Linga Purana — Chapter 4
LiP 4.1
अथ प्राथमिकस्येह यः कालस्तदहः स्मृतम् सर्गस्य तादृशी रात्रिः प्राकृतस्य समासतः
atha prāthamikasyeha yaḥ kālastadahaḥ smṛtam sargasya tādṛśī rātriḥ prākṛtasya samāsataḥ
Now the time of that first (creation) here is remembered as a day; and of like extent, in brief, is the night of the material creation.
AI translation rendered from the Sanskrit, not a published edition
LiP 4.2
दिवा सृष्टिं विकुरुते रजन्यां प्रलयं विभुः औपचारिकमस्यैतद् अहोरात्रं न विद्यते
divā sṛṣṭiṃ vikurute rajanyāṃ pralayaṃ vibhuḥ aupacārikamasyaitad ahorātraṃ na vidyate
By day the all-pervading one brings about creation, by night dissolution; this day and night of his is figurative—(in truth) it does not exist.
AI translation rendered from the Sanskrit, not a published edition
LiP 4.3
दिवा विकृतयः सर्वे विकारा विश्वदेवताः प्रजानां पतयः सर्वे तिष्ठन्त्यन्ये महर्षयः
divā vikṛtayaḥ sarve vikārā viśvadevatāḥ prajānāṃ patayaḥ sarve tiṣṭhantyanye maharṣayaḥ
By day all the modifications, the products, the All-gods, all the lords of creatures, and other great seers abide.
AI translation rendered from the Sanskrit, not a published edition
LiP 4.4
रात्रौ सर्वे प्रलीयन्ते निशान्ते सम्भवन्ति च अहस्तु तस्य वैकल्पो रात्रिस्तादृग्विधा स्मृता
rātrau sarve pralīyante niśānte sambhavanti ca ahastu tasya vaikalpo rātristādṛgvidhā smṛtā
At night they all dissolve away, and at the end of night they come into being again; his day is a kalpa, and the night is remembered to be of like kind.
AI translation rendered from the Sanskrit, not a published edition
LiP 4.5
चतुर्युगसहस्रान्ते मनवस्तु चतुर्दश चत्वारि तु सहस्राणि वत्सराणां कृतं द्विजाः
caturyugasahasrānte manavastu caturdaśa catvāri tu sahasrāṇi vatsarāṇāṃ kṛtaṃ dvijāḥ
At the end of a thousand fourfold ages there are fourteen Manus; the Kṛta (age) is four thousand years, O twice-born ones.
AI translation rendered from the Sanskrit, not a published edition
LiP 4.6
तावच्छती च वै संध्या संध्यांशश् च कृतस्य तु त्रिशती द्विशती संध्या तथा चैकशती क्रमात्
tāvacchatī ca vai saṃdhyā saṃdhyāṃśaś ca kṛtasya tu triśatī dviśatī saṃdhyā tathā caikaśatī kramāt
And the twilight and twilight-portion of the Kṛta are each so many hundreds (i.e., four hundred); (thereafter) three hundred, two hundred, and one hundred are the twilights in order.
AI translation rendered from the Sanskrit, not a published edition — the model flagged this verse as uncertain
LiP 4.7
अंशकः षट्शतं तस्मात् कृतसंध्यांशकं विना त्रिद्व्येकसाहस्रमितो विना संध्यांशकेन तु
aṃśakaḥ ṣaṭśataṃ tasmāt kṛtasaṃdhyāṃśakaṃ vinā tridvyekasāhasramito vinā saṃdhyāṃśakena tu
Hence the (twilight-)portion is six hundred, apart from the twilight-portion of the Kṛta; (the ages) measure three, two and one thousand, without the twilight-portion.
AI translation rendered from the Sanskrit, not a published edition — the model flagged this verse as uncertain
LiP 4.8
त्रेताद्वापरतिष्याणां कृतस्य कथयामि वः निमेषपञ्चदशका काष्ठा स्वस्थस्य सुव्रताः
tretādvāparatiṣyāṇāṃ kṛtasya kathayāmi vaḥ nimeṣapañcadaśakā kāṣṭhā svasthasya suvratāḥ
Of Tretā, Dvāpara, Tiṣya (Kali) and Kṛta I shall speak to you: fifteen nimeṣas (winks) make one kāṣṭhā — (the nimeṣa) of a healthy (person), O you of good vows,
AI translation rendered from the Sanskrit, not a published edition
LiP 4.9
मर्त्यस्य चाक्ष्णोस्तस्याश् च ततस् त्रिंशतिका कला कलात्रिंशतिको विप्रा मुहूर्त इति कल्पितः
martyasya cākṣṇostasyāś ca tatas triṃśatikā kalā kalātriṃśatiko viprā muhūrta iti kalpitaḥ
— of a mortal, and of his eye; then thirty of those (kāṣṭhās) are a kalā, and thirty kalās, O brahmins, are reckoned as a muhūrta.
