तवम् रुद्राय कथितं विप्राञ् श्रावयेद्वा समाहितः
yaḥ paṭhecchṛṇuyādvāpi paitāmahamimaṃ stavam rudrāya kathitaṃ viprāñ śrāvayedvā samāhitaḥ
Whoever should recite or hear this hymn of the Grandfather that was spoken to Rudra, or should attentively have it heard by brahmins,
AI translation rendered from the Sanskrit, not a published edition
LiP 41.34
अष्टमूर्तेस्तु सायुज्यं वर्षादेकादवाप्नुयात् एवं स्तुत्वा महादेवम् अवैक्षत पितामहः
aṣṭamūrtestu sāyujyaṃ varṣādekādavāpnuyāt evaṃ stutvā mahādevam avaikṣata pitāmahaḥ
would attain union with the Eight-formed One within a single year. Having praised Mahādeva thus, the Grandfather looked upon him.
AI translation rendered from the Sanskrit, not a published edition
LiP 41.35
तदाष्टधा महादेवः समातिष्ठत्समन्ततः तदा प्रकाशते भानुः कृष्णवर्त्मा निशाकरः
tadāṣṭadhā mahādevaḥ samātiṣṭhatsamantataḥ tadā prakāśate bhānuḥ kṛṣṇavartmā niśākaraḥ
Then Mahādeva stood forth in eightfold form on every side: then there shine the sun, the black-tracked one (fire), the moon,
AI translation rendered from the Sanskrit, not a published edition
LiP 41.36
क्षितिर्वायुः पुमानंभः सुषिरं सर्वगं तथा तदाप्रभृति तं प्राहुर् अष्टमूर्तिरितीश्वरम्
kṣitirvāyuḥ pumānaṃbhaḥ suṣiraṃ sarvagaṃ tathā tadāprabhṛti taṃ prāhur aṣṭamūrtiritīśvaram
earth, wind, the Man, water, the hollow (space), and likewise the all-pervading. From that time on they have called the Lord "Eight-formed."
AI translation rendered from the Sanskrit, not a published edition
LiP 41.37
अष्टमूर्तेः प्रसादेन विरञ्चिश्चासृजत्पुनः सृष्ट्वैतद् अखिलं ब्रह्मा पुनः कल्पान्तरे प्रभुः
aṣṭamūrteḥ prasādena virañciścāsṛjatpunaḥ sṛṣṭvaitad akhilaṃ brahmā punaḥ kalpāntare prabhuḥ
By the grace of the Eight-formed One, Virañci (Brahmā) created again; and Brahmā the lord, having created all this, once more in another kalpa—
AI translation rendered from the Sanskrit, not a published edition
LiP 41.38
सहस्रयुगपर्यन्तं संसुप्ते च चराचरे प्रजाः स्रष्टुमनास् तेपे तत उग्रं तपो महत्
sahasrayugaparyantaṃ saṃsupte ca carācare prajāḥ sraṣṭumanās tepe tata ugraṃ tapo mahat
—when the moving and unmoving had slept for a thousand yugas—minded to create living beings, then performed fierce and great austerity.
AI translation rendered from the Sanskrit, not a published edition
LiP 41.39
तस्यैवं तप्यमानस्य न किंचित्समवर्तत ततो दीर्घेण कालेन दुःखात्क्रोधो व्यजायत
tasyaivaṃ tapyamānasya na kiṃcitsamavartata tato dīrgheṇa kālena duḥkhātkrodho vyajāyata
While he was thus practising austerity, nothing at all came about; then, after a long time, out of his distress anger arose.
AI translation rendered from the Sanskrit, not a published edition
LiP 41.40
क्रोधाविष्टस्य नेत्राभ्यां प्रापतन्नश्रुबिन्दवः ततस्तेभ्यो ऽश्रुबिन्दुभ्यो भूताः प्रेतास्तदाभवन्
krodhāviṣṭasya netrābhyāṃ prāpatannaśrubindavaḥ tatastebhyo 'śrubindubhyo bhūtāḥ pretāstadābhavan
From the eyes of him possessed by anger drops of tears fell down; then from those teardrops there came to be bhūtas and pretas.
