Linga Purana — Chapter 40
LiP 40.1
तिष्ये मायामसूयां च वधं चैव तपस्विनाम् साधयन्ति नरास्तत्र तमसा व्याकुलेन्द्रियाः
tiṣye māyāmasūyāṃ ca vadhaṃ caiva tapasvinām sādhayanti narāstatra tamasā vyākulendriyāḥ
In the Tiṣya (age) men there, their senses confused by tamas, accomplish deceit and envy and the killing of ascetics.
AI translation rendered from the Sanskrit, not a published edition
LiP 40.2
कलौ प्रमादको रोगः सततं क्षुद्भयानि च अनावृष्टिभयं घोरं देशानां च विपर्ययः
kalau pramādako rogaḥ satataṃ kṣudbhayāni ca anāvṛṣṭibhayaṃ ghoraṃ deśānāṃ ca viparyayaḥ
In the Kali (age there is) the disease of negligence, and constant terrors of hunger, and the dreadful fear of drought, and the overturning of countries.
AI translation rendered from the Sanskrit, not a published edition
LiP 40.3
न प्रामाण्यं श्रुतेरस्ति नृणां चाधर्मसेवनम् अधार्मिकास्त्वनाचारा महाकोपाल्पचेतसः
na prāmāṇyaṃ śruterasti nṛṇāṃ cādharmasevanam adhārmikāstvanācārā mahākopālpacetasaḥ
There is no authority of scripture, and men practise unrighteousness; they are unrighteous, without good conduct, greatly wrathful and of little understanding.
AI translation rendered from the Sanskrit, not a published edition
LiP 40.4
अनृतं ब्रुवते लुब्धास् तिष्ये जाताश् च दुष्प्रजाः दुरिष्टैर्दुरधीतैश् च दुराचारैर्दुरागमैः
anṛtaṃ bruvate lubdhās tiṣye jātāś ca duṣprajāḥ duriṣṭairduradhītaiś ca durācārairdurāgamaiḥ
Greedy, they speak falsehood; and those born in the Kali age are of evil offspring, (ruined) by bad sacrifices, bad study, bad conduct, and bad traditions.
AI translation rendered from the Sanskrit, not a published edition
LiP 40.5
विप्राणां कर्म दोषेण प्रजानां जायते भयम् नाधीयन्ते तदा वेदान् न यजन्ति द्विजातयः
viprāṇāṃ karma doṣeṇa prajānāṃ jāyate bhayam nādhīyante tadā vedān na yajanti dvijātayaḥ
Through the fault of the brahmins' rites, fear arises among the people; then the twice-born neither recite the Vedas nor perform sacrifices.
AI translation rendered from the Sanskrit, not a published edition
LiP 40.6
उत्सीदन्ति नराश्चैव क्षत्रियाश् च विशः क्रमात् शूद्राणां मन्त्रयोगेन संबन्धो ब्राह्मणैः सह
utsīdanti narāścaiva kṣatriyāś ca viśaḥ kramāt śūdrāṇāṃ mantrayogena saṃbandho brāhmaṇaiḥ saha
And men perish, and in turn the kṣatriyas and the vaiśyas; the śūdras come to have connection with the brahmins through the joint (use of) mantras.
AI translation rendered from the Sanskrit, not a published edition
LiP 40.7
भवतीह कलौ तस्मिञ् शयनासनभोजनैः राजानः शूद्रभूयिष्ठा ब्राह्मणान् बाधयन्ति ते
bhavatīha kalau tasmiñ śayanāsanabhojanaiḥ rājānaḥ śūdrabhūyiṣṭhā brāhmaṇān bādhayanti te
In that Kali age this comes about through (shared) beds, seats, and meals: kings, mostly śūdras, oppress the brahmins.
AI translation rendered from the Sanskrit, not a published edition
LiP 40.8
भ्रूणहत्या वीरहत्या प्रजायन्ते प्रजासु वै शूद्राश् च ब्राह्मणाचाराः शूद्राचाराश् च ब्राह्मणाः
bhrūṇahatyā vīrahatyā prajāyante prajāsu vai śūdrāś ca brāhmaṇācārāḥ śūdrācārāś ca brāhmaṇāḥ
Killing of embryos and killing of heroes arise among the people; and the śūdras have the conduct of brahmins, while the brahmins have the conduct of śūdras.
AI translation rendered from the Sanskrit, not a published edition
LiP 40.9
राजवृत्तिस्थिताश् चौराश् चौराचाराश् च पार्थिवाः एकपत्न्यो न शिष्यन्ति वर्धिष्यन्त्यभिसारिकाः
rājavṛttisthitāś caurāś caurācārāś ca pārthivāḥ ekapatnyo na śiṣyanti vardhiṣyantyabhisārikāḥ
Thieves occupy the office of kings, and kings behave as thieves; women faithful to one husband will not remain, and women who go out to their lovers will increase.
AI translation rendered from the Sanskrit, not a published edition
LiP 40.10
वर्णाश्रमप्रतिष्ठानो जायते नृषु सर्वतः तदा स्वल्पफला भूमिः क्वचिच्चापि महाफला
varṇāśramapratiṣṭhāno jāyate nṛṣu sarvataḥ tadā svalpaphalā bhūmiḥ kvaciccāpi mahāphalā
Everywhere among men (a state) contrary to the classes and life-stages arises; then the earth yields little fruit, though somewhere it yields much.
AI translation rendered from the Sanskrit, not a published edition — the model flagged this verse as uncertain
LiP 40.11
अरक्षितारो हर्तारः पार्थिवाश् च शिलाशन शूद्रा वै ज्ञानिनः सर्वे ब्राह्मणैरभिवन्दिताः
arakṣitāro hartāraḥ pārthivāś ca śilāśana śūdrā vai jñāninaḥ sarve brāhmaṇairabhivanditāḥ
Kings are no protectors but plunderers, O Śilāśana; the śūdras are all men of knowledge, saluted by the brahmins.
AI translation rendered from the Sanskrit, not a published edition — the model flagged this verse as uncertain
LiP 40.12
अक्षत्रियाश् च राजानो विप्राः शूद्रोपजीविनः आसनस्था द्विजान्दृष्ट्वा न चलन्त्यल्पबुद्धयः
akṣatriyāś ca rājāno viprāḥ śūdropajīvinaḥ āsanasthā dvijāndṛṣṭvā na calantyalpabuddhayaḥ
Kings are not kṣatriyas, and brahmins live off śūdras; sitting on their seats, the dull-witted (śūdras) do not stir on seeing the twice-born.