AI translation rendered from the Sanskrit, not a published edition
LiP 4.10
मुहूर्तपञ्चदशिका रजनी तादृशं त्वहः पित्र्ये रात्र्यहनी मासः प्रविभागस्तयोः पुनः
muhūrtapañcadaśikā rajanī tādṛśaṃ tvahaḥ pitrye rātryahanī māsaḥ pravibhāgastayoḥ punaḥ
Fifteen muhūrtas are the night, and the day is of the same measure; in the ancestral (reckoning) night and day are a month, and again (there is) the division of those two.
AI translation rendered from the Sanskrit, not a published edition
LiP 4.11
कृष्णपक्षस्त्वहस्तेषां शुक्लः स्वप्नाय शर्वरी त्रिंशद्ये मानुषा मासाः पित्र्यो मासस्तु स स्मृतः
kṛṣṇapakṣastvahasteṣāṃ śuklaḥ svapnāya śarvarī triṃśadye mānuṣā māsāḥ pitryo māsastu sa smṛtaḥ
The dark fortnight is their day, the bright (fortnight) is the night for sleep; thirty human months (i.e. days) — that is remembered as the ancestral month.
AI translation rendered from the Sanskrit, not a published edition — the model flagged this verse as uncertain
LiP 4.12
शतानि त्रीणि मासानां षष्ट्या चाप्यधिकानि वै पित्र्यः संवत्सरो ह्येष मानुषेण विभाव्यते
śatāni trīṇi māsānāṃ ṣaṣṭyā cāpyadhikāni vai pitryaḥ saṃvatsaro hyeṣa mānuṣeṇa vibhāvyate
Three hundred months, and sixty more besides — this indeed is the ancestral year, worked out in human (reckoning).
AI translation rendered from the Sanskrit, not a published edition
LiP 4.13
मानुषेणैव मानेन वर्षाणां यच्छतं भवेत् पितॄणां त्रीणि वर्षाणि संख्यातानीह तानि वै
mānuṣeṇaiva mānena varṣāṇāṃ yacchataṃ bhavet pitṝṇāṃ trīṇi varṣāṇi saṃkhyātānīha tāni vai
What amounts to a hundred years by human measure — those are counted here as three years of the ancestors,
AI translation rendered from the Sanskrit, not a published edition
LiP 4.14
दश वै द्व्यधिका मासाः पितृसंख्येह संस्मृता लौकिकेनैव मानेन अब्दो यो मानुषः स्मृतः
daśa vai dvyadhikā māsāḥ pitṛsaṃkhyeha saṃsmṛtā laukikenaiva mānena abdo yo mānuṣaḥ smṛtaḥ
and ten months and two more: (so) it is remembered here in the ancestral count. The year which is called human is by worldly measure;
AI translation rendered from the Sanskrit, not a published edition
LiP 4.15
एतद्दिव्यमहोरात्रम् इति लैङ्गे ऽत्र पठ्यते दिव्ये रात्र्यहनी वर्षं प्रविभागस्तयोः पुनः
etaddivyamahorātram iti laiṅge 'tra paṭhyate divye rātryahanī varṣaṃ pravibhāgastayoḥ punaḥ
"This is a divine day-and-night" — thus it is recited here in the Liṅga (Purāṇa); in the divine (reckoning) night and day are a year, and again (there is) the division of those two.
AI translation rendered from the Sanskrit, not a published edition
LiP 4.16
अहस्तत्रोदगयनं रात्रिः स्याद्दक्षिणायनम् एते रात्र्यहनी दिव्ये प्रसंख्याते विशेषतः
ahastatrodagayanaṃ rātriḥ syāddakṣiṇāyanam ete rātryahanī divye prasaṃkhyāte viśeṣataḥ
There the day is the northern course (of the sun), and the night would be the southern course; these two, night and day, are specifically reckoned as divine.