AI translation rendered from the Sanskrit, not a published edition
LiP 41.41
सर्वांस्तानग्रजान्दृष्ट्वा भूतप्रेतनिशाचरान् अनिन्दत तदा देवो ब्रह्मात्मानम् अजो विभुः
sarvāṃstānagrajāndṛṣṭvā bhūtapretaniśācarān anindata tadā devo brahmātmānam ajo vibhuḥ
Seeing all those bhūtas, pretas and night-walkers as his firstborn, the god Brahmā, the unborn lord, then reproached himself.
AI translation rendered from the Sanskrit, not a published edition
LiP 41.42
जहौ प्राणांश् च भगवान् क्रोधाविष्टः प्रजापतिः ततः प्राणमयो रुद्रः प्रादुरासीत्प्रभोर्मुखात्
jahau prāṇāṃś ca bhagavān krodhāviṣṭaḥ prajāpatiḥ tataḥ prāṇamayo rudraḥ prādurāsītprabhormukhāt
And the blessed Prajāpati, filled with anger, gave up his life-breaths; then Rudra, made of breath, came forth from the mouth of the lord,
AI translation rendered from the Sanskrit, not a published edition
LiP 41.43
अर्धनारीश्वरो भूत्वा बालार्कसदृशद्युतिः तदैकादशधात्मानं प्रविभज्य व्यवस्थितः
ardhanārīśvaro bhūtvā bālārkasadṛśadyutiḥ tadaikādaśadhātmānaṃ pravibhajya vyavasthitaḥ
having become the Lord who is half woman, with radiance like the newly risen sun; then, dividing himself into eleven, he took his stand.
AI translation rendered from the Sanskrit, not a published edition
LiP 41.44
अर्धेनांशेन सर्वात्मा ससर्जासौ शिवामुमाम् सा चासृजत्तदा लक्ष्मीं दुर्गां श्रेष्ठां सरस्वतीम्
ardhenāṃśena sarvātmā sasarjāsau śivāmumām sā cāsṛjattadā lakṣmīṃ durgāṃ śreṣṭhāṃ sarasvatīm
With half a portion that All-Self created Śivā, Umā; and she then created Lakṣmī, Durgā, and the excellent Sarasvatī,
AI translation rendered from the Sanskrit, not a published edition
LiP 41.45
वामां रौद्रीं महामायां वैष्णवीं वारिजेक्षणाम् कलां विकिरिणीं चैव कालीं कमलवासिनीम्
vāmāṃ raudrīṃ mahāmāyāṃ vaiṣṇavīṃ vārijekṣaṇām kalāṃ vikiriṇīṃ caiva kālīṃ kamalavāsinīm
Vāmā, Raudrī, Mahāmāyā, Vaiṣṇavī, the lotus-eyed one, Kalā, Vikiriṇī, Kālī, and the dweller in the lotus,
AI translation rendered from the Sanskrit, not a published edition
LiP 41.46
बलविकरिणीं देवीं बलप्रमथिनीं तथा सर्वभूतस्य दमनीं ससृजे च मनोन्मनीम्
balavikariṇīṃ devīṃ balapramathinīṃ tathā sarvabhūtasya damanīṃ sasṛje ca manonmanīm
the goddess Balavikariṇī and likewise Balapramathinī, the subduer of every being — and she created Manonmanī (too).
AI translation rendered from the Sanskrit, not a published edition
LiP 41.47
तथान्या बहवः सृष्टास् तया नार्यः सहस्रशः रुद्रैश्चैव महादेवस् ताभिस्त्रिभुवनेश्वरः
tathānyā bahavaḥ sṛṣṭās tayā nāryaḥ sahasraśaḥ rudraiścaiva mahādevas tābhistribhuvaneśvaraḥ
Likewise many other women, by the thousand, were created by her; and Mahādeva, lord of the three worlds, (was surrounded) by the Rudras and by them.
AI translation rendered from the Sanskrit, not a published edition — the model flagged this verse as uncertain
LiP 41.48
सर्वात्मनश् च तस्याग्रे ह्य् अतिष्ठत्परमेश्वरः मृतस्य तस्य देवस्य ब्रह्मणः परमेष्ठिनः
sarvātmanaś ca tasyāgre hy atiṣṭhatparameśvaraḥ mṛtasya tasya devasya brahmaṇaḥ parameṣṭhinaḥ
And the Supreme Lord stood before him, the All-Self — before that dead god, Brahmā, the highest one.