AI translation rendered from the Sanskrit, not a published edition
LiP 40.13
ताडयन्ति द्विजेन्द्रांश् च शूद्रा वै स्वल्पबुद्धयः आस्ये निधाय वै हस्तं कर्णं शूद्रस्य वै द्विजाः
tāḍayanti dvijendrāṃś ca śūdrā vai svalpabuddhayaḥ āsye nidhāya vai hastaṃ karṇaṃ śūdrasya vai dvijāḥ
And the śūdras of little understanding strike the chief brahmins; and the twice-born, placing their hand over their mouth, (speak into) the ear of a śūdra,
AI translation rendered from the Sanskrit, not a published edition
LiP 40.14
नीचस्येव तदा वाक्यं वदन्ति विनयेन तम् उच्चासनस्थान् शूद्रांश् च द्विजमध्ये द्विजर्षभ
nīcasyeva tadā vākyaṃ vadanti vinayena tam uccāsanasthān śūdrāṃś ca dvijamadhye dvijarṣabha
then they speak that word of his humbly, as though (he were) of low (station) — and the śūdras (seated) on high seats in the midst of the twice-born, O bull among the twice-born;
AI translation rendered from the Sanskrit, not a published edition — the model flagged this verse as uncertain
LiP 40.15
ज्ञात्वा न हिंसते राजा कलौ कालवशेन तु पुष्पैश् च वासितैश्चैव तथान्यैर् मङ्गलैः शुभैः
jñātvā na hiṃsate rājā kalau kālavaśena tu puṣpaiś ca vāsitaiścaiva tathānyair maṅgalaiḥ śubhaiḥ
knowing (this), the king does not punish (them) in the Kali age, by force of the time; and with flowers and perfumes and other auspicious lucky things
AI translation rendered from the Sanskrit, not a published edition — the model flagged this verse as uncertain
LiP 40.16
शूद्रानभ्यर्चयन्त्यल्पश्रुतभाग्यबलान्विताः न प्रेक्षन्ते गर्विताश् च शूद्रा द्विजवरान् द्विज
śūdrānabhyarcayantyalpaśrutabhāgyabalānvitāḥ na prekṣante garvitāś ca śūdrā dvijavarān dvija
they honour the śūdras — (those brahmins) possessed of little learning, fortune, and strength; and the arrogant śūdras do not (even) look at the best of the twice-born, O twice-born one.
AI translation rendered from the Sanskrit, not a published edition
LiP 40.17
सेवावसरम् आलोक्य द्वारे तिष्ठन्ति वै द्विजाः वाहनस्थान् समावृत्य शूद्राञ्शूद्रोपजीविनः
sevāvasaram ālokya dvāre tiṣṭhanti vai dvijāḥ vāhanasthān samāvṛtya śūdrāñśūdropajīvinaḥ
Watching for a chance to serve, the twice-born stand at the door; those who live off śūdras crowd around the śūdras seated in their vehicles.
AI translation rendered from the Sanskrit, not a published edition
LiP 40.18
सेवन्ते ब्राह्मणास्तत्र स्तुवन्ति स्तुतिभिः कलौ तपोयज्ञफलानां च विक्रेतारो द्विजोत्तमाः
sevante brāhmaṇāstatra stuvanti stutibhiḥ kalau tapoyajñaphalānāṃ ca vikretāro dvijottamāḥ
There the brahmins serve (them) and praise (them) with hymns of praise in the Kali age; and the best of the twice-born become sellers of the fruits of austerity and sacrifice.
AI translation rendered from the Sanskrit, not a published edition
LiP 40.19
यतयश् च भविष्यन्ति बहवो ऽस्मिन्कलौ युगे पुरुषाल्पं बहुस्त्रीकं युगान्ते समुपस्थिते
yatayaś ca bhaviṣyanti bahavo 'sminkalau yuge puruṣālpaṃ bahustrīkaṃ yugānte samupasthite
And many ascetics will there be in this Kali age; when the end of the age has arrived there will be few men and many women.
AI translation rendered from the Sanskrit, not a published edition
LiP 40.20
निन्दन्ति वेदविद्यां च द्विजाः कर्माणि वै कलौ कलौ देवो महादेवः शङ्करो नीललोहितः
nindanti vedavidyāṃ ca dvijāḥ karmāṇi vai kalau kalau devo mahādevaḥ śaṅkaro nīlalohitaḥ
And in the Kali age the twice-born revile the knowledge of the Veda and the rites. In the Kali age the god Mahādeva, Śaṅkara, the blue-red one,
AI translation rendered from the Sanskrit, not a published edition
LiP 40.21
प्रकाशते प्रतिष्ठार्थं धर्मस्य विकृताकृतिः ये तं विप्रा निषेवन्ते येन केनापि शङ्करम्
prakāśate pratiṣṭhārthaṃ dharmasya vikṛtākṛtiḥ ye taṃ viprā niṣevante yena kenāpi śaṅkaram
appears in a distorted form for the establishment of dharma; those brahmins who worship him, Śaṅkara, in whatever way,
AI translation rendered from the Sanskrit, not a published edition
LiP 40.22
कलिदोषान् विनिर्जित्य प्रयान्ति परमं पदम् श्वापदप्रबलत्वं च गवां चैव परिक्षयः
kalidoṣān vinirjitya prayānti paramaṃ padam śvāpadaprabalatvaṃ ca gavāṃ caiva parikṣayaḥ
having conquered the faults of the Kali age, go to the highest state. And (there will be) the dominance of beasts of prey and the destruction of cattle,
AI translation rendered from the Sanskrit, not a published edition
LiP 40.23
साधूनां विनिवृत्तिश् च वेद्या तस्मिन्युगक्षये तदा सूक्ष्मो महोदर्को दुर्लभो दानमूलवान्
sādhūnāṃ vinivṛttiś ca vedyā tasminyugakṣaye tadā sūkṣmo mahodarko durlabho dānamūlavān
and the withdrawal of good men — this is to be known at that destruction of the age. Then (dharma is) subtle, of great consequence, hard to attain, rooted in giving.
AI translation rendered from the Sanskrit, not a published edition — the model flagged this verse as uncertain
LiP 40.24
चातुराश्रमशैथिल्ये धर्मः प्रतिचलिष्यति अरक्षितारो हर्तारो बलिभागस्य पार्थिवाः
cāturāśramaśaithilye dharmaḥ praticaliṣyati arakṣitāro hartāro balibhāgasya pārthivāḥ
When the four stages of life grow slack, dharma will be dislodged; the kings will be non-protectors, seizers of their share of tribute.