AI translation rendered from the Sanskrit, not a published edition
LiP 4.17
त्रिंशद्यानि तु वर्षाणि दिव्यो मासस्तु स स्मृतः मानुषं तु शतं विप्रा दिव्यमासास्त्रयस्तु ते
triṃśadyāni tu varṣāṇi divyo māsastu sa smṛtaḥ mānuṣaṃ tu śataṃ viprā divyamāsāstrayastu te
Thirty such years are remembered as a divine month; but a hundred human (years), O brahmins, are those three divine months
AI translation rendered from the Sanskrit, not a published edition
LiP 4.18
दश चैव तथाहानि दिव्यो ह्येष विधिः स्मृतः त्रीणि वर्षशतान्येव षष्टिवर्षाणि यानि तु
daśa caiva tathāhāni divyo hyeṣa vidhiḥ smṛtaḥ trīṇi varṣaśatānyeva ṣaṣṭivarṣāṇi yāni tu
and likewise ten days — this indeed is remembered as the divine rule. The three hundred years, and the sixty years, which (there are) —
AI translation rendered from the Sanskrit, not a published edition
LiP 4.19
दिव्यः संवत्सरो ह्येष मानुषेण प्रकीर्तितः त्रीणि वर्षसहस्राणि मानुषाणि प्रमाणतः
divyaḥ saṃvatsaro hyeṣa mānuṣeṇa prakīrtitaḥ trīṇi varṣasahasrāṇi mānuṣāṇi pramāṇataḥ
this indeed is the divine year, declared in human (terms). Three thousand human years by measure,
AI translation rendered from the Sanskrit, not a published edition
LiP 4.20
त्रिंशदन्यानि वर्षाणि मतः सप्तर्षिवत्सरः नव यानि सहस्राणि वर्षाणां मानुषाणि तु
triṃśadanyāni varṣāṇi mataḥ saptarṣivatsaraḥ nava yāni sahasrāṇi varṣāṇāṃ mānuṣāṇi tu
and thirty more years: (that) is held to be the year of the Seven Sages. And nine thousand human years,
AI translation rendered from the Sanskrit, not a published edition
LiP 4.21
अन्यानि नवतीश्चैव ध्रौवः संवत्सरस्तु सः षट्त्रिंशत्तु सहस्राणि वर्षाणां मानुषाणि तु
anyāni navatīścaiva dhrauvaḥ saṃvatsarastu saḥ ṣaṭtriṃśattu sahasrāṇi varṣāṇāṃ mānuṣāṇi tu
and ninety more — that is the year of Dhruva. And thirty-six thousand human years,
AI translation rendered from the Sanskrit, not a published edition
LiP 4.22
वर्षाणां तच्छतं ज्ञेयं दिव्यो ह्येष विधिः स्मृतः त्रीण्येव नियुतान्याहुर् वर्षाणां मानुषाणि तु
varṣāṇāṃ tacchataṃ jñeyaṃ divyo hyeṣa vidhiḥ smṛtaḥ trīṇyeva niyutānyāhur varṣāṇāṃ mānuṣāṇi tu
and that hundred of years is to be known (in addition) — this indeed is remembered as the divine rule. They say three niyutas (three hundred thousand) of human years,
AI translation rendered from the Sanskrit, not a published edition — the model flagged this verse as uncertain
LiP 4.23
षष्टिश्चैव सहस्राणि संख्यातानि तु संख्यया दिव्यं वर्षसहस्रं तु प्राहुः संख्याविदो जनाः
ṣaṣṭiścaiva sahasrāṇi saṃkhyātāni tu saṃkhyayā divyaṃ varṣasahasraṃ tu prāhuḥ saṃkhyāvido janāḥ
and sixty thousand, reckoned by the count — that the people versed in counting call a divine thousand years.