AI translation rendered from the Sanskrit, not a published edition — the model flagged this verse as uncertain
LiP 41.49
घृणी ददौ पुनः प्राणान् ब्रह्मपुत्रो महेश्वरः ब्रह्मणः प्रददौ प्राणान् आत्मस्थांस्तु तदा प्रभुः
ghṛṇī dadau punaḥ prāṇān brahmaputro maheśvaraḥ brahmaṇaḥ pradadau prāṇān ātmasthāṃstu tadā prabhuḥ
The compassionate Maheśvara, whose son is Brahmā, gave back the breaths; the Lord then bestowed on Brahmā the life-breaths that resided in himself.
AI translation rendered from the Sanskrit, not a published edition — the model flagged this verse as uncertain
LiP 41.50
प्रहृष्टो ऽभूत्ततो रुद्रः किंचित्प्रत्यागतासवम् अभ्यभाषत देवेशो ब्रह्माणं परमं वचः
prahṛṣṭo 'bhūttato rudraḥ kiṃcitpratyāgatāsavam abhyabhāṣata deveśo brahmāṇaṃ paramaṃ vacaḥ
Then Rudra was delighted with (Brahmā), whose breath had somewhat returned; the lord of gods addressed a supreme speech to Brahmā.
AI translation rendered from the Sanskrit, not a published edition
LiP 41.51
मा भैर्देव महाभाग विरिञ्च जगतां गुरो मयेह स्थापिताः प्राणास् तस्मादुत्तिष्ठ वै प्रभो
mā bhairdeva mahābhāga viriñca jagatāṃ guro mayeha sthāpitāḥ prāṇās tasmāduttiṣṭha vai prabho
"Do not fear, god, greatly fortunate Viriñca, teacher of the worlds; the breaths have been set in place here by me — therefore rise up, O lord!"
AI translation rendered from the Sanskrit, not a published edition
LiP 41.52
श्रुत्वा वचस्ततस्तस्य स्वप्नभूतं मनोगतम् पितामहः प्रसन्नात्मा नेत्रैः फुल्लाम्बुजप्रभैः
śrutvā vacastatastasya svapnabhūtaṃ manogatam pitāmahaḥ prasannātmā netraiḥ phullāmbujaprabhaiḥ
Then, having heard that speech of his, which reached his mind as though in a dream, the Grandfather, serene of soul, with eyes bright as opened lotuses —
AI translation rendered from the Sanskrit, not a published edition
LiP 41.53
ततः प्रत्यागतप्राणः समुदैक्षन् महेश्वरम् स उद्वीक्ष्य चिरं कालं स्निग्धगंभीरया गिरा
tataḥ pratyāgataprāṇaḥ samudaikṣan maheśvaram sa udvīkṣya ciraṃ kālaṃ snigdhagaṃbhīrayā girā
then, his breath returned, he looked up at Maheśvara; and having looked up for a long time, with a voice tender and deep,
AI translation rendered from the Sanskrit, not a published edition
LiP 41.54
उवाच भगवान् ब्रह्मा समुत्थाय कृताञ्जलिः भो भो वद महाभाग आनन्दयसि मे मनः
uvāca bhagavān brahmā samutthāya kṛtāñjaliḥ bho bho vada mahābhāga ānandayasi me manaḥ
the blessed Brahmā, rising and making the gesture of joined palms, said: "Ho, ho! Speak, greatly fortunate one — you gladden my mind.
AI translation rendered from the Sanskrit, not a published edition
LiP 41.55
को भवान् अष्टमूर्तिर् वै स्थित एकादशात्मकः तस्य तद्वचनं श्रुत्वा व्याजहार महेश्वरः
ko bhavān aṣṭamūrtir vai sthita ekādaśātmakaḥ tasya tadvacanaṃ śrutvā vyājahāra maheśvaraḥ
Who are you, who stand as one of eight forms yet elevenfold in nature?" Having heard that speech of his, Maheśvara declared:
AI translation rendered from the Sanskrit, not a published edition
LiP 41.56
स्पृशन्कराभ्यां ब्रह्माणं सुखाभ्यां स सुरारिहा मां विद्धि परमात्मानम् एनां मायामजामिति
spṛśankarābhyāṃ brahmāṇaṃ sukhābhyāṃ sa surārihā māṃ viddhi paramātmānam enāṃ māyāmajāmiti
touching Brahmā with his two pleasant hands, he, the slayer of the gods' foes: "Know me as the supreme Self, and know her as Māyā, the unborn.