AI translation rendered from the Sanskrit, not a published edition
LiP 40.25
युगान्तेषु भविष्यन्ति स्वरक्षणपरायणाः अट्टशूला जनपदाः शिवशूलाश्चतुष्पथाः
yugānteṣu bhaviṣyanti svarakṣaṇaparāyaṇāḥ aṭṭaśūlā janapadāḥ śivaśūlāścatuṣpathāḥ
At the ends of the ages (kings) will be intent only on guarding themselves; the countries will bristle with watchtowers, and the crossroads with (Śiva's) spikes.
AI translation rendered from the Sanskrit, not a published edition — the model flagged this verse as uncertain
LiP 40.26
प्रमदाः केशशूलिन्यो भविष्यन्ति कलौ युगे चित्रवर्षी तदा देवो यदा प्राहुर्युगक्षयम्
pramadāḥ keśaśūlinyo bhaviṣyanti kalau yuge citravarṣī tadā devo yadā prāhuryugakṣayam
Women will be spike-haired (wearing their hair in a tuft/spike) in the Kali age; then the god (Indra) rains erratically, when they call it the destruction of the age.
AI translation rendered from the Sanskrit, not a published edition — the model flagged this verse as uncertain
LiP 40.27
सर्वे वणिग्जनाश्चापि भविष्यन्त्यधमे युगे कुशीलचर्याः पाषण्डैर् वृथारूपैः समावृताः
sarve vaṇigjanāścāpi bhaviṣyantyadhame yuge kuśīlacaryāḥ pāṣaṇḍair vṛthārūpaiḥ samāvṛtāḥ
And in the lowest age all people will be traders, of bad conduct, surrounded by heretics of useless appearance.
AI translation rendered from the Sanskrit, not a published edition
LiP 40.28
बहुयाजनको लोको भविष्यति परस्परम् नाव्याहृतक्रूरवाक्यो नार्जवी नानसूयकः
bahuyājanako loko bhaviṣyati parasparam nāvyāhṛtakrūravākyo nārjavī nānasūyakaḥ
The world will be much given to sacrificing for one another; no one will be free of cruel speech, none upright, none free of envy.
AI translation rendered from the Sanskrit, not a published edition — the model flagged this verse as uncertain
LiP 40.29
न कृते प्रतिकर्ता च युगक्षीणे भविष्यति निन्दकाश्चैव पतिता युगान्तस्य च लक्षणम्
na kṛte pratikartā ca yugakṣīṇe bhaviṣyati nindakāścaiva patitā yugāntasya ca lakṣaṇam
And in the exhausted age there will be no one who requites a good deed done; and revilers and the fallen — that too is a mark of the age's end.
AI translation rendered from the Sanskrit, not a published edition
LiP 40.30
नृपशून्या वसुमती न च धान्यधनावृता मण्डलानि भविष्यन्ति देशेषु नगरेषु च
nṛpaśūnyā vasumatī na ca dhānyadhanāvṛtā maṇḍalāni bhaviṣyanti deśeṣu nagareṣu ca
The earth will be empty of kings and not filled with grain and wealth; there will be (petty) circles of power in the countries and the cities.
AI translation rendered from the Sanskrit, not a published edition — the model flagged this verse as uncertain
LiP 40.31
अल्पोदका चाल्पफला भविष्यति वसुंधरा गोप्तारश्चाप्यगोप्तारः सम्भविष्यन्त्यशासनाः
alpodakā cālpaphalā bhaviṣyati vasuṃdharā goptāraścāpyagoptāraḥ sambhaviṣyantyaśāsanāḥ
The earth will have little water and little fruit; and the protectors will be non-protectors, arising without rule (or: uninstructed).
AI translation rendered from the Sanskrit, not a published edition
LiP 40.32
हर्तारः परवित्तानां परदारप्रधर्षकाः कामात्मानो दुरात्मानो ह्य् अधमाः साहसप्रियाः
hartāraḥ paravittānāṃ paradārapradharṣakāḥ kāmātmāno durātmāno hy adhamāḥ sāhasapriyāḥ
(They will be) seizers of others' wealth, violators of others' wives, made of lust, evil-souled, base, fond of violence.
AI translation rendered from the Sanskrit, not a published edition
LiP 40.33
प्रनष्टचेष्टनाः पुंसो मुक्तकेशाश् च शूलिनः जनाः षोडशवर्षाश् च प्रजायन्ते युगक्षये
pranaṣṭaceṣṭanāḥ puṃso muktakeśāś ca śūlinaḥ janāḥ ṣoḍaśavarṣāś ca prajāyante yugakṣaye
Men whose (proper) activity is lost, with loosened hair and bearing spikes; and at the age's destruction people are born (living only) sixteen years.
AI translation rendered from the Sanskrit, not a published edition — the model flagged this verse as uncertain
LiP 40.34
शुक्लदन्ताजिनाक्षाश् च मुण्डाः काषायवाससः शूद्रा धर्मं चरिष्यन्ति युगान्ते समुपस्थिते
śukladantājinākṣāś ca muṇḍāḥ kāṣāyavāsasaḥ śūdrā dharmaṃ cariṣyanti yugānte samupasthite
White-toothed, with goat-like eyes, shaven-headed, wearing ochre robes, Śūdras will practise (the priestly) dharma when the age's end has arrived.
AI translation rendered from the Sanskrit, not a published edition — the model flagged this verse as uncertain
LiP 40.35
सस्यचौरा भविष्यन्ति दृढचैलाभिलाषिणः चौराश्चोरस्वहर्तारो हर्तुर्हर्ता तथापरः
sasyacaurā bhaviṣyanti dṛḍhacailābhilāṣiṇaḥ caurāścorasvahartāro harturhartā tathāparaḥ
There will be grain-thieves, men craving stout garments; thieves, and stealers of thieves' goods, and yet another who steals from the stealer.
AI translation rendered from the Sanskrit, not a published edition
LiP 40.36
योग्यकर्मण्युपरते लोके निष्क्रियतां गते कीटमूषकसर्पाश् च धर्षयिष्यन्ति मानवान्
yogyakarmaṇyuparate loke niṣkriyatāṃ gate kīṭamūṣakasarpāś ca dharṣayiṣyanti mānavān
When fit action has ceased and the world has come to inactivity, worms, mice and snakes will assail human beings.
AI translation rendered from the Sanskrit, not a published edition
LiP 40.37
सुभिक्षं क्षेममारोग्यं सामर्थ्यं दुर्लभं तदा कौशिकीं प्रतिपत्स्यन्ते देशान्क्षुद्भयपीडिताः
subhikṣaṃ kṣemamārogyaṃ sāmarthyaṃ durlabhaṃ tadā kauśikīṃ pratipatsyante deśānkṣudbhayapīḍitāḥ
Then plenty of food, safety, health and capability will be hard to get; oppressed by hunger and fear (people) will resort to the Kauśikī (region) and (other) lands.