AI translation rendered from the Sanskrit, not a published edition
LiP 4.24
दिव्येनैव प्रमाणेन युगसंख्याप्रकल्पनम् पूर्वं कृतयुगं नाम ततस्त्रेता विधीयते
divyenaiva pramāṇena yugasaṃkhyāprakalpanam pūrvaṃ kṛtayugaṃ nāma tatastretā vidhīyate
By the divine measure alone is the calculation of the count of the yugas made. First (comes) the Kṛta yuga by name, then Tretā is laid down,
AI translation rendered from the Sanskrit, not a published edition
LiP 4.25
द्वापरश्च कलिश्चैव युगान्येतानि सुव्रताः अथ संवत्सरा दृष्टा मानुषेण प्रमाणतः
dvāparaśca kaliścaiva yugānyetāni suvratāḥ atha saṃvatsarā dṛṣṭā mānuṣeṇa pramāṇataḥ
and Dvāpara, and Kali: these are the yugas, O you of good vows. Now the years (of them) as seen by human measure:
AI translation rendered from the Sanskrit, not a published edition
LiP 4.26
कृतस्याद्यस्य विप्रेन्द्रा दिव्यमानेन कीर्तितम् सहस्राणां शतान्यासंश् चतुर्दश च संख्यया
kṛtasyādyasya viprendrā divyamānena kīrtitam sahasrāṇāṃ śatānyāsaṃś caturdaśa ca saṃkhyayā
Of the first, the Kṛta, O chiefs among brahmins, (its extent) has been declared in divine measure; there were fourteen hundreds of thousands by the count,
AI translation rendered from the Sanskrit, not a published edition — the model flagged this verse as uncertain
LiP 4.27
चत्वारिंशत्सहस्राणि तथान्यानि कृतं युगम् तथा दशसहस्राणां वर्षाणां शतसंख्यया
catvāriṃśatsahasrāṇi tathānyāni kṛtaṃ yugam tathā daśasahasrāṇāṃ varṣāṇāṃ śatasaṃkhyayā
and forty thousand others besides: (that is) the Kṛta yuga. Likewise, by the count of a hundred of ten thousands of years,
AI translation rendered from the Sanskrit, not a published edition — the model flagged this verse as uncertain
LiP 4.28
अशीतिश् च सहस्राणि कालस्त्रेतायुगस्य च सप्तैव नियुतान्याहुर् वर्षाणां मानुषाणि तु
aśītiś ca sahasrāṇi kālastretāyugasya ca saptaiva niyutānyāhur varṣāṇāṃ mānuṣāṇi tu
And eighty thousand — (such) is the duration of the Tretā age; and they declare (it to be) seven hundred thousand years by human (reckoning).
AI translation rendered from the Sanskrit, not a published edition — the model flagged this verse as uncertain
LiP 4.29
विंशतिश् च सहस्राणि कालस्तु द्वापरस्य च तथा शतसहस्राणि वर्षाणां त्रीणि संख्यया
viṃśatiś ca sahasrāṇi kālastu dvāparasya ca tathā śatasahasrāṇi varṣāṇāṃ trīṇi saṃkhyayā
And twenty thousand — (such) is the duration of the Dvāpara; and likewise three hundred thousand years in number.
AI translation rendered from the Sanskrit, not a published edition — the model flagged this verse as uncertain
LiP 4.30
षष्टिश्चैव सहस्राणि कालः कलियुगस्य तु एवं चतुर्युगः काल ऋते संध्यांशकात्स्मृतः
ṣaṣṭiścaiva sahasrāṇi kālaḥ kaliyugasya tu evaṃ caturyugaḥ kāla ṛte saṃdhyāṃśakātsmṛtaḥ
And sixty thousand — (such) is the duration of the Kali age. Thus is the duration of the four-age period reckoned, apart from the twilight portions.
AI translation rendered from the Sanskrit, not a published edition
LiP 4.31
नियुतान्येव षट्त्रिंशन् निरंशानि तु तानि वै चत्वारिंशत्तथा त्रीणि नियुतानीह संख्यया
niyutānyeva ṣaṭtriṃśan niraṃśāni tu tāni vai catvāriṃśattathā trīṇi niyutānīha saṃkhyayā
Thirty-six hundred-thousands indeed, and those without fractions; and likewise forty-three hundred-thousands here in the count.
AI translation rendered from the Sanskrit, not a published edition — the model flagged this verse as uncertain
LiP 4.32
विंशतिश् च सहस्राणि संध्यांशश् च चतुर्युगः एवं चतुर्युगाख्यानां साधिका ह्येकसप्ततिः
viṃśatiś ca sahasrāṇi saṃdhyāṃśaś ca caturyugaḥ evaṃ caturyugākhyānāṃ sādhikā hyekasaptatiḥ
And twenty thousand; and the twilight portion is (itself) a four-age period. Thus of those called four-age periods there are seventy-one with a surplus.