AI translation rendered from the Sanskrit, not a published edition
LiP 41.57
एते वै संस्थिता रुद्रास् त्वां रक्षितुमिहागताः ततः प्रणम्य तं ब्रह्मा देवदेवमुवाच ह
ete vai saṃsthitā rudrās tvāṃ rakṣitumihāgatāḥ tataḥ praṇamya taṃ brahmā devadevamuvāca ha
These Rudras stand here, come to protect you." Then Brahmā, bowing to him, spoke to the god of gods,
AI translation rendered from the Sanskrit, not a published edition
LiP 41.58
कृताञ्जलिपुटो भूत्वा हर्षगद्गदया गिरा भगवन्देवदेवेश दुःखैराकुलितो ह्यहम्
kṛtāñjalipuṭo bhūtvā harṣagadgadayā girā bhagavandevadeveśa duḥkhairākulito hyaham
having made the cup of joined palms, with a voice faltering from joy: "O blessed one, lord of the gods of gods, I am indeed overwhelmed by sorrows;
AI translation rendered from the Sanskrit, not a published edition
LiP 41.59
संसारान्मोक्तुमीशान मामिहार्हसि शङ्कर ततः प्रहस्य भगवान् पितामहमुमापतिः
saṃsārānmoktumīśāna māmihārhasi śaṅkara tataḥ prahasya bhagavān pitāmahamumāpatiḥ
you ought to release me here from the round of rebirth, O Īśāna, O Śaṅkara!" Then the blessed lord of Umā, laughing, (said) to the Grandfather —
AI translation rendered from the Sanskrit, not a published edition
LiP 41.60
तदा रुद्रैर्जगन्नाथस् तया चान्तर्दधे विभुः तस्माच्छिलाद लोकेषु दुर्लभो वै त्वयोनिजः
tadā rudrairjagannāthas tayā cāntardadhe vibhuḥ tasmācchilāda lokeṣu durlabho vai tvayonijaḥ
then the Lord of the world, the all-pervading one, vanished together with the Rudras and with her. Therefore, Śilāda, in the worlds one not born from a womb is indeed hard to obtain.
AI translation rendered from the Sanskrit, not a published edition
LiP 41.61
मृत्युहीनः पुमान्विद्धि समृत्युः पद्मजो ऽपि सः किंतु देवेश्वरो रुद्रः प्रसीदति यदीश्वरः
mṛtyuhīnaḥ pumānviddhi samṛtyuḥ padmajo 'pi saḥ kiṃtu deveśvaro rudraḥ prasīdati yadīśvaraḥ
Know that a man is not free of death: even he, the lotus-born, is subject to death. But if Rudra, the lord of gods, the Lord, is gracious,
AI translation rendered from the Sanskrit, not a published edition
LiP 41.62
न दुर्लभो मृत्युहीनस् तव पुत्रो ह्ययोनिजः मया च विष्णुना चैव ब्रह्मणा च महात्मना
na durlabho mṛtyuhīnas tava putro hyayonijaḥ mayā ca viṣṇunā caiva brahmaṇā ca mahātmanā
then your son, free of death and not born from a womb, is not hard to obtain. But by me, and by Viṣṇu, and by the great-souled Brahmā,
AI translation rendered from the Sanskrit, not a published edition
LiP 41.63
अयोनिजं मृत्युहीनम् असमर्थं निवेदितुम् एवं व्याहृत्य विप्रेन्द्रम् अनुगृह्य च तं घृणी
ayonijaṃ mṛtyuhīnam asamarthaṃ niveditum evaṃ vyāhṛtya viprendram anugṛhya ca taṃ ghṛṇī
one not born from a womb and free of death is impossible to grant. Having spoken thus and having shown favour to that best of brahmins, the compassionate one,
AI translation rendered from the Sanskrit, not a published edition — the model flagged this verse as uncertain
LiP 41.64
देवैर्वृतो ययौ देवः सितेनेभेन वै प्रभुः
devairvṛto yayau devaḥ sitenebhena vai prabhuḥ
Surrounded by the gods, the god, the Lord, went away on a white elephant.
AI translation rendered from the Sanskrit, not a published edition