AI translation rendered from the Sanskrit, not a published edition — the model flagged this verse as uncertain
LiP 40.38
दुःखेनाभिप्लुतानां च परमायुः शतं तदा दृश्यन्ते न च दृश्यन्ते वेदाः कलियुगे ऽखिलाः
duḥkhenābhiplutānāṃ ca paramāyuḥ śataṃ tadā dṛśyante na ca dṛśyante vedāḥ kaliyuge 'khilāḥ
And for those overwhelmed with sorrow the maximum lifespan is then a hundred (years); in the Kali age the Vedas are seen and not seen in their entirety.
AI translation rendered from the Sanskrit, not a published edition — the model flagged this verse as uncertain
LiP 40.39
उत्सीदन्ति तदा यज्ञाः केवलाधर्मपीडिताः काषायिणो ऽप्यनिर्ग्रन्थाः कापालीबहुलास्त्विह
utsīdanti tadā yajñāḥ kevalādharmapīḍitāḥ kāṣāyiṇo 'pyanirgranthāḥ kāpālībahulāstviha
Then sacrifices sink away, afflicted by sheer unrighteousness; there are ochre-robed men who are yet not free of bonds, and Kāpālikas are many here.
AI translation rendered from the Sanskrit, not a published edition — the model flagged this verse as uncertain
LiP 40.40
वेदविक्रयिणश्चान्ये तीर्थविक्रयिणः परे वर्णाश्रमाणां ये चान्ये पाषण्डाः परिपन्थिनः
vedavikrayiṇaścānye tīrthavikrayiṇaḥ pare varṇāśramāṇāṃ ye cānye pāṣaṇḍāḥ paripanthinaḥ
And some are sellers of the Veda, others sellers of holy places; and there are still others, heretics, waylayers of the classes and life-stages.
AI translation rendered from the Sanskrit, not a published edition
LiP 40.41
उत्पद्यन्ते तदा ते वै सम्प्राप्ते तु कलौ युगे अधीयन्ते तदा वेदाञ् शूद्रा धर्मार्थकोविदाः
utpadyante tadā te vai samprāpte tu kalau yuge adhīyante tadā vedāñ śūdrā dharmārthakovidāḥ
These indeed arise when the Kali age has come; then Śūdras study the Vedas, versed in dharma and its meaning.
AI translation rendered from the Sanskrit, not a published edition
LiP 40.42
यजन्ते चाश्वमेधेन राजानः शूद्रयोनयः स्त्रीबालगोवधं कृत्वा हत्वा चैव परस्परम्
yajante cāśvamedhena rājānaḥ śūdrayonayaḥ strībālagovadhaṃ kṛtvā hatvā caiva parasparam
And kings of Śūdra birth sacrifice with the horse-sacrifice, having done the killing of women, children and cattle, and having slain one another.
AI translation rendered from the Sanskrit, not a published edition
LiP 40.43
उपद्रवांस्तथान्योन्यं साधयन्ति तदा प्रजाः दुःखप्रभूतमल्पायुर् देहोत्सादः सरोगता
upadravāṃstathānyonyaṃ sādhayanti tadā prajāḥ duḥkhaprabhūtamalpāyur dehotsādaḥ sarogatā
Then the people bring about calamities upon one another; there is abundance of sorrow, short life, wasting of the body, sickliness.
AI translation rendered from the Sanskrit, not a published edition
LiP 40.44
अधर्माभिनिवेशित्वात् तमोवृत्तं कलौ स्मृतम् प्रजासु ब्रह्महत्यादि तदा वै सम्प्रवर्तते
adharmābhiniveśitvāt tamovṛttaṃ kalau smṛtam prajāsu brahmahatyādi tadā vai sampravartate
Because of (their) attachment to unrighteousness, in the Kali (age) the prevalence of darkness is declared; then indeed among the people brahmin-killing and the rest becomes widespread.
AI translation rendered from the Sanskrit, not a published edition
LiP 40.45
तस्मादायुर्बलं रूपं कलिं प्राप्य प्रहीयते तदा त्वल्पेन कालेन सिद्धिं गच्छन्ति मानवाः
tasmādāyurbalaṃ rūpaṃ kaliṃ prāpya prahīyate tadā tvalpena kālena siddhiṃ gacchanti mānavāḥ
Therefore lifespan, strength, and beauty decline on reaching the Kali (age); but then in a short time men attain success.
AI translation rendered from the Sanskrit, not a published edition
LiP 40.46
धन्या धर्मं चरिष्यन्ति युगान्ते द्विजसत्तमाः श्रुतिस्मृत्युदितं धर्मं ये चरन्त्यनसूयकाः
dhanyā dharmaṃ cariṣyanti yugānte dvijasattamāḥ śrutismṛtyuditaṃ dharmaṃ ye carantyanasūyakāḥ
Fortunate are those best of twice-born who will practise dharma at the end of the yuga, who practise without ill-will the dharma declared in the śruti and smṛti.
AI translation rendered from the Sanskrit, not a published edition
LiP 40.47
त्रेतायां वार्षिको धर्मो द्वापरे मासिकः स्मृतः यथाक्लेशं चरन्प्राज्ञस् तदह्ना प्राप्नुते कलौ
tretāyāṃ vārṣiko dharmo dvāpare māsikaḥ smṛtaḥ yathākleśaṃ caranprājñas tadahnā prāpnute kalau
In the Tretā (age) dharma (bears fruit) in a year, in the Dvāpara it is held to be monthly; a wise man, practising according to (the same) effort, obtains that in a single day in the Kali (age).
AI translation rendered from the Sanskrit, not a published edition
LiP 40.48
एषा कलियुगावस्था संध्यांशं तु निबोध मे युगे युगे च हीयन्ते त्रींस्त्रीन्पादांस्तु सिद्धयः
eṣā kaliyugāvasthā saṃdhyāṃśaṃ tu nibodha me yuge yuge ca hīyante trīṃstrīnpādāṃstu siddhayaḥ
This is the condition of the Kali yuga; now learn from me about the twilight portion. In each successive yuga the attainments diminish by three quarters each.
AI translation rendered from the Sanskrit, not a published edition — the model flagged this verse as uncertain
LiP 40.49
युगस्वभावाः संध्यास्तु तिष्ठन्तीह तु पादशः संध्यास्वभावाः स्वांशेषु पादशस्ते प्रतिष्ठिताः
yugasvabhāvāḥ saṃdhyāstu tiṣṭhantīha tu pādaśaḥ saṃdhyāsvabhāvāḥ svāṃśeṣu pādaśaste pratiṣṭhitāḥ
The natures of the yugas remain here in the twilights quarter by quarter, and the natures of the twilights are established quarter by quarter in their own portions.