AI translation rendered from the Sanskrit, not a published edition — the model flagged this verse as uncertain
LiP 4.33
कृतत्रेतादियुक्तानां मनोरन्तरमुच्यते मन्वन्तरस्य संख्या च वर्षाग्रेण प्रकीर्तिता
kṛtatretādiyuktānāṃ manorantaramucyate manvantarasya saṃkhyā ca varṣāgreṇa prakīrtitā
The manvantara of (the ages) joined together beginning with Kṛta and Tretā is (now) spoken of; and the reckoning of a manvantara is proclaimed by the total of years.
AI translation rendered from the Sanskrit, not a published edition — the model flagged this verse as uncertain
LiP 4.34
त्रिंशत्कोट्यस्तु वर्षाणां मानुषेण द्विजोत्तमाः सप्तषष्टिस्तथान्यानि नियुतान्यधिकानि तु
triṃśatkoṭyastu varṣāṇāṃ mānuṣeṇa dvijottamāḥ saptaṣaṣṭistathānyāni niyutānyadhikāni tu
Thirty crores of years by human (reckoning), O best of the twice-born, and sixty-seven hundred-thousands more besides,
AI translation rendered from the Sanskrit, not a published edition
LiP 4.35
विंशतिश् च सहस्राणि कालो ऽयम् अधिकं विना मन्वन्तरस्य संख्यैषा लैङ्गे ऽस्मिन्कीर्तिता द्विजाः
viṃśatiś ca sahasrāṇi kālo 'yam adhikaṃ vinā manvantarasya saṃkhyaiṣā laiṅge 'sminkīrtitā dvijāḥ
and twenty thousand: this is the duration, without the excess. This is the reckoning of a manvantara, proclaimed in this Liṅga (Purāṇa), O twice-born ones.
AI translation rendered from the Sanskrit, not a published edition
LiP 4.36
चतुर्युगस्य च तथा वर्षसंख्या प्रकीर्तिता चतुर्युगसहस्रं वै कल्पश्चैको द्विजोत्तमाः
caturyugasya ca tathā varṣasaṃkhyā prakīrtitā caturyugasahasraṃ vai kalpaścaiko dvijottamāḥ
And likewise the count of years of a four-age period has been proclaimed. A thousand four-age periods is indeed one kalpa, O best of the twice-born.
AI translation rendered from the Sanskrit, not a published edition
LiP 4.37
निशान्ते सृजते लोकान् नश्यन्ते निशि जन्तवः तत्र वैमानिकानां तु अष्टाविंशतिकोटयः
niśānte sṛjate lokān naśyante niśi jantavaḥ tatra vaimānikānāṃ tu aṣṭāviṃśatikoṭayaḥ
At the end of the night he creates the worlds; in the night living beings perish. Therein the dwellers in celestial cars are twenty-eight crores.
AI translation rendered from the Sanskrit, not a published edition — the model flagged this verse as uncertain
LiP 4.38
मन्वन्तरेषु वै संख्या सान्तरेषु यथातथा त्रीणि कोटिशतान्यासन् कोट्यो द्विनवतिस् तथा
manvantareṣu vai saṃkhyā sāntareṣu yathātathā trīṇi koṭiśatānyāsan koṭyo dvinavatis tathā
The count in the manvantaras, along with their intervals, is just so: there were three hundred crores, and ninety-two crores likewise,
AI translation rendered from the Sanskrit, not a published edition — the model flagged this verse as uncertain
LiP 4.39
कल्पे ऽतीते तु वै विप्राः सहस्राणां तु सप्ततिः पुनस्तथाष्टसाहस्रं सर्वत्रैव समासतः
kalpe 'tīte tu vai viprāḥ sahasrāṇāṃ tu saptatiḥ punastathāṣṭasāhasraṃ sarvatraiva samāsataḥ
when the kalpa has passed, O brahmins, and seventy thousands, and again eight thousand — everywhere, in summary.
AI translation rendered from the Sanskrit, not a published edition — the model flagged this verse as uncertain
LiP 4.40
कल्पावसानिकांस्त्यक्त्वा प्रलये समुपस्थिते महर्लोकात् प्रयान्त्येते जनलोकं जनास्ततः
kalpāvasānikāṃstyaktvā pralaye samupasthite maharlokāt prayāntyete janalokaṃ janāstataḥ
Abandoning those (worlds) that end with the kalpa, when the dissolution has arrived, these people go from Maharloka to Janaloka.
AI translation rendered from the Sanskrit, not a published edition
LiP 4.41
कोटीनां द्वे सहस्रे तु अष्टौ कोटिशतानि तु द्विषष्टिश् च तथा कोट्यो नियुतानि च सप्ततिः
koṭīnāṃ dve sahasre tu aṣṭau koṭiśatāni tu dviṣaṣṭiś ca tathā koṭyo niyutāni ca saptatiḥ
Two thousand crores, and eight hundred crores, and sixty-two crores, and seventy hundred-thousands —
AI translation rendered from the Sanskrit, not a published edition
LiP 4.42
कल्पार्धसंख्या दिव्या वै कल्पमेवं तु कल्पयेत् कल्पानां वै सहस्रं तु वर्षमेकमजस्य तु
kalpārdhasaṃkhyā divyā vai kalpamevaṃ tu kalpayet kalpānāṃ vai sahasraṃ tu varṣamekamajasya tu
this is the divine reckoning of half a kalpa; in this way one should compute the kalpa. And a thousand kalpas is one year of the Unborn.
AI translation rendered from the Sanskrit, not a published edition
LiP 4.43
वर्षाणामष्टसाहस्रं ब्राह्मं वै ब्रह्मणो युगम् सवनं युगसाहस्रं सर्वदेवोद्भवस्य तु
varṣāṇāmaṣṭasāhasraṃ brāhmaṃ vai brahmaṇo yugam savanaṃ yugasāhasraṃ sarvadevodbhavasya tu
Eight thousand years is the brāhma yuga, the yuga of Brahmā; a thousand yugas is a savana of him from whom all the gods arise.
AI translation rendered from the Sanskrit, not a published edition
LiP 4.44
सवनानां सहस्रं तु त्रिविधं त्रिगुणं तथा ब्रह्मणस्तु तथा प्रोक्तः कालः कालात्मनः प्रभो
savanānāṃ sahasraṃ tu trividhaṃ triguṇaṃ tathā brahmaṇastu tathā proktaḥ kālaḥ kālātmanaḥ prabho
And a thousand savanas, threefold and three times multiplied — thus is declared the time of Brahmā, whose self is Time, O lord.
AI translation rendered from the Sanskrit, not a published edition — the model flagged this verse as uncertain
LiP 4.45
भवोद्भवस्तपश्चैव भव्यो रम्भः क्रतुः पुनः ऋतुर्वह्निर्हव्यवाहः सावित्रः शुद्ध एव च
bhavodbhavastapaścaiva bhavyo rambhaḥ kratuḥ punaḥ ṛturvahnirhavyavāhaḥ sāvitraḥ śuddha eva ca
Bhavodbhava, and Tapas, Bhavya, Rambha, and again Kratu, Ṛtu, Vahni, Havyavāha, Sāvitra, and Śuddha,
AI translation rendered from the Sanskrit, not a published edition
LiP 4.46
उशिकः कुशिकश्चैव गान्धारो मुनिसत्तमाः ऋषभश् च तथा षड्जो मज्जालीयश् च मध्यमः
uśikaḥ kuśikaścaiva gāndhāro munisattamāḥ ṛṣabhaś ca tathā ṣaḍjo majjālīyaś ca madhyamaḥ
Uśika and Kuśika, Gāndhāra, O most excellent sages, and Ṛṣabha, Ṣaḍja, Majjālīya, and Madhyama,
AI translation rendered from the Sanskrit, not a published edition
LiP 4.47
वैराजो वै निषादश् च मुख्यो वै मेघवाहनः पञ्चमश्चित्रकश्चैव आकूतिर् ज्ञान एव च
vairājo vai niṣādaś ca mukhyo vai meghavāhanaḥ pañcamaścitrakaścaiva ākūtir jñāna eva ca
Vairāja and Niṣāda, Mukhya, Meghavāhana, Pañcama and Citraka, Ākūti and Jñāna,
AI translation rendered from the Sanskrit, not a published edition
LiP 4.48
मनः सुदर्शो बृंहश् च तथा वै श्वेतलोहितः रक्तश् च पीतवासाश् च असितः सर्वरूपकः
manaḥ sudarśo bṛṃhaś ca tathā vai śvetalohitaḥ raktaś ca pītavāsāś ca asitaḥ sarvarūpakaḥ
Manas, Sudarśa and Bṛṃha, and likewise Śvetalohita, Rakta, Pītavāsas, Asita and Sarvarūpaka.