AI translation rendered from the Sanskrit, not a published edition — the model flagged this verse as uncertain
LiP 40.50
एवं संध्यांशके काले सम्प्राप्ते तु युगान्तिके तेषां शास्ता ह्यसाधूनां भूतानां निधनोत्थितः
evaṃ saṃdhyāṃśake kāle samprāpte tu yugāntike teṣāṃ śāstā hyasādhūnāṃ bhūtānāṃ nidhanotthitaḥ
Thus, when the twilight-portion time has arrived at the end of the yuga, there arises for the destruction of those wicked beings their chastiser.
AI translation rendered from the Sanskrit, not a published edition
LiP 40.51
गोत्रे ऽस्मिन्वै चन्द्रमसो नाम्ना प्रमितिरुच्यते मानवस्य तु सो ऽंशेन पूर्वं स्वायंभुवे ऽन्तरे
gotre 'sminvai candramaso nāmnā pramitirucyate mānavasya tu so 'ṃśena pūrvaṃ svāyaṃbhuve 'ntare
In this lineage of the Moon he is called Pramiti by name; he (was born) by a portion of Manu formerly, in the Svāyaṃbhuva interval.
AI translation rendered from the Sanskrit, not a published edition
LiP 40.52
समाः स विंशतिः पूर्णाः पर्यटन्वै वसुंधराम् अनुकर्षन् स वै सेनां सवाजिरथकुञ्जराम्
samāḥ sa viṃśatiḥ pūrṇāḥ paryaṭanvai vasuṃdharām anukarṣan sa vai senāṃ savājirathakuñjarām
For twenty full years he roams the earth, drawing along his army with horses, chariots, and elephants,
AI translation rendered from the Sanskrit, not a published edition
LiP 40.53
प्रगृहीतायुधैर्विप्रैः शतशो ऽथ सहस्रशः स तदा तैः परिवृतो म्लेच्छान् हन्ति सहस्रशः
pragṛhītāyudhairvipraiḥ śataśo 'tha sahasraśaḥ sa tadā taiḥ parivṛto mlecchān hanti sahasraśaḥ
with brahmins bearing weapons by hundreds and thousands; surrounded by them, he then slays the barbarians by thousands.
AI translation rendered from the Sanskrit, not a published edition
LiP 40.54
स हत्वा सर्वशश्चैव राज्ञस्ताञ्शूद्रयोनिजान् पाखण्डांस्तु ततः सर्वान् निःशेषं कृतवान् प्रभुः
sa hatvā sarvaśaścaiva rājñastāñśūdrayonijān pākhaṇḍāṃstu tataḥ sarvān niḥśeṣaṃ kṛtavān prabhuḥ
And having slain utterly those kings born of śūdra wombs, the lord then made an end, without remainder, of all the heretics.
AI translation rendered from the Sanskrit, not a published edition
LiP 40.55
नात्यर्थं धार्मिका ये च तान् सर्वान् हन्ति सर्वतः वर्णव्यत्यासजाताश् च ये च ताननुजीविनः
nātyarthaṃ dhārmikā ye ca tān sarvān hanti sarvataḥ varṇavyatyāsajātāś ca ye ca tānanujīvinaḥ
And those who are not sufficiently righteous—all of them he slays on every side—and those born from the mixing of classes, and those who live off them.
AI translation rendered from the Sanskrit, not a published edition
LiP 40.56
प्रवृत्तचक्रो बलवान् म्लेच्छानामन्तकृत्स तु अधृष्यः सर्वभूतानां चचाराथ वसुंधराम्
pravṛttacakro balavān mlecchānāmantakṛtsa tu adhṛṣyaḥ sarvabhūtānāṃ cacārātha vasuṃdharām
With his wheel (of dominion) set in motion, mighty, the maker of the end of the barbarians, unassailable by all beings, he then ranged over the earth.
AI translation rendered from the Sanskrit, not a published edition
LiP 40.57
मानवस्य तु सो ऽंशेन देवस्येह विजज्ञिवान् पूर्वजन्मनि विष्णोस्तु प्रमितिर्नाम वीर्यवान्
mānavasya tu so 'ṃśena devasyeha vijajñivān pūrvajanmani viṣṇostu pramitirnāma vīryavān
By a portion of Manu the god he was born here; in a former birth he was Viṣṇu's (portion), the valorous one named Pramiti.
AI translation rendered from the Sanskrit, not a published edition — the model flagged this verse as uncertain
LiP 40.58
गोत्रतो वै चन्द्रमसः पूर्णे कलियुगे प्रभुः द्वात्रिंशे ऽभ्युदिते वर्षे प्रक्रान्तो विंशतिः समाः
gotrato vai candramasaḥ pūrṇe kaliyuge prabhuḥ dvātriṃśe 'bhyudite varṣe prakrānto viṃśatiḥ samāḥ
From the lineage of the Moon, the lord, when the Kali yuga was complete, having arisen in his thirty-second year, marched forth for twenty years,
AI translation rendered from the Sanskrit, not a published edition
LiP 40.59
विनिघ्नन्सर्वभूतानि शतशो ऽथ सहस्रशः कृत्वा बीजावशेषां तु पृथिवीं क्रूरकर्मणः
vinighnansarvabhūtāni śataśo 'tha sahasraśaḥ kṛtvā bījāvaśeṣāṃ tu pṛthivīṃ krūrakarmaṇaḥ
slaying all beings by hundreds and thousands, and making the earth of the cruel-deeded (people) with only a seed-remnant left,
AI translation rendered from the Sanskrit, not a published edition
LiP 40.60
परस्परनिमित्तेन कोपेनाकस्मिकेन तु स साधयित्वा वृषलान् प्रायशस् तान् अधार्मिकान्
parasparanimittena kopenākasmikena tu sa sādhayitvā vṛṣalān prāyaśas tān adhārmikān
through mutual causation and by sudden wrath; having subdued those unrighteous low-born ones for the most part,
AI translation rendered from the Sanskrit, not a published edition
LiP 40.61
गङ्गायमुनयोर्मध्ये स्थितिं प्राप्तः सहानुगः ततो व्यतीते काले तु सामात्यः सहसैनिकः
gaṅgāyamunayormadhye sthitiṃ prāptaḥ sahānugaḥ tato vyatīte kāle tu sāmātyaḥ sahasainikaḥ
he took up his abode between the Gaṅgā and the Yamunā, together with his followers. Then, when time had passed, with his ministers and with his soldiers,
AI translation rendered from the Sanskrit, not a published edition
LiP 40.62
उत्साद्य पार्थिवान् सर्वान् म्लेच्छांश्चैव सहस्रशः तत्र संध्यांशके काले सम्प्राप्ते तु युगान्तिके
utsādya pārthivān sarvān mlecchāṃścaiva sahasraśaḥ tatra saṃdhyāṃśake kāle samprāpte tu yugāntike
having destroyed all the kings and the barbarians too by thousands—there, when the twilight-portion time had arrived at the end of the yuga,
AI translation rendered from the Sanskrit, not a published edition
LiP 40.63
स्थितास्वल्पावशिष्टासु प्रजास्विह क्वचित्क्वचित् अप्रग्रहास्ततस्ता वै लोभाविष्टास्तु कृत्स्नशः
sthitāsvalpāvaśiṣṭāsu prajāsviha kvacitkvacit apragrahāstatastā vai lobhāviṣṭāstu kṛtsnaśaḥ
while the few remaining people stood here and there, then they, being without restraint, wholly possessed by greed,
AI translation rendered from the Sanskrit, not a published edition
LiP 40.64
उपहिंसन्ति चान्योन्यं प्रणिपत्य परस्परम् अराजके युगवशात् संशये समुपस्थिते
upahiṃsanti cānyonyaṃ praṇipatya parasparam arājake yugavaśāt saṃśaye samupasthite
And they do violence to one another, (even after) bowing down to each other, in a kingless (world), by the force of the age, when peril has come upon (them).