AI translation rendered from the Sanskrit, not a published edition
LiP 4.49
एवं कल्पास्तु संख्याता ब्रह्मणो ऽव्यक्तजन्मनः कोटिकोटिसहस्राणि कल्पानां मुनिसत्तमाः
evaṃ kalpāstu saṃkhyātā brahmaṇo 'vyaktajanmanaḥ koṭikoṭisahasrāṇi kalpānāṃ munisattamāḥ
Thus have the kalpas of Brahmā, whose birth is from the unmanifest, been reckoned: thousands of tens of millions of tens of millions of kalpas, O best of sages.
AI translation rendered from the Sanskrit, not a published edition
LiP 4.50
गतानि तावच्छेषाणि अहर्निश्यानि वै पुनः परान्ते वै विकाराणि विकारं यान्ति विश्वतः
gatāni tāvaccheṣāṇi aharniśyāni vai punaḥ parānte vai vikārāṇi vikāraṃ yānti viśvataḥ
As many have passed as remain — days and nights, again and again; and at the end of the higher (period) the modifications go to (their) modified source on every side.
AI translation rendered from the Sanskrit, not a published edition — the model flagged this verse as uncertain
LiP 4.51
विकारस्य शिवस्याज्ञावशेनैव तु संहृतिः संहृते तु विकारे च प्रधाने चात्मनि स्थिते
vikārasya śivasyājñāvaśenaiva tu saṃhṛtiḥ saṃhṛte tu vikāre ca pradhāne cātmani sthite
But the withdrawal of the modified (world) comes about only by the power of Śiva's command; and when the modified (world) has been withdrawn, and primordial nature and the self abide (in themselves) —
AI translation rendered from the Sanskrit, not a published edition
LiP 4.52
साधर्म्येणावतिष्ठेते प्रधानपुरुषावुभौ गुणानां चैव वैषम्ये विप्राः सृष्टिरिति स्मृता
sādharmyeṇāvatiṣṭhete pradhānapuruṣāvubhau guṇānāṃ caiva vaiṣamye viprāḥ sṛṣṭiriti smṛtā
then both primordial nature and the person stand in a like condition; but when the constituents (guṇas) become unequal, O brahmins, that is called creation.
AI translation rendered from the Sanskrit, not a published edition
LiP 4.53
साम्ये लयो गुणानां तु तयोर्हेतुर्महेश्वरः लीलया देवदेवेन सर्गास्त्वीदृग्विधाः कृताः
sāmye layo guṇānāṃ tu tayorheturmaheśvaraḥ līlayā devadevena sargāstvīdṛgvidhāḥ kṛtāḥ
When the guṇas are in equilibrium there is dissolution; and the cause of both of these is Maheśvara. By the God of gods, in play, creations of this kind are made.
AI translation rendered from the Sanskrit, not a published edition
LiP 4.54
असंख्याताश् च संक्षेपात् प्रधानाद् अन्वधिष्ठितात् असंख्याताश् च कल्पाख्या ह्य् असंख्याताः पितामहाः
asaṃkhyātāś ca saṃkṣepāt pradhānād anvadhiṣṭhitāt asaṃkhyātāś ca kalpākhyā hy asaṃkhyātāḥ pitāmahāḥ
And in brief they are innumerable, (proceeding) from primordial nature that is (thus) presided over; innumerable are the things named kalpas, and innumerable the Grandfathers.
AI translation rendered from the Sanskrit, not a published edition
LiP 4.55
हरयश्चाप्यसंख्यातास् त्व् एक एव महेश्वरः प्रधानादिप्रवृत्तानि लीलया प्राकृतानि तु
harayaścāpyasaṃkhyātās tv eka eva maheśvaraḥ pradhānādipravṛttāni līlayā prākṛtāni tu
The Haris too are innumerable, but Maheśvara is one alone; the things of nature that have issued from primordial nature and the rest are (produced) in play.
AI translation rendered from the Sanskrit, not a published edition
LiP 4.56
गुणात्मिका च तद्वृत्तिस् तस्य देवस्य वै त्रिधा अप्राकृतस्य तस्यादिर् मध्यान्तं नास्ति चात्मनः
guṇātmikā ca tadvṛttis tasya devasya vai tridhā aprākṛtasya tasyādir madhyāntaṃ nāsti cātmanaḥ
And that activity of his, of that God, consists of the guṇas and is threefold; but for him who is beyond nature, for that Self, there is no beginning, middle or end.
AI translation rendered from the Sanskrit, not a published edition
LiP 4.57
पितामहस्याथ परः परार्धद्वयसंमितः दिवा सृष्टं तु यत्सर्वं निशि नश्यति चास्य तत्
pitāmahasyātha paraḥ parārdhadvayasaṃmitaḥ divā sṛṣṭaṃ tu yatsarvaṃ niśi naśyati cāsya tat
Now the higher (span) of the Grandfather is measured as two parārdhas; and all that is created by him by day perishes at his night.
AI translation rendered from the Sanskrit, not a published edition — the model flagged this verse as uncertain
LiP 4.58
भूर्भुवःस्वर्महस्तत्र नश्यते चोर्ध्वतो न च रात्रौ चैकार्णवे ब्रह्मा नष्टे स्थावरजङ्गमे
bhūrbhuvaḥsvarmahastatra naśyate cordhvato na ca rātrau caikārṇave brahmā naṣṭe sthāvarajaṅgame
Bhūr, Bhuvaḥ, Svar and Mahas perish there, but not what is above; and at night, when the movable and immovable have perished, in the single ocean Brahmā —
AI translation rendered from the Sanskrit, not a published edition
LiP 4.59
सुष्वापाम्भसि यस्तस्मान् नारायण इति स्मृतः शर्वर्यन्ते प्रबुद्धो वै दृष्ट्वा शून्यं चराचरम्
suṣvāpāmbhasi yastasmān nārāyaṇa iti smṛtaḥ śarvaryante prabuddho vai dṛṣṭvā śūnyaṃ carācaram
— slept upon the waters; therefore he is called Nārāyaṇa. Awakened at the end of the night, seeing the moving and unmoving world empty,
AI translation rendered from the Sanskrit, not a published edition
LiP 4.60
स्रष्टुं तदा मतिं चक्रे ब्रह्मा ब्रह्मविदां वरः उदकैराप्लुतां क्ष्मां तां समादाय सनातनः
sraṣṭuṃ tadā matiṃ cakre brahmā brahmavidāṃ varaḥ udakairāplutāṃ kṣmāṃ tāṃ samādāya sanātanaḥ
then Brahmā, best of the knowers of Brahman, set his mind on creating; and the eternal one, taking up that earth submerged by the waters,
AI translation rendered from the Sanskrit, not a published edition
LiP 4.61
पूर्ववत्स्थापयामास वाराहं रूपमास्थितः नदीनदसमुद्रांश् च पूर्ववच्चाकरोत्प्रभुः
pūrvavatsthāpayāmāsa vārāhaṃ rūpamāsthitaḥ nadīnadasamudrāṃś ca pūrvavaccākarotprabhuḥ
established it as before, having assumed the boar's form; and the Lord made the rivers, streams and oceans as before.
AI translation rendered from the Sanskrit, not a published edition
LiP 4.62
कृत्वा धरां प्रयत्नेन निम्नोन्नतिविवर्जिताम् धरायां सो ऽचिनोत्सर्वान् गिरीन् दग्धान् पुराग्निना
kṛtvā dharāṃ prayatnena nimnonnativivarjitām dharāyāṃ so 'cinotsarvān girīn dagdhān purāgninā
Having with effort made the earth free of hollows and elevations, he heaped up upon the earth all the mountains that had earlier been burnt by fire.
AI translation rendered from the Sanskrit, not a published edition
LiP 4.63
भूराद्यांश् चतुरो लोकान् कल्पयामास पूर्ववत् स्रष्टुं च भगवांश्चक्रे तदा स्रष्टा पुनर्मतिम्
bhūrādyāṃś caturo lokān kalpayāmāsa pūrvavat sraṣṭuṃ ca bhagavāṃścakre tadā sraṣṭā punarmatim
He fashioned the four worlds beginning with Bhūr, as before; and then the Lord, the creator, again set his mind on creating.
AI translation rendered from the Sanskrit, not a published edition