AI translation rendered from the Sanskrit, not a published edition
LiP 40.65
प्रजास्ता वै ततः सर्वाः परस्परभयार्दिताः व्याकुलाश् च परिभ्रान्तास् त्यक्त्वा दारान् गृहाणि च
prajāstā vai tataḥ sarvāḥ parasparabhayārditāḥ vyākulāś ca paribhrāntās tyaktvā dārān gṛhāṇi ca
Then all those people, tormented by fear of one another, distraught and wandering about, abandoning wives and homes,
AI translation rendered from the Sanskrit, not a published edition
LiP 40.66
स्वान्प्राणान् अनपेक्षन्तो निष्कारुण्याः सुदुःखिताः नष्टे श्रौते स्मार्तधर्मे परस्परहतास्तदा
svānprāṇān anapekṣanto niṣkāruṇyāḥ suduḥkhitāḥ naṣṭe śraute smārtadharme parasparahatāstadā
having no regard for their own lives, devoid of compassion, deeply wretched — when the śrauta and smārta dharma has perished — then killing one another,
AI translation rendered from the Sanskrit, not a published edition
LiP 40.67
निर्मर्यादा निराक्रान्ता निःस्नेहा निरपत्रपाः नष्टे धर्मे प्रतिहताः ह्रस्वकाः पञ्चविंशकाः
nirmaryādā nirākrāntā niḥsnehā nirapatrapāḥ naṣṭe dharme pratihatāḥ hrasvakāḥ pañcaviṃśakāḥ
without bounds, unrestrained, without affection, without shame, struck down when dharma has perished, short-lived, (living) twenty-five (years),
AI translation rendered from the Sanskrit, not a published edition — the model flagged this verse as uncertain
LiP 40.68
हित्वा पुत्रांश् च दारांश् च विवादव्याकुलेन्द्रियाः अनावृष्टिहताश्चैव वार्तामुत्सृज्य दूरतः
hitvā putrāṃś ca dārāṃś ca vivādavyākulendriyāḥ anāvṛṣṭihatāścaiva vārtāmutsṛjya dūrataḥ
abandoning sons and wives, their senses confused by quarrelling, stricken too by drought, casting livelihood (farming and herding) far away,
AI translation rendered from the Sanskrit, not a published edition
LiP 40.69
प्रत्यन्तानुपसेवन्ते हित्वा जनपदान् स्वकान् सरित्सागरकूपांस्ते सेवन्ते पर्वतांस् तथा
pratyantānupasevante hitvā janapadān svakān saritsāgarakūpāṃste sevante parvatāṃs tathā
they resort to the borderlands, leaving their own home countries; they frequent rivers, seas and wells, and likewise the mountains.
AI translation rendered from the Sanskrit, not a published edition
LiP 40.70
मधुमांसैर्मूलफलैर् वर्तयन्ति सुदुःखिताः चीरपत्राजिनधरा निष्क्रिया निष्परिग्रहाः
madhumāṃsairmūlaphalair vartayanti suduḥkhitāḥ cīrapatrājinadharā niṣkriyā niṣparigrahāḥ
Deeply wretched, they subsist on honey, meat, roots and fruits, wearing bark, leaves and hides, without rites and without possessions,
AI translation rendered from the Sanskrit, not a published edition
LiP 40.71
वर्णाश्रमपरिभ्रष्टाः संकटं घोरमास्थिताः एवं कष्टमनुप्राप्ता अल्पशेषाः प्रजास्तदा
varṇāśramaparibhraṣṭāḥ saṃkaṭaṃ ghoramāsthitāḥ evaṃ kaṣṭamanuprāptā alpaśeṣāḥ prajāstadā
fallen away from class and stage of life, settled in a dreadful strait. Thus the people, few remaining, then came to misery,
AI translation rendered from the Sanskrit, not a published edition
LiP 40.72
जराव्याधिक्षुधाविष्टा दुःखान्निर्वेदमानसाः विचारणा तु निर्वेदात् साम्यावस्था विचारणा
jarāvyādhikṣudhāviṣṭā duḥkhānnirvedamānasāḥ vicāraṇā tu nirvedāt sāmyāvasthā vicāraṇā
possessed by old age, disease and hunger, their minds (turned to) disgust through suffering; and from disgust (comes) reflection, and reflection is a state of equipoise.
AI translation rendered from the Sanskrit, not a published edition
LiP 40.73
साम्यावस्थात्मको बोधः संबोधाद्धर्मशीलता अरूपशमयुक्तास्तु कलिशिष्टा हि वै स्वयम्
sāmyāvasthātmako bodhaḥ saṃbodhāddharmaśīlatā arūpaśamayuktāstu kaliśiṣṭā hi vai svayam
Awakening consists of that state of equipoise, and from full awakening (comes) a disposition to dharma; and those left over from Kali become, of themselves, endowed with a formless tranquillity.
AI translation rendered from the Sanskrit, not a published edition — the model flagged this verse as uncertain
LiP 40.74
अहोरात्रात्तदा तासां युगं तु परिवर्तते चित्तसंमोहनं कृत्वा तासां वै सुप्तमत्तवत्
ahorātrāttadā tāsāṃ yugaṃ tu parivartate cittasaṃmohanaṃ kṛtvā tāsāṃ vai suptamattavat
Then, after a day and a night, the age turns round for them, having wrought a bewilderment of their minds, as of one asleep or drunk.
AI translation rendered from the Sanskrit, not a published edition
LiP 40.75
भाविनो ऽर्थस्य च बलात् ततः कृतमवर्तत प्रवृत्ते तु ततस्तस्मिन् पुनः कृतयुगे तु वै
bhāvino 'rthasya ca balāt tataḥ kṛtamavartata pravṛtte tu tatastasmin punaḥ kṛtayuge tu vai
And then, by the force of what is destined to be, the Kṛta (age) came round; and when that Kṛta age has again set in,
AI translation rendered from the Sanskrit, not a published edition
LiP 40.76
उत्पन्नाः कलिशिष्टास्तु प्रजाः कार्तयुगास्तदा तिष्ठन्ति चेह ये सिद्धा अदृष्टा विचरन्ति च
utpannāḥ kaliśiṣṭāstu prajāḥ kārtayugāstadā tiṣṭhanti ceha ye siddhā adṛṣṭā vicaranti ca
the people left over from Kali who are born then belong to the Kṛta age; and those Siddhas who remain here move about unseen.
AI translation rendered from the Sanskrit, not a published edition
LiP 40.77
सप्त सप्तर्षिभिश्चैव तत्र ते तु व्यवस्थिताः ब्रह्मक्षत्रविशः शूद्रा बीजार्थं ये स्मृता इह
sapta saptarṣibhiścaiva tatra te tu vyavasthitāḥ brahmakṣatraviśaḥ śūdrā bījārthaṃ ye smṛtā iha
Seven, together with the seven ṛṣis, are established there: brahmins, kṣatriyas, vaiśyas and śūdras, who are recorded here as (kept) for the sake of the seed (of the classes).
AI translation rendered from the Sanskrit, not a published edition — the model flagged this verse as uncertain
LiP 40.78
कलिजैः सह ते सर्वे निर्विशेषास्तदाभवन् तेषां सप्तर्षयो धर्मं कथयन्तीतरे ऽपि च
kalijaiḥ saha te sarve nirviśeṣāstadābhavan teṣāṃ saptarṣayo dharmaṃ kathayantītare 'pi ca
All of them then became indistinguishable from those born in Kali; to them the seven ṛṣis, and others too, declare the dharma —
AI translation rendered from the Sanskrit, not a published edition
LiP 40.79
वर्णाश्रमाचारयुतं श्रौतं स्मार्तं द्विधा तु यम् ततस्तेषु क्रियावत्सु वर्धन्ते वै प्रजाः कृते
varṇāśramācārayutaṃ śrautaṃ smārtaṃ dvidhā tu yam tatasteṣu kriyāvatsu vardhante vai prajāḥ kṛte
that which, joined with the observances of class and stage of life, is twofold, śrauta and smārta. Then, when they are performing the rites, the people increase in the Kṛta (age).
AI translation rendered from the Sanskrit, not a published edition
LiP 40.80
श्रौतस्मार्तकृतानां च धर्मे सप्तर्षिदर्शिते केचिद्धर्मव्यवस्थार्थं तिष्ठन्तीह युगक्षये
śrautasmārtakṛtānāṃ ca dharme saptarṣidarśite keciddharmavyavasthārthaṃ tiṣṭhantīha yugakṣaye
And of those who have performed the śrauta and smārta (rites) in the dharma shown by the seven ṛṣis, some remain here at the destruction of the age for the sake of establishing dharma.
AI translation rendered from the Sanskrit, not a published edition
LiP 40.81
मन्वन्तराधिकारेषु तिष्ठन्ति मुनयस्तु वै यथा दावप्रदग्धेषु तृणेष्विह ततः क्षितौ
manvantarādhikāreṣu tiṣṭhanti munayastu vai yathā dāvapradagdheṣu tṛṇeṣviha tataḥ kṣitau
The sages remain through the tenures of the manvantara. Just as, here on earth, when grasses have been burned up by a forest fire,
AI translation rendered from the Sanskrit, not a published edition
LiP 40.82
वनानां प्रथमं वृष्ट्या तेषां मूलेषु संभवः तथा कार्तयुगानां तु कलिजेष्विह संभवः
vanānāṃ prathamaṃ vṛṣṭyā teṣāṃ mūleṣu saṃbhavaḥ tathā kārtayugānāṃ tu kalijeṣviha saṃbhavaḥ
the first coming-forth of the forests, by rain, is from their roots, so here the coming-forth of those of the Kṛta age is among those born in Kali.
AI translation rendered from the Sanskrit, not a published edition
LiP 40.83
एवं युगाद्युगस्येह संतानं तु परस्परम् वर्तते ह व्यवच्छेदाद् यावन्मन्वन्तरक्षयः
evaṃ yugādyugasyeha saṃtānaṃ tu parasparam vartate ha vyavacchedād yāvanmanvantarakṣayaḥ
Thus here the succession of one age from another proceeds mutually, through (each) break, until the end of the manvantara.
AI translation rendered from the Sanskrit, not a published edition — the model flagged this verse as uncertain
LiP 40.84
सुखमायुर्बलं रूपं धर्मो ऽर्थः काम एव च युगेष्वेतानि हीयन्ते त्रींस्त्रीन् पादान् क्रमेण तु
sukhamāyurbalaṃ rūpaṃ dharmo 'rthaḥ kāma eva ca yugeṣvetāni hīyante trīṃstrīn pādān krameṇa tu
Happiness, lifespan, strength, beauty, dharma, wealth, and desire — these decline in the (successive) ages by three quarters each, in order.
AI translation rendered from the Sanskrit, not a published edition
LiP 40.85
ससंध्यांशेषु हीयन्ते युगानां धर्मसिद्धयः इत्येषा प्रतिसिद्धिर्वै कीर्तितैषा क्रमेण तु
sasaṃdhyāṃśeṣu hīyante yugānāṃ dharmasiddhayaḥ ityeṣā pratisiddhirvai kīrtitaiṣā krameṇa tu
Together with the twilight portions, the dharma-attainments of the ages decline. Thus this counter-progression has been declared, in due order.
AI translation rendered from the Sanskrit, not a published edition — the model flagged this verse as uncertain
LiP 40.86
चतुर्युगानां सर्वेषाम् अनेनैव तु साधनम् एषा चतुर्युगावृत्तिर् आ सहस्राद् गुणीकृता
caturyugānāṃ sarveṣām anenaiva tu sādhanam eṣā caturyugāvṛttir ā sahasrād guṇīkṛtā
For all the sets of four ages the reckoning is by this very (method); this cycle of four ages, multiplied up to a thousand (times),
AI translation rendered from the Sanskrit, not a published edition
LiP 40.87
ब्रह्मणस्तदहः प्रोक्तं रात्रिश्चैतावती स्मृता अनार्जवं जडीभावो भूतानाम् आ युगक्षयात्
brahmaṇastadahaḥ proktaṃ rātriścaitāvatī smṛtā anārjavaṃ jaḍībhāvo bhūtānām ā yugakṣayāt
— that is called a day of Brahmā, and the night is remembered as of the same length. (There is) crookedness and dullness of beings until the destruction of the age.
AI translation rendered from the Sanskrit, not a published edition
LiP 40.88
एतदेव तु सर्वेषां युगानां लक्षणं स्मृतम् एषां चतुर्युगाणां च गुणिता ह्येकसप्ततिः
etadeva tu sarveṣāṃ yugānāṃ lakṣaṇaṃ smṛtam eṣāṃ caturyugāṇāṃ ca guṇitā hyekasaptatiḥ
This very same is remembered as the mark of all the ages; and of these sets of four ages, seventy-one multiplied (together),
AI translation rendered from the Sanskrit, not a published edition
LiP 40.89
क्रमेण परिवृत्ता तु मनोरन्तरम् उच्यते चतुर्युगे यथैकस्मिन् भवतीह यदा तु यत्
krameṇa parivṛttā tu manorantaram ucyate caturyuge yathaikasmin bhavatīha yadā tu yat
revolved in order, is called a manvantara. As in one set of four ages whatever occurs here at whatever time,
AI translation rendered from the Sanskrit, not a published edition
LiP 40.90
तथा चान्येषु भवति पुनस्तद्वै यथाक्रमम् सर्गे सर्गे यथा भेदा उत्पद्यन्ते तथैव तु
tathā cānyeṣu bhavati punastadvai yathākramam sarge sarge yathā bhedā utpadyante tathaiva tu
so it happens again in the others, each in its own order. As the distinctions arise in creation after creation, just so (they arise again).
AI translation rendered from the Sanskrit, not a published edition
LiP 40.91
पञ्चविंशत्परिमिता न न्यूना नाधिकास् तथा तथा कल्पा युगैः सार्धं भवन्ति सह लक्षणैः
pañcaviṃśatparimitā na nyūnā nādhikās tathā tathā kalpā yugaiḥ sārdhaṃ bhavanti saha lakṣaṇaiḥ
Measured as twenty-five, neither fewer nor more — so the kalpas come to be, together with their ages and with their characteristics.
AI translation rendered from the Sanskrit, not a published edition — the model flagged this verse as uncertain
LiP 40.92
मन्वन्तराणां सर्वेषाम् एतदेव तु लक्षणम्
manvantarāṇāṃ sarveṣām etadeva tu lakṣaṇam
And this very same is the characteristic of all the manvantaras.
AI translation rendered from the Sanskrit, not a published edition
LiP 40.93
यथा युगानां परिवर्तनानि चिरप्रवृत्तानि युगस्वभावात् तथा तु संतिष्ठति जीवलोकः क्षयोदयाभ्यां परिवर्तमानः
yathā yugānāṃ parivartanāni cirapravṛttāni yugasvabhāvāt tathā tu saṃtiṣṭhati jīvalokaḥ kṣayodayābhyāṃ parivartamānaḥ
Just as the revolutions of the ages have proceeded from of old by the very nature of the ages, so too the world of living beings persists, revolving through decline and rise.
AI translation rendered from the Sanskrit, not a published edition
LiP 40.94
इत्येतल्लक्षणं प्रोक्तं युगानां वै समासतः अतीतानागतानां हि सर्वमन्वन्तरेषु वै
ityetallakṣaṇaṃ proktaṃ yugānāṃ vai samāsataḥ atītānāgatānāṃ hi sarvamanvantareṣu vai
Thus this characteristic of the ages has been stated in brief — of the past and the future ones, indeed, in all the manvantaras.
AI translation rendered from the Sanskrit, not a published edition
LiP 40.95
मन्वन्तरेण चैकेन सर्वाण्येवान्तराणि च व्याख्यातानि न संदेहः कल्पः कल्पेन चैव हि
manvantareṇa caikena sarvāṇyevāntarāṇi ca vyākhyātāni na saṃdehaḥ kalpaḥ kalpena caiva hi
And by one manvantara all the (other) intervals too are explained — there is no doubt — and a kalpa by a (single) kalpa.
AI translation rendered from the Sanskrit, not a published edition
LiP 40.96
अनागतेषु तद्वच्च तर्कः कार्यो विजानता मन्वन्तरेषु सर्वेषु अतीतानागतेष्विह
anāgateṣu tadvacca tarkaḥ kāryo vijānatā manvantareṣu sarveṣu atītānāgateṣviha
And so too regarding those yet to come, inference should be made by one who understands, concerning all the manvantaras here, past and future.
AI translation rendered from the Sanskrit, not a published edition
LiP 40.97
तुल्याभिमानिनः सर्वे नामरूपैर्भवन्त्युत देवा ह्यष्टविधा ये च ये च मन्वन्तरेश्वराः
tulyābhimāninaḥ sarve nāmarūpairbhavantyuta devā hyaṣṭavidhā ye ca ye ca manvantareśvarāḥ
All have like self-conceptions, though they come to be with (different) names and forms — the gods of eight kinds, and those who are the lords of the manvantaras.
AI translation rendered from the Sanskrit, not a published edition
LiP 40.98
ऋषयो मनवश्चैव सर्वे तुल्यप्रयोजनाः एवं वर्णाश्रमाणां तु प्रविभागो युगे युगे
ṛṣayo manavaścaiva sarve tulyaprayojanāḥ evaṃ varṇāśramāṇāṃ tu pravibhāgo yuge yuge
The seers and the Manus too, all have the same function. Thus also the division of the classes and life-stages, age after age.
AI translation rendered from the Sanskrit, not a published edition
LiP 40.99
युगस्वभावश् च तथा विधत्ते वै तदा प्रभुः वर्णाश्रमविभागाश् च युगानि युगसिद्धयः
yugasvabhāvaś ca tathā vidhatte vai tadā prabhuḥ varṇāśramavibhāgāś ca yugāni yugasiddhayaḥ
And likewise the Lord then ordains the nature of the age, and the divisions of class and life-stage, the ages, and the attainments proper to the ages.
AI translation rendered from the Sanskrit, not a published edition
LiP 40.100
युगानां परिमाणं ते कथितं हि प्रसङ्गतः वदामि देवीपुत्रत्वं पद्मयोनेः समासतः
yugānāṃ parimāṇaṃ te kathitaṃ hi prasaṅgataḥ vadāmi devīputratvaṃ padmayoneḥ samāsataḥ
The measure of the ages has been told to you incidentally; (now) I shall tell in brief of the lotus-born one's being a son of the Goddess.
AI translation rendered from the Sanskrit, not a published edition